الاخوة الأعزاء نهار الجمعة الماضية وبينما كنت أتابع برنامج الأسرة في القناة السودانية, كان هنالك لقاء مع أمينة المرأة بالجالية السودانية بجدة . تحدثت فيه الاخت باسم السودانيات المغتربات بالسعودية, وتناولت أمور كثيرة... ولكن ما لفت انتباهي هو ردها على سؤال طرحته عليها مقدة البرنامج حول اهتمام المغتربة بالذهب اكثر من غيره من المعادن .. وهالني ما قالته السيدة أمينة المرأة بأن المغتربة عادة ما تحرص ان تنزل في الاجازات وهي محملة بالذهب للسودان وما ان تنوى الرجوع الى المهجر فانها تبيعه وتشتري به قطعة أرض.... هكذا بكل بساطة.. أسال نفسي باعتباري احدي المغتربات التي تتحدث السيدة الفضلى باسمهم هل حقيقة هذا حال المغتربات بشكل عام؟؟ عجبا! فهي تتحدث عن حقبة تاريخية عفا عليها الزمن عندما كنا نسمع بان المغترب في السعودية (يحمل المال بالشوال) .. ولكن الآن أعلم ان هنالك الكثير من الاسر لم يستطيعوا قضاء الاجازة بين الاهل في السودان لسنوات طويلة بسبب الظروف المادية تلك التي حرمت الكثير من الاسر بل وحرمت الاطفال من رؤية وطنهم الحبيب والتشرب من ثقافتهم الام ولو القليل في فترة الاجازة .. كثير من الاسر اطفالها بلغوا سن العاشرة ,, لم يزوروا هؤلاء الاطفال السودان ولا يعرفوه سوى من الحكاوى...فتكلفة الاجازة من مصاريف وتذاكر صارت عبئا ثقيلا على الاسرة .. ناهيك على ان تفيض لتشتري الام قطعة أرض!!! انتي يا اختي تتحدثين عن شريحة بسيطة من النساء ولا ينطبق ذلك على الغالبية اضف الى ان فرص العمل للنساء بالسعودية تحديدا محدودة جدا مقارنة بالدول الاخرى فكم من طبيبة ومهندسة واخريات بلا عمل .. نحن يا عزيزتي اصبح حالنا اسوأ مما كان عليه .. على الاقل وجودنا في السودان فيه كثير من الراحة النفسية التي نحلم بها نحن النساء في المهجر. فهلا اسعفتينا ووضحتي رؤيتك اكثر عن من تتكلمين؟؟ اما مقدمة البرنامج فانصحها بعدم التركيز على الورقة التي بين يديك اكثر من محاورة ضيفة البرنامج بقيت نقطة اخيرة تهمني .. اود ان اسمع راي ناس جدة في هذا الموضوع ولكم الشكر على طول البال
05-18-2004, 09:59 AM
ابوحراز ابوحراز
تاريخ التسجيل: 06-27-2002
مجموع المشاركات: 5536
ربما هي تتحدث عن أليسا أو نانسي عجرم قال دهب قال بالكاد يمشي المغترب صاحب العائلة لبلده وهو لايحمل سوى مبلغ ضئيل ربما لايكفيه حتى شهر واحد طبعاً دا لو مالقى في زواج في العائلة أو واحدة على وشك الوضوع
05-18-2004, 10:33 AM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
ولكن في أعتقادي أن السيدة التي تحدثت بوصفها أمينة المرأة بجدة ، فإنني أعتقد بأنها لا بد وأن تكون زوجة أحد أعضاء القنصلية السودانية بجدة أو أحد محسوبي النظام؟؟؟ والله أعلم.
وأسباب أعتقادي أنه لا يوجد تنظيم نسائي للمغتربات ، على الأقل تنظيم معلن ألهم إلا إذا كان دكاكيني في دهاليز القنصلية ومجالس عوائلها ..!!
