وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 10:28 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** مسكينة الشجرة ,,,, رسائل موبايل ونص حنين***

07-22-2010, 11:02 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
*** مسكينة الشجرة ,,,, رسائل موبايل ونص حنين***

    زي كل صباح .. طلت الرسالة الصباحية اليومية الاولي ,, صباح الشوق . مشتاقين يا توأم الروح
    وكان ردها عبر نفس الوسيلة صباح الريد يا اقرب من الوريد
    هو : كيفك ووينك هسه؟
    هي: الحمد لله بخير الا الشوق والحنين واللهفة والحب الدفين
    قاعدة تحت مكاني المحبب زي كل يوم
    هو: وين بالضبط.؟
    تحت الشجرة الكثيفة الظليلة في حديقة البيت حكيت ليك عنها وآخر صورة كانت في نفس المكان
    هو : آآآآآآخ محظوظة الشجرة انا حاسدها
    هي: ليه بس كدة
    هو: لانها اقرب ليك مني في اللحظة دي
    مطوقاك بكل فروعها وبتتفرج في كل حتة فيك ,, وامكن كتير جدا بتغازلك بى فروعها
    هي: ده جزاها الشجرة المسكينة ؟ محافظة علي العشرة ومونساني ليك في غيابك
    والتفتت في حياء الي اعلا الشجرة تتأمل ردة فعلها وهي تضاري في خجل باناملها غيرة حبيبها
    وضاحكتها الشجرة مبتسمه في غرور وصفقت اوراقها طربا وعانقت افرعها بعضها البعض في انتصار وفرحة
    وبادلتها هي الابتسامة الخجولة ومدت يدها تناولت احدي الوريقات القريبه منها وقبلتها في عشق كانها تقبل الحبيب البعيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 06:11 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    غربة وشوق .. واحلام تتوارى خلف دمع العين
    تراجع افكارك كل يوم ,, الى متي هذا الرحيل؟
    وتقرر حزم الامتعه في لحظة شجن
    ثم يمر بالخاطر الشريط الحزين
    لوطن جريح وطن كسيح
    والدنيا ليل
    تهد افكارك البحث عن الدليل
    وتمتطي الحلم السراب
    ومع السحاب
    ترسل الشوق التقيل
    لي ناس عزاز
    ووطن حنين
    وطن حميم
    وطن
    وطن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 08:21 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    وينطبق الالم ويحكم قبضاته كلما دنا ليل الغربة
    ويكبر الوسواس
    وتدخل في مدارات تانية وهمية
    وان اتاك حديث الحب زادت نيران العشق لهيب
    وكبرت المعاناة والشوق العميق
    واحيانا تتوهم الرجعة في منتصف ذلك الليل الغشيم
    وكثيرا تسد العبرة فجوات الحلق
    ويصعب الكلام
    وحين يأتي القدر مهرولا برحيل عزيز
    تتوسد الحزن الوجع
    وتتلفح الهم الركع
    ويأتيك صوتا اكثر حزنا
    يواسي في عتمة الليل الطويل
    شيلوا الصبر
    ولكن,,,,,,,,
    قبل ان تتم العبارة
    ياتيك الرد حزينا
    ولكن كملت الشوفة
    ,,,,,,,,,,,
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 08:27 PM

Faisal Elrasheed
<aFaisal Elrasheed
تاريخ التسجيل: 07-02-2008
مجموع المشاركات: 4712

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    متابعه ..

    واندهاش ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 08:43 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    الله ياسوما
    ممنذ فترة وأنا أحاول أن أكتب شيئاً ـ كلما أتيت الي هنا مليئاً بالحكاوي خرجت مهزوماً تلاتة صفر تماماً كحال فريقنا القومي ـ كتابة دافيه ومعبرة وصادقة لـ(لوطن جريح وطن كسيح والدنيا ليل) وهو كذلك ياسوما ـ هو الرحيل إذن :

    لك ولقراء المكان بعض من جوبيكنا اليومي !

    ـــــــــ

    قالت الشوارع :

    رشحوا أمل الأمة
    قلناً حسناً
    قالت الشوارع :
    صوتك للقوي الأمين
    قلنا : أها وبعد ده ؟
    يظن الناس في بلدي أن الناس بلا طايوق أي والله يظنون كذلك حتي أنه لمن العادي أن تشاهد اللص في ثياب (الواعظينا) ، مضيت أكثر في الطريق تلفحني نسائم شتي وأحلام ظلت تكبر منذ سنوات حاملة ما تحمل من حاجات كويسة وظنون جميلة بمستقبل أفضل لا شبيه له .

    أقول :
    نحن الذين قاتلنا الملاريا والتايفويد بجميل الصبر وحبوب الأسبرين ، نحن الذين قطفونا ورود شبابنا الغض ليتركونا جثثاً إثر جثث علي قارعة طرقات البطالة والعطالة والتمباك والمخدرات والخمور البلدية رديئة الصنع . نحن أبناء تلك الأمة فقيدة الذاكرة ، تلك البلاد التي كلما مضيتها قادتك الخطي الي بوابات العدم ، نحن الذين نمضي في الدروب لتنقلنا الناقلات والشاحنات والحافلات الي حيث يكون الهتاف)الفاضي وخمج .(
    ضحكت وأنا أقرأ إحدي اللافتات التي تملأ طرقات هذي المدينة ناعسة العيون كثيرة التثاؤب قالت اللافتة كلاماً ما أنزل الله به من سلطان واللافتة تحمل بإطمئنان صوراً تثير غثيان حيوات الأرض من الدواب والماعز والأغنام والأبقار والإبل مروراً بناسات البلد هؤلاء المواطنون والمواطنات الجميلون والجميلات عظيمي الصبر علي المكاره كاظميي الغيظ والحالمين دوماً بوطن معقول .
    ما ضحكت قريباً كيومذاك فلا الصورة متسقة مع الإعلان ولا واقع الحال قريب مما عرضته لافتات الشوارع عارضةً بضاعة إشتراها الناس منذ سنوات مضت دون حياء يذكر .
    حتي (صالح) شهيد البانقوا الأخضر ما همه حاصل ما يجري . كل ما ذكره لي إنو القصة دي عبارة عن (جوبيك) هكذا لخص الموضوع ثم نقلني بطريقه الخاصة في الكلام الي مناحي أخري خضناها سوياً بتراجيديا مفعمة بالحميمية فبعض المشاهد لا تتكرر سادتي علي مسرح الحياة . ثم ليختم ليلته تلك بمقولته الخالده : والله البلد دي من حركة (المك نمر) والسوات السواها في ( إسماعين) دخلت فيها حاجات غريبة . أي والله يقولها (إسماعين) حاف كدة . فالرجل عنده (باشا) لنفسه وهو لم يكن يوماً جندياً من جنود إنكشاريته البغيضة مهدري قيم الإنسانية في إي وجهةٍ وجوها . فأضحك أنا ثانِ ضحكات اليوم بأسي ظاهر وحزن مقيم فما) للمك نمر) والحاجات الغريبة يا (صالح) ؟ ياخ قول كلام غير ده .

