ونسة عِصِير .. بي جبنتها .. محور النقاش مفردات هذه القصيدة لعثمان بشرى

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 10:07 AM الصفحة الرئيسية

مدخل أرشيف النصف الأول للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-05-2004, 01:20 PM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


ونسة عِصِير .. بي جبنتها .. محور النقاش مفردات هذه القصيدة لعثمان بشرى

    لوح السراب
    (عثمان بشرى)

    لوح السراب نقع محاية الشوق
    لا تجيني لا نجالة الخاطر
    سبيب من طيف
    وقع الصقر .. أو هان
    كتر البتابت عيب
    لا تجيني هان في الغربة
    أم سدولاً جيف
    تعردي في يمنة ويسرى
    أسئلة تعبر السيف
    دحين ودرني .. شن خدرني
    غير حيلاً غشاهو الكيف
    يا تركة حشاي عنف المساسقة
    والهبر والجيف
    ضمة حساك .. كشنة بالي
    متنخشم ضراي تبالي
    جكاك المتنى رهيف
    شن تبقى الرهيفة المالية
    ضمة بلاك .. شايلة هلاكي
    والميتة الفطيس كفكيف
    صوت من نجم مقهور
    ومتورط علاقة مع السماء
    أو غابة في وردة مريض بلدي
    معصلج في الحكيم والإسبتالية
    مجنونة من غبشة زقاقات البيوت اليابسة
    ماكلة ولابسة أحلام في الحضر
    ثمود أو عاد وبيناتن حجر
    منحل ..
    غنوة بعيدة .. بعيدة
    مقيات الهبوب والقرى المطرية
    أو طورية
    تفتق سرة في شهوة بذور
    والضل كديب مأجور على حقو
    مزنق في سماي
    سمت المخاليق البتجبد
    جوة ميدان الطحين سب دين
    وزغرودات صبايا
    عشم المسارقة والمجابيد الهويني
    المفاتيح البلاش
    والكيف مستف إحتشاد
    كلاكي جيد
    جيداً يجود حالكي
    يا هبر القنيص الفضي
    والخلا سم بهار
    عفيط الشوق قميص ودران
    من الصبر المحمد تار
    أجيك مسك بدراوي
    في ساعة نفاس بكري
    أجيك عكري
    أجيك من حتة الوطن المعتب ضل
    ومتريق علي في نعشة مبلولة
    ومطعنة بالخلو الذهني
    من كدب التهم والجتة المرقشة
    بالمرابيط واللحام البشري
    أبنوسة في فد مرقة وقعد للريح
    والهتش عريان
    ومن وين أختلف عنك
    يطيب ظنك
    أدخلي من المغارب
    ما ختاك النيل
    محل قبلت أتمحن
    وأشوفك في حداهو توسوسو
    شن بتقولوا يا كاشفات جرفنا عروض
    شن بتقولوا يا سمك الهجير والمستحي
    أبنوسة طرف من براطيشي السؤال
    عذبني قصر الأجوبة
    ساسقت بين أمشي وتعال
    عفرت هدومي الأتربة
    وحل المقادير إختلال
    في تكلنوجيا الأفئدة
    تمشيني من أقصى التلال في الروح
    إلى أشهى العذابات في الحبال
    ينشل صوت الأقربة
    أبنوسة جيتك برة
    صوت الإجتماع
    واللجنة والعرق الرهيف
    طلقانة بنوت النميمة الهشة
    سماك ما بتنفضح لليل
    ولا بربح نجومك شوق
    وبشر في السهل عفريت
    وكل ما يسقطك في الدم عنت
