دعواتكم لزميلنا المفكر د.الباقر العفيف بالشفاء العاجل
|
|
 دعوة جــاده ..لبورد خالي من النساء ...
|
قال الله تعالي ( إن كيدهن عظيم ) وفي آية اخرى ( ان كيد الشيطان كان ضعيفا ) صدق الله العظيم وقال الرسول صلى الله عليه وسلم  احذروا فتنة النساء , فان اول فتنة بني اسرائيل كانت من النساء ).... انا هنا ليس بصدد تفسير هذه الايات الكريمة او هذا الحديث الشريف , ولكن ممالاحظته منذ انضمامي لهذا الموقع , كثرة النساء وهذا ليس دليل عافية , بل هو مدخل للشيطان , من خلال الحديث . واتفاق الاراء واختلافها , ولجوء بعض النسوة في هذا البورد للسب وباالفاظ يستحي بعض الرجال عن التلفظ بها , واذا تلفظ الرجال بالفاظ نابئة في مجتمعهم كرجال بعيدا عن مجتمع النساء فاري ان الضرر سيكون محدودا , واصلا الرجال مارقين للربا والتلف .. اصبحنا في الاونة الاخيرة وفي صباح كل يوم نتفاجا بان فلانة تسب فلتكانة وهذه تسب تلك ويتداخل المتداخلون من كل حدب وصوب ويزيدون النار اشتعالا , فاي خلاف او اختلاف في وجهات النظر تدخل الاساءة والتجريح طرفا فيهو ..فهو بلاشك لايذيد هذا البورد الا قبحا ولايزيدنا الا توترا .واي خلاف او اختلاف في وجهات النظر تدخل النساء طرفا فيه لايفيدنا في كثير . . فانا احلم ببورد خالي من النساء .... عارف انها احلام العصافير بس ياريت تتحقق ..
|
|
 
|
|
|
|
|
|
|
 Re: دعوة جــاده ..لبورد خالي من النساء ... (Re: خضر الطيب)
|
Quote:
انا هنا ليس بصدد تفسير هذه الايات الكريمة او هذا الحديث الشريف , ولكن ممالاحظته منذ
انضمامي لهذا الموقع , كثرة النساء وهذا ليس دليل عافية , بل هو مدخل للشيطان , من
خلال الحديث . واتفاق الاراء واختلافها , ولجوء بعض النسوة في هذا البورد للسب وباالفاظ
يستحي بعض الرجال عن التلفظ بها , واذا تلفظ الرجال بالفاظ نابئة في مجتمعهم كرجال
بعيدا عن مجتمع النساء فاري ان الضرر سيكون محدودا , واصلا الرجال مارقين للربا
والتلف .. |
كدي أمشي أعمل ليك أحصائية سريعة بين ألفاظ الرجال وألفاظ النساء بالبورد, وبعدين نجي نناقشك.
Quote: اصبحنا في الاونة الاخيرة وفي صباح كل يوم نتفاجا بان فلانة تسب فلتكانة وهذه تسب تلك
ويتداخل المتداخلون من كل حدب وصوب ويزيدون النار اشتعالا , فاي خلاف او اختلاف في
وجهات النظر تدخل الاساءة والتجريح طرفا فيهو ..فهو بلاشك لايذيد هذا البورد الا قبحا
ولايزيدنا الا توترا .واي خلاف او اختلاف في وجهات النظر تدخل النساء طرفا فيه لايفيدنا
في كثير . |
شايفك هنا بتستخدم لغة الجماعة, أوع بس تكون بتتكلم بأسمنا؟
Quote: . فانا احلم ببورد خالي من النساء .... عارف انها احلام العصافير
بس ياريت تتحقق .. |
أنت مشكلتك معاهن كعنصر ولا حاجة تانية؟
دينق.
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: وضاحة)
|
Quote: . فانا احلم ببورد خالي من النساء .... عارف انها احلام العصافير
بس ياريت تتحقق .. |
سـاهـل جـدا.... تعمـل ليك واحـد ويب..فيه بورد وماتقبل فيه عضـوية نسـاء...مش فكـرة حـلوة?
طـيب لكـن هايكـون عنـدك مشكـلة ...هاتعمـل شـنو في الرجـال البيتشاكـلوا?
بتلقي ليها حـل ان شـاء الله بس انت اعمـل الويب ...وهأدعيلك مـن جـوة قلبي ربنـا ينجحك
علشـان انت طـيب وابن حـلال بس زهجـان!
مـني
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: Muna Khugali)
|
| Quote: مادعاني لكتابة هذا البوست نوعية من النساء , يدعين النضال , ولايخلوا اي بوست لهن او مداخلة من شتم هذا او ذاك , انا لا اعمم يا اخي .. فلو تريثت قليلا لعرفت مقصدي,,, |
ديل ولو زدنا ليهن المويدات ليهن بكونوا اقل من اصابع اليد الواحدة...انا بعرف واحدة بتاع مشاكل وثانية بتاع فتن وكل واحدة عندها طبالة شغلن التأيد الاعمي............اما الباقيات فبراءة, منهن الرقيقة وبتحب الشعر ومنهن الناعمة ومغرمة بالغنا ومنهن الحساسة وعاشقة للقصص وكمان في اللطيفة وهاوية سياسة........
حكمة اليوم
حب المراة علنآ واكرهها سرآ
| |
|
|
|
|
|
|
|
|
 Re: دعوة جــاده ..لبورد خالي من النساء ... (Re: خضر الطيب)
|
.
خضر يا أخوي دة كلام شــنو؟
إن أحلى ما في البورد هـن النســاء!!
أحبهن كلهن..و لا أدخل مكان (دخان) مشاكلهن
يعني أحســن تلقى الحبيبة ناضرة و لا تشوفها لحظة (العروكة)؟؟..خليهن يتعاركن..
هن بشر..لهن أخطاء..بينهن من هي شريرة..و هذا كله نسبي و متباين..من تراها أنت متعبة أجدها
أنا عسل يعشرق..خليهن براهـن أنت الجابك بي باب النسوان شــنو؟؟
أنا راجيك في الصالون..أرح ...أرح ...أمرق لا برّة..
