|
|
|
 Re: علي السقيد ما أروعك (Re: maia)
|
الاخت مايه وييه فيجلو نورك همدل كانت حفلة جميله لانني طولت ماسمعت حاجات جميله اخدنا زاد لي شهور حتى يطل علينا مبدع اخر لك الاحترام
| |
 
|
|
|
|
|
|
|
|
Re: علي السقيد ما أروعك (Re: الفاتح يسن)
|
اللو وواننقا..سككرفى؟بختكم والله على السقيد بقامته الموسيقية الرائعة..لى زمن مشتاق اقعد معاهو واسمع ليهو ونردد نبض الحروف
متدفين بى صوت على السقيد من شتا الايام الطويله العندكم..سمعونا شويه ياعالم
| |
|
|
|
|
|
|
|
|
|
Re: علي السقيد ما أروعك (Re: Elmosley)
|
استاذي الموصلي علي السقيد اعادني لايام الديم الجميله وكم كان يطربنا وثلة الموسيقيين والراحل ربشه وعادل الصديق ومحمد سيق وكمال ميرغني وسعد الطيب والفاتح حسين وساطور وفايز مليجي في انتظارك يا استاذ
| |
|
|
|
|
|
|
|
|
|
Re: علي السقيد ما أروعك (Re: Elnasri Amin)
|
الفاتح
على السقيد نخيل سسامق فى جرروف الاغنية السودانية.
صوت اصيل و طرب متفرد .... و فوق هذا و ذاك احترام للنفس و معرفة للمقومات و الارضية التى يقف عليها.
اغنياته و الحانه و صوته المعتق يجبرانك للاستماع ... و الاستمتاع بكل ما يشدو به .
له منى كل تحية و احترام.
| |
|
|
|
|
|
|
|
|
|
Re: علي السقيد ما أروعك (Re: KOSTA)
|
على السقيد..
الصوت الحساس ..الأداء البالغ الاناقة..
ماهر تاج السر الموسيقى المتميز..
يا أخى تلك جرعة زائدة...
لك الود...
عبد الرحمن قوى...
| |
|
|
|
|
|
|
|
|
|
Re: علي السقيد ما أروعك (Re: Elnasri Amin)
|
شكرا الاخ النصري ومعك اناشد لجنة الجالية بتقديم دعوة عاجلة للاستاذ لمشاركتنا يوم السودان بحفل غنائي وندوة عن الموسيقى السودانية والتذوق الموسيقي الاستاذ الموصلي يعد مرجعافي ذلك لك التحيه
| |
|
|
|
|
|
|
|
|
|
Re: علي السقيد ما أروعك (Re: الفاتح يسن)
|
الأخ الفاتح يسين
هل غنى لكم الرائع علي السقيد
البت الحاااامت في الشريان؟
متلف هذا السقيد
مغني مثقف و بعدين مااالي مركزو
القصة عندو ما هشك بشك
لالالالا
الغنا مسؤولية و فهم زايد
شريطه الأخير مفروض يكون مقرر سمع تلاتة مرات يوميآ على مستمعينا في المهاجر المتباينة
طرب طرب
مبروك عليكم و عقبى لنا
و تحية مجهبزة كلو كلو للحبيب السقيد
| |
|
|
|
|
|
|
|
|
|
Re: علي السقيد ما أروعك (Re: الطيب بشير)
|
والله يا الطيب بشير بعد الكلام القلتو عن شريط السقيد الاخير...
عندك واحد من اتنين...يا ترسلو لي وباي تمن...بالبوسطة...بالتهريب....مع زول جائي...او تسعل لي السقيد طالما جنبك...بنلقاه وين...وهو قبل كده جاوب قال في السودان...وانا هادي جيتي دي من السودان الشريط...مافي...لا في فورسكو فون...ولا منصفون...ولا جميع مراكز توزيع الغنا في ام درمان والخرطوم...السوقين حمتهم بي كراع كلب...مافي...وسعلت جنس سعال
في حوامتي دي...بالله عليكم الله ما تقومو تسمعو براكم وتخلونا...
واضعف الايمان تقوم تنزل لينا غنوة هنا نتصبر بيها لا حدي ما اتفاقية السلام دي تتوقع ...والغنا ينبهل...ما تحولني لي تمبس ما عندو....كان عندو كان من زمااااان نزلها....
| |
|
|
|
|
|
|
|
|
 Re: علي السقيد ما أروعك (Re: nazar hussien)
|
سلام أخ الفاتح والمتداخلين
املك الشريط الاخير لعلي السقيد..حاجة ممتعة خلاص
ما بيفارق مسجل العربة وهو فرمالتي لاكثر من شهرين
البت الحامت في الشريان....ممتعة..ممتعة
ممكن أنزل ليكم من الشريط ..
