|
|
|
 Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
الاستاذ والكابتن تاج السر
الاخوه الاعزاء راكوبه
شيبه
وحمزاوي
كلنا متعصبين لي فرقنا ومافي واحد ما بيحب الفريق الذي يشجع ومع كمية الحب هذه يوجد احترام الاخرين ولم نتعرض لسب اي كان ولذلك نرجو من الاخ حمزاوي والاخ شيبه والاخ راكوبه والاخ تاج السر حسن ان يعتزرو لي بعض وكفي الله المؤمنين شر القتال
فاذا كان هذا حال المتعلمين من الطرفين فكيف يكون حال المشجع العادي فارجو يا اخوتي ويا اعزائي ان نعتزر لي بعض وان نمارس تشجيعنا بدون سب الاخرين واحترام ذاتهم ومع العلم بيكون احد هؤلاء الزملاء اكبر مننا سنا
وفي النهاية لا هلال بدون مريخ ولا مريخ بدون هلال
مع تحياتي للجميع هلاريخاب
| |
 
|
|
|
|
|
|
|
 Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
لم اشاهد اكثر من 5 دقائق فى اى مباراة كرة قدم (باستثناء بعض المباريات بين كليتى الاقتصاد و الهندسة فى الجامعة و فقط لتشجيع زملائنا فى كلية الاقتصاد). و لا افقه كثيرا فى الفرق بين الهلال و المريخ (و افهم ان تكون مهتم بالكرة كلاعب/ة لكن محيرنى الناس البيتفرجوا!
اذكر زمان لان اخوانى "هلالاب" قررت و اخواتى ان نكون "مريخابيات" فقط لنغيظهم اذا المريخ فاز فى مباراة (و اذا كانوا مريخاب كنا بقينا هلالابيات) (فقط نحصل على النتيجة دون متابعة المباراة) !
المهم لم اقرأ التبادل بين مشجعى/ات الهلال و المريخ فى البورد لكن اليست "المكاواة" سمة لمثل هذه المباريات على ألا ياخذ احد على خاطره فى النهاية و يتعامل الجميع بروح رياضية؟
| |
|
|
|
|
|
|
|
|
 Re: قضية معروضة لضمير البورد لأبدأء الرأى بالحق والعدل (Re: sheba)
|
لقد كان هذا ردى على ما أقترفته يداك يا جبان يا رعديد يا كاذب
أم تريد على طريقة ( شارون) تعتدى على الآخرين وتصبح حملا وديعا.
من الذى غير اتجاهى من النقد التحليلى المنطقى الى هذا الجو الذى
لا يشبهنى ، ونحن اولاد ام درمان لا تعرفنا ، نكرم الضيفان لكن من
ساء الأدب ، احسن ما يشق (حى العرب) ، هل تعرف هذا المعنى ؟؟
للأسف سطحية البعض فى تناول الآمور جعلتك تتمادى فى كذبك وعدم
أمانتك.
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: nada ali)
|
للأسف الشديد للأخوه المتداخلين جميعا أ لم يأخذ احدكم الأمر بالجديه المطلوبه ، فأنا لم أطرح موضوعا للنقاش عن كرة القدم التى أعرف انها لا تروق للبعض ، لقد طرحت قضية محددة هى احدى مصائب هذا الوطن السودان ، أشخاص كذبه يشتمون ويفذفون الآخرين ، ثم عندما ترد عليهم
يحولونك كمن بدأ تلك الشتائم مثل الكاذب أعلاه شيبه ، فبدلا أن يتدخل احدكم بتوضيح وجهة نظره فى ذلك ، رددتم على طريقة أنا لا اعرف زيد ولكن هل هو قريب لعمرو.
أسفى الشديد ان كان وعى من يريدون تغيير النظام الحاكم على نفس هذا النمط.
