منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 06-29-2017, 10:57 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** غبشه ***

09-28-2004, 11:41 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube


*** غبشه ***




    *** غبشه ***

    السمحه وارده على البحر
    شايله الصفيحه على الصفيحه
    وتوبا بالواطه بيجر..

    تتناطا من بين الغنيمات المبطحه فى الدريب
    وتناحى فى الديك المجفلا غادى كر..
    تزازى جاى .. ومره جاى
    وتنهر الكلب البهوهو خايفه وتقول ليه جر..
    *****
    رفيقاتا القبيل سبقنها فاتنها
    ما لاقيه واحده تآنسا وتبقالا فى الحالتين وزر..
    فطومه مره تمد .. ومره تجك ..
    وتتعتر تقشقش فى العرق والدنيا حر..
    قديمات الحمام اتغبرن .. والشبشب المهرود
    يبرطش فى التراب جاراه فوق كرعيها جر..
    ****
    احى انا .. نفسى انقطع..
    تنهيده تمرق من رويحة السمحه
    زى فصين درر ..
    ****
    لمن لفت نص الطريق ..لاقت رفيقاتا القبيل
    رجعن خلاص من البحر..
    يتهامسن .. و يتضاحكن ..
    نظراتن الشمتانه تكوى السمحه..
    زى كى الجمر..
    وقفت ... وبى نظرة عتااااااااب ..
    انا ما رفيقتكن .. نسيتن اللمه فى ضل الشدر ؟
    اتلملمت لفحت طرف توبا وجرت..
    ما عاينت قداما.. فجأة اتعترت فوق الحجر..
    ****

    السمحه مى شبه التعب والبهدله ..
    لكن ظروفا القاسيه اقوى من الدهر..
    فطومه ديمه شايله شغل البيت..
    لا يوم شكت لا اتململت .. واياما فى الدنيا بتمر..
    *****
    وكتين دنت سمحتنا من طرف البحر..
    رمت الصفيحه وكوعت ايدينا فى نص الضهر..
    ملت الصفيحه .. اتنهدت ..
    لوت الوقايه بى ضجر ..
    وهطت الصفيحه.. ورجعت تجرر فى الخطى..
    والمويه من خرمين تسيل فوقا وتخر..
    ***
    وصلت خلاااااااص آخر المطاف.. والفيها كملت
    من مشيوير الورود ساعة العصر...
    تكت الصفيحة تكبها فوق الزوير..
    البالى من زمن الجدود مال واتنخر...
    فلتت ادياتا الصغار من الوهن ..والمويه سالت..
    تحت كرعيها زى جدول عبر..
    اتزحلقت .. اتمايلت .. وقعت تراااااااااااح ..
    فى لحظه كانت سابحه فى بركة مطر..
    اتاوهت .. اتوجعت .. اتندمت 00 اتحسرت
    والدمع من عينيها طفر..
    اتحكرت فوق طينا داك .. تندب الحظ
    المعتر ليها دوم طول العمر..
    تندب الحظ المعتر ليها دوم طول العمر..
    سوما @@@
    اسماء الجنيد مسقط ...


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-28-2004, 12:08 PM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: *** غبشه *** (Re: soma)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-28-2004, 12:11 PM

sympatico

تاريخ التسجيل: 02-04-2002
مجموع المشاركات: 0

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    -







    -
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-28-2004, 01:47 PM

omar_ragab
<aomar_ragab
تاريخ التسجيل: 02-05-2002
مجموع المشاركات: 1722

للتواصل معنا

FaceBook
تويتر Twitter
YouTube


Re: *** غبشه *** (Re: soma)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-28-2004, 11:28 PM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    سوما فراشتنا الجيملة / كلام جميل ومعبر لى بساطة اهلى الحلوين والطيبين الزينين ..... كم كنت مشتاق ان اسمع مثل هذا الكلام لانه يداوى جروح الغربة المريرة .... فكى احترامى وتقديرى
    السمؤل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-28-2004, 11:40 PM

aosman
<aaosman
تاريخ التسجيل: 02-04-2002
مجموع المشاركات: 2800

للتواصل معنا

FaceBook
تويتر Twitter
YouTube


Re: *** غبشه *** (Re: soma)



