|
|
 لا جديد ...كمية من الزهج!
|
خاطرة لفتت انتباهي في احدي الصحف المحلية لمشاركة من ابنة أحد المغتربين خارج السودان تحكي حالها في سطور:
" رفعت سماعة الهاتف حينما بادرتني احدى الصديقات كيف حالك ؟ قلت لها " الحمد لله" وانتي كيف حالك قالت " لا جديد ..كمية من الزهج" للمرة المليون أسمع كلمة لا جديد هذه .. و اعاني منها ايضاً..
ان أمسنا مثل اليوم واليوم مثل الغد لا جديد ولا قديم ..ما معنى أمس ،لا يؤسف عليه، وحال اليوم أقسى من أي وقت كان ، لا رجاء منه ولا حتى فيه يمر الوقت يغلفه الضجر والملل .. الوقت يتمطى يتثاءب يركل بأقدامه وحوافره صدورنا الموجوعة بالألم وهموم الغربة ويمر الوقت تقيلا لا هو يقتلنا ولا نحن نقتله وتضيع الخطوات وتتبعثر وتتبخر من ذهننا الحكمة وتتساقط الكلمات عفواً فلا تعرف الفرق بين العدل والظلم الحق والباطل ، الخير والشر ..
سنوات طويلة ونحن هنا في الغربة نتحرك .." ننام في الحرير" ناكل في "الشهد" الغربة تلتف حولنا كالشرنقة تطبق علي أعناقنا تكتم أنفاسنا لكن ممنوع الشكوى ..ممنوع الاعتراض لأن الحوار من حرير!!
الا تعتقدون معي أننا لم نحقق ما كنا نصبو اليه نحن هنا كالدمى كتحف للزينة لا انطلاق للطموحات ولا حرية للفكر ألا ترون معي – لا فائدة- وإن كوخاً من القش نحقق منه أحلامنا أفضل من زنزانة ذهب نخفي فيها أحلامنا وأمانينا.
|
|
 
|
|
|
|
|
|
|
 Re: لا جديد ...كمية من الزهج! (Re: Tumadir)
|
انا بنت النيل مليون سلام .. وعام جميل بدون زهج ..
ده كلو ساهل ومحلول .. رغم انو الزهج ما بيفرق .. بين هناوهناك .. بس الزهج المستفحل الايام دي ..وطالع موضه هنا ده .. عندك فكرة بيعملوا ليهو شنو ؟؟
| |
|
|
|
|
|
|
|
|
|
Re: لا جديد ...كمية من الزهج! (Re: ابو جهينة)
|
تماضر العزيزة..
خيالي المتوقف في حتة واحدة ..وداني لفكرة ..رائك شنو نشد الرحال " جماعي" "للقبة البلوح قنديلا" وننسي الدنيا كلها ومافيها ونتجرد من المزهجات " والمهممات" ونحرر انفسنا تماما إلا من حب الله ورسوله ..بعد داك نبدا نعمل "داون لود" لليستحق فقط ومادونه ..لا نكترس له ولا نجعله يزاحم الجميل المتأصل الذي شحنا به نفوسنا ..يخيل النفس عندها حتكون ..خفيفة ..خفيفة ..ويسهل قيادها دونما معكسات حياتية معقدة ..رائك شنو ؟
تمبس ..وينك يأأخي العزيز ..ودشيليون مرحب ..اما دواء الزهج ..فخيط خيالي "فتلته " فوق مع تماضر كدي شوفه ..وهو ساهل بالنسبة ليكم "وتكلة" !
الطيب ..في اللحظة دي بالذات ..متذكرة الزهجة المسددة كل الجنبات ..غايتو يمكن واحدة من " رباعياتك" تنفع كدي النقبل هناك علي دار أبوي الشيخ..
أبو جهينة..
ولك أندى التحايا وأبهاها..
تعرف يأخي العزيز.." الكربينة " دي ما بتفكها إلا مشية طويلة في شارع النيل .."أو شارع النيم هنااااك" ..لا يقابلك زول بتعرفه ولا يناديك " متطفل" من نافذة عربية ..لا تكلم احد ولا حتى نفسك ..فقط تأخذ نفس عميق ..بين الفينة والأخرى ..من النسيم العليل
| |
|
|
|
|
|
|
|
|
|
Re: لا جديد ...كمية من الزهج! (Re: انا بنت النيل)
|
انا بنت النيل
الزهج إبن (شرعي) لحالة الفراغ وعدم وجود خطط وبرامج بشكل عام
!- وبالنسبة للمغتربين ، وخاصة ناس الخليج ، أعرف ان الحالة متفشية وبزيادة وسط النساء ، الرجال بيعرفوا يفكوها كيف ، بالشللية والندامى وما يلزم لقتل الوقت وسبل كسب الأمراض وما يترتب عليها من قطيعة وقطائع ، أو ساس يسوس دون التوصل لفكرة ما او برنامج ما ، وكلام الليل يمحاه النهار ويدوروا في ساقية جحا
اما النساء في الخليج ، وخاصة العاطلات اللاتي يسمين بربات البيوت ، فالوقت المكدس عندهن حيث لا واجبات تذكر ، الطبيخ مرة او مرتين في الأسبوع والثلاجة رحبة وفقط التسخين مع طبق سلطه يجهز كلاهما في ثواني ، والغسيل بالغسالة ومرة في الأسبوع ويوم اضافي لقطع الشفع والمكواة على الهندي ، بعدها وقت مبهول في النوم يترتب عليه زيادة في الوزن وخفة في العقل وزيارات متكررة للدكتور ، ووقت يهدر في آلة تستخدم في غير الذي صنعت لأجله تسمى التلفون وجميعها إتصالات فارغة بل وتؤثم ، طيب والحال هكذا ما لازم يكون في زهج