ما ذكر من حديث عن الأصفر الرنان يحتاج إلى الكثير من الريالات وهذه غير متوفرة إلا لدى الفيل الذي يطأ ما يجمعه النمل.
ليت الأخت أم سهى تحاول أن تتذكر لنا الإسم لنتحرى ونرى ما مدى صدق إعتقادي ؟؟
ووالله الزمن ده بعنا دهب حريمنا السويناهوا عبر سنوات الإغتراب التي زادت عن العشرين من أجل أن نحاول بناء سام نتضارى خلفه والسام عند أهلنا الشايقية وكذلك الرباطاب كما ذكر العم شوقي بدري هو الحائط أو الحوش. وللعلم فإن مقتني الأراضي الأن في السودان والمسابقون على شرائها والذين يبنون العمارات العالية والبيوت الفاخرة هم من الداخل وإذا تمعنت فلن تجد منهم مغترب إلا قليلاً، وهناك قصة ظريفة من نوع شر البلية ما يضحك وبطلها أحد أخوانا البورداب هنا وهي أنه يمتلك أرض في ما كان يعرف بعشش فلاته وبدأ منذ سنوات يبني فيها حبه حبه يعني كل إجازة يمشي يصب ليه عمودين تلاته وعنده جارين من اليمين واليسار من المحاسيب كل ما يمشي يسوي ليه عمودين يلقاهم كل واحد طلع ليهو طابقين؟؟؟ والقصة طويلة وتبكي وياريت لو قرأ تعليقي هذا يكتب لينا عن هذه التجربة وعن كيفية بناء جيرانه لهذه الطوابق علماً بأنهما من صغار الشباب وليس من عتاولة النظام.
يعني بإختصار بقول للسيدة المحترمة التي نصبت نفسها وتكلمت بإسم المغتربين (الزول لمن ينضم ينضم في المعقول) وهذه أيضاً لها قصة إذا سنحت الفرصة سأرويها لكم.
والله المستعان
05-18-2004, 02:05 PM
ابو عثمان ابو عثمان
تاريخ التسجيل: 12-14-2002
مجموع المشاركات: 1389
الفاضلة أم سهى وجميع المتداخلين السلام عليكم ورحمة الله وبركاته شاءت الصدف أن تابعت تلك الحلقة من برنامج ملتقى العائلة وقد كانت اجابة السؤال الذي وجهته مقدمة البرنامج عن سبب عدم لبس الضيفة للذهب كبقية المغتربات . وبحكم دراسة الأخت الضيفة اٌلأقتصادية أجابت بأن اغتناء الذهب يعتبر تجميد لرأس المال وأنها وبقية أعضاء الأمانة يسعين لمشاريع استثمارية صغيرة تعود بالنفع على المساهمات ولو بالقليل . ومن هذا يتضح أن رأي السيدة الضيفة واضح. هذا والله أعلم
05-18-2004, 07:52 PM
أم سهى أم سهى
تاريخ التسجيل: 09-29-2002
مجموع المشاركات: 1435
الاخوة المحترمين ابوحراز الشايقي ابو عثمان شكرا على المداخلة .. الاخت امينة امانة المرأة بالجالية السودانية بجدة اسمها انتصار .. طبعا اتفق معك يا اخ ابو عثمان لكن انا اعني انه اذا كانت هنالك قلة تستطيع فعل ذلك فهذا لا ينطبق على الاغلبية وحتى لا يحكم علينا اهلنا بالداخل بالبخل والتقشف.. نحن لا نملك الا ايماننا بالشعب السوداني وقضيته وكفى
الصديق ابو مرام لك التحية انا كنت جد حريصة اتابع كلامها هي فعلا تطرقت لمختلف المواضيع كامانة مرأة بالجالية لكن تحديدا عند سؤال الاخت ليها عن الذهب ده كان ردها بالحرف (انو لمن الواحدة ترجع مننا بتشتري بيهو دهب وترجع بعد داك السعودية )... عشان كدة انا اندهشت وسألت نفسي ياربي ديل في السعودية التانية غير الفيها نحن لك الود
05-19-2004, 11:16 AM
humida humida
تاريخ التسجيل: 11-06-2003
مجموع المشاركات: 9806
الاستاذة أم سهي .. في حقيقة يجب تثبيتها قبل الكلام عن الدهب .. وهي أنه القنصلية في جدة .. ودورها الاجتماعي .. بنسمع بيهو سمع .. ذي كلام الجرايد .. وبنسمع عن كمية الروابط الموجودة فيها .. وناس الكورة الماعندهم حد .. ورغم وجودي في جدة .. من سنة حفرو البحر .. ما شفت الناس ديل جهاراً نهاراً .. يبدو انه القنصلية دي .. في جدة .. كوكب زحل .. وبما أنه كدا .. يجوز والله اعلم انه الدهب رخيص هناك .. والله أعلم ..
