دعواتكم لزميلنا المفكر د.الباقر العفيف بالشفاء العاجل
|
|
 ما ممكن يا ناس جريدة الصحافة
|
في الصفحة ال 12 لجريدة الصحافة الصادرة اليوم الاثنين 26/9/2005
ورد اسم الصحفي طارق شريف مرتين؛ مرة في رأس عموده "في دائرة الضوء"
و مرة في اللقاء الذي اجراه مع الفنان نور الشريف.
كما ظهرت صورته في نفس الصفحة مرتين مرة صورة صغيرة تبع العمود
و مرة في صورة البورتريه الكبيرة بجوار نور الشريف في حواره معه.
و بالمناسبة اسم الصحفي ما مفروض يتكتب في صفحة واحدة اكتر من مرة؛
حتى لو كان كاتب المواضيع كلها؛ و كان تكتبوا الاسم في احد المواضيع
و في التاني يا تكتبوا المحرر يا (ط.ش) ... او يتأجل العمود لفرصة سعيدة اخرى.
|
|
 
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
في واحد اسمو
مقدم شرطة
محمد على عبد الجبار
الامتداد جبرة
رسل رسالة و قامت الاستاذة امال عباس بنشرها في عمودها "صدى" في نفس
العدد في الصفحة الثانية بعنوان "الله لا جاب يوم شكرك" و هي في
ذكر فضائل الفريق شرطة الوسيلةعلي الطاهر و الذي يبدو انه قد
احيل على المعاش اخيراً؛ جاء في الرسالة ذكر فيلم زوجة رجل مهم فكتب:
تبادل بطولته المبدع الراحل احمد زكي و الممثلة الرائعة نجلاء فتحي .... الخ
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الناقد .... ملاسى .. ياخ قول بسم الله ........
وليه ما ممكن مش كل صحفى بقى يكتب ... ويقول الدايرو ؟؟؟؟
| Quote: ).. وبلغة عادل امام (انتو بتقيبو الحاقات دي منين؟) هاها |
من جريدة الصحافة !!!!!!!!!!!!!!!!!! يا نشات
وفى نفس العدد فى الصفحه الاولى جايبين خبر رئيس قطبى المهدى
بنفى الحديث الكتبته الصحافه عنه فى عدد امس ... وكان خبرها الرئيس
وكمان المين شيت بتاعها .........!!!!!!!!! الراجل قال دا اصلو ما
كلامى .... واجبرهم على ايراد نفيه فى الصفحه الاولى
انت دحين ... دى ما الحته الشغالين فيها اعضاء البورد
الصبوحه ........ وامور عبد الماجد ؟؟؟؟؟؟؟؟؟؟؟
| |
|
|
|
|
|
|
|
|
|
Re: ما ممكن يا ناس جريدة الصحافة (Re: هميمة)
|
و يوم داك - برضو في الصحافة - و في لقاء الجريدة الاخير مع ياسر عرمان؛
كتبتوا " اجراه القسم السياسي" و بعدين كتبتوا كلام عرمان و هو يخاطب
صباح أحمد بالاسم.
فيا كان تكتبوا أجرت الحوار صباح احمد يا كان مافي داعي تجيبوا سيرة
صباح احمد بالاسم في ثنايا الحوار.
و واضح انو الكتب " أجراه القسم السياسي" ما قرا الحوار و قام بنسخه
و لزقه على الجهاز ... خبط لزق ... او قص لزق!
قليل من الانتباه بيخلي المهنية تبدو عالية !!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
| Quote: واجبرهم على ايراد نفيه فى الصفحه الاولى |
بس المشكلة في الصفحةال 13 في كاريكاتير لفارس
بيظهر فيهو اتنين بيشوفوا في التلفزيون:
في الرسم الاول؛ الاول بيقول للتاني:
انتو ساكت ظالمين الحكومة دي ....
حسي يختاروني و شوف حأعمل ليكم شنو.
الرسم التاني اثناء اذاعة التشكيل الوزاري:
الداخلية فلان
الخارجية فلان
الثروة الحيوانية فلان
ال ...
ال ...
ال ...
في الرسم الاخير؛ الاول - نفسو بتاع قبيل - بيقول للتاني:
دي حكومة كوتات
دي حكومة ما قومية
دي ....
دي ....
| |
|
|
|
|
|
|
|
|
|
Re: ما ممكن يا ناس جريدة الصحافة (Re: عبد الله عقيد)
|
الاخ عقيد
تحية و تقدير
بتحتاج لرد؛ و رد مطول كمان؛
و مثل هذه الردود بتحتاج وقت لصياغتها و كتابتها؛
لذا تتأخر قليلاً؛ و لكن الامور بخواتيمها؛ فما دمت قد
ندمت على المداخلة و سحبتها - معنوياً - فلا يمكنني حينها
الا ان اسحب ردي عليها كذلك؛ و كفى المؤمنين شر الردود.
و لولا مقتي الشديد للعبارة المستهلكة "لك العتبى حتى ترضى"
فلربما كنت قد كتبتها لك.
