|
|
|
 Re: ياها دي الميدان الفرحانين بيها!! (Re: Mustafa Mahmoud)
|
ود ملاسي
ياخوى إنت صدقت إنك بقبت صحفى وكمان عندك رأى فى جرايد الناس التانيين!!
والله ملحق صحفى بالخارج دى ماتلم فيها ليوم الدين وقـدامك ألف كوز جد جد فى صف الميرى الإنقاذى.شوف لك شغلة تانية بدل تثبيط همم الوطنيين البتسوى فيهو دة-يخس!!
سبحان الإنقاذ!!
| |
 
|
|
|
|
|
|
|
|
Re: ياها دي الميدان الفرحانين بيها!! (Re: عاصم ابوبكر حامد)
|
يا سيدي وسيد ريدي: هكذا مات زنقار..!
قبل سنوات، أكرمني ابن عمتي بابكر مخير عندما زرته في لندن وأهداني اسطوانة صديقه مصطفى السني، وما أدراك ما السني، فلم يحدث قط أن استمعت إلى اسطوانة أو كاست لأي فنان بذلك التكرار، لكن الأسطوانة سرعان ما اختفت من المنزل كما اختفت من قبل مئات الكتب والأشرطة والأسطوانات ، لأن معشر السودانيين لا يؤمنون بالخصوصية مع استخدامهم عصا الإلحاح الغليظ في وجهك: يخس عليك، يعني شنو كان أديتني الكتاب دا؟!
(2)
أكثر أغنية استمتعت بها في اسطوانة مصطفى السني، هي أغنية (فاطمة خميس) التي لا تخلو من عذوبة وعبقرية وحب رغم كونها مناحة ورثاء لوالدها وهي أغنية كان يؤديها الراحل (أبو داؤود) في الجلسات الخاصة فقط.
السني يغني هذه الأغنية التي عنوانها:
(يا دمعي الأتشتت وغلب اللقاط)
ويقول:
يا سيدي وسيد ريدي
اشكي ليك أنا بجروحي
بس أقول يا بر يا أبو البتول
يا جليس يا الساكن السوق
و يترجمها السني الى الإنجليزية قائلا :
My companian who lives in the bazar
والصحيح هو:
يا جليس يا الساكن السور أو (الصور).
والصور هي منطقة شرق حي الملازمين التي لم تكن مسكونة، والاسم جاء لأنه كان هنالك سور حول ام درمان القديمة منذ عهد العنج، ثم جدد هذا السور في ايام المهدية، و(جليس) هو (فكي) يظن الناس في أم درمان انه يشفي ويساعد، و(بر أبو البتول) كان فكي في المنطقة التي صارت الآن المجلس الوطني في مدخل الكوبري.
(3)
فاطمة خميس كانت تتحدث عن حزنها لموت والدها وحبيبها، الا انها تستدرك مستنجدة بالأولياء (بر ابو البتول) و (جليس) الذي كان غرب مدرسة الصناعات في الملازمين.
وفاطمة كانت شاعرة وملحنة ومغنية قوية الشخصية، فعندما ارادت (ثورة مايو الظافرة) ان تكرم الفنانين الذين إنتقلوا الى جوار ربهم ـ ربما كمداً من مايو نفسها ـ اضيف اسم فاطمة خميس عن طريق الخطأ الى لوحة الشرف الميتة وهي على قيد الحياة، وقام الدكتور الفنان أبو سبيب، صاحب الأسهامات المتميزة في تحقيق الهوية السودانية الذي يعمل الآن في جامعة اوبسالا في السويد، قام بنسخ لوحة التكريم لـ (فاطمة خميس الميتة) بخط جميل، ثم نادوا على أهلها في الحفل لإستلام لوحة التكريم، فجاءت فاطمة خميس متحزمة كعادة السودانيين في حالة الحرب أو النفير وكادت تحطم المنصة لولا إعتذار كبار رجال الدولة، ولحسن حظه لم يكن الخطاط أبو سبيب موجودا.
(4)
من يذكر المبدعة مريم عبد الرحيم التي اعطتنا اجمل الأغنيات مثل (طيبة الأخلاق) التي غناها كثير من الفنانين حتى إستقرت كإحدى روائع الفنان عثمان حسين؟!
مريم عبدالرحيم كانت تسكن شرق السوق قريباً من فريق السيد المكي، وهنالك (شريفة) التي عاشت في حي المسالمة وكانت تلقب بـ (القائم مقام) لأنها كانت في التركية قد حصلت على لقب عسكري رفيع في الجيش لأنها تلهب بأغانيها حماس جند الحكومة.
(5)
من الأسماء اللامعة والمبدعة قديماً، (مستورة) التي عاشت لسن متقدمة واشتهرت بالطعمية اللذيذة كبيرة الحجم التي وصفها صديقي (عثمان ناصر الميكانيكي بـ (طعمية زي الدبرياش).. والدبرياش هو طارة الكلتش، والكلتش هو صندوق التروس، والتروس شئ مثل الضروس لا تسألوني عنه..
ومن الذين إستحضرهم ويجب ذكرهم: (رابحة التمتم) وهي التي كان لها الفضل على فنان السودان الكبير (فضل المولى زنقار) حين أعطته اغانيها والحانها حتى يقوم بتسجيلها في اسطوانات بمصر بمساعدة صديقه محمد الذي عرف بـ (ديمتري البازار) لأن والده كان يونانيا ووالدته يرجع اصلها الى منطقة دنقلا.
ديمتري هو الذي اكتشف عندليب السودان (ابراهيم عبدالجليل)، عندما شاهده يسير في طرقات الموردة يبيع لمبات الاضاءة (ام ملين) التي تعمل بخيط القيطان ويصنعها السمكرجية من العلب الفارغة، وابراهيم كان يترنم في الشارع ببضاعته فأعجب ديمتري بصوته.
