|
دعواتكم لزميلنا المفكر د.الباقر العفيف بالشفاء العاجل
|
|
 Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
عنوان البوست :سحب باسوردات آل قدورة بسبب مداخلات شهيد قدورة
كاتب البوست : علي عثمان
حالة البوست : مسحوب
حالة الكاتب : الفصل
Quote: في إتصال هاتفي من صديقي شهيد قدورة , علمت أن بكري أبو بكر قد قام بسحب باسوردات بالجملة لكل من:
1- شهيد قدورة (Shaheed Gadora)
2-أمل قدورة (aml gadora)
3- ناصر قدورة (nasir Gadora)
و الواضح أن السبب وراء سحب الباسورادت هي مداخلات شهيد التي لم ترق لصاحب الحوش أو ربما لبعض الأعضاء..
بالرغم من أن مداخلات شهيد قدورة لم تتجاوز اللائحة المنظمة للمنبر .
و الغريب في الأمر أن كل من يحمل لقب قدروة قد عوقب بسحب باسورده بدون تدخلهم إيجابا أو سلبا في الموضوع
البوستات التي تمت فيها مداخلات شهيد
لعناية أعضاء منبر سودانيز اونلاين / خضر حسين خليل
الي اللقاء صديقي (المتصفح) خضر حسين خليل في فضاءات ارحب
و أكتب هذه البوست و أنا أتوقع سحب باسوردي نتيجة لهذا البوست.
|
| |
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
الشاهد
أن بكري أبوبكر ، سيد الحوش
قرر فصل أو إيقاف بعض الأعضاء
مباشرة دون أن ينشر الحيثيات
ودون أن يسبق قراره تنبيه ثم إنذار وفقآ للائحة
تم فصل/ إيقاف هشام هباني ، وهو من أعمدة المنبر العام ، دون أن نعلم
اي دون ان يعكس الامر هنا
تلى ذلك ايقاف او فصل خضر حسين على خلفية تداخل مع تراجي ورجاء
وقد شرحت الاطراف الثلاثة { خضر تراجي رجاء } الامر
وشرحهم يؤكد ان الموضوع عادي ولا يستحق بموجبه شطب اي منهم
وفصل خضر
في سياق موضوع فصل خضر حسين خليل تراشق شهيد قدورة مع اساسي
تراشق من رشاقة
ورغم عدم قبولي لإحتدامات شهيد بإزاء اساسي
لكن الموضوع لم يكن يرقى إلى الفصل او أي عقوبة أقل
فصل شهيد إنداح وفصل ناصر وفصلت أمل
والسبب كما علمت من امل هو سؤالهم لبكري
وبكري قال ان ثلاثتهم شخص واحد { أمل ، شهيد ، ناصر }
بدليل أن الآي بي واحد
بالمناسبة ، الأشقاء الثلاثة بيكتبوا من كمبيوتر واحد في بيت واحد
هو بيت الأسرة الذي يضمهم في ليبيا
تدخل صديقهم وود جيرانهم وزميلهم علي عثمان
وكتب البوست أعلاه
وتم سحب البوست
وسحب باسورد علي عثمان
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
ابوساندرا
نموذج حي لبورداب قطر
لاادري هل هم متخلفين لانكم فى قطر ام قطر متخلفة لانكم فيها
انت اخليت باول بند في لوائح وقوانين البورد
تجده في الاقتباس ادناه
| Quote: يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر |
هذا البورد اضحى جمهورية ديموقراطية حقيقية والقوانين تسري في الجميع
اي زول مشترك يقرا اللاائحة كويس
والجهل بقوانين المنتدى لا يعفي من المساءلة
لو عندك حاجة عن الديموقراطية وثقافة المجتمع المدني وتطوير الاحزاب السودانية والانتخابات قدما لينا نشوف بضاعتك 2008
ما عندك حاجة
ما تقعد تولول علي ناس عارفين ان المادة الاولى قي الاعلان العالمي لحقوق الانسان
انا كل انسان له عقل وضمير
وكمان مسؤل عن نفسه
وهسه تدخلك السافر في امر الادارة يشكل ادانة لك..
ونريد ان نرى امر الله فيك....