و تقبل تحياتي
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الأخ حسين
تأكد أن تقديرك عندي ثابت
ولم يكن سحب مداخلتي (معنويا) بسبب تأخر الرد
ولكن بسبب أنني فهمت من مداخلاتك التالية
ومداخلات الدكتورة هميمة أن جريدة الصحافة
بها الكثير من الأخطاء وليست فقط الأخطاء
التي ذكرتها في افتتاحية البوست..
وأحسست أن ردي كان خارج الموضوع
ولذلك كتبت ما كتبته توضيحا..
بدلا من أن أسحب المداخلة (أمسحها)
ولا ألومكم على (تهزيئكم) للجريدة
فهذا حقكم طبعا،
وبما أنني لا أقرأ الجريدة
فأعتبرت نفسي (مسطح) وكأن كتابتي
كانت خارج السياق.. !!
لا حولاااااااااااااااا.. دا كلو توضيح؟؟
ولولا أنك تكره عبارة (لك العتبى) لكتبتها
لك..
ولك تقديري (الثابت)
| |
|
|
|
|
|
|
|
|
|
Re: ما ممكن يا ناس جريدة الصحافة (Re: عبد الله عقيد)
|
ليس استهزاءاً يا عقيد؛
بل هي دعوة للتجويد و عدم الاستسهال.
فللجريدتين - الصحافة و الرأي العام -
مكانة كبيرة عندي؛ لذا وددت لو ان خليتا
من الاخطاء المهنية البسيطة.
و احسن يلقوا ليهم زول ينبههم على بعض الحاجات؛
من ما يفتكروا ان ليس في الامكان ابدع مما كان.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
تحياتي ملاسي
والله معزة خاصة لناس الصحافة صراحة اصبحت عندي رقم 2
بعد الراي العام ورقم ثلاثة بعد الانباء الاولى ورقم واحد
بعد توقف الانباء اليومين ديل ..
وصراحة ناسة كلهم ما ساهلين
واليومين ديل رقم واحد عندي بلا منازع
للعلم ترتيب الصحف عندي يتغير اسبوعيا
زي التوب تين ..
وشباك التذاكر الامريكية
وبما انك ذكرت بعض الهنات فانا اود ان اذكر
لهم ان موقعهم الالكتروني كتصميم اظنه الافضل في المواقع
الالكترونية للصحافة السودانية عموما
| |
|
|
|
|
|
|
|
|
 Re: ما ممكن يا ناس جريدة الصحافة (Re: Hussein Mallasi)
|
العزيز ملاسي، سلامي
[حروف إسمك نفس الحروف لـ سلامي]
طبعا إنت برضو زول مسلّط.. في مداخلتك "غير الرئيسية" جاء..
Quote: احيل على المعاش اخيراً؛ جاء في الرسالة ذكر فيلم زوجة رجل مهم فكتب:
تبادل بطولته المبدع الراحل احمد زكي و الممثلة الرائعة نجلاء فتحي .... الخ |
الزول دا لازم يكونوا أحالوهو على المعاش لأنه لا يعرف أن الفيلم بطولة الفنانة ميرفت أمين وليست نجلاء فتحي [وأنا ذاتي المعلومة دي مبصصني ليها].. وطبعا الفيلم يحكي عن مراكز القوى وكدا..
طبعا إنت كل ما تكتب بيظهر إسمك برضو في المنبر.. وكذلك أنا.. وكذلك كل من يكتب.. إذن البورد ليس صحيفة..
لكن المحيرني إنت عرفت قانون الكتابة الصحفية دي من وين؟؟
طيب سؤال: مؤكد تكون بتعرف إجابته لو كنت متابع للمنبر.. لماذا سميت "الماسورة" حنفية؟؟
ولك شكري..
ياسر
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Yasir Elsharif)
|
سلامات يا ياسر؛
| Quote: و الممثلة الرائعة نجلاء فتحي |
اظرف حاجة في الموضوع الرائعة دي!
| Quote: إذن البورد ليس صحيفة.. |
طبعاً ... و دا الكلام القاعد يقولوا اخونا الخواض ليهو مده.
| Quote: لكن المحيرني إنت عرفت قانون الكتابة الصحفية دي من وين؟؟ |
اوعك تكون مصدق انت برضو اني بتاع ترمس و كدا!!
اما الماسورة و الحنفية فيلزمني بعض
التنقيب في اضابير البورد قبل الاجابة.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ملاسي
في الحقيقة أنا لا زلت أستغرب في مسألة أن الإسم لا يتكرر في الصفحة الواحدة دي..
أما مسألة الحنفية فيقأل الشيخ الأزهري في مصر الذي أفتى بأن استعمال الماسورة حلال إسمه "حنفي"، فسميت الماسورة بالحنفية.
أنا حسن الظن بك يا ملاسي بالرغم من أن الترمس حلال..
