فـــرتك ... فرتــك مــولانا !!

Quote: فـــرتك ... فرتــك مــولانا والله حكــايه ... وحــكايه بـالله .. بتــزعل مولايــا يـاشيــخـنا إتــحوقــل وإتـوضـاء واستغــفـر ربـك بــآيـه ................. بـالله بتـزعــل مــولايا ******* سبـحان الخالـق سبـحانـه ما اغــرب هــذا الانســان يتشــاطر يبــني الخــزان ويــزعل يحــرد مــولانا ........... بالله بتــزعل مــولايا ********* و الله حــكايه خزانــك قايــم بحــوايه باننه مجــوس مـن شنــقايه1 لا سمعوا بي الله ولا رســوله لا بعرفــوا أرضنــا مصــلايه مسجــدنا العــامر هــدوه دخــلوه بــإذنك مــولايا تدنيس المسـجد والخلــوه ما ثـار غضبك مولايا ! والله حكــايه ... وحكايه ........ بالله بتـزعل مــولايا ********* زعــلان بـجــدك مــولايا ابنيلك منــزل في الصحــرا واســكن باولادك فيهو! نادي علي اخــوانك واهلك الالاف الافــدنه من رمــله العايز مجــاني أديـه ماتتـردد مولانـا البطلب مليــون بتقضّيـهو قســم .. قســم مــولانا خيرك بــاسط بتكفيــه .......... بـالله بتتــزعل مــولانا ******* جــربـت العــوم في الشــلاله ولعبــت " الـكـاك"2 عنـد الحجــره وبنــادق الطــين البتــدوي و "عنـبورهــا"3 البطّـرش قنـبـاله 4 شـركت رميت الجبــاده و" دبشوقوك"5 عايــز نقال ( فجــكت)6 قبــضت الصيــر وقســمت القســمه بعــداله حــق التوب ما تنســاه وما تطمع تنــسي الزمالي7 القسمــه اصـلها معروف لا فيهــا ضغــائن لا قــواله مولانا القصه بسيــطه ومعروفـــه مــولانا القصــه عــدالـه بالله بتزعل مــولانا ******** الموجـه العاليـه بتشــرق ..... مولانــا والسيــل الطامح بيدفق والكاذب دايمـا بيلتق والجضــل اليابس ما بـتق ..... ..... مولانا طريــقتك مكشــوفه واللعبـه " ملوص" ما معروفــه ادينا اكتافــك واختــانا روبك دفق مولانا قــاعدين في النيل مــن ازمــانا عايز تديــنا الصنّا نــه8 مبروكه عليك الصحــرا وغربانها فرتـك ... فرتــك مــولانا فرتك ... فرتــك مـــولانا 1.شنقايه تعني شنقهاي في اشاره الي الصينين الذين يبنون الخزان 2. الكاك : من العاب الاطفال المرتبطه بالسباحه 3. العنبــور : رجـع الصــدي 4. قنبــاله : أي كالقنبله 5. الدبشوك : نــوع من السمــك 6. الفجّيك : هو اصطياد صغار السمك في شاطئ النيل باستخدام ثوب احدي النساء اللائي يتواجدن بقرب النيل لجلب الماء . 7. الزمالي: الشخص الذي يحمل الاناء الذي يوضع فيه ماتم صيده من صغار السمك 8ز الصنّانه: الصحراء