|
|
 فتحنا بيت الترحيب
|
بعد دخولي مباشرة وجدت ان هناك مساهمات عصية على التأجيل فتم تأجيل فتح بيت الترحيب ألآن فتحناه الرجال بي هنا والنساء بي هناك ولا ترحيب من الاطفال المشاغبين والما بيرحب بي في ترحيب ابوهو مابجي ويا علي عوض وعوكش وعادل الوسيلة وجمىع المعذون في الارض وبيوت الاشباح ويا جماعة لندن عادل مانديلا ومحمد ابوقصيصة والاخوة الكاوبويات بقيادة تماضر والموصلي وروؤف جميل وجمعة كندا دراي ،،كمال شيبون وعلوية وعمر الخير وسليمى وكل الادقاء في المنبر الحر المؤصل وفي المهاجر والشتات والداخل ،،،تنبيه :سينتهي الترحيب بعد الآذان وإكتمال المراسم ولا اراكم الله ترحيبآ في تعيس [إنت ويدوم غيرك]لديكم
|
|
 
|
|
|
|
|
|
|
|
Re: فتحنا بيت الترحيب (Re: أبو ساندرا)
|
التحيات النواضر
اهلا بك في بيتك وبيتنا وبيتهم اعتقد ده اول ترحيب بيك
ومتوقع منك ان تكون ورد البورد بدون منازع
ولسة في كلام بس انت اندرش وانكرش وطلع لينا من بيت الكلاوي
لك المدى
| |
|
|
|
|
|
|
|
|
|
Re: فتحنا بيت الترحيب (Re: ahmed akasha)
|
اهلآ عوكش ماصهينت لكن كنت ابحث عن محمد لتاكيد العنوان والذي لديك صحيح بيدو انو المشكلة في حتة تانية ،،،والولد علي عوض لم يرحب بي حتى الآن حذره والسلام
| |
|
|
|
|
|
|
|
|
|
Re: فتحنا بيت الترحيب (Re: Elmosley)
|
شكرآ جزيلآ هدهد واوعدك بان ابذل جهدي لأكون إضافة جادة لهذا المنبر الثر ،،،،ويا أحمد عكاشة اياها المحرية فيك ،،،،أبو الزفت ذاتو شكرآ والوعد رعد ،،،،وياأمدرماني انت وامدرمان كلها في العين ،،،،ويا ممصلي نعول عليك كثيرآ عشان تشيل كتف الغنا الميل هناك في الخرطوم ربيع عبدالماجد والصافي مهدي بيعملوا مزيكة تنضح جمال وحاأسعى لتزويدك بعناوينهم للتواصل مع الحركة الإبداعية في الداخل وفتش معاي عن خالدة الجنيد وكل المحبة
| |
|
|
|
|
|
|
|
|
|
Re: فتحنا بيت الترحيب (Re: almulaomar)
|
ابو ساندرا
مرحب بيك
شفت من قلت النسوان بي هنا والرجال بي هناك
مرة واحدة ماجات حايمة
اها انا جيت وانجعصت في وسط الرجال
اصلو كرهتي في الدنيا حيطة الديوان
| |
|
|
|
|
|
|
|
|
|
Re: فتحنا بيت الترحيب (Re: الجندرية)
|
ألجندرية،،،معك كل الحق في عدم الجية بي هناك ،وكذلك نحي إصرارك على كسر حيطة الحريم والديوان وفتح كل البيت متكأ وراحة للجميع ،ومرحبآ بك بيننا أخت رجال معززة مكرمة ،وشكرآ جزيلآ.
