|
|
|
 Re: ابوساندرا ... يمضى يوما جميلا بيننا (Re: اميرة الحبر ادريس)
|
ياعثمان فضل الله ما ممكن الزول ما يدقس في الجريده دي ...وعذرا مكرر
للجميع.. تلفون خطير غير قابل للنشر شغلني شوية ونسيت الباب مفتوح في
بوست منعم والبت الجريدة .
لكن ياعثمان انت ليه ما كشفت عن الاتفاق الخطير بتاع يوم الجمعه ..ولا احسن
يكون خبر ليوم السبت .
اميرة
| |
 
|
|
|
|
|
|
|
|
Re: ابوساندرا ... يمضى يوما جميلا بيننا (Re: اميرة الحبر ادريس)
|
اميره الحبر ازيك
انت وعثمان
والتحيه لجميع ناس الراي العام
هنيئا لكم بابوساندرا والباقين
يا ستي انتي مش اميره صاحبت امل حسن خليل
وتاني معاك واحده لازلت احمل صورتها في ذاكرتي لكن الاسم
غشاه الزمن وغطا عليه المهم اظنك يقينا انت اميره صاحبت امل حسن
وياريت تكونوا لسه اصحاب وان كان فتحياتي لها وانا كنت قدامكم بتلاته دفع
مع الاعتزار للخروج عن موضوع البوست قليلا
لكم التحيه
مع خالص مودتي
اسماء الامين
| |
|
|
|
|
|
|
|
|
|
Re: ابوساندرا ... يمضى يوما جميلا بيننا (Re: اميرة الحبر ادريس)
|
ابو خليل انت عندك حول ولاقاصد زى صاحبك ابوساندرا.. شنو ياخ البوست ده حقى انا وقلت الكلام ده فوق يعنى تنطنى عدييييييل كده اه صاحبك ده نحن ناوين نسلموا للجماغة (ديك )رغم انو (سمهم) اليومين ديل هادى لكن فى اخرين واذا لم نجد سنسلمه لـ( الجن الكلكى )شوفوا غيرو يحليكم شبكة الدوحة دى ... الليلة كان فى (الرى العام ) وبكره فى حته كده مابقدر اقوليها ليك (هنا) .. ويوم الجمعة حا يمشى (غندهار)... وبعدها ح نوديهو لى (روووز) .. ده غير برنامج عصام عبد الحفيظ يعنى البقوليك فيهو ده البرنامج المصاحب فقط ... والعاقبة عندكم فى المسرات... وانشاء الله سارة وسولارا بعد ده يلقنو... خليك منكم انتوا ..
اسماء الامين كتر خيرك وشكرا للمرور .... اميره ياه ذاته اما مسالة مصاحبين والله لسة دى بخليها ليها بترد عليكى بكرة... (واكرر يابوخليل البوست ده بتاعى انا والله ماكدى يا ابوساندرا) وبطل الحول المتعمد وقول النصيحه
| |
|
|
|
|
|
|
|
|
|
Re: ابوساندرا ... يمضى يوما جميلا بيننا (Re: اميرة الحبر ادريس)
|
التحية لابوساندرا وهو يزين يومكم المرهق الى لحظات حميمية !!
بودراب الرأي العام ..
عثمان فضل الله ، اميرة الحبر ..
كنت اود لو انني استطيع مشاركتكم مثل تلك اللحظات لاحظى بالذي عطر امسيتكم البارحة .. واشكركم كثيرا على تذكركم لي والعزيزة غادة نوري ... لتكون سيرتنا .. جزء من حديث طيب !!
شكرا اميرة على الدعوة .. ولكن ظروفي كما تعلمين صعبة هذه الايام ..!!
ربما في وقت آخر .. لو تسمح لي الظروف !!
اقدر لكم .. عظيم اهتمامكم .. !!
وكذلك غادة نوري تهديكم عاطر تحياتها .. وتتشرف ان تحظى يوما بمثل لقاء الامس وتشكركم على حرصكم !!
لكم عميق الود ..
هبة
| |
|
|
|
|
|
|
|
|
|
Re: ابوساندرا ... يمضى يوما جميلا بيننا (Re: سمرية)
|
اسماء الامين..انا اميرة ذاتها صاحبة امل وانت اسماء بت فداسي ..التحية
لكل اعضاء المنبر من جامعة الخرطوم وخاصة كلية الاداب ..وشكر خاص لبكري
وسودانيزاونلاين التي اتاحت لنا هذا المنبر ولقاء كثيرمن الاعزاء.
ويا اسماء امل بتسلم عليك شديد..والحمد لله صداقتنا لازالت مستمرة رغم بعد المسافة بينا.
اميرة
| |
|
|
|
|
|
|
|
|
|
Re: ابوساندرا ... يمضى يوما جميلا بيننا (Re: nashaat elemam)
|
حباب الشيبة االساب الدوحة خلا...
وياجماعة افرزوا لينا الكيمان..البوست بتاع عثمان ولا اميرة الحبر..
وياناس الراي العام دائما عاوزين معانا مشاكل ليه يعني...حسي نقول حقوق الباص ويرد
يقوم بكري يجي يعتذر وانا ذاتي اعتذر وابو ساندرا يعتذر..
ولكن نقول..