(6)
(رابحة تمتم) رفضت ان تسجل اسطوانة لأنها كانت معتدة بنفسها وقالت:
ـ انا ما بسجل اسطوانة عشان مافي صعلوك يجي القهوة ويشنق طاقيتو ويطلب شاي بتعريفة ويقول شغلو رابحة..!
(رابحة) تنازلت عن أغانيها لفضل المولى زنقار، وزنقار هو خال محمود، الأخ غير الشقيق لوزير الخارجيه الأول مبارك زروق، وقتل زنقار لسوء الحظ في دكان آدم المكوجي شمال غرب الجزارات، فقد كان المفتش (برمبل) يجبر الجزارين على تغطية اللحم بالملاءات النظيفة وان يغيروها يوميا مع ملابسهم ولهذا اعطى (برمبل)، آدم رخصة غسال كي يغسل ملابس الجزارين وملاءاتهم.
زنقار تم قتله في دكان آدم بواسطة احد اصدقائه (الشيالين) لأنه قرر ان يستعيض عنه بآخر قبل سفره الى مصر.
(7)
أم درمان كانت مليئة بأغاني البنات والسباتة. والبنات كن يغنين للشباب الوسيمين، ولو كان هناك متسع من (الوقت والحرية) لذكرت الكثير منها.
كنا نسمع الفتيات يغنين:
بياض الفل انا جنني
بياض الفل عبدو معني
و(عبدو معني) هو شقيق الضابط ولاعب الكرة الشهير، فاروق معني. كانوا يسكنون بالقرب من طابونة البخيت، كما كن يغنين لـ (علي بدري) الذي كان أول طبيب سوداني وكان وسيماً جداً:
يا المكاشفي تجيب ود بدري ماشي..!
وعندما ظهر الدقيق الفينو المستورد الناعم جدا الذي صار يستورده التاجر كمبال، وكلمة (فينو) ايطالية تماثل كلمة (فاين) بالانجليزي صرن البنات يغنين للشباب المغرورين بأناقتهم :
يا دقيق كمبال أنا عندي ليك غربال..!
(8)
الاخ الزميل حسين ملاسى، صاحب زاوية شظايا بملحق بانوراما بـ (الرأي العام) ذكرني بحادثة الأستاذ احمد عبد الرازق الذي جاء الى المطربة الام درمانية الشهيرة وهو فى بداية شبابه وطرق الباب، فسألته عن غرضه بعد أن إرتابت فيه لاختلاف شكله من اهل العباسية لأنه كان وسيماً يميل الى البياض، وعندما رد عليها بأن عنده اغنية ملحنة فى شكل دويتو ـ ثنائي ـ ويريد ان يغنيها مع الاستاذة، إكتفت بأن نظرت اليه وقالت: جَر..!
وحين لاحظت شقيقتها مدى الحرج الذي إرتسم على وجه أحمد عبد الرازق، قالت للمطربة كما تناقل خبثاء العباسية:
ـ خليهو يخش، كان ما بعرف يغني، اقل شئ نعاين ليهو ساكت ..!
تابع الاثنين المقبل مع شوقي بدري:
ـ ود الرومي وتوم شم العيش وبخيت ود ابو الجوخ: الريدة الريدة يا حبيب قلبي..
نقلاً عن اراي العام السودانية البكيتب فيها
كـتاب الأعـمدة
ولكن..؟
د. خالد المبارك
--------------------------------------------------------------------------------
علامات استفهام
محمد ابراهيم الشوش
--------------------------------------------------------------------------------
رجع الصدى
ابوبكر وزيري
--------------------------------------------------------------------------------
مـداد
اسماعيل ادم
--------------------------------------------------------------------------------
محطات صغيرة
عثمان عابدين
--------------------------------------------------------------------------------
حاطب ليل
عبداللطيف البوني
--------------------------------------------------------------------------------
الا قليلا
كمال حنفي
--------------------------------------------------------------------------------
جرة قلم
د. بخيتة امين
--------------------------------------------------------------------------------
اشارات
راشد عبد الرحيم
--------------------------------------------------------------------------------
العالم الآن
محمود الدنعو
--------------------------------------------------------------------------------
صباح الخير
كمال حسن بخيت
--------------------------------------------------------------------------------
نحو افق بعيد
الطيب صالح
--------------------------------------------------------------------------------
بين النقاط والحروف
احمد محمد شاموق
--------------------------------------------------------------------------------
اقاصي الدنيا
محمد محمد خير
--------------------------------------------------------------------------------
لقطات
احمد حسن محمد
كلهم مع ملاسي
علي اليمين الشافك بعد شهر شهرين ملحق إعلامي بإحدى سفاراتنا ما كذب.
بس نضارة اللحام دي عليك الله شبلا.
| |
|
|
|
|
|
|
|
|
|
Re: ياها دي الميدان الفرحانين بيها!! (Re: عاصم ابوبكر حامد)
|
Quote: ملاسئ الرجل العجيب والغريب
Quote: اسه يعرفوها ليكم الميدان كيف؛
بيت شعر لمحجوب شريف ما فيها |
ماشرط يكون فيها شعر المحجوب
لان شعره محفوظ فى قولبنا ومزروع فيه ... |
عاصم ممكن سؤال
يا اخوي انت شايت وين بالضبط
قبال وقالوا كوز اها انت شنو
سؤال بالدرب عدييييل
البصاص
| |
|
|
|
|
|
|
|
|
|
Re: ياها دي الميدان الفرحانين بيها!! (Re: عوض الجزولي سعيد)
|
صديقى النبيل عوض الجزولى سعيد
ياخى مدرسة صديقى المخلص حسين ملاسى التحاورية عبر
هذا المنبر وهى متعددة ومتشعبة لكنها مرتكزة فى
الاساس على الغيظ والصفاقة لجر الآخر لتهاتر وفقدان
ادب المنطق لذا يجب عليناأن نجرها ونصبر عليها حتى
توقن بأن الرأى يهزم بالرأى وأن الصفاقة يقابهاعندنا
مزيد من المعرفة والتهزيب المعرفى لاننا لانبحث عن انتصار
بشطارة الغيظ بل نود أن نقول لهم أن التهذب التفاكري هو
قمة تجلى التفكير والتفاكر والدين المعاملة
وفى قمة تجليه التحاورى : أدفع بالتى هى أحسن .......