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
أخي / تاج السر
السلام عليكم ورحمة الله وبركاته
ذكرت في هجومك علي شخصنا الضعيف ما يلي :
وتتطاول أحدهم ويدعى (حمزاوى) وقال يتمنى أن ينتصر اهلى مصر حتى (يطلع كل قرد لشدرو)، لم نهتم وواصلنا تحليلنا المنطقى ،لما يفيد فريق (الهلال) وعندما تجاوزنا الأهلى المصرى بحمد الله ، رددنا عليه عبارته.
لا حول ولا قوة الا بالله . . . اين ومتي قلت هذا الكلام انا .
انت جبت الكلام دا من فين يا زول اتحداك ان تثبت انني كتبت هذا الكلام ؟
يا اخي لا ترمي الناس بتهم باطلة وتشهر بنا علي الملأ في كلام لم نكتبه
أرجع لكل مداخلاتي واذا وجدت كلام يشين او يهين فريق الهلال او شخصكم فات به هنا وانا على استعداد للقرار الذي تتخذه بل انا باركت للهلال وللوطن الفوز
انا ما ممكن اكتب كلام بالشكل دا وهذه ليس من اخلاقي وصفاتي
كتبت ويدعي حمزاوي . . . . انا ما اخوك يا اخي اكتب الاخ حمزاوي لاظهار حسن النية
انا في انتظار ان تاتي باي جملة او مداخلة لا يليق
والله العظيم الكلام الانت كتبتوا دا انا ما عندي بيه اي علاقة ولا كتبتوا ولا شفتوا كمان
انت داير تلصق لي اي كلام وبس
وذكرت يا اخي
لا يا سادة من أخطأ يتحمل مسرؤلية خطأه وبعتذر علنا أو يبتر، والتزم بذلك الأمر حتى لو طال رقبتى.
يا اخوي ما وصلت للدرجة دي الحكاية شنو يا زول تسلم رقبتك هي كورة ونقاش وتسلية لا اكتر ولا اقل
أخي عباس لك الشكر والتقدير
وللجميع شكري وتقديري
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
الاخ العزيز تاج السر
اهو الاخ حمزاوي قال انو ما كتب هذا الكلام لم يسيء لاي هلالابي هنا في البورد وده كلام جميل
الاخ شيبا ارجوك ما تزيد الامور اكتر من كده وخلينا اخوان اكتر واكتر رجاءا يا شيبا يا مبدع ارجو منك قفل الموضوع وادعوك انت والاستاذ تاج السر ان تعذرو لجميع البورداب
استاذي تاج السر انت اكبر من كده
شيبا انت اكبر من كده
حمزاوي شكرا ليك علي التوضيح
يا جماعه المسامح كريم
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: sheba)
|
الأخ / حمزاوى أخلاق الرجال تجعلهم يعترفون بالخطا الغير مقصود ، فأنت لم تأت بذلك الفعل ( كل قرد يطلع شدرو) العتبى لك حتى ترضى ، لكنه الأخ / كيغا ، وهو مريخابى وهو من بدأ تلك الشتايم ، الا تتفق معى طالما أنك نفيت هذا الأمر من جانبك انه فعل مشين ماكان جائزا ان يذكر ويبدأ به أح ممن يشجعون فريق المريخ ، أم تكتم قول الحق مثل الأخرين ؟؟ وهنا اورد لك النص الذى أورده (كيغا) بعد بحث مضنى.
..............................................................
وكان كلوا قرد طلع شجرتو لكن زي ماقلت دي سياسة ناس المريخ حنينين وانتظرو الراجمات القادمة والهلال هو اخر فريق ينهزم من فريق صاعد يادوووب للمتاز عندي امل اعود في موسم الامطار
.............................................................
وهل من حق أى عضو أن بعتدى على (بوست) عضو آخر مثلما فعل السيد (شيبا) بأن يضع شعر المريخ ، ويمنع من يود الدخول والأضطلاع على بوست لى عنوانه ( الهلال الزعيم وأكذوبه صدقها أهل التاكا).
.............................................................
ثم رددنا على تلك الشتيمه ، فماذا قال عنا السيد / شييبا
استكثروا علينا اطلاق لقب فئران وكبيرهم المكابر القال انو شاعر يصفنا بالقرود فى بوست سابق وكلو فى الحفظ صورة وصوت.