    يا سلااااام يا سومة خليتي ادروب يمشى يشترى ليهو بن ويقليهو ويعمل ليهو جبنة ويتحكر في نص الراكوبة في رملة باااااردة ويقعد يشرب في الجبنة ويسرح مع ذكريات الادروبات
    ادرووووووب

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-28-2004, 11:56 PM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    Quote:
    وكتين دنت سمحتنا من طرف البحر..
    رمت الصفيحه وكوعت ايدينا فى نص الضهر..
    ملت الصفيحه .. اتنهدت ..
    لوت الوقايه بى ضجر ..
    وهطت الصفيحه.. ورجعت تجرر فى الخطى..
    والمويه من خرمين تسيل فوقا وتخر..



    استاذتنا سوما

    دوما هموم اهلنا البسطاء ملء كلماتك
    الصورة اعلاه ما زالت - لمن يتشدقون بتهميش مناطق فى السودان - موجودة فى شمال السودان ووسطه وما زالت المرأة تسقى وتروى الانسان والحيوان هنالك حملا للماء على الرؤوس الجميلة ..

    شكرا عزيزتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-29-2004, 00:17 AM

خضر عطا المنان
<aخضر عطا المنان
تاريخ التسجيل: 06-13-2004
مجموع المشاركات: 5191

للتواصل معنا

FaceBook
تويتر Twitter
YouTube


Re: *** غبشه *** (Re: قرشـــو)

    فراشتنا الجميلة : سوما

    كلما هبطت بنا غيمة عند دارك العامرة بالسماحة والزين والعديل
    تلقفتنا غيمة أخرى لمرافئ أكثر دفئا وأمنا في زمن الخوف والرعب
    الملتحف لحياتنا كل يوم .

    العافية تبقالك هدم وأنيس وجليس آناء الليل وأطراف النهار .

    سوما لك الود والمعزة دوما .

    خضر عطا المنان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2004, 04:08 AM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    الغالية المبدعة سوما

    السمحة فى المشوار تضج
    ما لقت غير التعب والضجر
    السمحة سايقا هموما البقت
    ما بتنحلّ الا فى غايات الصبر
    مسكينة تندب فى الحظوظ
    بالطرحة تمسح دميعات السهر

    لك الياسمين ... سوما ... وكأنى الان اركض نحوها... هذا البوح الصافى يجعلنى
    اختلط مع النص واعايش ذراته .... مالو الحزن بشيل اجمل الورود وبهديها الحرمان ؟

    ما اجملك يا مبدعة ... ربنا يحفظك ... شكراً ليك مرتين وعليك الله ما تطولى تانى

    الفاتح
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2004, 11:06 PM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube


Re: *** غبشه *** (Re: alfatih)


    غبشة

    سلام وحبابكم يا غبش من وسط الغبش...

    قعدت بعيد اتفرج بعدما رسلت ليكم السمحه.. الغبشه ..
    قلت يات من يجى يتاوق هنا .. احلف انه اغبش زى وزيها .. بتهز مشاعره الحنينه سماحة خصالنا السمحه البسيطه الاصيله ..
    فطومه الغبشه والحياة الساهله العايشاها بى حلوها ومرها اكيد ليها طعم خاص ونكهه خاصه للناس الحنينه زيكم وزى باقى اهلنا الما قادرين يتواصلوا معانا فى لمتنا دى..
    يديكم الف عافيه يا حبايب...

    نبدأ بالضى الحنين ... لؤى .. ضى بيوت الاهل كلها..
    كيفنك يا عقاب النضم السمح ..ان شاء الله تكبر معانيك وتغزر وتبقى ضلاله لينا كلنا ..يغشاها كل ماشى ويتعطر بى دعاشها وتكبر الضلاله وتبقى غيمه تعم البلد يا ود البلد..
    ........
    الضى لؤى ..تسلم يا الحنين ...

    *****
    سمباتيكو ...
    مشيت البحر ولا شنو ؟
    عارفاك بطحانى حار ماشى تشوف البنيه دى وتجاملا .. وممكن تجيب ليها خرجين مويه..
    تسلم يا عشا القبيله على المتاوقه ...

