دعواتكم لزميلنا المفكر د.الباقر العفيف بالشفاء العاجل
|
|
 *** عصام محمد نور يلون سماء مسقط فى ليلة من ذات الليالى ***
|
عصام محمد نور ..
ساق الفرح مشواير ممتده بينه وبين جمهوره الذى انتشى حد الثمالة
شدا بصوته الدافىء وحنجرته الحنون لكل الاجيال .. شيبا وشبابا ..
هز المشاعر طربا وحماس بأكتوبر الاخضر
ادمع القلب قبل العين حين غنى يا قدر
فرهد الفرح اتنين وطفح الحنين نيلين حين دندن
( لما النوم ابى وجافانى للراحل المقيم النعام آدم)
عانق الطرب السحاب حين شدا لأسطورة الفن السودانى الكاشف.. له رحمة الله
زرع فى دواخلنا فرحا مسح هموم سنين طوال
بدل الحزن افراح بابتسامته العريضة التى لم تفارقه لحظه
رغم هدؤه المعهود اهتزت كل جنبات الساحة بالترديد والتصفيق والرقص المتواصل
امتدت ليلتنا الفريده من نوعها حتى صباح هذا اليوم ..
ليلة من ذات الليالى التى اتمنى ويتمنى كل من حضرها ان تتكرر
عصام محمد نور ابدع ..ثم ابدع ثم أبدع حد الدهشة
****
التحية والتقدير للفنان المبدع المتميز الذى ادهش الحضور بعزفه المميز
العازف المبدع ابو الوفا محمد أحمد.. عينا باااااارده يا أبو الوفا
وفيت وكفيت .. ان شاء الله عينا ما ذكرت الله ما تشوفك
أمتعتونا يا ابناء بلدى الاصيل .. والجزيرة الخضراء ..
متعكم الله بالصحة وموفور العافية...
لكم التحية ممتده بطول بحرنا ومخضرة بخضرة جروفو
والقومة ليكم يا اولاد مدنى الجميلة النبيلة ..
التحية والشكر والتقدير لاسرة النادى السودانى بمسقط
على الجهود المقدرة المتواصلة
ربنا يجعل كل الايام افراح وسعادة
التحية للحضور الانيق
ويا ناس مسقط معروفين بتميزكم الجميل فى كل المناسبات
ربنا يجمعنا دائما على الفرح والسعادة
اسماء الجنيد / مسقط
صباح الجمعه / 23 فبراير 2007
|
|
 
|
|
|
|
|
|
|
|
Re: *** عصام محمد نور يلون سماء مسقط فى ليلة من ذات الليالى *** (Re: soma)
|
Quote: عصام محمد نور ..
ساق الفرح مشواير ممتده بينه وبين جمهوره الذى انتشى حد الثمالة
شدا بصوته الدافىء وحنجرته الحنون لكل الاجيال .. شيبا وشبابا .. |
| Quote: زرع فى دواخلنا فرحا مسح هموم سنين طوال |
شاعرة المليون ميل مربع ..
لك الف تحية وانتى تسطرى وتصورى ما حدث بمسقط
عصام كان ومازال وسيظل (مع الاعتذار للسياسييين)
منبع للفرح الخرافى ... ياااااااااااااااااااااااه
لكم احبك ايها العصام .....
وزى ماقلتى
| Quote: والقومة ليكم يا اولاد مدنى الجميلة النبيلة .. |
| |
|
|
|
|
|
|
|
|
|
Re: *** عصام محمد نور يلون سماء مسقط فى ليلة من ذات الليالى *** (Re: celecon)
|
celecon حبابك من تانى
والله مشغوليات بس ..
لكن مره مره بنزل لى عمل جديد
وعشان كلامك ده بنزل ليك هنا واحده من القصائد الجديده
ان شاء الله تعجبك
ميلااااد
فى ميلادى ...البكرى
الحازم نصو وخاتر يجرى
سارق الضحكة الفينى بتسرى
ودافن الآهه تأجج صدرى
تفج الوجعه الضفرت قدرى
تسند الحر اللافح يهرى
جاتنى اللحظة وشلت فكرى
ردت روحى وحلمى العذرى
الشد رحالو وهاجر بدرى
وزى بتضارا منو وبجرى
اشوف الغيمه واحرس مطرى
امكن ينزل يخدر شدرى
امكن يرحل يطول سفرى
وفى الحالتين يدندن وترى
ويحكى قصيدة ....
اصلى معاكم وجوة وحيدا...
فينى الفكره اللسة وليدا
طاوية الذكرى الواقفة عنيدة
تدافر مره وترفع ايدا
تدوزن غنوة الحانها عنيدا
دايره تشارك بى ترديدا
تناغم القيف الغازل صيدا
صفق شدرو الحت جريدا
يحكى القصة وتانى يعيدا ..
فيها الخاطر الكاسر قيدا
مدون اسفو الدامى وريدا
مطرق سيفو القاسم جيدا
وبين الدهشة الشلت ريدا
طلت نسمة قريبه بعيدا
شلعت نورا و ضوا خديدا
هلت دنيا تانى جديدا
فيها حياتنا طفلة سعيدا
تضاحك روحا تنادى نديدا
سومااا
| |
|
|
|
|
|
|
| |
حيدر حسن ميرغني
خدر
فيس بوك
تويتر
انستقرام
يوتيوب
بنتيريست