الليلة عريسنا جانا..يا ناس سيبو العفانة

مرحبا Guest
اخر زيارك لك: 03-29-2024, 01:31 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-03-2004, 06:30 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الليلة عريسنا جانا..يا ناس سيبو العفانة

    من اقاصي الدنيا
    العريس البديل

    محمد محمد خير




    نعيد نشر هذا (العمود) الذي سبق ان تم نشره بالزميلة الغراء الأضواء استجابة لرجاءات العديد من القراء بالمهجر الذين سمعوا عنه ولم يطلعوا عليه .
    سمعنا بالوطن البديل وعشناه .... خرجت بقناعة مفادها لا بديل للوطن إلا الوطن ولكن هل سمعتم بالعريس البديل ، انه لا تنطبق عليه تلك القناعة ان لا بديل له إلا العريس الاصيل.
    هذه قصة حقيقية ليست منتزعة من مسلسل او مركبة على قصة اخرى او مشحوذة من الخيال ، قصة واقعية حدثت بالكلاكلة القبة حيث اعتدت زيارة والدتي واخواتي كل اسبوع.
    كان الجيران محتشدين بأحد المنازل استعداداً لعُرس مزمع دُعى له الجميع لتناول الغداء واجراء مراسيم العُرس وكانت كل اسرتي هناك ولكن العريس تأخر عن المجئ ولم تكن تلك هى المرة الاولى. فأهل العروس لهم تجربة سابقة قبل أشهر فقد وجهوا الدعوة لكل الجيران ولكن العريس لم يحضر واعتذر لاحقاً ويبدو انه ينوي ان يكرر ذلك للمرة الثانية.
    حين تأخر موعده وشارفت الشمس على المغيب وتوترت ام العروس. اتصل به احد الجيران فكان رد المحادثة انه لا يوجد مثل هذا الاسم. وكرر الجار المحادثة مرة ثانية فكان نفس الرد.

    ابلغ الجار ام العروس بتلك التطورات فكادت ان تنهار امام صفوف (الحلل) لكن إحدى المدعوات من الجيران قررت حل الاشكال وفضه بطريقة جراحية جداً، فعادت لمنزلها وتحدثت لاخيها واستنهضت همته لمنع الاسرة الكريمة من الانهيار فاستجاب الاخ على الفور وتقدم لوالد العروسة فوافق وجئ بالمأذون على الفور وحرص المأذون على سماع موافقة العروس بنفسه فكانت موافقتها فورية وقوية فتم عقد القران على الفور ولم يكلف العريس نفسه شيئاً غير الذهاب لسوق اللفة لحلق رأسه ليكون على مستوى مرافقة الملائكة.

    وهكذا اصبحت كل الأشياء في طاعته في أقل من لمح البصر، العروس وذويها والصيوان والعشاء والمدعوين وحل محل العريس السابق بعد حذفه.

    وفي خلال ساعة جاءت فنانة الحفل وعلا صوت المايكرفون (واحد واحد واحد) واصطف الحضور وتدافعت ارتال من البشر واستهلت الفنانة النغم الجميل بأٌغنية سمعتها لاول مرة:

    الليلة عريسنا جانا

    يا ناس سيبو العفانة

    طربت للأغنية طرباً لم اطربه لعبد العزيز داؤود ولا للمرحوم (بوب مارلى) إذ انني لم اسمع بهذه الأغنية من قبل من حواء بنزين او عشة ام رشيرش او فاطمة جمكو أو من حنان باكمبا كانت أغنية على مستوى الحدث الطازج وكان امامي شاب يتراقص جزلاً وطرباً وأثناء تأديته لتلك الرقصة ادخل يده في جلبابه واخرج قطعة لحم من جيبه اكل منها أثناء الرقص ثم اعاد ما تبقى منها لجيبه مرة ثانية وواصل على نغم الفنانة الحداثية!!

    كنت طوال ساعات الحفل اسأل نفسي كيف اغادر مثل هذا البلد وهل في كل العالم عفوية مثل هذي التي تتحول لعرس ولعيرس بديل؟

    اهنئ هذا العريس الهُمام واسأل الله له بيتاً من مال وفير وذرية بقدر المال. واحيي البساطة في بلد ينبذ التعقيد واسأل الله رشداً للحكومة وللمعارضة وللحركة للتواصل لحل يحافظ على عفويتنا وخاطرنا الطيب وبساطة هذا الشعب المهول.


    منقول من الصحافه
    رسلو لي زول قال هسا هو مجهز حق الحلاق ولابد
    قلت ليهو لا والله يمين كمان حق الحلاق علي








                  

05-03-2004, 06:48 PM

Osman Hamad
<aOsman Hamad
تاريخ التسجيل: 11-19-2003
مجموع المشاركات: 476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)


    أنا غايتو من يوم الليلة ما اشوف لى صوان عرس وإلا امشى واتعصر جمبو...واشيل لى يافطة اكتب عليها نائب فاعل واقعد تحت المأذون...لغايت ما اشوف نهاية العقد بعينى.....حتن اقوم اتنفظ امشى واخمخم يافطتى معاى.
                  

05-05-2004, 06:05 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    إنتي ما تشوفي ليك بوست ربط بدل البوست البتزلَّق دا هسع أنا لقيتو واقع قلت ارفعو ليك

    (عدل بواسطة بدرالدين شنا on 05-05-2004, 06:06 AM)

                  

05-05-2004, 09:14 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    عثمان حمد مربع فكرتك اساسيه عديل كده ويا حليل العرس ابو ميه جنيه بشيلوها اتنين

    بدر الدين بدون شناه
    اشكرك يا رائع يا اللقيت البوست ضائع
    اساسا فكره البوست شماريه تماما وانزلاقيه من شخص وللاخر ولقعر البورد او الحله نسبه لوجود شمارات اقوي وربط علي قولك




    وما تفتكر بوستي دا ما شاحن والله معاي عدد اتنين ركاب اساسيين في البورد
    لكن معليش ما راجعين والله
                  

