دعواتكم لزميلنا المفكر د.الباقر العفيف بالشفاء العاجل
|
|
 حتى دينا خالد يا نجاة!!
|
لا اعلم على وجه الدقة سبب الحملة التي يشنها حسن موسى و نجاة
على حق و قيادتها بل حتى على المتعاطفين معها!!
|
|
 
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
و بعدين .. كيف يمكن لمن فشل في إدارة منبر حوار لا تتجاوز
عضويته كم و عشرين نفر أن يغمز من قناة قيادة شابة استطاعت
أن تنهض بحق الجديدة حتى غدت القوة الشبابية الأولى في الساحة
السياسية السودانية!!
| |
|
|
|
|
|
|
|
|
|
Re: حتى دينا خالد يا نجاة!! (Re: garjah)
|
كتبت الدكتورة نجاة في محاولة لتبرير اللهجة
الحادة - المتهكمة - التي خاطبت بها دينا خالد
و في محاولة يائسة لدق اسفين بيني و بينها .. الاتي:
==========
سلام تاني يا دينا خالد
أها المثل قال أسمع كلام الببكيك ما تسمع كلام البضحكك. وأنا يجمعني معكم فضاء مشترك، فضاء الدفاع عن الديمقراطية والعدالة الاجتماعية. وأعرفي إنو صليحكم نحن، وليس المدافعين عن البشير والإنقاذ والنميري.
وفي مثل عملتو مخصوص للحالة اللي نحن فيها دي بيقول: ما تسأل عن الزول أسأل عن البدافع عنه. أها يا عزيزتي، إنتي هنا في محك صعب. يا تسمعي نصيحتي ليك*، يا تسمعي كلام البدافع عنك في اللحظة دي. لأنه دفاعه ليس لصالحكم وإنما لشئ في نفس يعقوب لا أظنه يغيب عن فطنتك. لو قبلتي بدفاع البدافع عن النميري والانقاذ معناها دخلتي نفسك في ورطة. هذه معادلة واضحة الطرفين.
وما تسمعي الكلام الفاضي الممكن يتقال عن هجوم من جانبنا علي "حق"، نحن نتكلم من باب الحرص على الحركة الديمقراطية، من باب فتح عيون الواقفين معنا على أرض واحدة على أخطائهم التي نلحظها، مثلما نقبل منهم، بل ونغتبط، إذا ما لفتوا انتباهنا لأي عثرة قد نقع فيها.
ودحين يا دينا الزول البدافع عنك ده ما ياهو الزول ذاته الذي لاحق دكتور الباقر العفيف، القيادي في حق، بالمطاعنة واللمز؟ دكتور الباقر يا عزيزتي ـ وهذا من باب التوضيح بأننا لا نقود هجوماً على حق وإنما نقوم بنقد واجب يمليه علينا إحساسنا بالمسئولية تجاه الديمقراطيين والتزامنا الأخلاقي تجاههم ـ هو إنسان نكن له تقديراً هو أهلٌ له، وقد شرفنا أن يكون هذا الإنسان العفيف، اسماً على مسمى، ضمن المساهمين في عدد احترام الثالث بورقة مهمة أدعوك وأدعو الجميع لقراءتها. اشتغل فيها دكتور الباقر شغل "فهامات" بالجد. شغل يشرح فيه بخطاب واضح رغم تركيبه العميق والمعقد (لعن الله التبسيطية والتبسيط المخِّل) أهمية تدريس حقوق الإنسان في مؤسساتنا التعليمية بهدف ترسيخها في وعينا، على المستويين الفردي والجمعي. أها شفتي كيف شغل "الفهامات" ممكن يكون نافع؟
نجاة
*نصيحتي ليك، هي أن تعرفي، في اللحظة دي بالذات، صليحك من عدوك، وأن تسمعي كلمات انتقادنا التي وجهناه من قبل للأستاذة هالة، بأن القضايا الجليلة لا تحتمل الهذر حولها، خاصةً مع من يهزأ بها، مع من استخف باستدعائها من قِبَل أمن النظام متلاعباً بظلال الفوارق غير الأساسية بين الاعتقال والاستدعاء. علماً بأن الاستدعاء هو مقدمة الاعتقال وأخوه شقيقه. وكلاهما انتهاك لحرية التعبير والحقوق السياسية.
