دعواتكم لزميلنا المفكر د.الباقر العفيف بالشفاء العاجل
|
|
 الدولة في جيب الحزب
|
مكثت في البيت - مضطرآ - الأسبوع الفات وحتى الأمس
فتعمدت متابعة القناة الفضائية السودانية
فوجدتها تبث إرسالها من داخل المؤتمر الوطني
وجدتها تنقل المؤتمر الصحفي لرئيس المؤتمر الوطني كاملآ
ولم تكتف بإذاعة لقطات وفقرات منه ،
لم تفرق القناة المتوضئة بين البشير رئيس المؤتمر الوطني واالبشير رئيس الجمهورية
والمشير قائد القوات المسلحة
وأجريت مقابلات عديدة مع قادة المؤتمر الوطنب ، بصفتهم تلك
نسأل
هل لو كان ذلك المؤتمر هو مؤتمر الحزب الشيوعي ، هل كانت افضائية السودانية
ستعامله كما عاملت مؤتمر المؤتمر الوطني ، بالتأكيد لن يحدث ذلك
ولكون الحزب الشيوعي لن ينعقد مؤتمره حتى لا يحرج حزب الدولة أو دولة الحزب
فدعونا نتركه في غيبوبته الطويلة
ونضرب مثلا أخر أقرب للواقع
فلو كان المؤتمر هو مؤتمر الحركة الشعبية فهل كان سينال نفس الحظ
وتكرس له القناة كل الوقت ، علمآ بأن الحركة عقدت عدة مؤتمرات لم تحفل بها قناة الحزب
قناة المؤتمر الوطني المسماة زورآ وبهتانآ بالفضائية السودانية
والدولة والوطن منها براء
الشاهد أن المؤتمر الوطني قد إختطف الدولة
بغضها وغضيضعا
وجيشها وإعلامها وخدمتها المدنية
وبترولها وأموالها
ومازالت نيفاشا حبرآ على الورق
ومازلت الحركة الشعبية حردانة
ولا تقرن حردانها بالعمل
وتنشيء قناة فضائية تنقذنا من قناة الإنقاذ الوطني
|
|
 
|
|
|
|
|
|
|
|
Re: الدولة في جيب الحزب (Re: أبو ساندرا)
|
فلو كان المؤتمر هو مؤتمر الحركة الشعبية فهل كان سينال نفس الحظ
وتكرس له القناة كل الوقت ، علمآ بأن الحركة عقدت عدة مؤتمرات لم تحفل بها قناة الحزب
قناة المؤتمر الوطني المسماة زورآ وبهتانآ بالفضائية السودانية
والدولة والوطن منها براء
well said
thanks
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
تحية للمناضل مصطفى محمود
و
شهد مجل شورى المؤتمر الوطني ، المسمى زورآ وبهتانآ بالمجلس الوطني { البرلمان }
مداولات تتعلق بقانون القوات المسلحة
ذلك القانون الذي عدل مسودته باليل
وكان مقترح التعديل هي رئاسة الجمهورية
أو بالأحرى رئيس الجمهورية شخصيآ
أتعرفون لماذا ؟
التعديل :
أقتراح تعديل المادة التي ذكرت أن رئيس الجمهورية هو القائد الأعلى للقوات المسلحة
وهذه المادة مضمنة في كل دساتير الأنظمة الجمهورية وحتى الملكية
حيث يكون هناك قائد عام للقوات المسلحة يتولى القيادة المباشرة
وطبعآ بيكون عسكري محترف وهو الأعلى رتبة في الجيش
أما قيادة القائد الأعلى ، رئيس الجمهورية فهي قيادة محدودة في حالات محددة
منها حالة إعلان الحرب
التعديل الذي تقدم به المشير الرئيس
هو أن يتولى رئيس الجمهورية القيادة المباشرة للجيش
أي القيادة الفعلية ، أي { برضو } مسئوليات القائد العام
ومعروف أن الوضع الحالي هو هكذا ، رئيس الجمهورية هو قائد الجيش
ورئيس الجمهورية عو رئيس الحزب الحاكم
وبالتالي فإن قائد الجيش هو رئيس الحزب
ودي سابقة لم تحدث في تاريخ الجيش
حتى جعفر نميري كان قائد اعلى بإعتباره رئيس الجمهورية
ولم يتولى قيادة الجيش المباشرة كقائد عام إلا في فترة محدودة جدآ
فلو بكرة فاز الحزب الشيوعي وفاز نقد برئاسة الجمهورية
فهل يحق له - وفقآ لتعديل البشير- ان يقود الجيش كقائد مباشر/ قائد عام ؟
الجبيش في جيب المؤتمر الوطني
ونواصل
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
يا أبو ساندرا ياأخي إنت في إنو التلفزيون ينقل
تفاصيل مؤتمر الحزب الشيوعي العملاق ، ولا المؤتمر
يقوم من أساسه ..