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
.
و يا ( ملاسي )
بطّل هرطقة
و أتحداك أنا معاوية ( ما الميدان )
و إنتا إشتريتا الليلة ( الميدان )
تحدد أي موضوع نزل في العدد العلني الأول دا
تقدر إنت بي أدواتك ( الرخيصة ) دي تنقضو .
بالله عليك بطل لغة أطفال
شان تفضل لينا كدا حبة نتعامل بيها معاك .
و عشان ما يكون الكلام كلام ساكت
أعمل كوت و نزل الموضوع العندك رأي فيهو
و قول قولك .
___________________________
دائماً ما تزيد دهشتي يا ملاسي
بأنك لديك أدني عرفة بالجميل
محمد المرتضي حامد
ودي
م.كرفس
| |
|
|
|
|
|
|
|
|
|
Re: الميدان حبابك (Re: Aymen Tabir)
|
| Quote: أعمل كوت و نزل الموضوع العندك رأي فيهو و قول قولك. |
انا الانزل كوت .. امال خالد العبيد شغلتو في البورد دا شنو!!
_____
عليك الله يا خالد نزل لينا - كنموذج - موضوع: خزان كجبار .. تجديد مآسي الشمالية
بقلم الأستاذة: سعاد إبراهيم أحمد المنشور في كامل الصفحة الخامسة عدا العمود
الصغير أسفل يسار الصفحة.
| |
|
|
|
|
|
|
|
|
|
Re: الميدان حبابك (Re: Hussein Mallasi)
|
| Quote: الأستاذة الأديبة أمال عباس لا يجحدها إلا من لا يعرفها |
أستاذة يا المسافر مافي ذلك شك .. بس أديبة دي جديدة.
_____
حتى وإن كانت أديبة فما عارف دا دخلو شنو
بالتشابه بين الميدان و الرأي الاخر!!
| |
|
|
|
|
|
|
|
|
|
Re: الميدان حبابك (Re: Hussein Mallasi)
|
| Quote: كدي في الأول خلي لجريدة تكون مليانة!! |
سمح عشان يكون كلامك فى المليان و منشن على الميدان جيب الفاضى من مقالات و حوارات الجريدة و بعدين اعمل قاضى سيبك من اسم و رسم و وش مبتسم !
نادية السر
| |
|
|
|
|
|
|
|
|
|
Re: الميدان حبابك (Re: Nadia Elsir)
|
| Quote: سمح عشان يكون كلامك فى المليان و منشن على الميدان جيب الفاضى من مقالات و حوارات الجريدة و بعدين اعمل قاضى سيبك من اسم و رسم و وش مبتسم ! |
يا اخت نادية سلام..
رحم الله الخالة (النعمة) لو كانت بيننا الان لرددت (كر دكاترة تمر)
مقالات شنو وحوارات شنو يا نادية البجيبها ليكم (ملاسي ده) .ياخي الراجل ده (شلو شديد ) وياها فلاحتو في الوشوش دي والكم سطر البجازف بينهن عمودو داك.(انا ما عارف بكري لو عطل الوشوش دي ملاسي ده ح يقبل وين..!!)
| |
|
|
|
|
|
|
|
|
|
Re: الميدان حبابك (Re: Nadia Elsir)
|
طلبت من متعهد الجيب انو يجيب مقال
الأستاذة سعاد إبراهيم أحمد عن كجبار.
____
و لو استطعتم معرفة إن كان المقال عن كجبار أو عن الآثارالسلبية
للسد العالي و تاريخ النادي النوبي؛ لنلتم نوط المبالغة!
| |
|
|
|
|
|
|
|
|
|
Re: الميدان حبابك (Re: Hussein Mallasi)
|
ناس المكتبات قالوا الإقبال ضعيف جداً على الجريده
يعني غير الشيوعيين المجبورين على شراء شراء الميدان (لزام طبعاً على أي عضو شيوعي إنو يشتري الميدان) وبتذكر زمان واحد حكى لي قاللي كان في إجتماع صغير لشيوعيين وكانت بطاقة دخول الإجتماع هي جريدة الميدان ..
غير الشيوعيين البساط أصلاً تاني التوزيع بسيط جداً ... ا
| |
|
|
|
|
|
|
|
|
|
Re: قصتكم شنو!! (Re: Kostawi)
|
إذا كان العدد القعدتوا تجهزوا ليهو بالشهور طلع بالطريقة دي؛
أمال الأعداد الحتكون فترة تجهيزها اسبوع حتطلع كيف!!
| |
|
|
|
|
|
|
|
|
|
Re: قصتكم شنو!! (Re: bayan)
|
و بعدين تعالوا .. ما الداعي لنشر صورة صلاح إدريس
في الصفحة الرياضية بمثل الحجم الذي نشرت به!!
| |
|
|
|
|
|
|
|
|
|
Re: ياها دي الميدان الفرحانين بيها!! (Re: عبد الناصر الخطيب)
|
Quote: في قناة الجزيرة الوثائقية تابعت فلم عن جوزيف أستالين ( ملف أستالين _ الطاغية ) الزعيم الثاني الذي جاء للسلطة بعد وفاة لينيين المؤسس للدولة الشيوعية والاتحاد السوفيتي الفلم توثيق لتلك الفترة التي شهدت كثير من الانتهاكات والتشريد والقتل والتجويع لمواطني الجمهوريات السوفيتية بأسم الثورة
توالى على الحكم خرتشوف و برجنيف وكثير من زعماء الاتحاد السوفيتي ولم تتغير الصورة كثيرا ظل نظام قمع مطلق ولم يذل العالم يذكر قمعهم للدول التي تحاول التحرر من المنظومة الاشتراكية كما حدث في تشيكوسلوفكيا في أحدث ربيع براغ الشهيرة وظل الناس يتمنون زوال تلك النظم الدموية ويهربون من جبروتها
حتي سقط الاتحاد السوفيتي بعد مراجعات مخايل غرباتشوف الشهيرة وأصلاحاته التي أطلق عليها( البرستوريكا ) ...