    إتجلبط هلاويس وانشتر
    مين يقدر بلاك في العكرة
    من شبق الطنين والفكرة
    يبرد أضاني من قعدة ونسة الموية
    والخمج المكركع
    مين يقدر يحت إحساسي في غربال
    يفرز كومو .. يسند نومو
    بالإرث البتصحى من الصباح
    دكان وراكوبة ونعال
    تنشال على كيف
    تتحدث عن الكوليرا ونهايات السباق الأجنبي
    ولا هماك
    مناكف في الغلط والصاح
    وتتتقب براح
    مين يطلع مع الضي من تحت فركة
    وعصير نجمة هفيف الليل
    ينقط في المسام
    الهم برش . .
    تمدد على كيفك
    تتمدد قدر فرشك
    وحتى إن كان إذا نعشك
    زنق أحلامك البكرة
    ومين يقدر يضمك في حدث عابر
    ولد في ثرثرة بنوت من الدهشة
    ويضمك في حلوقن ريق
    مدبرة في الخفايا قدر
    بلاك ما دافقت جواي
    روح نطفة ولا بلغت ظنوني بلد
    ولا ناطح عرق في الروح
    بكيمياء العلاقة ولد
    يا شكنبة كل القوانين
    وإرتفاع صقر الممارسة
    في أزيز الإيدلوجيا
    أحبك ..
    حر من البدرة الملح
    أحبك
    أنتي بايوتك الكلامات المهترشة
    حين يصطدم الندى بالليل
    لا تتفرعي في النار
    نسمتك من السليقة
    أنا وين من العالم
    إذا كل القوانين
    ركزت طايوقة فيني
    ومركزت جواي كون
    ولا هامش يكون في الواطة
    غير إتنين ونسمة من الدغش
    تمرق على التاريخ سلام
    عودين مشبكة في هدف
    وتترتب صفوف الديش
    أنا وين ..
    وتقعدي في الهبايب ثرثرة ونتيش
    محننة بالسليقة …
    آآ مهبوشة قومي من الزلط
    دهستني في أترك سموم اللهفة
    حي عليك قومي من العباية
    الفار لعب فيني … الضلمة
    أمرقي يا جاموسة من تحت الأكمة
    أسكتي يا قرقير ضحاوي البال هي يمة
    وإتلفح ضهاري الغربة
    منك أنسيك أسمي وإتنبر بلاد
    من صف بطاقة وإشتباهات في الهوية
    ما بفوتك …
    حدثي الجايين ورا رقراق بيوتك
    ما بفوتك …
    بين زناة الفكرة والغلط المبيت
    ما بفوتك …
    جف الدبر أو شيب
    ما بفوتك …
    أطلقي البيبان تفك ريقا
    وتصلح من بنابرا للفريق
    الواطة صبحت
    واللحافات في الشمس
    جريها تحت الزول
    بكان خت الفقر
    وإنطاق فجر ضحوية
    ما بفوتك …
    من يفضل باقي غير قفة غناكي الفنجري
    أنا منك إدليت علي
    وغشيت يميني وجيت عليك
    يا شكنبة كل القوانين
    وإرتفاع صقر الممارسة
    في أزيز الإيدلوجيا
    أحبك ..
    حر من البدرة الملح
    أحبك
    أنتي بايوتك الكلامات المهترشة
    حين يصطدم الندى بالليل
    الآن لا أبكي ..
    ولكني أحدد قدرتي في الإتساع
    على مدى عينيك
    رب طريقة أخرى تحملني الأمانة
    وفق إيماني بها
    وفظاعتي في العشق
    إبان الهزيمة فيما يخص البحر
    للبحر الذي
    فيما يخص البحر
                   |Articles |News |مقالات |بيانات