    وعلي العموم فإن الدفتردار إنتقم (لنسابته) وفعل بالقوم اللاعبين بنيران العنجهة ما لم يفعله نجار بالخشب أو خذ عنك ما لم يفعله مالك بالخمر .
    موش من حق أي زول يشوف في البلد دي بالنضارة البتريحوا ؟ هكذا أضاف هو .
    دفتردار مين ياخينا ؟ هكذا رددت
    ليواصل صالح (باشا) :
    إنت الهلال عمل كدة لي شنو ؟
    الآن بدأ يحدثني حديث العارف بالله عن خطة كامبوس وإشكالات عمدة النافعاب وصلاح إدريس والرأسمالية الطفيلية التي ما شعبت من نهب خيرات وطننا (لتدير) جيوبها نواحي الرياضة . ياخ هؤلاء الناس مكان تهبشهم بجرحوا الواحد .
    جرحني (صالح) ليلتها . هو لا شئ يفعله منذ إحالته للصالح العام سوي التنظير الذي أصبح مهنته التي يمتهنها في مسرح الحياة أو مسرح لامعقولنا الوطني .
    يمضي بتفته المتميزة وبجلبابه واسع الخطي يحكي لهذا ثم يقف قليلاً لتلك يحدثها عن الخدار وعن الغلاء الفا(شح) كما يقول وهو في وقفته تلك يغازل أخري بحواجب تتطاير منها شرر الإغراء فتصفعه صاحبته إنتقاماً لأنوثتها التي أهدرها (صالح) علي هامش سوق الخدار . فأي خدار يازول يا (صالح) ؟ وأي غلاء يازول يا فاحش ؟ يمضي ولكأن الصفعة ما نالت خده وإيه يعني ؟ أول صفعة ولا آخر صفعة .... وما المانع في ذلك ؟
    هذا الخد صفعته الحكومات تلو الحيكومات مر الإنقليز بأرجلهم وخيلهم وعليها صفعه الدفتردار والمك نمر والخواجات والترك والمتوركين ، صفعته الرموز والطبول ـ صفعته قوانين سبتمبر صفعته شرائع (الإمام) التحفة صفعته صفوف الخبز في عز الشتاء صفعته الإنقلابات العسكرية والحروبات طويلة (التيلة) لطالما صفعه عساكر النظام العام وشرطات المجتمع ، صفعته تجاريب الساسة قبل أن تصفعه الجبايات والنفايات ، حتي أحلامه بالغة العفة صفعته فلا هي تحققت ولا هي خلتو (لحال سبيلو).
    إني أشهد علي الأقل إنك كنت رجلاً فذاً ومواطناً جميلاً وإنه ما كان لمخلوقٍ في كوكب الأرض إحتمال ما إحتملت وإنه وإنه وإنه ........! غير إنه ياصالحاً في تمام الغياب هذه بلاد لا مكان فيها لمن هم أمثالك .

    فكن بخير أينما أنت .
    قالوا إن الشرطي وبعدما غفره سأله عن أوراق ثبوتية فصاح بعالي الصوت :
    الخيـل والليـل والبيـداء تعرفني والطعن والضرب والقرطاس والقلم

    غريب الأمر أن لا رابط بينه وبين الخيل والطعن والضرب والقرطاس والقلم – أكيد الظن أن حظه من بيت المتنبئ أعلاه لم يكن ليخرج من دائرة الليل والبيداء . فنال جراء ذلك الضرب والتنكيل .

    ثلاث ليالٍ أخر جلسنا نطبب الرجل حتي عاد أفضل من عهده الذي سبق بدا وجهه مشرقاً هذا الصباح نهض مباشرة ً الي غرفته الصغيرة حمل ملابسه الرثة وخرج للشارع ونحن خلفه نطالبه بالعودة قال أنه سيأخذ حقه بيديه ممن فعلوا به ذلك ـ هاقد إستوت منه الجراح ليغادر المدينة كلها وفي قلبه ألف غصة حالماً بزمن ينتصر فيه لارادته ولكبريائه ولعزيمته ولأحلامه ولتفاصيله الصغيرة التي لم تكن تتعدي علي الإطلاق قنينة خمر .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 09:27 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: خضر حسين خليل)

    Quote:
    متابعه ..

    واندهاش ..

    فيصل يا رشيد
    بين فواصل الشوق تسكن المحنة
    وطلتك حنينة


    نطة فوق الحيطة
    اعرف الناس بهناك برضو
    لول وشوشكم انت وناس خدر وود الصايم بتجيبوها كيف
    تسلم يا فيص ياخ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 09:35 PM

Faisal Elrasheed
<aFaisal Elrasheed
تاريخ التسجيل: 07-02-2008
مجموع المشاركات: 4712

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote:
    فيصل يا رشيد
    بين فواصل الشوق تسكن المحنة
    وطلتك حنينة


    وكلماتك الجميلة تمنع النوم عنا مخافة ان يفوتنا سبق التمتع بالجديد..