في السودان كل ما تذكرت وصول الحزب الشيوعي السوداني للسلطة في 19/ يوليو 1971 حمد الله أنهم لم يستمروا غير 72 ساعة فقط ثم ذهبوا للجحيم وعفي الله السودان ولطف بأهله من جنة وخيرات النظم الشيوعية .
__________________________________________________________
ظلت الشيوعية ونظمها بأستمرار مرتبطة بانتهاك حقوق الانسان والقتل وتدمير أقتصاد الدول التي تحكمها مهما أطلق من شعارات وكتب من نظريات .... لذلك أتعجب لشيوعي السودان عدم متابعتهم وقائع الاحداث والتاريخ وتمسكهم بحزب ونظريات عفي عليها الزمن ... مكانها المتحف وليس لها وجود في الواقع |
كلام صحيح ..
| |
|
|
|
|
|
|
|
|
 Re: ياها دي الميدان الفرحانين بيها!! (Re: Hussein Mallasi)
|
الاخ المكرم / عادل ..
تحية وأحتراما ,,,
______________________________________________________
في ما مضي قرأت كثيرا كارل ماركس , أنجلس , لينيين ولم يزل في بيتنا بالسودان مكتبة عامرة بتلك الكتب فظل والدي عليه رحمة الله ( مصطفي يحي الخطيب ) حتى وفاته ... يؤمن بتلك الترهات وبعد أحداث يوليو 1971 فقد عمله وفقد حريته وأعتقل فترة طويلة بكوبر .
لكن القصة الحقيقية لتلك النظرية كذبت كل تلك النظريات ,,, لم يكن الاتحاد السوفيتي السابق دوله سلطة الطبقة العاملة بل كانت الدولة التي سحقت الطبقة العاملة كانت دولة النخب واللجنة المركزية للحزب الشيوعي ورجال K.G.B( المخابرات الروسية في العصر السوفيتي) .... الان في أوكرانيا تحول مبني الاستخبارات الروسية السابقة لمزار ومتحف يروي بشاعت الحقبة السوفيتية حيث القتل والتعذيب سياسة دولة لاتتهون ولا ترحم مواطنيها .
تظل النظم الشمولية في كل العالم فاشلة مهما تجملت ,,, وخصوصا الشيوعية لانها ضد كل ما تنادي به الدنيا من حرية وديمقراطية وصون لحقوق الانسان فهل سمح لبلد ما حكمه الحزب الشيوعي يوما أن يكن به حزب أخر أو حرية !!!! يمكن أن تقراء تجربتهم في مصر الناصرية في اليمن الجنوبي في أثيوبيا في دول أوربا الشرقية وستخرج بالكثير.
ولك التحية والوّد ,,,,
(عدل بواسطة عبد الناصر الخطيب on 04-27-2007, 10:47 PM)
| |
|
|
|
|
|
|
|
|
|
Re: ياها دي الميدان الفرحانين بيها!! (Re: عبد الناصر الخطيب)
|
اخي العزيز عبد الناصر الخطيب ..
كأن خطانا يا اخي كانت تسير في نفس الطريق ..
انا كذلك يا اخي قرأت كل تلك الكتب؛ وخدعت نفسي بها؛ حتى تبين لي ان الشيوعية واحدة من اكثر الايدلوجيات القهرية على مر التاريخ .. سواء في ممارستها في الاتحاد السوفيني ودول القهر الشيوعي الاخرى التابعة؛ او حتى عندما لم تصل للسلطة ؛ حيث مارست قهر الناس معنويا في كثير من بقاع العالم..
هناك سفر ضخم صدر في فرنسي باسم الكتاب الاسود للشيوعية؛ يحكي جزءا من جرائمها البشعة في حق الشعوب .. حق لنا ان نكتب الكتاب الاسود للشيوعية في السودان؛ وان ونوصل لشعب السودان وشباب السودان الحقيقة عن هذا الفكر والنظام الشيوعي المهين لكل انسان ولكل انسانية ..
لك ودي وشكري على كل هذا الوعي وكل هذا الوضوح ..
