|
|
|
 Re: تحذير من اسرة الحاج اسحق لاهالي الرياض وللاهل بالخرطوم والكوة (Re: Magdi Is'hag)
|
Quote: "... وأوضح الوالي في لقاء سياسي جامع بأمدرمان أنه قبل الأحداث لم يكن لديه أي سلاح، أما بعد الأحداث فقد اقتنيت ثلاثة مسدسات وأشار إلى أن بعض إخوانه فكروا في اقتناء سلاح لأن الظروف أصبحت غير معروفة"
|
Quote:
بعد ما قرينا كلام الوالي العاقل وفاهم وفيهو ورانا الحاصل وان الدنيا ما مضمونة وكل زول يستعد و يشيل شيلته براه والله يبارك فيهو الواضح ما فاضح و مادام الوالي اشتري تلاتة مسدسات نحن ماحنقصر في حماية عمتكم الحاجة سعدية بت عثمان نور وحماية بيتنا والجيران |
Quote: Quote: الخبر التالي بصحيفة الوطن العدد رقم 821 بتاريخ 16/8/2005م:-
لذا قررنا الاتي
1.تعيين نفسي اسحق احمد صديق موظف بالمعاش واليا علي منزلنا الكائن في حي الرياض الخرطوم
2.تعيين الحاجة سعدية عثمان حرمنا المصون رئيسا للجنة الامن و العمليات برتبة فريق
3. نسعي جادين لتوفير السلاح والعتاد اللازم و كلمنا الاخوان في سوق ليبيا وولدنا محمد في امريكا ولدنا مجدي في انجلترا لشراء 2مدفع جيم ثري سريع الطلقات لاستعمالي الشخصي واحد مدفع بازوكة وواحداربي جي لسعادة الفريق وذلك لان مشاكل الرطوبة الحركة تمنعها من استعمال المدافع الرشاشة كما نسعي لشراء دبابة T55 لزوم المشاوير و الزيارات العائلية
4.اعلن حالة الطوارئ حظر التجول بين السابعة مسء وحتي السابعة صباحا وكل من تسول له نفسه زيارتنا في هذه المواعيد فلا يلومنا الا انفسه
5.في ساعات النهار الزيارات بمواعيد مسبقة مع الحصول علي كلمة السر من رئيس للجنة الامن و العمليات
6.سيتم بناء ساتر امام البيت و ذلك لحمايتنا في جلستنا الصباحية وشراب القهوة وانا نحذر كل من تسول له نفسه من الاقتراب اننا سنكون مستعدين لكل من لايعرف كلمة السر
7 لاهلنا في الكوة و الدامر وفي ديار عليهم التاكد من حصولهم علي كلمة السر قبل التفكير في السفرالينا
.8 نريد ان نؤكد انا غير مسئوليين عن سلامة اي فرد لا يلتزم بهذه الاجراءت خاة الزوار الغير مرغوب فيهم من ناس الموية' ناس العوائد ناس المجلس جماعة اللجان الشعبية وخاصة ناس بسط الامن الشامل.
ولانامت اعين الجبناء
|
شكراً مجدي على هذا الابداع
| |
 
|
|
|
|
|
|
|
|
Re: تحذير من اسرة الحاج اسحق لاهالي الرياض وللاهل بالخرطوم والكوة (Re: Magdi Is'hag)
|
مجدي
شر البلية ما يُـضحك.
طبـعـاً رسالة الوالي واضحـة: نحـو مزيد من الفتـنـة ونشر السلاح. لكن بينك وبينك احتمال يكون الراجل دا - المعروف بالنزعات الاستثمارية غير الحميدة والمريبة - احتمال يكون فـكر في (استـثـمار) الأحداث الحزينة وأنْ يعمل في تجارة السلاح. وعشان يروج للتجارة دي لازم يعمل دعاية من الشكل دا.
يا حكومة يا.
يا إنقاذ يا.
| |
|
|
|
|
|
|
|
|
|
Re: تحذير من اسرة الحاج اسحق لاهالي الرياض وللاهل بالخرطوم والكوة (Re: Adil Osman)
|
| Quote: بعدين نحن الغبش دول عندنا انطباع انو ناس الرياض دول حناكيش ، اسي بتقدروا تحموا نفسكم كيف ؟ |
العزيز/ الصادق خليفة
لك التحايا
يا الصادق خليفة يا اخوي انت شايف براك انه اسرة الحاج اسحق ارسلوا برقيات الي اهلهم في الكوة و الدامر ... فما دام الامر كده يبقي لازم تكون مطمئن عليهم ... فهم لا خوف عليهم و لا هم يحزنون ... و لكن يبدو انك يا الصادق تتحدث عن حي الرياض في عصر حناكيشه الماضي... في العصر المروي القديم ... لان ديمغرافيا حي الرياض قد تغيرت كثيرا ياالصادق ... فالسكان الان اصحاب بأس شديد ... و انت شايف بعينك نداءات سكان حي الرياض الي اهاليهم في الامصار... فارقد عافية يا زول و لك الود المقيم.
| |
|
|
|
|
|
|
|
|
|
Re: تحذير من اسرة الحاج اسحق لاهالي الرياض وللاهل بالخرطوم والكوة (Re: Magdi Is'hag)
|
يعني يا ود الحاج اسحق السيف المصدي الورثه أبوي عن جدي ودعوض ما بينفعنا ؟؟؟
والله الدنيا اتقدمت وشكلها كده ما بناكل عيش مع مسدسات الوالي وراجمات الفريق الوالدة الله يديها العافية ويشفيها من وجع الكرعين...
ترا ما عندنا قدرة لزي ده لا قروش ولا حيل...
بس نقعد نقرا البراك
ياربي بهم وبآلهم
تشغل أعدائي بأنفسهم
وعجل بالنصر وبالفرج
وأبلوهم ربي بالمرج
الشايقي
....
| |
|
|
|
|
|
|
|
|
|
Re: تحذير من اسرة الحاج اسحق لاهالي الرياض وللاهل بالخرطوم والكوة (Re: Magdi Is'hag)
|
الأخ مجدى
أنا ود جيرانكم فى الرياض...بس ما اتشاوفنا
Quote: Quote: 2مدفع جيم ثري سريع الطلقات
Quote: واحد مدفع بازوكة
Quote: وواحداربي جي
Quote: دبابة T55
لا والله خلاس ننوم قفا و نطمئن على الجماعة هناك
بس ماطمنتنا على تأمين الفرن
أوعى تكون متكل على جماعة بسط الأمن الشامل الفى ركن الفرن ديل؟
و الله كان كدى أحسن نأمن الرغيف للجماعة من دبى
تحياتى لك....ولمن تجى دبى معاوية بجيبك لينا
|
| |
|
|
|
|
|
|
| |
برير اسماعيل يوسف
فرح
الصادق خليفة
إسماعيل التاج
Adil Osman
saif massad ali
Tragie Mustafa
على محمد على بشير
قرشـــو
Al-Shaygi
ALGARADABI
فيس بوك
تويتر
انستقرام
يوتيوب
بنتيريست