|
دعواتكم لزميلنا المفكر د.الباقر العفيف بالشفاء العاجل
|
|
 Re: الفرق بيننا ... و بينهم! (Re: Hussein Mallasi)
|
الفرق بيننا وبينهم
نحن منو وهم منو ...؟ وانتوا منو..؟
يتخيل لي يكون الفرق ذي فراق الزول بعد ما يوالف
بورتسودان - مدني - كسلا -
خلي بااااااااااالك طويل
أطول من كرفتة المحامي
وكل سنة وانت طيب حسين ملاسي
| |
 
|
|
|
|
|
|
|
|
Re: الفرق بيننا ... و بينهم! (Re: Tumadir)
|
انا مستغربه انت الموضوع ده شاغلك كده ليه يا ملاسى
انا فى البوردين..
يعنى الفرق بينى وبينى شنو؟؟
انا دايره اسألك سؤال:
انت داير المنابر كلها تتشابه؟
كلها تكون عندها نفس القراء وعدد القراء؟؟
والفايدة شنو طيب؟
ما يعملوا بورد واحد كبييييييير والناس كلها تكتب فيه بالفهم ده..
انا شخصيا احترم وجودى فى سودانيز اون لاين..
واحترم وجودى فى سودان فور اول
وعارفة قيمة كل بورد لى ..وللبكتبو..
ماعارفاك ياملاسى بتكون داير تقول شنو فى معطم الاوكات بقرا حاجات مبتورة وما مكتملة
وطويلة ..وبحس بيها "هنااااااى كدا...." "زى ما بيقولو فى السودان..." ههههه
بالله ممكن تساعدنى الليلة افهم وجهة نظرك "وللابد؟؟"
وأكون شاكرة ومقدرة؟؟
اختك ابدا تماضر شيخ الدين
"عشان بعدين ما يكون فى زول تانى افتراضى داخل فى التساؤل ده غيرى انا .."
| |
|
|
|
|
|
|
|
|
|
Re: الفرق بيننا ... و بينهم! (Re: Mohammed Haroun)
|
| Quote: ده "عرض ازيار" ولا ايه؟؟ |
ليس عرض ازيار؛
و لكنها مقاربات نقدية اعمل عليها هذه الايام!
___________
كدت ايأس من ان اتمكن من ادخال
"مقاربات نقدية" في اي جملة!!
وجه ضاحك؛ يشير بابهامه الايمن
للخواض و البرنس.
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
الأخ المفضال حسين ملاسي
سلامات
في غاية الإعتدال مزاجي
مازحاً اقول إن فكرة عمل مقاربات نقدية لعالم الأزيار
الاسفيرية مبهجة وخاصة في يوم كيوم الوقفة !
من حانب: أزيار معلقة في الهواء = ماقاعدة في ا########## ، تقابلها
من الجانب الآخر أخواتها القاعدات في ا##########
من جانب :أزيار لا يشرب منها أحد تقابلها من الجانب الآخر أزيار
يشرب منها عابرون
من جانب : أزيار عندها آوت ليت واحد : من الجانب الآخر أزيار
متعددة المشارب ـ Multikaizania ( وجه ضاحك )
| |
|
|
|
|
|
|
|
|
|
Re: الفرق بيننا ... و بينهم! (Re: waleed500)
|
لله درك يا عثمان
فقد كدت اصدق ما قالته تماضر من ان هذا البوست
مثله مثل ما اكتبه في معظم الاوكات من حاجات مبتورة
و ما مكتملة و طويلة.
Quote: ماعارفاك ياملاسى بتكون داير تقول شنو فى معطم الاوكات بقرا
حاجات مبتورة وما مكتملة وطويلة ..وبحس بيها "هنااااااى كدا.. |
الا ان تلخيصك المدهش للبوست
اعاد اليّ بعض الثقة التي كدت افقدها بما اكتب!