.
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
استاذي وصديقي ابو البشير
لك التحية والتقدير
وانت داخل بالرسمي ,, وانت داخل بالملكي ,,معزتك محفوظة , والكلام البتقولوا ماعندنا عليهو اي
ملاحظات , نعتبرا ياسيدي تعليمات نعتبرا اوامر .مابتفرق كثير , لانك رفيق الدرب ,, ولانك حبيب
في نفوسنا ,, لكن صراحة انا ماقدرت اصبر على جنس دا .. والله ياالطيب ماقدرت , وفي اخت بتقول
لي انت الظاهر ماخد شاكوش ..بالله سمعت بواحد من ناس التلفزيون اخد شاكوش ,,.؟ هو انحنا بنطول
لحدي ماناخد شاكوش ,, عموما يا اخي لك ما اردت .. بس هن ماحيخلني في حالي .. ولو سمحت جنابك
بس عاوز ارد على ثلاثة .. الشفيفة منى خوجلي لانها ليها معزة عندي ,,وفاطمة بت عشة . ما من الناس اللي انا قاصدم بالبوست دا , والاخت وضاحة ,, لهن العتبي ..
بس لو جوني ناس فلانة اعزرني , واخواننا العاملين انهم بدافعو عن حقوق المراة ,,ديل عندي
معاهم فصل تاني
ولك المحبة والتقدير
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ خضر
قصة سمعتها قديما,
فيها قال,
"ان النساء شياطين خلقن لنا,
و من منا لا يتقى شر الشياطينا؟"
فسمعتة,
و قالت
"ان النساء رياحين خلقن لكم,
و من منكم لا يشتهى شم الرياحينا؟"
لا اعيب عليك رغبتك فى منبر خالى من النساء, فهذ رأيك, و ليس لنا غير ان نحترمة, حتى و ان لم نتفق معة. و لكننى, و فى ذات الوقت, ادعوك الى قليل من الموضوعية, و عدم التعميم. فمن الرجال ايضا من يتفوة بنائب القول, و لا اجد ان الرجولة, المجردة, هى عذر كاف.
قد تكون المرأة كما تقول, هى منبع الامومة, و العطف و الحنان, لكننى ارى ايضا, ان الرجال, هم منبع الشهامة و الاخلاق و الاحترام .
خالص الود
غادة
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الخالة فاطمة بت عشة
لك التحية والتقدير
اذا كان الكثير من الناس بيدفنوا رؤسهم في الرمال ,,ومابقولوا الحقيقة ,,دي حاجة بتخصهم .. لكن انا بقول الشئ الحسيت انو اذعجني فعلا وماقدرت اهضموا ,, وكونوا يتهموني بالمثلية دا من اصلهم , مابفرق معاي كثير , وانا مااتعودت اني اقفل الباب البجيب الريح , الف اهلا بالراي الاخر ,اذا كان بجيب الريح او بجيب العيد , ولك احترامي وتقديري
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ player
لك التحية والتقدير
انا اتفق معاك في كل ماذكرت ,هنالك اخوات .. رائعات .. رقيقات ,, منهن الشاعرة والصحفية .. ومبدعات في شتي المجالات ,, لكن انا اتحدث عن نوعية انت تعرفها وذكرتها في مداخلتك
كت اوت ...
بس ماشايف انو حكمة اليوم دي جبانة شوية
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخت ..منى خوجلي
لك التحية والتقدير
انا لم اقصد عالم خالي من النساء ,,,, لكن قصدت بورد خالي من نوعية معينة من النساء نتأذى
من مداخلاتهن , لاتراعي الواحدة منهن ابسط قواعد الحوار المثمر ,, نختلف نتفق هذا شئ طبيعي لكن
ننحدر الى مثل هذه المستويات .. فهذا شئ يحزنني كثيرا ... ولا اتوقع انه يرضي اي شخص يرى في
المراة , الحب والطهر والعفاف ...
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ خضر سلامات ورغم اني امرأة لكن فهمتك واقيف معاك في رأيك واذا كنت انا احداهن ساخرج فورا...
الحقيقة والحقيقة يجب ان تقال في نوعية من النساء حتي في مجتمع الحلة الصغير خلي الاتموسفيري لا تحترم راجل وقور ولا شاب ولا طفل ولما تفتح فمها كل الناس تقوم جارية عشان ما يصيبون رذاذ ويخدشو حيائهم حتي نحن السيدات نهرب وبتبقي شينة في حقها
حكمة اليوم بعد استئذان بلير
النساء خلقن من ضلع اعوج والبعض منهن صعب تقويمه
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
يا جماعة التاريخ الليلة كم؟
لو ما كنت برد في النت كنت قلت انا في زمن وأد البنات!
بصراحة ربونا كده، الطرح ما واضح لما الزول ما عارف يرد يقول شنو!
الأخ خضر الطيب
انت جادي؟
تارة أجدك تفترض الرقة والعذوبة وتسبغ الصفات العلا على المرأة وتارة تشبهها بالشيطان! أرسى ليك على حل! لا تطلق حكما وتعممه بسبب شذوذ البعض
إذا كنت ضد البذاءة، كلنا معاك، ولكنك مذبذب في طرحك أعلاه.
الأخلاق ليست حكرا على جنس بعينه
ولو كان
لكنتم انتم معشر الرجال مثلنا نحن النساء، فمن رباكم؟ ولا أنتو بتجو واقعين من السما؟
عصور الحرملك والحريم ولت
والمرأة تتمتع بذات الفرص المتاحة للرجل للتعبير عن نفسها، وكون (العيب) صادرا من الرجل لا يجعله أقل وطأة أو محدود الضرر!
الرجاله سموها رجالة ليه؟
القوامة وتولي الحكم موش ليكم؟
كيفن تحكموا ونوليكم أمرنا وانتم (ممكن) و (عادي) و (مقبول) تكونوا سفهاء بينكم وبين بعض!؟! أو حتى تكونوا سفهاء من حيث المبدأ!