لك تقديري
ياسر
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Yasir Elsharif)
|
من الحاجات اللاحظتها في الجرايد انو بعض كتاب الاعمدة بيكتبوا
كلمات او جمل ثابتة في نهاية كل عمود؛ فمثلاً:
تكتب امال عباس = هذا مع شكري و تقديري
و تكتب رباح الصادق = و يبقى الود ( اكتب من الذاكرة )
و يكتب عبد العال السيد = و سامحوووووووني
و هكذا؛ و لا اعلم ماهي القيمة التي يمكن ان تضيفها مثل
هذه الجمل و الكلمات القصيرة التي تلصق في نهاية كل مقال او عمود!
| |
|
|
|
|
|
|
|
|
يا عقيد انت شغال برضو فى الصحافة ؟؟؟؟؟؟؟؟؟؟
نشات مبروك القيد الصحفى متابعة اخبارك !!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: هميمة)
|
سلامات يا لؤي
فعلاً تصميم موقع جريدة الصحافة على الشبكة تصميم ممتاز.
و بمناسبة التصاميم؛ مرات بتلفت نظري عناوين صحيفة اخبار اليوم؛
فاشتريها؛ الا انني و بسبب تصميمها لا استطيع قراءتها .. و ان قرأتها
لا افهم ما قرأته!
| |
|
|
|
|
|
|
|
|
 Re: ما ممكن يا ناس جريدة الصحافة (Re: Hussein Mallasi)
|
Quote: الا انني و بسبب تصميمها لا استطيع قراءتها .. و ان قرأتها
لا افهم ما قرأته! |
والبوست ده بقى عامل زي الشارلستون ياعمووو
وعن ازنك عايز هميمه في كلمتين
هميمه ازيك
امسحي الاقتباس الحاولتي تعمليهو في آخر مداخلة
لانو البوست انبعج ولي قدام .. بيتشفر
ولما يتشفرالواحد ما بقدر يتابع إلا يجيب ليهو نضارة
وبوست لما يكون فيهو هميمه وملاسي .. ونشأت بيكون دمو خفيف
بالمناسبة
وقفتي الدعم اللوجستيكي بالنسبة لي مالك ؟؟
يعني خوة بورداب ؟؟
ممكن تعيدي ارسال الرقم
لانو ما بيجيني رد ياهميمه
| |
|
|
|
|
|
|
|
|
|
Re: ما ممكن يا ناس جريدة الصحافة (Re: هميمة)
|
بعض الاعمدة تعطي عكس المراد لو يعلم اصحابها:
افق قريب ....دي تبع التقليد والافق القريب هو النظر تحت الارجل فقط
بلا رتوش ..... ودا بي رتوشو... والحاله
الوسطاء يمتنعون.... عشان إتوسط هو براهو
ومن ذمان كنت بفكر لو(عبدالعال السيد) سحب (سامحووووووووووني) دي اكون افضل
والله انا ما بقدر اقرأ عمودوا الا الصق فوقها لصقة بتدي احساس س خ .....ين
او
ملاح بايت .
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
والله يا ملاسي تصميم موقع الصحافة على الشبكة ما ظنيتو ممتاز...
التبويب غريب جدا وما بتفهم على أي أساس..
مرات الخبر يكون في الصفحة الأولى...ولما تضغط عليه يمكنك قراءته كاملا..
تجي تلقى نفس الخبر مكرر في صفحة مع الأحداث مثلا...ومعاه مواد تانية ما واردة في الصفحة الاولى..
بعدين تضغط في القائمة الجانبية على الأخبار..يجيك خبر ثقافي واحد ..ودة الحاصل اليوم
وبالمناسبة الموقع لم يتم تحديثه من يوم 23/9
نفس الشئ صفحة الرياضة..عامود الرشيد علي عمر مرات بيكون في صفحة الأعمدة..ومفروض يكون في الرياضة ..ودة بيحصل مرات
| |
|
|
|
|
|
|
|
|
|
Re: ما ممكن يا ناس جريدة الصحافة (Re: haleem)
|
تعرف يا مبروك؛ سامحووووووني بتاعت عبد العال
السيد دي بتذكرني سامحوني بتاعت عجوز سيدتي داك.
و بصراحة؛ اعتقد ان سامحووووووووني دي ما بتخدم اي
غرض و هي في وادي و ما يكتب في العمود في وادي آخر.
و على العموم لا يسعني الا ان اقول لعبد العال:
- مش فاهم نظرية سيادتك!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: saif massad ali)
|
اما اللازمة التي يختم بها كمال حسن بخيت أعمدته و هي :
"و الله الموفق و هو المستعان"
فذكرتني بتلك المحاضرات التي نظمتها جريدة المحرر عن فن كتابة المقال الصحفي؛
ففي نهاية المحاضرات فتح المحاضر - المصري - الباب للاسئلة؛ فسأل احد الحضور؛
و لعله من الصحفيين الشباب - او لعله مهتم بالصحافة - و قال:
- لماذا لا يحرص كتاب الاعمدة و المقالات على افتتاح مقالاتهم و اعمدتهم بالبسملة.