05-06-2004, 08:38 AM

bint algazeira
<abint algazeira
تاريخ التسجيل: 06-29-2002
مجموع المشاركات: 571

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    توما والله عنوان البوست ضحكني قبل مااقراهو
    لكن تعرفي ياتوما والله قصه حقيقيه حصلت في حلتنا قبل كده
    نفس الحكايه العريس جاء لكن قامت شكله رااااااابه بين اهل
    العريس واهل العروس فما كان من جد العروس الا انه طرد العريس
    و بيني وبينك اظنو كان محرووق منه عشان مامن حلتنا اها وجاب ليك
    ود عمها في صمت خشمو وعقدوا ليهم والذ شئ الحفله شغاله والفنان
    كان جايبوالعريس المكشوش
    ههههههههههه قلتي لي الركاب ماراجعين اها انا نازله اخر محطه ممكن؟
    تسلمي حبيبه
                  

05-07-2004, 04:58 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    بت الجزيره بركه الجيتي عسل انتي وبسكويتي بالشايقي
    انا والله من زمان دايره اكلمك بمقطع غنيه كتبتيها انتي في بوست حق حفله ناس بدر الدين ده اعجبت بيها واتخذتها شعارا لي الا وهي يا ماما ما تحومي الشهيره بس قلت النكلمك للامانه الادبيه وكده ولمعزه الغنيه التي تعبر عن انوالبت براها سوف تجيب الزول لكن
    شفتي جنس الازوال البزوغو ديل ..وعندك واحد لوووووووووووووول طويلللللله مظبطه علي العريس المكشوش وفنانو ..بت الجزيره دي اخر محطه انزلي لينا بالله ..وما تدفعي لانك ظريفه بالشايقي برضو اليله اظني عندي جن شوايقي بالشايقي برضو
                  

05-08-2004, 04:55 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    مثل هذا اللقاء لايحدث ألا وتذداد دقات القلب...أتوقف..أنزل...تأكدي سأحمل كل حقائبى.. ولن أكترث للباقى.
    أنا لا أعبه كثيرا بهذا العريس الصدفة ولايعجبني سلوك أمه الأنبعاجي القوقائى. ولكن ما يهمني ويزعجني حقا ما ال اليه مصير العريس الغائب أو الهارب..أين هو؟ هل شاهده أحد في مكان ما؟ هل قمتم بالأتصال بكل المستشفيات ومخابر الشرطة والسجون, بما فيها سجن أبوقريب.
    شئ ما حدث لذاك العريس الهارب..أنقذوووووووووووووه.
    أما العريس الأنتهازي الصدفه فهو خير مثال لنظرية القسمة و النصيب.
                  

05-08-2004, 11:44 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    يااااااا عبدو المنقه المتلجه
    اكتر حاجه بتهمني بعد ده في البوست ده انك جيت وحاحتفل بيك هنا دي في بوستي ده وفي اي حته القاك فيها في البورد ده
    بالجد بالجد بالجد فرحانه بيك شديد

    ياخ ما قلنا ما راجعين ياخ
                  

05-09-2004, 00:34 AM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    العزيزة توما...
    ترحابكم أثلج صدورنا..
    .................
    .......
    من قال أن للهجرة موسم واحد وأتجاه واحد؟
    ....
    أنتهى عهد الانكسار والهزيمة, أما الخطيئة قد احترقت بنار لم تتقد الأ فى خبالاتنا المضطربة...
    الامـــــــــل..التفقه في العشق..الطريق الي الطريق المغلق...لن أنسى المفاتيح...سأمارس لعبة الجنون أمام حبيبتي النائية القريبة..ساتعلم ان أصفق بيد واحدة كما ركضت من غير ساقيين..تنمو الفكرة عكس التيار..فتصبح ماتصبح أو لاتصبح ما لا تصبح. أسافر الي الوطن ثم أعود.. لا أعلم لماذا عدت...أمارس السادية وأحتقار الذات..استغفر الله..الاسئلة تبدو عارية متبرجة..تخشي غضب الاجــابة...أنبذ كل شئ وأسأل حبيبتي أن تشتعل ثم تتركني أقبلها كي أنسى ولا أنساها...
                  

05-09-2004, 01:14 AM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    يا عبد الماجد فرح ..اسمك براهو ينقط فرح
    وفرحانه بيك كل الحروف والكي بورد ات دي علي وزن البي بي سي

    طبعابالجد كنا ما راجعين لكن بعد عشان خاطرنا ترجع دي شكلو نحول مجري البص والبوست ونمشي ال....راسنا عديل

    اما فيما يخص الحب للحب الذي فيما يخص الحب ..الحب الفكره..المحنه..الحنين..عتره وساندين بعض ..تلاقيها وقت المسلسل..تدفع ليها في البص..حاجه بارده في ابوجنزير..تعزمها فلم هندي في القاعه ..تقدمها المواصلات..تعزمك ندوه في الجامعه في امدرمان وانت ساكن الصحافه وبرضو تجي ..تعزمها عرس في اخر شارعهم حق ود خالتك وما تجي ..لكن بكاء حبوبه كلتوم تجي في شان تشوفها وتملا عينك حب يصارع حزنك..
    حب ..حنين....وحنه...محنه.وشوق
    ازيدك ولا خلاص وصلت السوق??
    نازل??
                  

05-09-2004, 01:56 AM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    البــــــــــــــــــــص....لا أدخله ألا وفي يدي جريدة السياسةالسودانية...أستمع لحكاوي الامدرمــــانيـــــــــن لكن لابهش ولابنش..اصلو انا عندي تحفظات علي أمدرمــان ذاتا لما يقولو هي الســودان...أصلو انا جيت من الدامـــــــر شايلي مخلاية وشنطة حديدأمي الله يطراها بالخير خاتا لي فيها قزازة سمن وحتراب خبيز وصرة تراب من سيدي الشيخ المجذوب, البقره العاقر باعوها اصلو لبنا قل وخير القريشات دي اقرابا في الجامعة اليلات الخرطوم..أمدرمان دي تب ما سمعت بيها الا في كتب التاريخ..اقولك الصح ماني ساعل فيها..أنا المك نمر ذاتو ماهو مالي عينى..عمدتنا فى البلد رسل معلي جوييويب لي النميرى قالو ياجنا ها انت ماك نصيح تقتل الشفيع ود أحمد ود الشيخ..قالو ان بقيت راجل تعال لي بي جاي النشوف البركز منو.. رحت القصر الفي قيفة البحر شلتوني العساكر الغبيانين أولاد اللذين وقلو أدبم تب وقالو لي قول لي عمدة بلدكم النميري قالك طز فيكم.. من يوما حلفتا ما أقعد في الخرطوم دي تب وجيت أمدرمان..البنيات سمحات لكن ماهن زي ناس فاطنة بت الخدر ولافيهم شعر أمونة بت..وكان لي شعراكم ديل ..ود المهدي المجذوب الصوفي دا ولا بنجيب سيرتو كفاكم حبوبة خديجة القطعا حي دي..بجيكم تاني بعد ما اصعد لي وأضاير راسي بي كباية شاي.
                  

