|
يا اخوانا الجلكيمات وين ؟
|
خالتكم دوما مشت بي وشها وتاني ما شفناها
وخالتكم بيان رغم انه قاطعاهو معاي ناشف
الا انه ما شايفها برضو ؟؟
العنده خبرهم يطمنا عليهم ..!
|
|
|
|
|
|
|
|
Re: يا اخوانا الجلكيمات وين ؟ (Re: doma)
|
لا حولتن يا خالتو من خفتك
مسافة نزلت البوست ومشيت اصلي وارجع
القاك اول واحدة رديتي
كان تصبري تشوفي الناس البيساله منك
عشان تحددي كومك
هاهاهاهاها
مرحب بيك يا خالة وسلامة كمبيوترك من الجلكمة
اها فردتك ديك وين ؟
اوع يكون كمبيوترها بقي ظلامي كمان ؟
| |
|
|
|
|
|
|
Re: يا اخوانا الجلكيمات وين ؟ (Re: Elawad)
|
مشكور ياالعوض عارفه والله ما بتقصروا والايام دي كومبيوتري ما راكب عدله منه وليه يحرن . اما عن البورد حدث ولا حرج غمه بس ربنا يكشفها ويحلنا الحلا بله بكري بيكون قال الروووووووووووووووووب .الجماعه ديل ما عارفين هم عايزين شنو؟؟؟؟ دا حار ودا ما بنكوي بيه !!!
| |
|
|
|
|
|
|
Re: يا اخوانا الجلكيمات وين ؟ (Re: اساسي)
|
الاخ اساسى بتخايل لى زى الشفت بيان فى الحوش التانى,ممكن اكون غلطان و ممكن اكون محتاج اغير النضاره. كدى تاوك بهناك و شوف الحاصل شنو!!!! اصلها د بيان الايام الاخيره كانت زى الغير راضيه بما وصل اليه الحال هنا. امكن اكون غلطان لكن هذا هو احساسى على كل حال النصرى
| |
|
|
|
|
|
|
Re: يا اخوانا الجلكيمات وين ؟ (Re: Elnasri Amin)
|
العزيز أساسى
أختى اللى هى خالتك دوما شايفا ردت عليك
لكن الدكتورة بيان كان قريت ليها تنوير لينا نحنا الجداد
(بضم الجيم) قبل يومين تلاتة ، وبينى وبينك فى حاجات بتحصل
حتى نحنا الجُداد ما راضين عنـّها و ربنا يهدى الجميع
| |
|
|
|
|
|
|
Re: يا اخوانا الجلكيمات وين ؟ (Re: اساسي)
|
اساسي
Quote: مسافة نزلت البوست ومشيت اصلي وارجع
|
الواحد فيكم يصحى يخش البورد .. ياكل يجي تاني خاشي البورد .... يتنجى يجي جاري خاشي البورد.. يصلي وتاني يرجع البورد..
انتا وكت عرستا البورد ده ما ترسل لي السبعة الف خلينا نعرس بيها بني ادمة..
خليها الف طيب ؟؟
| |
|
|
|
|
|
|
Re: يا اخوانا الجلكيمات وين ؟ (Re: DKEEN)
|
دكين
كان رباح ما بتكلفك الالف دي داخلة معاك مسابقة قراءة صامتة
كان واحدة تانية
بينا مجاملة اصدقاء افتراضين في عالم افتراضي
واقبل مني ورقة برسم عبد العزيز الشيبة افتراضية برضو
قصرت معاك ؟
| |
|
|
|
|
|
|
Re: يا اخوانا الجلكيمات وين ؟ (Re: اساسي)
|
مرحب دوما
اساسى يسال منك الخير انا والله كنت عاوزه ادخل اديك خبر الحبيبه دوما لكن لقيتها دخلت هى بجلاله قدرها وربنا يخليك يا اصيل
دكين.... قماح الوراها الماشين يستلفو ليها مهرها من الحله دى
| |
|
|
|
|
|
|
Re: يا اخوانا الجلكيمات وين ؟ (Re: ASAAD IBRAHIM)
|
صباحاتكم بنكهة قشر البرتقال
الحمد الله اطمنا على خالتنا العزيزة دوما تطراها العافيه دايما
ربنا يطمنا على الخالة العزيزة الدكتوره بـــيان نحن فعلا نشتاقها كتير بالحيل شكرا يا اساسي اول مرة تعمل ليك عمل خير واصل عمل الخير بتاعك وسلف الراجل المسكين دا السبعة الف خليهو يحصل يتلم على صدر حنين قبل ما ديوك السودان تبطل صيااااح وساعتها كل مساعدات الامم المتحدة والمنظمات الانسانية لن تعيد اليه . حلمه العجيب حتى ولو اعفى من الضرائب ودخول جهاز شئون العاملين بالخارج
| |
|
|
|
|
|
|
Re: يا اخوانا الجلكيمات وين ؟ (Re: Rawia)
|
تسلمي يا راوية علي زوقك
دكين يعيش من اجل نفسه يستلف من اجل ان يحي هو
وهو رجل يحي لنفسه لذا مالنا مهدور ان سلفناه له دون افتراض
وهو رجل هوين واحيانا (كاشف) حال
| |
|
|
|
|
|
|
|