...............................................................
وللأسف لم تسعفه أمانته أن يوضح للأخوه الزملاء أن من بدأ الشتائم مريخابى هو الأخ ( كيغا) نسبنا الأمر خطأ للأخ / حمزاوى ، الذى ردينا عليه بما بدأ به ( كيغا) ، ولم يوضح انه واصل فى تلك الشتائم ، وسمانا فئران مختبئه ، وهو من كان مختبئيا ، ظهر بعد يومين من نصر الهلال ، حتى تسآل عنه وعن (راكوبه) كل من ( ود رمليه) و (أم وضاح)
ليتهم يصدقون القول ويعترفون فى شجاعة الرجال أننى رددت على ما جاء به لسانهم القذر.
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
مسكين والله تجتوج .. " المكابر القال انو شاعر " خليناها المرة دى تمشياً مع التوجه الحضارى وبناءاً على رغبات الناس الحلوين زى " يا بلدى يا حبوب " " وعباس " .. والنقطة دى براها بتوضح انو نحنا ماشين كويس ويمكن نتفق
بدا تجتوج يوزع الاتهامات عن يمينو وعن شمالو وشبك فى المسكين حمزاوى .. اسبوع نحنا فى حمزاوى قال حمزاوى فعل ..ما خلى ليهو حاجة وطلع انو ما جاب سيرة القرود ولا بعرفهم ولا طلع شجرة قبال كدة .. ونفى انو قال الكلام النسبو ليهو الود تاجو
قام قبل على اخونا كيغا والله انا بحن عليك يا كيغا .. والله يستر ياربى الدور بعداك على منو ؟؟
" انا غايتو فى الصف ومستنى دورى على احر من الجمر " وجاهز صورة وصوت ..موية ونور
لكن فى حاجة يا اخوانا الناس يمكن ما حسو بيها .. وانا سبحان الله لاحظتها ..وهى انو لغة الحوار بتاعة الود تاجو فى البوست الفوقنا طوالى بقت.. فيها رنة من الحزن وقريبة جدا لحد البكاء .. قلننا يمكن الود تجتوج بقى يحاسب على كلامو خصوصاً انو فى ناس بتترصد اخطاؤه وبتستغلها على احسن ما يكون ..والله انا زعلت للحزن المخيم عليهو .. وانا دمعتى قريبة طوالى " بكيت "
خصوصا لمن فتشت البوست بتاعو مالقيت فيهو كلمات زى يا "غبى " يا حمار " يا ورل " يا بقرة " ..و لقيت السيد "ِشيبا " دعكت عينى كويس اى والله السيد دة انا زاتى .. ولقيت نفسى بهتف يا امريكا اختينا دقيقنا كتير مكفينا لمن ناس البيت اتلمو ومستغربين من المظاهرات الفى اوضتى دى شنو ؟؟
خلاص حمزاوى المسكين دة ذنبو شنو ؟؟ الراجل طلع ما عندو ذنب .. معليش يا صاحبى امسحها فى وشنا
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: Rawia)
|
الأخت راويه تحية واحترام
بداية ما تعودت أن أكن عنيفا مع النساء ختى أن أخطأوا فى حقى ولقبى هو ( أخو البنات) ، وكما قال شاعر المراة / نزار قبانى ( هم كالأطفال نحبهم ما همو ا لنا أساؤا).
يا سيدتى الفاضلة وجه الشبه فى موضوع الأخت / رجاء ، وخالد ، وسارة
أنى ابديت رايا واضحافى تلك القضيه تحت (بوست) سميته (الحيادية والضمير الغائب ) دون مجاملة لطرف أعتقد انك لم تراجعيه ، وعندما تداخلت الأخت / سارة ، قلت لها (قد تجدين فيه ما لا يرضيك) - لا اقول هذا كى أسترضى شخصك الكريم، لكن ذاك ما سجله فى حينه ، اعنى أنى لم اكتفى بحديث مثل ، عيب هذا الكلام أو معليش ، أو أنتو أخوان ، وأنما أوضحت رائا واضحا ، حددت فيه من هو المخطئ حسب وجهة نظرى وما يرضى ضميرى ، وعلى نفس الأسلوب الذى أوضحتى به وجهة نظرك الان.