    Quote: نطة فوق الحيطة
    اعرف الناس بهناك برضو
    لول وشوشكم انت وناس خدر وود الصايم بتجيبوها كيف
    تسلم يا فيص ياخ


    تجدينها طي بريدك الان

    ..مع امتناني واحترامي ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 10:19 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: Faisal Elrasheed)

    Quote: الله ياسوما
    ممنذ فترة وأنا أحاول أن أكتب شيئاً ـ كلما أتيت الي هنا مليئاً بالحكاوي خرجت مهزوماً تلاتة صفر تماماً كحال فريقنا القومي ـ
    كتابة دافيه ومعبرة وصادقة لـ(لوطن جريح وطن كسيح والدنيا ليل) وهو كذلك ياسوما ـ هو الرحيل إذن :

    لك ولقراء المكان بعض من جوبيكنا اليومي !

    يا خدر ,,, دربك اخدر وكلامك درر
    لكن ما عصرت علي شديييييد آود امي بتواضعك ده ....
    دحين آ العشا لو كان نصك النازف ده جوبيك
    الكلام الملان الجاي منك يكون شنو !!!!!
    اتحفنا وامرقنا من الزنزانة المولعة نار وفاتحه طاقتها قبلي قصاد حوش بكري
    الدهشة البحكي عنها فيصل بتمرق من جنس النصوص الصادقة دي
    وبتلاقيك في دوائر كتيرة في حياتنا المدورة زي الساقية
    نصك ده رجعني لي ايام الانشاء وحصص العربي الدسمه
    نعصر امخاخنا ونأتي بما تجود به قريحتنا بعد فرك شديد للمخ بين الاربعاء والخميس والجمعه
    عشان تكون مميز في طابور السبت الصباح
    ويقرأ لك معلم المادة مشجعا موضوع الانشاء دون باقي الطالبات( الموضوع الاكثر نضجا طبعا )
    وتشعر بفخر تعيش معه لنهاية الاسبوع بل احيانا للسبت البعده وترفع هامتك في السحاب
    وبعد ده كلو يفاجئك معلم مادة العربي بلغة عميقة تديك نقرة في نص النافوخ وتصحيك من الكبرياء
    وتعرف انه نصك الفائز علي اقرانك انما هو نقطة في بحر معلمك الجليل
    زمن كان للتعليم شنة ورنة
    يديك الف عافية يا خدر ويخدر ضراعك يابا وين ما تقبل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 10:52 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    وسط زخم الحياة الرتيبة ,, واليوم المعووج من صباحو يئن الموبايل بي الاصوات المعهودة
    رسالة غير العادة .. والمرة دي الفال بشارة خير وعديلة وزين
    ومبروووووك طاوية شاشة الموبايل البنية الفنجرية خطبوها
    الفرحة تكبر بين الضلوع وتدي الروح شهقة لا فوق
    وتكتمها في لحظة فرح ودهشة ووجع وخيال يسافر في لحظة البرق
    ويختك بي هناك
    تشوف اللمه والفرحة
    الخالة والعمة
    الجد البطايب ويبارك الفال السمح
    وتكوس وسط الزحمة للفنجرية تبارك ليها
    وتجيك مارقة فوقا الملائكة
    وتهل معاها الفرحة
    والزغروتة
    الزغروتة يا ناس
    والزغروتة المكتومة تمرق بين الحلق الرادف الحزن اتنين من البعاد
    وبي قدرة قادر تمرق الزغروتة وقبل ما تفج الساحة فرحة مدوية
    تفج العبرة طريقها مااااااارقة وتبقي زغروتة ممزوجة بي نحيب حاااار
    يرجعك في هنيهة للغربة القاسية
    وترجع تحضن موبايلك بدمعك الحار,,,, واقع مرير,,,

    ** واقع حنين
    مبروك للشقيقة نسرين عقد قرآنها وبيت مال وعيال
    يا البنية الفنجرية
    الفرحة اكبر من كل الظروف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 10:33 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    استغرب هذه المودة والتعامل بين شاعرة جميلة اسمها اسماء الجنيد وبين امنجي متقمص وانتهازي مثل فيصل الرشيد.
    انتبهي يا اسماء الجنيد للفخاخ.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 10:40 PM

احمد محمد بشير
<aاحمد محمد بشير
تاريخ التسجيل: 06-17-2008
مجموع المشاركات: 14243

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: Adil Osman)

    يا سـ ـلام يا أسماء ..
    نرفع البوست و بعدها نبداء في قراءة الإبداع
    شكراً مقدمـاً.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 10:42 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: اعرف الناس بهناك برضو
    لول وشوشكم انت وناس خدر وود الصايم بتجيبوها كيف

    عرفنا ود الصايم
    كمان خدر- المغني الجميل ده- امنجي؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 11:16 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: Adil Osman)

    Quote: استغرب هذه المودة والتعامل بين شاعرة جميلة اسمها اسماء الجنيد وبين امنجي متقمص وانتهازي مثل فيصل الرشيد.
    انتبهي يا اسماء الجنيد للفخاخ.

    عزيزي عادل ,, افتح النفاج وتعال داخل
    لا نملك مفاتيح لابواب ولا نوافذ
    ولا نخبر للسياسة وطن بين حنايا الغنا النازف
    ولا تحت صفحات الجرح القديم حين ينكأ بوجع غريق
    ولا ليل الغربة يحتاج لزمجرة العواصف والتيارات العكسية الجارفة

    بل نحتاج اتكاءة تجمع اشلاء الوطن الجريح
    وتمسح غبار عهدا مضى من زمن المسيح
    لكي نستريح ... ونستريح .. ونستريح
    ونغني انشودة الزمن الفسيح
    ونصفق بأيادينا التي ادمتها و مزقت اوردتها
    الهتافات والنبيح
    من اجل لحظة وفاء
    ورجعة لوطن
    خالي من كل السموم
    ولو عبر الاثير

    فهل اجبتني عزيزيى عادل
    اتمني ذلك مثل ما عودتني بطلاتك المشرقة

    اتمني ان يكون هذا البوست بمثابة لمة تحت شديرتنا المسكينة وحنينة
    لكم كل التحية
    والشكر أردب محنة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-22-2010, 11:34 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: يا سـ ـلام يا أسماء ..
    نرفع البوست و بعدها نبداء في قراءة الإبداع
    شكراً مقدمـاً.

