|
|
|
 Re: حسين ملاسـي يتغرض لمحاولة اغتيال (Re: Muhib)
|
| Quote: كانوا يريدون ان يكسروا قلمي و لكن .. هيهات!! |
سـلام يا قريبى..
نصيحتى ليك أولا خلى عندك قلـم زيادة للإحتيـاط.. خصوصـا الأقلام بقت رخيصـة الزمن دا..
تانى شئ... كمبيوترك دا بيعـو لو لقيت ليـه بيعـة.. او على الأقل ما تختـو فى الخلفيـة لأى صـورة.. بالمناسبـة انتو خشيتـو ورا الكمبيـوتـر كيف أول حاجـة؟!!
دى كلهـا علامـات إستفهـام ما لاقية إجابـة.
| |
 
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
ماعارف غايتو
لكن لون قميصك وفنلة طلال والخلفيه زكرتني بغرف العمليات الجراحيه
ونسبة للـ action الحاصل, فبالتأكيد هي عملية سطو على أعضاء بشريه نية في
المتاجره بها
طلال ارفع يدك من الزول
والتحيه لعصام وهو يوثق لأزماتنا الإنسانيه
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
ملاسي
*بصراحة خفنا عليك..امانة ما نحنا ناس طيبين..قلنا الحكاية جد!!
*ات منطط عيونك كدي مالك؟..اظنك خفتا جد!الحكاية هظار وموضوع بوست ساكت يا زول!!
*زولك طلال دا غلتان..هي رقبتك رقبة نصاح(عينا باردة)..الزول ما قدر يلاقي ايدينو مع بعض!!
*يعني لو اي واحد فكر في (التغرض) لاغتيالك (خنقا)..علا يجيب لي حبل مسد!!
*عموما قميصك يهبل..احسن من البردلوبة الكنت قادينا بيها ديك..
*| Quote: كانوا يريدون ان يكسروا قلمي و لكن .. هيهات!! |
قلمك ياتو يا خوي؟؟!!
*عموما حمد الله علي السلامة ..والجايات اكتر من الرايحات
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: ajaj)
|
أخي ملاسي
Quote: *زولك طلال دا غلتان..هي رقبتك رقبة نصاح(عينا باردة)..الزول ما قدر يلاقي ايدينو مع بعض!!
*يعني لو اي واحد فكر في (التغرض) لاغتيالك (خنقا)..علا يجيب لي حبل مسد!! |
جابت ليها عين كمان ؟! يعني لو مرقت من المحاولة ما بتمرق من عيون أبناء الأخلاء ؟!
ويا ود خليل يا أخوي : ( بيني وبينك .. ماشاء الله وعيني باردة ، رقبتو مانعة تب ؟!) .
( ليمو )
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
الشهيد ملاسي
سلام
العنوان الصاح للبوست ده مفروض يكون
رقبة ملاسي تحاول اغتيال يدى طلال
اغتيال من طلال ... هو انت لاقى
دى بتخش بيها الجنة لوج و لو كنت من الكفار او الكيزان
تسقط تسقط رقبة ملاسي
و
قلمو
* يا تمبس انا لسة فى انتظار الاشياء اياها, والا اعمل فيك محنة اخيرة ...
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: bushra suleiman)
|
حمداً لله ..
ما عشانك رويحتك يا ملاسي ..
عارف عمرك انشاء الله طويل ..
بس كان اغتيل ( مناضل ) زيك ..
أكيد ( الجماعة ) ..
حيجو يقولوا لينا .. ( الجثمان ) اتسرق .. !!
وعندك تلاتة خيارات ..
يا نجمع ليك ( توقيعات ) ..
يا نعمل ليك ( مظاهرات ) ..
يا نكلم ( مولانا ) يجي هنا يدق ليك ( كاروشة ) ..
اختار البطلع من ( زمتك ) ..
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: humida)
|
| Quote: ولا قاصد شنو انت ..!! |
يا حميده انت مالك ثقيل كدا ..
يعني هو ( قاصد ) انه ( طلال ) صاحبه ..
فهمت كدا ..
ولا اخليهو يصاحب ليك ( نعومي كامبل ) هسع دي ..
( وش بتاع زول مفرهد ومنتعش ) ..
ملاسي معليش بوظنا ليك ( السماية ) .. !!