_____
انتهى.
 
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
الاخ حسين ملاسى الصديق اللدود
هاتفنى بعض (المغرضين) بهذا البوست فدخلت عليكم بما يسمح لى الزمن من لاب توب
الخواجة وح اجيكم بى رواقه فى عطلة نهاية الاسبوع
كان عزمى هو افراد بوست عنوانه( حمالة الحطب) ... للمدعوة نجاة ال ما عاجبها العجب ولا الصيام
فى رمضان ،، وهى تسخر هؤلاء الرجال لتلك الرسومات الرخيصة،، اولا الكاريكتير فن رفيع الفكره فيهو انو يكون
لماح ولا يخلو من فكاهة لكن الكاريكتير البكتبو ذى المقال دا ... دا ببقى حاجة تانيه دمها تقييل وما
فيهو اى ابداع ،، فوق فيهو عنوان عشرين سطر وتحت اى زول بشرح وتحت التحت كدايس وخنفسان ناطق
وقرب يقول لينا اه انتو ما بتفهموا !! دا كاريكتير ولا درس عصر ؟؟
اها انا كمان بقول ليك انا اخير لى ناس ملاسى ديل ظلاميين بى وش الباب واعداء لايطعنون من الخلف
احسن مليون مره من اعداء يتمترسون وراء لافتات التقدمية واليمقراطية ويتمشدقون بقضايا حقوق
الانسان ،، هؤلاء هم الاعداء الحقيقين الذين يسيرون معك ويتحينون الفرص للانقضاض عليك ما عندهم وازع
ولامبادى يعميهم حقد بغيض عن كل ماهو جميل .. نعم جميل فهل تذوقت يوما طعم الجمال ؟؟
وياستى انا مابعرف القاعدين بره ولا الجوه .. بس بعرف حاجه واحده وبلا مزايده ::: انو انا ما عندى
راى فى كل الشرفاء الموجودين خارج البلاد .. انا تحدثت عن الفهامات منهم .. وكلامى كان واضح دايره
تلولويهو عشان تقعدى تلتى وتعجنى فى كلام رايح ليك دى حاجة بتخصك انت ..
ملاسى انا تنازلت عن فكرة بوستى لانى رايت انو بوستك يفى بالغرض
وساواصل تحت عنوان حمــــــــالة الحطـــــــــــــــب من هنا
فهلا سمحت لى ؟؟؟؟؟؟؟
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
| Quote: وأن تسمعي كلمات انتقادنا التي وجهناه من قبل للأستاذة هالة، بأن القضايا الجليلة لا تحتمل الهذر حولها، خاصةً مع من يهزأ بها، |
يا دكتوراااااهـ
اسمع كلامك اصدقك اشوف كاركتيراتكم استعجب !!!!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
ملاسي،
ياخي منبر الكوامر العمروها، ده، ذي ماقلنا، بعد ماخلاس يقرب يتلحس انت تشيل اوتنفخ فيهو الروح!
مالك ياخي؟
خلي يموت في سلام ياخي!
حرام عذاب ذي ده!
شايف الادارة واقعة تحانيس في حبتين العضوية، يااخوانا اكتبووووا!
عيييييك!
من قبل ما ياسسسو قت للخواض ماحيستمر!
بخلاف صفويتو، او انفراد اصحابو بالكتابة بالصورة البتعجبم، فالطرح من اساسو معتت، في السودان مات زمان او اتوسد الطوب، خليك من الناس البرة، الاصلا ماعندها ذرة استعداد للدقة القديمة، بتاعة الخمسينات دي!
قالت ديمقراطيين، قالت!
انتي من زمن الرندوق الزي ده؟
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
تعرف يا بشاشا؛ في حاجتين اسة ناس نجاة بيكونوا اتأكدوا منهم
الأولى انو مواضيعهم صدى للمواضيع البتتكتب في سودانيز اون لاين؛
و دا كلام قلناهو زمان.
الثانية انو منتداهم الفكري ما بيتحرك و يستقبل الزوار إلا بعد الإشارة
لأحد موضوعاته هنا.