05-09-2004, 02:26 AM

طيفور
<aطيفور
تاريخ التسجيل: 08-17-2002
مجموع المشاركات: 1666

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: عبدالماجد فرح يوسف)

    *
                  

05-09-2004, 02:47 AM

مريم الطيب
<aمريم الطيب
تاريخ التسجيل: 12-18-2003
مجموع المشاركات: 1356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: طيفور)

    ياتوما اجلت قراءة البوست طويلا لاني ضامنة وموعودة بي ضحكة كبيرة
    لكن صدقي البوست (حننني)اتخيلت منظر ام العروس وابوها والخوف من الناس يقولوا علينا شنو!!!والاغرب انو القصص دي بقت مكررة!!!
    لكن الفنانة حربية عديل كدة...اعادت الابتسامة وانقذت الموقف ......
                  

05-09-2004, 03:50 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: طيفور)

    هكـــــــــــذا ياأخي العم طيفور...
    تظلــون نوارسا تضئ لنا الطريق كلما ضللناه... تأتـــون من كل الاقاصي..لاتحملون شيئا الا الحب..
    ....................................
    كم أعشق الرقـــم 13 ولا أدري لماذا يتشاءم منه الاخرون..هنالك.. في عمق هذا الرقم قضيت أروع أيام طفولتي.... ثم رحلت فغبت ... تغيرت الارقام والامـــاكن وبقي الأنسـان هو الأنسان أما الأحســـاس فذاد عمقا وأذدان بتفرد اللقــــاء.. والدمــأء أمتزجت من جديــد..فما أروع ذلك الزمان وأعجاز تسامي قدسية المكان...
    سنظل قادرين على التواصل الي حين موعد الألتحــام...
    الكلمات كثيرة بعضها توارى حياءا وتأدب بأحســـاس اللقاء الصايبيـري وباقيها اختلط باللحم والدم...ٍســـــاعود بأذن الله ...
                  

05-10-2004, 07:48 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    طيفور
    تصدق عبد الماجد ده قال انت عمو ..المهم هو رادي عليك علي هذا الاساس وانا قلت النكلمك في شان صله الرحم او العشم
                  

05-10-2004, 07:48 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    يا مريوم قالو شده ما متذكراني لامن ضربتي نمرتي القديمه وخليتي لي مسيج اها العريس ده يكون مشا قطع شك بيتهم القديم لكن برضو مشتاقين
                  

05-10-2004, 07:50 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    ياااا ود عمي فرح المفرحني بالتواصل الجميل الممتد والمهاجر شمالا الي حين ..وبعد الكتاحه قد تغير الريح اتجاهها لكن غيرتو ولا ابت كيتن لاي
    بياخه في الدنيا ململمه خلقاتي ومستعده تماما للهجره جنوبا

    تعرف ..
    غني عبد الحليم قال وانا بقول ليك الكلام واخليك تسرح مع الصوت والموسيقي واللكنه المصريه المختزنه في الذاكره من اي مسلسل مصري
    قال
    عدي النهار والمغربيه جايه تتخفي وراء ضهر الشجر/// وعشان نتوه في السكه شاااالت من ليالينا القمر //// وبلدنا ع الترعه بتغسل شعرها// جانا نهار ما قدرش يدفع مهرها/// يا هل تري الليل الحزين ابو النجوم الدبلانين ..يقدر ينسينا الصباح ..ابو شمس بترش الحنين................
    ابدا//
    ابدا بلدنا ليل نهار ..بتحب موال النهار .. لما يعدي في الدروب ويرش قدام كل دار

    ومن اجل صباح نحنا قااااااعدين
                  

05-10-2004, 09:08 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)


    "حقيقة أني أحبك"
    ...كانت أول عبارة يرددهــــا هامسا في أذن محبوبته
    كلما أغتصــبهم فجر جديد
    ,..تفعل فيها هذه الكلمات فعل السحر
    تشعرها بالرغبة في الأحتواْء
    وتتفتق كزهرة عذراء ........
    من عمق الفكرة المقتحمــة وعطر الليلة,
    تتعتق وتتالق رائحة التشبث بالبقاء
    فقدت التواصل بالمكان.. ووجوده
    أدمنته فى الفكرة..
    مدََََّّّّ يداه نحوها..أستشقها بحضنه..
    ثم همس في أذنها المنهزمة..
    هذه هي بداية ونهاية النشوة..
    وألتقاؤنا فى عمق الفكرة
                  

05-10-2004, 10:18 PM

bint algazeira
<abint algazeira
تاريخ التسجيل: 06-29-2002
مجموع المشاركات: 571

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: عبدالماجد فرح يوسف)

    سلام ياناس البص
    انتي يا توما يااختي الزول الاسموعبدالماجد دا راكب من ياتو محطه؟
    انا افتكر يكون راكب من محطة البي بي سي
    الراجل دا ياتوما يااختي كتابتو درر بمداد من ذهب
    غايتو انا ياني راكبه معاكم لامن تصلوا اخر محطه
    والعريس داك كان دايرين تفتشو برضو بمشي معاكم
    المهم استمع لهذا الكلام الجميل
    ارجو ان يستمر هذا الحوار الجميل بينكما ونحن من جاه الملوك
    نلوك
    وبعدين بالله كلمي الفنانه دي تغيير الاغنيه
    من ياناس سيبوا العفانه لي ياناس تعالوا معانا

    تسلموا
                  

05-11-2004, 08:30 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: bint algazeira)