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: humida)
|
Quote: يعني هو ( قاصد ) انه ( طلال ) صاحبه ..
|
زمان كان عندي صاحبي عنده ( جكسوية ) عبر الأثير ..
نظام تلفونات وكدا ..
خمسة ستة ساعات في التلفون ..
وكل مرة تستأذن منه ( ثواني يا حبيبو طالعة فوق وجاية ) ..
بعد ( توطد ) العلاقات ( وكت المكاشفة يعني ) ..
لقى البيت ناصية فيهو دكان برقاوي .. وشجرتين قاعدين فيهم اولاد الحلة ..
اتفضل ..
زارتنا البركة ..
قال ليها خلينا من ( البركة ) ..
انت لمن كنتي بتقولي لي ( طالعة فوق جاية ) ..
كنتي بتنطي فوق راس الدولاب ..
ولا قصدك شنو يعني ..!!
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
سلامات
وعوافي
ياملاسي نعم التغرض للاغتيال يارجل ..
والله البتغرض لملاسي دا انا بزعل منو ..
طلال ماتشاغل الزول دا..
ملاسي بالله عليك سيب الشحتفة وانجز لينا الموضوع سريع ياخي نحن بنقعد في النت 9 ساعات يوميا..
يعني كل 9 ساعات نجيها نلقي مداخلة او اتنين .. انعن زيتك زاتو..
بالله رد للناس دي كلها وسيب التنطط بتاعك دا ..
كلام غريض..
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: ودرملية)
|
Quote: الشهيد ملاسي
سلام
العنوان الصاح للبوست ده مفروض يكون
رقبة ملاسي تحاول اغتيال يدى طلال |
طلال والمهمات الفاشلة
هسة لو كنت انجزت المهمة
بى نجاح كان كل شى انتهى قبلو
لاتفصح عن شركائك
وشيل الشيلة براك
والله يا طلال كان رسلوك البحر......
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
سلامات يا عصام
Quote: الشهيد ملاسي
سلام
العنوان الصاح للبوست ده مفروض يكون
رقبة ملاسي تحاول اغتيال يدى طلال
اغتيال من طلال ... هو انت لاقى
دى بتخش بيها الجنة لوج و لو كنت من الكفار
او الكيزان تسقط تسقط رقبة ملاسي و قلمو |
بل راسك يا خوي!
____
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Tabaldina)
|
Quote: Quote: اثبت لى إنكـ حلبي !!
اسه الفرق شنو يا تبدلينا بينك و بين
حسن موسى ( و لا أطيل )!! |
تبلدينا..في اي باب يقع تعجبك هذا؟
ملاسي..تقدم ملحوظ..اجابة تصيب كبد الموضوع المطروح..
سؤالان(ليس كما يعدون) نرجو اجابتهما (بذات الطريقة المصيبة)
1-انت اتعقدت ولا شنو؟
2- اين البردلوبة؟؟!!!
3-حلبي دي يعني ابن عم احمد الجلبي؟
4-اذا لم تكن حلبي اسما..فتعجب تبلدينا(ربما)..استبطن استزراء،نظرة تهجينية(ندين ونشجب)..وفي هذه الحالة ..يكون السؤال..من هم الحلب
*الذين قدموا من حلب؟(يعني شوام،ودي ما فوكا حاجة)
*الذين قدموا من مصر؟(يعني اولاد الريف،ودي ما فوكا حاجة)
*الذين حملتهم الهجرات الغجرية الهوجاء؟(دي فوكا حاجة)..بلا وطنية يعني
*الذين جاءوا مرتزقة وسياس خيل مع الجيوش الفاتحة..انكشارية،البان ،باشبوزق وارنؤوووط..(دي فوكا حاجتين)..بلا وطنية..وعداء للشعوب التي اسهموا في فتح بلدانها كمرتزقة
*الذين..............الانجليز والاتراك والمرتزقة المذكورين عاليه من.....غير...... ودي فوكا تلاتة حاجات(ما زي حسابك)..بلا وطنية،عداء للشعوب اياها،تمجيد الدكتاتوريات،تمييع القضاياالهامة والمهمة،التخابث
*سؤال اخير ..لو مليت محل النقط دي..بكري بودي مداخلتي بس للخور ..ولا البوست كلو حيترمي هناك؟
+هذا موضوع بوست كارب...
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
الاستاذة سلوى صيام
قرينا الرابط !!!
