|
|
 قطوعات في كهرباء الخرطوم بعد يوم من اتفاق الحكومة- التجمع في القاهرة (ونسة سودانية )
|
قطوعات في كهرباء الخرطوم بعد يوم من اتفاق الحكومة- التجمع في القاهرة
( ونسة سودانية)
دار الحوار التالي بين مواطنين بمدينة الخرطوم عن اسباب انقطاع التيار الكهربائي لاكثرمن خمس ساعات خلال يوم امس الاحد 19/يونيو 2005م
- الظاهر وزارة الكهرباء اصبحت في القسمة من نصيب التجمع.
- الجماعة ديل (ناس الانقاذ ) الظاهر عليهم مغادرين وعاوزين يتركوا البلد كما وجدوها اول مرة ازمات في ازمات، عاين خلال الشهرين ديل في كم ازمة، اول حاجة الاسمنت، ارتفعت فاتورة الكهرباء والموية، السكر، واليومين ديل قطوعات كهرباء، والجايات كتار.
- ناس الانقاذ وحكومتهم كانوا براهم قادرين علي الشغلانة دي ولمن اتفقوا مع الحركة قلنا جيد اتفاقهم مع الحركة وقف الحرب لكن اسع اتفاقية القاهرة دي لزومة شنو،وود المرغني فضل ليهو شنو اذا كان ناس تجمع البجة ما معاه.
- القال ليك منو؟ ده كلام اعلام ساكت والله ناس تحالف البجة ديل في الشرق ما عندهم التكتح غير انهب واخطف واقتل وفجر خط بترول، ومتخصصين في تخويف سياسيين الشرق.
- الشرق كله حق ود الميرغني.
- انت نسيت الشمالية برضو حقته.
- ده كان زمان.
- البلد دي ما تحصل فيها ديمقراطية حقيقية وحريات واي زول اده حقو........ تمشي وين ما تعرفه!!!
- نحن عاوزين حقوقنا تحت رعاية ورقابة دولية ‘ الثقة انتهت خلاص.
- البرعوك ديل عاوزين كم ؟
- خليهم عاوزين كم اسع الانجازات الاتعملت دي بترول كباري، اجو المستعمرين ديل لا يخلو خط لا يخلو مصفي، وناس الانقاذ ما بفكوها بي ساهلة، والله تحصل هجمة البلد دي تخرب خراب سوبا.
الحمد لله الكهربا جات.
بعد ما الشمس غابت وراسنا سخن.
- انا قلت حصل عليها حاصل.
|
|
 
|
|
|
|
فيس بوك
تويتر
انستقرام
يوتيوب
بنتيريست