ما بحزننى فقط ، عندما لمحت اسمك ، تصورت سوف أجد رايا منحازا للحق فى قضية أبنتها وليس بالضرورة أن يلم الشخص بتفاصيلها ، اعنى هى قضية مبدئية وفكريه تتناول كيفية التعامل مع البعض الذين يبدأون الأساءة للأخرين ثم يظهروا وكأنهم حملان وديعة وأنهم مظلومين و أن أساءة تمت فى حقهم من قبل، فى خبث ماكر.
وأنت أراك منفعله لأنى قلت (المدعو) فما بالك بمن يقول عنك ( قرد ، فئران) ؟؟ هل الام لو رددت له الصاع مليون مرة ؟؟
أتمنى أن تراجعى موقفك حتى لا تشاركى فى ظلم بنظرة أنطباعية او مزاجية أو لعصبية المحها فى بعض الكلمات.
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
الأخوات راوية وندى علي
أولا اللي دخلكم الكورة شنو ؟؟ (just a joke) .. كلمتك يا ندى ooops جعلتني أضحك وذكرتني حوادث قديمة جدا تعود للسبعينات منها المبكي والمضحك
- كنت بلغة الكورنجية مريض ومبتلي بالهلال فأول مباراة كان في لاعب أسمه سامي عزالدين بيلعب في المريخ وكنا بنجلس في المبارايات في جانب المريخ ومعي مجموعة من الهلالاب الأصدقاء فسامي عزالدين كان يصول ويجول في الميدان وفجاءة وقفت وصرخت "أضرب الحلبي " وأستمريت أقول "الحلبي ده جابو من وين داير يكرهنا ..الخ" ففجاءة أنتبه أستاذ الأجيال هاشم ضيف الله "رحمه الله" فأقترب بهدوئه ووقاره (وكان يعرفني بالأسم لعلاقات أسرية) قائلا يا أبني I would like to give you an advise تاني ما تخش الكورة لسببين أنت بتشتم في الللاعب ده وأخته ورائك وثانيا سيجارتك ما نزلت من يدك كده بتمرض فقلت oooops I am sorry ya Ustaz ......
فياسيدة ندى لا تدخلي الكورة أو بوستاتها في زمن الأنترنت
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: NEWSUDANI)
|
أوّلا وقبل كل شيء: لا داعي للمداخلات التي من شأنها توسيع الشقة بين المختلفين، لن أملّ ترديد أنّ المشاركات المنحازة هي سبب معظم المشاكل هنا.
إخوتي تاج السر ، شيبة وراكوبة...
الموضوع كورة ومناكفات بريئة -أو هكذا أفترض-، لا أودّ أن يصبح الوسط الرياضي (في المنبر) كغيره من باقي الأوساط (وخاصة الوسط السياسيّ)، ويا شيبة وراكوبة مبروك أمبارح الهلال تعادل مع حي العرب...
يا التاج الهلال فالح في الجماعة ديل بس 
أحمد الريّـح
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: Ahmed Alrayah)
|
الأخ / احمد الريخ لك الود
شئ محزن حقيقى أن يكن هذا حال البورد أن تتحول القضية العامه المبدئية الى موضوع( كورة)فقط !! للأسف نساء ورجال ، مثقفبن يحلمون بالتغيير لا يجيب أحدهم عن سؤال واضح ، من هو المخطئ؟؟
هل من بدأ القذف والشتائم ، أم من واصل فيها ؟؟
بعدين نجى لأنها كورة وأغنيات مصطفى سيد أحمد ، ومعليش ، وموضوع بسيط
وسوف أنزل بوست اكثر وضوحا ، بعد قليل، بعنوان:-
راويه .. ركوبه ... شيبا ,اذا ذهيت الأنقاذ فالأتى اسوأ من الأنقاذ
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: abas)
|
الأخ الأمين عباس لك ودى
من بدأ فى توجيه الأساءة هو (كيغا) وليس (رأكوبه) حتى ننصف الناس ونعطى كل ذى حق حقه ، واهو كما ترى ان اللقاب يمكن الحطأ فيه وليس نثل الأسناء، لكنى اشكر لك وضوحك وأنصافك للحث الذى كاد ان يضيع هباء
ونطقت بكلمة عجز عن الأدلاء بهاا من ظهروا وخرجوا من جحورهم.