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: كمال علي الزين)
|
Quote: في سياق موضوع فصل خضر حسين خليل تراشق شهيد قدورة مع اساسي
تراشق من رشاقة
ورغم عدم قبولي لإحتدامات شهيد بإزاء اساسي
لكن الموضوع لم يكن يرقى إلى الفصل او أي عقوبة أقل |
يا زعيم الاسافير
تصدق السبب ما (تراشقه) معاي
بل مداخلاته في بوست بكري ابو بكر يركب وش اسد حيث قام بكري بحزف بعض مداخلاته هناك
وايضا في بوست شوشتا عن الاخ خضر حيث قام بكري بحزف مداخلاته هناك
بينما لم يتم حزف اي مداخلة له في بوست
الطراشٌق
نتمني عودة ناصر وامل قدورة
كما نتمني عودة شهيد
وعودة خضر حسين خليل
وكلهم
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
العزيز ابو ساندار
تحية طيبة
عظم الله اجر الجميع
والفيكم اتعرفت يا ناس قطر...
Quote: امر الله أكان الموت ، إستفغر الله
وأكان البشتنةفما أظن ح تشوف فيني يوم زي ده |
.............................
اما امر البشتنة
هي اصلا حاصلة من 1956 بس انت ما حاسي بيها
والشاعر قال
الماسي كثيرة حاصلة
والمكضب يلاقي بوليس السواري
بخصوص لوائح البورد
فهي تقود للديموقراطية الرشيدة وترتقي باداء الناس..الي حياة الفكر والشعور..بعيدا عن الابتزال والبلطجة الاسفيرية...
لمن تعرفو ان عندبكري بعد ده كبير الجمل...البورد اضحي يشكل واجهة حضارية للسودان اي زول ما داير يكون في مستوى السودان يركب الظلط وفي رواية اخرى الردمية...
كل زول يضبط نفسه وكتاباته وفقا للائحة...والما عاجبو يمشي وفي صمت ايضا حسب اللائحة ...
ونحن عاجبانا ديكتاتورية سودانيز اون لاين الرشيدة
وامر الله المتمني ليك
القاك في الخور مع بوستك ده
والخور دي مدينة في قطر وفي رواية فريق كورةمهبب زي الهلال
سلم لينا علي القرضاوي...
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
سلام يابكر ...
نحن عايزين نساعدك ياريس ، قلنا ندفن معاك ، تدس المحافير !
اقصد يابكري اننا نكتب هنا في سودانيز اونلاين (حقك ده) ونحن علي علم باننا صُغنا وجدلنا معك بالالف المشاركات والفعاليات هنا وهناك علي الانترنيت وعلي الورق وهناك في الخرطوم هذا الموقع ، ولنا كذلك مساهمتنا السالبة في شكله الكريه الحالي ، نشارك ونحن بوعى ودراية تامة بالشكل الذي وصل اليه المنبر من تهافت وغث ، كتابات اضعف من الضعف ذاته آراء اكثر من متخلفة ومهزومة وإسفاف ديني وعمى ومغالطات ومعلومات زائفة وكذب وإدعاءت ... تخيل لو إستمر منبرك وموقعك علي هذا الحال ! هل يرضى طموحك ! حتي ولو نزل عليك الزائرين كالمطر ، لو سكن فيه كل السلف وزاره كُل مُسلمين الأرض والصالحين ، هل يرضى طموحك منبر خاوي الا من الاسفاف ! ولو در عليك مالاً ونخلاً وزرع !؟
أي سودانيين هنا يابكري؟
الحضيض يا بكري ، هذا ماستقودنا اليه ساقانا لو لم تنتبه الي عضويتك وطريقة تفكيرها ومجموعة الأراء واللغة التي تقدمها وتضيفها في حصة السودان من بيانات الإنترنيت ، عليك ان تفتح ضؤ عينيك وتنظر إلي النوع المقدم ، الي نوعية اعضاءك وكتابك وان لا تتأثر بضغوطات العقول المغلقة والحلول السريعة المستعجلة !
مازلنا نكتب يا بكري أملاً في سودانيز اونلاين ….