___
شفت كيف!!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
الدكتورة ــــ حمالة الحطب عمت مساءا
نما الى علمى مؤخرا انك امراة طاعنة فى السن فلكى العتبى فى اسلوب المخاطبة
التى اضطرتنا اليها مخاطبتك المتعاليه المدعية بامتلاك الحكمة والموعظة الحسنة
لشابات كان يمكن ان يكتسبن من تجربتك وخبرتك ان ( وجدتا ) .. الكثير فعفوا
سيدتى ،،
| Quote: هالة ليست حق، إلا إذا ما كنت تعتقد أن انتقاد الأشخاص المنتمين لحق فيما يختص بمواقفهم الشخصية هو انتقاد للحركة. |
يعنى شفت انت بتلفى حول نفسك كيف وبتلونى الكلام وتميهو موية ؟؟ حقو تختارى واحده من
اتنين يا اما هالة دى هى حق وكل حركة وكل نفس يجى منها دا مسحوب على حق وتحاكم بيه
او ذى ما قلت فوق هالة دى ما حق عندها مساحة شخصية بتتحرك فييها وبتدير اجتماعياتها
بمعرفتها ،، يعنى لو هالة دى عندها اخوها كوز وظلامى وضد الديمقراطية وحقوق الانسان
( لصاحبتهما نجاة محمد على ) ،، وحتى مشارك فى جرائم الانقاذ دا بخليها لانها رئيسة حق
ما يقعد جنبها فى العربية او يقضو حاجاتهم المشتركة كلها وترقد معاه فى المستشفى اذا مرض ؟؟
يا دكتورة نحن فى السودان انت قايلانا وين والبعمل ذى حركاتك دى دا زول منبوذ وما
مؤهل لقيادة اى عمل عام ،، نحن كدا‘‘ نقد يعاود د. ترابى لما يمرض ويبحث معاهو الشان
السودانى اذا احتاج الامر .. ويمشى فى بيتو لى عقد بتو دا ما معناهو انو رمى برنامجو
وراء ضهرو بطلى التشنج والحقد وخلى ميزانك عادل وقلبك مفتوح وارمى المكيال التانى ،،
هى علاقات اجتماعية اذن يمتنع كائنا من كان فى البت فيها او تحديدها .. وكدى العنى ابليس
وقومى كان عندك جارتك فى باريس عندها موقف فكرى مغاير البسى توبك وادخلى ليها
شوفى راى الناس الكعب دا يتحسن كيف ! وهسه ملاسى دا كان ما شدييد ولضيض وما بمرض
كنا مشينا فى مرضو وازرنا لمل يقوم ويشيل قلمو السنين دا تانى يا ستى نحن نحترم اختلاف
الراى فعلا لا قولا !!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
الدكتورة حمــــالة الحـــــــــطب
قلت انك ستواصلين فى موضوع قيادة حق دون( ايديلوجيا )***
انا اسال من يعرف ... اين مقودك انت ؟؟ وهل اوصلك الى بر الامان والضفة الاخرى ؟؟؟
انت مقودك بى ايديلوجيا .. هايدرولك ولا بطيخ وصلك وين ؟؟ ياها خلاص حتتك ال انت
فيها دى ،،، اها عاد اسمعى كلام الببكيك وابقى احسن منى حتتك دى مثيرة للشفقه وللحزن معا
عشان كدا قبل ما تتكرمى وتجى متعقبه مقاود الناس امسكى فى مقودك قوى وجوديهو بى ايدلوجيتو
كان يقدر يمرقك محل اتجوكنتى دا ... انتبهى لمقودك من اشتغل بالناس مات هما .. ابقى
عشرهة على مقودك ودرب السلامة للحول قريب !!!!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
Quote: نحن هنا نوجه نقداً من منطلق الحرص والواجب. نقدنا لم يكن لنصب مشنقة، ولا بصدد "عبارة يتيمة"، وإنما في خصوص المواقف المبدئية التي لا يجب التهاون فيها.
|
ودا واحد تانى .. برضو وقع منك ارفعى وانفضى بتحتاجى ليهو قدام !!