| |
|
|
|
|
|
|
|
|
 Re: ياها دي الميدان الفرحانين بيها!! (Re: Hussein Mallasi)
|
الميدان استعادة أحد منابر الوعي
خالد فضل
الصحافة 25 أبريل 2007
* غض النظر عن الأكلشيهيات الجاهزة، والعجلة في إصدار الأحكام في أشياء هي من خصوصيات الفرد، مثل تحديد انتمائه الفكري أو خياره السياسي أو منظومته الحزبية أو حتى معتقده الديني وهي السمة الأبرز في خطاب المجادلة السياسية السودانية، فمن اليسير جداً على كل كاتب أو ناقد أن يمنحك بطاقة انتماء للحزب الشيوعي إذا كنت صاحب رأي وانتماء لقيم العدالة الاجتماعية، ومبادئ الاشتراكية الرحيمة، والليبرالية، والاستقلالية عن اتباع موجة الهوس الديني والتعصب الجهوي والقبلي، فقط إذا كنت صاحب نظرة أقرب للموضوعية، وأحفى بطبيعة مجتمعك من حيث تعدده وتنوعه ومحاولتك فهم هذه الطبيعة وإيجاد أفضل الطرق لإدارة العيش المشترك بندية ومساواة، واحترام الكرامة الإنسانية والتعدد الثقافي والديني والمناداة بعدم استغلال الدين لتحقيق مآرب حزبية ضيقة وغيرها من قيم وأفكار تعتبر عند القادحين -للمفارقة- من موجبات الانتماء والعضوية للحزب الشيوعي، مما يجعل التساؤل المشروع عن: لماذا إذاً يرفض هؤلاء الكتاب والناقدين الحزب الشيوعي؟ فإذا كان تصنيف من يكتب بصدق وإخلاص مجرداً عن هوى النفس أو تحقيق منفعة شخصية بأنه «شيوعي» فهل هناك من هو أفضل من الشيوعيين في هذه الحالة؟ هل من المطلوب أن يكون الشخص «إمعة» يلهث وراء مصلحته الذاتية يتبع القصر أو المنشية، ويدافع عن الباطل الظاهر ويتستر خلف أهداب شعارات أو لافتات تدغدغ المشاعر الإسلامية، فيكون هذا الشخص جيداً، وهذا الكاتب عظيماً، وموضوعياً لأنه يذكر للانقاذ انجازاتها كاستخراج النفط وفتح (26) جامعة، وشق الطرق وإقامة الجسور، أي أن الموضوعية المعنية والبراءة من الشيوعية تتطلب الاحتفاء بالانجازات المادية للانقاذ مع غض الطرف تماماً عن الموبقات الإنسانية، ليست تلك التي ارتبطت دوماً وبشكل مباشر بهذه الانجازات المادية مثل عمليات التهجير والتشريد وتغيير نمط الحياة وثقافة كسب العيش لمواطنين سودانيين في مناطق الآثار المكتشفة والمستغلة، أو على ضفاف بحيرة «سد مروي» وغيرها من منجزات الأسمنت والسيخ والماكينات، وكأنها هي الغاية من التنمية، والهدف من سيل الشعارات، ليس هذا فحسب، فغض الطرف عن التفكك الأسري، وارتفاع معدلات الطلاق، وتشرد الأطفال، وازدياد أعداد الأطفال مجهولي الأبوين، وتفشي الأمراض الفتاكة كالأيدز، وزيادة معدلات وفيات الأمهات، وانتشار الفشل الكلوي والسرطانات، وإهدار قيم النزاهة وتفشي المحسوبية والفساد المالي والإداري، وانقسام المجتمع إلى طبقتين، إحداهما تمتلك كل شيء وترتهن كل فرص الثراء والأخرى تفقد أدنى مقومات الحياة، وغيرها من وقائع لا يمكن تجاوزها لمن يزعم الموضوعية في كتابته ودفاعه عن سلطة القصر كما كتب أحد الأصدقاء قبل أيام، وهو يعلن أنه «قصري الهوى» كأنما أقدار إنسان السودان تقع بين مشيئة القصر حيث «عمر البشير رئيساً» وحي المنشية حيث «د. حسن الترابي حبيساً»، أما من تجاوز كليهما ماداً بصره إلى آفاق أرحب تحتفي بالتعددية وتمجِّد طبيعة إنسان السودان وثقافاته وأعرافه، وأديانه على اختلافها، فإنه لا بد أن يكون «شيوعياً متنكراً» كما في وصف ذلك الصديق، أو «مغرِّداً خارج السرب» كما في تداعيات اسحق أحمد فضل.
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
* ثم، وعوداً على بدء، ليس في الإنتماء التنظيمي لأي حزب سوداني ما يعيب أو ينتقص من قيمة أي فرد، فالتنظيم أرقى أنواع التعبير كما يقال، كما أن الديمقراطي الحق لا ينكر على الناس انتماءهم السياسي، فهذه طبيعة السياسة ومع ذلك يجوز الاختلاف مع مرتكزات وبرامج وممارسات أي حزب سياسي وانتقاده والهجوم عليه بشروط كفالة حقه في الوجود وفرصة الدفاع عن نفسه وإجلاء مواقفه بل حتى تعديل ممارساته، فإذا ما عاد المؤتمر الوطني مثلاً إلى قبول نتائج انتخابات جامعة الخرطوم وهنأ الفائزين وامتثل لإرادة الطلاب، يستحق التهنئة على تعديل سلوكه السابق الذي كان يمارسه على مدى عقود طويلة منذ أن كان «اتجاهاً إسلامياً» يستحق التهنئة لأن هذا هو الطريق القويم الذي يقود إلى تقدم البلاد وحل مشاكلها وإزاحة معاناة شعبها، فالديمقراطية ليست غاية في حد ذاتها إنما هي وسيلة فقط لبلوغ كمال حقوق الإنسان، فالإنسان هو الغاية، والله سبحانه وتعالى عندما جعله خليفته على الأرض لم يشأ بكل تأكيد أن يكون خليفته مهاناً ذليلاً مقهوراً.