هو مجرد راى ومحض استنتاج يخص اصحابه ،، الذى استغربت له انا
ان تشكك الدكتورة فى وطنية كل من شارك فى البوست ياخى معقول ؟؟ دى منتهى
الاصولية ،،، والذى استغربت له جدا ان اسمع شخص يشرح للاستاذة هاله ممارسات
النظام ومتى بدات وكانو هاله دى قاعدة فى فرنسا تشير كل يوم بذقنها من هنا
لهنوك ،،،، اسمعوا
| Quote: إن التعذيب الذي يمارسه النظام يا أستاذة هالة عبد الحليم (هميمة) هو حقيقة وممارسة يتواصل أذاها منذ أن استولى الإنقاذيون على السلطة وسيتواصل إن لم نقف كلنا بحزم لوضع حدٍ لها، وإن لم نقف بحزم في وجه المدافعين عن الإنقاذيين والمساندين لممارساتهم البشعة. |
اتمنى فعلا ان تتداولوا وتفكرو كيف تقفوا ولا تقولى ( كلنا) وتجدوا صيغه للوقوف ضد
ما شرحتى ،،، ولكن الاستاذة هاله عرفت منذ وقت بعيد كيف تقف وفعلت ،، وقفت فى تلك
لمحاكم سيئة السمعة .. اسالى عنها كل من طالتهم تلك الممارسات وبعضهم موجود عندكم
فى فرنسا كيف دافعت عنهم فى المحاكم وتفقدتهم بصورة يومية فى السجون ،، وحركتها
الواسعة فى اوج بطش السلطة وصلفها ،، ضد ممارسات هذه السلطه بقلبها وبلسانها وبيدها
دون فرز لالوانهم السياسية ،،
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
الاستاذة سلوى صيام
ولماذا نطيل تعالى للموضوع ..
الاستاذة هاله كانت القيادية الوحيده فى السودان على اطلاقة
وبمختلف الوان طيفة السياسى التى ذهبت بنفسها الى منزل الدكتور
النجيب للاطمئنان عليه والسماع من خشم سيدو ،، فور عودتها وفى نفس
اليوم من رحلة شاقة خارج الخرطوم ،، الاستاذه وفى اليوم التالى
مباشرة عقدت مؤتمرا صحفيا على الملا دعت له كل اجهزة الاعلام
اعلنت فيه موقفها وموقف الحركة بوضوح تام وهى فى متناول وتحت سمع
وبصر كل تلك الاجهزه القمعية التى وصفتبها فى مقالك ،، وبعضهم كان
حضورا معهم فى المؤتمر وانا مثلك لم احضر ،، قالت فيه كل ما سمعتى
بتعبير صريح وواضح عن موقفها وموقف حزبها من تلك الممارسات ،، فلماذا
اللجؤ للاستنتاج والقرائن والادله الواضحة والقول الصريح بين يدينا ،،،
لماذا الذهاب لمعرفة المواقف والاراء لتحليلات شخصية وتوريات والموقف
الصريح والواضح ماثل امامنا ؟؟؟؟ الاجابه على هذا السؤال توضح الغرض
من كتابة مثل هذا الكلام ........
هذا الرد لعناية الاخت سلوى صيام لعمل رابط به فى بوست الاخوة
الاصدعاء ،،، ولك اجر المناوله
| |
|
|
|
|
|
|
|
|
 Re: حسين ملاسـي يتغرض لمحاولة اغتيال (Re: Hussein Mallasi)
|
حسين .. واخيرا عن اذنك ياخى
معليش انا قريت الكلام وانفعلت معاهو
حالتى لسة ما بقيت (حق)
بس معظمهم اصحابى وانا من المؤلفة قلوبهم *******
والحقيقة لله حقانيين
وكلامهم عديييييل ما بعرفو الهمز واللمز ولا غتغيت الكلام
اجسن حاجة فيهم كلامهم ال عايزنو بقولو
هم شغلتهم هسه انو يحاربو نوع الكلام العايز ليه فهامات دا ..
| |
|
|
|
|
|
|
|
|
 Re: حسين ملاسـي يتغرض لمحاولة اغتيال (Re: Hussein Mallasi)
|
Quote: هو مجرد راى ومحض استنتاج يخص اصحابه ،، الذى استغربت له انا
ان تشكك الدكتورة فى وطنية كل من شارك فى البوست ياخى معقول ؟؟ دى منتهى
الاصولية ،،، والذى استغربت له جدا ان اسمع شخص يشرح للاستاذة هاله ممارسات
النظام ومتى بدات وكانو هاله دى قاعدة فى فرنسا تشير كل يوم بذقنها من هنا
لهنوك ،،،، |
سنة يا انا!
