الأخ فيصل عباس ...جاكم فقاد متأخر و الله يا منعم فقدت شوفك في بوستات كتيرة و قلت يمكن مشاغل لكن كلام الناس ديل ترا خوفني عـد إلينا يا شوف و سنقطع لك البرامج العادية لإذاعة نبأ مقدمك
الأصدقاء الأعزاء جداً فيصل عباس dreams Raja عزيز anwar abu gaidaa ali othman Rawia نصار خالد الحاج الطيب بشير تحيات طيبات زاكيات يا أجمل الحلويين وتسأل عنكم العافية ويتفقدكم الخير يا أعز الناس سعيد والله أنا بإهتمامكم ده وحزين برضو لأنو قلقتا بيكم يا هميمين ... وده كلو مابيدى والله وزى ما قال ليكم ود بتول كنت مزرور فى الشغل زرّة ترزى فى يوم الوقفة وبالليل كمان .. بالإضافة لكورس مكثَّف، انا والأستاذ راس وبرضو مع الشغل .. ده كوم، وإنقطاع النت من البيت كوم تانى .. حالة تدعو الى الجنون .. مُش ؟ قريتكم تلات مرات من الشغل فيزداد وجعى فى كل مرة وأنا أطالع جمالكم يملأ مساحة البوست البهى وليس فى مقدورى أن أرد على هذا الجمال، واحد لأنو مابقدر أصلاً على رد جميلكم ده، أتنين لم أعود نفسى أبداً على الكتابة فى البورد من مكان الشغل، لأنو لو دوَّرت فى الموضوع ده ما حشتغل واصل
يا خى أقول ليكم : أحبكم حر من البدرة الملح ولا أقول ليكم : أحبكم أنتى بايوتك الكلامات المهترشة
وإنت أصبر لى يا فيصل عباس، حأجيك فى الدوحة وأعضيك فى أضانك الشحمانة دى
وجايكم زولة زولة وزول زول، والله يفككم منى ساى، باقى أنا شنو ؟ زول ولوف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل عباس
Raja
عزيز
Rawia
نصار
الطيب بشير
منعمشوف
فيس بوك
تويتر
انستقرام
يوتيوب
بنتيريست