|
دعواتكم لزميلنا المفكر د.الباقر العفيف بالشفاء العاجل
|
|
|
 Re: عضو جدييييييييييييد!!!!!!!!!!!!!!!!! (Re: gamal elsadig)
|
لنا مهدي,, لك كل الشكر وكل الحب
الاعزاء اسماعيل وراق, عبد الرحمن الحلاوى, علي محمد, جمال الصادق, وآخرون ،، ظللت اتابعكم تصولون وتجولون بارض المنتدى وبي احساس اني اعرفكم فردا فردا, ويسابقني قلمي للرد عليكم في اوراقي الوحيدة المعزولة,, وتقف الكلمات في حلقي احيانا،، فاخاطبكم حضورا وانتم غائبون.
وهاأنذي بينكم الان, اعلم انكم تقدرون و"نص" على هذا الحب , ولكن ربما تخذلني قوتي انا عليه.
(عدل بواسطة Rasha Hatim on 05-02-2006, 02:35 AM)
| |
 
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: Rasha Hatim)
|
لا حول ولا قوة الا بالله العلي العظيم
الاحساس الوحيد المسيطر علي تماماً اني عاوز اعضي الاموره دي الحلوه دي
مش بيقولو بطني فارت هسه انا بطني كميه من الفوران والغليان
اوعه تقولي الزول ده عينو حاره هسه بحلف ما احجز ليك ولدي
ماشاءالله تبارك الله ربنا يحفظه ويخليها ليك ولى ابوها
امممم انتي عارفه ما عارف ابدأ من وين وانتهي وين
اقول ليك ازيك ... مشتاقين... اممم ده كله ما بكفي
لكن تعرفي الحاجه الفي بالي هسه تعليقك على انك اكتشفتي هشام ادم
انو شاعر وكده تعرفي يا رشا مش بقولو يضع سرو في اضعف خلقو ( هشام ما يسمعني ههههه)
اها بقى هشام ده طلع فلته والله يا رشا انا المحيرني مش الشاعرية بس المحيراني
حاجات كتيره ( حامياني ) قلم متمكن ، خيال واسع ، قدره على استنباط الي ما بيستنبطش ( دي من عندكم يا حلبيه  عشان كده ادعي معاي بالتوفيق للاخ هشام
انا شكلي ما حاقيف من الكتابه
لي عوده
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: Rasha Hatim)
|
من هسه وبقيت تنسى يا ......
بس كويس انك ما عرفتيني
انا كمان متأمل بعدين تبقي نسيبة ولدي
كان كدي بري يا يمه من هسه نسيبة ولدي مخرفه هههههههه
اما حكاية هشام فضحكتني شديد قلتي لي (أ) هي (أ) براها كانن كتاااار
بس للاسف مافي واحده طلعت شاطره ومسكت لينا الولد ده
المشكله الاساسيه هسه يا رشا نحن في هشام الداخل على الاربعين ده ويقول ليك
انا عاوز فرصه كافيه عشان اتعرف على وحده هههههههههه
انا عادل بتاع المظله يا رشا وذلك الموقف الرومانسي الذي لا ينسى الذي جمعني بحبيبتي
التي هي ام عيالي الان وانتي كنتي شاهد
اها كان ما عرفتيني الرماده في خشمك
للمزيد رسلي رساله بى سرعه للايميل ده
[email protected]
قبل ما انسى انت عارفه انا زعلان منك
تديني مشوار قدر الضربه لحدي ما اصل الكلية واسأل عنك يقولو في قطر
كانت الزياره في اواخر رمضان الماضي
ياخي الكلام كتير
منتظر رسالتك في الايميل
في امان الكريم
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: فيصل نوبي)
|
يا نوبي, والله انا ماعاوزة من قولة تيت اصنف ناس او ناس يصنفوني, بس الكلام جاب الكلام,,,
وفعلا قريت لاساسي حاجات كتيرة كويسة,,,
على العموم يا سيدي انت واساسي وكل ناس البورد اخوان اكتر من اعزاء.. ولكم جميعا كل الود.