يا أخي خلي مؤتمر الحزب ينعقد ، وليك علي أنا ببثه
ليكم ..
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
تحية للوجية طلال عفيفي
Quote: يا أخي خلي مؤتمر الحزب ينعقد ، وليك علي أنا ببثه
ليكم .. |
كان كده ما أظنك ح تبث أي حاجة
والله إلا تبثنا لواعج عواطفك الندية ومشاعرك الخصبة
يا زميل ، إنعقاد الخامس صار كحجوة أم ضبيبينة
الله يخذل اللي كان السبب
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
| Quote: الله يخذل اللي كان السبب |
ابوساندرا كيف حال عيونك؟ ووين الرقابة {الحزبية المكونة من رشيده والبنات الجميلات؟}
ده فى التبادى
فى التانى موضوعك ده وقع لى فى جرح خاصة وانى شغاله فى موضوع {السياسة والصحافة فى السودان} ومتناولة فيهو عدة محاور واول واقعه انطلقت متها هو ليه اول مكان بتمشى ليهو الدبابة الاذاعة؟
هل كانت فى يوم من ايام تاريخ الدكتاتوريات فى السودان انو الصحافة مافى جيب السياسة؟
هل لعبت الصحافة فى فترة الديمقراطيات {على قلتها} دورها كسلطة رابعة؟
هل يمكن ان تلعب الصحفية او الصحفى المحزب دوره دون ان يضعه الحزب فى جيبه؟
ماهو دور الصحافة فى مرحلة الحرب مابعد الحرب؟
شفت كيف يا ابوساندرا بتتلاقح الافكار؟
| |
|
|
|
|
|
|
|
|
|
Re: الدولة في جيب الحزب (Re: Ishraga Mustafa)
|
إشراقة مصطفى :
أي سؤال من أسئلتك أعلاه موضوع تكون الإجابة عليه موضوع قائم بذاته
أسئلة متفرعة من سؤال رئيس هو دور الإعلام وآخر ملح هو الثقافة والسياسة
نسبة لأحكام الرقابة المنزلية في هذه اللحظة
ح أكتفي الآن بإجابة مقتضبة عن السؤال الأول :
Quote: واول واقعه انطلقت متها هو ليه اول مكان بتمشى ليهو الدبابة الاذاعة؟
|
عشان الإذاعة ممكن تلعب دور الناعق أو الناعي أو الصائح في أدب الشايقية
وهي أفضل أداة توصيل في الوطن الحدادي المدادي ، ونسبة لكسل الإنقلابيين وعجزهم عن
إبتكار وسائل توصيل أسرع وأنجع ، تظل السيطرة على الإذاعة هي الواجب الأول قبل السيطرة
على القيادة العامة والقصر الرئاسي
وإمكن السبب الرئيس لفشل إنقلاب رمضان 1990 هو فقد الإتصال بين القوات المتحركة المنفذة
مع بعضها ومع قيادتها خاصة وان القوة المكلفة بالسيطرة على الإذاعة لم تنفذ المهمة
الجبهة افسلامية عرفت اهمية دور الإعلام مبكرآ لذلك اوفدت عدد من كوادرها للدراسة
وتلقي التدريب في الخارج ، خاصة في امريكا - التي دنا عذابها -
ولذات السبب كانت للجبهة افسلامية اكثر من 3 صحف وأظنها خمس في الفترة الديمقراطية
ولاتتورع الجبهة في إستخدام الكذب
الآن يسيطر المؤتمر الوطني على جهاز الإعلام القومي غير عابي بإستحقاقات نبفاشا
الغريب ، زي ماقال أيمن فوق أن الحركة كانت عارفة ومقدرة دور الإعلام في التعبئة
أبان نضالها ضد نظام نميري فأنشأت إذاعة كانت صوت الشعب
لا أعرف لماذا اهملت الحركة الإعلام خاصة في هذه المرحلة المهمة
مرحلة تحتاج لتعبئة خاصة ولتوعية شاملة حتى يتم فضح نظام الجبهة افسلامية وإسقاطه