    ****
    عمر رجب يا ظريف ..
    سلامات وحبابك يا خوى ..
    كتر خيرك ..دائما سباق والله ..يديك الف عافيه وتسلم يا رائع ..
    تحياتك لى ناس البيت وصلت وبهدوك عاطر الود والاحترام
    وتسلم..

    ***
    السمؤل .. حاباااااابك يا اغبش من ريحة الغبش..
    اكيد الزيك يا حنين بعاودو الحنين للذكريات النبيله ولى حنية اهلنا المافى زيها فى الدنيا ..
    نحن يا السمؤل اخوى اكان ما بتغشانا ريحة اهلنا المعتقه .. وضو رقراقهم فى ضلام الغربه دى ..كنا بنتحمل ونقوى ونقدر على المواصله ؟ الله لا حرمنا منهم
    تسلم يا السمؤل .. والله لا وراك يوم مر فى غربتك .. وترجع لى اهلك سالم غانم يا حنين..

    *****
    ادرووووووووووووب ..
    سلام يا ادروب ابو بدلة ..لوووووووووول
    ادروب ياخى ما معقول ..بعد القلوه والرمله والفناجين والجبنه دى كلها .. تتحكر لى بى بدلة الافرنجه دى ؟
    ياخى وين الصديرى والمركوب؟..
    حبابك ادروب يا ولوف ..
    وبهديك فنجان قهوه فوق الجروف ..

    ****
    قرشو عمدة البلد
    حبابك يا اصيل
    حقيقة ما زالت الصوره العالقه بذهنى من صوره حيه وجميله وفيها كثير من الوفاء والتضحيه .. موجوده فى بعض قرآنا النائيه فى بلادى..
    وكم تمنيت اخوى قرشو انا اعيشها واقع ملموس .. ولكن هيهات مع تكنلوجية العصر العجيبه
    حتى القرى شملتها الحضاره والتكنلوجيا المشاتره فى كثير من مناطق السودان...
    لم تكتفى التكنلوجيا بالمدن .. وطافت حتى شملت كثير من القرى ..ولكن لم تغير وبكل فخر طباع ونفوس اهلى الغبش .. رغم التيار الجارف .ونحمد الله على اصالة اهل بلادى ..الانت منهم يا قرشو الاصيل..
    تسلم اخو البنوت وربنا يديك الفى مرادك يا يابا ..

    الحنين ود عطا المنان ..
    حبابك انت يا الركازه البتجينا بى دعاشك عز الهجير.. متلفح بالنسمه البارده ومعمعم بالطيبه السمحه..
    وحباب نضميك الزين يا ود قبايل النيل..
    وانت ان شاء الله العافيه تغطيك وتباريك وين ما تقبل ..
    وربى يخدر دربك ويسهل امرك ..
    كتر خيرك ود عمى ..وان شاء الله ما نعدم المتلكم ..

    *****
    الفاتح الحنين ..
    مغموس بالمويه والطين الاخدر لى جواك الزين ..
    عارف يا الفاتح ..انا بشوفك انت بى غادى لى طرف البحر شايل شبكة ومحكر فى القيف
    تعاين ساى وساكت ما عاجبك السونو البنوت مع رفيقتن السمحه ..
    ولومتهن بى نظراتك مو بالنضمى .. فى شان مو من طبعك النضم الحار.. وبردت عليها بى صفيحة مويه وربطة قش فى رجعتك ..
    وشربت شاى المغيرب عندهم
    ولاقيتك فى طرف الدرب راجع بيتك ..عرفتك جيت من عند السمحه يا السمح جوه وبره
    الفاتح الغيبه مو بى ايدى ..
    اريتنى كان كنت مع ناس الغبشه ما كان غبت تب..
    فهمتنى يا العشا ؟
    تسلم الفاتح ويسلم فهمك.. وقلمك .. يا الضو.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2004, 00:39 AM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: *** غبشه *** (Re: soma)



    لوحة رائعة..... يا سومة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2004, 10:12 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube


Re: *** غبشه *** (Re: سجيمان)