    الزول السمح احمد محمد بشير
    والشوق الجاري عليك
    وقف في وسط الطريق و فج الفرح بابين وطاقة
    يتعلا مقامك ويعظم شأنك يا حنين من بطن الحنان
    راجينك يا احمد اخوي
    حبابك في كل الازمنة والامكنة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 11:50 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    ولصباح الجمعه نكهة خاصة ولمة حنينة
    وحميمية باينة من كباية شاي الصباح اب لقيمات
    وللقعدة في ضل الضحي حنين من نوع آخر . وصباحات تشفي الروح السقيمة
    وتطول القعدة تحت النيمة الحميمة .. ويزيدها وهج ضحكات الشافع البحبى في طرف الضل
    وحاج أحمد وهو بسالم دنقر اتناولو بي ترابه واداه حضنة
    يا حاج بي شيشك الشافع بملاك تراب
    ودي جلابية الصلاة
    ها زول التراب مالو ؟ ماهو نضيف .. نحن زاتنا ما ايانا التراب ده منو وليهو.. افو افو ...
    دحين خلوني النبل شوقي من الصغير لي يومين ما شفتو
    اليومين ديل للحاج امانة ماهن كتااااااااااار
    ويتشابا الشافع بي لهفة ال يومين يتناول الطاقية واداها غمتة في خشيمو مصحوبة مع قرقرة وفرحة بي جدو الحاضنو
    جدو وجد كل شفع الجيران والحلة رغم انه الحاج احمد ما عنده جنا ورضيان بقسمتو وفرحان بجهال الحلة
    وضل الضهر الحنين بتمدد يوم الجمعه زيادة عشان اللمه تطول وتتعتق بي الفطور وجبنة الضهر
    ما ينكمش الا عند سماع نباه الصلاة وجري الكبار علي الجامع
    وكشكشة سبح بت هجانة ونور الشام الله يرحمن متكروشات علي الجامع من ضهرا بدري
    والزمن يجري ويجري ...
    ونحن في الغربة مهريين هري ..........
    وجمعتكم مباركة يا الحنان ’’ البرة البلد والفي السودان ’’’’’
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 01:20 PM

طارق الكوتش

تاريخ التسجيل: 07-01-2008
مجموع المشاركات: 5964

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    يالله يا سوما
    تناول رائع للمفرده
    ..... وسلااام لكل شجر بلدى
    ..........................
    وبالله يا الطير المهاجر للوطن زمن الخريف
    تطير فسرع تطير ما ضيع زمن اوعك تقيف
    وتواصل الليل بالصباح وسط المطر وسط الرياح
    .........................


    وكان تعب منك جناح فى السرعة زيد ............




    تحياتى يا رائعه ........................................
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 06:43 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: طارق الكوتش)

    Quote:
    يالله يا سوما
    تناول رائع للمفرده
    ..... وسلااام لكل شجر بلدى
    ..........................
    وبالله يا الطير المهاجر للوطن زمن الخريف
    تطير فسرع تطير ما ضيع زمن اوعك تقيف
    وتواصل الليل بالصباح وسط المطر وسط الرياح
    .........................


    وكان تعب منك جناح فى السرعة زيد ...........


    تحياتى يا رائعه ........................................


    يا هلا وغلا بالطلة يا كوتش ...
    شوفتك شفا
    وشوقك وفا

    ولحنك الجيت طابقوا معاك امانة مو حنييين
    وفي الرأي نحن متفقين
    كان هلال
    كان غنا
    تسلم ات يا رائع واختيارك الاروع للحن وردي الشجي
    النبي ما تجيب لينا اللنك يا طارق يا بوي
    تكون اتفنجرت معاي فنجرة سمحة خلاس
    يديك قدر يرضيك يا ضي شبابيكنا
    وشكرا مارقة من الجوف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 06:51 PM

طارق الكوتش

تاريخ التسجيل: 07-01-2008
مجموع المشاركات: 5964

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 06:58 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: طارق الكوتش)

    Quote: سلمى يا بت امى

    وجوه اللينك ادناه بتجدى المطلوب >

    تسلم انت يا ود امي
    حقيقي هلالابي عتيق ومعتق
    شكرا يا طارق ياخ ملونة بكل الوان الطيف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 07:05 PM

Hassan Makkawi
<aHassan Makkawi
تاريخ التسجيل: 02-27-2008
مجموع المشاركات: 5462

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: ونحن في الغربة مهريين هري ..........



    رد الله غربتكم عاجلاً أختنا أسماء
    وأتمنى أن لا تكونوا من مغتربين (البيرنغ سى)
    ولا بلاداً بعيدة وبها جليد
    وأن تكونوا فى أمن وأمان’’’’
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 07:05 PM

الفاتح الجنيد
<aالفاتح الجنيد
تاريخ التسجيل: 08-19-2007
مجموع المشاركات: 1003

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: طارق الكوتش)

    Quote: وينطبق الالم ويحكم قبضاته كلما دنا ليل الغربة
    ويكبر الوسواس
    وتدخل في مدارات تانية وهمية
    وان اتاك حديث الحب زادت نيران العشق لهيب
    وكبرت المعاناة والشوق العميق
    واحيانا تتوهم الرجعة في منتصف ذلك الليل الغشيم
    وكثيرا تسد العبرة فجوات الحلق
    ويصعب الكلام
    وحين يأتي القدر مهرولا برحيل عزيز
    تتوسد الحزن الوجع
    وتتلفح الهم الركع
    ويأتيك صوتا اكثر حزنا
    يواسي في عتمة الليل الطويل
    شيلوا الصبر
    ولكن,,,,,,,,
    قبل ان تتم العبارة
    ياتيك الرد حزينا
    ولكن كملت الشوفة
    ,,,,,,,,,,,

