دعواتكم لزميلنا المفكر د.الباقر العفيف بالشفاء العاجل
|
|
 مبروك يا نشأت
|
اجتيازك للامتحانات المؤهلة للحصول على القيد الصحفي.
|
|
 
|
|
|
|
|
|
|
|
Re: مبروك يا نشأت (Re: Hussein Mallasi)
|
مبروك .. مبروك نشأت الامام
فانت رجل تستحقه واهل للنجاحات
وفقك الله في مسعاك وسداد خطاك
شكراً الاخ حسين ملاسي على الخبر الجميل
ومزيداً من النجاحات نشأت ......
| |
|
|
|
|
|
|
|
|
|
Re: مبروك يا نشأت (Re: Hussein Mallasi)
|
العزيز ملاسي..
ياخي والله كتر الف خيرك على المباركة.. واحسب انها قد ابهجتني كثيراً.. ا
اذ اني ارى ان بعض الفرح لا يكتمل دون مشاركة الاخرين.. فلك ودي على ما ابديت
من تبريكات..
| |
|
|
|
|
|
|
|
|
|
Re: مبروك يا نشأت (Re: Ibrahim Algrefwi)
|
كيفك يا وليد؛
وجودك دائماً يضفي على البوستات معنى جميل.
سلامات يا منى؛
شكراً على التهنئة؛ و عساكم بخير؛
انا و الجميع بخير .. تحياتي.
وينك يا جريفاوي؛
استغربت روايةالملك عندما قال
لي انك قد تحججت بان الوقت متأخر!
| Quote: علي فكرة أنا عايزك ضروري! |
واحد من اتنين؛ يا إما تكتب لي تلفونك؛
او تضرب لي على 12140202
| |
|
|
|
|
|
|
|
|
|
Re: مبروك يا نشأت (Re: Hussein Mallasi)
|
حسين ملاسى والله امس كنت بفكر فى تهنئة نشات الامام بزواجه من هذه المراءة التى يعشقها الجميع ويكرهها كل من دخل عليها الصحافه هذه الانثى اللعوب ذات الدلال والغنج من الخارج والاسترجال والعضلات لكل من حاول الدخول عليها تكرهها وما ان تقرر الطلاق الا وجرك الحنين من تانى نشات الامام شاب طموح ومجتهد وما يعجبنى فيه انه لايؤجل عمل للاخر فهو المصمم الماهر الذى تخرج الراى العام من بين يديه لتغازل عيون القراء فى ثوبها الفاتن الذى يثير الاعجاب ونشات هو الناقد الفنى صاحب القلم الذرب الذى يكتب فى الحياة السودانيه طبعا ونشات هو القارئ النهم ونشات هو الشاعر صاحب المساجلات الظريفه مع ناديه عثمان وود عقيد وناذر وغيرهم من رواد خيمة الحاردلو وفوق كل ذلك نشات هوذاك الصديق اخو الاخوان
مبروك
مبروك نشات فقد اذدانت بك الصحافه ولم تزدان بها انت
| |
|
|
|
|
|
|
|
|
|
Re: مبروك يا نشأت (Re: عثمان فضل الله)
|
سلامات يا عثمان و حمد الله على السلامة؛
لولا اشتراط التدريب لستة أشهر - على الاقل -
في اي صحيفة لكنتُ من الراسبين في امتحان القيد لهذا العام!
| |
|
|
|
|
|
|
|
|
 Re: مبروك يا نشأت (Re: عثمان فضل الله)
|
يا عثمان ياخي نسيت الكورة.. يعني لو ما كنت امس جاي
وفاكي رجلي قدامك وبعتب.. ؟؟ هاهاهاه
ياخي والله في الكلام القلتو ده كلو.. كنت فخور جداً بوصفك
لي باني اخو اخوان.. حفي انا بخوتك وممتن لكل نصحية قدمتها
لي, ولكل توجه هداني الى سواء السبيل.. لك خالص ودي يا عثمان
وعميق (خوتي)
| |
|
|
|
|
|
|
|
|
|
Re: مبروك يا نشأت (Re: عثمان فضل الله)
|
ملاسي
كيفك
تستحق الحلاوة والله
رغم ان الخبر وصلنا قبل ما نشوفو في المنبر
تعرف صاحبك دا اتورط توريطة كبيرة (كدي بي رواقة) راجع كلام عثمان
زمان نشأت كان بيحب والموضوع ونسات وجلسات وكدا
هسي خلاص بقى فيهو قسيمة (قيد صحفي) وتاني فرفرة مافي
وأزيد ليك كلام عثمان بي مقولة
انو الصحافة هي المرأة التي لا تقبل بوجود الضرّة
...