ما عاجبك البيحصل من قبل بعض الأخوات، أفهم أسباب الخلاف أولا ثم أدلوا بدلوك لتقريب وجهات النظر وردم الهوة، بدلا من جر المظلوم بجريرة الظالم من باب انو (كلام نسوان فاضي)...
هل تعتقد انو أي واحدة من الأخوات بتحب انو تغلط على زول أو انو تكون عرضة للإساءة؟
وبعدين احنا في عالم افتراضي،
لا طرح
لا عمم
لا جلابيات
لا تياب
في (كلمة) وفي (فكرة)
ناقش (الفكرة) المطروحة من خلال (الكلمة)
وما تتعدى الشاشة وتفرض قانون طالبان!
هو شنو هو!؟
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: عزاز شامي)
|
الفكرة لذيذة
أحسن زاتو
مبروك عليك
بورد بلا نساء
بس انشاء تقدر تقعد فيهو ؟؟
و المشتهي الحنيطير انشاء الله يطير
سؤال خارج النص :: انت الادت شاكوش دي مني فيهن؟؟
زمان كدة اظن 2003 واحد كتب كلام زي دا
و قامت البنات عملت بوست خاص ممنوع دخول الشباب فيهو
و كانت فكرة لذيذة
بس افشي ليك سر::
90% من الناس هنا بقروا الكلمة الحلوة و الفكرة الجميلة و حساسية القلم و روعته هو الحكم و لا نريد اكثر من متعة الافكار و تلاقح الاراء لننتقدم للامام و نستفيد من تجارب الاخرين
طلب خارج النص:: دعوتك دي اخرج منها الفكرة الاسلامية عشان الاسلام اول دين دعاء للتكريم
وقال المصطفي ما اكرمهن الا كريم
دحين يا ولدي لو لقيت 10 دعموا دعوتك دي نحن متنازلين
و مبرووك عليك بورد خالي من الازهار
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ الحبيب / رافت ميلاد
لك التحية والتقدير
انا اقصد ما اقول ,,ولكن يجب على من يقرأ ويتداخل ان يفهم ما اعني ,, وانت قد فهمت ما ارمي
اليه تماما وقد بينت في مداخلتك ما اشكل على الكثيرين من المتداخلات والمتداخلين , ,, الذين
ربما ذاد حماسهم عنوان البوست ... فالقصد ليس الاساءة لشخص بعينه ..وكل ما اتمناه الى ان
الاقي ربي وانا لا اسئ الى احد من الناس , لذلك لم احدد اشخاص باسماءهم , لكي لا انجر لساقط
القول , وما ارفضه
وتكون المسالة شخصية اكثر من كونها مجرد ملاحظة .. لشقائقنا لاننا نكن لهن كل الود ونتمني ان
ينأين بانفسهن من الانجرار وراء تلكم المهاترات التي اصبحت سمه مميزة لهذا البورد
فلك التحية اخي الكريم
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخت عزاز الشامي
لك التحية والتقدير
التاريخ مامهم ياعزاز , وماتنظى للموضوع من منصة الدفاع انظري ليه من منصة الحكم ,وانا
مابشك في عدالتك وحياديتك .. والمسالة بعيدة كل البعد عن الوأد او تغييب الاخر ومصادرة
الحريات ,والطرح واضح جدا وانتي اكيد عارفة انك عاوزة تقولي شنو والا انك ماكنتي اخدتي من
وقتك الغالي وعلقتي , وانا جادي اكثر من ذي قبل , وافتراضي لرقتكن وعذوبتكن وهذه الصفات العلا
لايلغي رأئي في هذا النوع من النساء ,
اعلم تماما بان الاخلاق ليست حكرا على جنس بعينه , ولكن تركيزي هنا كان على جنس معين لما اقراه
صباح مساء من مداخلات بعض من ذكرت في هذا البورد
حقيقة لا اتفق معك في ماذهبت اليه في ان العيب عندما يصدر من الرجل هو مساوي لما يصدر عن
المراة تعميما للعيب
انا لا اغيب فكر احد اذا كان رجلا ام امراة , ولكن اختلف مع البذاءات عندما تصدر من امراة
يفترض فيها...... ويفترض فيها
فانا اطرح لك ممارسات بعض بنات جنسك ..ولا اشك في حياديتك ,,فلك خالص مودتي
كت اوت :
بوست جاب عزاز الشامي ,,, يستاهل انو يتمدد
هو شنو هو ..؟؟؟؟؟
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ / رافت
لك التحية مجددا
اختنا الزميلة مريم الطيب هي مخرجة والمخرجين ديل بكونوا حساسين جدا تجاه الكلمة والصورة
والصوت . ومخارج الحروف والتشكيل ..ووووو... لكن ليست كبير مشكلة ان تكتب اسمي وتنطقه كما
يحلو لك طالما ظل الود موصولا
الاخت الزميلة مريم الطيب
بت الحيشان التلاتة ,, نعتبرك في البوست دا مخرج منفذ ,,ولا مخرج مساعد ,,. ؟ مداخلاتك اكيد
تهمنا لانك من شريحة مهمة في الاعلام , ومثيلاتك تماضرشيخ الدين ,,وسلمى الشيخ سلامة ,وسعاد محمد
الحسن ,,ونعمات حماد ,,وسهام الخواض .. وغالية زرق الله ,, وسامية بت العرب ,, والكثيرات من
الرائدات اللاتي لاتسعفني الذاكرة المتقادمة بما حوت الكثير من مشاغل الحياة ومشاكلها .من
تذكرهن .فلكن فهذا لايغيب دورهن ومساهماتهن في دفع عجلة الاعلام
التحية لكن ,,ومجهوداتكم مقدرة في مسيرة الوعي والتنوير
كت اوت :
انا كده مابتلام
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخت سودانية
لك التحية والتقدير
احيي فيك وقفتك الجليلة مع اضعف فئة في المجتمع فئة الاطفال الذين لاذنب لهم ... نسال الله ان
يجعل كل ماتقومين به في ميزان حسناتك ,
الفكرة مالذيذة ذي ماقلتي الفكرة ربما انها جيدة , وانا اذا طالبت بمجتمع خالي من النساء
فبذلك اكون قد خالفت شرعة الخالق ,
انا ماكتبت البوست دا لانو في واحدة ادتني شاكوش , وعلاقتي بالشواكيش اني بسمع اصواتا في ريسين
الاخرين , بس عمري ما اخدت شاكوش وماتستغربي , خليك طبيعية
وانا اتفق معاك في انو
90% من الناس هنا بقروا الكلمة الحلوة و الفكرة الجميلة و حساسية القلم و روعته هو الحكم و لا
نريد اكثر من متعة الافكار و تلاقح الاراء لننتقدم للامام و نستفيد من تجارب الاخرين
, وعشان نتقدم لازم نطرح مشاكلنا ونناقشا بحيادية وبروح رياضية بعيد عن التريقة والانصرافية
وانا متاكد انو في ناس كثيرين بتفقوا معاي فيما ذهبت اليه ودا شئ طبيعي ولا املك الا اني احترم
آراء الناس البختلفو معاي , عشان سودانا يتقدم
كت اوت :
ماملاحظة انو البوست اتملا ازهار ونحل ..ولا انتي رائك شنو ...دي ازهار صناعية .؟؟..ما اظن
بدليل,, وجودك انتي
الفكرة لذيذة
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
| Quote: واصلا الرجال مارقين للربا والتلف .. |
اخونا خضر
سلامات
طيب و كت اصلاً إنت (انا ما معاك) مارق للربا و التلاف المشكلة شنو؟؟ ما تسكت تقرا كلام النسوان دا كان شين كان سمح .. يعني ح يعمل ليك شنو اكتر من الانت مارق ليهو؟!
