|
|
 **انــا في المـدايـن الضــايعــة...ضــايــع لــي زمــن**
|
هالة قوتة
بمناسبة مرور عام علي الضياع في مدائن الجليد
اهديك احمد جاويش...لعل وعسي يطفئ لهيب الشوق
عمك تنقو
هدية بسيطة..ارجو ان تقبلها
كم اهديتنا الجميل يا فنان
واهو صادفت ذكري
واعذرني للتأخير
يمني قوتة
عاملة ما هاميك...انا عارفة لكن
احمد جاويش
بتذكرك
بتذكرك...بتذكرك
بتذكرك وكت الكلام يصبح صعب
والليل يودر في النعاس
وكت النجم يتلالا زي عقدآ بيضوي عليهو ماس
**
انا في المداين الضايعة ضايع لي زمن
وغريب عيون
سرحان علي الارض الغريبة وبسأل الشوق عن وطن
انا بسأل الناس عن شوارعآ فيها سافرت ومشيت
انا بسأل الناس عن شوارعآ فيها تاتيتا ومشيت
وعن كلامآ داير اقولو
وقلت فيهو وياما غنيتو و بكيت
**
وعن عيونك وكيف بتصبح فيها احلام الاماني
كيفن بتصبح لهجة تانية مع الاغاني
انا والسفر خلاني اشتاق للسفر
انا اهوي السفر..خلاني اشتاق للسفر
لو القي لي..كان القي لي انا
كان القي لي خاطرآ سمح
كان كلمة واحدة اقولا بتداوي الجرح
كان مرة في عينيك انسي ومرة اقسي
ومرة ياخدني النعاس
وكت النجم يتلالا زي عقدآ بيضوي عليهو ماس
|
|
 
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: ود العجمى)
|
حنينة الحنينة
هذا الاحمد..فنان..فنان...بكل ما تحمل هذه الكلمة من معني
راقي ومهذب..يملك صوت شجي وقدرة علي العزف علي آلة العودة بتكنيك
احمد شاويش,,ولا يماثله فنان آخر في ذلك..ملحن رائع..
لا امل سماعه ابدا ...
فاختيارك يا دفعة صادف ابداعا يجب ان نلتفت اليه
علي فكرة الاغنية غير مسموعة
وكمان لو تنزلي لينا
بتذكرك
وان لقيت وقت بنزل ليكم آخر اعماله حاجة كده تهبل
| |
|
|
|
|
|
|
|
|
 Re: **انــا في المـدايـن الضــايعــة...ضــايــع لــي زمــن** (Re: haneena)
|
وانت متجها شرقا عبر الطريق المودية لشارع عبد الله خليل . تقف شجرة اظنها شجرة نيمة او لبخ وعلى جوارها يوجد دكان ناصية له بابان . امامه قدرة فول بوخها يلوى . كان الفول يمثل الوجبة الاساسية للقادمين من السوق اصحاب الطبالى والعربجية وناس الركشات . واصحاب الامبراطورية القديمة امبراطورية التاكسى . طلبة وحلاقين ونجارين وسمكرجية . ومسرحيين وناس صحافة . كلهم تجمعهم قدرة الفول البوخو يلوى وشجرة النيم اللبخة ذات القوام الفارع
تغيرت الوجوه فى الغربة تغيرت السمرة بالالوان النحاسية والتجاعيد والشلوخ مدقاق ود بدر والمطارق تغيرت وحلت محلها وجوه (مرحاء) وعيون خضر وشعر اشقر. وفى كل الاحوال الجمال متوفر لكن يظل المقود الجمالى الاكبر بوخ الفول وشجرة اللبخ ولمة الناس
والجاتك فى روحك سامحتك
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: haneena)
|
العزيزة حنينة،
سلامات
وكيفك
اختيار جميل جدا شكرا لك، لكن ما قدرت اسمع الاغنية
وكل منفى وانت طيبة يا هالة قوتة، و كل سنة و انت تحملين الوطن فى قلبك حتى يأتى أوان العودة الظافرة.