بجيكم راجعة
| |
|
|
|
|
|
|
|
|
|
Re: علي السقيد ما أروعك (Re: nazar hussien)
|
الأخ الكريم نزار حسين
زي ما بقولوا الشوام الظريفين: تكرم عينك
بس البروفايل بتاعك ما فيهو التكتح
لا عرفت وصف البيت لا محطة اللفة لا الحجر لا الطاحونة لا الماسورة
على أية حال أنا ممكن أنسخ الشريط و أبعتو ليك بالبريد لو كنت خارج أمريكا {مع إنو الفنانين ما بيفضلوا كدة} لكن لو كنت بي جاي يبقى أفضل لو إتصلنا بالموزع و أهو نشتري شريطين تلاتة بسعر تشجيعي يدعم حوامة البت في الشريان و يؤكد ذوق بتنا حنينة الفنان.
أنتظر إيميلك أو ماسنجرك.
| |
|
|
|
|
|
|
|
|
|
Re: علي السقيد ما أروعك (Re: الفاتح يسن)
|
ودالحاج بصراحه ماقصر في خدماتك الفنيه ربنا يديك العافيه حيث تساهمون بقدر كبير في انزال الاعمال القيمه ويدل ذلك على رقي زوقكم والى الامام يا حبيب
| |
|
|
|
|
|
|
|
|
 Re: علي السقيد ما أروعك (Re: الفاتح يسن)
|
العزيز الفاتح يس وضيوفه الرائعين
عندما ذهبنا لمدينه ايوا اهدانا استاذ موصلى كاسيت على السقيد الجديد كجزء من كرمه الفياض الذى غمرنا به
وكانت اجمل هديه
| |
|
|
|
|
|
|
|
|
|
Re: علي السقيد ما أروعك (Re: Rawia)
|
اهلا راويه نعم اجمل هديه وكده من بكره بيني وبين علي السقيد سلك ولو جاتنا كميه مستعدين للتسويق هنا لنزيل ماعلق باذان بعض المستعمين من صدأ
| |
|
|
|
|
|
|
|
|
|
Re: علي السقيد ما أروعك (Re: الفاتح يسن)
|
تعالوا نطقطق اصابع الحروف
تمرق نغم ممزوج حنين المطرة لي طين الجروف
تمرق فرح
تسرق هموم السكة في الزمن العزاب
علي السقيد
شكرا علي الراحة النفسية العميقة دي
صوتك فترة نقاهة من تعب الكلام
| |
|
|
|
|
|
|
|
|
|
Re: علي السقيد ما أروعك (Re: حبيب نورة)
|
الطيب سمح بلحيل...
شكرا يا ود بشير...علي الكرم ...القدامي....وشكرا ليك يا حنينة...علي الدهشة...الممتعة...والبت الحامت في الشريان
فعلا ما ليها مثيل يا سقيد...ما اروعك يا اخي...وما ابدعك...
وشكرا لسيد البوست ود يسن...الذي جعل...هذا ممكنا....
ويا استاذي الطيب...انا افضل...ان اشتريه...تقديسا للبت الحامت في الشريان لاهديه اياها في عيد ميلادها بعد شهر من الآن...مع اني لست بي هناك معاكم...فانا بالخليج وتحديدا البحرين...وعنواني هو ص ب 932
فاي الطرق اسهل للحصول علي الشريط....انتو دحين ما عندكم ناس امازون دوت كوم...فاهل العوض يريد ان يجرب هذه الطريقة في الشراء...دلني انت علي الجهة...البائعة...وكأنك اهديتني اياه..اما اذا لم يكن ذلك ممكنا...فاستأذن من السقيد لنسخه...
ولك كل احترمي وتقديري يا رجل يا شهم
| |
|
|
|
|
|
|
|
|
|
Re: علي السقيد ما أروعك (Re: nazar hussien)
|
حبيبنا الغالى الفاتح والاخوة/ت الزوار/ت
كنت قربت اكلم ليك ناس الاف بى أى عشان يفتشوا ليك يشوفوك
غطست ويين ؟ كيف حالك والعيال ؟ والتحية من خلالك للصديق العزيز
على السقيد وماهر الرائعين ، فكلما اسمع او أقرا كلمة على السقيد
ما عارف طوالى بتزكر شارع 49 وفول حسن وكوارع المرحومة حاجة أمنة
والجلسات الفنية الظريفة التى كنا نعملها وبدون تخطيط
التحية لعلى ولكل رفقاء الدرب بالبورد
| |
|
|
|
|
|
|
|
|
|
Re: علي السقيد ما أروعك (Re: ترهاقا)
|
العزيز ترهاقا كيفك والاسره الكريمه نعم اعادني لتلك الايام الجميله الرحمة للام العظيمه الحاجه امنه لها المغفرة ماكان عندي خبرة وفاتها التعازي لابنها صلاح وانا موجود بحضر كراسي المنبر كل يوم وبعد الحفلة بلمها سلامي ليك وماتنقطع
| |
|
|
|
|
|
|
| |
الفاتح يسن
nazar hussien
bushra suleiman
Elmosley
بلدى يا حبوب
KOSTA
Giwey
الطيب بشير
haneena
بارعة
Rawia
حبيب نورة
ترهاقا
sari_alail
فيس بوك
تويتر
انستقرام
يوتيوب
بنتيريست