|
Re: أبحثوا معي عن اسم لعروسي ... (Re: كبسيبة)
|
كبسيبة عروس شنو يا اخوي البسموها دي وليك كمان.. اختشي يا زول
عموما هاك مجموعه من الاسماء عسي انها تبرد بطنك
آيه ، آيات ، وعد ، شهد ،نون ، مريم ، نبأ ، تسنيم
شجن ، داليا ، ريم ، رنا ، رفاء ، ساره
كيف معاك .. كفايه ولا ازيدك
ابونور
| |
|
|
|
|
|
|
Re: أبحثوا معي عن اسم لعروسي ... (Re: ابو نور)
|
كبسيبة
يازول من هسع سميها
ولية
او
مرة
لانو مافي زول بينادي مرتو باسما ما دام الحكاية حتكون يا ولية ويا مرة
اختصر الحكاية من هسع
شد حيلك وجيب ليك كم كرتونة بامبرز وكم كرتونة لبن والعاب اشكال والوان
وتمشي تدفع مصاريف المدرسة لانو ابوها سمعت انو داير يدخلا مدرسة ام سلمة الغالية ديييك
وبعدين طبعا حق القبول الخاص بالدولال الامليكي
واثناء دراستها الجامعية طبعا حتلقى ليها ود تفش يخلطا ليك منقة
وتجييك تقوول ليك سووووري يا عمو انت زي بابا واكتر...
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
أبو نور ليك وحشة نعمل شنو الناس كلها بتربي ونحن عايزين نربي كمان ولا شنو؟ شكراً على الأسماء الحلوة وأنا اضفت معاها نور يا نور النوار يانورة يا فرح الأفراح يا بلورة
قرجة Quote: وتجييك تقوول ليك سووووري يا عمو انت زي بابا واكتر... |
انت مالك عايز تخليني أغير راي
Hozy شكراً كتير على الأسماء الحلوة هوازن اسمع رائع بمعني الكلمة وحتى لو ما سميناها هوازن اسمع الدلع حيكون hozy .
| |
|
|
|
|
|
|
Re: أبحثوا معي عن اسم لعروسي ... (Re: bayan)
|
سلامات اقول ليك حاجه؟ بمانهاعروس المستقبل فانا ح اديك وصية . اى واحده اسمها (مى) حلوة. عشان كده سموها مى و اى واحده اسمها (علا) (بضم العين ) رقيقة . و علا اسم جميل جدا و على ضمانتى
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
الاخ كبسيبة
فى واحد معانا فى العمل ولد ليه بت جانا يفتش
لاسم ,واناهلت عليه الاسامى من كل حدب وصوب
وفى النهاية قال لى رشح لى اسم قلت ليه اسم امها شنو
قال( ملاذ) قلت ليه الا تسمها التاية او الحرم
هو من اهل العوض ومراته من اهل مازن
فوجدته بعد زمن قال سميتها اسم فى ابوقوتة
كله مافى قال سماها تسابيح فقلت ليه بنت اخى اسمها
كدا فى ثانية ثانوى
انا بديك اسم جديد لنج سموه لبنت سعودية فى الشهر
دا ( ريماس) يعنى ريم وماس مع بعض
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
هـــــوازن هذا هو الاسم الجديد للمولودة الذي تم اختياره من بين عشرات الأسماء ظللنا نفكر فيها عدة أشهر تسلمي يا ست الاسم والله يخليك لينا يا أحلى اسم من بين الأسامي وزي ما وعدتك اسم الدلع حيكون برضو hozy عشان كده من حسي يا بكري شوف لينا طريقة لي hozy2 التي ولدت في هذا المنبر فشكراً للجميع ومبروك لينا كلناوالله لو كان مناي أوزع حلاوة وعصير لكل البورد . لكن كل اسم في هذا البورد أحلى من أي حلاوة.
أحبكم ... أحبكم ... أحبكم كلكم .. أم م م م م مبح
وألف مبروك لحماي ... وحماتي يخليها ليكم يا رب وعقبال ما نشوفها أحلى عروس .
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
يا تبلدينا باين عليك واقع كبس وبرياني وكابلي ساكت ريحة البصل جاتنا بي جاي لوووووووووووووووووووول
يا هدر ياهي نهنا قبيل ما سميناهو البنية وعضينا ووزعنا الحلاوة انت كنت وين ياهي من قبيل.
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
سميتوها هوازن
طيب انا ماموافقة لانه في شروط اخليته بيها وعليه يعتبر العقد لاغيا انا قلت ليك لازم تدفعوا
وانا هسه برسل ليك رقم حسابي في الماسنجر
او برفع عليك قضية او دعوى رد اسم وحقوق طبع وتوزيع
والله يقدرك بعد كده
فانا بقول بدل تكاليف المحكمة والمحامي احسن تدفع بالراحة كده
وخصوصا انه بنت الاحفاد كانت دافعة مقدما
وده حيسبب ليها ربكة ولقيمة الاسم في السوق بسبب التداول الكتير
لوووووووووول
تمنياتي
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
يا هوزي انتي بس اشري بصابعك كده وإنشاء الله ليلة رأس السنة نشوف ملايين mbc مدفقة عليكي غايتو إذا اتصلتي حتكسبي وفي كل الأحوال نحن كسبناك وكسبنا hozy
يا دور نقاس اخي انا زاتي بمزح وسع ... انت بس مشيت بعيد
يا عثمان تحياتي وتشكر على الاسم الحلو سلوان لكن ما أخخخخ
| |
|
|
|
|
|
|
Re: أبحثوا معي عن اسم لعروسي ... (Re: كبسيبة)
|
يبدو أن بعض خلايا القاعدة قد اخترقت بريدي الإلكتروني وكمان ختوا لي اقتراح نسمي البت (إرهابية) على العموم شكراً كتير على الإرهاب اقصد على الاسم واعتذر وتاني توووووووووووووووووووووووبه بس أنصحك تخت يافطة ممنوع الاقتراب والتصوير
| |
|
|
|
|
|
|
|