    ليلنا اصبح موغلا فى التلون بالوان مستوحاة
    من اطياف ماض ناصع
    وحاضر صفحاته بلون الرماد
    ومستقبل يتراءى من بين الثقوب
    ولكن ......
    وسط العتمة تتقافز يراعات الامل
    فتحط على حافة التفاؤل
    وتنقر برفق على وتر الذكرى
    فيصحوا الحلم فى تثاقل
    ويفرك عينيه
    فيرى وردة بترت بعض اوراقها
    تطل من بين أنسجة العنكبوت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-23-2010, 08:37 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: الفاتح الجنيد)

    رد الله غربتكم عاجلاً أختنا أسماء وأتمنى أن لا تكونوا من مغتربين (البيرنغ سى)
    ولا بلاداً بعيدة وبها جليد وأن تكونوا فى أمن وأمان’’’’

    الاخ العزيز حسن مكاوي حبابك يا العزيز عقابك..
    شرفتنا بالطلة يا ود الفريق والحلة ..
    اللهم آمين يا رب ,,,
    كتر خيرك كتير علي الدعوات والامنيات الحنينات
    لكن يا يابا غربتنا بعيدة وحات خوتك
    الله كريم يجمع الشمل قريب ان شاء الله
    اخي حسن شكرا ليك فرح قبيلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 00:06 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote:

    ليلنا اصبح موغلا فى التلون بالوان مستوحاة
    من اطياف ماض ناصع
    وحاضر صفحاته بلون الرماد
    ومستقبل يتراءى من بين الثقوب
    ولكن ......
    وسط العتمة تتقافز يراعات الامل
    فتحط على حافة التفاؤل
    وتنقر برفق على وتر الذكرى
    فيصحوا الحلم فى تثاقل
    ويفرك عينيه
    فيرى وردة بترت بعض اوراقها
    تطل من بين أنسجة العنكبوت

    الفاتح الجنيد يا رفيق الدرب الطويل
    طلتك بترد الروح
    وتبري الجروح
    وتقرب المسافات البعيدة
    الاهداء الجاي منك عشعش في الخاطر
    ولون المساء بلون ريشتك الشفيفة
    وادانا احساس الامل والالفة
    ولو لحين
    شكرا للطلة
    شكرا نيلين ومقرن
    ويبقي بيننا الوعد
    قيفة تتاوق فى الموج الجاي عليها
    امكن نكون في طياته
    وامكن مرسال شوقنا يوصلنا لشط الامان
    ويبقي الوعد احضر نديان
    سلمت ابو رامي,,,,,,,
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 09:52 AM

امير بشير حمد
<aامير بشير حمد
تاريخ التسجيل: 09-14-2009
مجموع المشاركات: 106

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    بتنا بت الجنيد
    ازيك امي ماك طيبه والعقب خبرم شنو ، ان شاء الله طيبين
    لي يوميين بجي بدخل رويسي الزي الدليبه دا وامرقو التكنو مارقلو من شوال دقيق فيتريته حارااااار من بطن حجر طاحونتو مغبر بـ نضميك السمح بالحيييل دا وغير المتاوقه والمحن تب ما بقالي شيتا اسوي ها بت ها ما فجعتينا ما ورمتينا ما هبشتينا في راس المخروقه الليلة الشوق الفاير فينا حلة لبن مقنن بالوجع وريحتو ملت الفريق اللنفجع وجمادتو اتكومت في القليب دهن شوق سد كل الشراين وبقيت افتش في النفيس في ضل شجرتك اللامة كل ولاد البلد كان القالي فيه رقراق امل
    عاد هو شوق نصاح ؟
    دحين آبت حديثك مو حديثا هين ولا هو لين في شان كدى لا تقفلي الماسورة اللنحلجت دي خليها كابه فوق راس الموجوعين بندور نتبردبا من هجير الغربه
    ودي قعدة اقومنا الله
    فتك بي عافية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 09:58 AM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2628

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    أختنا العزيزة الشاعرة / سوما ...

    تحية الصباح المشرق الجميل لك ولجميع من حولك وعلكم جميعاً بخير


    كعادتك أسماء شعراً أو نثراً نتساب الحروف جزلى مليئة بالصدق ومعتقة بالمحنة والوجد ... وحقيقة يا أسماء أنا مع رأي الأستاذ الفاتح إن هذه الشجرة ليس مسكينة بل محظوظة أن تمكنت من فرد ظلها الوارف عليك .. وأن شهدت البوح الصادق الجميل بينك وبين أبو رامي .. جمعكما الله في القريب العاجل وفق أحسن الظروف يا رب .. ومحظوظين إنحنا ناس سودانيزأونلاين ديل أن أهدتنا الشجرة إياها هذا التداعي الجميل من شاعرة أثيرة كتبت عليها الظروف غربة من بعد غربة .. فأتت حروفها المنضومة كالدرر تنبيء عن معاناة الغربة وألم البعاد ...

    مبروك مرة أخرى عقد قران شقيقتك الدكتورة نسرين وإن شاء الله تظللها السعادة والأفراح أبد الآبدين ...

    وإن شاء الله يا سوما كل الأمور ماشيه عال العال .. أما أنا فقد قرأت يس حسب الوعد ...

    ودمت لنا يا أسماء غيمة معطاءه ما حملت إلا الخير والعطاء الثر للجميع ....