المطلون من النساء بتعاون من السادة الأزواج أن:
يحاولن إضافة لغة أخرى مع تكريب اللغة الموجودة + تعلم الكمبيوتر وإجادته إستخدامآ وسرعة طباعة + إكتساب مهارات عبر التعلم والتدريب والتجريب في الأعمال المكتبية وأعمال السكرتارية وفنونها ،، كل هذا يسهل فرصة الحصول على عمل وبالتالي تم الإستفادة من الوقت ، ووقت غال في العمل وإعادة تنظيم الزمن
أما اللاتي لا تنطبق عليهن الوصفة أعلاه ، يمكنهم التدرب على فنيات التجميل من نقش حناء وخلافه ،أو مهارات أخرى مثل تصوير الحفلات والمناسبات وهنا تدر دخل عالي للشاميات
إكتساب مهارات أخرى مهمة ، مثل ، تعلم قيادة السيارات وبذلك تساعد في واجبات التوصيل المنزلي وتخفيف عبء على الزوج وتوفير مصاريف الترحيل الجماعي ، وفائدة أخرى تتمثل في إمكانية التعاقد مع بعض الموظفات والمدرسات لتوصيلهن مقابل أجر ، وفائدة أخرى الحصول على قدر من الإستقلالية والدوران الدائم في فلك الزوج والخضوع لبرنامجه ووفقآ لوقته ومزاجه.
وهناك فرص عمل أخرى برعن فيها المصريات ، فتح دورهن لحضانة اطفال الموظفات .
كل ذلك يتم مع برناج للثقافة والإطلاع والحرص على الإستفادة من مكتبة الزوج التي لم تأخذ منها أي كتاب بل ولم تتطالع عناوينها ، وعلى الزوج ان يحرضها على القرأة ومن ثم المناقشة لتعم الفائدة
والتعامل مع الأنترنت.
وقت عائلي وآخر مع الصديقات للترفيه في المنتزهات مع تفادي القيل والقال والقطيعة وان توظف هذه الأوقات للتفاكر ومن ثم التعاضد لإكتشاف طرق ووسائل تساعد في زيادة الدخل ، وتقليل المنصرفات ، ورفع القدرات.
حتمآ لو فعلن ذلك سيكون هناك جديد كل يوم ولن يكون هناك وقت للزهج ، والميزانية حا تنعدل والأولاد حا يسعدوا وتقل الإحتكاكات والخلافات الزوجية والكل حا يكون مشغول ومبادر من اجل المفيد ، الحياة حا تكون غنية وجميلة
| |
|
|
|
|
|
|
|
|
|
Re: لا جديد ...كمية من الزهج! (Re: أبو ساندرا)
|
الأخ الفاضل ابو ساندرا
غمرني حضورك الأنيق الباهي..
نعم هو ما ذكرت وحالة الفراغ عموما تولد الزهج والدبرسة ..كذالك مقترحاتك موضوعية وفعلا يمكن ان تكون زادا "للزهجانات" من الفراغ "وقلة الشغلة" زي اخواتنا في الخليج "القافلات" من الرفاهية ..ويابختهن ..وحلات الزهجة من الفراغ الزي "حقهن" ..
بس ..ماذا تقول في الزهجة والقفلة والحرنة من كترة الشغل والمواضيع والناس والزهجة من عدم الفراغ ..وقصر الزمن والوقت الفعلا بقي سيف بتار ..جارين وراه سك ..ما محصلنه
تسلم اخي ابو الظريفات..الشفتهن وسامرتهن.
| |
|
|
|
|
|
|
|
|
|
Re: لا جديد ...كمية من الزهج! (Re: انا بنت النيل)
|
| Quote: وقت مبهول في النوم |
يالله يا ابو ساندرا
نصيحة منك برضو يوردو لينا بجاي
تصدق لو قلت ليك مرات بمشي السواق وافوت امجاد واشوف لى حافلة مكعكعة ذات حركة سلحفائية تحايل منى عشان ازيد زمن النوم
نحن على النقيض ونعاني ايضا من ضغطةالراس التى تلد الزهج بصورة شرعية برضو احيانا
بت النيل موضوع جميل وجاياك فيه
لكن الجديد الليلة انه عايزين نلاقيك رغم المشغوليات
وشفتي كيف ناس زمنها ماعارفة تعمله في شنو وناس (ساكيها) الزمن
صديقي كبر رايك شنو فى الإقتباس دا
(البنت التى سكاها الزمن)
| |
|
|
|
|
|
|
|
|
|
Re: لا جديد ...كمية من الزهج! (Re: ملكة سبأ)
|
يا سبأ ..يا ملكة ..يا حبيبة..سمحة الطلة..
وياريت ..ياريت..ياااااااريت
هي غير المواضيع الما بتنتهي ..في شنو المانعنا من كل جميل ..يا اختي لمتكم بالدنيا ..وجلستنا في تلك الخميلة ما احلاها ..ان شاء الله ..معكم ومعانا عاصم ..اخونا العزيز
| |
|
|
|
|
|
|
| |
Tumadir
tmbis
الطيب بشير
ابو جهينة
أبو ساندرا
ملكة سبأ
فيس بوك
تويتر
انستقرام
يوتيوب
بنتيريست