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: Ahmed musa)
|
Quote: ابوساندرا
شكرا لك علي تضامنك مع ال قدورا بعد احالتهم للصالح العام
وايه الدنيا غير لمة ناس في خير
كما لا يفوتني ان اشكر جميع الزملاء الاكارم
التوقيع
بشير محمد محمد صالح قدوة
|
يا بشير قدورة دا شنو العملتوا دا...؟ انت يا ود فاشل فى علوم التأمين و لا شنو؟
تضرب روحك للاعداء عشان يقلعوا اخر باسوير خاص بـ ال قدوره و لا شنو؟
يا بكرى ابوبكر لا معنى لكل الذى يحدث هنا... حدثتونا عن الديمقراطية و ساعدتم فى فضح جرائم
النظام فى محاولات تكميم الافواه فهل تغفل عن ذلك لتقع فيه بنفســك.
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
أبوساندرا ,, مساك الله بالخير ,, وانشاء الله أمبارح الكيمياء جابوها ليكم ساهله ؟؟
حقيقة أندهشت كثيرا عندما علمت بايقاف (الجمله) لال قدوره ,, وبرضو حتى الان مجرد
تكهنات بسبب الايقاف ,, أنا بتخيل لى بكرى قاعد يسيق فى بيان توضيحى حينشروا لينا
فى القريب العاجل ,, يفسر لينا الحاصل ده ,, لانو مامن عوائد بكـرى التعتيم وحجـب
الحقائق .
فحتى يصلنا البيان رقم واحد أقول لك أخى شهيد وأختى أمل وأخى ناصر , صبرا أل قدوره
فموعد لقاءنا بكم قريب .
أما الاعزاء خضر وهبانى فحتما عائدون فقط لان بكرى هو أول من يفتقدهم , فلنستعد ونجهز
لبوستات الترحيب .
| |
|
|
|
|
|
|
|
|
أبو ساندرا
البخلي بكري جزار مع آل قدورة
و محسن مع محمد E سليمان شنو ؟!
و لا العتب على النظر ، رفعناها ليك قلنا يمكن ما شفتها !!
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
عملتو شنو ياشباب فى موضوع النقابه..
وبمناسبه النقابه خرمنا للعمل النقابى ده..يوجد شباب سودانين يعملون فى شركه كبيره فى خطوط تجميع الكمبيوترات ,وتستفل تلك الشركه(المصنع)آلاف العمال ,بأجر زهيد جدا وساعات عمل طويله تصل الى12ساعه يوميا ,وقوفا على الأقدام وفيها فترتى راحه 45 دقيقه و 15وتزاد الى ساعات العمل وليس خصما عليه..
المهم أنا جادى فى الإلتحاق بالمصنع فى الأجازه..لتكوين نقابه مع هولاء العمال وبالمناسبه معظمهم من المهاجرين ..
عشان كده خايفين..والإداره مستغله الوضع باسواء ما يكون..
......
فوق عشان الموقوفين فرادا وجماعات
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
جاء في البريد ( و الشمس سجمانة ) ..
أنه من خضر حسين خليل و انه : Quote: ( محل إشتهيتك لقيتك عشم ) .
هكذا ماسكتني البنت إياها ..... وأنا أحمل ما أحمل من تفاصيل وهموم الحياة التي لا تنتهي ..... إستلفك فاطمة فتعالي صاحبتي لتقوليها عني ( محل إشتهيتكم لقيتكم عشم ) ... فشكراً لشعب سودانيز أونلاين وللقراء الكرام الذين أتحفوني برسائلهم الأنيقة والمهذبة والمليئة بالأحلام المشتركة وأولاها وطن ثم من ؟
حاجة عجيبة أن تأتي يا صديقي لتشكر الناس وتودعهم وأنت لا زلت علي قيد الحياة تعيش وسطهم ،، تتنفس من ذات الأوكسجين الذي يغشاهم .... وفي الأمسيات تذهب لذات المشاوير التي كنت تمشيها .