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
لقد حولت الموضوع الى قضية فكريه أعمق مما لديك من رؤى ، والراحل / مصطفى ، مثل الكابلى ، يتشبث به المثقفين وادعياء الثقافة المناضلين وادعياء النضال.
سوف لن أرد على هذا البوست كذلك فمرحب بك فى بوست أعمق ارجو ان تتعلم منه وفيه كل الأدله ( راويه - شيبا ، الأنقاذ سوف تذهب والقادم أسوأ).
| |
|
|
|
|
|
|
|
|
|
Re: قضية معروضة لضمير البورد لأبدأء الرأى بالحق والعدل (Re: تاج السر حسن)
|
كدى نحسبها واحدة واحدة ..
العزيز بكرى ابوبكر هو المسئول الاول عن المنبر والتسجيل الذى يتم وفق شروط معينة .. يعنى بالعربى بكرى جاملنى ودخلنى البورد .. طرف السوط وصل كمان لحدى بكرى ...... يازول بتثبت على كلامك دة ؟؟
خلى بالك الكلام الزى دة بجيب ليك المشاكل ..خليك فى الكورة احسن وسيبك من حكاية فنى اغانى دي..
تجتوج المكابر القال انو شاعر خلاص الكورة غلبتك قبلت على بكرى " قول الروب "
بينى وبينك الحتة بتاعة فنى اغانى دى حلوة ...
كلمة فنى فى حد ذاتة حلوة يعنى زى فنى كهراباء ..فنى حدادة .. على الاقل زول متخصص فى عملو .. انا بعتبرها برضو اشادة منك ومقبولة وتشكر عليها ... الا انت تكون قاصد حاجة تانية ..
الفنى الانت بتقول عليهو دة عمل صفحة موسوعة كاملة عن الراحل مصطفى سيد احمد فى سودانيز اون لاين تحتوى على ما يقارب ال 300 بوست بمداخلاته ... و99% من المواضيع الموجودة فى الصفحة هى خلاصة جهدى المتواضع ...
شفت الصفحة بتاعة مصطفى ..عليك الله رايك شنو بالله ؟؟ اخوك بالله مش خطرى .. لو فرغناها فى كتب تعمل مجلدات
كل سنة وانت طيب والعاقبة عندكم فى المسرات
مشكلتك انك ما بتعلم من اخطاءك للاسف الشديد .. ونحنا عن طيب خاطر .. بنستغل اخطاءك الكثيرة ضدك ..
وعلى احسن ما يكون .. الله يخليك لينا يا رب وتغلط دائما ...
تعرف انو وجودك فى المنبر الحر دة اهم حاجة .. وحقو كل المريخاب يعضو عليها بالنواجذ ..
ويرفعوا شعار لا تفريظ فى الود تجتوج .. ولن يحمنا البنك الدولى
تاجو .. روق المنقة وما تنفعل للدرجة دى .. السكة الماشى فيها دى خطرة و بتوديك الاخرة .. خليك فى الشتايم احسن على الاقل اخف شوية .. لو انت قنعان من نفسك ... نحنا ما دايرين نفقدك
شكرا ثانية على فنى اغانى .. واسمع الكلام وبطل مكابرة ..
| |
|
|
|
|
|
|
| |
abas
nada ali
sheba
Rawia
فيس بوك
تويتر
انستقرام
يوتيوب
بنتيريست