اخت دينا..
الواحد بتكيف لما يشوف زميل/ة جديد/ة مولودة بي سنونا (منبريا) هههه
لكي التحية و مرحبا
Malassi salamat
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: saadeldin abdelrahman)
|
Quote: إذا كان تبلدينا ما فهمها يا سيف خليل؛
معقول حتفهما انت!! |
*فلاسي..كويس لما رديت..
*يا خوي انت ما قاعد تقول شئ من اصله..يتفهم ولا ما يتفهم
*حكاية..حلبي..ما في زول يدعي فهمها..الا في اطار الخيارات التي طرحتها لك..انت رسينا علي الخيار المناسب ..ورغم انك(عيي)..وركيك ..نعدك بمحاولة الفهم..
*انا في انتظار بوستك (الشرقرق)..
*عفوا..احيانا اخلط بينك والكاتب الاسفيري..الاستاذ/فلاسي ارنؤووووط!!!
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
Quote: تعرف يا سيف أنا ابتديت اشعر انك - لسه - زعلان من موضوع
ود ناس الدقير داك؛ القلت انو هو و شوية التلاميذ المعاهو
هم الصنعوا الانتفاضة! |
*لا وحياتك يا ربيب الكيزان!
*الزعل الجابو شنو..الحكاية راي ورأي مغاير!
*بعدين ات ما بزعلو منك..لانك ليس لك في العير ولا النفير..وكمان لا ناقة لك ولا جمل..الشأن شأن سوداني صرف..ووطني للغاية..شن دخل الباشبوزق؟!!
*ات موتور يا فلاسي..الما سويتوهو زمان في القرن 19..متمنيهو لينا الآن..عبر بوابة الانقاذ..ات لو زعلان من ود تور شين(خليفة المهدي)..نعتذر لك..اصلوا الزول داك جنو يطهر(يختن) الناس..وانا عارفك السواها في سليطين(سلاطين) مزعلاك..ويمكن يكون نابكم منها نايب..
*معليش انا مرات بكتب بدارجة موغلة في العامية السودانية..لو في حاجة غلبتك..اتصل علي ود حامد ..هو ما بقصر..اصلوا راجلا ظريف ..رغم اختلافنا معه ..وغصبا عنا نقر بذلك..
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
Quote: وكت ما زعلان – و ما بتزعل – يبقى تاني ما تقول على
شوية أولاد – حينها - إنهم كوكبة ماجدة صنعت الانتفاضة! |
*لا يا خوي انا بزعل..الا انت ما بزعل منك تب..عشان الموضوع بتاع السودان دا ..عندي احساس قوي بانو ما بخصك..وما بتتنالو الا من باب الحقد(التاريخي)
*بعدين ديل مش شوية اولاد ..ديل رجال..ووطنييين..اجدادهم حاربوا اجدادك..يعني المسألة عندهم ارث اسري..دا في نطاقها الضيق طبعا!!
*انت بتقول اولاد..عشان كان اسمك صبي الكيزان(لما كنت في مصر)
*المهم تورينا..انت المزعلك منو(الزعلة التاريخية)..اكيد دا ود تور شين ..شايل موسو ويطهر..ولا اقول دا محمود ود احمد..
*ياخي سيبك من الانتفاضة،نميري،البشير..دا كلو حقنا انحنا..كان زين ولا شين...خليك في الاجابة علي سؤال تبلدينا ..واكتب لنا عن (الشرقرق)
*او اقولك علق علي المداخلة دي(ان شالله تكون متذكرا)
Quote: Quote: _________________________
عاااا قزاااار
|
*ولو ما عجبتك جاوب علي السؤال
اين البردلوبة؟؟؟!!!
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
Quote: بعدين ديل مش شوية اولاد ..ديل رجال..ووطنييين
بلاش اولاد كان مزعلاك .. خلينا نقول شوية صبية؛
بس تاني برضو ما تقول عليهم انهم كوكبة ماجدة صنعت الانتفاضة!!