    سجيمان .. الماك خمجان تسلم يا عشا الضيفان..
    التحيه ليك يا جنا الحنان ..كيمان كيمان
    وشكرا على المتاوقه وبهديك فنجان قهوه بى هبهان..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2004, 12:41 PM

نصار
<aنصار
تاريخ التسجيل: 09-17-2002
مجموع المشاركات: 11660

للتواصل معنا

FaceBook
تويتر Twitter
YouTube


Re: *** غبشه *** (Re: soma)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2004, 03:54 PM

maha abdella

تاريخ التسجيل: 03-23-2004
مجموع المشاركات: 331

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    Quote: اتزحلقت .. اتمايلت .. وقعت تراااااااااااح ..
    فى لحظه كانت سابحه فى بركة مطر..
    اتاوهت .. اتوجعت .. اتندمت 00 اتحسرت
    والدمع من عينيها طفر..
    اتحكرت فوق طينا داك .. تندب الحظ
    المعتر ليها دوم طول العمر..
    تندب الحظ المعتر ليها دوم طول العمر..

    التحيه لك ايتها المبدعه
    بشوف فيك اخواتي واماتي وحبوباتي
    وسوداني الله ايريحك يا اختي دوماً
    الى الامام عزيزتي

    ما اجملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2004, 04:03 PM

طيفور
<aطيفور
تاريخ التسجيل: 08-17-2002
مجموع المشاركات: 1666

للتواصل معنا

FaceBook
تويتر Twitter
YouTube


Re: *** غبشه *** (Re: soma)


    احى انا .. نفسى انقطع..

    كر عليك يا الغبشة
    الجابك شنو..
    وسط العجاج والدفسة
    وكركبة الضجيج
    البورض دا مقدود من قبل
    ما من دبر
    وبطانتو مهرودة
    زي بالي النسيج
    خليك في ضراك..
    مكنونة في العين والقلب
    نمان تزول الغمة
    او من خلاف تلقينا مصلوبين
    فوق الدرب
    يبرونا بالبكا والنشيج
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2004, 07:46 PM

wadahmed
<awadahmed
تاريخ التسجيل: 09-04-2002
مجموع المشاركات: 280

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    العزيزة سوما ،

    كم رائعة هذه الصورة الواقعية .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2004, 11:00 AM

omer almahi
<aomer almahi
تاريخ التسجيل: 03-25-2004
مجموع المشاركات: 1507

للتواصل معنا

FaceBook
تويتر Twitter
YouTube


Re: *** غبشه *** (Re: wadahmed)





    دعيني أشارك معك بهذه اللقطة فقد جمدت دهشة روعتك الكلمات في دواخلي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2004, 11:09 AM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube


Re: *** غبشه *** (Re: omer almahi)

    عارفة يا سوما ..
    انت كل تلاتة شهور لازم تمشي السودان ..

    سلمت يمينك ..

    " اوع تكوني شولا " ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2004, 09:48 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube


Re: *** غبشه *** (Re: humida)


    حبابكم من تانى يا قبلة غناى ..
    اتفضلوا ادخلوا لا جاى ..


    نصار النجيض حبابك يا الصنديد.. و المطايبه سمحة تب
    وغشوتك بندورا حتى كان واقف طولك.. تسلم يا اخونا..

    ****
    مها بت عمى عبد الله ...
    التحيه ليك بت امى قدر حنيتك ..
    وانا يعلم الله سعيده بيك انتى .. البتشوفى فينى اخواتك ، واماتك، وحبوابتك ... واهلك كلهم ..ده كتير يا مها الاجواده
    ..انا بشوفك لمة محنة .. ونسة عشيه فى ضو القمره .. كل زول شايف التانى باحاسيسو ومشاعره والقلوب ملتحمه..
    يديك قدر نواياك يا بيضاء وتسلمى يا الحنينه...

