|
|
|
 Re: Or there's Khiyar O Fagoos (Re: elhilayla)
|
عارفة يا راوية
الفلاني دة والله عمل لينا غلاغل في الزمن المهازل
ياخي انا قبل كم يوم كدة لقيت لي ونسة سمحة خلاس
وتاني يوم جيت من الصباح عشان اواصل
لقيت ليك البلد كلها مقفلة
سعلت قالوا لي اوعك تفتح خشمك
اسوي شنو سكتة
هسة والله داير انطط من الفرح
لكن بيني وبينك
راجي فلانة تجي....
| |
 
|
|
|
|
|
|
|
|
Re: مين أدي.. عندي ماسنجر (Re: Raja)
|
لا والله شاطرة يا رجوية اكيد اتعلمتي الشطارة من اولاد بمبة
المهم لازم انتي ترسلي في الاول عشان لانو انتو متقدمين علينا في الزمن
اظن كم ساعة كدة ، لان لو رسلت انا اول الفارق القولتو ليك دة حيكون مشكلة
وعشان ما يكون في مشاكل اها رسلي انت الاول وانا اوعدك ارد اول ما استلم الرد.
| |
|
|
|
|
|
|
|
|
|
Re: Jidik Ilhagna O ifza3na (Re: elhilayla)
|
الحليلة قريبي
دي ما حا تعرفها لأني أنازاتو ود الحليلة ..
لكن بعد ما نسمسر في الشغلانة دي بوريك ..
ممكن ترسل لي رسالة وأقولي ليك أنا اهلي ناس الشيخ موسى ..
يلا يا جماعة قبل ما الحكاية تزيد ونرفع السعر ..
أصلو أنا عندي وكالة بالتسويق ..
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
يعني أنا ما غبيت بي داب الماسنجر،،
بختي أنا زاتي عندي لكن ما شايفاها،،
هوي يا الرسلت المسج،، وريني ألقاها وين عندي،،
غايتو أنا أسا فرحانه أديتني براءة من تهمة الغبيان علي روحي دي،،
| |
|
|
|
|
|
|
|
|
 Re: مين أدي.. عندي ماسنجر (Re: Soumeta)
|
سوميتا انا حاانزل بوست تعلمى زى بتاع تمبس
وحااسميه كيف تحافظ على ماسنجرك الداخلى بسهوله
وبالمناسبه يا رجاء نحن اتضح بنبيع فى الميه فى حاره السقايين كله عندو صحيت الصباح لقيت عندى 4رسالات
شفتى كيف احسن نعمل اوكازيون
| |
|
|
|
|
|
|
|
|
|
Re: مين أدي.. عندي ماسنجر (Re: ali othman)
|
نحنا ايام ما كان الماسنجر شغال ما كانت بتجينا رسايل ...
كدي بالله رسلوا لي رسالة كدا عشان نشوف الرسايل بتاعت الماسنجر البيقولوا عليهو دا كيف
اهو الواحد من نفسو كدا مرة ...
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
الحمد لله نحن الماسنجر ما أتونا ليهو وما بنعرفو وجديدين عليهو ، شيلتو ما فرقت كثير ذي ناس منو كدا ماعارف .غايتو كان عندكم ماسنجر بالجد ما تبيعوهو كدة وما توزعوهو بالرطل قسموهو بالوقية ذي السكر عشان تربحو كتير .
بس الكيمان دي المشكلة والما عندو كوم يبني ليهو كوم من طين ولا شنو يعني
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
يا اخوانا انا دايرة اصارحكم بالواضح كدة انو البضاعة ملت السوق
امس لقيت رسالتين على المسنجر و رديت فى امان الله بس فاتنى اعرف سر المهنة يعنى ارسل كيف و أيقونة المسنجر مافى؟؟
حقو نسمع كلام الاخت رجوية و نعمل تخفيضات والا ح نلاقى الاسعار فى الواطة و ببريزة ما تقدرو تبيعو
اللهم انى قد بلغت
فاشهد
| |
|
|
|
|
|
|
|
|
|
Re: مين أدي.. عندي ماسنجر (Re: lana mahdi)
|
| Quote: يا راوية ملاسي ده من كومنا |
كلميها بالله يا رجاء .... و وضحي ليها اني من كوادر الكوم السرية
بس بعمل حركات كدا عشان ما انكشف و كدا ....