فلاسي
*ما تفتكر لمن تمارس(عباطك دي)..حاتحل من رقبتك
*صبية..دي ..عقدتك يا هوان..لانو دا كان اسمك ولقبك..في مصر..صبي الكيزان..حتي عضوية هذا التنظيم الخرب لم تستطع ان تكونها..بل كنت تقوم لهم بما هو قذر..كسرقة الوثائق التي تخص التنظيمات الاخري!!
*حتي لو كانوا صبية(بلعبوا في ديار ابواتهم)..ات لاعب في دار ابو منو؟؟
*يظلوا كوكبة ماجدة في عين كل وطني..وغير ذلك في عين بقايا الغزاة ..سلالات سياس الخيل..
*فلاسي..ارجو ان تحدثنا عن الشرقرق..وعلق علي المداخلة المرفقة في مداخلتي السابقة..
*لو ما عجبتك هاك دي..
Quote: اخونا الخير
والله فيك الخير
اخطبوط شنو يا راجل
دا اسمو الرجل الطووووط
ملحوظة:
حسب قاموس العامية السودانية
الطوووط هو صوت صفير اللبوة |
*وهذا تجاوبك مع هذه المداخلة
Quote: ______
Quote: حسب قاموس العامية السودانية
الطوووط هو صوت صفير اللبوة
ياهو دا الانتو فالحين فيهو! |
*ما تنسي البردلوبة وين؟
*انت ما بتجاوب اسئلتي ليه يا فلاسي؟
*لو انت شجاع صحي جاوب السؤال دا بدون عباطة
علاقتك شنو بفلاسي ارنؤوووووووووووووووووط؟
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: saif khalil)
|
أتعجب لبعض المداخلات التي لا تؤدي الى عمل ايجابي للبلد
وأتعجب من افلاس البعض لغوياً
وأتعجب لمن يقول أن البلد له لوحده.
اسة لو قتلوك يا ملاسي كان الناس دي ارتاحت من مذاكرة التاريخ
وإمتحانات الوطنية الشعارات دي
ليه يا طلال ما خلصت عليهو ريحت الجماعة ديل
الله يطول عمرك ويحسن عملك..
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
تصدق يا سيف خليل؛ أنا ما متذكر من أصحابك القلت عليهم كوكبة ماجدة
صنعت الانتفاضة إلا ود ناس الدقير؛ ما لسبب إلا لانو اخوهو وزير مشهور
في الحكومة!
_____
قلت لي اسمهم – كان - منو!!
*فلاسي ..الواحد لما يجي داخل ليك بوست ..بكون لابس الكمامة..كمامة زي بتاعة الجماعة البشيلو الاموات من تحت الانقاض..(الخرابا دا بوست ولا كنيف)..والله لو عرفت كنيف دي ليك جائزة..
*طبعا ما تفتكر انو عباطتك(في موضوع الباقر العفيف)..حتمشي معاي..كل ما تذكر الموضوع ..سألقمك حجرا..واعطيك الاسئلة اللي ما حتجاوب عليها..ونعطيك علي اجنابك كمان
*انت لو زعلان من الناس ديل وداير تبخس عملهم..انت غلطان..متوهم ليك اسباب زعل ساكت..الناس ديل ..والله ما فيهم واحد جدو ود تور شين...يعني انت لو في نفسك حاجة ..شوف سيد الموس غادي ما عندنا..
*ود الدقير ..هو مشهور،اخوه الفي حكومة مشهور،والفي الكورة مشهور..وابوه الله يرحمو كان مشهور..وجدو من مملكة سنار كان مشهور! لو كنت اصيل وود بلد ..ما كان جبت الفقرة دي..علا ليس علي الارنؤوووط حرج..
