|
دعواتكم لزميلنا المفكر د.الباقر العفيف بالشفاء العاجل
|
|
 Re: لا علاقة لهذه القصة بالاستاذ حسن موسى (Re: Hussein Mallasi)
|
مرة كان في واحد جارنا استاذ, و الاستاذ دا كان محترم في الحلة
احترام شديد خلاص. و لمن الناس تقول استاذ العطا الكلام كان بيقيف ...
اخوان استاذ العطا الصغار كانوا معانا في المدرسة؛ و هو كان استاذ
نفس في المدرسة.
و كان في حصصو كلها كان بيركز علي مكارم الاخلاق و الالتزام السلوكي
و الامور الزي دي كدا.
المهم ما اطول عليكم, يوم انا و جقود و مصران؛ و زي ما قلت ليكم كل
زول عندو اسمين في حلتنا؛ كنا راجعين من المسرح القومي و قلنا نمشي
الموردة نتعشى سمك.
قدام حديقة الريفيرا - طبعا الكلام دا كان قبال 83 – نلقي ليك زولنا
الما بنغباهو؛ استاذ العطا ذااااتو!!
لقيناهو واقع في الارض طينة؛ و كان بيعزف و قميصو مليان نغمات.
ما تتخيلو الصدمة كانت كيف.
المهم رفعناهو و تكلناهو و هو ما قادر يقيف؛ و نحنا في الحالة
ديك قام بال في روحو .... تتخيلوا !!
جقود و مصران قعدوا يضحكوا و قالوا ليهو يا استاذ لو ما بتقدر عليهو
بتشربو مالك. المهم و بصعوبة شديدة لقينا تاكسي و وصلناهو البيت.
انا من الزمن داك و لي الليلة ما بقدر اعاين لاستاذ العطا في عينو
و اعتقد هو برضو ما بيعاين لي. لاكين تتصوروا و رغم مرور اكتر من 25 سنة
علي الحكاية دي الا انني ما زلت متألماً.
فان تري استاذا محترما كاستاذ العطا في ذلك الوضع ليس بالامر الهين
و ان ينهار لك مثلا اعلي هكذا في ثوان شيئ لا يمكن التعبير عنه.
بس تعرفوا لحسن الحظ – او سوءه ما عارف - ناس الحلة ما زالوا علي
احترامهم لاستاذ العطا لانهم لم يشاهدوا ما شاهدته!
| |
 
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Hussein Mallasi)
|
الأخ حسين ملاسي
تحية وبعد
طالعت هذا البوست وبما أنه مبسوط
للتعليق عـشمي أن يتسع صدرك لإحتمال
السؤال التالي
وجدتها مفارقة محيرة وصفك للشخص
الرئيسي في سـردك بالأستاذ عطا
في الوقت الذي يفور فيه مرجل
صدرك حقداً عليه؟ ـ ترى مالسبب
وفي الختام سلام
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Osman M Salih)
|
سلامات يا عثمان؛
Quote: وجدتها مفارقة محيرة وصفك للشخص
الرئيسي في سـردك بالأستاذ عطا
في الوقت الذي يفور فيه مرجل
صدرك حقداً عليه؟ ـ ترى مالسبب |
وصفته بالاستاذ لانة كان - حينذاك - استاذاً.
اما فوران مرجل صدري حقداً عليه؛
فاظنه وصف غير دقيق تماماً.
و تقبل تحياتي و سعادتي بوجودك هنا.
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Abureesh)
|
سلامات يا ابو الريش؛
بخصوص تعليقك الاول؛ فقد كان هو نفس
ما أخبرت به الاخوان جقود و مصران عندما
اكثروا من التهكم على الاستاذ.
اما بخصوص:
Quote: قـرأت القصــة، ولم أجـد أى علاقـة بينهـا وبين
أى شخص محـدد.. فلمـاذا خصصت حسن موسـى بالذات. |
لم تجد انت علاقة بينها و بين اي شخص محدد؛ الا ان هنالك
من تيقن بأن هنالك علاقة بينها و بين شخص محدد؛ و دونك
مداخلات أخي العزيز عثمان.
لذا كان التنويه حتمياً.
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Osman M Salih)
|
"لم تجد انت علاقة بينها و بين اي شخص محدد؛ الا ان هنالك
من تيقن بأن هنالك علاقة بينها و بين شخص محدد؛ و دونك
مداخلات أخي العزيز عثمان."
يا حسين ملاسـى.. الليلـة وقعت معـاى يا قريبى!
أتابع تعليقاتك ومعظمهـا يصب فى خانـة المنطق ومفارقـات الكتاب للمنطق.
طيب نجى لكلامك الفوق دا.. هل تعليق عثمـان صـالح كان قبل قراءتـه للمقال الذى ينفى علاقـة غيـر موجـودة، أم كان بعـده. فإذا كان قبلـه فأعطيك العـذر، وإذا كان بعـده فهـو مثلى، كان يستغـرب من نفى علاقـة بين الموضـوع وبين شخص محـدد دون غيـره.
والســؤال قائم.
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Hussein Mallasi)
|
الأخ حسين ملاسي
تحية
قمت بالتعليق على هذا البوست مدركاً
من عنوانه أن لا علاقة بين الشخصية
الرئيسية مدار السرد والأستاذ حسن
موسى المعلوم
وإنصب تساؤلي و جميع ملاحظاتي فيمن
أسميته بالأستاذ عطا
لا علم لي بهويّة الأستاذ المذكور لأ نه
لا تجمع بيننا ـ أعـني أنا و شخصك
الكريم معرفة سابقة ، لاجيرة في حي
و لازمالة في مدرسة إلخ
وقد أكدتَ ذلك بنفـسك في بوست سابق
فهلا نورتني بمزيد من البيانات عن
الموصوف بالأستاذ عطا
نورنا نور الله دربك!
