الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 10:19 AM الصفحة الرئيسية

مدخل أرشيف النصف الأول للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

يا سلام يا روح البدن_للطيب بشير

05-12-2004, 07:31 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
يا سلام يا روح البدن_للطيب بشير



    المانعنه ما نشري ونبيع ونتجّر
    كرم الطيّب العينه السحابها مبدّر

    الخلاني اقوم واقعد, اغني واسجّر
    ليلتن امسي في سمعي الغناه يودّر


    من سينت السحاب مطرك عديل غرقنا
    كرمك جانا بي فوق والوتر حرقنا

    نسمع وننبسط لي بكره ما اتفرقّنا
    ويا ريت الفجر..بي خيطو ما مرّقنا

    يا الطيب انا شخصيا عاجز عن الشكر...غير اولئك اللذين هاموا وجدا

    فالسلام لك يا ود بشير يا روح البدن...والانحناءة لعلي...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 07:38 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    يا الجندريوووووووووووووووووووووووووووووو


    هسي كده عندك عندي نسخه من كتاب ماندي نذير ومن روح البدن...ومعاهن ...لمّ خيل الضل علي الاريل.........
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 07:41 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    نزار
    هو دا شنو الفاتني وخلاك تغني وتدوبي دا

    النبي وقعو لي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 07:55 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الجندرية)

    يا جندرية بس انتي رسلي عنوانك بي الايميل

    وامانه ما تمدحي مديح وتغني غنا...وكان مستعجلة
    اسعلي الطيب بشير...

    اما انا فيبدو اني سأدوبي لا حول الليله من الطرب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:07 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الطيب الم فيهو وين
    مافي اون لاين
    الله قال بي قولك انت عاد
    اها العنوان ماشي عليك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:16 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الجندرية)

    Quote: الله قال بي قولك انت عاد


    كدي عايني الجمله دي....بنقولها عاااادي وفي كل مكان...ومناسبه...بس ما وقفنا عندها مش؟؟؟ يقوموا هسي يحجبوها ليك؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 03:23 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)









    كيــــــــــف عيون الليـــــــــــــل ينعسن؟؟؟؟؟

    وانت ساكــــــــــــــــنه بدل الوســــــــن


    يا غصين النقا يا لدن


    الهي يمهلها عليك دنيا وآخره يا الطيب...ويعدل خطوتك شقيش ما تقبل

    بس عشان الجندرية تفهم حاجة....بعدين الحفظ زاتو جاييك يا دفعة اتمهلي بس...ولوكي صبر قدر سعي البريد...

    (عدل بواسطة nazar hussien on 05-15-2004, 08:50 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:22 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الأخ الكريم نزار حسين
    لك تحياتي و تقديري
    إنت مبسوط؟
    وأنا كمان
    أشكرك على صادق الدعاء و أسأل الله لك الخير كله
    سأرسل لك تلفون الحبيب علي السقيد في ماسنجر لتحصل على مزيد من النسخ الأصلية لأصحابك و أهو تكون مساهمة إيجابية في دعم مسيرة زول مدهش زي السقيد.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:25 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الجندرية)

    الجندرية يا بت طابت
    إيدك لاحقة و دعواتك تقطع نفس خيل الإجازة
    سعيد بي شوفتكم كلكم/ن
    {بالراحة علي في حكاية اللغة و كدة}
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 06:35 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    يا نزار
    كدي قبل اللنك شوفها لي ما بتقطع
    هسي دي اغنية تقيف في النص ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:18 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    شكرآ يا نزار أمرك كتير همانا

    وأبعدنا الزمن إلا السقيد لمانا

    بي وترو الحنين شاع الطرب عمانا

    والشوق جمرو موقد و الشريط تمانا

    ـــــــ ـــــــ ــــــــ ـــــ

    من سينت السحاب راح المنامة غنانا

    و الفنان علي قربنا كيف و ادنانا

    بي قولو السمح زي التكنو عنانا

    بي شوفة السقيد يارب تتمو منانا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:32 PM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    والله يا الطيب .. دا طعموا قطع اخداااار .. زولي اللاخدار كن شفتا باخادار ..
    والله آخوانا أنا سعيد في عضمي دا ..
    نزار
    الطيب
    والجندرية ..
    أقرو قل هو الله أحد
    مساءاتكم بنكهة حلاوة لكوم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-12-2004, 08:41 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Ahlalawad)

    أهل العوض يا حبوب
    عينك مليانة
    قلت لي
    Quote: .. زولي اللاخدار كن شفتا باخادار ..

    ذكرتني حفلة في الشمال الأدنى منطقة قبل الزيداب و العالياب إسمها سندة قباتي حضرت فيها عرس صديقي أحمد عبدالوهاب و الفنانة كانت بتقول
    اللخدر الليموني
    يا اب ريقآ فوق سنوني
    يا زول تعال ...إن شا الله يبندقوني
    ــ
    يقومن البنات الشيالات يقولن ليها
    يا زول تعال ...إن شا الله يبندقوني
    يا زول تعال ...إن شا الله يبندقوني
    -----
    المقطع التاني

    اللخدر المتقايس
    يا صندل العرايس
    و الزول تقيل مابيسمع الحدايس
    يقومن البنات الشيالات يقولن ليها
    الزول تقيل مابيسمع الحدايس
    الزول تقيل مابيسمع الحدايس
    ــــ
    تقول لي الجلابية؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 06:54 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    يا جماعة انا ما حجزني منكم الليل

    واطاتنا هنا بتفلل قبالكم...اظنو بس اهل العوض المفلل ليلو معاي

    جيت الصباح لقيت...الكلام البدور استارتر النجر اللخدر يا الطيب

    اها انا من زمان بفتش لي كلاما اخدر انجر عليه

    والله فكرتك طيبة يا الطيب...اديني تلفون السقيد...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 07:11 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    Quote: اللخدر الليموني
    يا اب ريقآ فوق سنوني
    يا زول تعال ...إن شا الله يبندقوني


    يا ود بشير دا مو الجابودي البندقو فيه بي صوت العنج...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 07:34 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    حذفناه نأنو ( على قول اهل العوض ) مكرر

    (عدل بواسطة الجندرية on 05-13-2004, 08:21 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 07:35 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    Quote: البندقو فيه بي صوت العنج...