وفوق لى دا كلو في ناس مطلعين الصحفيين ديل حرامية ومساحين (...)
وطبالين
وكمان هناك من شتمهم شتيمة عينك عينك (في بوست) لا يزال يوالي الارتفاع
...لكن نقول شنو
نشأت (الحب) عماه
ووصلو لي حد هنا
...
يا نشأت ما بنقول ليك مبروك
لانك بي (ورقة ولى بي غير ورقة)
ياكا نشأت
ال
ف
ن
ا
ن
والجميل
وعقبال
(الورقة) بتاعت المأذون
| |
|
|
|
|
|
|
|
|
|
Re: مبروك يا نشأت (Re: saif massad ali)
|
الاخ حسين ملاسي التحية
والف مبروك للزميل الراقي نشأت
وقد خذلنا عدم توفر خدمات النت امس ..حاولنا انا واحمد مكنات دون جدوي
نرحب بنشأت متورطا جديدا في سجلات مهنة النكد
برغم انه ظل يمارها وبأقتدار لوقت ليس بالقصير
تهانينا
| |
|
|
|
|
|
|
|
|
|
Re: مبروك يا نشأت (Re: salma altijani)
|
ليتنا نضع رجلاً على سلمة واحدة.. من سلالماً شاهقة نراك قد
اعتليتها عنوة وعلماً.. العزيزة سلمى التجاني.. لك الود
قدرما شددتي على يدي مشجعة..
ما نعتني به من رقي.. لا يعدو كونه قطرة من محيط رقيك العالي
شكراً جميلاً لرقيق تهنئتك
| |
|
|
|
|
|
|
|
|
|
Re: مبروك يا نشأت (Re: عادل فضل المولى)
|
يا عادل يا جميل..
ياخي ناس المجلس ديل بقوا لي في رقبتي الا القيد.. ووقفوني من الحياة..
الحياة السياسية.. وجابو جواب للراي العام.. والسوداني لو ما كانت بتصدر
بره كان شالوا صورتي (الخايف عليها) منها.. اها امتحنا.. واستلمنا الوثيقة..
ما شايف انو في حاجه حتتغير فيني.. انا بكتب باحساسي.. بدون ما امايز نفسي ولا اختها
في خانة الاحتراف.. لحدي هسه انا ما فاهم ليه القيد ده وامتحانو..؟ لكن تقول شنو؟
الكتابة يا ابو محمد احساس قبل ما تكون اي حاجه تاني.. لكن اهو.. مشينا معاهم للاخر..
| |
|
|
|
|
|
|
|
|
|
Re: مبروك يا نشأت (Re: Elmosley)
|
استاذي الجميل الموصلي..
لك التحنان اكمله والشكر اجزله على ثقتك الغالية..
شهادتك تاج يزين هامتي.. وحريرة الفها حول معصمي
و(أبشر) بها.
| |
|
|
|
|
|
|
|
|
|
Re: مبروك يا نشأت (Re: Agab)
|
عثمان و عادل فضل المولى؛
تذكيركم نشأت بما سيلاقيه من جراء عمله كصحفي محترف؛
ذكرني بذلك الشخص - لا اعرفه - الذي لاقيته و انا خارج
من الاستوديو في يوم زواجي؛ حيث قال لي:
- اضحك كويس ..... عامل لي فيها فرحان!!
| |
|
|
|
|
|
|
|
|
|
Re: مبروك يا نشأت (Re: خالد عويس)
|
هل أقول مبروك يا نشأت؟
حسناً سأقولها...
لأنك تستحقها ناجحاً في إمتحان القيد الصحفي وناجحاً في مهنة المتاعب قبلها، لو أن هذه المهنة تعطي "حريفاً" لما وجدت نفسك مضطراً لإمتحان الكبر هذا، وللعلم فأنا مثلك جلست لإمتحان القيد "مكرهاً لا بطل"، مع أنه لا يضيف شيئاً، لكن الواقع الصحفي جعله شرطاً، مع أن كل الإمتحانات الممكنة لا تصنع صحفياً ألمعياً مثلك !!
لكن مبروك في كل الأحوال ..