صمت المحاضر عدة ثوان؛ إذ يبدو ان السؤال قد باغته؛ ثم قال:
ان للكتابة الصحفية قوالب و اصول يجب الالتزام بها؛ و عليه يمكن لكاتب المقال
ان ينطق بالبسملة عند البدء في كتابته للمقال؛ و لعل ذلك يغنيه عن كتابة البسملة
في كل مقال و عمود.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
شكرا نبيلا للاخوة الذين تداخلو وللعم ملاسي الذي اهدانا عيوبنا وهي عيوب نسعي بجدية لمعلجتها ونتناولها يوميا في اجتماع يومي يجمع المحررين العاملين بالصحيفة مع ادارة التحرير لمعالجة الاخطاء والعمل علي كبحها في اطار التجويد
اراء ملاسي جيدة والصحيفة اي صحيفة تحتج بالفعل لاراء القراء لانه في الواقع تموت ان اغلقت ابوابها امام القراء
شكرا للقراء الذين ما بخلوا علينا يوما بالنصح شكرا لقارئنا الكريم ملاسي وللخالة هميمة ولكل الاعزاء
| |
|
|
|
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
ورد في معظم صحف الخرطوم الخبر الذي يؤكد ان كوبري النيل الابيض سيعاد افتاحه ابتداءاً
من اليوم. و لان عنوان البوست عن جريدة الصحافة فسأورد عنوان الخبر كما جاء بالصحافة؛
فقد كتبت نهى الشيخ:
تكدس في الكباري و الشوارع وسط غياب السلطات
فتح كبري امدرمان امام حركة المرور طيلة الاسبوع
و جاء في الخبر :
و كانت الادارة العامة للمرور بولاية الخرطوم اعلنت عن فتح جسر النيل الابيض
الرابط بين مدينتي الخرطوم و امدرمان امام المركبات العامة طيلة ايام
الاسبوع ابتداءاً من اليوم.
و قبل الدخول في التفاصيل اقول ان ما يسمى بجسر النيل الابيض
لايمكن الا ان يكون رابط بين الخرطوم و امدرمان!
اما عن تفاصيل الخبر فاقول ان الناس زمان كانت بتقول كلام جرايد؛
اما الايام دي فبتقول كلام الادارة العامة للمرور.
ما ممكن تكون معظم الجرايد كتبت كلام جرايد ما لم يكن هنالك مسؤول قد صرح
في مؤتمر صحفي او في رسالة وزعت على الصحف ان الكبري سوف يعاود العمل اليوم.
و طبعاً غني عن القول ان الكبري لا انفتح و لا من يحزنون.
و لمن هم خارج السودان اقول ان الازدحام في مدخل الكبري الجديد من جهة امدرمان
في الصباح و من جهة الخرطوم اخر اليوم لا يمكن وصفها؛ اذ يحتاج اجتياز
مسافة 2-3 كيلومترات لاكتر من ساعتين .... 120 دقيقة يعني ..... 120 دقيقة
مش تسيح العربية ... دي تسيح ابو العربية و الجوا العربية!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
و لكن ... هل كانت ادارة المرور هي التي اغلقت الكبري
لتصرح بانه سوف يعاد افتتاحه ابتداءاً من يوم الاحد!!
و ان لم تكن هي التي اغلقته و لا تملك ان تعيد افتتاحه؛
فما الفرق – حينها - بين ان تصرح ادارة المرور و ان يصرح عبد الحي خوجلي!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
صديقى اللذيذ الرايق ملاسى تحياتى
وبعدين ما قلت لينا عن العمود او المقال ابو عنوانين وده على وزن البندقية الخرطوش
ابو ماسورتين .من نوع ( ترانيم فى الشان الكروى او هلال مريخ الاخيرة فى الميزان),
و(التكنوقراط وتعكير المزاج او مايحدث من قدماء الموظفين) قال المتفيقهون يقرا
مع الكراهة ولكن يهمنى راى ملاسى كثيرا ودمتم،،،،
| |
|
|
|
|
|
|
|
|
|
Re: ما ممكن يا ناس جريدة الصحافة (Re: صديق الموج)
|
كيف الاحوال يا موج
في الغالب المقالات ابّات ماسورتين دي يتم الاكتفاء بقراءة عناوينها؛
لذا لابد ان يكون العنوان كبيراً بما يكفي عشان الزول ما يطلع من الموضوع المكتوب ملوص.
لو العنوان مليئ بالحشو فما بالك بالمتن يا صديق!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الاستاذ كمال حسن بخيت اعتاد ان يصف في مقالاته الافتتاحية او اعمدته و بصورة مستمرة عندما يرغب في الكتابة عن من يكن لهم شعوراً طيباً من المسؤولين و ذوي الشأن او من تربطه بهم علاقة شخصيه؛ اعتاد ان يصفهم بكلمة اصدقائي فلان و فلان .. او صديقي فلان.