*بعدين ..انت دورك شنو في ما جري من احداث في السودان؟كان برسلوك تسرق الاوراق من غرف زملائك في التنظيمات الاخري..والذين تمثل عليهم دور الصديق المخلص؟ام صبي امن؟آه يا صبي الكيزان..الناس ديل اصلو ما برقوك..بس مخلنك في صبي دي..يا خي ازعل..قول ليهم انا بلغت(يعني راهقت)..خليهم ينعموا عليك بلقب شاب او فتي..حلوة دي مش كدة..يعني تكون فتي الكيزان المدلل..وشاب الامن ابو بردلوبة..بالمناسبة دي وين البردلوبة؟ شكلك زعلت الجماعة ..وفشلت في القيام بمهمة قذرة اوكلت اليك..قاموا قلعوا منك البردلوبة وادوك القميص السمح دا..انا عارفو جابوهو ليك من عفراء
* وكمان نسألك..ما هو دور اسلافك في تاريخ السودان؟؟؟والسؤال دا ما بخليك منو كل ما تفسو هنا سأطرحه لك..لانو الناس البتطاول ..وتقل ادبك عليهم ديل..علي الاقل اسلافهم ليهم دور ما منكور..يعني ممكن يكون حاربو ود الباشا ومرتزقته في عهد سنار والمملكات..والارنؤووووووووووووووط..والانجليز..وضد عبود
*الا انت حاربت منو؟؟وبرضو دا سؤال مكرر؟؟
اما سؤالك
| Quote: قلت لي اسمهم – كان - منو!! |
لو ما خانتني الذاكرة واحد منهم كان اسمو
[I]فلاسي ارنؤوووووووووووووووووووووووووووووط
وعشان انت راجل مخفف دمك هاك دي..ودي ما حقتي هدية من الاحباب
Quote: Quote: _________________________
عاااا قزاااار |
دي لازم تعلق عليها..اولا اقراها لي ..غلبتني عديل كدي
*أخيرا ليك وللزعلانين معاك..البلد بلدنا ونحن سيادا..ولو مغالتين..شوفو اضنينا(اذنينا)(آذاننا)
*وقبل ان اقول ..الحمد لله الذي اذهب عني الأذي وعافاني..(لو شاطر صحي دي بقولوها وين؟)..اذكرك ان بوستك البائر عندي ..بس قول لي نعمل ليهو الدلالة متين؟لو ما حددت حأدللو يوم الجمعة..رايك شنو؟؟
*سلام ..فلاسي
| |
|
|
|
|
|
|
|
|
|
Re: حسين ملاسـي يتغرض لمحاولة اغتيال (Re: Hussein Mallasi)
|
عنز السوء فلاسي
*اها اقول بسم الله..واقدم رجلي الشمال..فهمت حاجة؟
*سألتك بالله علق علي هذه..ودي ما حقتي ..عشان ما يجي واحد يقول علي كدي وكدي..وبعدين سنعالج فساءك المنتن هذا
Quote:
Quote: _________________________
عاااا قزاااار
|
*سألتك بالخلقك..من نار..اقراها لي ...غلبتني عديل
*اما عن عفيط الضأن هذا
Quote: ود الدقير عارفنو مشهور و وريناك سبب شهرتو شنو؛
إلا الباقيين ديل غايتو بتكون شهرت بيهم انت!! |
السبب في شهرة ود الدقير ..ما اخوه الفي الحكومة..اخوه مشهور قبل الحكومة ..من زمن الشريف ود الهندي..وعمر بضراعو جاب شهرتو كرئيس لاعظم نقابة طلابية..وكرئيس لاهم الدورات..فضلا عن ارثهم الاسري من الشهرة..منذ ممالك العبدلاب..ودا يرد في تاريخ السودان الذي لا يعنيك كدخيل..وعليه ليس علي الارنؤووووووووووووووووط حرج!
*اما البقية..التي اتهمتني بالتشهير بها..ما عارفك قاصد فلاسي ارنؤووووووووووووووووووووط ولا شنو؟؟
*اعتذر للقراء ان اشتموا منا ما يكرهونه..فانا في كنيف البورد..الله يجازي بكري..دا ابتداع اسفيري خطير..اعطي فلاسي حسابا..ليؤمن لقرائه واعضاء منبره (مستراحا)..علي اي جزاك الله خيرا بكري..
*اها..الحمدلله الذي اذهب عني الاذي وعافاني..
| |
|
|
|
|
|
|
| |
Hussein Mallasi
ajaj
محمد الامين محمد
كمال حسن
Emad Abdulla
Muhib
Abureesh
abcde
tmbis
على محمد على بشير
nadus2000
abdelfattah mohammed
إسماعيل التاج
saif khalil
عبدالحليم خالد التلب
معتصم دفع الله
بدر الدين الأمير
bushra suleiman
humida
سفيان بشير نابرى
الخير محمد عوض
عبد الله إبراهيم الطاهر
abas
عاصم ابوبكر حامد
عصام عبد الحفيظ
ودرملية
بارعة
mamkouna
دينا خالد
saadeldin abdelrahman
القلب النابض
فيس بوك
تويتر
انستقرام
يوتيوب
بنتيريست