    إن شاء الله يقطعوا لحمن ، هن المتخودرن ليها شنو
    للووووووووووووووووووووووووووول

    كدي هسي رسل لي الشريط قوااام ولا بشكيك بين يدي المولى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 08:05 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    يا اهل العوض...يا زول ...انا من زماااااااان بفتش في بوستا هاااادي....تدخلو ويروق بالك...ود بشير دا في القطع اللخدر ما بتصاقع...دحين...تعال هنا....امسك لي ميزان الكلام عشان ما اقع اكسّر قدومي...وانا بمسكلك...السرج...بدل علي كيفك....بس اختا الرملة...بتوحل العجله....والميزان زاتو بنعوج...وان انعوج تاني علا نقوم سدّاري...


    اها بسم الله




    دنّــــاي المسافات ود بشير بي كرمو
    ترحل ايدو سارية تعم خليجنا وحرمو

    وقتين السقيد و غصين نقاه انحرمو
    دندن شوقنا نار قطّع قلبنا وفرمو


    ما سمعت الوتر يا صديقي كيفن طاعم
    يدخل في القلب هيّــن لويّن وناعم
    كان ما الدنيا فراقه ومناي ما بعم
    زي متل السقيد من نيلو يروي براعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 08:09 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    Quote: إن شاء الله يقطعوا لحمن ، هن المتخودرن ليها شنو




    لوووووووووووووووووووووووووووووووووووووووووووووووووول يا جندريه



    بصلك بصلك بصلك والله....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 10:55 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    عندنا اجازة لا يوم السبت دحين...استناني هنا في الصفحة دي وان غتست ما تروح بعيد....

    يا الجندريه...ما لقيتك في المسنجر واسمك في القائمة مافي ولا لقيت عنوانك...يا ربي يكون الحصل شنو.؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 11:23 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    و الله يا نزار يا خوي طرب معاكم
    لكن لمن تبقى فيها دق نحن موظفييييييييييين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 12:35 PM

Elmosley
<aElmosley
تاريخ التسجيل: 03-14-2002
مجموع المشاركات: 33331

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    نزار شكرا لك علي هذا البوست الجميل المزهر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 06:08 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الأخ الحبيب نزار حسين
    لك الشكر و التقدير...قطع أخدر بتاعك إنت و أهل العوض ,انا علي العلي ناقصني الويندوز العربي فرجاء إضافة الشدة للقافية في المربعين التاليين..في اللام بنهاية المربع الأول...و الواو بنهاية التاني, طبعآ معظم {العرب} بيعرفوها لكن توضيح للحناكيش


    جاب البوستة صاحبك ود حسين و اتخلع
    لقى فيها الشريط الزاد لهيبو و ولع
    شاف صورة السقيد فـتح عيونو و قـلع
    أبشر يا نزار ....غناينا ما بتدلـع
    ــــ
    خليهو الوتر و الفي العـشـوق سـواها
    و الفنان علي.. ســاكن القلوب جواها
    و الريد في الخلوق من آدمـا و حواها
    حامت بتو في الشريان...و دة القواها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 06:09 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    يا نزار
    خت في بطنك بطيخة صيفي
    وليك علي كل ما القاه واقع اقلقلوا ليك من اباطاتو واوهطوا في الصفحة الاولى

    ودا العنوان قدام ناس البورد ديل شان ما تقول لي كاني وماني

    اليمن ـ صنعاء
    ص ب (105)
    عثمان محمد احمد ومنه
    لاماني عبد الجليل

    عندك عشرة يوم وصل وصل ما وصل ( الله قال بي قولك )
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 06:23 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الجندرية)

    جندريه طبعا قايلانى جيت هنا لاول مره ....مش؟

    انا فى حاجات كده ...بسمعها واتحصبن واقطعها فى مصارينى

    اها دى واحده منها...............


    شكرا للدعوه

    وبالله يا نزار وضيوفو ...عندنا حفله بام كلثوم ... اتفضلوا معانا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 06:29 PM

Shinteer
<aShinteer
تاريخ التسجيل: 09-04-2002
مجموع المشاركات: 2083

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Tumadir)

    ده الكلام.

    الفنان المسؤوووووووووول ده منو؟ أنا باقي ضهبان. والله فنان مسؤول بحق والأغنية ذاتها من الاغنيات الـ بتفور علي الدبس يا نزار .. ويا أخل العوض:
    جاز سرباً زانوالفطن احتفال بقرب الوطن

    الله يرحمك يا خلف الله حمد

    الزول ده السقيد؟ ده زول مسؤوووول. أنا حأجيبو في عرسي: أكان المولى حلّ القيد وختّى عراقِل

    شكراً يا نزار
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 08:45 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Shinteer)

    شنتير يا حبوب
    Quote: الزول ده السقيد؟

    آآآآيي ياخ
    و هل يخفى ال
    Quote: الفنان المسؤوووووووووول

    مبروووووووووك مقدمآ العرس و حفلة السقيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-13-2004, 08:44 PM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    نزار .. الطيب .. الجندرية .. توماضير .. والزوار خلف الستارة .. أقتعد مقعد أبي موسى الأشعري وأختف من شيخي شنتير .. هذا المقطع الذي (كما يقول هو) يمرق الفلايت ..

    شغل القوة يا ام قرقد عليه شداد
    والسفر أب مساويكا حجر غيري زاد
    العطا من عدم ندي ونقول ما عاد
    وصبارين علي الكاينات ، بلا ميعاد

    والله أنا كل ما يمر في مؤخرة راسي هذا المقطع شعر راسي كللللللو يكلب .. وهذه حالي هذه الساعة .