أعرف سبب تقاعس التجمع عن إنشاء قناة فضائية
ولكني ما قادر أهضم تقاعس الحركة عن ذلك
في ظل سيطرة المؤتمر الوطني على الإعلام القومي لابد من قيام الحركة الشعبية و { بقايا} التجمع
بإنشاء قناة فضائية وطنية تلعب دورها في إشاعة الوعي والتعبئة وفضح نظام الكذبة الفاسدين
| |
|
|
|
|
|
|
|
|
 Re: الدولة في جيب الحزب (Re: طلال عفيفي)
|
يا ابوساندرا
اخبارك واخبار العيون الكاحلات
اتمنى شديد تكون بخير والوليدات كذلك
اما عن تلفزيون الانقاذ فده يا عزيزي وجع مستمر اكثر من 16 سنه ، كان هدفهم وكان تخطيطهم من بدري ولو ما عملوا كده المشروع الرسالي حينجز كيف ؟
زمان الناس في السودان كان بترقبوا اذاعة الحركه والتجمع عشان يكسروا وجع الاعلام الحكومي ويفرقوا مغصة همومهم . لكن الظاهر بعد ما الحركه بقت في نفس السرج بقى لا في اذاعة معارضه ولا صوت يتسمع . انته قايل الناس بتموت الصباح الصباح بالسكته القلبيه والدماغيه من شنو ما من مغصهم وما في خل عندك غير تسمع وتشوف تلفزيونهم .
الله يستر ما يرجعوا في ساحات الفدا ، باقي الايامات دي قاموا على الجهاد تاني .
اما عن مؤتمرنا فوالله زي ما قال طلال عفيفي ، دخلنا في طبقات الارض
وزي ما قلته الله يجازي اللكان السبب ..
لكن النكته الظريفه قاله لي زول زعلان اليوكداك بس سبب دعوة الترابي في دار الحزب ، قالوا عمك ما قال ليهو : اهو عرفته الدرب ابقى زورنا
قال ليهو : اها يا رفيق نشوفك في الخامس!!!!!!!!!!
يديك العافيه وعيونك ديل ما تروح ضوهن في نلفزيون الحكومه ده اخير ليك تشوف (دندنه) اهو سمع وشوف !
لك الود
ايمن السر
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
ابو ساندرا
مرحب بعد غيبة
حسب ما جاء فى الانباء سينعقد المؤتمر العام لحزبكم العريق أول ما تحدد اللجنة المركزية موعده. اوراق المؤتمر جاهزة. كل الترتيبات جاهزة. بس تعقد اللجنة المركزية اجتماع وتقرر مواعيد المؤتمر. بس. بعدين ده مش دوركم فى اللجنة المركزية يا ابوها تسرعوا بالاجتماع فى جنينة السيد على فى بحرى وتحددوا يوم القيامة؟ عفوا يوم المؤتمر؟ صه يا زميل وضع يمينك! فى يدى...
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
الأعزاء أيمن تابر وعادل عثمان
ياشباب ، حيلكم
إنتو فهمتوا إنو كلمة { الحزب } اللفي العنوان مقصود بيها ح ش ؟
ياخ ده ماعندو جيب ذاتو لمن يسرق بيهو الدولة كلها
ده كلو من طلال ، فك غبينتو هنا
واللتي وافقت غبينتي
بل طابقتها
أها النقول ليكم
نعمل بوست تاني عن الكليتون ومؤتمره ووالغول والعنقاء ونرشح طلال عشان يفترعو
هسع نتفرغ للحزب الذي سرق الدولة
إشراقة و فيصل خليل
جاييكم :
| |
|
|
|
|
|
|
|
|
 Re: الدولة في جيب الحزب (Re: خدر)
|
أبو ساندرا
لا تسئلوا عن اشياء ان تبدوا ليكم تزيد غيظكم و نحن معكم
عارف فى السودان ما فى فرق بين الحكومة و الحزب عشان هم قاموا بدرى
و ركبونا التونسية و ليست الحنطور و حنطرونا مرارات لا توصف و لاتحصى و لا تعد.