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الحبيب / حافظ البشير
لك التحية والتقدير
لكن ياحافظ لما الواحد يتلف , المفروض تتلفو حاجة مشرفة يقولوا والله مات في معركة , مات في
سبيل تحقيق هدف , لكن اموت بحسرتي ولهفي دي بتبقى مشكلة ,, وبصراحة مرات كثيرة الكلام ممكن
يقتل , وبعدين الموت ليس بالضرورة مفارقة الروح للجسد
كت اوت :
مفروض انو زمن الحريم انتهى .. فلانة قالت وعلانة سوت ,, دا زمن المراة (الفكرة) ,, والقول ما
قالت عزاز ,,
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
ياخوي إنت جاد في كلامك دا؟
حاول تتخيل الدنيا بدون نساء. ممكن؟
مسالة الإلفاظ السيئة تنطبق على كل شخص يسئ إستخدام هذا المنبر بغض النظر عن الجنس و اللون و الجندر.
أخشى أن تكون المسألة كما قال الأخوة شاكوش حااااااااااااااااار.
عموما تعيش و تاخد غيرها و حوا والدة.
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: طارق أحمد خالد)
|
| Quote: اذا كان الكثير من الناس بيدفنوا رؤسهم في الرمال ,,ومابقولوا الحقيقة ,,دي حاجة بتخصهم .. لكن انا بقول الشئ الحسيت انو اذعجني فعلا وماقدرت اهضموا ,, وكونوا يتهموني بالمثلية دا من اصلهم , مابفرق معاي كثير , وانا مااتعودت اني اقفل الباب البجيب الريح , الف اهلا بالراي الاخر ,اذا كان بجيب الريح او بجيب العيد , ولك احترامي وتقديري |
ود أختي خضر
سلام تحية
ما قصدته أن مثل هذه الدعوة غير منطقية ، وأعرف أن الذين ينادون بعالم خالي من الرجال /عالم خالي من النساء هم عادة يصنفون بالمثلية ولهذا ما أردت لك أن ترد مثل هذا المورد ، وأحكي ليك حكوة تانية لمن كنا في معهد الموسيقى والمسرح قسم الدراما كان في أستاذ جبهجي بدرسنا مادة الدراما وقد درس في المانيا وحضر في برخت الغريبة ، ومع ذلك جاءنا ب نظرية تنادي بمسرح للنساء ومسرح للرجال مسرح طالباني يعني ، وكنا نرفض أن ندخل محاضراته وكان يطاردنا وهو يتوعدنا بالسوق في مادته وهو يحلف بالطلاق ، استاذ الفاتح الله يطراه بالخير كان كمية بتاعة تناقضات ، ومن دون الاساتذة المحترمين الدرسون كانت عيونو طايرة ، ورجل مزواج ويحب النسوان ، لقد نادى أنصار السنة والطالبان بأرجاع النساء الى البيوت وحرمانهن من التعليم ، وأعدا ء المراة كثر من يودون لها العودة الى الحريم حتى يخلو المجال للرجل السيد الذي لا يقهر ، أي حياة ينادي بها أناس مثل هؤلاء وأي جحيم يوعدون به الناس وهم أحياء واي ظلم تنادي به هذه الجماعات ، ما أردت أن ألفت نظرك اليه أن نترك الخلق للخالقة ، وزي ما قالت منى أنت زعلان من البورد ؟ بسبب المشاكل ولكن هل المشاكل تأتي من النساء فقط؟
.من يستطيع أن يفض هذه المشاكل بالحسنى فليدخل ويهدئ الامور ومن لا يستطيع فليتخذ التقيةويبعد عن الشر ويغني لو وأنا شخصيا معظم الاحيان أعمل ما شايفة ولا سامعة دي بطينة وأخرى بعجينة . رغم أني اعرف ان هناك منزلاقات للحوار وحوارت اقصائية وعنصرية وتمييز تسيطر على البورد ولكنها الان في وجهة نظري أخفً ، والناس بتتعلم ، والمسالة ما بتخص جنس بكاملو يعني بجرة قلم تكون تطرد جميع من يحملن نون النسوة فهذا اسموا أقصاء واستبداد ذكوري أرى أن تربأ بنفسك عن هكذا تصفيات وأفكار تربط المرأة بالشيطان والفتنة ، وافكار أسطورية عوقتنا من دون خلق الله وتركنا خلف ركب الامم ما عدا في أبشع الصفات ، كيف تكون المرأة فتنة وشيطان وهي التي حملتك وأتت بك الى الوجود !!وكيف تكون مفتنة وهي التي تفضي المشاكل وتقع ضحية لحرب الذكور وحروباتهم وسياساتهم الفاشلة التي ورثت لعالم أكبر الحروب !!وأنظر لاى كل الدول التي ترتكب مثل هذه الدعوات كلها أصبحت بركان للحروب وأمثلة حية للارهاب وعدم الانسانية أنظر وأضحك لهؤلاء المتشنجين في الصومال !! الذين يقطعون أيدي الجياع ويكنسونها مع الزبالة وأضحك عليهم الان قد أصدروا قانون يحرم كرة القدم أو مشاهدتها !! أي سفه وأي مهزلة أنها دعوات قبيحة لا يأتي بها الا من في عقله عته أو مس من القتلة الذين يفجرون الابرياء في العراق
والشيشان ، او الذين يقتلون النساء والاطفال في دارفور ،
ح !! يودون عالم خالي من الحياة من الغناءمن الرياضة ومن المسرح ومن النساء ومن كرة القدم !! أهكذا هي الحياة .. ولماذا يعيش الانسان الذي أعطاه الحق حق أن يعيش ويسعد ويبتهج ، أذا مامعنى الحياة ؟ ولماذا لا يدخل كل منا في قبره من الان ويلفظ نعمة الحياة التي منحها الرحمن لعباده حتى يتمتعون ولو بحثنا في الايات التي تزكر كلمة متعةاو متاعا لعرفنا مقدار واهمية الحياة .
