|
|
|
 Re: يعني ما كان ممكن يكون أحسن من كدا شوية (Re: Hussein Mallasi)
|
| Quote: يعني ما كان ممكن يكون أحسن من كدا شوية |
استاذنا الاخ حسين
كان ممكن لكن يبدوا فى قصد عن بعد
....................
خارج الموضوع
نحن شعب نصنع وجبة الطعام فى ساعات ونأكلها فى خمسة دقائق
وغيرنا يصنعها فى خمسة دقائق ويأكلها فى ساعات
ماعارف ليه تذكرت الموضوع ده هسه ليه.
| |
 
|
|
|
|
|
|
|
|
Re: يعني ما كان ممكن يكون أحسن من كدا شوية (Re: هشام مدنى)
|
سلامات يا هشام؛
Quote: خارج الموضوع
نحن شعب نصنع وجبة الطعام فى ساعات ونأكلها فى خمسة دقائق
وغيرنا يصنعها فى خمسة دقائق ويأكلها فى ساعات |
دا ما خارج الموضوع؛
دا الموضوع ذات نفسو!!
خارج الموضوع:
كنت امس مع جهاد في سيرتك الطيبة.
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
ملاسي ..
انا ما قلت ليك انت غتيت ..
دي وجهة نظر من زاوية آخري
كنت اتناقش فيها مع الاستاذ صلاح احمد البشير "شتات"
لا يعقل في خطاب لرئيس الجمهورية في حدث مثل هذا
ان نصف وجه الرئيس " مضاريهو " عمود خيمة مصدي ..
كاميرات التلفزيون وهو الجهاز الاول المعني بتقديم الحدث اعلاميا
لا يجد مكان لكاميراته
هي نقلة نوعية كما قال المذيع
ان يستطيع التلفزيون ان ينقل من ثلاة مواقع في نفس اللحظة .. !!!!!!
في ظل الفضائيات التي تستضيف في البرامج " الهايفة "
ضيوف من عدة دول وربما يكون المذيع في "سقط " والضيف في "لقط"
في احتفال اليوم لتأدية القسم .. ايضا حدث بلا حرج
اختتمت بتوقف المايكروفون اثناء حديث الرئيس ..
ليقف عدة دقائق يوزع فيها الابتسامات علي الضيوف " الميتين من الحر "
دكتور جون قرنق كادت نظارته ان تسقط وهو يلقي خطابه
من لزوجة العرق " ورغم ذلك كان رائعاوخطف الاضواء"
في نهاية النقل التلفزيون .. كان هناك ثلاثة مخرجين لتغطية الحدث
ومن ضمنهم عوض ابراهيم عوض .. !!!!!!
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: humida)
|
سلامات يا حميدة؛
Quote: كاميرات التلفزيون وهو الجهاز الاول المعني
بتقديم الحدث اعلاميا لا يجد مكان لكاميراته |
الارجح ان يكون سوء اختيار التلفزيون لمكان كاميراته؛
و بطء استجابة الكاميرا مان لتوجيهات المخرج المتأخرة؛
هي السبب فيما شاهدنا.
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
حسين تحياتي
والله الجموع في القاعة ذكرتني بس بصفوف السفارة السعودية ايام العمره !!..
بعدين في حكاية السخانة دي ...واحد قال لي :
ناس القصر شغالين بالجمره الخبيثة وماعايزين يصرفوا زيادة !!!
اصحاب الفخامة الرؤساء خاصة بعضهم كان في سابع نومه ...(نوما هنيئا)
صراحة ناس المراسم مفروض يخصموا منهم راتب يومين ..
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
Quote: الم يكن من الافضل لو ان مهدي ابراهيم قرأ
من ورقة مكتوبة بدلاً من ان يخطئ في اسم علي عثمان. |
دققت النظر في الاعادة؛ فوجدت انه
كان يقرأ من ورقة مكتوبة.
طيب مش كان احسن لو كتبوا ليهو في ورقة
اسماء كل الضيوف المهمين؛ بدلا من ان يذكر
بعضهم ثم يستدرك بعد فترة فيضيف آخرين؛
ثم بعد فترتين فيضيف البقية.
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Osman M Salih)
|
منذ ميشاكوس و نيفاشا و نيروبي؛
كنت افضل لو ان تشابك الايدي و رفعها يتم
باليد اليمنى لاحد المتصافحين و اليد اليسرى للمتصافح الاخر.
و ذلك بدلاً عن رفع اليمنيين.