عارفه الشايقى القالو لى ارجم الشيطان فى الحج قال ليهم :: لالالالالالا
يبقى احتاجلو !!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
Quote: فالحوار الخلاق بيننا، اختلفنا أو اتفقنا، هو دليل صحة وعافية لساحة اليسار، والحوار الخلاق يبرأ عن المكابرة وعن نصرة أخيك ظالماً أو مظلوما).
|
وبالمرة ارفعى معاك دا وما تعفصيهو .. جاياك راجعة
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
Quote: وبعدين القال ليك منو الخطاب السهل البسيط (التبيسطي حسب وصفك دة) شيء محمود؟
ولو بتعتقدي إنه مشاكل السودان سهلة وبسيطة وما فيها تعقيد، أقول ليك من هسة: المشروع المتَّـكِل على فهمك دة، واطاته أصبحت. |
الفهامة حمالة الحطب !!
لا انا بقصد البسيط ما التبسيطى تقولينى الكلام عشان تتمادى فى شرح وهمى !
وانا ما قلت مشاكل السودان بسيطة انا قلت خطاب سهل وبسيط على الفهم ما داير فهامات
خلى مشروعى انت مشروعك كيف؟؟ واطاتو مغربت ؟؟
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
الفهامة ذات الايديلوجية
| Quote: إن مفهوم الآيديولوجيا هو مفهوم بالغ التعقيد لا يمكن أن الحديث عنه بمثل هذه البساطة، |
والله ذى ما بقول ملاسى لا اعرف على وجه الدقة لماذا انت شديدة الاعجاب باى شىء
بالغ التعقيد ؟؟؟ وكثيرة الولع بكل ما لا يمكن الحديث عنه ببساطة؟؟؟؟؟ !!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
| Quote: برنامج بدون آيديولوجيا إلا يكون نازل من السماء وكتبوه ملائكة مجردين من أي رغائب ذاتية، ومن أي مصالح طبقية، ومن أي احتمال خطأ، وممسكين بالحقائق من عضمها |
يا ذات الايلوجيا !!!
والله كان ما اخاف الكذب البتوصفى فيهم ديل انا عرفتهم :::
1- نجاة محمد على .
2- حسن موسى .
3- واخرين فى حجب .....
يعنى يا دكتوره انا الا اكتب مصال طبقية دى ومعاها واحدة تانية ذى
رغائب ذاتية دى عشان اكون ما ركيكة ؟؟؟؟؟ ياخى كسرتى راسنا
والبلد فيها لغة راندوق جديدة ... بالمناسبة انت جاية متين عشان
تمسكى بالحقايق دى من عضمها ؟؟؟
| |
|
|
|
|
|
|
|
|
|
Re: حتى دينا خالد يا نجاة!! (Re: bayan)
|
كتب عصام جبر الله مخاطباً نجاة*:
Quote: بعض الحكمة و البصيرة كانت ضرورية كى لا تحدث هذه الشقة
مع بعض من يجمعك/يجمعنا/يجمعهم الكثير ... لا استثنى حق و مجموعات
و افراد اخرين من هذا... |
لنجاة – فعلاً – مقدرة لا تضاهى في فقد المتخندقين معها؛
فريق بعد فريق و فرد بعد فرد!!
____
* نجاة المقصودة هي د. نجاة محمد علي؛
مش بيان ... كدا كويس يا بيان 
| |
|
|
|
|
|
|
|
|
|
المهداوي امامك مزلقان فلا تدقس (Re: Hussein Mallasi)
|
لا حولة نظرية الببغة وصلت هناك
نجاة محمد علي تكرر نفس اقوال مناضلي الكيبورد
وتحشر من تشاء في زمرة الانقاذ,,
قلنا ليكم لو المتكلم مجنون المستمع واعي..
وتكرار وببغة الاكاذيب لا يجعلها حقيقة..
ياربي العليه الطرد منو المرة دي...
كل من يقول لا..
دي بتخلي الانقاذ ومنبر سودان فور اول شبهينا وطبق الاصل..
موش قلت ليكم مافي فرق بين الانقاذ ومعارضتها؟
قاسم المهداوي امامك مزلقان اربط الحزام وهدي السرعة..