    يا نزار بقينا ندخل دياركم دي أنصاص الليالي .. عقيب فنجان شاي اللبن القانوني (مقنن) معزومين بي سلامتكن .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2004, 03:47 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Ahlalawad)

    أهل العوض يا حبيب
    ذكرتونا زمن سمح..الشبال و الزغاريد
    أها...هاك
    ـــــ

    إنـفـدع السـدير جـات الزغاريد مارقة
    شاقة طريقا جوة قلوبنا خارقة و حارقة
    إن ماالليم معاك يا ام زين تلوح ليو بارقة
    بجي بي سلاحي و ان كتلوني فيك ما فارقة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2004, 04:39 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    يا بودلا؟؟ من مبدول؟ وما تقولو لى اشرح؟؟ ده كلام شنو ده البتسوو فيهو ده
    والله بالطريقه دى كاتلين ليكم زوول كاتلنو؟؟
    انا جاييكم طب ندرا على؟؟
    اها قبال امشى
    قدر ما اقول انوم
    من نومى اتب حاس تانى
    وحبك ياجميل من الدمع حسانى؟
    للاسى والنويح
    ريدك دوام حسانى
    وحالف ما بسيبك
    حت كان ابوك حسانى؟؟
    وجاى يا الطيب
    انور ود بتول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2004, 07:47 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: anwar abu gaidaa)

    نزار حسين والطيوبه
    مساء النوووووووووور
    بركة الجمعه الجامعه والدعوه العند الله سامعه
    املى ربى فؤادكم وبطيناتكم اليمنى واليسرىبالسرور
    يا اخوانا والله اكاد اغازلهن وهن على ضهارى الترع ممشطات
    ومسرحات ومطرشات بى داك يا الدهن المو خمج؟
    وعليهن خجله واى انا منها عدييل؟؟
    البى جردلها مفدوعه والبى فتقتها مرنوعه؟
    وانا عاد ديك يا الجلابيه وديك يا سيجارة العصر؟؟
    التى يستنشقها معى كل مزروع ذاك الوقت؟؟
    ويا لها من ايام انها ليست من الامس ولكنها من وقت الاصيل
    وحلفتكم بالصالحين اكان توقفو لينا الدفق ده ؟
    انور ود بتول المكتول؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2004, 08:14 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    أنور عبد الرحمن يا أبا غيداء
    ألف أهلآ و مرحبابك
    نقلت الكاميرا بخبرة {عربي} نجيض للجزيرة و كأني بين صافية و كتفية ( The twin cities ) و معها نقلت إحساسنا لأيام حلوة هذاعدا توقيعك الذي يفيض خلف الله حمد و
    النعيم فحل القبايل ...
    كريم لمام الهمايل...
    شكرآ بلاو ما اظنو خايل..
    إيدو ام رويق و القبلي شايل.
    و ري ري ري ري
    حبابك يا فنان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2004, 08:47 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    الطيب والجندرية وانور وشنتير وتماضر واهل العوض...كلامكم دا اكبر علي محراي...وبجيكم صادي هسع دي...بس نضاير الشغل سريع سريع...ونطلع كل ورقه جبلا ونقعد معاكم...امانه قعدتكم مي طاعمة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2004, 08:56 AM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    أستاذنا الغائب أنور (أبو غيداء).. جيتك تستاهل الضبيحة – من مطايب الدكة .. غايتو بيتك اللولاني دا ذكرني مربع أدونا ليه بدري خلاس .. بيقول

    يا من خلقتني وخلقت الصيدة في مرعاها
    حلحل روحي من حبل الشقاوة كفاها
    قدر ما اتذكر ام خدود اطراها
    أتب من نومي ، واتلافى الهبوب – أختاها

    وهاك أيضاً

    ياتمرة كريمة القاد سبيط عرجونك
    ديسك كابي خمرة وصندلية دهونك
    يقلق ويفقد الحيا والعقل مسجونك
    مهووس بيك وذنبي عليك بقيت مرهونك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2004, 09:09 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    Quote: مهووس بيك وذنبي عليك بقيت مرهونك

    نوح يااهل العوض
    هوس عديل كدي
    وكمان عايز يرميها فوق بت الناس المسكينة دي
    ما يتحزم ويتلزم ويشيلها براه

    (عدل بواسطة الجندرية on 05-15-2004, 09:13 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2004, 09:15 AM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    شفتي كيف يا الجندرية ؟ الطرطشة بتسوي أكتر من كدي .. دحين أنا مستني بوست رجاء ، النسخة التانية من بوستها الحالي .. عشان أتجدع وأقول اللي ما حصلش .. بس حرشيها لينا عشان تستعجل فتح البوست ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2004, 09:27 AM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Ahlalawad)

    طيبين الحبان
    الطيب
    نزار اهل العوض ود اهلى؟
    الجندريهوعثمان
    ويات من تاوق بى رقراق حوشنا
    سمعتو ود الرضى قال شنو؟؟ اظنه دى قالها قبل ما يختم القران؟ عمنو مولانا عليه رحمة الله زولا وصافا بالحيل؟
    يا جريعة العسل الشارقه لى رشافك
    نهبتى قلوبنا بالعنجه وبروق كشافك
    ربنا سمحك كيتا على من شافك
    حرقتينا يا شافعه التحرق شافك؟؟؟؟؟؟
    ان شاء الله بركة النبىيغلبوك اردافك
    كيه عليكى الدوف المردوم يهدل اكتافك
    والشعر امشى زايد ويدوخك عسافك
    ويجبروكى وتطنطنى من بويخة شافك؟؟
    وسلام وشوق يا اهل العوض
    انور ود بتول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2004, 09:39 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Ahlalawad)

    تماضر والموصلي...شكرن جزيلن لوجودكم بيننا هني....
    ويا الجندريه شكرن كذلك علي قلقلة البوست...وحاضر جدا يا دفعة والعنوان وصل وهن في طريقهن اليك...

    يا اهل العوض وانور والطيب وشنتير هاكن دي كدي زي متعارضة لامن ندخل تاني...في نجرنا يا الطيب...انا اليوم صبحان منشاري مكسور...والحطب انقلب ورق رهاااااااف ...دحين بس افضا شوية وبنجر عقب

    يا انور




    بالغين غالية لي جلّاسه حافظه كيوفه
    لكن فارمه جوفا بي هواري سيوفـــه
    ست حد الجمال ام طبعتن مألوفـــه
    ما برضالها عينا ماها مومنه تشوفه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 06:57 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الفنان الغالي أنور أبوغيداء و حبيبنا أهل العوض و بتنا الجندرية و الفنان {أندر كفر} نزار حسين ... دحين دي كانت قطعة عامة زي ما بقولوا أهلنا لمن الكهربا تروح؟ و لا البورد دة كان خسوف جزئي؟
    أها النديكم من كلام الجامعة باقي أم بشير نايمة

    خـايفة الجـاهلة من حـر الشميس اللاحـت
    و جرت توبـا من لفـح السموم الـفـاحـت
    ضاروها الخدود و الشامة في التوب راحت
    إن خـلوها لـي شـوف متـلي كانت سـاحـت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 10:44 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    يا الطيب...