وأمضي
عثمان محمد صالح
| |
|
|
|
|
|
|
|
|
 Re: لا علاقة لهذه القصة بالاستاذ حسن موسى (Re: Osman M Salih)
|
وكلمــا امر على هذا البوست
تتضخم دهشتي
ونبضات قلبي تتسارع
..
.
اللهم اجعله خير يارب...
وما يزيد حيرتي فعلا ..
انه لا اذكر اسم ( عطا ) بالمورده باستثاء ( عطا ) واحد ولا اظنه كان يعمل استاذا
وعطا آخر هو عطا ابو القاسم لاعب المريخ الدولي..
اما جقود ومصران
ديل برضو ما سمعت بيهم
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Hussein Mallasi)
|
| Quote: لا علاقة لهذه القصة بالاستاذ حسن موسى |
بل هنالك علاقة كبيرة
صدم الكثيرون بحسن موسى, بأسلوبه الذي لا يصدر من أي شخص مثقف محترم !!
تماما كما الأستاذ العطا
كم من استاذ مر في حياتنا كأستاذ العطا؟؟
عندما تحترم أستاذك بشدة
وتجده عكس مايدعي
تشعر بالحزن والغضب وأمور كثيرة
ولا تجد مكانا للإحترام
Quote: يعني يا افندي كان بيضيرك شنو
لو كنتا خليتنا نحتفظ باحترامنا ليك!! |
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: نهال كرار)
|
الأستاذة نهال كرار
تحية متجددة
لست معنيناً إلا بالدلالة الحرفية
المباشرة لعنوان هذا البوست ، يخرج من
دائرة إهتمامي ما يمكن أن يوحي به
العنوان خلاف ما أراد له كتابه
طالعت رايك المبسوط في بوست الصـفوة
الجهلاء و الإنحطاط حسن موسى نموذج،
طالعته في عاصفة التبشيع بفنان تشكيلي
له مساهمات مقدرة بغض النظر عن كبوة
جواده في تلك الرسومات
لو إستمر تعليق بلادنا لمبدعيها على
اسلاك الكهرباء سـنلتفت يوماً ولا نجد
على ظهرانينا غير حفظة كتب صـفراء
و كتبة محايات
الود بننا مصان و الإحترام محفوظ
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: awadnasa)
|
الأخ حسين ملاسى
بعد التحية
اتمنى ان تكون القصة دى من نسج الخيال أو على الأقل استاذ العطا ده ما يكون اسمو الحقيقى و المشهور بيهو...من ستر مسلما ستره الله فى الدنيا والآخرة...وعشان الناس السا بتحترم استاذ العطا يظلوا يحترموهو ...
وعينك ان أبدت عليك معايبا قــل يا عين للناس اعين
لسانك لا تذكر به عورة امرئ فكلك عوراء وللناس السن
العطا لم يجرم فى حق انسان يا ملاسى بل انت اجرمت فى حقو.
تعريجة كدى:
العنوان ذكرنى بى
51 % minority
ففتى ون بيرسنت مينورتى
ياسر
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Hussein Mallasi)
|
سلامات يا طيفور؛
| Quote: العطا لم يجرم فى حق انسان يا ملاسى بل انت اجرمت فى حقو. |
كيف العطا لم يجرم في حق انسان يا طيفور؛
الم يجرم العطا - على الاقل - في حق نفسو!!
و هو لو كان ما داير زول يشوفو؛
كان في داعي يعمل البطيخ العملو دا!
على الاقل كان يحترم نفسو و يعملو بالدس!!
استاذ العطا يا طيفور ما عندو اي حق.
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Hussein Mallasi)
|
الاخ ملاسي سلام:
جئت اعاين كالعاده في المنتدى وتصفح ما يجب تصفحه ولفت نظري هذا البوست(والله ماشمار مني) وشيء اخر لفت نظري وهي مداخلة الاخ تمبس وعرفت منها انك من القراقير(موردابي المنشأ,ودقلبها) بس عندي رجاء ان تحكي لنا نوادر وطرائف اهل المورده وما اكثرها....
| |
|
|
|
|
|
|
|
|
|
Re: لا علاقة لهذه القصة بالاستاذ حسن موسى (Re: Hussein Mallasi)
|
Quote:
وما يزيد حيرتي فعلا ..
انه لا اذكر اسم ( عطا ) بالمورده باستثاء ( عطا ) واحد ولا اظنه كان يعمل استاذا
وعطا آخر هو عطا ابو القاسم لاعب المريخ الدولي..
اما جقود ومصران
ديل برضو ما سمعت بيهم |
تمبس ياخوي .. ديل ما من ناس الموردة ديل من الاملاك (خلف سلوي بوتيك او اسينديكو لو كنت بتتذكرو)
| |
|
|
|
|
|
|
| |
Hussein Mallasi
Osman M Salih
إسماعيل وراق
tmbis
سجيمان
Abureesh
بارعة
Yassir Tayfour
saadeldin abdelrahman
Walid Safwat
عمر ادريس محمد
فيس بوك
تويتر
انستقرام
يوتيوب
بنتيريست