سلام ليكم يا رائعين وانتم تحتضنون واحد من كبار اهل الجود والكرم والسخاء السوداني الطيب
في ما وراء البحار .ابو ساندرا اب للجميع رغم سنه الصغير وقلبه الكبير..وعليكم الله خلاص
خلوه يجي سريع فالغربة قاسيةوعطرها وذادها مثل هذا الشيبة الشاب عبدالرحمن (بركات),,,,,,,
او يا ابو ساندرا بتلقانا يوم الجمعة معاكم في سوق الناقة ..وانت عارف البحصل شنو..!!
تحياتي يا عثمان سيد البوست
ويا اميرة الحبر السرقوا باص ويرديها وقامت سرقت الاضواء..
وتحياتي للجميل نشات الامام..
وكل اهل الخرطوم..
| |
|
|
|
|
|
|
|
|
|
Re: ابوساندرا ... يمضى يوما جميلا بيننا (Re: اميرة الحبر ادريس)
|
البدايات دايمآ صعبة
وأصعبها أول كاس
الذي كم تمنى صديقي وشقيقي حيدر بيسكوف
- وده بيعرفو حسين ملاسي -
تمنى حيدر دائمآ أن يكون أول كاس
هو التاني
مناسبة الهرجلة الفوق دي ، إني مالاقي أي بداية
أدخل بيها في طقس هذا البوست
دعوني أدخل من حيث إنتهى عثمان فضل الله
من الدقسة
والبوست وموضوعه يعج بالدقسات المتعددة
فهمت من عيون أميرة الحبر المستهبلة
بقصد عيونها المستهبلة
إنها هيأت الوضع وتركت حسابها ماثلآ حتى يقع عثمان فضل الله في الشرك
ووقع
وعثمان يظن أن أميرة دقست ولم تعمل خروج
وأميرة مقتنعة أن عثمان دقس وكتب لها وبإسمها
أما الداقس الحقيقي فهو أنا
لم أستوعب خطط أميرة إلا بعد ما دخلت في الشبك
وإنفتحت نيران صديقة من كل الجهات
ضياء بلال بالمدفعية الثقيلة
وأحكام نصب الشراك
وعثمان فضل الله ، أفضل من يحلل معلومات ضياء
وماعارف ايه يكون مصير عثمان لو كف ضياء عن تزويده بالمعلومات
وأميرة التي تحمش النيران وتزودنا بالقهوة والشاي
والدقسة الكبرى كانت قبولي دعوة البدوي يوسف لتناول غداء
لغاية الآن ماعارفو كان شنو
غايتو لغاية ما أرجع تاني
لابد من شكر مستحق ل :
أميرة الحبر : التي كانت وراء تلك المائدة المستديرة الطاعمة
عثمان فضل الله ، الذي وسع عيوني من الدهشة
ضياء الدين بلال : كنز المعلومات والمعرفة الدقيقة بالمسكوت عنه والمغطغط
والذي إستغل الوضع وطالبني بالحديث عن الحزب الشيوعي عبر أسئلة سريعة
ومتلاحقة ، وكان السائل أعلم من المسئول
البدوي يوسف : رصانة مستحكمة تبدو في عباراته الدقيقة وتعليقاته الذكية
وقدرته المذهلة في فتح الموضوعات
كان أحقنا بنجومية الجلسة /المائدة لولا دعوة الغداء الكارثة
نشأت الإمام : ذهن مرتب وحضور مدهش ، وذوق رفيع ، وإستعداد دائم لتقديم خدمة ما
باريحية وكرم
صلاح الباشا : الذي شارك في جزء من الوقت الطويل وقدم آراء تستحق الإنتباه
انا عاجز عن الشكر
وبرجع تاني عشان الحوار الذي يدار
| |
|
|
|
|
|
|
|
|
|
Re: ابوساندرا ... يمضى يوما جميلا بيننا (Re: اميرة الحبر ادريس)
|
1-{ياسر عرمان مؤهل لقيادة حزب في الشمال بعد الإنفصال}
العبارة أعلاه سمعتها في تلك الجلسة الرائعة والحافلة بالنقاش المفيد
والمعلومات الحارة وساخنة
طبعآ مع زحمة اليوم في الخرطوم نسيت قائلها
ولكني مازلت أفكر فيها
وأفكر في يقينية الإنفصال التي صدمتني في أكثر من ملتقى
ولولا ذلك الفتى الجنوبي الذي عاكسه أقرانه من الشمال بأن شتت
فأجابهم : وأخلي الخرطوم الباردة دي ليكم ؟ وأردف : جوبا بتاع الساعة كم ؟
لقتلتني الحسرة على وطن ورثناه بمليون ميل مربع وتسع دول جوار
وفرطت فيه الجبهة الإسلامية الحاكمة بالإسم الحركي { حكومة الوحدة الوطنية }
2- { وحده علي عثمان محمد طه الذي يفكر داخل النظام الآن }
لم يقل بها أحد ، ولكني إستنتجتها من الحوار والملاحظات
وعرفت أن خيوط اللعب كلها في يد الرئيس
برضو زمان الناس كانو قايلين جعفر نميري مغفل ويسهل قياده
حتى ساقهم للمشانق والدروات
وساق الوطن في طريق الخيبة والإنشطار ؟!!
| |
|
|
|
|
|
|
| |
اميرة الحبر ادريس
khaleel
اسماء الأمين
عثمان فضل الله
فيصل محمد خليل
سمرية
Hussein Mallasi
عاصم ابوبكر حامد
nashaat elemam
عبدالكريم الامين احمد
أبو ساندرا
Abulbasha
تراث
فيس بوك
تويتر
انستقرام
يوتيوب
بنتيريست