    Quote: إن خـلوها لـي شـوف متـلي كانت سـاحـت


    زي دي جدي الله يرحمو كان طوالي قال فيها


    الخرابـــــــل....الله يصرفك....صرافا....آ.....ها...الولد

    ما بلقي ليه عبارات اندهاش...غير...اسلوب المدح بما يشبه الذم






    الحاميني اخلــص في نميمي واجيــــده
    عدم الشوفه للخال والدهب في جيده
    العربانه نازلين قوز حمار وصعيـــده
    عسي في الدنيا يا الطيب ظروفنا تصيده


    اما فنان( اندر كفر) دي...كتيرة....ما سمعت بي...زول الحيره...

    يا انور واصل...في كلامك السمح دا...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 11:16 AM

Shinteer
<aShinteer
تاريخ التسجيل: 09-04-2002
مجموع المشاركات: 2083

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    سلام برا فرز
    داركُن سمحة والله وما بتنفات. أها كل ما تكابسنا السمايم .. بنجي ناخد لنا غفوة في ضلكُن الرهين ده.
    وعُـــقبــــان السـمايـم عـكّرن صافينا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 11:32 AM

JAD
<aJAD
تاريخ التسجيل: 02-05-2002
مجموع المشاركات: 4768

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الإخوان" نزار :: الطيب :: الجندرية :: انور :: شنتير :: تماضر

    وأخوي أهل العوض هل العوض:: أمانا ماك غناي والله ..

    الغنا آ نزار آخوي موهو لينا لكن هبش إضنينا ونحن مارين بالجوار ..

    وبيني وبينك حسيت إني في سهل البطانة والدنيا مخرفة والتبر جار ومنور .. والنسيم يلعب بي رويسات النال .. غنمي رتع وإبلي ماليات وادي أب سعنة..

    التحية لكم جميعاً .. وأبشروا بالخير ،،،


    جاد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 01:35 PM

Shinteer
<aShinteer
تاريخ التسجيل: 09-04-2002
مجموع المشاركات: 2083

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: JAD)


    Quote: وبيني وبينك حسيت إني في سهل البطانة والدنيا مخرفة والتبر جار ومنور .. والنسيم يلعب بي رويسات النال .. غنمي رتع وإبلي ماليات وادي أب سعنة..

    بتلعب على منو يا جاد؟ قال الغنا مو لينا!!!.
    زول بيعرف أب سعنة وإيد أبو فِقْرة واللِكك .. ويقول الغنا مو لينا؟؟ أمانة ما اتلوّمت لوماً يهد فنيس وسرجين ضحا. أها الـ نعل ما بقيت أنصار سنة؟ اصلكن اتو المشيتوا القشورية دي (دي حقة سجيمان) طلشتوا تطلشة ما حصلت. كدى خلينا في كلامنا السمح .. مع أب سعنة وإيد أبو فِقرة واللكك وعليو النعام .. وأب قنافِد وأب جراد والمارينبا وام خرز .. وهووووووووووووب والباهوقي والقيقي وعفا مخيريق .. وسروج محمود لااااااا عند قبوب ود زايد.
    بسم الله الرحمن الرحيم. أنا خربت البوست ده مرة واحدة. ها ناس مع السلامة ها.

    إيد أبو فِقْرة غـتّاها الرشاش بالهيف
    واستسرى .. وقبض ضحويهو .. مابي يقيف
    يسوق البرْق .. يكب الصافي من غير زيف
    حمانا النار .. منع شاهي الضيوف .. والكيف

    متحسف على خراب عمار كلامكُن. أها ودعتكُن الله. لكن والله اللكيب ده عجبني خلاااااس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 03:29 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الأعزاء نزار, جاد, شنتير و الضيوف

    نرفع بوست الغنا بمزيد من الغنا, هذه المرة ليست كلامي لكنه صديق طابتي يقيد أشعاره ضد مجهول و يبقى هو فاعل خير! هذه كتبها لطالبة قبطية إستلفت منه ساعة معصمه ذات السوار الأسود و رآها تحيط بها {يدها الغليدة}...فقال باكيآ بمربع دوبيت:

    في إيدا الحرير سـت ريدتي لبسـت سـاعتي
    ده هـو الخيت النزل فيهو و بطلبو جماعتي
    بياض إيدا و ســواد السير بقن سـمسـاعتي
    قدمـت...أخرتـ.... سكرانة صـبحــت ساعتي

    (عدل بواسطة الطيب بشير on 05-17-2004, 03:58 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 04:10 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    الحبان بلا فرز
    عمنكم طيبه
    والله وقفة البور اليومين الفاتو خلتنى زى مقطوع خربف فى رى ابو عشر؟؟
    منتظر باظات الرجعه؟؟؟ ويا الطيب فسر؟؟
    تلاته ايام تمام تايهين بدون اثبات
    والقارى الفروض داك بطل الوجبات
    طمبرولو وبكى عند مسكة الحجبات
    والشايل صلاة الجمعه قسل وبات


    وهاك ياود حسين دى؟؟
    بحاكى النوق عليك يا ام ريد
    حنين والقمرى فى التغريد
    بكاى عليك يا الحريد
    لو حسار لو غرام بس ريد؟؟



    ويا الطيب هاك؟؟
    اسمك فى الكتب بين حرفين
    فى اول برا واخر حروف يس
    وال عمران وسط والبقره بين جزءين
    با ام اسما غميس فيه العلماء مختلفين؟؟

    وبجيكن صاد اكان الله مد فى الاجال
    انور ود بتول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 04:52 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: anwar abu gaidaa)

    جاد اطوهط دام انك دخلت حوش الغنا...ها زول ات زول بطانه...وشنتير دا مقدده ...لا سراية الحفيان...

    اهلا حباب شنتير...وود بشير....قلت الساعة...راحت في الدوف اللبيض...