(فتشت لي وردة والا قلب ما لقيت, يللا المهم النية وصلت)
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: عبد المنعم سيد احمد)
|
______________
ألف مراحب يا رشا ، والله فرحتا شديد .. والعسولة الفي الصورة بتاعتك دي بنتك؟ طالعة شبهك طبعاً ... على فكرة أنا حاجز العسولة دي أعرسها أوكي؟ بالله ورينا قاعدين وين وأخبارك شنو ، وأختك اللئيمة أخبارها شنو وعرست وله لسه.
ألف مراحب برشا حاتم وبأهل البطانة كلهم ..
سودانيزأولاين نورت بالجد
ومرحب بريحة جامعة الخرطوم
ودفعة 94
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: هاشم نوريت)
|
_______________
رشا حاتم & عادل فقاد
إنتو كنتو قاعدين تقطعوا فيني ؟ وأنا أقووووووول ما سكاني زغطّة وأنا شغال. على فكرة يا رشا عندي ليك شمارات عن عادل فقاد من التشرح القلب بس ورينا نصلك كيف.
والزول ده عينو حااااره يا رشا ما يعمل ليك فيها ود مسكين وكاتل حيلو ... ما متزكرة أيام الجامعة كان عامل فيها ثوري بالماينص
عموماً يا ستي الفات مات بس المهم ندفنو كيف ....
والله يا رشا كمية أسامي طارت لي من راسي .. وكمية تانية جات ناطة اتزكرت أمونة (آمنة أبو سن) و تماضر جلال وهيثم تاج السر ومنذر
حليييييل يا زمن
أكيد لي رجعة تانية
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: هشام آدم)
|
يا هشام ازيك, والله مشتاقين عدييييل للجامعة ولاي حاجة تلمنا بيها, فعلا حليل ايام زمان, هسي الناس البقرو الكلام دة يقولو احنا عجزنا!!!!
والناس الذكرتهم ديل وغيرهم كتاااار ابدا ما طلعوا من راسي.
لكن كلام الشعر دة والله فرحني عديييل, انت ما كنت بتكتب من زمان والا انا الما كنت متابعة؟؟؟؟؟
انا هسي في قطر ومستنيية الشماراااات بتاعة عادل دي علي احر من الجمر, اوعى تشرني 
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: Rasha Hatim)
|
__________
والله يا رشا بالجد حليلك ...
يعني حسي يا رشا إنتي ما عجزتي؟ أنا شخصياً لسه صغير والدليل يادااااااااااب بفكر أحضر الماجستير .. تتصوري؟ طبعاً لا عرستا ولا اتنيلت .. مش قلتا ليكِ داير أقرى 
يا ستي اسمعي ..
حرم عادل فقاد دي .. كانت دايرة تكتلني أيام الجامعة .. وقدام الله وخلقو قالتا لي بالحرف الواحد: هشام آدم ؟ أنا بكتلك !!! عشان كده الله جازاها ورماها في عادل ده .. يمهل ولا يهمل .. مش ؟ هاهاهاهاها
أنا يا ستي في شرق السعودية حتة اسمها الدمام جنب البحر .. يعني كان عمت في بحر العرب بصلكم في قطر .. بس المشكلة ما بعرف أعوم  على فكرة يا رشا أختك الليمة أخبارها شنو؟ لاقيتها في كازينو النيل الأزرق تتزكري؟ إن شا الله ربنا يكون أداها على قدر نيتها وعرست
إنتي كنت بتاعت دكوك ولا شنو؟ ما كنت بتحضري الأركان الثقافية بتاعت (جماعة الأديب) ناس: نوح أبّـا و فتح الرحمن الضو (سابوداي) و راشد ومحسن عبد الفتاح ... إنت كنت إنتساب وأنحنا ما عارفين وله شنو ؟ هاهاهاهاها على العموم تشكري يا ستي ومنتظرين إبداعاتكم كمان
عناويني :
[email protected]
وأكيد حنتلاقى
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: هشام آدم)
|
يا هشام عجزت شنو يا زول؟؟؟ هسي انا ابيت اخت ليكم صورتي عشان البكا وكدة قلت احسن اخت البنات وبعدين يا هشام انا زمن الجامعة مافي شي ضيعني الا الكسر (افرز بينو وبين الكسير, انا قاصدة القراية)
وبعدين انت قاصد ياتو واحدة الاتنين لئيمات!! غايتو الكانت معانا في الجامعى, لئيمة اكتر من التانية, دي هسي في ابوظبي وعندها ولد.
