|
Re: أغنية لأبو داؤد بصوت مصطفى السنى... (Re: Rawia)
|
سلام للأخت الراويه...وسلام العوده لخيمة البورد
كلام أخونا الموصلى صاح..أنا كنت فى الأسكندريه و عشت بها خمس سنوات.
بالمناسبه أنا كنت بعمل فى شغل تشكيلي بمناسبة عودتكم للمنبر......العمل لم يكتمل لانو ما عندى صورة لتماضر...أكملت صورة رجاء..بدبحك .... متكلمهاش Later
| |
|
|
|
|
|
|
Re: أغنية لأبو داؤد بصوت مصطفى السنى... (Re: Kostawi)
|
هذا الولد الانيق كان معنا هنا...واحتفلنا به سرا وجهرا...غني لنا...بالاورق ....وبالعود...وسكرنا معه طربا حتي مطلعي فجر...
وحينما يمسك بالعود ويغني لكم يا قلب انا كنت قايلك تبت من تعب السفر...ستذوبون وجدا وهياما...هادي ورزين...وواثق جدا ...من ادائه وحفظه...وحبوب...تحبه من اول مرة..تلتقيه فيها....وللاسف خزلتنا معه الايام وسبل كسب العيش في ان نلتقيه ونحتفل به بطريقتنا بعد ان دعانا هو ليجبرنا علي احترامه...والتمايل معه طربا...
يعرف تماما كيف يختار الغنا...ومتي ...يغني لعركي...ولابوداوود...
ومتي يغني لحن الدليب...هو الآن في طريقه لمسقط...لناس الرحمابي...احتفوا به يا رحمابي وسوما...وكفروا عنا خطايا الزمن الاغتراب...واهديه نصا...يا سوما...ستسمعيه هناك...فملكته في التلحين...ملكة راقيه...يساعده فيها تمكنه التام...من قيثارته
عزائي في ان المصطفي سيرجع لنا هنا...وسنسعد به مرة اخري...لك كل السلام يا مصطفي...والتحية للولد الراقي محمد...عازف الاورق...
وما تنسي تاتي الينا بيا عازف يا عازف الاوتار....للتاج مصطفي
وشكرا كوستاوي علي البوست....
| |
|
|
|
|
|
|
مصطفى السنى فى البحرين ومسقط ثم الامارات (Re: Kostawi)
|
العزيز كوستاوى ألف شكر على الأغنية الرائعة وعلى صاحب الصوت الرائع مصطفى السنى والذى غنى الكثير لأبو داؤود فأجاده وزانه ورش عليه من عبق روحه وأحساسه وقيثارة صوته المزدانة بكل ألوان قوس قزح.
نزار العزيز..كنت معكم وبينكم وانا أسعد ماأكون أذ جمعتنى الأيام بعد حين من الزمان بود السنى ومن الله على برؤيته وسمعه رأى العين وسمع الأذن, أيام أهدانافيها راقى الكلمة ورقيقهاوأشجانافيها بعذب صوته وأحيا بنا أغان هى كنوز من عيون الغناء السودانى كدنا ننساها وقل سمعنا لها على اجهزة الاعلام السودانية ومصطفى له خاصية_نكت وبحت_القديم الجميل من تراثنا الغنى بروائع الخالدين ممن رحلوا وكذا القديم لمطربينا العمالقة أطال الله فى أعمارهم, ولديه ملكة الغناء للغير بلونه هو دون التقليد الاعمى وما من اغنية غناها الا ورش عليها من صبغته العطرة المتفردةوملأها دفئاوشجنا. مصطفى شاب ناصع القلب, شفيف الروح ,عميق المشاعر, واعى الأختيار , غنى بالموهبة ويملك صوتا شجيا ممتلئا بالشجن والحنين وهو رغم كل مايتمتع به من مميزات تدعوه للزهو والتعالى الا انه من أكثر البشر تواضعا وبساطة ويملك حسا للفكاهة يدهش الحضور ولاأذكر انى رأيته قط عابسا او مقطب الجبين . مصطفى انسان.. انسان, متسامح ونقى ومحبوب عيناه نبتة البراءة, وصوته يوقظ الخريف فينا ويشتل الأرض الخراب ويطبب آلامنا وجروحنا ويثرى أرواحنا بما ينتقى من أنيق اللحن والكلام,تسمعه يغنى رائعة الكاشف أرض الخير والتى يقول فيها أنا أفريقى انا سودانى فتشعر بالقشعريرة تدب فى انحاء بدنك ,أولا تذكر يانزار ماحل بالحاضرين لذلك الحفل بالصالة المغلقة حين شدا بها ود السنى؟هب الجميع كأنما صعقتهم صاعقة وكأنهم لم يذكروا السودان و لم يندموا قط على مبارحتهم أرض الوطن الا تلك اللحظة.أنصحكم جميعا ان تسمعوه وهو يؤدى أغنية الخالد خلف الله حمد الكنداكةوأنصحكم كذلك ان تسمعوا مايخصه من أغان خاصة واخص ماقام هو بتلحينه منها ولاأزيد. أحسدكم يانزار حسد المحبين لمقدرتكم على رؤيته ثانياوأحسد الشاعرة اسماء الجنيد والتى سيغنى لها قصيدتين من الحانه كان لى شرف الاستماع لهما وهما فى أول ميلادهماكأجمل ماسمعت أذناى وأحسد أهل مسقط من السودانيين على ماسيقضونه من ليالى مزدانة بالفرح والنغم والنبض الحقيقى والدفء الحقيقى وأقول لكم ياأهل مسقط مرحى لكم وهنيئا لكم وجود السنى معكم وبينكم.