    اها هاك يا ودبتول



    عقب الخامسه بي نايم الحواويش غاير
    شايل راسو كل ما ليه يطمح فاير
    عشية الليلة عند سيد الجبين الناير
    النوم فوق مراتب والمخده سراير

    اها حالو دا بعد الحج...قبال الحج يكون قال شنو يا ربي؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 05:35 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: anwar abu gaidaa)

    العزيز أنور الفنان كلو كلو
    أما حكاية بص أب عشر فمسكين من فارق الزلط فيها خريفآ و ينوي إرتكاب الزلقيبة بتاعة الكنار العااااالي داك و التذكرة بتكون مضاعفة مع لزة و دفرة و زعل سواقين.
    Quote: ويا الطيب هاك؟؟
    اسمك فى الكتب بين حرفين
    فى اول برا واخر حروف يس
    وال عمران وسط والبقره بين جزءين
    با ام اسما غميس فيه العلماء مختلفين؟؟

    الباء و النون
    إسمها بان البنية دي؟
    حيرت أفكاري معاك إنت
    أول سورة براءة هي كلمة براءة فحرف البت الأولاني {باء} أما آخر حروف يس فممكن يكون آخر حروف السورة و هو {النون} أو آخر حروف العنوان يس و هو {سين} أما آل عمران وسط و البقرة بين جزئين فقد حيرتني
    عيلا بجيك تاني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 05:57 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    اها كلام الغلوتيات ده ختيناهو يا الطيب؟
    عقلى خفاهو نومى قساهو
    شفتو كان غافل مبنى فى رساهو
    شافنى واتطبق ديسهو دساهو؟؟
    تمشى اللطيفه محلحله؟
    زى السحابه الراحله
    فيها السماحه منحله
    رقه وادب عفه وحلاه؟




    وجاى تانى
    انور ود بتول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2004, 07:33 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: anwar abu gaidaa)

    أنور يا حبوب أحييك و أنت تشترك معي في إسم الوالدة و أشترك معك أنا في حب الجمال و نتقاسم معآ الإنتماء لدائرة الجزيرة التي لم تطالب بنصف الثروة طيلة عمر العطاء.
    أهديكم جميعآ مقاطع كتبتها يوم ولادة بشير إبني حيث انصرف الناس لتهنئتي بأنه أمريكي بالميلاد متناسين فرحة كونه ولدي الأول و قد ولد بولاية ويسكونسن الباردة في الخامس من فبراير1999.
    ــــ
    زغردن البنات يوم الطبيب ناداني
    جاب خبر الوليد سر البعيد و الداني
    قسمة حظي للبلد البعيد واداني
    أمريكي الورق..لكن بشير سوداني
    ــــ
    أكوام الجليد فرحت بو لمن دابت
    الزهرا و ثريا لي علاهو اتشابت
    مرحبتين حبابو..خضاب رؤوسنا الشابت
    أمريكي الورق لكن بشير من طابت
    ـــــ
    مرحب بالولد توب سترتي و لباسي
    مرحبتين حباب وارث الكرم و الباس
    تفخر بيك قبايلآ جدهاالعباسي
    أمريكي الورق لكن ولدنا دباسي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 07:39 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    Quote: تفخر بيك قبايلآ جدهاالعباسي




    يا ابو بشير ...عباس منو؟

    عم النبي...

    نفخربو كلنا يا صبي...

    بس علّ باقي المسعله...

    صراع هوية وتلتله...

    بيجوك ناطين من بعيد
    اثبت كيف جدو النبي..

    فالسودنه لا تحتمل
    شغل النمل...والهودنه

    هودنه يا هودنه
    ما شبعت يا جنا

    من الحروب والبشتنه

    جدل العروبه..الافرقة...والافروعـــــــــــــــاء

    ان قلت زنجي...افريقي...سوداني الوعا

    او قلت عربي لصّيق واتدعاء

    وجدي عيسي ...موسي...او الاتنين معا


    هسي دا كلام دواس ومصارعة

    يتربي في عزك بشير يا ود بشير
    ومن هسع ترا جدو النبي الطاهر النذير
    وان شاء الله يبقالك ضرا من الهجير

    ــــــــــــــــــــــــــــــــــــــــــــــــــــــــــــــــ


    والما عاجبو يهودااااااااااااك الزير يغشاه يقرطع ليه كوزين تلاته ويتراوح...لامن يفتشو الحفريات...والدي ان ايهات...ويفرزوا الدنيا دي كلها منو بيبقي لي منو؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 08:37 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    سلام يا اهلنا

    الشي تمرقوها في ارض الجد ( قبوب ود زايد ) وما تكلمونا
    لكن متيمنة كان حبيان الا اصلكم

    نزار والطيب
    النبي عليكم كان تطيروا لينا كيف الغنا والنم الطاعم دا بكلام الهوية
    والله بصراحة كدا الموضوع دا بقى ممل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 09:13 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الجندرية)

    تركناه...يا الجندرية ...تب



    اها


    بعد رقنا وعقلنا ونمنا واستهدينا
    عقب البلده فكّت زيف صقوته علينا
    الليله البتشفي سقمنا وينها ووينه
    جدية صي ومهرة نيم ولبخ وجنينه



    البلده دي اقروها بضم الباء وهي منزله من منازل الشتاء...ديل ناس الشوله والاكليل والزبانا ونفس الغفر...طوالع كتاااار

    والليله دي افهموها لي اليوم وعقب دي بي العو

    (عدل بواسطة nazar hussien on 05-18-2004, 09:15 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 12:07 PM

انا بنت النيل

تاريخ التسجيل: 08-06-2003
مجموع المشاركات: 717

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    تحياتي دافئة لأخي نزار ولأبو بشير

    فقط أطربني ذكر قريتي الصغيرة "العالياب" اهلي الطيبين الحنينين وما جاورها من القري والسندات .ذكريات جميلة انتفضت الآن ..
    لكم ودي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 02:34 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: انا بنت النيل)

    Quote: فقط أطربني ذكر قريتي الصغيرة "العالياب"


    يا انا بنت النيل...يعني والله شكرا جزيلا...وبركة العالياب الجابتك لينا بي هنا...طيب ...انتي ما من ناس الجابودي زااااتم...ما تجبدي لينا بيت بيتين قبال لا تصدي...والله طاشة بالبلاد زينا بي جاي ونسيتيه

    عموما كتر خيرك كتير يا بت اهلي علي الدخله دي باقي لي قبال دحين ما اتشاوفنا في بوست....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 03:28 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الحبايب نزار/ الجندرية و أنا بنت النيل
    حبابكم في بوست السقيد/نزار الذي أصبح لي مزار

    *دحين يا نزار يا اخوي متذكر الشامة بتاعة امبارح القربت أسوحها ليك بالشوف؟ تراني راجع لها تاني

    السـمحـة ام خـدودآ ضـيعن رشـامـة
    سابل مقنعا و حاشـاها مـي كشـامـة
    سمرة شـفـة خلقـة و مو ضـرب وشامة
    كم مليون شهيد بين الفلج و الشامة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 04:02 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)



    بلحيـــــل بتطرّاها يا ود بشير...مالك رديتنا علي الكلام السمح بعد ما الروح كرست ....