25-05-2004, 02:23 PM

THE RAIN
<aTHE RAIN
تاريخ التسجيل: 20-06-2002
مجموع المشاركات: 2761

للتواصل معنا

FaceBook
تويتر Twitter
YouTube


Re: ونسة عِصِير .. بي جبنتها .. محور النقاش مفردات هذه القصيدة لعثمان بشرى (Re: نادر)

    نادر العزيز

    إنت نادر وقاعد تقلّع فى النوادر

    كدى هسه خليك من المفردات، علها ما تنت، شوف المخلوق ده والمعانى البخلق فيها دى كيف، المفردات واللغة طبعا هى وعاء المعانى أو جسر الوصول ليها

    عثمان البشرى ده زول ما عادى أبدا

    والله يا نادر هسه أنا ركبنى طرب، من الله خلقنى ما شفته قبال ده

    وتحفة زى دى طوالى طبعا لازم تنطبع

    وقدر عدد الحروف الفيها دى، مرسل ليك دعوات طيبة بكل شئ مشتهيهو
                   |Articles |News |مقالات |بيانات

25-05-2004, 07:12 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: ونسة عِصِير .. بي جبنتها .. محور النقاش مفردات هذه القصيدة لعثمان بشرى (Re: نادر)

    دي دعوة الما بلبيها/ تلبيها الا شقياً، ة في روحو/ ها دي

    جيت وشربت بكر وتاني
    ودي التلت
    لكن شكلي حاكب الجبنة كلها

    حمد لله على السلامة يا نادر النادر
                   |Articles |News |مقالات |بيانات

25-05-2004, 09:38 PM

Giwey
<aGiwey
تاريخ التسجيل: 03-09-2003
مجموع المشاركات: 2130

للتواصل معنا

FaceBook
تويتر Twitter
YouTube


Re: ونسة عِصِير .. بي جبنتها .. محور النقاش مفردات هذه القصيدة لعثمان بشرى (Re: الجندرية)

    الله ..الله..

    فظيع انت ايها العثمان...

    شكرا كميات يا نادر ..

    وراجع كان الله هوٌن...



    لك حزمات الود...



    عبد الرحمن قوى...
                   |Articles |News |مقالات |بيانات

26-05-2004, 08:33 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: ونسة عِصِير .. بي جبنتها .. محور النقاش مفردات هذه القصيدة لعثمان بشرى (Re: نادر)

    Quote: أنا منك إدليت علي
    وغشيت يميني وجيت عليك
    يا شكنبة كل القوانين
    وإرتفاع صقر الممارسة
    في أزيز الإيدلوجيا
    أحبك ..
    حر من البدرة الملح
    أحبك


    لك ولعثمان من الحب اطنان
                   |Articles |News |مقالات |بيانات

26-05-2004, 05:43 PM

عوض الله الفولانى
<aعوض الله الفولانى
تاريخ التسجيل: 04-09-2003
مجموع المشاركات: 850

للتواصل معنا

FaceBook
تويتر Twitter
YouTube


Re: ونسة عِصِير .. بي جبنتها .. محور النقاش مفردات هذه القصيدة لعثمان بشرى (Re: نادر)

    أمرقي يا جاموسة من تحت الأكمة
    أسكتي يا قرقير ضحاوي البال هي يمة
    وإتلفح ضهاري الغربة
    منك أنسيك أسمي وإتنبر بلاد
    من صف بطاقة وإشتباهات في الهوية
    ما بفوتك …



    ألأستاذ / نادر

    لك التحية على هذه المفردات الرائعه طربت لموسيقاه
    لأنها خاطبت العقل و الوجدان... و ذيدنا من دلك شوية

    الفولانى
                   |Articles |News |مقالات |بيانات

27-05-2004, 08:50 AM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: ونسة عِصِير .. بي جبنتها .. محور النقاش مفردات هذه القصيدة لعثمان بشرى (Re: نادر)

    ستذهب
    حين يملؤك الرواء
    إلى مجاهل
    في حدود الشمس
    تداعب الفرشاة
    والألوان
    تأثرك القصائد
    والغناء
    وأحرف الناجين
    من
    محرقة
    العصور المظلمة
    ...
    ..
    .
    ستذهب
    حين تبرك
    اللحظات
    بالضوء المسافر
    والمسافات
    البحور
    المطمئنة
    عطر
    الزنابق
    شعاع الاستواء
    (لمة) الأحباب
    الأصدقاء الرائعين
    ...
    ..
    .
    ستذهب؟


    أصدقائي الأعزاء

    أباذر (المطر )
    الجندرية
    قوي
    الفولاني

    تحية بعمق مفردات هذه القصيدة المفعمة ... وراجع ليكم
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de