    سلام يا توما .. طبعا بقرا ليك كتير ..لكن القلم ليه رافع .. وقلمى ما كان محظوظ بى زيارتك.. لكن المره دى الله سهلا .. ولله الحمد
    والله يا توما مش مت بالضحك بس .. فرجت الجيران على قول بت الجزيره من العنوان .. شر البلية ما يبكى ويضحك .. مبالغه لكن .. قصة مؤثره جدا والاظرف الفنانه التحفه ..
    اما يا بت الجزيره ذكرتينى بالخاله الحنينه الله يطراها بالخير .. صديقة العمر .. طبعا قصصها وحكاويها كلها من النوع ده .. لما كنا فى صلاله تلقى الامه ملفوفه حولينها وهى تسرد فى حجاويها بى كل عفويه وطيبة خاطر .. والخشوم مفتوحه وكل لحظه والاخرى تسمعى القرقرابه .. من قصصها قصة قريبه جدا لقصة جيران ناس توما ديل.. واكيد بتكونى عرفتيها يا بت الجزيره لانه فى حلتكم برضو .. لووول العريس طافش زمن من البلد .. زول مطول شديد فى الغرب.. وما صدقوا اهله لموا فيه وقامن ليك خالاته وعماته كايتنو ليك وخطبوا ليه وحددو يوم العرس ..ده كلو فى كباية شاى مغربيه .. قبل ما يدوه نفس.. وطوالى اقرب خميس قالوا ليه عرسك على بت عمك فلانه .. بكون ليه منها ومن عمه زاتو زى خرطومية سنه.. المهم الجنا يوم العرس الناس ضابحه وطالعه ومارقه ووسط الحلل جاهم مشنق العمه .. اها وين يا العشا .. قال ليهم ماشى سنار لووووووووووووووووووووول فى شنو ؟ قال عنده قروش عند واحد صاحبه كان معاه فى الغرب لازم يجيبا .. تخيلوا من الجزيره لى سنار .. ويوم عرسو وقال بجى فى نفس اليوم..المهم قدر ما شالوك وختوك يا يا عريس الهنا حلفت ما ترجع فى قرارك .. النسوان الحنينات البسيطات على قول توما .. صبرن امو .. وقالوا ليه خلاص اتوكل وتعال سريع لكن ..وختر العريس .. وهنا حبيباتنا ديل مسكتن ام هلا .. هلا ..امرقن ويدخلن خالتو وصاحبات امو .. لما جاء وقت الغداء والضيوف والحلال القريبه كسرت .. خلاص امه بقت ما بتشوف .. والبسال من العريس كلو يقولوا ليه العريس فى البيت القدام .. وكل ما يمشوا لى قدام يقولو ليهم فى بيت ناس فلان القدام الحله.. معاه ضيوف .. يقدموا فيه كده قربوا يوصلوه الجنيد ههههههههه.. العارفين الواقعه كلهم متنشنين كده لغايه ما العالم دى كلها اتكفت وسافرت رجعت اهلها . العريس ما ظهر .. امه حالتها صعبه وخلاص قفلوها فى بيت براها .. الساعه 5 مساء كده مع المغارب .. ظهر حبيبنا من بعيد ملان غبار .. جرن ليك عليه الراجياتنو يزغرتن .. اداهن ليك فد نهره .. اها مالكن ؟؟ براى راسى واجعنى .. جنكن نبيح من يوم ما جيت . كرهتننا العرس زاتو .. لووووووول خلوه يقول اى شىء .. وادوه اكل .. وبسرعه دايرين اليوم يتم .. يوصلوه بيت عمه ويخلصوا من الورطه دى .. الظريف يا بت الجزيره اعمامو الاتنين ساكنين فى نفس الشارع واحد يمين الشارع والتانى شمال الشارع..اها بعد كده بتكونى عرفتى اصحاب القصه الحقيقيين يا بتنا بت الجزيره .. لووول المهم جات المغربيه وجرتقوك يا عريسنا وجرتق كلو ضحك .لو لاقيتك بت الجزيره بحكى ليك التفاصيل الادق لوووول .. المهم لما السيره اتحركت .. قاموا يغنوا عريسنا سار .. يا عشايا لى بت اعمو..طبعا سيرة بالكرعين .. عشان البيت قريب ..وصاحبنا زهجاااااااااااااااان .. كترن الكواريك فى راسو .. وقف قدام ناس السيره وكورك فيهم .. هىىىى ها هوىىىىى يا نسوان ما تجننى ساى.. سار .. سار .. لى بت اعمو سار لى بت اعمو .. هسى فهمونا ندخل ياتو بيت .. عمى فلان ده ..ولا ده ؟ نسير وين يعنى ؟ لووووووووووووووووووووووووووووول معليش طولت عليكم .. المهم فى النهايه وصل بى السلامه ..
                  

05-11-2004, 09:17 AM

abuguta
<aabuguta
تاريخ التسجيل: 04-20-2003
مجموع المشاركات: 8276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: soma)


    توما وسوما
    تحياتى
    وين انتن يانسوان
    والله ليكن وحشة

    والله الاغنية تحفة
    بس بسالك ياسوما دحين العريس جاب قروشة
    قلتى لى كمان مو مفرق عمو منو
    والبت تلقاها فراحنة لان عرسها مغترب فى دول الغرب
    احكى ليك دى على السريع قبل الدوام يبدا....
    كان فى عريس سائر على القرية القريبة وراكب على حصانه
    وكل الناس ماشة وتبشر والنسوان يزغردن وفى هذه الاثناء
    مروا على واحد فى بلاده ينظف فى الزرع والشمس ضارباه فى صنقوره
    ومن الصباح على عكارة...طبعا العيال فى المدرسة دايرين المصاريف
    والعيشة بلحيل صعبة رافع راسه ووجد العريس يضحك ويبشر قام قال ليه
    عاد بتنزل من حصانك دا ولا بتكون فوق....
    شكرا ليك
    وقولى للبت توما دى اظهرى
    زمن ما شايفك لا فى بوست شكل
    ولا بوست ترحيب حتى رجى انكسرت
    ما جاتنى
    ولك ودى
                  

05-11-2004, 09:31 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: abuguta)