بوخصوص النساء : يغلبن الكرام ويغلبهن اللئام .
أرجو أن تراجع مواقفك بهذا الشأن ودعنا نتوسمك خيرا كما كنا .
وتسلم ...
بت فاطنة
(عدل بواسطة عشة بت فاطنة on 06-20-2006, 04:20 AM)
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: عشة بت فاطنة)
|
| Quote: , فهنئيا لبورد تكتب فيه مثل تلكم الرياحين , وهنيئا لنا بالفضليات من النساء |
تسلم يا شفيف
الزول دا تاب و استتاب من الكلام الفوق دا مش كدة يا خدر لوووول
هنئيا لك كل الازهار و الرياحين حولك و تدعو لك
الفكرة لذيذة
يلا كلم بكري ينفذ الامر
قرار رقم -1- يمنع منع باتا تواجد اي بنوتة في المنبر خلال تواجد الرجال ((و لا نعمل منبرين))
قرار رقم -2- تم تحديد الايام كالاتي السبت الاثنين الاربعاء نساء و الايام الباقية رجال ((دا الجيم بتاعنا برنامجو كدة  ))
قرار رقم -3- ممنوع اصطحاب الاطفال
الشاكوش ما شبهك
بهذر و الله يا رائق
بعدين مين هي التلقاك و تنط
دي تكون سعيدة بيك
في امان الله و لا اله الا الله
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
Quote:
. فانا احلم ببورد خالي من النساء |
الأخ العزيز خضر الطيب
تحية طيبة وبعد ،
مع احترامي ، أرجو أن تسمح لي أن اختلف معك في ما أوردته أعلاه .فالتعميم خطأ منهجي قد يتضمن ظلما في الحكم على شريحة محترمة من نساء هذا المنبر ليس لهن ذنب في تصرف بعض النساء ممن لا يعجبك طرحهن لقضاياهن.عوضا عن الدعوة إلى الإقصاء ينبغي أن ندعو إلى أدب الحوار والإعتدال وتوخي الإتزان والحكمة.
مع تحياتي وفائق احترامي
جعفر إسماعيل
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
..
.
ما مشكلة
بس نكلم بكري يعمل ليهن لينك براهن
ويرحلن ..
وانا باقي بقدم طلب عشان ارحل معاهن
احسن لينا الحنانات
من كلامكم الدراب دراب دا ..
قرقر قرقر
قال بورد خال من النساء
خدر امشى نوم وتعال
انت بقيت تهلوس سااااى يا اخوى
___________
الغريبة سجيمان قال لي اسجلو بسرعة !!
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: Tabaldina)
|
الأخ تبلدينا
Quote: ما مشكلة
بس نكلم بكري يعمل ليهن لينك براهن
ويرحلن ..
وانا باقي بقدم طلب عشان ارحل معاهن
احسن لينا الحنانات
من كلامكم الدراب دراب دا ..
قرقر قرقر
قال بورد خال من النساء
خدر امشى نوم وتعال
انت بقيت تهلوس سااااى يا اخوى
___________
الغريبة سجيمان قال لي اسجلو بسرعة !! |
وأنا برضو معاك ، سجلني بعد سجيمان مباشرةً
أخوي خضر ..
فتحت ليك باباً سدو صعب بالحيل ، وأنا لو محلك برجع أقرأ كلام بت فاطنة وسودانية 2000 تاني .
أخي الأستاذ ود الطيب :
بوجودهن في المنبر (على علات بعضهن ) يا خضر ، لقينا لينا واحة ولا أقول جنة (حتى لا أشطح) مشابهة لتلك التي وعدنا بها من عند مليكٍ مقتدر .. فما لك عاوز تبقى لينا ابليس رديف وتمرقنا منها تاني !؟
لك مودتي وتحياتي ،،،
( ليمو )
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
تحية للجميع هنا,
فكرة إقصاء النساء فكرة غير صائبة لسبب بديهي ضمن بديهيات عديدة و هو أنها فكرة تعني , دون انتباه , أن النصف الآخر للمجتمع معطـوب ! لذلك فكأن ما بالأخ خضر ينادي للسير و الإستمرار في الحياة بي " نص مكنة " ده إذا كان نص المكنة الآخر " مقنع " ثم مش السودان برمته و لمدة أكثر من نصف قرن طائر بي " حجر بطارية " !