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
* وبعد، فإن الإنصاف يقتضي كذلك النظر في تجربة الشيوعيين السودانيين، ودون الوقوع في براثن التصنيف العجول، فبحسب معرفتي القليلة عن «التنظيم الشيوعي» هناك خطوات لا بد من اتباعها لنيل العضوية، ولم يحدث لشخصي الضعيف الشروع في أيٍّ من هذه الخطوات حتى الآن على الأقل، فلعل هذا يريح بعض الذين يجزمون ويصنفون الناس من «عندياتهم»، قلت الشيوعيين السودانيين ولم أقل «الحزب الشيوعي» لأنني أعرف بعض الشيوعيين خارج منظومة الحزب، ولهم آراؤهم ومواقفهم التي احترمها بكل تأكيد، بيد أنه لا بد من النظر إلى المآخذ التي يتم تكرارها في مواجهة الشيوعيين، مثل اتهامهم بالتآمر لقلب النظام الديمقراطي عقب اكتوبر 64م ومساندة «مايو 69»، هذا الاتهام أعتقد أنه قد تمت معادلته تماماً إثر حركة 19 يوليو 1971م، التي سميت في أدبيات الحزب أو في بعضها أو لدى بعض الشيوعيين للدقة أكثر «بالحركة التصحيحية» مما يعني مباشرة انحراف «مايو» في تقديراتهم طبعاً وليس في زعمي فانتبه!! هذه واحدة، أما السُبة الكبرى التي يروّج لها أصحاب نظريات الإسلام السياسي فهي «عداء الشيوعيين للدين، والديانة الإسلامية تحديداً، يستشهدون على ذلك دوماً بحادثة معهد المعلمين العالي وحديث أحد الطلاب عن ما وصف بأنه إساءة لبيت النبي محمد صلى الله عليه وسلم، وبالطبع هذه فرية كبرى انطلت مع الأسف على مشاعر بعض المسلمين السودانيين، فالحزب السياسي لا تتم محاسبته وحله وطرد نوابه المنتخبين من البرلمان لأن كادراً طلابياً مس أحد المقدسات الشعبية، فهذا واجب هيئات الحزب نفسه ولوائح محاسبته لعضويته، فهل تم التعامل مع الحادثة بهذا المستوى من الفهم أم تم استغلالها لتمرير مشروع آخر يتزيا بزي الدين الإسلامي لتحقيق مآرب في اقتناص السلطة وردم كوة الوعي التي كان وما زال ينشرها الحزب الشيوعي، والشيوعيون السودانيون عبر ممارستهم التي اتسمت دوماً بالنزاهة والفدائية وطهارة اليد، إضافة إلى سعة الأفق، وعمق الثقافة، والفهم لطبيعة المجتمع ومحاولة إيجاد حلول لأزماته المستعصية مسترشدين بالفكر الإنساني والتحليل الفكري للمعضلات الإنسانية.
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
* ما هي جرائر الحزب الشيوعي والشيوعيين السودانيين؟ هذا سؤال مهم، ليس بغرض مقارنتها بجرائر غيرهم وآخرهم الإسلاميون الذين يسيطرون منذ 18 سنة على كل شيء في الوطن، ولكن لفحص هذه الجرائر بموضوعية وفي سياقاتها التاريخية والسياسية لتحديد أخطائهم ومن ثم مطالبتهم بتصحيحها إذا تم تحديدها، أما إشاعة الكلام «ساكت» وتهييج العواطف كما فعل ويفعل بعض أساتذة الجامعات بإصدار فتاوى تحريم الإنتماء للجبهة الديمقراطية والحزب الشيوعي وغيرها من مظاهر القهر والقمع، فإنما يدل إما على جهل أو «مؤامرة» وكلا الحالين لا يصلحان للبلاد ولا يقدمان لشعبها خيراً، الأفضل لبلادنا -في تقديري- أن يتواطأ جميع السودانيين بمختلف أديانهم وثقافاتهم وتنظيماتهم وجهاتهم على ميثاق شرف وطني، قوامه الحرية الكاملة غير المنقوصة.. حرية الاعتقاد والبحث والتعبير والتنظيم وحرية الاختيار وتداول السلطة سلمياً وديمقراطياً، واحترام التعددية وتحريم الديكتاتورية والشمولية، ومعاقبة من يخرق هذا الميثاق قانونياً وردعه بأقصى العقوبات «السجن» مثلاً، ساعتها سيكتشف كل السودانيين أنهم بحاجة للحزب الشيوعي وللشيوعيين السودانيين، كنموذج للمواطنة الصالحة والانتماء الحقيقي والتضحية، وفوق هذا وذاك «المساهمة في تقديم الوعي»، كما في قول مأثور للشهيد عبد الخالق محجوب وهو يتجه صوب المقصلة.. ولهذا أيضاً نرحِّب «بالميدان»، لسان حال للوعي والإستنارة والنضال الجسور وشرف الكلمة وسكة الوعي.. فمرحباً.
| |
|
|
|
|
|
|
|
|
|
Re: ياها دي الميدان الفرحانين بيها!! (Re: خالد العبيد)
|
| Quote: * ما هي جرائر الحزب الشيوعي والشيوعيين السودانيين? |
امسك عندك
1- الاشتراك في انقلاب مايو ضد حكومة منتخبة ديمقراطيا..
2- ضربة الجزيرة ابا ود نوباوي
3-الصالح العام والتمكين الولاء قبل الكفاءة
3-جهاز الامن اصبج جهازا منفصلا من البوليس وضع كوادرهم فيه
4- وضع كل اجهزة الثقافة تحت سيطرة الدولة.
5- ضرب بيت الضيافة وقتل ضباط عزل حينما فشل الانقلاب داخل الانقلاب..
5= اغتيال شخصيات كل من يخرج عنهم..بتهم مزيفة...
| Quote: ولكن لفحص هذه الجرائر بموضوعية وفي سياقاتها التاريخية والسياسية لتحديد أخطائهم ومن ثم مطالبتهم بتصحيحها إذا تم تحديدها، أما إشاعة الكلام «ساكت» |
اي كلمة هنا موثقة توثيقا جيدا...
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
العزيزة بيان
تحياتي
ياها دي الجرائر الفرحانه بيها؟!!
وبتنقلي فيها من بورد لي بورد!!!
اها يلا النتيجة شنو ؟
الجماهير انفضت من حولنا؟
ولا الحزب بقى في خبر كان؟!
الشباب الصغار سادين وردية ليل في الميدان!!
ولاء رئيسة اتحاد الخرطوم مواليد كم؟!!!
وجرائرنا الموثقة عندك دي حصلت سنة كم؟!
خليكم كده بالله !!!
اجتروا وعيدوا وانقلوا!!