ونبه عبدالله محمد عبدالله برضو...
| |
|
|
|
|
|
|
|
|
 Re: المهداوي امامك مزلقان فلا تدقس (Re: bayan)
|
Quote: اها انا كمان بقول ليك انا اخير لى ناس ملاسى ديل ظلاميين بى وش الباب واعداء لايطعنون من الخلف
احسن مليون مره من اعداء يتمترسون وراء لافتات التقدمية واليمقراطية ويتمشدقون بقضايا حقوق
الانسان ،، هؤلاء هم الاعداء الحقيقين الذين يسيرون معك ويتحينون الفرص للانقضاض عليك ما عندهم وازع
ولامبادى يعميهم حقد بغيض عن كل ماهو جميل .. نعم جميل فهل تذوقت يوما طعم الجمال ؟؟ |
كلام يستحق أكثر من وقفة!!!.
| |
|
|
|
|
|
|
|
|
 Re: المهداوي امامك مزلقان فلا تدقس: بيان مشتاقين! (Re: عبد الحميد البرنس)
|
عزيزي وأخي الحبيب عبد الحميد البرنس...
رمضان كريم وكل سنة وانت ونصفك الأول طيبين ...
ياخي انت زول جميل... وما أعتقد انو في زول زعل منك من أول يوم جيت أون لاين...
أيه الدنيا غير ، لمة ناس في خير أو ساعة حزن...؟
ما اسماه اسامة الخواض القبضة الحديدية واسماه عادل عبد العاطي "تحالف الهكر المستنيرين" واسميته ب "ونسة نادي باريس الفي الشارع" من قبل ليس الا وجه آخر لإعادة انتاج العقلية القديمة البالية المعتقة عبر وسائط ووسائل حديثة... "العنترنت"
ياخي ديل دايرين يعيشوا من زمن أمجاد الجامعة، الى "أمجاد 2006"...
هه...
عندما قلت بقوة عين و"بلا خجلة- على حسب تعبير حسن موسى حينها" ان كتابات سجيمان اليومية أقرب الى نفسي من رواية موسم الهجرة الى الشمال للطيب الصالح ، حينها قامت الدنيا ولم تقعد...
كيف تقعد وسجيمان حينها الخصم والعدو...وكيف لي ان أقول ذلك الكلام عن مولانا الطيب صالح وحواره حسن موسى موجود!!!
ربما سرعة إخراس صوتي في ذلك الموقع ...ما خلتنا نجد تفسير "مثقفاتي" لما كنت أود قوله...
على كل...مازلت عند رأيي السابق ...أها شن قولك يا حسن ونجاة ، تعملوا لي إستتابة؟؟؟!!!
دارت الأيام ولفت...أمانة ما لفافة...
وقريت لحسن موسى أنو دردق الطيب الصالح أو المشهد الثقافي بحالوا حينما قال ان الطيب صالح "عب شايقية"...يا النبي نوح...كورك لبقية الأنبياء كلهم معاك!!!
أها عيبنا يا عبد الحميد أنو ما بنقدر ننجر وننحت كلام زي ده....
يعني أقول ليك يا عب... لكني مضمر دردقة لئيمة في دواخلي...ومافي مثقفاتي يكون بغم!!!
عارف انو سجيمان كتاباتو كلها كدي ، لا توجد فيها سؤ نية...أرادوه طبيباً رغم أنفه..فصار في الطب نطاسياً ضليعا!!!
وبسكاكينو كمان...
وتحضرني هنا حكاية الصحابي القالو ليهو أترك الخمر بعد ان جلدوه الحد...فقال : لو تركتها لقال الناس أني تركتها خوفاً من الجلد...
علا الجماعة ختوه في دماغهم ويغفر الله له...ولا يغفر نادي باريس له!!!
بالله شوف العقلية التفتيشية منذ فجر بدايات الموقع دي:-
معقولة بس يا سودان للجميع!!!
معقولة بس!
خالص مودتي...
أنور
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
قررت ان اتوقف عن الرد فى كل ما كان ( يؤلمنى) عن التجنى على الحقانين وبرنامجهم
هم عايزين يتشتموا !!! انا مالى .....وطلعت انا الداخل
( بين البصلة وقشرتها )!!!