فهذا بالاضافة لكونه يقدح -مستقبلاً - في مصداقية افتتاحياته عندما يكتب مدافعاً او مشيداً باداء احد "الاصدقاء" فانه ايضاً يظهره في نظر القراء بمظهر لا اعرف كيف اعبر عنه؛و ربما لا يكون ذلك كذلك او لعله – فعلاً - غير ذلك ... الا ان هذا ما يتبادر لذهن القراء ... و يتردد على السنتهم عندما يقع نظرهم على كلمة "صديقي" هذه و مشتقاتها.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
القاريء العزيز عمنا ملاسي
يااخوي انت ما عارف الفرق بين شرطة المرورو وشرطة الموانيء والا شنو
الكوبري قفلتوا حكومة الولاية للصيانة قروش الكوبري مدفوعة من وزارة المالية الولائية والاشراف الهندسي للطرق والجسور والفني لوزارة اللذين طنشوا
لو بقيت صحفي ليوم واحد وقالوا ليك في ازمة مرور بسبب اغلاق الكوبري يا ملاسي حاتتصل بي ناس المالية عشان تجيب الخبر
ولو ناس الشركة وقفوا العمل بسبب عدم تسلمهم للاستحقاقات المالية حاتتصل بي ناس المرور تجيب الخبر
الزول قال الافتتاح اليوم ما قال صباح اليوم والكوبري امس المساء شغااال
واليوم شغااال وانا كنت هناك الصباح وقابلت المسؤول
اعمال الصب في الطريق الرئيس انتهت وتبقت السفلتة ودي خطوة ساهلة الي حد ما لانو نوع الخرصانة المستعملة في اعمال الصب بتتاثر بالاهتزازات الناتجة عن مرور السيارات حسب افادة المهندس الجنوب افريقي
يعني خبر الصحافة ما كاذب يا حبيب
خلي ملاحظاتك دقيقة
كلامك عن كمال حسن بخيت ممكن تكتبه ليهو في رسالة قاريء متابع
ومااظنك محتاج اوصف ليك الراي العام بي وين
ماتقووول لي قافلنها ذي الكوبري
سمعت اغنية السوق العربي قفله معانا
لو ماسمعتها اضرب لي ناس المالية
قالوا عايز تمتحن قيد صحفي
غايتو القيد الله يكون في عونه
| |
|
|
|
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
سلامات يا امير
| Quote: الزول قال الافتتاح اليوم ما قال صباح اليوم والكوبري امس المساء شغااال |
جاء في جريدة الرأي العام الصادرة اليوم بقلم حافظ الخير الاتي:
اسباب فنية تؤجل افتتاح جناحي كوبري النيل الابيض
قال العميد صلاح الدين بابكر مدير العمليات بشرطة المرور
ان اسباباً فنية طارئة قد حالت دون فتح جناحي كبري النيل الابيض القديم
امام حركة السير امس و اكد صلاح للرأي العام ان افتاح الكبري سيتم اليوم ... الخ
اها يا أمير نصدق منو!!
بخصوص الرسالة لكمال بخيت؛ افضل ان ابعثها له من خلال هذا المنبر؛
و ذلك افضل من ان اضرب مشوار للرأي العام و اترك رسالة في الاستقبال
قد تصل و قد لا تصل.
Quote: لو بقيت صحفي ليوم واحد وقالوا ليك في ازمة مرور بسبب اغلاق
الكوبري يا ملاسي حاتتصل بي ناس المالية عشان تجيب الخبر |
حتى لو ما بقيت صحفي يا أمير؛ لو عايز اعرف الكوبري حيتفتح متين
حأسأل الزول القفل الكوبري؛ و طبعاً بتكون عارف انو ناس المرور
ما هم القفلوا الكوبري عشان كدا معلوماتهم عن فتح الكوبري ما بتكون دقيقة
و بيكون مصدرها برضو الزول القفل الكوبري.
و طبعاً بتكون عارف انو الاخبار بتكون اكثر دقة عندما تؤخد من مصادرها الاصلية.
تحياتي
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
العم ملاسي
انت بتتكلم عن جريدة الصحافة وعن اخطاء فيها ماتنطط ساكت
الكوبري مساء امس كان شغاال اعتبر روحك صحفي لساعة واتاكد من الموضوع وما تسالني عن خبر في جريدة تااانية عايز تتكلم عن جريدة الصحافة قول الاخطاء موضوعية تشكر عليها فارغة سااااكت بخليك تشيله براااك
مش انت الجبتها
خبر الصحافة امس صحيح ونشرت مادة عن الحاصل في الصفحة الثامنةوموجودة في البورد
للاطلاع
حاجات الراي العام اعمل ليها بوست براها
لانو البوست ده حسب العنوان خصصتوا للصحافة
مرة تانية برحب بيك كقاريء
ومنتظر ملاحظاتك
بس
مااااتطووول
| |
|
|
|
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
اسمع يا امير البوست دا حقي اكتب فيهو العايزو؛
الكلام العن الصحافة شيلو كان داير تشيلو و الكلام
العن الرأي العام خليهو لناسو.
انت بتقول انو الكوبري اتفتح بالليل؛ و حافظ الخير
و اللواء بتاع المرور بيقولوا انو الكوبري ما اتفتح امس.
جريدتين كبار كل زول بيقول كلام براهو.
الناس الما مرت بالكوبري تصدق الكلام البيقولوهو ناس جريدة
الصحافة و للا تصدق ناس الرأي العام!!
و بعدين انت صحفي كبير؛ مفروض تكون عارف انو مافي حاجة اسمها
الكوبري اتفتح المسا؛ في حاجة اسمها الكوبري اتفتح الساعة كم!!