    ****
    طيفور حبابك ..
    برد جوفك يا العشا وادنا لا جوه ..
    الغبشه بندورا ما تفوت عيونا ولا خاطرنا .. فى زمن العولمه ..
    ننفض روحنا ونصنقر فى نص الواطه .. ونطرى الغبشه ورفيقاتا ..
    عشان ترتاح اعصابنا وننجم شويه من القلتو فوق ده كلو ..
    الغبشه حاتفضل مكنونه طول الدهر ..لا بهزها بورد ولا ببدلا كى بورد ..
    عشان هى غبشه .. ومعدنا نادر عمروا ما بصدأ..
    انتكى يا طيفور تحت الشدره دى واشرب ليك فنجان جبنه من ايدا ..
    وكتــــــــــــر خيرك على الطله يا ود البلد المى كتر..

    ****
    ود احمد .. حبابك يا المنهم ..ات زاتك ما من طرف ناس الغبشه
    تسلم كتير وكتر الف خيرك يا اصيل ..
    اسعدتنى طلتك بعد غياب طال من اللقيا عبر السطور..
    ود احمد شكرا بحور
    ودعتك الله والرسول ..

    ****
    عمر ود حاج الماحى ..
    حبابك يا قبلة اهلى الطيبين ..
    حبابك يا غرة الوالدين..
    حبابك ود اهل الذكر والدين..
    جيتك براها شرفتنى كتير
    وشرفت الغبشه الحنينه .. العندها عقاب متلكم
    شكرا على الطله ..
    وبهديك تعبيرك الشفيف ..
    وبهديك رقراق ضو من صريف..
    اخى عمر ..شكرا خدرا متل القيف ..



    *****
    حميــــــده وينك يا عشانا ..
    حلوووووه شولا دى .. لوووووووول قدر ضحكتى
    مرات بنحتاج لانتكايه نضحك فيها لمن تنقط دميعه ..
    بتبرد الجوف والحشا
    ..
    يا ريت لو اقدر اسافر كل 3 شهور ولا حتى كل 6 شهور يا ود امى..
    لكن الله غالب .. والشوق بمرق بى جنس الحاجات دى
    الله لا حرمنا من اهلنا وسماحتهم
    تسلم حميده ويسلم قلمك..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2004, 11:48 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube


Re: *** غبشه *** (Re: soma)

    أريد أن أرفع الجمال فوق القبح... ممكن؟


    بنت الحسين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2004, 08:39 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19887

للتواصل معنا

FaceBook
تويتر Twitter
YouTube


Re: *** غبشه *** (Re: مريم بنت الحسين)

    سوما

    ( احى انا .. نفسى انقطع..
    تنهيده تمرق من رويحة السمحه
    زى فصين درر .. )

    أحى أنا .. عشت في جو هذا الغباش .. روعة تمرق من خيال فنانة مرهفة زى عقد مرصع بالدرر
    و أرقدي عافية

    (عدل بواسطة ابو جهينة on 10-03-2004, 11:56 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2004, 10:07 PM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube


Re: *** غبشه *** (Re: ابو جهينة)


    سوما لوحتك المرسومة عبر الكلمات عبرت بي المسافات الطويلة وحلقت في سماء موطني والمنظر المألوف من زمن الصبا تعود بشريط الزكريات الجميلة المرعى وتجميع الحطب للوقود وجلب الماء ومراتع الطفولة
    يا لها من مشاهد محفورة في أعماقنا كما الصخور التي نحتها أجدادنا لتبقى عبر الزمن
    *****************
    يا قرشو لماذا لا نتشدق بالتهميش والبعض من حر مالنا يمطي السيارات الفارهة والموية بالماسورة والحمام بالدش والبيوت مكندشة والكهرباء على مدار الساعة نعتبر ما ذكرته من الرفاهيات لا نستحقها نحن أهل الريف... ولكننا نستحق التعليم والعلاج والتنمية التي توقفت تماما لتصبح ما رسمتها سوما من لوحات مجرد نقوش في الخيال والواقع غير ذلك قرى هجرها أهلها بحثاً للرزق والتعليم والعلاج والعيش الكريم لتصبح قرانا أطلالاً ينعق البوم عليها
    وا حسرتي!!!!!!!!!!!!!!!!!!!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2004, 10:36 PM

abuguta
<aabuguta
تاريخ التسجيل: 04-20-2003
مجموع المشاركات: 8269

للتواصل معنا

FaceBook
تويتر Twitter
YouTube


Re: *** غبشه *** (Re: Habib_bldo)


    سوما رسمت لوحة
    لغبشة الجميلة الواردة
    وساكنة على ضفاف النهر....
    ديك المياه ديك الخضرة
    وبحر فى الدميرة
    .دافن الحفر...