و ما تنسوا بالله الماسنجر عشان نشعر اننا يعني برضو في زول بيعبرنا
| Quote: تانى بقول ليك اطلع من دول |
دول يا راوية .... و لا دولهمن ..... و لا دوكهمن .......
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
والله انا محتار انتو بتتكلمو عن شنو افيدونا افادكم الله بعدين الماسنجر ده ما سنجر سري وللا شنو شايف الناس كلها غانجة بيهو وقاعدة.. غانجة يعني(لابدة) المهم عاوزين المفيد لانو الموضوع يمكن يعجبني يا راوية واشتغل مندوب مبيعات ليكم... اخوكم حنكو سنين والكومشن على زوقكم وماااا بنختلف البنقوله دايما وبعد ده كلو بنختلف
| |
|
|
|
|
|
|
|
|
|
Re: مين أدي.. عندي ماسنجر (Re: jini)
|
هوووووى ياجماعة
ويارجويـة
انا الحكاية دي لقيتها جاااااادة
وفى ناس هنا اكدوا لى يتجيهم ماسنجرات وممكن يردوا من خلالها لكن مافى طريقها الواحد يرسل براه
اهااااا الكلام دا (كيفنو) ؟؟
واشمعنى يعنى .. ونحن مالنا؟؟!!
يابنعمل مظاهرات اسى دي .. يا كمان كلو يوم رسلو لينا خمسة ستة ماسنجرات نعرف نمشى امورنا معاكم 
| |
|
|
|
|
|
|
|
|
|
Re: مين أدي.. عندي ماسنجر (Re: ملكة سبأ)
|
يا رجاء الحكاية شنو ..
غبت يومين جيت لقيت الحكاية بائظة ..
يظهر الماسنجر بتاعي إتسرق ..
ممكن تخفضوا لينا القيمة شوية ..
لان الحكاية ظهروا فيها سماسرة تانيين ..
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
يعني لازم أبصم او إتجنن
عندنا واحد في حلتنا جنو سلبطة و مشاكل
يسألك يقول ليك الساعة كم تقول ليهو الساعة تلاتة ونص
يقول ليك يا تافه قبل شوية ماكانت إتنين وعاد الله يلمك في حجاز كسر نضيف.
جني
| |
|
|
|
|
|
|
|
|
 Re: مين أدي.. عندي ماسنجر (Re: Raja)
|
شوفي يا رجاء
انا متخصص في الاغاني العربية بس انتي تطلبي
بعدين بالمناسبة الايميل في البروفايل
بعدين عشان الناس الهنا ما تفهم حاجة انا ما داير عصفور
ابو الريش صباح العناقريب  يا عسل
| |
|
|
|
|
|
|
|
|
|
Re: مين أدي.. عندي ماسنجر (Re: ASAAD IBRAHIM)
|
أسعــد،
أصـلـو اليومين دول الواحـد لو ما ستفزاك ما بتظهــر..
أكتـر حاجـة مشتـاق ليهـا عنقريب تمبـولى (من تمبول).. أشـنى عنقـريب، المرقـو ملولـو زى الأصلـة داك.. يا سلاااااااااااام.. وعلى الحبل.. بااااارد.. مخـدة ســاى...
200 دولار! أها رايك شنــو؟ بس شــرط يكون عنقـريب مستـورد من تمبـول أو الجنبهـا... مـا مزور.. بالحبل المصنـوع يدويـا (ما بلاستيك ولا دبارة ردى ميـــد) بعدين تصميـم كلاسيكـى.. الكـراب التقليـدى و..و.. الخ.
عنـدنا واحـد فى منطقتنا بينجــد عناقريب، لكن المشكلـة فى المـواد..
بالمناسبــة،
أخوك إن بقى عســل، بيعـو..
| |
|
|
|
|
|
|
|
|
|
Re: مين أدي.. عندي ماسنجر (Re: أبوالريش)
|
يعني يا ابو الريش عشان نعمل عملية استيراد لعنقريبك التمبولي دة
ونشحنو بعد التغليف والتجهيز
وكمان دابرو بمواصفات معينة
وفي السودان دايريين ليهو شهادة منشأ
ولازم يمر بادارة الجودة للصادر
وتصديق من وزارة التجارة الخاجية للتصدير
واختام ومعاملات ورشوات
ودة كلو ودايرو يجييك لي نيو جيرسي
دة كلو 200 دولار
احسن تسافر هناك
قال تمبولي قال
| |
|
|
|
|
|
|
|
|
|
Re: مين أدي.. عندي ماسنجر (Re: ASAAD IBRAHIM)
|
أول أســافـر هناك دى قـديمـة.. إنت حشـرتهـا حشــر هنا ما عارف ليـه!