    لوووووووووووووووووووووووووووووووووول يا حليلك يا ابو قوته .. والله اتخيلت عمنا مصنقع وعرقو سايل .. مجلط وشو مع التراب بقى طين .. والله ينعلك يا دنيا . نفس السيلان ده وفى نفس الجبهه بس كان بى كالونيا وحبة فرير على قول حبوبه ومعاه بت السودان وحبة ضريره .. تقول لى يصنقر فى حصانو ده لمتين .. ما لازم ينزل ويطلع غيره .. لكن جد ضحكتنى .. وانا زيك عندى مشوار .. ودعتك الله ابو قوته الحنين ..
    توما الليله ما شفتها ولا بت الجزيره .. كل زول فى همو زى عمنا داك .. الله يديهم العافيه
                  

05-11-2004, 09:38 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    توما لينا طولة
    انت عارفة ياتوما..بتجنني غنية آقجي..
    والجرسة الصريحة في ..برجاك يا اب شـرا..
    ومتابع..لكن غايظاني القصقصة الشابكننا بيها الليام دي..يعني يقطعوا ليك السايقة العظمة جنس قطيع..وقوة عين عجيبة خلاص..
    المهم ..حاسب ليك من يوم اعلانك لحضور ام بقـو..لغاية لملمة الخلقان..
    ولو طلعت عارفة الدرنقل واركبي هاكي سخلك..يكون الضحك شرطني..
    اما حكاية العرس..خلي بالك الضايق عضة الدبيب بخاف من مجر الحبل..
    ودمت
    كبر
                  

05-11-2004, 09:54 AM

bint algazeira
<abint algazeira
تاريخ التسجيل: 06-29-2002
مجموع المشاركات: 571

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: Kabar)

    سوماااا الله يديك العافيه

    ضحكت كما لم اضحك من قبل
    عارفه ذكرتيني خالتي اللذيذه كما وصفتيها
    لقد كانت لديها ملكه غريبه في سرد القصص
    تجيد اخراج الروايه بطريقه تنسيك ربما انك حضرتيها
    معها لانها تضفي عليها نكهتها الخاصه
    يديك العافيه بت اهلي الحنان ويحفظ علاقتكما الطيبه
    وياربي اكون محظوظه والاقيك انا كمان

    توما دي مشت وييين ياناس؟تكون بتفتش في العريس الما جاء دا
                  

05-11-2004, 10:49 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: bint algazeira)

    لووووووول بت الجزيره وتسلمى يا غاليه .. نوع خالتك الحنينه ديك نوع ناااادر جدا وصنف مستحيل يتكرر فى زمننا الاغبر هذا .. حتى فى اهلنا نادره الله يطراها بالخير ويفرحها قدر فرحها لينا .. ويشيل من خيرو ويردم فيها .. طيبة خاطر وقلب وبشوشه.. وربنا يطول فى عمرها .قادر يا كريم تحياتى ليها عبرك ..
    قلتى لى توما ما لاقينها ؟؟ انا خايفاها تكون مشت فى سيرة ناس ابو قوته وعريسهم ابو حصان داك .. كدى ناغمى ليها بى فوق الحيطه شوفيها وين
    لكن كل الود ..
                  

05-11-2004, 07:33 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    صحت الصباااح اتمغت في حضنو و قالت ليهو..
    حضنك وطن.
    بين الايدين وقريبه جدا للقلب جواك سكن.
    يا مغترب في حضن تاني..
    واقف علي بحر الحلم والمعديه الاماني..
    يا متكل فيك او علي..
    يا مهتدي وضالات مراسيلك الي..
    يا يكتبك قلم المحنه ..
    او..
    برجي يوم شوقا شديييييد يقراك لي..
    لسه المحنه مدفقه واحساسي ني..
    رشت مطره الحب مشاعري وفرهدت زهراتو لي..
    امنتك الاحساس دوام خليهو حي.
    والحب جواي شفع كتاااااار ساكين بنيه صغيره نادوها الاهل قالولا م...

    (عدل بواسطة توما on 05-11-2004, 07:40 PM)

                  

05-11-2004, 07:47 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    لا ده بقا بص سيره عديل كده
    نزلو لينا النسوان ديل جنهن قطيعه وونسه
    وممنوع اكل التسالي او سف الصعود الكلام ده واضح والما عاجبو ما ينزل لكن يسطح فوق في هبوب الله دي
    ويتصرف مع ناس حمايه البيئه

    نرجع لموضوعنا

    اول حاجه عدد واحد لوول علي بت الجزيره تصدقي مش نزلتك وقلنا ماراجعين اها في تكيتي ديك يجيني ليك ود عمي فرح ده يفرحني ليك جنس فرح
    يدق لي الشباك يصحيني يقول لي ابوي بسلم عليك وقال ليك ارح
    وهو الود الطاعم وحلو كالاناناس وكمان وناس وبقول الحق
    يقرا الفراس لا بشق الصف علي قول الناس لا شق لا طق
    دي من تبتبات محجوب شريف واقرب وصف لود الفرح عمي
    وبس تصدقي

    لكن يا بت الجزيره جد متكيفه منك والبنيه سوما بركه الجيتي عديل
    لوووووووووووووووووووول مصلحه عديل كده علي القصه انا ضحكت لمن خلعتهم
    سوما لكن اسمحي لي حكايه جنس حكي مبالغه عدديييييل اسا ده الحاله ما سمعنا خالتكن الحكايه دي ..بت الجزيره و سوما عليكم الله اعزموني حلتكم لما ارجع السودان ..و انا غايتو راخيه اضاني للونسه وفرحانه بيكم شدييد
                  

05-11-2004, 07:51 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    اب قوته بالجد طولنا ما اتلاقينا
    يا الله دي الكنينه
    ولا الشغل هادينا

    لكن عدد لوووووووووووول مربع وصلحو علي عمك الزهجان والعريس والله ضحكتني جنس ضحك زكرتني زول صاحبنا ولدو ليهو بت قريب ده اها الشافعه نجاضه وتساهر بيهم الليل قام يشكي قلت ليهو تعرسو ساي تحسبو لعب مش
    لكن جد سلامتك كسره رجلك يطرشني بيها يا يمه
                  