مكرر هو الدماغ في حركته
مكررة هذه الحياة , عاشها آخرون قبلنا ,,,, ثم ذهبو ليمسخو للآتين من بعدهم ,,, وأنا أولهم
مكررةً لدرجة إني أعتقد وأجزم بأنو (صحتي عال العال) يعني لا مضاعفات حدثت لا إستباليات لا لالالالا, ,,, بل رأيتني ومنذ الأمس أقرأ مسيرتي وما قدمته في تلك البلاد الإفتراضية ( وطن من لاوطن له ) سودانيز أونلاين .
قرأت ياصاحبي فضحكت وإنتشيت وبكيت وكوركت . وأنشدت كلاماً في سري .
حاجة عجيبة ان تدخل في معركة ياصاحبي لتنتصر لقناعاتك ويكون السبيل أن تهزم وجودك في بيئة محددة .... وأنا كما قلت لك في التلفون عنيد تجاه ما أقرر لدرجة إني خليت ( المسائل إياها ذات قعدة مع روحي راس ) .
القعدة طبعاً في الشفاهة السودانية من المفترض إنو الواحد ما يمرق منها إلا بي ضحكات مجلجلات وأغاني ثورية حال تكون القعدة خاصة لمثقفين ثوريين وبالمناسبة أينهم من ( الآخر والرآي الآخر ) حاجة عجيبة ياخي ؟
( يشغلوك بالقرمصيص
ولما تبرا الدارة و تبشر
همّ يختطفو العروس ) .
أعلاه ماصاغه حميد الموجوع وأظنها تروي مأساة ماحدث وما يحدث ولا إله إلا الله .
عارف ياعماد : لو في سياسي سوداني بفكر صاح كان خلق برنامج بتاع ( سودان ) بمعني إنو تناضل لأجل إخيك الإنسان أو أختك الإنسانة ... تناضل من أجل إنو تطرد من جواهو ( شبحو ) الكعب تناضل من أجل إنك تنصحو وتقودوا للإتجاه الصاح تناضل من أجل إنو ( لا يواقع حظه ) .
تناضل ياصاحبي من أجل أن نقتسم مع الآخرين وردة الحياة ( غايتو ماعارف لكن عارفك حتقول في سرك الزول دة شارب عرقي رومانسي ولا شنو ) وذاك ما كان من أمر الورود .
إلتفاف الناس كان عظيماً حولي وحول ( هباني وآل قدورة ) لدرجة إنني قرأت في سري فاتحة مظفر النواب ( علي الشهداء وجيش الروم في حلب ) عظيمون هم أؤلئك السودانيين جميلون ياخي لدرجة عجيبة .
كاتبتني فاطمة وهي صديقة ولا أعز أرسلت لي إيميل - سأشاور نفسي في إرفاقه لك - حدثتني وحدثتني عن الصمود واليقين والوقوف والـ ........ ياخ هذه الزولة مدهشة ومعبرة بطريقة تحير البني آدم .!!
فمن أكون أنا ؟
أنا لست سوي زول يحاول الحفاظ علي قناعاته البسيطة في الحياة قناعاته في الآخر وإن تمثل في ( إبليس ) علي قول ذلك المعلم الذي كان يمهد لإدخال الآخر في دواخلنا !!
ومن يومها لم أعد أنظر للحياة سوي من جانبها الذي يود البقاء .
مخطئون ياصاحبي من يطالبون بعودتي لواقع عشت فيه خمس سنوات إعتقد إنهن ( ماعجاف ) فما خرجت منه بغير ذي يزن ,, لكنهم لا يعلمون عنادي , لايعلمون إني قرفان وحزين وموجوع ,, ما يحزنني إني لن أستطيع جبر خاطر أؤلئك الناس إذ إني خضر ولا وحي معي ,, براي إتخذ قراراتي العجيبة من واقع قراءات محددة إكتشفت إني صرت أغرد خارج مضارب القوم آتي للمنبر وأقرأ ماتيسر وأخرج ( إذ لم يعد في جراب المواقف الكثير ) . فسودانيز أونلاين إحتملتها حضوراً فلتحتملني غياباً ياصاحبي ,,,, تحتمل غيابي كزول كان همو كلو يعمل حاجة ليس الا كزول حاول ( يتش عين الضلام بالضو ) ليس الإ .