ولكن ما لن اتوقف عنه هو ردودى لتلك الفهامة
ولولا وساطه اقدرها كثيرا من الصديق ابراهيم الجريفاوى وطلبه منى
بالحديث الهادى .. واختيار الكلمات لسمعت منى هذه النجاة الكثير
فقط احذرها الان من شتمى مجددا فى قبوها ذاك واحذر كل من يلبسون
النظارات ومن لا يلبسون ... من ايراد اسمى لا بالحلو ولا بالمر فى هذا
الشهر الكريم ... فلييبحثو عن الرث الذى بين ايديهم ومن خلفهم
اما اذا كانوا يعتقدون ان التجنى والسفه ثقافة،، وتنميق القول ينجيهم من (الهبوط)
فهذا ما ساعود لبحثه معهم فقره فقره وكلمة كلمة .. اذا ارادو
الاخ حسين :::: شكرا لاتاحة الفرصة وكرم الاستضافة اما اذا عادو فسيكون
لى معهم بوست منفصل .. صاح هم ما بستحقو،، لكن انا والله ما تشوفنى كدا
بستحق ،،و لكن اكثرهم لا يعلمون !!!
| |
|
|
|
|
|
|
|
|
|
Re: حتى دينا خالد يا نجاة!! (Re: دينا خالد)
|
Quote: هم عايزين يتشتموا !!! انا مالى .....وطلعت انا الداخل
( بين البصلة وقشرتها )!!! |
؟؟ ..
غير صحيح يا دينا ..
لكنك لم تحتاجين لنا ..
كنتي جيشا مقاتلا وحدك ..
لم نعتقد للحظة أنك تحتاجين سندا ..
أتفق مع الجريفاوي في أن الغضب كان أحيانا يجرفك بعيدا ..
و يخرج تمردك و حنقك في لغته هو .. لغة السخط الغاضبة .
بتبقي صعبة لما تزعلي .. وده ما كويس .
كلنا زعلنا من الأسلوب المغرض في التعامل مع شكل حوار زي ده .. و في قضايا زي دي .
و تم تمرير غبن قديم و مرارات دفينة تحت مسمى النقد و التصويب و ما أدراك ..
و التطاول إمتد و سقط درجات كبيرة في خطابه المكتوب و المرسوم ..
لكن ..
غضبك كان حراق و صادق .. و ..
منفلت في بعض مواضع لغته .
كنت أقرأ و أقول :
يا ساتر .. دينا ممكن تدق ليها زول لو قدامها هسه .
دينا خالد ..
ليك تحية ..
و العتبى كمان .. حتى ترضي .
| |
|
|
|
|
|
|
|
|
|
Re: حتى دينا خالد يا نجاة!! (Re: Mohammed Elhaj)
|
كتبت نجاة مشككة:
Quote: سواءً كانت دينا خالد شخصية حقيقية
أم صوت لشخص متستر وراء هذا الاسم |
و كتبت دينا:
Quote: ولولا وساطه اقدرها كثيرا من الصديق
ابراهيم الجريفاوى وطلبه منى بالحديث الهادى .. |
اها كمان قولوا الجريفاوي كوز و مايوي!!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
اولاً : ربنا يكتب السلامة يا عبد الله.
تانياً: قال عبد الله بولا:
وكما قالت نجاة نقدنا ليس معمماً على كل ناس حق، وإنما هو مستهدف هيئات قيادية
واشخاص محددين صدرت منهم أخطاء محددة جداً بأسمائها و صفاتها في كلام نجاة.
بينما كانت نجاة قد كتبت:
ودحين يا دينا الزول البدافع عنك ده ما ياهو الزول ذاته الذي
لاحق دكتور الباقر العفيف، القيادي في حق، بالمطاعنة واللمز؟
و استناداً على كلام عبد الله أرد على نجاة فأقول:
السيد العفيف قد صدر منه خطأ محدد جداً؛ و بالتالي
نقدنا للعفيف ليس معمماً على كل ناس حق!!
_____
شفت كيف!!
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
الدكاتره قالو علاج الكيماوى المستخدم لعلاج مرض السرطان
يدمر الخلايا الخبيثة ،، ولكن مشكلتو انو عميان لا يفرق اثناء تدميرو بين
الخلايا الخبيثة والحميدة بس لازم يعطوه المريض معولين على انه اثناء طيشه
هذا يمكن ان يقضى على الكثير من تلك الخبيثة ،،ويوم الدكاتره يقدرو يخلو الدواء
دا يفرز وقتها فقط سيعلنون انهم وجدوا علاجا للسرطان ،،
| |
|
|
|
|
|
|
|
|
|
Re: حتى دينا خالد يا نجاة!! (Re: Hussein Mallasi)
|
الدكاتره قالو علاج الكيماوى المستخدم لعلاج مرض السرطان
يدمر الخلايا الخبيثة ،، ولكن مشكلتو انو عميان لا يفرق اثناء تدميرو بين
الخلايا الخبيثة والحميدة بس لازم يعطوه المريض معولين على انه اثناء طيشه
هذا يمكن ان يقضى على الكثير من تلك الخبيثة ،،ويوم الدكاتره يقدرو يخلو الدواء
دا يفرز وقتها فقط سيعلنون انهم وجدوا علاجا للسرطان ،،
Quote: تانياً: قال عبد الله بولا:
وكما قالت نجاة نقدنا ليس معمماً على كل ناس حق، وإنما هو مستهدف هيئات قيادية
واشخاص محددين صدرت منهم أخطاء محددة جداً بأسمائها و صفاتها في كلام نجاة.