Quote: من جانب: أزيار معلقة في الهواء = ماقاعدة في ا ل و ا ط ة ، تقابلها
من الجانب الآخر أخواتها القاعدات في ا ل و ا ط ة
من جانب :أزيار لا يشرب منها أحد تقابلها من الجانب الآخر أزيار
يشرب منها عابرون
من جانب : أزيار عندها آوت ليت واحد : من الجانب الآخر أزيار
متعددة المشارب ـ Multikaizania ( وجه ضاحك ) |
_______________
كل عام و انت بخير يا صديقي
و اعاده الله عليك و انت في موفور
الصحة و المزاج المعتدل.
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
الأمر كله دعابة ..... إي والله دعابة ليس إلا.
تخريمة بمناسبة عيد الأضحي:
داحس والغبراء حرب أشعلها غضب مجنون واصطلى بنارها أبرياء (40) عاماً.
اللهم جنبنا الحروب وويلات الحروب في دارفور والشرق والجنوب. آميــن.
| |
|
|
|
|
|
|
|
|
|
Re: الفرق بيننا ... و بينهم! (Re: Mohammed Haroun)
|
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(Hussein Mallasi)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: الفرق بيننا ... و بينهم! (Re: معتز تروتسكى)
|
سلامات يا محجوب
و كل سنة و انت طيب
Quote: Quote: تحيرني الكيفية التي تملأ بها
تلك الازيار المعلقة في الهواء!! . |
Remote Control |
ما تسميه انت Remote Control
اسميه انا ... الاشارة!
ازيار تملأ ... بالاشارة!!
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
في اجازات الثانوي زمان ,, كنت بشتغل (مخزنجي ) في مصنع نسيج بام درمان اسمو (هويدا ), اي المصنع , اذكر انو كان فيهو ازيار كتيرة موصلة مع بعضها بخراطيش , وكان كل زير مركبة فيهو حنفية , اي والله حنفية , وكل الازيار محكمة الاغلاق من اعلى , عشان الطير ما "يزق " فيها .
لا اذكر اخر مرة استخدمت فيها مفردة ( خرطوش ) ولكنها تبدت لي هذه المرة على نحو غريب وكانها شتيمة ,
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
Quote: جال بخاطري عند رؤية الأزيار الموسومة
بسبيل المرحوم و التي يبدو أنها صُمّمت
لا لإرواء عطش الراجلين، بل للأرواح الهائمة
في الفضاء و عالم الغيب والملائكة والمراحيم
ـ جال بخاطري عند رؤية خراطيمها منظر
حلب الأبقار آليا، وذكرني القـفـص الحديدي
المصنقـرة فيهو الازيار القافـزة بعمود
الزانة الحديدي بتلك البيوت الآسيوية
المشـيّدة فـوق الماء |
انها العين الجميلة يا عثمان .. ترى أجمل ما فى الأمر
الأخت تماضر
المهم أنها كلها تروى .. الذى يريد السقيا ..
| |
|
|
|
|
|
|
|
|
|
Re: الفرق بيننا ... و بينهم! (Re: معتصم الطاهر)
|
Quote: من جانب: أزيار معلقة في الهواء = ماقاعدة في ا ل و ا ط ة ، تقابلها
من الجانب الآخر أخواتها القاعدات في ا ل و ا ط ة
من جانب :أزيار لا يشرب منها أحد تقابلها من الجانب الآخر أزيار
يشرب منها عابرون
من جانب : أزيار عندها آوت ليت واحد : من الجانب الآخر أزيار
متعددة المشارب ـ Multikaizania ( وجه ضاحك ) |
انها النظرة الثاقبة يا عثمان ..
ترى ما يتعامى الاخرون .. عن رؤيته!!
| |
|
|
|
|
|
|
|
|
|
Re: الفرق بيننا ... و بينهم! (Re: معتصم الطاهر)
|
Quote: لولا خشيتي من عدم تقبل خالد الحاج للدعابة؛
و لولا زهدي في مداخلات اضافية من معتصم الطاهر؛
لاوردت نموذجاً لمزيرة تمثل في نظري بورد سودانيات . |
ما دام معتصم الطاهر قد اطل بوجهه مرة اخرى؛
فلم يتبق الا التأكد من سعة صدر خالد الحاج!!