    راسيــــة اديبة عندك فوق ندايدك فوت

    ضربك للعشوق شلّـــــيخ سيوف مــو صوط

    شامتا تنبسط حــــد الخديـــد ملفوت
    لامحا بنهبل ويجري التّقـــــول مسخوت



    في تصرف يا ود بشير...من عمك عبد الله ود حمد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2004, 04:56 PM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الطيب ونزار والعقد الكريم
    اها بعد ليلة من ركوب القطارات
    وريحة الخواجات الزى النحاس؟؟ عمنو الصيف تباشيره جات
    واوروبا كشفت عن ساقيها؟؟
    بجيكم
    انا طبعا يوم بكرولى بى البنيه خنقتنى العبره
    وبكيت قدام خلق الله فى الاستباليه ؟
    مو لى حاجه يا الجندريه ؟ لانى كنت براى
    وقلت ليها
    حبابك يا بت قساى
    حبابك اهلى وضناى
    حبابك اسيلكو شاى
    عزومة اهلك بجاى بجاى


    واطلقت صوتى واستعرت كلمات نزار قبانى يا بيروت
    فصارت يا غيداء يا ست الدنيا يا غيداء


    ويا نزار يا اخوى على قول الجندريه هيل عثمان تراث؟؟
    مالك منزلنا من الزلط ومودينا بالدقداق؟؟ وهويه وبعد شويه
    نيفاشا؟؟ والجنجويد؟؟
    جعلى ودنقلاوى وشايقى ايه فايدانى
    غير جعلت خلاف خلت اخوى عادانى
    ويكفى النيل ابونا والجنس سودانى
    وتحياتى
    انور ود بتول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2004, 00:45 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الحبايب أنور ود أمنا و نزار حسين
    و كل الناس
    طيبين .... عاااافية؟
    أها عندي دوبيت كدي فوق شعرآ مدسدس و مغتا في خمارو و قلت التكني داير أشوفو .. عيلا الكلام دة بجيب لنا الهوا

    نفرت من حـدانا الجاهـلة شـبه الريم
    و شغلتنا التقول ما خلقو غيرا حـريم
    عـليك الله و خـمارك و آيـة التحـريـم
    شـعـرك خـلي حـر فـد مـرة و الله كريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2004, 07:43 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    الرائعين...الطيب...انور...الجندرية...شنتير...واهل العوض...

    نعلكم طيبين....ويا....

    انور ود بتول...نان انت قايل كان معاي زول....لامن جات البكرية المبروكه....براي ...الله ...ورقبتي....ما كلمت زول واحد...وهي تجربه قررنا نخوضا انا وزوجتي...كتامي كدي...وامانه قبالها ما كانت بتجينا كترة وصايا...سووا كدي وسووا كدي ودققو داك وكسرو داك واشتروا داك وصايا انترناشونال كول...واشتروا ملايات مطرزة...وتمر وفول وحلاوة...وحلبه...ومحلبية...وبخور...وصحون...وما تمشوا المستشفي الفلاني...ونحن بس ماسكين النوته الجنب التلفون ونكتب...نكتب...لامن بقت قدر مذكرات ونجت باشا...عليك امانه الله ولا حاجه ما سويناها من الوصايا دي...بس بيني وبينك...دموع الفرح لازمه...في متل هكذا مواقف...ربنا يحفظ ليك غيداء وامها ويحفظ ويحفظ الباقين...


    اما عن التخريمة لي الدقداق...اسعل منها الطيب ...انا مساعد ساكت
    حدي...ان وحل البوست....ادق الصاجه وبس...وان انجبرت اسوي الحله...

    وهمسه سغيرونه يا انور...ياخي...انت...مالك وقفت من الغنا...والله ماني عارف السعال دا في محلو والله مو في محلو...؟؟؟؟؟!!!!!مرات الزول بيقوم يسعل لامن تجي بعدها صنننننننن...دليل عدم الاجابة...انا شخصيا...اضاني دي من زمااااااااان ورقتك من بين اصوات عقد الجلاد...زي قطف اللوزة الليلة القطن.....صوت ما لاقاني قبال دحين وما اظنو يلاقي اضاني دي تاني...



    يا الطيب...

    دا شعرا مدسدس وبس...الدوبيت زاتو مدسدس...


    امممممممممم.....


    مرناعــــا مقايس مي طويله نصبتو
    غارني وبايته في ريشة كبدتي حربتو

    الخلاني شكر الغير تركتو وسبتــــو
    فرقها..

    ود بشير ودّر غنــــــــاي وطربتو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2004, 04:04 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الأخ الحبيب نزار حسين
    و الجميع
    هل تذكر أن الجندرية ذات غضبة نصف مضرية قررت تغيير {وش} البورد؟
    أها أنا إتذكرت الكلام دة

    شغل الساسة لخـبت لي غنانا و بـوّر
    البورد انتكس و ال{وش} بشوفو مزوّر
    إنت الفنجري.. الشغّل شريطـو و دوّر
    الفنان عـلي..قـدّم غـنـانا و طـوّر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-20-2004, 08:37 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    ود بشير حبابك