05-11-2004, 07:57 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    يا كبر يا صديق سلاماااات ياخي
    جد لينا طوله وبركه الاتلاقينا
    تعرف غنا البنات ذاتو اتطور ما بقو يقولو برجاك ذاتو اسال بت الجزيره دي مواكبه في غنيه شده ما عاجباني لمن كنت موقعه بيها
    قالت يا ماما ما تحومي ..قطعتي دكتور شول..براااااي بجيب الزول

    وغنيه عبده المفضله اكيد عبده الموزه المقشره وعبده المنقه المتلجه

    والجينز شده وانا بحب شباب ام بده

    افتكر يا كبر من هذه النماذج نخلص الي انو الطرح النسائي بقا واضح شديد لوووووووووول
    لكن يطرشني ب الدرنقل واركبي هاكي سخلك ..لكن بحبه مساعدات فنيه بعرفهم والله كان قربتو لي
                  

05-11-2004, 11:05 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)


    الخرابـــــــــــــــــــــة...الكترابــــــــــة..
    ده بص دا ولابيت سماية, النســون ديل لفحن تيبانن واتلملمن من وين....كمان ياجنا النسون ديل ماهن ساهلات تب, ظنيتن قاريات في المدارس, وعلا عملات خالتي التاية شكلن بنات "حيث كان وماذا".
    بت عمي توما بت الاصـــول..جاييها ركاب الخيول..راجلا يهز اللرض كان مشا التقول تركتر المشروع, تركتر شنو دا كراكه عديل كدي, قالو مره زمان كان مسافر في الخلا, لمت فوقو جوعة كافرة, فتش ليهو لي صيدة مالقى تب , تعرفوا عمل شنو؟ قبض ليهو أســد أكلوا وجاب ضلوفوا الحلة عملوها كوارع...شفتوا تومــا حظها كيف؟ عريس السرور.
    يا بت الجزيرة وقريبتك بت الجنيدالبص بقا حلو تب بي وجـــودكم وأنا علي الطلاق ما نازل ... وياكمســــاري ياشين تعال هنا, أمسك القروش ديل وخلص البص كلو.. أنا اخـــــــــــــــوك يا ست البنــوت.
                  

05-12-2004, 06:56 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: عبدالماجد فرح يوسف)

    توما الحبيبه ادينى طرف توبك ده الننتكل عليه باقى حديدة البص دى حاره.. بت الجزيره تعالى جاى تلافحى فى ستات الفول ..انتى يوم غايتو بتجيك جضماره .. سمسميه بت الفلاته دى ودوم وفولكمان ؟؟؟ ..يا كافى البلا وحالتك كمان حكيمه ...
    يا عبد الماجد ود حاج فرح .. وحات الله عشان خلاسك لينا ده يا العشا الا احكى ليكم حكوة تانيه .. بس خلونى النمشى واجيكم صاده .. اول ما البص ده يشخر يقول قايم بجيكم ..
    اها ودعتكم الله
    لكن يا توما لووولاتك صحى مصلحه .. كدى صلحى لى واحده للحكوة الجايه .. وطرف التوب التانى .. كردميه لى بت الجزيره دى عشان نسد بيه خشمها .. فاضحانا بى قرقرابتها قدام الناس ..يا بت اضحكى ودمعى ساى واستغفرى الله ..لووووووول
                  

05-12-2004, 11:34 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    يا بت ياجنة
    ضو القمر العسجد
    أدا ملامحو لي خديك
    وفيكي سكنتا
    وأتعلمتا كيف استنا
    عينيكي محنا
    واقرا كتاب القصة الجايه
    في شفتيك
    وفيها أملنا
    والرعشة الفي ايديك
    لماتلامس دغش الريد
    تناجي أهلنا
    ......
    وفي جواك معاني ماشفتيها
    ولاعرفتيها
    حسيتيهالما سكنتك

                  

05-13-2004, 03:36 AM

sinco


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الليلة عريسنا جانا ..ياناس سيبوا العفانة (Re: توما)

    حبيبات القسا توما وسوما


    كنت قايلاكن شاعرات الا لقيتكن اديبات درجة اولى


    ياتوما ضحكت كتير لامن اتشرقت دة بس من قراية عنوان البوست وعروسكم بت حلال وعريسها ود قبايل بالحيل ولكن غناية اهل العروس كانت افن زول


    وذكرتنى المقاطع الكتبتيها من بعض اغانى البنات مقاطع لذيذة منها


    المغترب لو كان كلب يابا ماتقول ليهو لا


    بالضرا ياب شرا ان شا الله راجل مرة


    والمثلين الفاتو دلالة على تنازلات بقت تقدمها الفتوات لمن يحسن انهن قررررررررربن يبقن بايرات

    ويخافن القطر يفوتن اها اظنهن بيقولن ضل راجل ولاضل حيطة....أريتها مصيبة السواد






    ياسوما مشتاقين,, وماتقولى لى عريسكم وحكايته رمونى من الكرسى القاعدة فيهو وباسأل ربنا يلمنى فى خالتك الحجاية دى ..أنا والله باحب نضم الخالات والحبوبات


    ويالحنينات كدى ازحفن لى غادى خلنى النقعد معاكن فى البص دة باقى الوقفة الشماعة دى مابدورها خصوصا لما يكون واقف حنبى زول مامستحمى.


    مستنين باقى الحكاية ياسوما

    وياتوما

    يديك العافية

    ولى قدام
                  

05-13-2004, 04:12 PM

bint algazeira
<abint algazeira
تاريخ التسجيل: 06-29-2002
مجموع المشاركات: 571

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا ..ياناس سيبوا العفانة (Re: sinco)

    اول شئ ازيكم يانس البص
    تاني شئ ابوقوته سلامتك والله وناس البص كرامتك
    ماسمعت والله يطرشني لكن والله عمك المزراع بطنو طمت من العرس
    هههههههههههههه.

