|
|
 اقتصاد المصادفة
|
منذ كنا نعمل على تغطية الانشطة الاقتصادية فى الصحف والدوريات والى الان نعانى تضارب الحقائق الاقتصادية علميا وما يحدث على واقع اقتصادنا السودانى فلا نظرية عرض وطلب ولاخلافه توجه هذا الاقتصاد الذى يأتى بالعجب دائما ولنسوق مثالا عصريا يأرق اخواننا ورفقاء الغربة (هبوط سعر العملات الاجنبيه مقابل الدينار او قل الجنيه بعد السلام ) بالنظره العلميه الصحيحه نقول يا يا مغتربين احزموا حقائب العوده فما عاد ما تتقاضوه من رواتب ما عاد يوازى راتب اصغر عامل فى الداخل عند معادلته
اما الحقيقه الواقعة فتقول ان الريال هبط لكن الاسعار كما هى ان لم تكن فى ازدياد لمعظم السلع الاستهلاكيه كما ان الحكومة فى اتجاه للاستجابه لمطالب العمال بزيادة الاجور وكذلك لرفع الدعم عن السلع والخدامات خاصة البترولية كاستجابة لصندوق النقد الذى يجرى التفاوض معه وكذلك الخطة لطباعة الجنيه (وما تكلفه ) انفاذا لاتفاقية السلام وغير ذلك من المفارقات وما نخشاه ان اهل الاقتصاد استعملوا وسائل غير اقتصادية لتقوية دينارهم
|
|
 
|
|
|
|
|
|
|
|
Re: اقتصاد المصادفة (Re: معاذ منصور)
|
معاذ
كيفنك يا زول
(السلوكة ولا البنوكة)
وكمان حكايتك انت وعبد الوهاب احمد حمزة وعثمان فضل الله
(كلما اسمع بي حاجة معينة بتذكرها)
وكمان الخطوط البحرية جابوها ليها شريك ماليزي
هل نسيت..؟
تذكر وقت الدولار كان بي (670) دا وقت بدينا عالم الاقتصاد (11/95) بعد داك الدولار جاري والجنيهات جارية وراهو ..وفي شهرين بس قطع نفس الف وخمسمائة منهن
وباقي القصة معروف
والقبل داك برضو معروف
والبسوو فيهو الليلة برضو زي السوهو داااااااك
| Quote: وما نخشاه ان اهل الاقتصاد استعملوا وسائل غير اقتصادية لتقوية دينارهم |
تتذكر حكاية (التدخل الاداري في تحديد السعر) وناس البنك المركزي والمالية والبنوك واصحاب الصرافات واجتماع آخر اليوم لتحديد سعر بكرة........
الليلة برضو حاصل لكن من طرف واحد بنك السودان براهو والسكر وصل الف وخمساية
وبيت الايجار غرفتين بي خمسماية الف
والحافلة الصغيرة للكلاكلة بي ألف
الا التفاحة بقت بي خمسمية وآخر الليل 3 بي ألف
يا ربي دا من هبوط الدولار ولى بركة بتاع الجمارك
عشنا وشفنا التفاح بمشي الكوشة والعنب بقى تسالي ناس الكورة
دي صورة مصغرة يا معاذ بالقرب من موقف امدرمان بالخرطوم
ولما تجي تشوف التفاصيل براك
تفاصيل القشرة الفل سووت بي 40 ألف
استدراك
بالله حسن ما كان عارف انك اشتركت..؟
كنت قايل ليهو يد في الحصل
| |
|
|
|
|
|
|
|
|
|
Re: اقتصاد المصادفة (Re: عادل فضل المولى)
|
العزيز-معاذ
تحياتي
سعيدون جدا بانضمامك للمنبر والتلاقي بعد عقد من الزمان.
اما بخصوص انخفاض قيمة الريال امام الجنيه أوقل الدينار الى حين طرح العملة الجديدة فنصيحتي لك ان تلملم باقي ريالاتك وبنياتك وسنكون في مقدمة المستقبلين بمطار الخرطوم
.بس اوعى تجي بالبحر.
| |
|
|
|
|
|
|
|
|
|
Re: اقتصاد المصادفة (Re: البدوى يوسف)
|
سلام بدوى وشكرا على الترحيب والمرور
اجتهدث كثيرا فى الوصول اليك وارسلت ليك ايميلين احسب انها ضلت الطريق اليك
شكرا للاستاذ بكرى الذى اتاح لنا التواصل بكم
ولنا لقاءات خاصه انشاء الله
اما بخصوص العودة فقلنا نشوف شيل التمساح اول فى من سبقونا
| |
|
|
|
|
|
|
|
|
|
Re: اقتصاد المصادفة (Re: عادل فضل المولى)
|
شكرا عادل وتهنئة متاخرة جدا (بالعريس ) الذى ينور لنا هذا المنتدى
بس ياريت تورينا اسمه اكيد فضل المولى
بخصوص الدولار دى قصه طويله ولايكفى فيها الاتهام ببيع الاخبار للصحف الاخرى على رأى الوزير
عموما عبر المنتدى تحايا لكل الصامدين فى بوابة وزير الماليه للحصول على شئى من الاخبار التى كانوا يودون تمريرها
تحايا خاصة لود فضل الله ومحمد عباس وبت عربى وهديه على ومريم سونا
ولك منى انت ياود الجزيره مليون سلام
| |
|
|
|
|
|
|
| |
معاذ منصور
عادل فضل المولى
البدوى يوسف
فيس بوك
تويتر
انستقرام
يوتيوب
بنتيريست