فقد أثمر الجهد، وليت شباب الزملاء القادمون يتركون لإمتحان القارئ؟ وليتنا نكون محكومون بتقاليد المهنة التي تحرسها نقابة ديموقراطية فقط بلا قيد وبلا مجلس ..
| |
|
|
|
|
|
|
|
|
|
Re: مبروك يا نشأت (Re: أحمد يونس مكنات)
|
استاذي العزيز مكنات
كنت اكتب قبل القيد بسنوات.. لكنهم بدأوا معي سلسلة من المضايقات.. والملاحقات.. لا اخرج منها الا عبر هذا القيد..
هكذا قد خبروني ثم قالوا لي.. امتحن..
وها قد (ترجلت) وامتحنت.. والحمد لله
اها.. زي ما بقول استاذنا سعد الدين ابراهيم (النشوف اخرتا).. ربك يسهل
| |
|
|
|
|
|
|
|
|
|
Re: مبروك يا نشأت (Re: خالد عويس)
|
أستاذي خالد عويس:
لك خالص ودي.. وبالغ اسفي اذ رافق حضورك الى السودان
كثيراً من الاجتماعيات التي دعتني لترك الخرطوم ردحاً من الوقت
قضيته بين الاهل بمدني.. فحال كل ذلك من افراح واتراح دون لقائك
باذنه تعالى نحاول ان نجعل من حضورنا قيمة..
| |
|
|
|
|
|
|
|
|
|
Re: مبروك يا نشأت (Re: بخاري بشير)
|
يا ود البشير ات للشعر ميزانو
شاكرين طلتك واليوم خصالك بانو
بوستا فيهو ات ياداب حروفو ازدانو
وما اصلو الكتاب بتخبرو من عنوانو
قبلي ات رقصت الكتابة وادتك شبال
ودرباً فيهو متلك بنسيرو حت ان طال
ما بنفتر يمين نقول طريقنا محال
نسير فيهو ونقول تتحقق الامال
| |
|
|
|
|
|
|
|
|
|
Re: مبروك يا نشأت (Re: بخاري بشير)
|
مبروك يا الإمام نشأت وصلت الميس
وفي بلاط المليكة الليلة صرت عريس
صاحبة الجلالة مهرها ماهو رخيس
داير ليهو عركة ودردرة وتكريس
ود عقيد
| |
|
|
|
|
|
|
|
|
 Re: مبروك يا نشأت (Re: nashaat elemam)
|
العزيز نشأت
الف مبروك وفي كل خطوة نجاح يارب
..
.
معليش دئاما بجي آخر واحد حتى في الكورة كنت بلعب آخر زول ..
..
.
ملاسي | Quote: - اضحك كويس ..... عامل لي فيها فرحان!! |
شفت عشان كده الواحد عامل مجنون
| |
|
|
|
|
|
|
|
|
|
Re: مبروك يا نشأت (Re: tmbis)
|
العزيز تمبس:
(الخيل الاصيلة دائماً بتجي في اللفه)
العبره في جمالية حضورك بغض النظر عن موعده..
كن انت هنا.. يكن معنا الجمال حاضراً.. وتخير انما تشاء
ومتى ما تشاء..
| |
|
|
|
|
|
|
|
|
|
Re: مبروك يا نشأت (Re: tmbis)
|
يا تمبس.. ياخي بمناسبة جيتك المتأخرة.. اخونا معتصم دفع الله شايفو
طول ما قاعد يجي نهائي في المنبر.. ان شاء الله عافية؟؟
| |
|
|
|
|
|
|
|
|
|
Re: مبروك يا نشأت (Re: Agab)
|
الفنان العجب:
شكراً للتهنئة.. على الرغم من اني كنت متنظر منك
اغنية.. او حتى رنة بمناسبة النجاح.. لكن برضو
كتر خيرك على الطلة.. وابقى سمعنا قصائد نادية عثمان
بعد ما تلحنها.. عشان نعمل ليك ليها ( نقد فني ).. بعد
ده تعبتو معاي تعب شديد..هاهاهااها
| |
|
|
|
|
|
|
| |
Hussein Mallasi
waleedi399
nashaat elemam
Muna Khugali
Ibrahim Algrefwi
عثمان فضل الله
عادل فضل المولى
saif massad ali
Elmosley
Agab
بخاري بشير
Abdulla Ageed
tmbis
فيس بوك
تويتر
انستقرام
يوتيوب
بنتيريست