    البص بقي خطييييير وملان ركاب لكن بس الكمساري دا شكلو
    كده بتاع زوقات كل مره يهرب ويوقف البص لما روح الركاب
    تنسل
    اها يالركاب مادام اصلنا قاعدين وحارسين الكمساري المتكي داالنحكي ليكم قصة البت الجابوها مجنونه بسبب حب النت
    اريتها يايمه بت السروور ماتستاهل الا لكن نقول شنو قسمتها
    البنيه جابوها للدكتور تقابض في الهواء ياكافي البلاء
    اها الدكتور سال امها ياحاجه بتك دي مشكلتها شنو..اها قالت ليهو
    البنيه شدييده ولضيضه وفي امن وامان اخوها سافر اغترب في بلاد الغرب دي اها رسل لينا الداهي الاسمو الكمبيوتر دا اها من يوم
    جابوك يالكمبيوتر البنيه صاقرتو ليك ليل مع نهار لا بتقوم تاكل
    لا تشرب ولا تمشي جاي ولا جاي اها بقيت مرات اشوفها تخت ليها نصيبه
    فوق اضنينها وخشمها وتقعد تنضم ...كلمت ابوها قلت ليهو ياراجل البت دي الداهي دا بيجننها قال لي اسكتي بس انتي مابتعرفي
    التكنلوجيا اها سكت...شويه شويه بقت كمان تملس شعيراتها وتقعد
    تتبسم وتعاين لي وشيها فيهو وشوف عيني شفت لي صوره وليد فيهو
    قلت ليها دا منو يابت قالت لي دا نونو11 ...يابت نونو 11 دا جني
    ولا انس قالت لي دا زول...قلت ليها انت بتسوي في رويسك دا يمين و
    شمال كده مالك قالت لي عشان يشوف صورتي اها مشيت لابوها وحدستو
    وقلتلو وحات نظري البت دي مابراها اخير توديها الحكيم قال لي
    ياوليه اسكتي دا جيل العولمه...العولمه دي منو هي يادكتور؟؟؟
    اها اول امبارح البنيه جات صنقرت قدام المصيبه الكمبوتر دا
    وفتحتوا شويه كده واسمع ليك البنيه تصرخ وتكورك الكذاب الغشاش الخاين يابتي قولي بسم الله دا منو هو دا الغشاش دا قالت لي دا نونو11 ...لي هسع دي انا ماعارفه نونو11 دا شنو علا البت من حيسه
    وهي تكورك نونو11 غشاني...
    اها عاد ابقن عشره يالحبان اخير لينا بصنا دا من العولمه البتجنن دي
    اها ياتوما حقوا ترجعي لي ود عمك القروش حقات البص عشان ونسناك
    ويلا ياسوما قريبتي احكي لينا القصه
                  

05-13-2004, 04:29 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    سوما جيبي الحكاوي تعالي لانو الحساسيه محرقه ليك روحي شديد وكما سبق وقلت تبشي كملااااان
                  

05-13-2004, 04:30 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    سنكو طبعا حبابك سبعمائه وخمسين ووالله ما تدفعي كمان
    طيب يا سنكو وقت جيتي جيبي معاك غنيه لطيفه كده وانا ما حاحدد لكن كان جبتي لينا حقو لي ولدا غيرك انت انا ما بهز فوقي النسيبه البجري
    شنو كده ما عارف ليك وبرضو ما حاحدد بصوت منو لكن..خلاص لا بالغت
    غايتو انتي وزوقك لكن اوعي تحسبيهو طلبي..طلبي داك برااااهو ...
                  

05-13-2004, 04:35 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    وسكن الريد
    والسكه اتقفلت
    نموت او نحياك

    وقال الريد

    -يا زول ما بستناك
    افوتك ولا تزيد

    -ما عندي القدره ازيد
    يا ود الحقني
    الريد متسرب من بدني
    يا ود اسندني
    الحلم اتشتت من وسني
    يا ود..

    -يا بت استني
    الفيني بكفي
    هاك من حبي اتلفي
    هاك من شوقي حسيهو بتدفي

    -لكن يا ود
    لسع جواي اللهفه سؤال ممتد
    بتزيد ولا..

    وقال الكمساري
    - نشتت ??
                  

05-13-2004, 04:50 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بت الجزيره (Re: توما)

    بت الجزيره اسمحي لي المره دي عولمتها ضعيفه ..ودي طبعا نجره جديده نجروها ناس السودان للزول الما ناقش يقولو ليك الزول ده عولمتو ضعيفه ..مضحكاني ليك النجره..عليك الله ما بلقي لي عندك تبشه
    ان شاء الله في ويب سايت
                  

05-13-2004, 04:50 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بت الجزيره (Re: توما)

    يا سنكو والله غيرتا رائي انا دايره تواه انا كل الدروب جربتها لانها
    جايه كده مع البص

    (عدل بواسطة توما on 05-17-2004, 04:34 PM)

                  

05-14-2004, 01:32 AM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    السبيـــــــــــــــــل حــادي نــازل؟ صاح الكمســاري.
    يارب ما تنزل همهمت داعيا.
    أصلو أنا راكب البص دا في شــانا, كان نزلت البرنامج بـــــــــاظ.
    وقف البص في محطة السبيل, غمضتا عويناتي, في زول نزل ..البص قام...
    فتحت..مالقيتا..
    بلهفة عاينت بي الشباك..
    لم أجدها..يمين..يسار..فوق..تحت..مافي ليها أثر..
    بسم الله
    بكرة كررت نفس المشهد..
    لم أغمض عينيا
    لم تنزل في السبيل..
    لكنني كنت قد نزلت عشان أباريها..
    بت CIA?
                  

05-17-2004, 05:36 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: عبدالماجد فرح يوسف)