بعدين الرشــوة الوحيـدة الممكن تكون حـلام هى لناس ضبـط الجـودة.. لأنو عارف من شـروط العنقـريب أن يكون شـين جـدا.. والمرقين ملولوين، واحـد موجتـو طالعـة، والتاني جنباويــة. دا أكيـد ناس الجـودة ما حيمرروه لو ما دفعـو ليهـم.. وانت طبعـا عارف فقــه الضــرورة.. بتاع شيخ حســن، جـزاه الله خيــر.
لكن، اهـا.. قول لى..
بكم؟
| |
|
|
|
|
|
|
|
|
|
Re: مين أدي.. عندي ماسنجر (Re: أبوالريش)
|
يا رجوية انا وصديقي ابو الريش استغلينا هذا البوست في الدردشة خارج الموضوع، عموما لو تمت
صفقة العنقريب التمبلاوي دة ما يهمك ليك 20% .
اخونا ابو الريش
الموضوع بيكلفك 5000 دولار "خمسة الف دولار امريكي لاغير" زائدا ال 20% الفوق دي
وحأرسل ليك دراسة الجدوي للموضوع
اسمع احسن ليك تمشي هناك وما تخاف بنديك خطاب توصية
| |
|
|
|
|
|
|
|
|
|
Re: مين أدي.. عندي ماسنجر (Re: ASAAD IBRAHIM)
|
شكــرا لرجـاء على استضـافتنا فى معلقتهــا.
قلت تدينى خطـاب توصيــة..!
عارف البشيــر والترابى وعلى عثمان وقرنق، كلهـم محتاجين لخطابات توصيـة اليومين ديل.. البلـد بقت جبانـة هايصـة يا سيــد، وما معـروف القاعـد يحكمها منـو..
بعدين انا ما مستعـد ادفع 5000 دولار، وناس تمبول ديل ممكن يهـربـونى بى عنقـريبى لإثيوبيـا، مقابل.. قول تانى 200 دولار بالكتيــر..
فعـرضى الأخيــر ليك 400 دولار فقـط لا غيـر.. تدفـع منهـا لرجــاء بطـريقتك..
بعـدين بالمناسبـة..
لازم أعمل تسـت للعنقـريب.. إذا ما عمل لينا قطايـع و فتلـة وتعسيمــة برجـع قروشى على دايـرة المليــم.
وما ألق مكتـوب فى كراعـو ميــد إن جاينــا.
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
يا رجاء الله قريت كلامكم ده كلو وما طلعت بى حاجة.. كدى اول حاجة فهمونى الحاصل شنو.... وبعدين العينة بتاعتكم عشان نشترى .... مش كلامى معقول وكان ما عجبنا بنرجع ليكم خبيزكم ... يعنى انتو ما خسرانين حاجة .... يلا انا فى الانتظار وانشاء الله ما يطول !
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
ماذا قلتي في ال10%؟
اتفقنا؟
ولا افتح دكاني على الناصية المقابلة ??????????????????????
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
لو ريده بنسلفو ليك عدييل بس ترجعوا بعد داك ..quite
والله شديده جنس شدة....شوف عشان الناس ما تنقش بعدت الموضوع
منها كيف...زى الما عارفه حاجة!!!!!لوووووووووووووووووووول
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
يا جماعة إنتو تعابين روحكن مالكن.
على الطلاق ولا طرادة ما بدفعة
في حاجة اسمها MSN ماسنجر ملح ساي
أنا ما عارف العاجبكم في المسنجر أبو 16 حرف ده شنو.
البحب الملح يجينا غايتو$$$$$$$$$$$$$
| |
|
|
|
|
|
|
|
|
|
Re: مين أدي.. عندي ماسنجر (Re: Raja)
|
يا شباب مالكم في شنو ؟
يظهر والله أعلم ما عندكم ماسينجر ،،
بس معقولة يكون ناس عندهم وناس ما عندهم ؟
يظهر بكري عملها ،،
أنا غايتو ماسينجري ما اتقطع خالص ، وما شايف أي مشكلة ..