لك و لجميع من فى المنزل تحياتى .
| |
|
|
|
|
|
|
|
|
|
Re: الدولة في جيب الحزب (Re: tayseer alnworani)
|
يا ابوساندرا
فى لقاء معه بصحيفة الخرطوم عدد الاثنين 10 مارس 2003 العدد رقم 3258 قال البدوى الفاضل مدير البرامج بهيئة اذاعة وتلفزيون الخرطوم وهو خريج بكلاريوس جيولوجيا بحريه من جامعة الملك عبدالعزيز بجده وجاء فى سيرته الذاتيه انه شارك فى جمعية الاصلاح والمواساة بمدينة جده .
سأله المحاور : - انك تتدخل فى مقترحات الآخرين مما يعدها البعض دكتاتوريه
قال لا فض فوه وأخرس حاسدوه قال الآتى : -
بحكم موقعى احسب نفسى مسؤولا مسؤولية مباشره وهى ليست مسؤوليه قانونيه ولكنها مسؤوليه أمام ربنا سبحانه وتعالى وأنا لا أبيع دينى بدنياى
وقال : -
اننى أرى أن الدوله يمكن أن تدفع مقابل الغناء الوطنى والدينى وغناء لحماسه لأنه ينشط الهمم ويكون تربيه ولكن الغناء للعيون السود يبعث على الاكتئاب وارى ان من يغنى الغناء العاطفى عليه ان يدفع ومن وجهة نظرى ان هنالك اوليات ليس من بينها الغناء وهو لا يستحق ان تدفع الدوله له .
تقول لى الدوله فى جيب الحزب ياخى دولة شنو ده مشروع حضارى ومسؤوليه امام الله
| |
|
|
|
|
|
|
|
|
|
Re: الدولة في جيب الحزب (Re: الشفيع عوض شوشتا)
|
Quote: والله أنا شايف أنو الخامس دة نأجل النقاش حولو
ونشوف إمكانية نقوم المؤتمر السادس ... وبعد داك
ممكن نسوي المؤتمر الخامس .. |
Quote: يا زول ارجى الخامس بتاع الحزب ولا ترجى الزول دا ..
عشان كدا صاحبنا عندو حساسية مع (الخمسات) |
هههههههههههههههههههه هاهاه
وااااااااااااااااااااااااكـ
5/ صفر
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
ماقايلك كده يا شوش
خدر وخضر وشوشتا
بطريقتكم دي يوم ح تكتلو ليكم زول
يا شباب ، قلنا ليكم { الدولة في جيب الحزب }
وليس { الحزب في جيب الدولة }
غايتو الليلة ذكرتوني الصديق والزميل الراحل عبدالعزيز حسن محجوب { عزيز عصفور }
كان ملك النكتة المتوج ، وصاحب التعليق الساخر المفوة
وسيد الكرم والذوق والفن ، الشيوعي الحقيقي
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
| Quote: الدولة في جيب الحزب |
أها يا أرخميدس ..
و بعدين ؟؟ الجديد في ده شنو يعني ؟؟
بالمرة كمان قول : عبود ده جنّّ وللا شنو !!!
إنت يا بركوتة البيوديك تعاين التلفزيون شنو ؟
ما تعيا عياك و بس !!
أها الميموري عندك ضرب ..