    مع خالص تحياتي وتقديري ؛؛؛



    center]E]


    Quote: زي كل صباح .. طلت الرسالة الصباحية اليومية الاولي ,, صباح الشوق . مشتاقين يا توأم الروح
    وكان ردها عبر نفس الوسيلة صباح الريد يا اقرب من الوريد
    هو : كيفك ووينك هسه؟
    هي: الحمد لله بخير الا الشوق والحنين واللهفة والحب الدفين
    قاعدة تحت مكاني المحبب زي كل يوم
    هو: وين بالضبط.؟
    تحت الشجرة الكثيفة الظليلة في حديقة البيت حكيت ليك عنها وآخر صورة كانت في نفس المكان
    هو : آآآآآآخ محظوظة الشجرة انا حاسدها
    هي: ليه بس كدة
    هو: لانها اقرب ليك مني في اللحظة دي
    مطوقاك بكل فروعها وبتتفرج في كل حتة فيك ,, وامكن كتير جدا بتغازلك بى فروعها
    هي: ده جزاها الشجرة المسكينة ؟ محافظة علي العشرة ومونساني ليك في غيابك
    والتفتت في حياء الي اعلا الشجرة تتأمل ردة فعلها وهي تضاري في خجل باناملها غيرة حبيبها
    وضاحكتها الشجرة مبتسمه في غرور وصفقت اوراقها طربا وعانقت افرعها بعضها البعض في انتصار وفرحة
    وبادلتها هي الابتسامة الخجولة ومدت يدها تناولت احدي الوريقات القريبه منها وقبلتها في عشق كانها تقبل الحبيب البعيد




كعادتك أسماء شعراً أو نثراً نتساب الحروف جزلى مليئة بالصدق ومعتقة بالمحنة والوجد ... وحقيقة يا أسماء أنا مع رأي الأستاذ الفاتح إن هذه الشجرة ليس مسكينة بل محظوظة أن تمكنت من فرد ظلها الوارف عليك .. وأن شهدت البوح الصادق الجميل بينك وبين أبو رامي .. جمعكما الله في القريب العاجل وفق أحسن الظروف يا رب .. ومحظوظين إنحنا ناس سودانيزأونلاين ديل أن أهدتنا الشجرة إياها هذا التداعي الجميل من شاعرة أثيرة كتبت عليها الظروف غربة من بعد غربة .. فأتت حروفها المنضومة كالدرر تنبيء عن معاناة الغربة وألم البعاد ...

مبروك مرة أخرى عقد قران شقيقتك الدكتورة نسرين وإن شاء الله تظللها السعادة والأفراح أبد الآبدين ...

وإن شاء الله يا سوما كل الأمور ماشيه عال العال .. أما أنا فقد قرأت يس حسب الوعد ...

ودمت لنا يا أسماء غيمة معطاءه ما حملت إلا الخير والعطاء الثر للجميع ....

مع خالص تحياتي وتقديري ؛؛؛

(عدل بواسطة إدريس محمد إبراهيم on 07-24-2010, 10:01 AM)
(عدل بواسطة إدريس محمد إبراهيم on 07-24-2010, 10:04 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 10:13 AM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: إدريس محمد إبراهيم)

    جريت بنبر مهتوك علي اللرض اتعبني الجلوس فللحكي اتكاءته
    نسجت ماتدلى بعناية وجلست أخري لم استرح بقدر حاجة استماعك فتوسدت اللرض واسندت رأسي المتعلب لنتوء شجرة النيم فتساقط كرمك

    سلام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 08:10 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: nourelhadi awad)

    Quote: بتنا بت الجنيد
    ازيك امي ماك طيبه والعقب خبرم شنو ، ان شاء الله طيبين
    لي يوميين بجي بدخل رويسي الزي الدليبه دا وامرقو التكنو مارقلو من شوال دقيق فيتريته حارااااار من بطن حجر طاحونتو مغبر بـ نضميك السمح بالحيييل دا
    وغير المتاوقه والمحن تب ما بقالي شيتا اسوي ها بت ها ما فجعتينا ما ورمتينا ما هبشتينا
    في راس المخروقه الليلة الشوق الفاير فينا حلة لبن مقنن بالوجع وريحتو ملت الفريق اللنفجع وجمادتو اتكومت في القليب دهن شوق سد كل الشراين
    وبقيت افتش في النفيس في ضل شجرتك اللامة كل ولاد البلد كان القالي فيه رقراق امل
    عاد هو شوق نصاح ؟
    دحين آبت حديثك مو حديثا هين ولا هو لين في شان كدى لا تقفلي الماسورة اللنحلجت دي خليها كابه فوق راس الموجوعين بندور نتبردبا من هجير الغربه
    ودي قعدة اقومنا الله
    فتك بي عافية

    ود امي الحنين حبابك ات آآ أمير الناس العزاز
    ات وحات الله سيد النضم لا حدو ,, علا انا عارفاك متواضع ساي
    تعال لينا يابا حبابك في نيمتنا الحنينة دي
    وحات الله الفريق كلو بديها غشيوة
    شايف حلاتك وعمات واماتك وحبوباتك كيفن حنينات ومنبسطات
    لمة القهوة دي آآ امير القصد منها الونسة السمحة دي
    ونقرشت البن وريحة قلتو بتلقط باقي ناس الفريق
    دحن آيابا ما تطول الغيبة
    تسلم كتير ود اهلي العزيز امير
    شكرا ملانة محنة لي طلتك آآ الحنين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 08:22 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 12050

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: وضاحكتها الشجرة مبتسمه في غرور وصفقت اوراقها طربا وعانقت افرعها بعضها البعض في انتصار وفرحة


    أي كلام حنقولو حيكون مسيخ ...

    نخُت الخمسة في الإتنين ونسمع/ نقرا/ نشوف/ نحس ............ أي حاجة.

    سلام بت الجنيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 08:53 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: محمد أبوالعزائم أبوالريش)

    Quote: أختنا العزيزة الشاعرة / سوما ...

    تحية الصباح المشرق الجميل لك ولجميع من حولك وعلكم جميعاً بخير


    كعادتك أسماء شعراً أو نثراً نتساب الحروف جزلى مليئة بالصدق ومعتقة بالمحنة والوجد ...
    وحقيقة يا أسماء أنا مع رأي الأستاذ الفاتح إن هذه الشجرة ليس مسكينة بل محظوظة أن تمكنت من فرد ظلها الوارف عليك ..
    وأن شهدت البوح الصادق الجميل بينك وبين أبو رامي ..
    جمعكما الله في القريب العاجل وفق أحسن الظروف يا رب ..
    ومحظوظين إنحنا ناس سودانيزأونلاين ديل أن أهدتنا الشجرة إياها هذا التداعي الجميل
    من شاعرة أثيرة كتبت عليها الظروف غربة من بعد غربة .. فأتت حروفها المنضومة كالدرر تنبيء عن معاناة الغربة وألم البعاد ...