| |
|
|
|
|
|
|
|
|
|
Re: فتحنا بيت الترحيب (Re: أبو ساندرا)
|
ابو ساندرا بداية داخل شمال كدا وماعرفنا الحاصل شنو المهم بكل اسف ماعرفتك رقم ذكر اسمى عادل الوسيلة اى امبدويات ضكن مجموعة المعذبون فى الارض وعارف انا مع ناس كندا الاساتذه سليمة وعم عمر الخير وكمال شيبون وعلوية انا بطل يومى سريع لكن السبت والاحد بتركيز اكل العيش صعب
المهم بنرحبيك كتير فى حوش الرائع بكرى ولى قدام
| |
|
|
|
|
|
|
|
|
|
Re: فتحنا بيت الترحيب (Re: امبدويات)
|
أمبدويات بكتبتها صاح] العزيز عادل يا وسيلة ،،كم وكم نشتاقكم ،شكرآ على الترحيب المتاخر برغم المناشدة ،،كل التحايا والحب للصنديد عمر الخير والقائدة سليمى وامل والشفيع وراندا وقول لشيبون وعلوية الى متى هذا الغياب التحايا لهم وياريت لو زودتنا بالعناوين ،،والصلعة شنو يا ولد اوعى دى تكون آثار الدقة معليك ليهم يوم.
| |
|
|
|
|
|
|
|
|
|
Re: فتحنا بيت الترحيب (Re: almohndis)
|
اهلا بك يا ابساندر
والقرنفلات الاربعة ، وانت تعيد لنا "الرجا" فى البلد
وتذكرنا بجمال تفاصيله
وتحرضنا على تخيل القادم المزدهى عشقا
متبرجا بالازدهار
البيت بيتك
وتطلع من دارك يقل مقدارك
| |
|
|
|
|
|
|
|
|
|
Re: فتحنا بيت الترحيب (Re: أبو ساندرا)
|
سلام يا عزيزي أبو ساندرا
أخوك أيضاً من الجدد فى المنبر
أتمني لك أقامة طيبة بين الأهل هنا
أنور
----------------------------
"النصح ثقيل فلا ترسله جبلاً, ولا تجعله جدلاً
الحقائق مرّة فأستعيروا لها خفة البيان"
| |
|
|
|
|
|
|
|
|
|
Re: فتحنا بيت الترحيب (Re: AnwarKing)
|
سلام ابوساندرا
المهم لو انت الزول الخاتى فى راسى ساكن تقريبا الديم وكان يسكن مع الريس مانديلا وعلى العوض والشلة وكنت لما اجى من اسكندرية بقضى ايام معاكم وتقريبا انت الان فى قطر
عرفت ربطك لناس مانيلا وابوقصيصة فى لندن وناس كندا عمر الخير وسليمة والشفيع وامل ورنده وطبعا رنده تزوجت وهى سكرتير الاجتماعى لاتحاد الشباب السودانى بتورنتو كندا تزوجت السكرتير العام للاتحاد يوسف عملو حكاية اصحبنا ناس الرابعة بامبده عمنا رابطة الخرجين والطلاب بالرابعة قام السكرتير المالى فيصل شبو تزوج الرئيس نازك احمد عبد القادر ومحمد سليمان السكرتير الثقافى تزوج تهانى ولو ناس الامن ماعتقلوا البقية وطاردوهم كان بالرنامج مدور
بس المحيرنى فى الموضوع كمال شيبون وعلوية تعرف من وين ديل ماكانو فى القاهرة المشكلة لو مابقيت من قطر يكون الموضوع اتعقد
| |
|
|
|
|
|
|
|
|
|
Re: فتحنا بيت الترحيب (Re: امبدويات)
|
بسبب وعكة طارئة فاتني واجب رد التحية والترحيب فعذرآ,,وشكرى الملا عمر ترحيبك ودوود لاينسجم مع اسمك ،،ويا المهندس زهرتك اجمل ولكني اخترت الاحمر من بين الالوان،،،وتماضر فاكهة المنبر هن ست سويتيهن اربعة انه زمن التنزيلات والتنازلات ،،،انور ياملك ترحيب متبادل وياريت نبقى جيران ،،،اوبدويات هو انا ذاتو واذكر كان ياتي معك شاب موفور اليقين بالانتصار مقيم في السعودية وان لم تخني الذاكرة اسمه بهاء الدين ،،صحيح المجموعة كلها من القاهرة ما عدا شيبون وعلوية وهما زميلا عمل وعلوية هذه ارجل من عرفت التحية لهما.
| |
|
|
|
|
|
|
| |
أبو ساندرا
أبوالزفت
Elmosley
almulaomar
الجندرية
امبدويات
Tumadir
AnwarKing
moniem2002
فيس بوك
تويتر
انستقرام
يوتيوب
بنتيريست