أما الناس فموعدنا قدام , أما المعركة فتظل باقية طالما كان هناك جنود ( وجنديات ) هل تلاحظ ياصاحبي إني قلت جنديات ... دة عشان الجندر .... الجندر...... الجندر .... الجندر .......
عندنا لغة جميلة يا صديقي .... لكن لامين نجي للجندر بنلقي إنو مافي تمييز أصلاً لإستخدام المفردة دي حيث إنو ( الناس والإناث ) سواسية كأسنان المشط , والمضحك إنو ثلثي حروف التمييز عندنا فيما يخص الجندر تعني اللعاب لا أكثر ولا أقل .. وسل صاحبنا ( موسي ) عن الــ ( جند ) .
( وليغفر اللهم لمن أورثونا إضافة للهزائم مثل تلك اللغات المسيلة ) .
.........
وليتأمل الناس قليلاً لحركة الشارع السوداني الذي مافيه شئ من لغة المنبر ( عنصرية وجلابة وجلاليب ) تلك لغة يا صاحبي لا محل لها من الإعراب في قاموس شعبنا .
ختاماً :
رجعوا الناس قدر قدرتكم لجادة ( الجمال ) .
وأحبك ياخ
ملحوظة :
بالرغم من .............. قاعد بستمع لي وردي زي الترتيب إذ يغني ( زمان كنا بنشيل الود ) أتمني أن يعي هو الآخر إنا ننام ونصحو علي صوته !!!
وسلم لي عليهم جملة ..
حتي اللسة قبل الخلق والتكوين
صناع الحياة اليوماتي
ملح الأرض نبض الشعر والموسيقي والتلوين .
خضر
|
سيكتب خضر .. فهو لا يملك من أمر الكتابة إلا السمع و الطاعة ..
هنا و هناك و حيثما سمع يصيخ و عقل يتمرد و اناس يحتاجون .. و جمال .
.. سيكتب .
حيث لا خسران إلا خسران الكيل ..
و نحنا يا الحيطة القصيرة .
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
أبو ساندرا ,, شنو الحكايه ياصاحبى ,, كلامى حرقك قدر ده ؟؟
يأخى عشان عوده أل قدوره كل زول عندو أسلوبو .
هسه عليك الله أمل قدوره كان قرأت كلامك ده مابتزعل منك ,, كل
شـيخ وليهو طريقتو ,, هسه بكرى ذاتو يمكن عاجباهو الصوره دى ,,
خلينى أنا وبكرى ,, أنت رأئك فى الصوره شنو ؟؟
| |
|
|
|
|
|
|
|
|
|
Re: الفصل التعسفي .. سياسة جديدة في المنبر العام... آل قدورة و خضر وهباني رؤوس قد أينعت وقطفت (Re: أبو ساندرا)
|
Quote: أبو ساندرا ,, شنو الحكايه ياصاحبى ,, كلامى حرقك قدر ده ؟؟
يأخى عشان عوده أل قدوره كل زول عندو أسلوبو .
هسه عليك الله أمل قدوره كان قرأت كلامك ده مابتزعل منك ,, كل
شـيخ وليهو طريقتو ,, هسه بكرى ذاتو يمكن عاجباهو الصوره دى ,,
خلينى أنا وبكرى ,, أنت رأئك فى الصوره شنو ؟؟ |
كمال بيه سالم متجرسا
| |
|
|
|
|
|
|
|
أبو ساندرا
كمال علي الزين
Hussein Mallasi
A.Razek Althalib
Nasir Ahmed Elmustafa
Emad Abdulla
محمد مكى محمد
adil amin
اساسي
Nasruddin Al Basheer
محمد أبوالعزائم أبوالريش
Ibrahim Algrefwi
خدر
عبد الرحمن الطقي
بشير محمد محمد صالح
Ahmed musa
abubakr salih
Raja
Abdel Aati
عاطف عبدون
احمد التجانى احمد
كمال سالم
Alfarwq
طارق عبد اللطيف نقد
وائل طه محى الدين
معتز القريش
فيصل محمد خليل
Omar Bob
Ishraga Mustafa
mahitab barakat
فيس بوك
تويتر
انستقرام
يوتيوب
بنتيريست