شعار سودانيزأون لاين " وطن لا وطن له " يكون أفضل لو أخذناه بي معني " مرآة إضافية عن الوطن " و بالتأكيد شفنا فيها الكتير عن الوطن و عن " الرجال و النساء " دون تعميم , لذلك يجب أن تكون غاية مبتغانا هي إصلاح مفاهيم و عقول و بالتالي آفاق الجنسين لأننا " من المفترض " أن نكون بنسعي نحو تحقيق وطن محجوب شريف " وطن شامخ وطن عاتي " و ده لن يتحقق إلا بالسعي نحو " إثراء الفرد " و ليس إصدار الأحكام القطعية سواء عن قوامة الرجل أو إعوجاج المرأة لأنه ده سبيل متاهة و سط عالم اليوم و الغد ..
نحـو آفـاق أفضل للنساء و الرجـال
" حـاجة مش كويسـة كل زول براو .. هي سودانا بكرة من سودانا ناو " !
الباقي نلقاه في لنكات هادية بدر الدين
و أحاديث عشة بت فاطنة و عزاز شامي , غادة , سودانية,إلخ..
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ خضر
(النساء ) القصدتهن في بوستك ده شكلهن لسه ما شافو الكلام الحاصل
بي جاي ,,
غايتو بعدين اركز ساااااي
امانة ما وقع راجل
نصيحة اخوية :
خلي جنابو الطيب بشير يكون قريب منك الايام ديل
انا متاكد بتحتاج ليهو بالحيل
....
مودتي
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الأخ خضر تحياتي
المشكلة الأساسية ليست في وجود النساء بالبورد و ليس لأنهن يفتعلن المشاكل و فلانة تسب فلتكانة وهذه تسب تلك كل يوم حسب تعبيرك، فالخلافات حقيقة واقعة و ليست حكراً على النساء وحدهن و بيننا كثير من الرجال يجيدون السباب و إختلاق المعارك و التجريح بإحتراف يفوق الوصف و دونك الإرشيف. لكن المشكلة الحقيقية تكمن في رسوخ عقلية الإقصاء و رفض الآخر و العمل على بترة بحجة عدم الرضا على ممارساتة، وهي نفس العقلية التى تبرر قيام الإنقلابات العسكرية و الإنقضاض على الديمقراطية إذا جاز لي التشبيه .. وسع صدرك قليلاً يا أخي و انظر إلى المشكلة بأبعادها المختلفة بعيداً عن النوع فربما تجد لنا حلاً.
الصاوي
| |
|
|
|
|
|
|
|
|
|
بين خضر ومنى خوجلي وعشه بت فاطنة (Re: خضر الطيب)
|
الأستاذ المبدع خضر
لا أدري لماذا ينتابني إحساس بأنك غير جاد في طرح قضيتك؟ ربما لمعرفتي الشخصية لك. وربما لأن الأمر نفسه نعته أنت بالمستحيل. ظني أنك أردت أن تطرح الأمر لترى ردود الأفعال فقط. ولكن علي أن أحترم الطرح وأعتبره جادا. وقد أعزي السبب لعدم تقبلك - في حالة شعورية محددة- نصا قرأته في الشبكة. إن كنا سنناقش قضايا خاصة بالرجال، حكرا على ذكوريتهم فلا بأس. وهذا حق مشروع، تستطيع النساء احترامه أيضا. أما إن كان ما نناقشه ملكا للجميع، فلن نستطيع حرمان شخص لجنسه، أعني ذكرا أم أنثى. إذن يبقى لنا أن نلتزم أدب النقاش، ونتوقع من المتفوهين (هبرات ولطيخ وطربقه) فلن نفترض النضج في الجميع. القضية قضية جدية في الطرح ، في السؤال وفي الرد. ولا أستعدي على أحدا إذا قلت إن الكثيرين يدخلون إلى البوست إما(شمارات أو زهج) وأحترم الجادين.ولو فهمت خالتك ذلك حقا لما قالت ما قالته ( يا فالح الله بدخلك النار) أو أنها كانت ممازحة وأرادت أن تصب الماء البارد، (قصرا للشر).
لا معنى طبعا لذكر ما حاول بعضهم ذكره من أن النساء شقائق الرجال أو التساؤل الفج (إنت جيت كيف.. بالمراسلة) لأننا لا نحقق في أصل الإنسان أو ضرورة وجود النساء في المجتمع عامة. صاحب البوست لم يعترض على المرأة في المجتمع أما أو أختا، صديقة كانت أم زوجة، بل حدد دخولها إلى البوست، وأكثر من ذلك سماه مقترحاولا يخطئ من يقترح، لأنه يعرض الأمر للمداولة والنقاش.
أما اقتراح بوست رجالي وآخر نسائي - مع احترامي للأخت منى خوجلي، يا فيني بنقني با- فأعتقد أنه غير ناجح أيضا. إن إدارة الهوتميل لم تستطع حتى الآن أن تتحقق من هويات الأعضاء. وأعرف أصدقاء من الرجال لهم عضوية في منتديات نسائية بالسعودية... ويسخرون من بعضهن وهم يتسامرون. عرفت ذلك لما سمعتهم يسألون بعضهم ما اسمك؟ فيقول أحدهم أنا اخترت ريم القصيم ويقول الآخر إن اسمي في المتدى هو حورية وهكذا. وحدثني أحدهم (...) أنه كان يراسل واحدة لمدة عامين ولما تحدث معها جادا عن الخطوية وأنه ينوي مقابلتها قالت له: يا ود الحلال ما ننهي اللعبة دي أنا فلان الفلاني وبالمناسبة أنا أعرفك حق المعرفة فأنت فلان وتعمل في شركة كذا و...
أخيرا يبقى أن أقول الفاسد من الرجال موجود والسيئة منهن كذلك ولكن يجب أن نحتوي قلة ذوق هؤلاء بالنموذج الحسن والمثال الراقي.