و بالمناسبة ترحيبك بي كقارئ بشكرك عليهو؛
بس لو رحبتا و للا ما رحبتا ما اظنو حيفرق كتير.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
اعصابك يا عمو ماترفع ضغطك ساكت تموت علينا
منو القال ليك البوست حقك تكتب الدايرو
يعني دي بالغت فيها عديل كده
يجازي محنك
دي ما مني لقيتهم كاتبنها ليك
او
كاتبين ليك حاجة قريب منها
ترحيبي بيك كقاريء
معناهو بوضوح انك قاريء من القراء
ونحن بعتز باراء القراء
مهما كانت
موضوعية
وال زي الكلام بتاع طق الحنك اياهو
بوستك للعلم بالغتو ياناس جريدة الصحافة
ونحنا ناس جريدة الصحاف
خليك عااااقل و
شاااطر
وادينا ملاحظات عن الجريدة نستفيد منها
يلا يشاطر
منتظرك
| |
|
|
|
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
اقول ليك انك بتكتب كلام و نسات؛
تقول لي ضغطك و بتموت!!
اسمع يا امير عشان تتعلم؛ بكررا ليك تاني؛
مافي صحفي بيعرف شغلو بيقول كلام بيعتبروا خبر
انو الكبري فتح المسا؛ دا كلام تقولوا في ونسات مع
اصحابك؛ بس في الصحافة المضبوطة مافي حاجة اسمها فتح المسا.
و بالمناسبة خبر انو الكبري فتح المسا ما مكتوب في الصحافة اليوم؛
عشان كدا الصحافة غير مسؤولة عن خبر زي دا؛ دا خبر تتحمل مسؤوليتو براك؛
لانك لو وديت خبر زي دا مدير التحرير بيرجعوا ليك و يقوليك مافي حاجة اسمها
كبري فتح المسا؛ و للا يصلحوا بالنيابة عنك!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
و برضو يا امير عشان تتعلم تشتغل صحافة صاح؛
لو قطعت الكهربا في البلد ما تمشي للناس البتبيع الجنريترات
و تسألهم الكهربا قطعت ليه!!
و برضو ما تمشي تسأل الكهربجية و بتاعين المغالق.
و ما حأقول ليك تمشي وين ... دي اسأل منها اي زول
في الحافلة البتركبا و هو حيوريك تسأل منو عن قطع الكهربا.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
اهو ملاسي بقي يتكلم كخبير اجنبي
انت يامااان العرفك شنو انو الصحف ما بتقوول في الاخبار مساء امس وصباح اليوم
يعني ماقريت الكلام ده قبل كده والا سمعتو في فضائية ياااكافي البلاء
انا كنت فاكرك قاريء حصيف وحريف
وشاطر
ياملاسي ماتتشوبر ساكت
انضم علي قدرك
واتونس قدر قدرتك
حاول تدينا ملاحظات ذكية شوية
علي الاقل تكون شايفه ذكية
قدر قدرتك
ماتجهدنفسك
مقدرين
ومنتظرين
ياشاطر
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
حاواصل اديك نصائح مجانية يا امير عسى ان تفيدك
في مشوارك الصحفي الذي اتمنى ان يكون مديداً.
حاول ما تكتب كتير في البورد؛ لانو في البورد مافي
زول بيعيد ليك صياغة كتاباتك .. و ستكون المقارنة بين ما تكتبه
في البورد و ما ينشر لك في الجريدة في غير صالحك!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
اطمئن بركب حافلات حسب التساهيل
مرات الحافلات الكبيرة
روقة نركب هايس
وبنلقي ناس زي ناس
الواحد ينضم نضم كبار كبار وفي الاخر تلقاهو ما عارف معني النضم تاشغال فيهو
نظام بوبار يعني
وده حال البلد
بتاع التلج عندو راي في مناهج الجامعة
وهو ماعارف نهج غير القراهو زمان
انا عندي راي في الرئيس ممكن مايكون مؤسس
اهو راي والسلام
انت عندك راي في الجرايد
ممكن مايكون مؤسس
وتفكها في روحك اكتر من اللازم
ده السودان ياعمنا
ماهو انت هسي بتفتي
كخبير
شاطر
وعارف
حد قال حاجة
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
القاريء الكبير سنا
الصغير ملاسي
معليش ما حااقدر اخد بالنصيحة دي وحااكتب ليك
اولا عشان ماتفكها في روحك انت خليك للتوقيعات والحاجات دي
ماللك ومال الحاجات الاكبر منك دي
ثانيا يامان لما تتكلم عن حاجة علي الاقل يااخي تكون بتعرف عنها حاجة
ماتكون ميحة
قول ليك حاجة ذكية
قبل ما اقووول
ليك
شاطر
يلا انا منتظرك
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
انا بالمناسبة بهتم جدا باراء القراء
وبعتقد انهم اذكياء
ماااتخليني اغير موقفي
انا عايز اراء اكثر ذكاء
اتمني ما تكون الشخص الخطا
علي الاقل في الحد الادني
ياملاسي هو قالوا ليك
البلاش كلوا سمح
فيهو
وفيهو
خلي بلاشك
لو ما سمح
مفيد
| |
|
|
|
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
وسع صدرك يا امير؛ اعرف انك اعتدت على ان يكون القلم في ايدك؛
و حرقك شوية انو القلم ما بقى في ايدك براك ... وطن نفسك على كدا.