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
هل تعرف الامثال دى يا حسين ملاسى
( التمساح ما بخوفوه بالغرق)
( ابشر بسلامة يا خالد الحاج )
ليس المهم المزيرة فقط
بل
المهم أن تضع نفسك فى تلك المزيرة يا حسين .
الموقع
الحجم
الوظيفة ..
بالمناسبة
وللآخرين
أعتبر وأعترف أن ايراد الصورتين فيهما ذكاء .. خبيث ..
| |
|
|
|
|
|
|
|
|
|
Re: الفرق بيننا ... و بينهم! (Re: معتصم الطاهر)
|
ما عندكم لى صورة مزيرة ..فيها زير واااااااحد
وسيد المزيرة واقف و بيكشح بالكوز فى "السابلة"
والما سابلة ..برضو
وبعدين الموية البكشحها دى اتضح انها "موية نار"؟؟
مغرودة لى فى "رمزية". ضرووووووووووووووووورى
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
سأكون من رهط المغتبطين حقاً لو عثرت
كاميرتك يا حسين على صورة تجسم حال
سبيل منتدى نادوس الذي صار في خبر
كان
لك يا حسين وللعزيز عادل في برده
البولندي التحية كاملة غير منقوصة
عثمان في ساعة صفاء دائم
| |
|
|
|
|
|
|
|
|
|
Re: الفرق بيننا ... و بينهم! (Re: معتصم الطاهر)
|
سلامات يا تماضر
و كل سنة و انت طيبة
Quote: ما عندكم لى صورة مزيرة ..فيها زير واااااااحد
وسيد المزيرة واقف و بيكشح بالكوز فى "السابلة"
والما سابلة ..برضو
وبعدين الموية البكشحها دى اتضح انها "موية نار"؟؟ |
مزيرتك الكايساها بتاعت موية النار ليست من ضمن مجموعتي؛
الا انني اعدك بأن اتي لك بمزيرة كانت تظن انها المزيرة
الوحيدة في الشرق الاوسط؛ قبل ان تكتشف - و يكتشف اصحابها –
حقيقة وجود سُبل تروي العطشى في أي ملف!
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
الملاسى
دائما...
وانا أقرأ لك!!!
أحس بأن هنالك خبث ضمنى بين أحشاء مفرداتك...
هو الخبث نفسه...
لا أكرهه...
ان لم اكن احبه فى بعض الأحيان...
لذلك،...
تجدنى قارئا دوما لما تكتب
كن و لا تكن دائما خبيثا
ارقد عافية
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
العزيز ملاسي ..
لدي صورة جميلة جدا للـ (زير سالم) بطل ذلك المسلسل المشهور وقد ترددت في جلب صورة المهلهل بن ربيعة هنا خشية أن لا تجد مكانها بين (أزيارك) !!!
[RERD]صنفرة:
هل تستطع تصنيفها ووضع مكانها بين المنتديات ! كي أاتيك بها أم تفضل صور الازيار الحقيقية !!!؟
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
سلامات يا وليد
Quote: مافى زير من دون كوز وحتى يعم العدل فى انحاء
المعموره كان لابد من وجود الكوز فوق الزير |
ذلك ما كان متعارف عليه؛
و لكن جماعة سودان فور اوول
- لانهم معلقين في الهوا -
ختوا الكوز – و غير الكوز - تحت الزير!!