حنينة،
باين لازم نطلب من رجاء تكتب بوست دعوة حتى يغير ود الجعلى 4 توقيعه (هو قال انه متضامن مع أحد اصدقائه بخصوص شاكوش و كدة)  – اقرئى بوست التهنئة بمولود ولياب.
ندى
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: alfatih)
|
السلام عليكم يا جماعة ....
قلنا ندخل نكشف امكن نلقي لينا صور و لا حاجات كدا ... المهم لقينا لينا اغنية سينما
برضو بوستات حنينة لا تخلو من الاشياء الجميلة .... ندخل و نحنا مطمئنين انو حنلقي
حاجة كويسة ..... اها احسن اغنية شاويش و لا اغنيتي دي !!!!!
و الله نحن نفتح صولو تاني ما تقدروا تسكتونا !!!!
ملاسى
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: Raja)
|
حنينة الحنينة
بديت يومي ...بالشوارع الفيها تاتيت ومشيت..
واتذكرتها ...
وحسب ما وعدتك يا حنينة..لدي جديد لشاويش بس هذه الاغنية
بتذكرك...تجبرني علي سماعها آلاف المرات...ولسة حا اسمع
فيها شي خاص جدا...لذا اسمحيلي ان اسمعها مرة ومرة ومرة
الي ان اقتنع بانني لن اكتفي منها...حينها سانزل ليك يا ستي
آخر ما يتغني به الاحمد الآن...وعلي فكرة شايفك سألتي المبدعة مريم الطيب عنه...فاحمد شاويش ..موجود ولازال يبدع هناك في صمت...لديه الكثير الجديد..ولكن الاعلام لا يسعي اليه...
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: nazar hussien)
|
أهلا قريبتي وبت بلدي حنينة
التقينا أكثر من مرة في أكثر من بوست ولكنني لم اكن أعلم حقيقة شخصيتك قبل فترة وجيزة
بالصدفة رأيت باكورة إنتاجك الادبي مع أحد الاصدقاء وعجبني أسلوبك وتعمقك وألفاظك البسيطة المعبرة وكذلك أكتشفت أن حنينة هي .... وسرني ذلك كثيرا
كفاك غربة وأنت تواجهين أهوالها ومراراتها لوحدك عودي لأرض الوطن إن لم يكن هنالك مانع او سبب حقيقي كمواصلة الدراسة مثلا
| |
|
|
|
|
|
|
|
|
 Re: **انــا في المـدايـن الضــايعــة...ضــايــع لــي زمــن** (Re: haneena)
|
تعرفي ياهالة .. ما ( كربنه ) مني ولا حاجه..لكن تاني السودان الا تشوفيهو في فيديو كليب لكن اديها صنة شوية بس .. خليها سنتين تلاتة كده اربعه .. وبعد داك شوفي البيحصل شنو ..
اما بالنسبة لي ود العجمي فاله يخليك ( لي مكاواة ) الناس الما معيدين في السودان عيد الضحية ده
يا حنينة ..
اغنيتك سمحه .. لكن برضو فيها ريحة ( كربنه ) .......
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: tmbis)
|
Quote: تعرفي ياهالة .. ما ( كربنه ) مني ولا حاجه..لكن تاني السودان الا تشوفيهو في فيديو كليب لكن اديها صنة شوية بس .. خليها سنتين تلاتة كده اربعه .. وبعد داك شوفي البيحصل شنو ..
|
تمبس
سنتين
تلاتة..اربعة
والله الا تجو تزورونى فى احمد شرفى فى العيد
لكن السواى ما حداث
وانا عيدى السنة دى زى عيد السودان
اها لقيتنى كيف
غايتو باكلمك يوم العيد
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: mohamed elshiekh)
|
الأخت حنينة
الأخت هالة قوتة
وكل الجميلات في البورد
لكم كل الحب .. كل التقدير ..