ما زلت في بداية طريقك؛ ان اردت ان تصيب نجاحاً في مهنة الصحافة؛
عوِّد نفسك على برود الاعصاب و على ان لا تبادر بالكلام الفارغ.
و على ان تلتزم حدود الادب مهما كان الخلاف عميقاً.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ياعمنا انا بعيد جدا عن الانفعال
وبعيد كمان عن فكرة انو القلم في ايدي براي يعني ما ممكن اقول لي زول البوست ده بتاعي اكتب فيهو العايزو
تفتكر القال الكلام ده ملاسي والا امير عبد الماجد
بعدين ياحبيب لما تجي تكتب عن موضوع وتطلع فتاوي حاول علي الاقل يا اخي اتمكن ولو جزئيا من الموضوع
عشان ما تفقع مرارة الناس
يعني ماممكن الزول يكون
شحاد وبتشرط
اسف علي المثل
لكن حقيقة بيشبه البتعمل فيهو ده
عايزني اوسع بالي
وانت متضايق ن كلامي
والمتضايق ما بفهم
اخد نفس عميق
وخلينا نتفاهم
ايووووه كده
بعد ده
ممكن نبدا
| |
|
|
|
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
انا ما عارف ليه يا امير انت اخدتا الموضوع شخصي و اتصدرتا ليهو؛
واضح انك اخدتا الموضوع شخصي؛ انا لمن كتبتا البوست دا لم تكن انت في
ذهني؛و عندما كتبت عن موضوع الكوبري ما كنتا متذكرك ذاتو و موضوعك بتاع
الصفحة التامنة ما قريتو؛ عشان كدا ما استشهدتا بيهو و اكتفيت بكلام
نهى الشيخ.
لا تظن يا امير ان الصحافة فوق النقد لانها هي التي تنتقد و تراقب؛
فكما ان الصحافة سلطة رابعة فان للقراء سلطة على الصحافة.
حاول تفهم الكلام دا يا امير؛ و انا احاول ان افيدك به و انت في بداية
مشوارك الصحفي.
و لو سألت ليك زول بيعرف اكتر منك شوية في الصحافة حيأكدو ليك.
لا تأخذ الامور بحساسية زائدة؛ و لا تعطي نفسك حجم اكبر من حجمها الحقيقي؛
فان فعلت فستكسب مرتين و ان لم تفعل فستنتهي كصحفي كان يمكن ان يكون جيداَ.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
لو ان الموضوع كان شخصيا يهم امير عبد الماجد لما التفت اليه الا بمقدار الاستفادة من الملاحظات المفيدة
وشكرك لانك ذكرت الحقيقة وذكرت انك لم تطلع علي المادة المنشورة بالصفحة الثامنة من نفس العدد
لانك لو فعلت لعلمت ولما تسرعت
عموما انت جعلت جريدة الصحافة عنوان للبوست
قريت المادة بعضها صحيح شكرتك عليه
وبعضها خطا
نبهتك له
ونبهتك ان تحاول قدر الامكان ياملاسي
ابتعد عن الفتاوي التي لا تمللك مرجعا لها
وتحدث قدر قدرتك
لا تجهد نفسك
حتي لا تفضحها
وتظهر امامنا
ماعااارف
ولا شاطر
عايزنك شاطر
ياحبيب
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
Quote: جسر النيل الابيض سيفتح إعتباراً من السبت (أمس) حيث حيث تنتهي
البرمجة و يفترض ان الكوبري (شغال) الآن. |
ياهو دا المكتوب في صفحة تمانية الفرحان بيها؛
و تجي اسه تقول انو الكبري فتح يوم الاحد المسا.
اها كلامك دا لو ما سموهو كلام جرايد يسموهوا شنو!!
اخير الكلام الكانت كاتباهو نهى الشيخ!
و بالمناسبة؛ بتكون عارف -طبعاً- انو المزدوجات الفي
الاقتباس وردت في الصحيفة و ليست من عندي.
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
يا ملاسى رمضان كريم .............
طبعا دا كلو سببو انو الجرايد الكبيره بتشغل الناس
الصغار .... وتتركهم يرعو فينا بلا ( قيد ) !!!!!!!
تخيل الامور دا الانا خالتو ... ما عارفه ليه بقول عمتو !!؟؟
تخيل انو بتركو ليه كتابة التحليل السياسى للجريدة ؟؟؟؟؟
ايضا .......... بلا قيد .....