انظر الصورة ادناه:
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
مازحاً
ــــــــ
إن شياخة الأزيار السودانية، مونوبولها في الاسفير
في الوقت الراهن هي لأزيار سودانيز أون لاين ـ بما
لها وماعليها
كل أواني الشرب العائمة في الاسفير تعبرها أولاً ثم
تنطلق في رحلة الفضول نحو الأزيار الأخرى
ثمة أزيار أصبحت في خبر كان وأخرى تكابد الأمرين
لإلتقاط أنفاس
أما مستقبل الأزيار جميعاً فعلمه عند الله
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
إن سبيل المرحوم المعلق الدنان في الهواء أمره مثير للإستغراب يا حسين
4 أزيار حدادي مدادي يختصرها إناء شرب واحد مخسوف به في أسفل سافلين
سبيل في الشارع للسابلة ومع ذلك له إناء يتيم ! عجبي، لكأن السبيل لم
ينصب للشاربين بل للمرحوم وحده وهو مجبور عليه
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
ربما يكمن سر شياخة أزيار سودانيز أون لاين ـ
و مونوبولها ـ لا في تعددية المشارب وحدها
، بل وفي الطريقة البلدية ـ بما لها وما
عليها ـ والتي يدير بها راعي المزيرة
مزيرته الالكترونية أيضاً ، والله أعلم !
| |
|
|
|
|
|
|
|
|
|
Re: الفرق بيننا ... و بينهم! (Re: Osman M Salih)
|
ربما تكمن الجاذبية وسر الشياخة في البساطة و التبسط
ربما تكن الجاذبية وهنا المفارقة في الأخطاء الطباعية
المصاحبة ـ الحجل بالرجل ـ لمانشـتـّات الصفحة الأولى
لسودانيز أون لاين
يكمن السر في همزات المانشـتـّات الرئيسية يا حسين
( وجه ضاحك )
| |
|
|
|
|
|
|
|
|
|
Re: الفرق بيننا ... و بينهم! (Re: Hussein Mallasi)
|
نحو نظرية داروينية للأزيار
ــــــــــــــــــــــــ
وكما هبط الإنسان ـ في ذهن دارون ـ من الشجرة
ومشى بإسـتـقامة فاجاً تلافيف الغابة فإن ثمة
زير في العصر الحديث ـ يتجادل حوله العلماء
ـ قد هبط ذات ليلة من الحمّالات ومشى بإستقامة
فاجاً تلافيف الغابة بإتجاه إنمساخه في هيئة
ثلاجة عادية و ديب فـريزر
زير جسور ذلك الذي هبط من المزيرة = الشجرة
مفارقاً عش الثمرة الكسول حيث ينام الأمان في
مأمن من لمعة الأنياب في حدقات الضواري والكواسر،
إلى الأرض حيث تغيب الطمأنينة و يتطلب العثور
على الرزق كداً و بحثاً في المجهول. كان بحق
زيراً طموح النفـس، لم تشبع تطلعاته رتابة
الحياة بين أقـرانه الأزيار = القرود ، على
الحمّالات = على الأغصان
هاهي الثلاجة معززة مكرمة في طراوة البرندات
و الصالات المكـيّـفة والمطابخ و المحلات التجارية
وفي كل مكان، في كل مكان، ولكم أن تتأملوا في
النهاية المأساوية لأزيار البيوت التي كسد ماؤها
وفـّر منها العشاق، وهي النهاية المرجّحة لكل
أنواع الأزيار الأخرى في الفـضاء العام : أزيار
السبيل ، أزيار الجوامع ، المسايد ، المطابخ
الشعبية، النوادي، وهي النهاية المرجّحة لأزيار
الاسفير، القانون يسري بقـوته الحديدية على كل
الأزيار أرضيها و سماويها، الخشبية الحمّالات
منها أو الحديدية المزيرة أو تلك المستريحة
على لبّادات من الأسمنت
أما كيف ستبدو الثلاجة التي ستحل محل أزيار
الإسفـير في المستقـبل، فعلم ذلك عند علاّم
الغيب
ــــــــــــــــــــــــــــــــــــــ
أخونا حسين
تحية ،
ذات يوم ستصبح كل الأزيار أثراً بعد عين ولن
تجدها إلاّ في ذكريات التلاجة و الديب فريزر .