| |
|
|
|
|
|
|
مصطفى السنى فى البحرين ومسقط (Re: Kostawi)
|
رجوية الحبوبة سلام كتير واشواق اكتر عارفة..انا عندى غنا كتير جدا لود السنى جديد وقديم بس ماعارفة الطريقة البنزله بيها فى البورد.تعبت من سؤال الخال خالد الحاج وهو كل مرة يوعدنى ويخلف الظاهر انه مشغول كتير. ياراكوبة وياكوستاوى الله يهديكم ممكن تدلونى على الطريقة؟انا شايفاكم متخصصين تنزيل أغانى ,ممكن؟ياريت.
| |
|
|
|
|
|
|
Re: أغنية لأبو داؤد بصوت مصطفى السنى... (Re: Kostawi)
|
Quote: أحسدكم يانزار حسد المحبين لمقدرتكم على رؤيته ثانياوأحسد الشاعرة اسماء الجنيد والتى سيغنى لها قصيدتين من الحانه كان لى شرف الاستماع لهما وهما فى أول ميلادهماكأجمل ماسمعت أذناى وأحسد أهل مسقط من السودانيين على ماسيقضونه من ليالى مزدانة بالفرح والنغم والنبض الحقيقى والدفء الحقيقى وأقول لكم ياأهل مسقط مرحى لكم وهنيئا لكم وجود السنى معكم وبينكم |
أحسد Wa na7na min khalfakum ya sinco algameel
Zumrawi, salam
| |
|
|
|
|
|
|
Re: أغنية لأبو داؤد بصوت مصطفى السنى... (Re: Kostawi)
|
التحايا والسلام
وتقدير كتير للأخ كوستاوى على النفح المعطر والموسق
ومشكورة يا راوية على الإهداء النبيل، زيك
مصطفى السنى يمكن أول مره اسمعه، يمكن عشان بس نحن ناس متطرفين فى السمع شويه كده، لكن أداءه جميل وشغله بالعود نضيف وحاول برضه يدى نكهة "برعيه" البتدى إنطباع إنه الأوتار كلها شغالة فى لحظة واحدة، ما حيكون زى برعى أكيد، لأنه برعى مافى زول زيه
الأغنية طبعا أصلا ما بتاعة أبوداود، بس ابوداود طبعا زول ذواق وعزال ورسخت عند الناس إنها أغنية أبوداود
وتانى شكرا لكما
| |
|
|
|
|
|
|
Re: أغنية لأبو داؤد بصوت مصطفى السنى... (Re: Raja)
|
Quote: نزار العزيز..كنت معكم وبينكم وانا أسعد ماأكون |
اولا...تشكراتي بالنيابة عن هذا المصطفي الرائع...للكلمات الصادقة...والبوح الشفيف...وانا اشهد لك بصدق كل كلمة قلتيها هنا...يا اختي العزيزة سينكو...وتوكلت وقلت اختي لاني اعرف...كل الحضور من الذكور وليس من بينهم سينكو...علي ما اعتقد...واشهد كذلك ان هذا الكلام الصادق الرائع لا يصدر الا من انسان جميل راقي
فشكرا جزيلا...
| |
|
|
|
|
|
|
Re: أغنية لأبو داؤد بصوت مصطفى السنى... (Re: Abdel Aati)
|
سلام كوم... وشكرا على كل المساهمات.
الأخت رجاء شكرا على المفاجأت الساره دى...لميتى فيها وين دي ؟ و لى عوده مع ناس كوستى الفوق ديل.... ملحوظة...ياجماعه نحن عندنا شمس مدوره اليومين دول...وكمان عريانه وهاشه سحب النكد الكسلانه المتسكعه الرويانه.....النجرى لبره.
| |
|
|
|
|
|
|
Re: أغنية لأبو داؤد بصوت مصطفى السنى... (Re: Raja)
|
أول مرة أسمع صوت الفنان ده .. وأظن أول مرة أسمع باسمو. زول ما ساهل. نضيفو للمجموعة طوالي. فنان يعيد الطمأنينة لقلوب عشاق الطرب .. مدمني ناس أبو داؤؤد وحسن عطية زيي كده.
إنت يا نزار اي حاجة سمحة كاتلها؟ لينا بيحالك.
| |
|
|
|
|
|
|
Re: أغنية لأبو داؤد بصوت مصطفى السنى... (Re: Raja)
|
Quote:
انت يا نزار اي حاجة سمحة كاتلا |
يا شنتير...ليتك كنت معنا...قعدات بالعود...وسكسكات...وعطر...
يا طالعة من رجفة جريد لي قمري يبكي علي غناي الراح يتشايحك حزني ويفوت...
ويسكن سرايح فرقتك جواي
.......................
وألقّط صوتي من نيلك كما الهدام وشهقة تمرة عز الصيف وكت بشّر لها النسام
دا برضو حضرتو..
| |
|
|
|
|
|
|
Re: أغنية لأبو داؤد بصوت مصطفى السنى... (Re: Raja)
|
كوستاوي الجميل شكرا علي كل هذا الجمال الصوفي الذي نفحتنا نسمتة عز الهجير ويا اهل العلم عليـــــــــــــــــــــــــــــــكم اللة لنك الحفــــــــــــــــــــــــــظ سرعة علي كل من سمي باسمة حرام النار علي جسمة دا كلام غريب شكرا مرة اخري السني
| |
|
|
|
|
|
|
Re: أغنية لأبو داؤد بصوت مصطفى السنى... (Re: مريم الطيب)
|
Raja Shinteer esam nazar ...مريم الطيب and Alia Thank u for keeping this post alive. I will be back soon
Raja...keep your Ihdattttt moving on and reserve the last one (#11) to my daughter SARIA....not Tumadir's son..lol
مريمUstaza Mary
slam to the family and ustaz Abdullll hope to see u soon
Nasr
| |
|
|
|
|
|
|
|