كده كويس ؟؟؟
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
خدر وخضر
خدر الله ضراعكم وخضر أيامكم
الله ح يوريني فيكم يوم
بإيعاز من طلال إختطفتو البوست
وحولتو وجهتو
مشتاق ليكم إنتو التنتين
وثالث الأثافي أدناه
عماد عبدالله
جيدآ جيت يا يابا
ويارب يوم جيتك يحين
وتحل تملاء المدينة جمال وحيوية
لم يتبق فيها غير السافل فيصل عباس نهاجسه ونوانسه
ونمسك بيهو زمن ، والشتاء طويل
كيف معاك تلك البلاد ؟
جابو لي خبر دبرستك
قلت ليهم: سيخرج منها برائع الأعمال
وحيكون أكثر قدرة على الإبداع
فتأمل ياصديقي حال الوطن المقاوم
وأملأ كأسك وأصبر دقائق
وأرفعه في صحة الوطن
وأكتب لنا بغصن الزيتون
غصن زيتون لونو أخضر يرمز للحب والسلام
والوحدة الوطنية
يا حبيبي وأنت غائب
فاجأتني العيون
والهواجس والظنون
ولولا فيض مشاعر أتاني حتى من تالآ { الأولاد المشاغبين }
لما قرأتك فوق
وكاتبتك هنا
يا حبوب أنا
{ قلبي حباك }
وماتنسى أن ترفع ذاك النخب بصحبة ميرغني عطاالمنان ومصطفى بحيري
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
الشباب جميعا سلام
شايف الزملاء (سمهم فاير) ومعهم حق طبعا
الحكاية طالت بالحيل..وتأكيدات أعمامنا
بأن الخامس سيتم خلال هذا العام واضح أنها
في اتجاه أن تكون تأكيدات (فالصو)......
والأسباب قد لا تخرج من:
1- المالية الكافية لقيام مثل هذا المؤتمر
(أقصد مؤتمر بعد 40 سنة)
2- الطقس السياسي هذه الأيام
** فيا أبوساندرا لك كامل الحق في الامتعاض لو دعمك
المالي لقيام المؤتمر قدر (نقتك دى)...Otherwise
ألزم الصبر (طبعا المقصود الكل)
** أما عن الجو السياسي فلا عذر للقيادة هذه المرة
للتحجج به!!
** ( أرجو أن يكون تخميني صحيحا) لأن أى أعذار أخرى
غير مقبولة بتاتا.
وآخيرا تحياتي لكم جميعا
ويا طلال لماذا لا تكتب حصيلة هذه (النقة) بعمودك الاسبوعي
الثلاثاء القادمة؟
| |
|
|
|
|
|
|
|
|
|
Re: الدولة في جيب الحزب (Re: Atif Makkawi)
|
العزيز عاطف
سلامات ..
بالنسبة لأبي ساندرا وبقية الزملاء ، أعتقد أن الهيئات والفروع مسؤولة بشكل مباشر
عن مراجعة أمر تسديدهم للإشتراكات ..
والملاحظ إنو في نوع من التراخي في هذا الأمر ..
لكن لااعتقد إن السبب في عدم قيام المؤتمر مالي ؛ فحين قرر الحزب إعادة إصدار الميدان
بشكل علني ، وردت إليه الأموال ، وتكاليف الأجهزة ، والتبرعات العينية ، من كل حدب وصوب .
بالنسبة للجو السياسي ، فأعتقد أن الوقت - سياسياً - مناسب جداً للمؤتمر ؛ والتوقيت مناسب
حتى يطرح الشيوعيون السودانيون نفسهم بشكل قوي على الساحة ، بعد أن يعرفوا كوعهم من بوعهم .
أما العامود الإسبوعي يا صديقي عاطف ، فهو بالصفحة الثقافية ومخصص للكتابة عن شخصيات تؤثر
على المشهد الثقافي ، ولا أعتقد أنه من المناسب تغيير وجهته .. لكني متحمس لأن تنشر صحيفة
الميدان شيئاً عن لواعج الشيوعيين والدميقراطيين حول أمر المؤتمر .. فذلك سيكون أمراً طيباً ..
تقبل محبتي
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
Quote: .. لكني متحمس لأن تنشر صحيفة
الميدان شيئاً عن لواعج الشيوعيين والدميقراطيين حول أمر المؤتمر .. فذلك سيكون أمراً طيباً ..
|
ياريتك تبادر بذلك يا طلال
وتكتب عن تلك اللواعج
بس خايف أن يكون في ذلك إمتصاص للغضب المكتوم في الصدور
ونؤجل* وقت إنفجاره
* نؤجل : كلمة بئيسة صارت تزيد إمتعاضي
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
العزيز ابو ساندرا...حمدالله على سلامة العينين السِلْمن وبقن -كمان -يبحلقن فى القناه السودانيه...