لمن طيارتكم تصفر !!
| Quote: سيكتشف كل السودانيين أنهم بحاجة للحزب الشيوعي وللشيوعيين السودانيين، كنموذج للمواطنة الصالحة والانتماء الحقيقي والتضحية، وفوق هذا وذاك «المساهمة في تقديم الوعي»، كما في قول مأثور للشهيد عبد الخالق محجوب وهو يتجه صوب المقصلة.. ولهذا أيضاً نرحِّب «بالميدان»، لسان حال للوعي والإستنارة والنضال الجسور وشرف الكلمة وسكة الوعي.. فمرحباً. |
| |
|
|
|
|
|
|
|
|
|
Re: ياها دي الميدان الفرحانين بيها!! (Re: خالد العبيد)
|
Quote: الجماهير انفضت من حولنا؟
ولا الحزب بقى في خبر كان؟!
الشباب الصغار سادين وردية ليل في الميدان!!
ولاء رئيسة اتحاد الخرطوم مواليد كم؟!!!
وجرائرنا الموثقة عندك دي حصلت سنة كم؟! |
اها يا خالد الانتخابات جاية والمية بتضكب الغطاس
ولاء ما اترشحت في الحزب فردي
ناس ولاء عملو لمة لبن سمك تمرهندي
وبكدا وصل حزبكم...
لف ودوران..
من كم سنة لم يفز حزبكم في جامعة الخرطوم؟
الا من خلال التحالفات العجيبة المستحيلة الممكنة في بلد كالسودان
حزب الامة يتحالف معاكم عشان يمسكوا الاتحاد
يتحالف مع الحزب الكتل ناسو في الجزيرة ابا ود نوباوي..
ممكن يا خالد كصحفي تجيب لينا بينات بعدد قاعدتكم
الادت صوتها ليكم؟
وعجبني لحزب الامة والبعث وكل الاحزاب الاجتمعت واتشرت...
والحزن حيكون حزنين لو الزول الانتحر دا يكون انتحر
عشان الخداع والغش الحصل..
اتمنى تنشر الرسالة التى تركها..
ما تبقى ذي رسالة شيبون تختفي...
| |
|
|
|
|
|
|
|
|
|
Re: ياها دي الميدان الفرحانين بيها!! (Re: خالد العبيد)
|
الاخ خالد العبيد تحية
| Quote: ولاء رئيسة اتحاد الخرطوم مواليد كم؟!!! |
هل ولاء صلاح تزلت الانتخابات باسم الحزب الشيوعي ؟؟
ام هو تجيير نضالات الناس للحزب الشيوعي المعتاد
من نوع ان الميدان قد اسسها الحزب الشيوعي عام 1954
وهي فرية عظيمة دون شك ..
| |
|
|
|
|
|
|
|
|
|
Re: ياها دي الميدان الفرحانين بيها!! (Re: خالد العبيد)
|
| Quote: يا ما حانساهر بيكم!!! |
نحنا منو؟
انتو انتخابات جامعة ما قادرين عليها الا بتحالفات
التمرهندي والسمك واللبن..
بعد قصة جامعة الخرطوم دي تاني خلاص
كل مرة حيقولو ليكم
هذا اثر فاسكم.. الثقة بكسبوها ما بشتروها...
كدا اسع حزب الامة ضمن الحكومة تاني,,
| |
|
|
|
|
|
|
|
|
|
Re: ياها دي الميدان الفرحانين بيها!! (Re: خالد العبيد)
|
مرة تانية :
الاخ خالد العبيد تحية
| Quote: ولاء رئيسة اتحاد الخرطوم مواليد كم؟!!! |
هل ولاء صلاح تزلت الانتخابات باسم الحزب الشيوعي ؟؟
ام هو تجيير نضالات الناس للحزب الشيوعي المعتاد
من نوع ان الميدان قد اسسها الحزب الشيوعي عام 1954
وهي فرية عظيمة دون شك ..
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
العزيزة بيان
تحياتي
Quote: انا بؤمن انه عافية الاحزاب من عافية الوطن
عايزنكم تمارسوا النقد الذاتي تعتذروا عن الاخطاء
وتقروا بيها...
بعداك بنموت فيكم.. |
يا ربي ده كلام بيان ولا في واحد سرق الباسوورد !!
على اي حال
نحن النقد الذاتي ده حقنا!
ومارسناه على اعلى المستويات
الحزب الشيوعي لم ولن يدعي ما ليس له
بنعمل قدر قدرتنا
وفي اول لقاء للحزب بالجماهير بعد الانتفاضة
وفي الميدان الشرقي
قدم الحزب اعتذارا عن كل اخطاءه في الممارسة السياسية
واعلنا مسؤوليتنابشجاعة عن اخطاءنا
منذ استقلال السودان حتى الانتفاضة
ارجعي لكل وثائق الحزب العلنية تجدي التفاصيل
اما حكاية تموتوا فينا دي ما اظن!
الموت خلوه لينا
نحن متنا وشقينا المقابر !!
ورجعنا تاني اقوى وأرسخ
متجذرين في الخارطة السياسية السودانية
مافي قوة بتقدر تتجاوزنا
| |
|
|
|
|
|
|
|
|
|
Re: ياها دي الميدان الفرحانين بيها!! (Re: معتز القريش)
|
غايتو يا ملاسي
انت زول غريب وعجيب
أهو الناس القرو الخبر بالمجان 275
طيب القرو الميدان بالقروش يكونو كم ؟؟؟؟
قال ميدان قال .. قومو لفو
لف أنت بالأول وصينيه ياود القريش 00
وأسال معارفك في السودان عشان تعرف القروها كم؟
الميدان في المكتبات00وستظل 00
أنتو زعلانييييييييييييييييييييييييين ليه ؟
فكو دربنا00
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
الكوز معتز قريش
الميدان ترى النور بدعم ابناء شعبنا
واليك مثالا واحدا فقط رغم انك لا تستحق الرد اصلا
Quote: الميدان العدد2016
تبرعات
5,000,000 (خمسة ملايين جنيه) من الصديق أبو هديل – 2,000,000 جنيه تبرع إضافي من شيخ العرب – 100,000جنيه على دفعتين من ود الطيار – 432,000 جنيه قيمة 200 دولار تبرع بها للمرة الثانية (ح ع) – 648,000 جنيه قيمة 300 دولار أعادها ع ج – 2,120,000 جنيه تبرع بها قادم من ج أ – 10,000,000 (10 ملايين جنيه) تبرع من أصدقاء للحزب
المناقشة العامة
تم بتاريخ 4/6 عقد سمنار عن العولمة قدمت فيه اوراق ودارت حوله مناقشات، وصلت للجنة التسيير مساهمة من الزميل الراحل حمزة زروق عن التنمية في ظل المتغيرات.