    بت CIA
    والICA ود الجيران
    نزلت في محطه بيتنا
    مشوار من شارع الزلط لبيتنا
    لا حوله انا الخلاني اتاخر ده كلو شنو كلو من نهي دي
    اسا الخلاني انتظر معاها احمد شنو ..ياخي يحبو ولا يهجو زاتو انا اسا
    البوصلني بيتنا شنو.. اسا الفسحه الكبيييرررره المضلمه دي يفهموها كيف فجاه جاني صوت نهي دي ما بفهموها دي بحسوها يا كيشه.. بحسوها كيف يعني??ده سؤالي المؤكد الدائم ليها.. بحسسوها كده وتحضن صوره احمد وتديهو بوسه لطيفه وتتنهد اااح بحسوها كده ..واتوه انا في كده.. وبحسوها كيف ذاتو الكده دي..اسا الفسحه دي بكلابها وضلمتها دي يحسوها كيف
    ووب علي ده شنو..واااااي وجري شديد وتراب وهوهوهوهوهو وكلب ساكيني
    وحاضنه شنطتي وطرحتي وانفاسي علي و ووااااي وفقدت فرده من شبشبي الجديد في لحظه مر في خاطري قروشو الاستنيت ابوي ثلاته شهور يديني ليها
    وحوامتي في السوق مع رضا اختي كمان تلاته ساعات عشان نلقي حاجه تساوي قروشنا وفرحه اول يوم لبستو والود العاين ليهو اول ما ركبت البص اليوم داك و...
    جر ..جر ..وفلقتين جله منهم الكلب وصوت ارتطام حجرين بالارض فشلو في اصابتو لكن نجحو في اخافتو وابعادو
    انتي كويسه?? الدنيا ضلام والفسحه ما مفهومه وده منو ما بعرفو لكن عرفت شبشبي في يدو دنقر ختاهو قدام كراعي اليمين ..لبستو..انتي تمام
    ? اومأت براسي وبكل غباء العالم زي ما لسه بتذكر وهو لسه بغالطني وبقول براءه العالم
    قلت ليهو;-
    كي

    وجريت
    خليتو واقف ..تااني جاني صوت نهي اها عرفتي بحسوها كيف
    عرفت عرفت خليني خليني
                  

05-18-2004, 11:48 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    لاتغيبـــــــــــــــــي
    واستريحي بين زراعيا عندما يطول الســفر
    وأستديري حول اشواقي كيفما دار القمـــر
    ----------------------------------------

    ياتوما لكن خيالك واسع شديد ما شاء الله.

    البـــــــــــــــص ده ما بطيـر زي الطيارة
                  

05-25-2004, 00:28 AM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)



    جمال الحــــــــــزن فيكي... علمني أقدر أعاند
    وأهضـــــم الفـــكرة التباعـــــــد
    وأرســـم اللوحة التواعـــــــد
    دمعة الحزن فيـــــــكي
    رويانه بي ورع المعــابد
    والشـــوق البيحرق عمق القصــائد
    في الأمنيات المنــــاقد
    ............
    ودمعة الحزن ذاتا .. تصــبر تكـــابد
    تحلف تقرب المســـافات الخوالد
    تعـــــكف تصيـــــغ نحو القواعـــد
    وتبقى لي حسنــــك شواهــــد
    ......................

    غيــــبتي في العقــل التصـــادم
    وأرتحــتي في التـــعب البقاوم
    ضـــيم المســـــــافة وســــخف المعالم
    الخافيـــــــة ريدنا في جــــوا المظالـــــــم
    ..........................
    لاخيـــالي بقدر يوِفي يوصف جمـــــــــــــالك
    لا الحقيقة قادرة تستوعـــب مثـالك
    لا المشـــــــأوير الطويله .. في لهفة مشــــاعرك
    ولا هيبة التقاليد المزالق
    تمنعني أسمو في مقامك.. في مكانك...أو خيالك
                  

05-25-2004, 01:09 PM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)

    Quote: وياكمســــاري ياشين تعال هنا
    يا زول هوي أنا ما كمساري ولا حاجة
                  

05-25-2004, 08:37 PM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يا مشاوير (Re: توما)

    يا مشاوير
    ضيعيني
    وودريني ودردريني
    واصلي ليك انا ماني هين
    ماني هين ماني هين
    كل نهايه تكون بدايه
    كل وجعه تفرهد الاحساس جوايا
                  

05-26-2004, 11:27 AM

aboalkonfod
<aaboalkonfod
تاريخ التسجيل: 05-04-2003
مجموع المشاركات: 534

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)


    أختنا .. توما ..
    جبيت صدفة ممروح بي حيلتكون
    شفت اللمة .. قلت النخش .. كحلت ليك "عريس الغفلة"
    وفنانة .. تجعر وتنبح .. حرم "إيدي مورفي" يقصر في
    فيلمه الشهير ... سريت في دخيلتي .. لمن جهرني بريق
    سِنينات العروسة .. قت دة حُب مولع ليهو 18 سنة .. الشقية
    كان محكراهو في الحشا .. إذبهليت إزبهلالاً .. بائن بينونة
    كبرى .. في عيوني .. لمن نقشت .. العريس دابو بقا عريس
    اللحظة .. إنجوي (وتعني بالعربي الآن الآين) .. أريتو يا يابا
    حال السواد والرماد ..
    المصيبية يا "توما" أكان عربية العروس ما طلعت استاندرد،
    العادم ما فولة حاجات، البهية ماها بهية شركة .. الشمبر
    جايبلو بخرة .. وحات نضري .. إلا يرميها في الدلالة .. ويفكها
    بالخسارة ..
    .................................
    الشهامة كوم .. ياختي .. والدقسة كوم
    أريتو يا يومة .. الشهامة تطير

    إنشاء الله ياختي اللبقا هدندوي "نطّاط" .. في الدقيقة خمسة
    دحين جدي .. الله يرحمو .. قال ميّة نطة ولا بعبوصة







                  

05-27-2004, 01:01 PM

عبدالماجد فرح يوسف
<aعبدالماجد فرح يوسف
تاريخ التسجيل: 05-06-2004
مجموع المشاركات: 1178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الليلة عريسنا جانا..يا ناس سيبو العفانة (Re: توما)


    جـايا يا عيد المشاعـر


    أفتش في الزمن والمســاحات الكئيبة
    في الدروب الحايرة في الحانات المعيبة
    وفي العيون التايهة في لغط الكآبات الرتيبة
    في الطوابير التئن أسم الحبيبة
    في الخواطر لما تتحسس انفاسا القريبة
    فى الأغاني البستطيبا

    ألقاكي جايا من حسن المناظر
    جـايا يا عيد المشاعـر
    من خبــــايا الدهشة والبعد المشاتر
    تحتفلي بالشـوق المسـافر
    تطوي المسافات الحزينة وتقري ورد الفجر حاضر
    بين يدينا وتشتهينا وتتفتق الأحلام أزاهر
    ونهزم الدمعة المهينة بي هنانا الجاي با كر
    ونقلد الفرح المعتق في المعابر
    الجايباكى يا عيد المشاعر
    .....................
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de