وإنت يا -أبو...ساندرا...- قايل الجنن عيونك شنو غير ناس المؤتمر الوطنى ديل...
| Quote: ومازلت الحركة الشعبية حردانة |
والله يا ابو ساندرا ياخوى عندى بوست عن الحركه الشعبيه-واقف فى حلقى ليهو قرابة السنتين- عِلا خايف بكرى يرفدنى...وناس الجندر يقوموا على...وإنت عارف- يا بو.. ماهِى...- حوجتى قدر شنو انو ناس الجندر يرضوا على فى هذه الفتره الحرجه بالذات...!
الأخ طلال عفيفى| Quote: والملاحظ إنو في نوع من التراخي في هذا الأمر |
يا جماعه اذا بليتم فأستتروا...وبعدين جماعتك ديل لو شدوا حيلهم مع المؤتمر..وخلوا المثاليات ممكن يدقشوا ليهم دقشه كويسه..على-الأقل- يبذلوا جهد فى مسألة ارجاع المحالين للصالح العام...وبعدين الحكايه براها بى (تقسّم)...!
**
وبعدين يا بو ماهِى انت شابكنا المؤتمر الوطنى..والكلامات الكتيره والناس
هنا شايله وخاته فيك...؟!!ه
**
ملحوظه:عِلا ...مسروقه من كتابات المِقيصيف سجيمان...
| |
|
|
|
|
|
|
|
|
|
Re: الدولة في جيب الحزب (Re: mekki)
|
Quote: أم ضبيبينه وابو ضبيبينه ..
والله الواحد محرج ! |
 أحححححححححي يا مصاريني ..
الله يكتلك يا طلال ..
" تخميستكم " طويلة ياخ ..
و البلد " خرمانة " خرمة السواد و الرماد ..
طيب من علبتكم دي زاتا طلعوا ليكم " سجارة جديدة " ..
خلونا نبخبخ معاكم ..
يمكن " المزاج " ( يتعدل ) .
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
استاذ مكي كتب:
Quote: وإنت عارف- يا بو.. ماهِى...- حوجتى قدر شنو انو ناس الجندر يرضوا على فى هذه الفتره الحرجه بالذات...!
|
لكن نوع حرجك ده ما بيترفع يا أستاذ
وناس الجندر أو ناساته مابيقدرن يساعدو في امر فرطت فيه انت
ومنو الكان قال ليك أنتظر دفعة تلو الأخرى عسى أن تجي احلى
علمآ بأن الأحلى جات* وانت كنت سادر في إنتظارك الطويل
حتى دخلت العمر الحرج في هذه الفترة الحرجة
غايتو إنتظر موسم فك التسجيلات
-------------------
الأحلى جات : المقصود ساندرا وهي تخرجت من الأحفاد سنة 2005
حينها كنت بتبحلق وين يا أستاد ، على قول الليبيين
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
كتب العماد عون :
Quote: يمكن " المزاج " ( يتعدل ) .
|
يا أخو
والله مشتاقين لحنانك ذاتو
لدرجة يوم الخميس في نادي الفروسية كنت بتلفت زي مروحة التربيزة
عسى أن تطل حلوم وتوابعها
بلغني إنك مدبرس ومصاب بالإكتتاب*
فأرسلنا لك أمس من يعدل المزاج
لو ماجاك
ففكها في منعم سليمان الشهير ببيجو
تعرف لمن بهاء كان عايز ينشتل
تذكرت قائلة قالها حقاني ، عند رحيل الفقد الكبير عمر كانديك
قال : مفروض بعد ده نستقيل عشان حق دي صارت ملعونة
والقصة بقت فيها موت
المهم لمن بهاء قرب يرفع
واحد قال بهاء بيحتضر وعماد مكتئب
دي لعنة شنو ؟
إتخارج يا فردة
نمرة التلفون يا معلم
---------------------------
الإكتتاب : مقصود الإكتئاب
وسبب الشقلبة ماهيتاب ، كانت شغالة في الإكتتاب بتاع البنك
والشغل كان طويل ومرهق فأطلقت عليه الإكتئاب
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
كدي النحاول الف الدركسون ده وارجعه سكة ناس خضر وخدر
واقول انو من زمان جيب المؤتمر الوطني وجيب الحيكومة واحد.
