|
|
 Re: الدسيس و عكاشة (Re: Hussein Mallasi)
|
ليك وحشة ياجميل
كيف شوارع الخرطوم
وحواري وابواب الصند في امدرمان
وطلال وهميمة وعصام وناذر
وكل بورداب الخرطوم الحلوين ؟
هذه المجلة هي السطوة !!
تخيل 59 صفحة كل صفحة فيها دشليون مقالة تحتوي على العسل والشهد واللحم والربيت والطازج والبايت والنضيف والصافي والعالي والدغري والبي حبا والراسخ والمتمكن والمنظم والداقش والعنقالي والمسغفاتي والبحلموا وناس الواقع والعشاق والغنايين وفيهم القلبوا على جيبوا والقلبو علىالجنبوا ، والمرنقبو قرنبو ، والقاعد يورد لمن فريقو لاعب ،والقاعد يطلع الخلا لمن ازعل ولايختلف مع زميل ولا صاحب ،صفحات فيها القروا في مدرسة الشعب والقروا في الصطبة الوسطى والبقروا ببلاد بره فيها الحبوبات والعاشوا زمنهم وزمن غبرهم فيهم الجايين مع الجيش الجاي وفيهم الواقفين للغازي والبينهم في النص ،ناس سابحين بالبحر الأسترالي والنايمين في التلج ومتغطين بالحنين في الإسيكيمو وألسكا ومعاهم العايش رطوبة الأمزون ولامس السحاب من مرفعات نيكاراكوا وراقص السامبا بالبرازيل ،وناس رشك في الصين والحكمة الكنغوشيوسيةوناس اليانكي والهكسوس والفريد ورجال الشمال ،والفتيات الجميلات والأمهات الرائعات والنساء العاملات والصفحات الوردية ..
كل هذا التنوع وكل هذه الحرية لابد من ان تكون لها سطوة
لتمتد السطوة حتى نتلم بالمحنة والمحبة والسلام
والفهم البودي لي قدام ونغطي الوطن الشايل الحقاني والأبيض والأخدر والقمحي والبني والأزرق وخاطف لونيين والنيلي والصحراوي والجبلي والغاباتي الداخلين في بعض وشايلين لون واحد لون النيل ...كل من يكتب في هذه المساحة يكتب بدمه النيلي ، نختلف ونتفق علينا ان نتذكر ان لدينا وطن ارضه حنينة تتسع للتسامح والمحبة ومن هنا تأتي السطوة ...
| |
 
|
|
|
|
Hussein Mallasi
أحمد الشايقي
محمد سنى دفع الله
فيس بوك
تويتر
انستقرام
يوتيوب
بنتيريست