Quote: انا في المداين الضايعة ضايع لي زمن
وغريب عيون
سرحان علي الارض الغريبة وبسأل الشوق عن وطن
انا بسأل الناس عن شوارعآ فيها سافرت ومشيت
انا بسأل الناس عن شوارعآ فيها تاتيتا ومشيت
وعن كلامآ داير اقولو
وقلت فيهو وياما غنيتو و بكيت |
والله هذا يكفي .. وتحياتي لهذا الفنان الرائع دوماً أحمد شاويش
| |
|
|
|
|
|
|
|
|
 Re: **انــا في المـدايـن الضــايعــة...ضــايــع لــي زمــن** (Re: ودقاسم)
|
| Quote: ما يقارب ربع القرن ، قضيته في السعودية ، وقبلها 12 سنة في الداخليات ، وبالله باقي من العمر شنو ؟ |
ياود قاسم كله علي بعضو 37 سنة؟؟؟
الشهادة و العمل الطيب
يا هالة لسسسسسة بدري عليك...36 سنة وانتي طالعة
والله يا ود قاسم كلامك سمح بالحيل واخواتك بالبورد ما شاء الله عليهم
وجميل نسمع شهادة زي دي من زميل لنا بمكانتك
يديك العافية انت و اسرتك
ويرد غربتنا للسودان الجديد
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: haneena)
|
أنا حاساكم في البوست ده لكن ما شايفاكم،،
الخواض لما الظروف تفرض علينا الفرقه و النوح والشتات،، وين بلدك؟
نهي يا البت الحامت في الشريان،، تتذكري؟
أنا في المداين الضايعه ضايع لي زززززززززمن،،
غريب عيون سرحان علي الأرض الغريبه و بسأل الشوق عن وطن،،،،
حنينه الحنينه،،،أرهقتي و أرقتي ألآم البعاد،،،
خواض كان ألقا لي أنا،،
خاطراً سمح ،، كان كلمه واحده أقولا،
و تداوي الجرح،،،
كانت لنا الأيام فهل من عوده؟ نهي و خواض وينكم مني؟
سوميتا
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: hala guta)
|
حنينة .. وكل الرايعين ..
أنا في المداين الضائعة ضائع لي زمن ..
انتو في المداين الضايعة ..
وانا والخال ودقاسم وتمبس في الصحاري الضايعة من زمن ..
والصحاري خلتنا نشتاق للصحاري تاني .. شفتو الهنا دا كيف؟
الشوق يجف .. وفي قلوبنا الضايعة نضيع مرة تانية ..
.. انشاء الله حال البلد ينصلح ويرد الكريم غربتنا ونرجع لي بلد .. النيل يلمع فيها زي سيف مجوهر بالنجوم من غير نظام ..
تحياتي
صلاح / شتات
| |
|
|
|
|
|
|
|
|
|
Re: **انــا في المـدايـن الضــايعــة...ضــايــع لــي زمــن** (Re: شتات)
|
الساعةالسادسة و10 دقائق مساءبتوقيت لندن الصيفي..الخامسة و 10 مساء بتوقيت جرينيتش
حضرت ووجدت البورد في حالة تانية...الارشيف يهدده
والشحوب اصبح لون بوستاته ايذانآ بنزولها الي حيث لا ندري وربما عز اللقاء او ربما لن نلقاها او نلقاكم
عمك تنقو
تمبس
راوية
خالد الحاج
هالة قوتة
شتات
حضوركم اثلج صدري في غيابي..و الدفء يغمر هذا المكان رغم كل شئ
شتات...
Quote: الشوق يجف .. وفي قلوبنا الضايعة نضيع مرة تانية ..
|
لا يا شتات..
يا رفيق المطر ...
جورج....
و....
ملكة سبأ....
وهل من هو مثلكم تجف أشواقه؟؟؟
فالخضرة في القلوب...قلوبكم
اتركوا الجفاف و الصحاري للأقزام الذين صادروا المكان و الزمان
لكم الود...
والي لقاء
| |
|
|
|
|
|
|
| |
haneena
WAD ELGAALI#4
Rawia
ود العجمى
nazar hussien
بلدى يا حبوب
Tumadir
nada ali
alfatih
Hussein Mallasi
Outcast
مريم الطيب
farda
yumna guta
Raja
ابو جهينة
Habib_bldo
tmbis
ملكة سبأ
ودقاسم
mohamed elshiekh
معتصم دفع الله
gessan
الجندرية
Soumeta
إيمان أحمد
Khalid Eltayeb
شتات
فيس بوك
تويتر
انستقرام
يوتيوب
بنتيريست