كل واحد يقول للتاني لا والله !!!على بالطلاق ما تدفع !!!
والاتنخابات جاية وما عندنا جيب لهو .
.
.
.
ودمتم
حمد الله على السلامة يا ابو ساندرا
| |
|
|
|
|
|
|
|
|
|
Re: الدولة في جيب الحزب (Re: Mohamed Idris)
|
يا بركة ..
الشفع زمان كانوا بيغنوا في " عشا الميتين " :
( الحارة ما مرقت .. ست الدوكة ما ظـ ................ ) .
هسه بعد التقارب و التفاكر و القيام راقداً .. و السداسيات ..
باشرونا بـ " الرحمتات " بالله , جزاكم الله خير .
و .. ( الخامس وين ) .. في السكة .
| |
|
|
|
|
|
|
|
|
|
Re: الدولة في جيب الحزب (Re: أبو ساندرا)
|
ابو ساندرا و الضيوف الكرام
تحياتي
بالرغم انني لم انتمي الي اي تنظيم سياسي في الجامعة الا ان بعض نشاطي في لجان طلابية مطلبية سمح لي بالاتصاق بالقوي السياسية الوطنية في الجامعة، و تكونت لي بذلك علاقات حميمة خاصة مع شباب الجبهة الديمقراطية الجميلين، و في مرة سمعت نكتة جملية ظلت محفورة في ذاكرتي حتي الان اسمحوا لي ان احكيها ليكم لعلاقتها بالعطلة الحاصلة في شأن المؤتمر الخامس
يحكي ان احد شباب الجبهة الديمقراطية قد تقدم بطلب عضوية للحزب الشيوعي، و مرة فترة طويلة و لم يجد افادة بشأن طلبه لا سلبا و لا ايجاب و استمر الحال علي ذلك حتي تخرج الشاب من الجامعة و تحول الي نادي العطالة جوار الانمائية، و في احد الايام و اثناء جلوسه جوار ست الشاي مع شلة من اصداقاء العطالة و الحال الحزين اذا بأحد الزملاء الحزبيين المعروفين يمر علي مجلسهم ذلك و يقول له دايرك خمسة دقائق، لمن مشاء معاهو بعيد حبة قام الزميل الحزبي قال لصاحبنا الشباب يا زميل طلبك و صلنا في الفرع فأرتسمت الدهشة علي وجه الصديق و قال للزميل اكـــــيد انتو ناس فرع كوكب زحل.
| |
|
|
|
|
|
|
|
|
|
Re: الدولة في جيب الحزب (Re: خالد الطيب أحمد)
|
| Quote: بس تعقد اللجنة المركزية اجتماع وتقرر مواعيد المؤتمر |
كنا نتحرى إنعقاد المؤتمر العام فحسب,الآن على الناس أن يتحروا حاجتين, إجتماع
للجنة المركزية ... فالمؤتمر العام ...
قول يا لطيف.
أبو ساندرا ... كيف عيونك ... فنحتاجها سليمة
مستبصرة لتحرس مقادير التحول الديقراطي فى حزبكم
الشيوعي ... بالمناسبة ... ما أزال متفائلا بإنتصار
قوى التغيير ... فشايف بين صفوفكم رقشة.
مع مودتي
| |
|
|
|
|
|
|
| |
أبو ساندرا
Mustafa Mahmoud
طلال عفيفي
فيصل محمد خليل
Ishraga Mustafa
Aymen Tabir
Adil Osman
خدر
wadalzain
خضر حسين خليل
Emad Abdulla
Atif Makkawi
mekki
Mohamed Idris
HAYDER GASIM
عبد العظيم احمد
فيس بوك
تويتر
انستقرام
يوتيوب
بنتيريست