    شغــل الســـاسة طاير من مجالس امنو
    كان هو خشيش سعين الناس ويشربو سمنو

    غني مع السقيد روحـــك وقلبك يطمنو
    ترضي الجندريـــة وود بتـول وتثمنو



    يا ود بتول وتثمنو دي وتقدرو مو من التتمين بتاعتنا بس القافية حكمت كده

    (عدل بواسطة nazar hussien on 05-20-2004, 10:07 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-20-2004, 09:08 AM

anwar abu gaidaa

تاريخ التسجيل: 04-30-2002
مجموع المشاركات: 1307

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    هلا هلا عليك اا ود حسين
    فدوما نحن سودانيه سود
    عاليين الهمم
    بنسند الضعيف وما بناكل الرمم ومين زينا؟
    والله نضمك سمح بالحيل
    وان شاء الله نبقى قدر ذوقك
    دحين اعفى لى ماشى السوق اجيب لى غرودات للعيال
    وبجيك صاد
    ود بتول
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-20-2004, 09:26 AM

HAMZA SULIMAN
<aHAMZA SULIMAN
تاريخ التسجيل: 04-20-2002
مجموع المشاركات: 3278

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: anwar abu gaidaa)

    يا نزار يا حلو البوست رائع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-20-2004, 10:06 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: HAMZA SULIMAN)



    حمزه سليمان وانور...ها ناس...والله ناس سمحين سماحه لامن ما بقدر اوصّفها ....امانه ما نعلاتنا اتقطعن...ونحن نتاتي من الديم لا نادي الضباط...لنسمع...امونه شن بتشوفي...ونهدن في الكباري لنري ملصقا

    لعقد الجلاد...ايام ...نعمه قاعد صاحي تحلم لي بيوت بي نور ودش...وبي محبه تشق دروبها وفي قلوب تخش....

    وايام الغربه كان تعقري....كنا نشحن ارواحنا زادا من دنميت عشق ونمشي كداري...مع آمنات كثيرات....نغني...بعض ما حفظناه من لحظة نشوة....ياااااااااااااااااااااااااااااااااااااااااااااااه


    ويا انور وحمزه....وقسما عظما....كنت اشهق حد الخوف من النشوه لمّا اسمعكم بتقولوا


    انت في اللالوبه..................................ناس نجومي ومحبس النفس الرهيف...........................رفة الطير والهفيف..................عينة الجالابات خريف....خلوني بس ادلع الجلبت دي...والله هسع اقول لي بت احمد حمزه وانور وود بشير والجندرية وشنتير في حوشي دي علا تزغرد...والله حبابكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-20-2004, 03:29 PM

haneena
<ahaneena
تاريخ التسجيل: 05-27-2003
مجموع المشاركات: 2002

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    يا سلاااام يا نزار
    السلام يا روح البدن وعلي السقيد
    ما قلت ليك....الشريط ما بتفوت

    والله انا زاتي بشكر الطيب بشير ونيابة عن السمعوا الشريط والاغنية دي
    وتحيات للفنان الشفاف علي السقيد

    بس الغنية ما مسموعة..سيرفر بكري ما شغال ولازم ترفعها في مكان تاني

    لكم جميعآ كل الود..
    وان جات متاخرة فلك العتبي يا نزار
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2004, 04:08 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: haneena)

    الأخت العزيزة حنينة
    تحياتي و تقديري
    شفت بالله السقيد دة متلف كيف؟
    الشريط دة مفروض السفارات تنسخو و توزعو للتعريف بأن السودان بلد سمح و تديهو للمغتربين لمن يجو يدفعوا الضريبة...يفتحو بيهو البيبان و الطاقة...أما البت الحامت في الشريان فمفروض تكون مقرر حفظ.
    سقيد.....ديني أنا ياااا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2004, 04:33 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    نزار ...الطيب بشير...الجندرية..وعموم اولاد عمى سلام

    طبعا ده خيتنا وسمعت وروير الصوت والكتاحة قايمة قت اجى عليكم

    المهم عندى حكايتين وحيدة ذكرتنى الجندرية بى قبوب ود زايد

    وكما هو معلوم ود زايد كان كريما اروش زى ما بقولوا اهلنا

    ولانه كريم كان لايشرب الماء من نهر عطبرة لان نهر عطبرة لا يجود كل

    العام بل كان يشرب من بير راشد وكان يقول ما دام هو بخلان بى مويتو

    انا حرم ما اشرب منو......وعنده قدح الى الان موجود فى القبوب

    شوف عينى ما قول قايل بنزلوا الجماعة جواهو عشان يغسلوه.

    القصة التانية ...فى قصيدة السلام يا روح البدن انا سالت الطيب

    محمد الرضى ابن الشاعر قلت ليه..ود الرضى فى حته بقول فيها:

    النسيم سارقنى وركن****** لى تسرب نيد العكن

    انعشانى وهاج من سكن**** والعيون لا اشعر بكن


    العكن ده شنو قال لى يا صديق العكن ده الفرتان حق الدلكه والذى

    يتساقط من اثر التدليك...قادر الله.....

    تخيلوا عمنا ود الرضى قال النسيم جاء مسارقة ولم يركن الا اليه

    وهو يحمل ذلك العطر الجميل..يا ناس ديل ناس كلامن برا..

    الله يرحمهم بقدر ما قدموا للسودان..وانتو الله يخليكم تولعوا لينا

    فى النيران بالاخص العربى الاسموا نزار ده..سلمتم،،،،
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2004, 09:30 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: صديق الموج)

    نيد العكن دة إسم ختير أما وصفك له ب{الفرتان} حق الدلكة فأخطر
    إنت زول مطلوب القبض عليك هسسسسسسي...بي طريقتك دي بتسهر ليك زول و بتبكي ميتين
    Quote: انعشانى وهاج من سكن**** والعيون لا اشعر بكن

    صديق الموج و السقيد و نزار و الجندرية و أنور و الجميع
    شكرآ لجمال هذا البوست
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2004, 07:07 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    نزار
    ديل زغرودتين
    الاولى لكلامك الفوق داك
    والتانية دي ومعاها شبال لصديق الموج

    اريدك إت آ يابا البتعرف لي
    ود زايد وقبوبه ، وكرمه وحِرته ، وقدحه البغطس البقرة
    بالله خلق الله مرضتنا مرض
    كل ما نقول ضباينة يقولوا ليك شنو؟
    الشنينة يا يمه
    للما سمع بود زايد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2004, 07:54 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الجندرية)