05-19-2004, 11:32 AM
Rawia Rawia
تاريخ التسجيل: 11-23-2002
مجموع المشاركات: 8396
اعملوا صرفه محدوده لى ناس جده بس ودخلونى معاكم انا باستثناء وتزكيه من اساسى وعلى شرط الشهر يكون الف دولار وقبضوتى ليها الاول وليكم على افك معاى حيره دكين واديهو السبعه الف ريال يمشى يعرس والاهم من كدا انى حا اساعد اساسى يفك حيرتو برضو ويمشى يعرس لانه هو ما قادر عشان الجايه قدر الرايحه اها قولكم شنو
05-24-2004, 01:57 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
الاستاذه ام سهى ما تاخدى الموضوع بالحساسيه دى كلها بعيدا عن حركات ناس السفارة و كده دى احسن حاجه ممكن تقولها تلك السيده عن النساء المعنكشات بالدهب , اللى سالتها المزيعه عنهم مش احسن ما تقول ليها , ( دى فشخرة ) فى الفاضى , و الناس ديل و الله ما عندهم حاجه ؟؟؟ و لا رايك شنو ؟؟؟؟؟؟؟؟؟؟؟
05-24-2004, 08:25 AM
أم سهى أم سهى
تاريخ التسجيل: 09-29-2002
مجموع المشاركات: 1435
الاخوة الاعزاء ما كمان نحن عندنا عقل ومش كدة معايشين الواقع دة وزي ما قال حميدة الله يطراه بالخير ويعافيه من كل سخط القول - غربة وغبن - بس ياهو ده حالنا - تقول لي دهب انا غايتو يا راوية حاجزة الصرفة التانية لكن ما مع ناس جدة حاطرحه لرابطة سودانيز اونىين ويعملوا الصرفة واشيلها اول شي اتم بيها لي تنقو موضوعو اصلوا نحن اهل عريس وكدة والباقي امشي بيهو السودان ايه رايك مش شاطرة؟ وايه راي عمك تنقو؟؟؟ نسمع
05-24-2004, 02:17 PM
Rawia Rawia
تاريخ التسجيل: 11-23-2002
مجموع المشاركات: 8396
والله نعم الراي يا ام سهي دائما قلبك مع المنكوبين من امثالنا انا اسة غايتو في تفاوض مع سجيمان عشان يعمل لي دعاية زي بتاعة انوركنج .. امكن ندخل الفورمة لوووووووول وكان قبضتي الصرفة دي خليها معاي اعمل بيها مشروع لحدي ما نبدا بيها الخطة :
......
العزيزة راوية ... تسلمي كتير كتير .. لك التحيات بالجملة
تنقو
05-24-2004, 07:40 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
انت عارفة كيلو اللحم الضاني في الخرطوم بي كم والله اغلى من جــدة !!!