ناس سابوداي ديل انا كنت قاعدة الاقيهم لما يجوا يتكلموا مع ناس (اوعى تقول حاجة)
اما الولد عادل ده حكايتو حكاية,, وانت برضو شريتني رغم التحذيرات وما اديتني شماراتو!!!!
على العموم, الايام الجاية دي انا ح اقعد للمنبر دة بمزاج, والله يستر
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: اساسي)
|
العزيزة رشا
مرحبا بكي إضافة حقيقية لهذا الجمع الكريم، وننتظر مساهماتك الأدبية، وما تيسر لي الإطلاع عليه ينبيء بمولد أديبة متعددة المواهب.
(هوي يا رشا كان قعدي للمنبر دا حتضيعي وقت العمل، فبلاش تسيب).
ويا بورداب الدوحة مبروووك جاتكم بنت
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: اساسي)
|
والله ما مكجناك يا اساسي لكن كلامك شين. وبعدين انا حبي ده مقدماهو لوطن وشعب يستاهلوا.
فوضع طبيعي انو يكون دة طرفك منو.
بعدين انت مش قالوا عريس,, حايم لهسي مالك؟؟؟؟؟؟
معليش يا نوبي,,, غصبا عني والله.
كدي جرب واسطة تانية!!!!!!!!!(كمية من الوشوووووش)
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: Rasha Hatim)
|
والله يا نوبي واسطتك نفسها قصير ما مرقت من بوست ووحلت
لكن النصيحة لله عدو واضح ولا ضحك من تحت النواجز زمان بيان عندها توقيع كدا
كان مكسرني عديل ...عن المجاملات اللزجة
بعدين ما قلت ليك انت مشغولة حد الهوس (حسب امكانياتك) بالشخوص ونقاشهم
عريس ولا ما عريس انت الدخلك شنو في حياتي ؟
بالنسبة لكلامي الشين دا انا لا ابكي علي ود احدهم هنا لاتفاني له في تزويق الحروف
نحن هنا نحاور افكار .. ولسنا في بيت عرس للمجاملة
وحاولي انتقلي من حوارات بيوت السمايات الي حوارات المنابر
| |
|
|
|
|
|
|
|
|
|
Re: عضو جدييييييييييييد!!!!!!!!!!!!!!!!! (Re: Rasha Hatim)
|
(حسب امكانياتك)
خطأ ليس حسب امكانياتي ... ولكن حسب قلمك الذي لا يبشر كثيرا
فبوادر الكاتب تسبقه ولا يسبقها باحكامه المسبقة ..
ايات وعلامات الكاتب لا يتوفر لك منها الا الزمن السائب الذي لا تدري فيما تنفقيه حتي الان
بيد اني لا اركن كثيرا او اراهن اني ساتفرغ من كل شيئ لاتابع خطاك
والتي يبدو انها عرجاء من بدايتها
نقطة .
رفع قلمي من هنا
| |
|
|
|
|
|
|
|
| |
Rasha Hatim
lana mahdi
إسماعيل وراق
عبدالرحمن الحلاوي
على محمد على بشير
gamal elsadig
انعام عبد الحفيظ
هشام آدم
محمد الأمين موسى
hatim
احمد العربي
فيصل محمد الطيب
Sidig Rahama Elnour
Elawad Eltayeb
مظلة شنو؟؟؟ اسمع غايتو تخمين ام عيالك دي بتبدا بالسين؟؟؟ اقول ليك احسن الايميل عشان الكلام ما يكون مشرووور
Sobajo
الزنجي
Muna Khugali
فيصل نوبي
Dr. Moiz Bakhiet
خالد عبد الله محمود
عبد المنعم سيد احمد
أبوذر بابكر
هاشم نوريت
nadus2000
الجندرية
Marouf Sanad
عاطف عمر
سامي عبد الوهاب إدريس
فيس بوك
تويتر
انستقرام
يوتيوب
بنتيريست