ولهذا أقترح عليك ـ عشماً في القبول ـ أن
تخصـّص لها مساحة أوسع لتوثيقها جميعاً :
ـ أزيار البيوت ـ دون تمييز
ـ أزيار الفضاء العام ـ دون تمييز
من الممكن تبويب الأمر على النحو التالي :
ـ الأزيار على حدة من ناحية الاشكال و الأحجام
ـ أنواع أواني الشرب ومواقعها من الأزيار
( فوقها، تتدلى بجانبها مجنزرة أو مأسـورة
برباط ، أو أسفلها كما هو حال ذلك السبيل
السابح في الهواء )
ـ أنواع الحمّالات و أشكالها
| |
|
|
|
|
|
|
|
|
|
Re: الفرق بيننا ... و بينهم! (Re: Osman M Salih)
|
ربما يكمن سر شياخة مزيرة هذا
الموقع في جاذبية هذا المزيج
العجيب ( على سبيل المثال ):
ـ خالد العبيد في شدوه وهيامه
بحزبه الشيوعي كما لم يفعل
محجوب شريف وحميد
ـ عثمان صالح حامل التوابيت التي
ركلت لاحقاً في غياهـب النسيان
ـ البرنس صاحب الوردة الحجرية
في عودته المجهدة من وردية ليل
ـ BOB في حريقته الدائمة التي
لا تحرق أحداً
ـ أخونا أبوخالد في إستهدافه من أرض
الكنقرو الأبورجينس ـ لأخينا هشام
آدم المقيم في الربع الخالي ، وهشام
آدم في رسائله الشعرية للبحر الأحمر
ـ حسين ملاسي صاحب الكاميرا الجوالة
في سخريته من الأزيار المعلقة في
الهواء
ـ الخواض سارحاً في لاهوت وردته
حتى يوم البعث
ـ أستاذنا هشام مدني في شكواه التي
لا تنتهي
ـ عم التنقـو وراكوبة و تمبس ـ ملوك
الموسيقى بلا منازع
ـ تراجي بقـبعة الحواة العامرة بأوسمة
النضال و النياشين الغريبة
ـ محمد حامد جمعة في معاناته المكتومة
لصد سهام التهمة الباطلة بعضويته في
جهاز الأمن
ـ هشام هباني و أساسي اللذان أقامت
حربهما الأخيرة البورد على ساق واحدة
ثم إختـفـيا فجأة
ـ بيان في نقدها للأحزاب العقائدية
ورهط تصفه بالحداسيين و الحنفـشاريين
ـ عسكوري وهموم خزان الحامداب
ـ سيف مساعد ود عوج الدرب
بتعليقاته المقـلقـلة للمضاجع
ـ الزوول في حربه ضد إستخدام
الألقاب الأكاديمية
ـ جني منتج البوستات الكومباكت
ــــــ
أتمنى أن تتسع الصدور للدعابة
| |
|
|
|
|
|
|
|
|
|
Re: الفرق بيننا ... و بينهم! (Re: Osman M Salih)
|
ـ الحزازات و الانقسامات بين بورداب السعودية
ـ خضر حسين خليل في إشتياقه الجارف لبيوت الطين
ـ أسامة الخواض و بشرى الفاضل في حرب بسوسهما
ـ الهدّت حيل القـراء ـ حول التيارات النقـدية
الجديثة و التجسير الثقافي
نور تاور المهمومة بعمارة البيت السوداني في
المنافي
| |
|
|
|
|
|
|
|
|
|
Re: الفرق بيننا ... و بينهم! (Re: Osman M Salih)
|
ـ المفكر أبو الهيجات عادل محمد عبد
العاطي في هجمته المضرية على ما
يصـفها بالقيادة اليمنية للحزب
الشيوعي
ـ البرنس و مصطفى مدثر والعكة
الحالية حول مفهوم " رؤية العالم"
ـ سجيمان و عالم ظعيط ومعيط
| |
|
|
|
|
|
|
| |
Hussein Mallasi
waleed500
Dr.Saeed Zakarya Saeed
Mohammed Haroun
فيصل نوبي
Tumadir
Osman M Salih
معتز تروتسكى
Marouf Sanad
معتصم الطاهر
تيسير عووضة
Yassir Tayfour
mamkouna
ناذر محمد الخليفة
saadeldin abdelrahman
فيس بوك
تويتر
انستقرام
يوتيوب
بنتيريست