    بس ياسوما لو شفت
    غبشة الضهر...
    راكبة الحمار
    شايلة الدلو
    واردة الضهر...
    سكة عمى..والحر
    يكوى كى..زى الجمر...
    على البئر هناك
    راجيها نشل الدلو
    من غير بكرة
    على الوسر...
    ما عنها اخا كبير
    ولا ود اخت
    ولا حبيب غائب منتظر...
    غير الانتظار
    لمستقبل مجهول بعيد
    زى ضوء القمر....

    اسماء
    لك الود
    اخوك فى الدوام
    لا قادر اكتب ولا اقراء
    كلامك الجميل دا مع انه جن
    الشعر يراودنى فى لحظات الدوام

    (عدل بواسطة abuguta on 10-04-2004, 04:01 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-04-2004, 08:01 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube


Re: *** غبشه *** (Re: abuguta)


    غبشه

    مريم بت الحسين ..
    السمحه من البدايه وكريمه للنهايه..
    الجمال ياكى انتى يا بت البلد
    يعلا مقامك ويرفع شأنك يا نواره
    تسلمى يمه وحبابك يا اصيله
    نورتى وشرفتى الغبشه ورفيقاتا
    تسلمى مريم وشكرا ليك موية بحر

    ***
    ابو جهينه .. الرجل الموسوعه
    حبابك بعد غياب طال يا سند الضهر
    يديك الفى مرادك يا حنين
    تسلم يابا على الجيه نهاريه
    بردت جوفنا بى كلامك السمح يعلم الله
    ابو جهينه شكرا مرتين وتلاته وبدون توقف
    شكرا نسمه فى عز الهجير..

    ****
    حبيب بلدو الحنين
    حبابك يا الحبيب ..
    خيالك خصب وحنين يا حبيب بلدنا
    الباكريه فى الحله .. وزقزقة العصافير فى الشدر ..
    وصياح الديك يناغم رفيقو فى الفريق التانى.. وشاى الصباح قبال الملاح .
    وقعدة ضحى .. ولمة اهل فى طرف الخور ومطايبه ورزق اليوم باليوم
    مافيهم من شال هم الغداْ ولا جبنة الفطور .مع انه وقتها جاء ..لكن ميقنين وراضين بالقسمه واللقمه الموجوده ..0 وحقى وحقك وحق فلان كلو واحد ..لانه النفس واحده والنوايا بيضاء
    كتير وكتير يا حبيب البلد .. والله يمتعنا بى طباعهم الما فى مثيل ليها فى كل الشعوب
    اريد بلدى .. واريد اهلو..
    حبيب بلدو ..شكرا لمة اهل يا الحنين

    ***
    ود الحله والفريق
    ابو قوته .. الفجه وقت الضيق
    اللقمه البتسند الريق
    والمطره البتطفى حريق
    سيفنا الفى الضلام ليهو بريق
    تسلم ابو قوته
    وينك يا سقف الاهل
    ركازة سانده جبل
    هميم وكريم ومهل
    يديك الف عافيه يا شفيف ..
    ويسهل امورك .. وربنا يسندك زى ماك ساندنا بى كلامك السمح ..
    هنا الدوام يا ابو قوته .. وهناك الباكريه والمخلايه والطوريه
    وجرف ملان خدره مرويه .. شديرات رويانات محنة .. وجارك حداك مخلايتو فى كتفو
    لوما طايبك ما بفوت ..
    مش هنا رغم التكنلوجيا المطرطشه ..الجفا فارض روحو .. وين وين لما تتذكر ترفع السماعه وتطايب زول.. لو ما لكزوك قالوا ليك الدوام انتهى .. وصلاة الضهر فاتت
    الشكيه لى الله يا ابو قوته ياخوى
    ربنا يرد غربتنا ويعمر قلوبنا ويغزر محنتنا
    ابو قوته شكرا لقمه فى الجوف .. من كوره فى طرف القيوف..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·


اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de