(ودي حلقة شفتها في التلفزيون السوداني مع أحد الجزارين الشباب في برنامج صباحك يا بلدفي جزارة ما بالخرطوم) كيلو الضاني بملبغ 13000 جنيه سوداني
يعني حوالي 18.50 ريال سعودي للكيلو
ونفس اللحمة دي بتجي بالطيارة وتباع في جدة بسعر 18 ريال (وين حق الشحن والنقل والتبريد والكهربا والعمال)
اها انا قلت بدل ارسل دهب يشترو بيهو واطة
اشتري لي لحمة وأمشي أبيعها في السودان على الاقل ضمان بكسب
ويا حليلك يا أبو حريرة وحليل لحمتك الاسترالية
والله العظيم انا اشتريت كيلو اللحمة ب 20 قرش في نهاية الستينات ما دام الكيلو هو الكيلو معناها الـ 13000 جنيه الآن بتساوي الـ 20 قرش وما عارفين بكرة أولادنا حيشتروها بي كم !!
05-24-2004, 08:23 PM
أم سهى أم سهى
تاريخ التسجيل: 09-29-2002
مجموع المشاركات: 1435
الاخ تنقو انت جيت بي وين دخلت البوست قبل ما نكمل قطيعتنا انا وراوية انا موافقة ومستعدة ادخل 20 صندوق لو بحلوا ليك مشكلتك الاخ جمال لله في خلقه شئون .. وياربي لمن نمشي الاجازة بعد شهر للسودان برضو ننشف اللحمة ونشيلها معانا هدايا بدل الهدوم لنا الله يا اخي وشكرا على المداخلة القيمة
الأخت الغالية أم سهى أسعد الله أوقاتك لايمة ناس جدة ليه ما هدا انت مرطبة والأشياء معدن وبتفكري في الهدايا. حق الهدايا اشتري بيه سلسل ولا حلق وبعدين سنة وراء سنة إن شاء الله بعد عمر طويل تكوني لميت حق الأرض وذي ما بقولوا البنيان من طوبة ومشوار ال300متر يبدأ بحلق أو سلسل وربنا يقرب البعيد تحياتي
العزيزة أم سهى المسألة وما فيها إنو التلفزيون السوداني يظن حسب وهم المسؤلين عنه أن أمثال هذه السيدة هي مثال للمغتربين وبترسيخ هذا الفهم يحق لحكومتهم فرض ضرائب على المغتربين بالقدر الذي تريدة الحكومة وتزيد من فكرة هجرة الشباب إلى أراضي اليباب وتدفع الفتيات إلى البحث عن سخف الأغتراب والمغتربين
05-26-2004, 03:47 AM
suhair elsheikh suhair elsheikh
تاريخ التسجيل: 03-29-2004
مجموع المشاركات: 301
العزيزة سهير لكي ودي وشوقي ونورتو البورد انتي والنصري - بس مالوا كبر كدة؟؟ حميدة انا شايفة ابومرام زعلان وكدة ياخي حقك علي لكن والله حرقتني الكضبة ما نحن شايفين الحالة وبعدين الهدايا الانا بشتريها من ابو رالين والشاهد الله بعدين اشتري حلق حلق ده الا اديهو هدية لي موظفات الاراضي (مع احترامي )اما قروش الارض بقول ليهم ما زال العمر سنينا تحبى
05-26-2004, 11:08 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
الاخ صديق لك التحية والله ضحكتني جد لانو فعلا الغفراء بقوا يقعدوا في البيوت التحت التشييد اكثر من ايادها وشنو كمان لحدي ما البيوت تتشقق وتشوف الغفير برمم فيها قبل ما اسيادها يسكنوها لنا الله يا اخي وسؤالك عنها هي قالت امينة امانة المراة بالجالية السودانية لك الشكر على الطلة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أم سهى
ابوحراز
Al-Shaygi
ابو عثمان
humida
Rawia
smart_ana2001
جمال السنوسي
صديق الموج
فيس بوك
تويتر
انستقرام
يوتيوب
بنتيريست