    الجندرية

    كتر خيرك على الزغرودة والشبال....لكن انا بستغرب لو زول سودانى قال

    ما سمع بود زايد فى القبوب...بالغتو...ود زايد يضرب به المثل

    فى الكرم شأنه شأن حاتم الطائى..وعنده اكبر قدح فى السودان

    ويقال ان قدح ود زايد سنتين ما برد...يقومو ديل يتموه عصيده

    وملاح حار للبعدهم...الله يدينا وقت عشان نكتب عن هذا الرجل العظيم

    فهذا واحد من اهرامات السودان....سلمتوا،،،
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-21-2004, 02:54 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الحبايب صديق الموج و الجندرية
    حباب ود زايد و النعيم ود حمد و كل السمحين
    و الغنا فوقهم كتير لكن من أغنيات الراحل خلف الله حمد النعيم يا فحل القبايل يعجبني جدآ قول الشاعر:
    خدامتو القعّدة....هي بتدرش قالت قضا
    أي أن الكرم أصبح سمة للجميع في ذاك البيت و لا أحد يقبل بخروج الضيف بلا إكرام بعلّة أن الطحين لم يتم {درشه} أو طبخه بعد!!
    و يا صديق يا اخوي الليلة جبت لي خبر الطيب ود الرضي الحبيب صاحب
    {عيونك زي......عيونك لي} و قد إلتقيناه في منتدى مركز شباب أمدرمان يااااحليل أيامو.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-22-2004, 07:32 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    في بوستنا صديق الموج زااااااتو....حبابك آ....عشاي...والله انت البتعرف الفرتان دا...اتلقي راسك دا فيه جنس حكاوي...فرتان الدلكه البنقدنو السواسيو الصغار...ويلقنو ما لي التنقيد مش....


    يا الجندريه ابشري...علي الزغروده...شبالي ضامنو...بس يصلك الشريط
    علي بالايمان انا وقفت عربيتي في نص الظلط وشغلت....

    افتحن البيبان والطاقة...وقابلت اخوي وعرضنا...وقلنا آخرتا هي مخالفة مرور....احسن يخالفونا مرور ما نخالف نيتنا...


    والله صدقت يا ود بشير بشأن السقيد...

    شكرا حنينه...فعلا عندي مشكله في انزال الغنا...كنت ناوي اقلب ليكم البوست دا...تون تون تش تون تون توش....واجيبلكم الناس البنهرو الغنا...والسلام يا روح البدن بي نهير زمان....لي ناس ود شنتير وصديق الموج.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-22-2004, 04:08 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    الحبايب كيفنكم
    الإخوة المهندساتية ناس خالد الحاج و كل من ينزل الأغاني السمحة
    إيه رايكم تشوفوا لينا
    فرحانة بيك كل النجوم
    لا نام بريقا و لا انطفا
    راااااااااااائعة علي السقيد
    تخيل كان نادي النجوم بيقلد وشاح كله نجوم للعريس أسامة عبد العزيز {أخو البوردابي عمر إبراهيم}...كان السقيد بيغني ليو فرحانة بيك كل النجوم...و كانت و لا تزال و ستظل كل مجرات السماء فرحانة بي علي السقيد ذااااتو.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-23-2004, 07:00 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    يا الطيب بشير...صباح الخير بي توقيتنا

    والله البوست فتحتو لي الطرب...بس صادفتني مشكله في تحميل الاغاني...هي فرحانه بيك كل النجوم براها...امانه ...ما في طرب

    بس المشكله دي يسوو فيها شنو....


    The page cannot be displayed
    The page you are looking for is currently unavailable. The Web site might be experiencing technical difficulties, or you may need to adjust your browser settings.

    --------------------------------------------------------------------------------

    Cannot find server or DNS Error
    Internet Explorer
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-23-2004, 09:57 AM

Ahlalawad

تاريخ التسجيل: 02-05-2002
مجموع المشاركات: 2815

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    نزار
    نطرّق اضانا لسماع فرحانة بيك كل النجوم .. لا نام بريقا ولا انطفا
    تحية لصاحب هذه الدار
    وتحية لروادها .. المترعين بالابداع
    وفي جاه الملوك ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-26-2004, 03:04 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: Ahlalawad)

    نزار و أهل العوض و الحبايب
    اليوم إتصلت بالفنان المدهش السقيد و كررت له دعوة الموصلي بالإنضمام للبورد و إمكانية تسويق الشريط الأخير بالإعلان في الإنترنت بالإتفاق مع صاحب هذا الموقع و غيره من المواقع....هو بيسلم عليكم و نتمنى أن يجد فرصة للدخول عضوآ هنا أو في أي منتدى آخر نستطيع أن نجده فيه.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-26-2004, 06:52 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: الطيب بشير)

    حبيبنا ود بشير

    التزمت مع نفسي اولا ان يصل هذا الابداع لكل عاشق نغم هنا...وانتظر ان يحين الوقت المناسب للاتصال بالسقيد...بعد حشد مجموعة طيبة من العشاق...فالتوقيت عندنا امتحانات مدارس...وانزعاج الحبان...فيما تبقي لهم من وقت للمذاكرة والتحصيل...كلها اسبوع وسأعمل جاهدا...لتصل هذه الروعه لعشاقها...بعد التنسيق مع السقيد ان شاء الله...

    غني غني ما تخلي الغنا يا الطيب....





    يا الشرّاد سمح تامراب عقبت قويزن
    ناطح العندها كيوفنا وحظوظنا وميزن
    اللسعات غرامه غلبنا نكتم غيظن
    سمحه وفاهمه...نذره..عفيفه ماها قريزن




    والقريزن دي هي الما عندها شخصية وحمقاء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-26-2004, 08:44 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سلام يا روح البدن_للطيب بشير (Re: nazar hussien)

    العزيز نزار
    أيامنا هنا بدت الحلاوة...التلج راح و الربيع في عز بهائه و كل شيء يوحي بالتفاؤل و طول البعاد زاد الألم ......و الشوق كتر جسمي انهدم.......ياناس حليل الما ظلم...أو كما قال الشاعر و غنى الفنان أحمد الطيب {طابت}.

    الشرّاد بعاين في الخدار و جمالو
    والنهر الهدر ممتدة بيضا رمالو
    والوجه الحسن بيعاني من إهمالو
    ما ببقالي زي البعتو بي راسمالو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de