|
|
|
 Re: من أجل خاطـركـم أعـود!! (Re: اساسي)
|
أســاسـى،
شكــرا على الوداع والإستقبال... أظنك ما رجعت البيت من المحطــة لغايـة ما جيت راجع..
راجـع البوست بتاعى.. تلقانى أنا زاتى قلت حأرجـع تانى!!
لكن فعلا ما كنت قايل روحى حأرجـع بالســرعـة دى.. لكن والله فى اخـوان كرام كلامهم لى فى الإيميل لو نشـرتـو إنت زاتك الما مرقت، حتقـول خلاص راجــع.
| |
 
|
|
|
|
|
|
|
|
Re: من أجل خاطـركـم أعـود!! (Re: Abureesh)
|
خالص التحايا
العزيز ابو الريش يازول كانو حاجه ماحصلت بس انا حاطلب من السيد بكرى يفصلك لانو اضرننا من غيبتك عشان نحن كنا جاهزين والفريق معسكر عشان يهزم ناس اسعد تقوم تزووغ ..الجماعه دفعوا ليك كم ؟؟؟.
كمان نحن زاتنا بنقبل الصدقه
| |
|
|
|
|
|
|
|
|
|
Re: من أجل خاطـركـم أعـود!! (Re: Abureesh)
|
ابن أختى أبا الريش
سلام وعودا حميدا مستدام
والله ليك وحشة .
بس أنا كنت برسل مسنجر على الإسم الإنجليزى زمان وإنت مارديت مدة
فقلت ابن اختى طنشنى لكن مؤخرا عرفت إنك غيرت
سلام كتير
ووالله ريش البورد كله كان فاقد أباه أو أبوه بالأصح
سلامات
خالك صديق ضرار ومعاى ملاسى وخالد الحاج
| |
|
|
|
|
|
|
|
|
 Re: من أجل خاطـركـم أعـود!! (Re: humida)
|
الأستاذ أبو الريش
لابد تكون موجود!
تابعت حديثك عن الغياب، وسعدت بعودتك الآن لأني من قراءك المواظبين، وأنت ممن يبعثون في البورد نكهة خاصة!
أهلا بك ومحتاجين قلمك والفكرة!
شكرا علي الأبيات
إيمان أحمد
| |
|
|
|
|
|
|
|
|
|
Re: من أجل خاطـركـم أعـود!! (Re: siddieg derar)
|
ابو الريش بعد فك منك البنج وانفشيت خلينا عليك الله مره واحده نهظر معاك،ونهظر معاك دى
سوى تحتها خطين،اولا انا من المعجبين بكتاباتك كثيرا وليس هذا تطييب خاطر من اجل ان ندلف شمال
كثيرا ،فقط هى الحقيقة ...بعد ده اضحكنى البرىء الاستاذ الموصلى والله البرىء ليس تملقا ولا زلفى
التقرب ولكنها الحقيقة ايضا.قال ليك هو انت كنت مافى..وبعدين من هسع خت فى بالك كان طرت طيرت
ابو الريش من الدريش زول بجيب خبرك من الجماعة الكبكابات ديل مافى،ناس سجيمان وانا وخالد
الحاج وود قاسم واخرون بالرغم من اعجابنا الشديد بطرحك وتلهفنا لقرأت ما تكتب وليس لانك زولا
ساهل ،يشهد الله المعبود بالحق انت رقم لايمكن تجاوزه فى البورد، لكن سمع اضانى من ما تغيب
بوردابيه تعال شوف الجرسة والمخاخيت والدموع والعويل ووين يا انتى وبالغتى وما معقول،خالد
الحاج بالشاقى يازوله كنك تعالى جاى ولا تبالغى ،وودقاسم واشباله شتات،تمبس،معتصم،ودوراق
بسوا لينا فراش عديل كده والماسنجرات تتخابت يا اخى هنايه زعلانه،البورد مضلم وتعال شوف
الشعر والنثر وحتى سجيمان العفين ده ببقى نزار قبانى يا اخى دى حاجه (انبيربل) وحا نقعد
مربعين ايدنا كده واتحركوا يا جماعة لا حدى ما البنية تجى وتعال شوف كبكبة الرجعه كمان.
عاد للمنبر رونقه...،هلت البشاير...،طلعت القمره...،وواحشانا موت لكن ياود عمى النوع المقنطر
عمته زى تاجر البقر ده يقولوا ليك يا اخى بجى مافى مشكله،حا نعمل ليه مناشدة بكره
وبكره يقولوا ليك هو منو الحردان ده تقول ليهم فلان يقولوا ليك بالله هو مارجع لى هسع.اها
دى الحالةفى الحالة الاولى يقلبوا ليك البورد زى حكاية العربات قدام بيت العرس على صاحب
العربة رقم كم ما عارف يفتح الطريق وعلى صاحب البيجو الخضراء يرجع عربيتو والحمراء يقدما
لما العرس يبقى كلوا مناشدات والحفلة تخرب وانت فى وراء وقدام والفنان يمسك المكرفون
خمسة دقائق ويغنى دقيقتين وناس العربيه الكريسيداوالهلمان يمسكوه تلاته ساعات,لكن متل حالتك
ياهو النضم القلتوا ليك،عشان كده هون عليك وانصحك اخد زعلتك وتعال واطمنك ما بتلقى فى بوست
المناشده حقك غير سته سبعه مناشدات،واكلها فى اللباد ساكت.. لكن بورد المناشده الطاعم داك
يقرب يصل بوست الترحيب بالرائع بولا.عليه ياود العم ما تعود عشان خاطرم عود عشان خاترك براك
وما تعشم فى حنيسا يبيض الوجه ياها الكشكرة دى وما بتزيد عن ذلك ولكن خلى روحك رياضية
زينا كدى غيب وتعال تلقانا نحن يانا نحن....شوف كلامى ده ما تقليل من شانك ولا تبخيس من قدرك
حاشا وكلا يا ابن عمى ولكنها العقلية والمجتمعات الذكورية..فنحن قوم نترفق بالقوارير
لدرجة تستاء منها القوارير نفسها،ودى الحاله الوحيده الببقى فيها الراجل كان لورد ما بكسر
البورد زى ما بقول المثل، لكن غياب فد انتايه يصبح البورد خرتاية.
ابو الريش انا كتبت كدى ليه ما عارف اى تفسير اكتر من انو كترت الريده بترفع الكلفة وتقرب
تصل لى قلة الادب.....اشكرك كثيرا على تقبلى وقبول تثاقلى وليس بيننا غير واشجة الظن الحسن
تسلم وعودا احمد،،،،،،،
| |
|
|
|
|
|
|
| |
Abureesh
سجيمان
اساسي
Ishraga Mustafa
يا بت يا نيل
Raja
معتز تروتسكى
Mohamed Adam
Haydar Badawi Sadig
مريم بنت الحسين
Abdel Aati
ملكة سبأ
Elmosley
humida
إيمان أحمد
kamalabas
صديق الموج
فيس بوك
تويتر
انستقرام
يوتيوب
بنتيريست