عشان كده ما تستغرب لما جريدة الصحافة اول امس يكون المين
شيت بتاعها الوحيد ..... انو رمضان بالاربعاء ؟؟؟؟؟؟؟؟؟ اها الليلة
بمشوا وين ؟؟؟؟ معروف للصحافه انو تحديد بداية رمضان فى الدول العربية
بتدخل فيه .... عوامل غير فلكية ... اصرارهم على الاثارة فى جريدة
مفروض تتوخى الموضوعية والمهنية سببو الوحيد الجماعة البدون قيد
ديل ......... اها الليله ياامور تعال اشرح لماذا رمضان بالثلاثاء ؟؟؟؟
ما تكون عمتك هميمه هى حيطتك القصيرة !!!!!!!!!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: هميمة)
|
اتخيلي يا هميمة عنوان زي دا في الصفحة الاولى في
جريدة الصحافة الصادرة صباح اليوم 1 رمضان:
إغلاق كافة محلات بيع الاطعمة و المشروبات خلال رمضان
لاحظي خلال رمضان!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
خالتو هميمة ازيك
انشاء الله تصومي وتفطري علي خير
لو صايمة طبعا لانو السن برضو بي احكامه
كنت عايز اتكلم معاك وانا ماااصايم
لكن نعمل شنو ماعندنا حظ
يااااخالة تصريح من جورج بوووش انو الجيش الامريكي حا ينسحب من العراق غدا
منشور في الواشنطن بوست مثلا
قام عمك بوووش لسبب او اخر غير رايه
تبقي الجريدة ما مهنية
لانو في عالم توقع او سياسي قال ما حانشارك في حكومة الوحدة الوطنية
انا هنا لا اشك للحظة اننا نخطيء واننا بحاجة الي ملاحظات القراء واراءهم
حتي لو كان هؤلاء القراء في( ذكاء)خالتو فهيمة -اقصد هميمة
بالمناسبة يا خالة والله انا( مقيد)وبحب القيووودوالشعر الغزلي
مع اننا بنتشابه في حاجات كتيرة
ما فيها العمر طبعا
انا قدر ولدك تقريبا
لكن بنتشابه في شنووووو
ماااعارف
ياااااارمضان ياااااكريم
عايزين ملاحظااااان ذكية
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
Quote: تصريح من جورج بوووش انو الجيش الامريكي حا ينسحب من العراق غدا
منشور في الواشنطن بوست مثلا
|
والله كذاب كذب حالتك صايم ؟؟؟؟
يا ود العب بعيد انت قايل الواشنطن بوست دى فيها خمج ذى
بتاعك دا وتلفيق وكذب ؟؟؟؟؟؟؟؟ والله تقرب هناك كورعبنك ما
يمرقنك .....
قال ما انسحب قال ..........
انت ما عندك فكره انو الواشنطن بوست بتكون عارفة حركة الجيش
الامريكى احسن من عرفة بوش ....
وبما انك بى قيدك مفروض انك صاحب رسالة ....
يعنى المهاترات دى ما تبع مهنتك يا صغيرى
شفت انت كيشة كيف ؟؟؟ وبتغرق فى شبر مويه
لاحظ انو ملاسى دا ( مفكوك ) لسه ... ما اتقيد
اخد ساتر !!!!!!!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
| Quote: عايزين ملاحظااااان ذكية |
الملاحظات ذكيه والله .........
لكن العلة فى الملاحظ .... غبى
ودى ما مسئوليتنا ....
انا بقترح عليك تعرض الامر على ناس الحافلة اليوم وانت راجع
بدون ما تدعى انها كانت امجاد !!!!!!!!!
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
رمضان كريم يا جماعة...
والله خليت البوست ماشي كويش جيت لقيت الكترابة..
بس أنا عندي ملاحظة على مستوى اللغة لدى بعض الصحفيين بالبورد
وإكثارهم من إستخدام كلمات مثل
وبمناسبة كمال حسن بخيت يا ملاسي شوف الخبر دة
Quote: قررت لجنة قيد الصحافيين فى إجتماعها المنعقد صباح السبت قيد المذكورين أدناه ضمن الصحافيين الذين يحق لهم ممارسة العمل الصحفى إحترافاً فى جمهورية السودان الديمقراطية وهم:
جواهر سليمان البنا
كمال حسن بخيت
منير صالح عبد القادر
ابراهيم عبد القيوم
عبد الرحمن محمد احمد جلود
احمد سهل محمد علي
إمضاء: محمد الحسن الطيب
رئيس اللجنة
الأيام: بتاريخ الاثنين 2/4/1971م العدد 6210
|
| |
|
|
|
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الظاهر خالتوا هميمه فقدت اعصابة
ياخالة الرووووب
انا عشانك لا مقيد لا شيء
بمرق ليك ..زي مادايرة
بعدين غبي غبي يعني ماانتي غبية
مرقوك من البلد
ماقاعدة
انا مش قلت ليك بنتشابه في حاجه
ياربي الغباء
ياااازوله اعصابك
| |
|
|
|
|
|
|
|
Hussein Mallasi
nashaat elemam
عبد الله عقيد
luai
Yasir Elsharif
tmbis
محمد امين مبروك
saif massad ali
فتحي الصديق
امير عبد الماجد
صديق الموج
banadieha
ياسر مكاوي
عمر ادريس محمد
فيس بوك
تويتر
انستقرام
يوتيوب
بنتيريست