|
|
 يوم الحارة يوم الناس بيرجفوخوف احبا المهدى شايلين سيف يجاهدو وما بعرفوالخوف
|
اشوفك زهرة فى بستان اريجا يفوح و يملا الريف
اشوفك موجة بتصارع بقية الموج و تصل القيف
اشوفك شجرة وارفة و طارحة مادة غصونا واصلة الطيف
اشوفك فى عيون اولادك الفى سبيلك يشهروا سيف
اشوفك فى كرم و عطاء بغرق ضيف
احس بيك نسمة بترطب ليالى الصيف
ليك اشواقنا تسبقنا و تعبر كيف
وبيكا رؤوسنا مرفوعة وبيكا نقيف
***************************************
ويوم الحارة يوم الناس بيرجفوا خوف
احبا المهدى شايلين سيف يجاهدوا و ما بعرفوا الخوف
رافعين راية منصورة و ترفرف بى نسايم اب روف
يكبروا ليك
ويهتفوا بيك
هتافا من صميم الجوف
********************************************
ويوم الدنيا بتضلم و تبقى ضلام
وناس شاكيين
وناس باكيين
وناس فى خصام
وزول ما بهموا غير قرشا يزيدو حرام
يجيك انصارى قايد قلبو للاسلام
حفيد مهدية ود انصار وليد ضرغام
عشان خاطرك و لى قضيتك تهون آلام
**********************************************
وراجعين ليك
تجيبنا عليك
تضمنا ليك
وبى اشواقنا مليانين
قدر ما نشوف بلادا تانية غيرك ما بيملا العين
قدر ما نطوف نجوب الدنيا راجعين ليك يقودنا حنين
وندفن روحنا فى ترابك و حرماننا العصرنا سنين
نعوضو بى عبير ارضك .. زلال مويتك من النيلين
******************************************
وراجعين ليك
وراجعين ليك سيوف النصر ناس آمين
ناس شايلين كتاب الله و بعزو الدين
ناس بى شرعو محكومين
وناس فى عزتك ساعيين
وناس من منهلك شاربين
ولو ارضك تكون عطشانة ... عطشانين
ولو ارضك تصير رويانة...رويانين
اهم ديلاكا اهل الصدق و الصادقين
*******************************************
وراجعين للبلاد الطيبة للسودان
بلاد ما بمسها الشيطان
ديار المهدى سيد القبة البتوهج ام درمان
وراجعين لى حماك فى كررى فى شيكان
بلد بتترجم العزة و كيف بتكون كرامة انسان
نعمر ليك و نزرع فيك نخليك فوق على البلدان
ونرفع يدنا و ندعى و نقول يا ربنا الرحمن
خلى بلادنا دايما رايدة دايما اول الاوطان
ولو افنينا كل اعمارنا دايرين نوفى ليك عرفان
ما بتكفى ما بتقضى لو زدناها بى ازمان
****************************************
مع محبتى
لنا
|
|
 
|
|
|
|
|
|
|
 Re: يوم الحارة يوم الناس بيرجفوخوف احبا المهدى شايلين سيف يجاهدو وما بعرفوا (Re: lana mahdi)
|
زيديني عشقا زيديني في وطنا ربما لم يجد يوما من يعشقه ولا يمني نفسه بالفداء والتضحية دون ترابه
لنا والله في زحمة الخصام والاختلاف والتعصب القبلي والجهوي فقدنا من يذكرنا بوحدة تراب هذا الوطن ومن ضحوا بأنفسهم وكل غال لديهم من أجل تماسك هذا الشعب الأبي
ولكنني أرجع واقول لسع في خير في بلدنا طالما تنجب أمثالك وما زالت حبلى بالفرسان أحفاد المهدي وأحفاد مهيرة وترهاقاوالأزهري والمحجوب وأحفاد كل من ناضل من أجل السودان
| |
|
|
|
|
|
|
| |
lana mahdi
abas
Habib_bldo
فيس بوك
تويتر
انستقرام
يوتيوب
بنتيريست