بس أنا من زمان ما بستخدم الماسينجر ،،
بكتب الداير أقولو علني ، ولا بخاف من أي زول ،،
| |
|
|
|
|
|
|
|
|
|
Re: مين أدي.. عندي ماسنجر (Re: ودقاسم)
|
طيب يا ود قاســم،
شكــرا على المعلومــة..
أنا هسـى قبل ما أعلق على موضــوع الماسنجــر دا، وإشـاعـة الخيار والفقـوس القلتـوهـا دى، دايـر واحــد بس يحلف ويقول لينـا، "والله عنـدى متسنجـر فى سـودانيزاونلاين" كلام ســاكت بدون حليفـة ما ينفـع.
| |
|
|
|
|
|
|
|
|
 Re: مين أدي.. عندي ماسنجر (Re: ودقاسم)
|
يا ودقاسم الشغلانة دي جاااادة
وفي ناس بعرفهم عرفة (عيني عينك) بتجيهم ما سنجرات يدخلو يلقو عفشهم القديم كلو فى .. ممكن ترد ولا ترسل للزول الدايرو
لكن بعد كدا حقكك رايح مافى طريقة تعمل حاجة الا غايتو يجيك ماسنجر ود حلال طاير ...
اها الشغلانة دى كيف ... ولازمتها شنو المحسوبيات .. وعوووك وعوووك ... يلا طيروها فوق
اها رجوية لقيتنى كيف؟ برضو حننتك ؟
لسسسسع ولا ماسنجرية ماجاتنى والأمور واقفة
| |
|
|
|
|
|
|
|
|
|
Re: مين أدي.. عندي ماسنجر (Re: haneena)
|
اعلان هام لي ناس المسنجر
لقد تم اليوم الخامس عشر من شهر الطير*
اكتشاف ان ماسنجري مازال يعمل وبكفاءة
عالية (100 حصان)..وبهذا اعلن انضمامي
الي مسنجراب الله اكبر...
*من الشهور الليبية.
| |
|
|
|
|
|
|
|
|
|
Re: مين أدي.. عندي ماسنجر (Re: مريم الطيب)
|
هووووووي يارجاء انصحك ان تخفضي السعر مناصرة للغلابة وتعملي لي عشرة في المية برضو مناصرة للغلابة والمساكين والا.....
ح افش السر هنا ودلوقتي
تعرفي انا ما بهزر
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: مين أدي.. عندي ماسنجر (Re: مريم الطيب)
|
"أبو الريش.. لا خيار ولا فقوس.. في ناس حلوة كانو مافيشين لما عملتو العكة وقفلو منكم الماسينجر ..
قووم الناس دي جات راجعة.. ولما فتحو الشقة.. اقصد البورد ورفعو الملايات من العفش وفتحو الشبابيك.. لقو ليك الماسينجر قااااااعد"
طيب يا رجــاء..
خيـوط المؤامـرة بـدت تتضــح!
الأن يكون واحــد من تلاتـة إحتمالات لا غيــر:
1- الهاكــرز الحلوين ديل، الموزعين فى 4 ولايـات وتلاتة قارات ديل كانـوا عارفين البق اللى فى السيــرفا، وكانوا برضـو عارفين إنوا الماسنجـر حيقيف.. وحســادة منهـم غابـوا براهـم وما كلمـو زول تانى.. كان فى تنسيق ابن كلب.
2- ما كانوا عارفين الرمـاد، واكتشفــوا انهم كانوا محظوظين بعـد ما رجعـوا.
3- نعـود لنظـريـة المـؤامـرة، ونقول صـاحب البورد قال ليهـم غيبـو وتعالـوا، تلقـوا المسنجــر ياهـو المسنجــر.. ياهـو المسنجــر! وفى غيابم شـالـو من البروليتاريـا الزينـا ديل.
| |
|
|
|
|
|
|
| |
Raja
Rawia
معتصم دفع الله
طيفور
elhilayla
حبيب نورة
ASAAD IBRAHIM
WaD OmI
Soumeta
Hussein Mallasi
essam&amal
lana mahdi
ابو طويلة
Ehab Eltayeb
jini
ملكة سبأ
صديق الموج
Mayada
...
ayooby
Frankly
shiry
ودقاسم
بلدى يا حبوب
haneena
مريم الطيب
الجندرية
فيس بوك
تويتر
انستقرام
يوتيوب
بنتيريست