و اليوم و عقب اداء القسم و عند رفع الايدي المتشابكة بين الرئيس
و النائبين برضو حصلت نفس الحكاية.
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Osman M Salih)
|
Quote: جبان بامتياز
شيعوه في الحال |
خلاص عثمان خليهو لى انا بغتس ليك حجرو..
ملاسى صانع عبث..
تتملـّص من قـبضة الكلبشات
عد الى تابوتك فى الحال..
أمامك بحر عميق
تبقت للتوابيت هستيريا
ملاسى
تهرف بما لا تعرف
كل ما تكتبه هنا
ينحدر بتابوتك
قضى الامر
ايكفى هذا عزيزى عثمان ام اديهو زياده فى حنانو ذاتو..
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
ملاسي.. والله حكاية الحر دي فضيحة بجلاجل... انا زاااتي زهجتني ليك زهج شديد.. ياخ ده منظر دخلنا كلنا في ضفورنا... شكرا يا ملاسي على البوست الممتع.. ونصيحة من اختك... ما تبعد عن الموضوع الأصلي... الشارع الماشي فيه ده (امامه بحر)...
تروتسكي.. والله العظيم ضحكتني ضحك.. لما بطني اتقلبت..
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
والله يا ملاسي يا اخوي تاني الواحد لو عايز يعلق
الا ..يحسب فروقات الوقت بين الشرق الاوسط واوربا بدقة ..
ويشوف الجماعة ديل هناك بنوموا الساعة كم .....
وغايتو تعليقي دا الله يغطي عليهو ساكت ...انشاء الله يكون وقت الناس في خامس نومه
في تلك المراعي الخضراء ....
انت الناس ديل ما قالوا عندهم الحليب راقد هناك ...
الواحد بالتاكيد لو كشح ليهو بستلة حليب في جوفو بنوم نوم العافية ..
وبخلي تعليقاتنا دي تمر ساكت ..
اها قلت لي يا ملاسي ...انت موضوعك كان عن شنو ...؟
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: luai)
|
سلامات يا لؤي؛
| Quote: اها قلت لي يا ملاسي ...انت موضوعك كان عن شنو ...؟ |
كان عن الاقتباس من ترجمة انيس عبيد؛
و المسلسلات المكسيكية المدبلجة.
و عن ان الابداع و الموهبة و السمو لم تقسم
الا لشخص واحد فقط في هذا المنتدى.
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Munir)
|
حسين
في قاعة الاحفل كان كل الناس بيهببوا في روحن من الحر بما في \لك نايف عبد العزيز عبد الرحمن!!!
بخصوص عثمان محمد صالح
والله يا حسين الراجل دا أنا ما بعرفو لكن أؤكد لك أن الله خلقه من صلصال ظريف
غايتو يا عثمان الله لا وقعنا في ايدك
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
استاذ حسين
ما ذكرته هو عين الحقيقة .. بعدين انا جد مستغرب لاستخدام اي مسؤول سوداني بمناسبة ومن غير مناسبة لكلمة "حقيقة" في اي حديث او لقاء .. اي مسؤول لازم يدخل كلمة "حقيقة" كانها فرض او لا يستقيم الحديث من دونها. يقال ان علي الحاج هو الذي ادخل هذا المصطلح في القاموس السياسي السوداني ومن ثم انتشرت وصارت مثل الوباء. انا متاكد ماهي الا بضع ايام حتي يصاب جون قرنق بالعدوي ويستخدم كلمة "حقيقة"
| |
|
|
|
|
|
|
|
|
|
Re: يعني ما كان ممكن يكون أحسن من كدا شوية (Re: Hussein Mallasi)
|
سلامات يا استاذ احمد؛
Quote: اي مسؤول لازم يدخل كلمة "حقيقة" كانها
فرض او لا يستقيم الحديث من دونها. |
تصدق لو قلت ليك؛ قبال كم يوم كدا؛ و في لقاء اذاعي؛
قال ياسر عرمان رداً على سؤال لعوض ابراهيم عوض بأن:
العبرة في تنزيل البرامج و الشعارات لارض الواقع.
| |
|
|
|
|
|
|
| |
Hussein Mallasi
banadieha
ياسر مكاوي
humida
luai
Osman M Salih
معتز تروتسكى
عادل فضل المولى
مريم بنت الحسين
محجوب البيلي
Munir
raheemsudani
هاشم نوريت
فيس بوك
تويتر
انستقرام
يوتيوب
بنتيريست