ولك حبي
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
استميح الاخوة المتداخلين الذين لم ارد على مداخلاتهم , لارد على شخص كان له الفضل الكبير بعد
الله في انه قبل ان يعلمني صياغة الكلمات والجمل , علمني معنى الحياة , استاذي , وصديقي وابن
مدينتي الحبيبة مدينة العلم والنور ... الدويم
الاستاذ / ابي عز الدين البشري
تتقهقر الحروف والكلمات معتزرة عن كونها عاجزة عن حمل مسئولية ايصال المعاني, تلك المعاني
التي غرستها فينا ونحن زغب في بداية مشوارنا الدراسي نهلنا من معينك الذي لن ينضب وتشكلت
روحنا وخرجنا الى الحياة مسلحين بماغرسته فينا من ادب وتواضع وعلم وهذا كله من فيضكم . فانتم
الاصل والاساس , فهنيئا لك بما غرست وهنيئا لنا بك, وجودك في هذا البورد اضافة حقيقية
وماتكتبه يعتبر بالنسبة لنا دورات متقدمة ننهل منها لتعيننا لمواصلة مشوار حياتنا , فمازلت
كما عهدناك ,, وستظل دوما نبراسا يضئ لنا عتمة الطريق , فان الكلمات لن توفيك حقك مهما
تعمقت واستطالت و ستظل متقزمة امامكم , لك مجددا استاذي ومعلمي الحبيب , ولاتعليق على
مداخلتكم , فماذكرته هو عين ماقصدته
لك عظيم شكري وامتناني .... تلميذكم خضر الطيب
كت اوت :
بالمناسبة تلميذكم وزميلنا سعادة العقيد عبد الباقي دراج يتواجد الان بمدينة الرياض في دورة
متقدمة بجامعة نايف للعلوم الامنية
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
العزيز/ خضر
لك الشكر، أردده في اليوم ألف مرة، لا على الإطراء ولكن على الوفاء. هكذا عرفتك،طيب الخاطر، طيب العبارة،أخضر الباطن، مفضالا وكريما. وفويق ذاك عرفتك بارا ومخلصا. غادرك والداك قبل أيام ، وقد استقدمتهما للاستشفاء والاطمئنان على صحتهما. فأي بر بعد هذا، في ذا الزمن (...) الذي لا يكاد يعرف فيه الأبناء آباءهم . ولكن برك عم جيرانك أقاربك ومعلميك. ما كنت أنا إلا واحدا من معلمي الدويم، الذين لا أسوي إلى جانبهم شيئا، إلا ما تفعله البعوضة بمقدم النسر. وكلهم نسور. ما قدمنا لك شيئا ولكنها مـُـكنة طبيعية وهبها الله إياك أتبعتها بدربة خبيرة قبل وبعد دراستك. أذكرك في المدرسة المتوسطة ، (شقيا، حسب قول المصريين)، عنيدا، متمردا ولكنك كنت ممراحا ذكيا. كنا – أنا وبقية المعلمين- نظهر لكم أن ذاك يسوؤنا منكم ولكنـّـا في الحق كنا راضين تمام الرضا؛ لأننا نعلم أن الذكي من الصبية يشده الفضول أبدا إلى مناح لا يسبر غورها الطالب ( الغبي، البليد والبليد في اللغة هو الملتصق بالأرض من النبات). كنا نحب كثير الحركة ، فالنشاط دليل الذكاء.
مر الزمان، مضى عقدان منه فرأيناك كما نتمنى . غير أن خضر المشاكس الذكي ، الجريء ، لا زال يمرح في دواخلك، فتنصب الشراك (للبورداب) عامدا ولا أحتاج منك إلى إقرار. كان الأستاذ المرحوم تاج السر الحضري- رحمه الله – يحبذ أن تعاقب بأي عقوبة غير الضرب ووصاني بذلك. عملت بوصيته وعاقبتك في اليوم التالي بنقل نص من كتاب التربية الإسلامية عشرين مرة. ولم أسمع عنك لمدة أسبوع بعده. اقترح الأستاذ عمر عبدالرحمن (النيجر) أن تكون ( ألفة) الفصل، وذكر ذلك لك. فقلت له أنا موافق ولكني لن أكتب اسمي في قائمة ( المهرجين). سألك لماذا؟ فقلت له : لأنو ما في زول غيري أنا وترفس بهرجل في الفصل ده.
وبلغ الضيق من الأستاذ أبي ذر محجوب أبشر أيما مبلغ وأنا أسألك:
" ماذا أفعل فيك يا خضر؟ حدد أنت عقوبتك"
هتف أستاذ أبوذر قائلا:
" شيلو واضرب بيه الواطه دي، كان ينفع فيه" ثم أراد أن يخفف عليك وقع كلامه فقال: يا ود الحلال إنت ما عايز تنفع رقبتك وتنفع أهلك؟ ...
والحمد لله أنك نفعت نفسك وأهلك فلك التحية.
معذرة أيها البورداب فقد سرقنا الحديث. ولكن قصدت أن لا تغضبوا من هذا الشقي المشاكس، رغم أنني لم ألتق به لعشرين عاما.
ولكم جميعا حبي
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخت / سودانية
لك التحية والتقدير
اتوب من شنو يا اختي , انا كفرتا , ما ياهو انتي انسلختي وعملتي ليك خندق بهناك ولي يوم الليلة ماشفناك تاني تكوني اتخندقتي براكي ولا معتكفة ,عموما انا كريم وانتن تستاهلن وماكثير عليكن الاعتذار , بس اعتذار من شنو ..؟
كت اووت :
شفتي مشيت البوست بتاعك لقيت جماعة كانوا بي هنا بقولوا لي كلامك صاح وبهناك اتبروا مني ... دي حالة دي , لكن الظاهر عملوا بي حكمة اليوم بتاعت بلاير ... حب المراة في الجهر واكرها في السر ..
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
الاخ / يحي الشريف
لك التحية والتقدير
ابشرك النسوان اللي انا نزلت البوست دا عشانم شافوه لكن اي واحده فيهم بتقول يمكن دي ما انا
بس في واحدة منهن لما شافت البوست دا ضحكت , طبعا الشرير ضحكتو بتكون ذي ضحكة صدام حسين ,
ضحكة بمغصة كدة , ماذي الضحكة دي ( حاول اتخيلا )
كت اوووت
والله في واحدة رسلت لي رسالتين في الموبايل نبذتني كتامي كده , قمت اتصلت عليها(عندي رقم
تاني ) قلت ليها انتي بترسلي رسائل في موبايلي انتي جبتي الرقم دا من وين ؟؟.. قالت لي لا
ابدا ولاعمري رسلت ليك رسالة لكن كان عندنا مناسبة ومعانا ناس كثيرين في البيت ممكن يكون في
واحد رسل ليك الرسايل دي
اتخيل الموبايل بتاعا بقى سبيل للغاشي والماشي , المهم ماطولت معاها وجبتها من قاصرا .