    مبروك مرة أخرى عقد قران شقيقتك الدكتورة نسرين وإن شاء الله تظللها السعادة والأفراح أبد الآبدين ...

    وإن شاء الله يا سوما كل الأمور ماشيه عال العال .. أما أنا فقد قرأت يس حسب الوعد ...

    ودمت لنا يا أسماء غيمة معطاءه ما حملت إلا الخير والعطاء الثر للجميع ....

    مع خالص تحياتي وتقديري ؛؛

    اخي العزيز جدا ادريس ... حبابك العزيز عقابك
    طلتك الخدرا دي امانة مي حنيـــــــــــــــنة بالحيل آآ ادريس اخوي
    لكن ما بسألك شتت الشمار كده فس السهلة عديــــــــــــل لوووووووووول
    البركة صاحبك ود الجنيد جاء داخل عمل مداخلتو وفلسع لوول
    ولا كان جاء بعدك , وحات الله الا تاني نشوف من المتفرجين
    يا حليلك والله يا ادريس اخوي
    محنتك باينة في كلامك وطيبتك مافي اتنين بتغالتو فيها تب
    جزاك الله الف خير يا ود القبائل
    عارفاك ما بتنسى خيتك
    نجازيك فس السمح وفي الجديد البعجبك ان شاء الله
    ويباركولك فرح وليداتك ان شاء الله
    شكرا ملانة حنية وليك الف تحية وتحية
    ولاسرتك الطيبة الكريمة
    والشكر ليك جدوال محنة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 09:04 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: جريت بنبر مهتوك علي اللرض اتعبني الجلوس فللحكي اتكاءته
    نسجت ماتدلى بعناية وجلست أخري لم استرح بقدر حاجة استماعك فتوسدت اللرض واسندت رأسي المتعلب لنتوء شجرة النيم فتساقط كرمك

    سلام

    والله يا نور الهادي ود ابوي العوض ان قايلة شديرتي دي بتجيبك ,,
    كان زمااااااااااااااان جريت البنابر وحرستك
    كيفنك آى بوي واريتك طيب
    غيبة طويلة يا ود البلد ,,
    حبابك والله واليوم السمح اللينا جابك
    تسندك العافية آ الحنين
    شدرتنا زاتا في عضمها مي هينة
    اللمت لينا الزيكم
    شايف البتاق ده آ نور الهادي آخوي ؟ظ
    بتقت مع اول مطيرة
    المطيرة زاتها حنينة
    كومت قطراتها بين الفروع ووسط الصفق
    عشان تشبع شديرتنا
    متل ما شبعتنا جيتك فرح وسرور
    ابقى داخل آبوي ناولنا فنجانك للتنى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2010, 09:42 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    اها عاد أصبري لي اللرمي لوية القش دي للبهايم وبجيك صاد
    جبنتك حرم مابتنفات
    بجيك صاد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2010, 08:02 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6732

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: nourelhadi awad)

    Quote:
    يالله يا سوما
    تناول رائع للمفرده
    ..... وسلااام لكل شجر بلدى

    الاستاذه الشاعره سوما
    كلامك مليان وكلام زول فنان
    ولا نستطيع ان نضيف فوق كلام اخونا طارق الكوتش
    -----

    بتخيلك كل ما الصباح طل وبدا
    بتخيلك في كل شيء
    بتخيلك لمة صغار ونسى وحجا
    بتخيلك نجدة غريق يتلاشى في جوف الدجا
    لاقربو ساحل لاجزر لاطوق نجا ..

    عندما وصلت مطار جده قبل 3 يوم تم توقيفي في المطار ووقتها تمنيت ان يرجعوني بلدي
    3يوم غالبني النوم الشعب السوداني مليان حنية
    والغربة تدمي القلوب والفراق حار حار من الام والزوجه والخالة والولد
    وياربي الواحد الاحد
    ان ترجع الناس من الغربة وتسعد












    ---------------------------
    نشكرك على هذه الاتكا الجميله وتحياتي لكل الضيوف وخاصة الحنين طارق الكوتش
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2010, 02:31 PM

جمال محمود
<aجمال محمود
تاريخ التسجيل: 07-24-2010
مجموع المشاركات: 3248

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: لا نملك مفاتيح لابواب ولا نوافذ
    ولا نخبر للسياسة وطن بين حنايا الغنا النازف
    ولا تحت صفحات الجرح القديم حين ينكأ بوجع غريق
    ولا ليل الغربة يحتاج لزمجرة العواصف والتيارات العكسية الجارفة


    غَدَا فِي زَاوِيَة مَا تُضِئ لَوَحَة الْحَيَاة بِيَرَاع اسْمَاء الْجُنَيْد .. تَغْمِز لِلْعَابِرِيْن تَعَالَوْا هُنَالِك أَنْتُم وَنَحْن وَهُم نُسَافِر عَلَى أَجْنِحَة الْسَّعَادَة ..نَكْسِر أَقْفَاص الْزُجَاج .. يَسْمَع كُل مِنَّا الْآخَر .. سَوْف نَكْتَشِف الْعَالَم مِن جَدِيْد .. وَنَعْرِف إِلَي أَيْن نَذْهَب .. نَذْهَب إِلَي ذِرْوَة الْحَيَاة وَالْسَّعَادَة .. إِلَى الْمَاضِي وَالْحَاضِر وَالْمُسْتَقْبَل.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2010, 09:26 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: جمال محمود)

    Quote:
    أي كلام حنقولو حيكون مسيخ ...

    نخُت الخمسة في الإتنين ونسمع/ نقرا/ نشوف/ نحس ............ أي حاجة.