|
| |
|
|
|
|
|
|
|
|
|
Re: ياها دي الميدان الفرحانين بيها!! (Re: كمال علي الزين)
|
ياخ بتبالغوا انتو العاملين ليهو رز وبصل وتوم زاتو
زي ده خلوهو ينبح ساااااااااكت...وشوفوا كان تقوم ليهو قايمة
بس انتو المحررين ليهو السوق ...ويجي يخت كلمة واحدة وتجوا ناطين
زي ملاسي ده يا ناس خلوهو ينبح ....
ح ينبح وينبح لمن يسكت ...
| |
|
|
|
|
|
|
|
|
|
Re: ياها دي الميدان الفرحانين بيها!! (Re: Hussein Mallasi)
|
العزيزة بيان
تحياتي
شكرا كتير لدعوتك لي للمشاركة في ذلك البوست
وحقيقة لم اقراه حتى اللحظة
ولكن سأفعل
Quote: ليه ما تقولوا لكادركم دا مارس النقد الذاتي ومعلومة انت ما متأكد منها
ما تكتبها.. عشان شوية الناس تحترم حزبكم وتعتد بمصداقيته.. |
يا نجاة انت ام ومربية
وتعلمين قبلي ان الاخوان في البيت الواحد بيختلفوا في طبائعهم
ناهيك عن حزب العضوية فيه فايرة فورة البليلة !
نحن بالتأكيد كشيوعيين نختلف في طرحنا للاشياء!
لكل وجهة نظر لكن الهدف واحد
وهنا بيحصل الصراع السياسي بينا !
فينا البيزهج ويمشي ويسكت
وفي البخلينا ويجدعنا !
والباقيين ما بنزلوا كلو كلو
لواييق ذيي كده !!
زمان نقد في ندوة قال :
كلو زميل يلزم دايرتو!!
اها انا هسه دايرتي في سيدني
والشايقية المعاي في البيت هنا كان غلطت عليك
قولي لي عوك !
لكن يا ها الشاكاني بي بلاغين !!
واحد في الحزب والتاني بوليس سيدني !!
وده كلو بقدر عليه
لكن الزميل البعيد داك ابعديني منو !
باكر يجيني بلاغ سريع سريع
يقولوا لي انت الحزب ده عمدتو ولا شيخو
حزبنا ده انت ما عارفه الحاصل بي جوه شنو
والله كان جيتينا مره واحده داخلة
يمرقنك كرعيك !
وقولي يا ابومروه !!
وكل ما اقدر ان اقوله للزميل
ده لو كان زميل لاني ما بعرفوا معرفة شخصية
يا ابو الزمل تأكد من معلوماتك قبل النشر
حتى لا تضر بسمعة الآخرين وسمعة الحزب
مودتي يا بيان
| |
|
|
|
|
|
|
|
|
|
Re: ياها دي الميدان الفرحانين بيها!! (Re: خالد العبيد)
|
Quote: وكل ما اقدر ان اقوله للزميل
ده لو كان زميل لاني ما بعرفوا معرفة شخصية
يا ابو الزمل تأكد من معلوماتك قبل النشر
حتى لا تضر بسمعة الآخرين وسمعة الحزب |
شكرا يا خالد
لازم تكون في لائحة عامة
مثل التدقيق في المعلومات عدم نشر اي معلومة تضر بجماعة عدم الكذب..
عدم استخدام لغة نابية.. دا كلو يمكن يكون متعارف عليه..
اخبرني زوجي انه في السبيعنات في الجامعة كانت صحيفة الحزب الشيوعي
والاتجاه الاسلامي ( الحائطية)اعلى الصحف مصداقية في كل البلد
لان لا يمكن ان ينشر فيها خبر كاذب..
والا تاثر مصداقيتها جدا واخبرني كيف كان يحاسب
العضو الذي كتب خبرا حيث يجبر على الاعتذار ويفصل من هيئة التحرير..
فهذا البورد يجب ان يكون كذلك..
عندما يقول شخص انه شيوعي.. وياتي ينشر الاكاذيب
ويبرر لها... كيف يكون حال الجماعة معه
كما تعرف نحن اهل السودان انطباعين
والشمار اهم شئ..
| |
|
|
|
|
|
|
| |
Hussein Mallasi
محمد فرح
ABU QUSAI
فيصل نوبي
Mustafa Mahmoud
bayan
Adil Isaac
ناذر محمد الخليفة
A.Razek Althalib
عاصم ابوبكر حامد
أبو عبيدة البصاص
adil amin
wadalzain
Faisal Al Zubeir
عبد المنعم سليمان
عمر الفاروق
Atif Makkawi
بدر الدين الأمير
معاوية كرفس
خالد العبيد
المسافر
Aymen Tabir
عبدالكريم الامين احمد
Kostawi
Abdel Aati
abdalla elshaikh
خضر حسين خليل
معتز القريش
إدريس البدري
فيس بوك
تويتر
انستقرام
يوتيوب
بنتيريست