|
وبما ان الاستهداف بالكيماوى
وبما انو المستهدفين ملخبتين لايمكن فرزهم ،،
لكن دا كلو ما المشكلة المشكلة انو البعالجو ذاتهم طلعو ما دكاترة
قادرين تتخيلو المصيبة وين ، ولا اطيل
ملحوظة :: الدكتور ما مقصود بيه الطبيب كما يقول (العامة) امثالنا
الدكتور هو من يحمل درجة الدكتوراة
| |
|
|
|
|
|
|
|
|
 Re: حتى دينا خالد يا نجاة!! (Re: Hussein Mallasi)
|
عماد !
لانت الماء والخضرة ( صورة زهرة) **
بس زعلتى حفلة شاى جنب مهرجان زعلك
كنت عايز اقول ليك ارسم لى عربية ايديلوجيا كبيرة
وقوية وسمحة عافصة تحتها 30 مليون سودانى وهم الاتنين واقفين
فى العربية رافعين يديهم فوووق وبتصميم شديد بهتفوا
تحيا الايديلوجيا تحيا الايديلوجية
| |
|
|
|
|
|
|
|
|
 al7ag ya Mallasi...dawarat (Re: Hussein Mallasi)
|
Quote:
بدون اى مقدمات يا حسن يا موسى
عارف سيدنا (عنكوليب )...... هو ذا انت
الم اقل من قبل ....يوجد سخف ـــــــــ سخــــــــــف
كعادة سيدنا عنكوليب دوما ....الازدراء والاستهزاء و(ضنب الضب )....تشبيه يشبهك
عارف بداخل كل منا قلة ادب تفوق الادب ذاتو ... وربانيا كدا عندى زايدة حبتين ..
ولدى اهلى البقارة مثل يضرب لمن هو مثلك ....( المنفلت العاجباة نفسة ....)
وقبل المثل.... قلت الصبر او الفصل ... اليس كذلك ؟؟؟؟؟
واليك المثل كتوضيح فقط
العاجباه (..........) بيبلع اللالوب ....اقراء ما بين الاقواس وستفهم جيدا ماذا اقصد ....
وكل ما تذداد سخق ساشرح اكثر .... اها شنو ليك كدا عرفتا ان انا ما عندى كبير فى الدنيا دى ولا ..... كيــــف!!!
وللمرة الالف كراكتير .............. سخيف .
على فكرة انا اسمى قاسم المهداوى . وليس قاسم الذى .( تقل عليك اسمى كاملا ..(من شنو يا حسن موسى ).... طوالى اتشقلب اسم ابى الى الذى ...... اها واحد من ناس فايض القيمة ظهر )
شاطر والله اول مرة يكون هنالك سبق كراكتيرى وبعلامات استفهام .... شنو!!! نصفق ليك ونطبل ليك !!! يلا ارقص لينا ...
تضخيم الذات والانا الاستعلائية وراثة وبرمجة منذ نعومة الاظافر .....الذى لا تعرفة هو انى مستعد انزل معاك لقاع المحيط
تانى اسمى قاسم المهداوى
|
Dear Gasim...Welcome to Hell!!!
| |
|
|
|
|
|
|
| |
Hussein Mallasi
Waly Eldin Elfakey
ناذر محمد الخليفة
فيصل نوبي
garjah
دينا خالد
Bashasha
bayan
عبد الحميد البرنس
AnwarKing
Emad Abdulla
Mohammed Elhaj
فيس بوك
تويتر
انستقرام
يوتيوب
بنتيريست