نصيحة .. لوجه الله ,, ماتخت رقم موبايلك في البروفايل ..بجيب ليك النوعيات دي جوة موبايلك تووووش كده
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
حبيبنا تبلدينا
اكيد كلامي حيكون دراب بالنسبة لكلام العصافير اللى انت انضميت ليهن ديل .. وان شاء الله يضون ليك
وبالمناسبة عملت بي نصيحتك ومشيت نمت بس احلامي الكانت ذي احلام العصافير بقت كلها كوابيس , يكون دا من حمى الخطوبة ياربي ..؟
كت اووت:-
وتسلم على المداخل رغم انك بقيت من دول الضد ...
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
استاذنا الحبيب / عبد الحليم ( ليمو )
لك التحية والتقدير
انت وتبلدينا بصراحة سويتوها شينة كلو كلو البقوليك ديل الحنانات والبقول ديل
عصافيرنا المغردات والواحات , قصة غريبة لكن انا اشك انو دي مشاعركم الحقيقيةدي اسمها
(التقية ) ذي ماقالت عشة بت فاطنة او الاخ بلير قال حكمة اليوم ( حبوهن في الجهر واكرهوهن في
السر ) ..صراحة البيعيش الدنيا ياما ياما تشووو ويفو ..
انا ياليمو باببقا ليكم ذي ابليس , لانو كدا بيكتروا الابالسة .. ..وتسلم ياغالي
| |
|
|
|
|
|
|
|
|
|
Re: دعوة جــاده ..لبورد خالي من النساء ... (Re: خضر الطيب)
|
استاذي الحبيب / ابي عز الدين البشرى
عندما يكتب معلم ومربي مثل هذا الكلام ,هذه شهادة اعتز بها واعلقها على صدر الزمان لوحة ,
اتاملها واتامل نفسي داخلها
Quote: العزيز/ خضر
لك الشكر، أردده في اليوم ألف مرة، لا على الإطراء ولكن على الوفاء. هكذا عرفتك،طيب الخاطر، طيب العبارة،أخضر الباطن، مفضالا وكريما. وفويق ذاك عرفتك بارا ومخلصا. غادرك والداك قبل أيام ، وقد استقدمتهما للاستشفاء والاطمئنان على صحتهما. فأي بر بعد هذا، في ذا الزمن (...) الذي لا يكاد يعرف فيه الأبناء آباءهم . ولكن برك عم جيرانك أقاربك ومعلميك. ما كنت أنا إلا واحدا من معلمي الدويم، الذين لا أسوي إلى جانبهم شيئا، إلا ما تفعله البعوضة بمقدم النسر. وكلهم نسور. ما قدمنا لك شيئا ولكنها مـُـكنة طبيعية وهبها الله إياك أتبعتها بدربة خبيرة قبل وبعد دراستك. أذكرك في المدرسة المتوسطة ، (شقيا، حسب قول المصريين)، عنيدا، متمردا ولكنك كنت ممراحا ذكيا. كنا – أنا وبقية المعلمين- نظهر لكم أن ذاك يسوؤنا منكم ولكنـّـا في الحق كنا راضين تمام الرضا؛ لأننا نعلم أن الذكي من الصبية يشده الفضول أبدا إلى مناح لا يسبر غورها الطالب ( الغبي، البليد والبليد في اللغة هو الملتصق بالأرض من النبات). كنا نحب كثير الحركة ، فالنشاط دليل الذكاء.
مر الزمان، مضى عقدان منه فرأيناك كما نتمنى . غير أن خضر المشاكس الذكي ، الجريء ، لا زال يمرح في دواخلك، فتنصب الشراك (للبورداب) عامدا ولا أحتاج منك إلى إقرار. كان الأستاذ المرحوم تاج السر الحضري- رحمه الله – يحبذ أن تعاقب بأي عقوبة غير الضرب ووصاني بذلك. عملت بوصيته وعاقبتك في اليوم التالي بنقل نص من كتاب التربية الإسلامية عشرين مرة. ولم أسمع عنك لمدة أسبوع بعده. اقترح الأستاذ عمر عبدالرحمن (النيجر) أن تكون ( ألفة) الفصل، وذكر ذلك لك. فقلت له أنا موافق ولكني لن أكتب اسمي في قائمة ( المهرجين). سألك لماذا؟ فقلت له : لأنو ما في زول غيري أنا وترفس بهرجل في الفصل ده.
وبلغ الضيق من الأستاذ أبي ذر محجوب أبشر أيما مبلغ وأنا أسألك:
" ماذا أفعل فيك يا خضر؟ حدد أنت عقوبتك"
هتف أستاذ أبوذر قائلا:
" شيلو واضرب بيه الواطه دي، كان ينفع فيه" ثم أراد أن يخفف عليك وقع كلامه فقال: يا ود الحلال إنت ما عايز تنفع رقبتك وتنفع أهلك؟ ...
والحمد لله أنك نفعت نفسك وأهلك فلك التحية.
معذرة أيها البورداب فقد سرقنا الحديث. ولكن قصدت أن لا تغضبوا من هذا الشقي المشاكس، رغم أنني لم ألتق به لعشرين عاما.
ولكم جميعا حبي
| |
|
|
|
|
|
|
|
| |
خضر الطيب
Mohamed E. Seliaman
قرشـــو
Rasha Hatim
Frankly
Deng
عشة بت فاطنة
وضاحة
Muna Khugali
PLAYER
الطيب بشير
غادة عبدالعزيز خالد
رأفت ميلاد
ajaj
مريم الطيب
مريم بنت الحسين
Hafiz Bashir
طارق أحمد خالد
Gaafar Ismail
mamkouna
Eman El Sayed Taha
عبدالحليم خالد التلب
يحى الشريف
elsawi
ابي عزالدين البشري
فيس بوك
تويتر
انستقرام
يوتيوب
بنتيريست