    سلام بت الجنيد

    ابو الريش يا محمد ابو العزائم .... كيفنك ياخوي واريتك طيب ليك سلام حنين زي جيتك دي .....
    يا خي معقولة بس !!!انت جيتك براها كرفنال بهجة وسرور ..ادانا شبال فى نص الساخة
    زغردت كل مشاعرنا طرب
    وهز الفرح وتب لا فوق وبشرت كل جنيات الفريق طربانة بي طلتك
    شكرا يا ابو حميد علي الاحساس العالي والحس الرفيع
    شكرا قطرات الندى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 11:56 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: عندما وصلت مطار جده قبل 3 يوم تم توقيفي في المطار ووقتها تمنيت ان يرجعوني بلدي
    3يوم غالبني النوم الشعب السوداني مليان حنية
    والغربة تدمي القلوب والفراق حار حار من الام والزوجه والخالة والولد
    وياربي الواحد الاحد
    ان ترجع الناس من الغربة وتسعد


    وليد الحنين حمد الله على سلامتك تاني يابا

    كر علي امانة ماك ممكووووووووووووووون وصابر
    كلها دي غربة مطبوقة عليك ؟؟
    الام الزوجة الولد وكلللللللللل الاهل
    وحات الله كتيرة شديييد
    ربي يرجعك قريب ليهم وتستقر وسطهم بي فرح عامر وراحة بال
    صدقت والله ........... الشعب السوداني منبع الحنية والريد الدفين
    ومسامح سااااااااااااااي لي الله سيدو
    الله يدينا العافية بس ويجمعنا وسط اهلنا في محبة دائمة
    شكرا يا وليد وربي يديك الفي مرادك ان شاء الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 12:28 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: غَدَا فِي زَاوِيَة مَا تُضِئ لَوَحَة الْحَيَاة بِيَرَاع اسْمَاء الْجُنَيْد ..
    تَغْمِز لِلْعَابِرِيْن تَعَالَوْا هُنَالِك أَنْتُم وَنَحْن وَهُم نُسَافِر عَلَى أَجْنِحَة الْسَّعَادَة ..
    نَكْسِر أَقْفَاص الْزُجَاج .. يَسْمَع كُل مِنَّا الْآخَر .. سَوْف نَكْتَشِف الْعَالَم مِن جَدِيْد ..
    وَنَعْرِف إِلَي أَيْن نَذْهَب .. نَذْهَب إِلَي ذِرْوَة الْحَيَاة وَالْسَّعَادَة .. إِلَى الْمَاضِي وَالْحَاضِر وَالْمُسْتَقْبَل.


    العزيز جمال محمود جمل الله كل ايامك بالسعادة والهناء
    مثل ما جملتتني باطلالتك المشرقة وكلماتك العذبة وذوقك العالي يا حنين
    احساسك فرد مساحة حنينة .. والفة حميمة .. وبعد خاص من المعاني الجميلة
    دعيت كل الاحبة للحضور و للفرح و الاحتفال بقدومك ايها النبيل
    شكرا مارقة من الجوف
    لكل الجاي منك
    من نداوة ورقة حروف
    والشكر ليك ممتد بطول الشوق البينا وبين الطال غيابهم
    والتحية والتقدير لك بلا حدود
    ودمت اخا عزيزااااا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 02:58 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: اها عاد أصبري لي اللرمي لوية القش دي للبهايم وبجيك صاد
    جبنتك حرم مابتنفات
    بجيك صاد

    اخوي نور الهادي .. يعلم الله الشوق فايتك بي غادي
    حبابك يا الحنين تعال ساي راجينك
    وبنقلالك بن جديد عشان القلوة
    تسلم يا ضي شبابيك القبيلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 03:40 PM

Amani Al Ajab
<aAmani Al Ajab
تاريخ التسجيل: 12-18-2009
مجموع المشاركات: 14883

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: والزمن يجري ويجري ...
    ونحن في الغربة مهريين هري ..........
    وجمعتكم مباركة يا الحنان ’’ البرة البلد والفي السودان ’’’’’

    تسلمي الحبيبة الأصيلة أسماء حديثك جميل و رصين وحنين..
    يسلم يراعك الذي الهب مشاعرنا فسكبنا الدمع شوقا وتسألنا
    متى الرجوع لاهلنا الطيبين ؟
    متى يضمد جراح الوطن ويتلم شمل الغائبين ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 07:36 PM

جمال السنوسي
<aجمال السنوسي
تاريخ التسجيل: 09-14-2002
مجموع المشاركات: 6337

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: Amani Al Ajab)

    سلام للجميع

    يا اخوانا

    بكرة ده مالو بعيد كدة

    مشينا سافرنا وبعدنا من سنين

    وقلنا بكرة بنرجع

    اها كل ما يقرب بكرة شديد

    يقوم فجاة يبعد

    ونحن نبعد

    وتبقى المسافة من رمشة عين لي ميلين وسنتين ولي بعدين

    زمان كان مكتوب لافتة صغير بخط اليد في الدكان الجنبنا


    ممنوع الدين حتى لو بعدين

    يا ريت لو علقوها يافطة في موانيء السفر

    ممنوع الاغتراب لاكثر من سنتين

    عشان ما تروح انت ووطنك ما يروح

    فرق كبير بين الراحة والارتياح

    فرق كبير وكل يوم بتزيد جراح

    زمان الاغتراب ببدا بي حفلة وداع

    هسه الاغتراب اصبح مركب بدون شراع

    كل يوم تشيلك موجة لجهة تانية

    ولمن تقرب من الضفة

    نلقى نفسك برة الشبكة


    لنا الله في هذا القدر

    وياريت بكرة كان امبارح

    كان رجعنا قبل سنين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 07:43 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: Amani Al Ajab)

    Quote: تسلمي الحبيبة الأصيلة أسماء حديثك جميل و رصين وحنين..
    يسلم يراعك الذي الهب مشاعرنا فسكبنا الدمع شوقا وتسألنا
    متى الرجوع لاهلنا الطيبين ؟
    متى يضمد جراح الوطن ويتلم شمل الغائبين ؟

    الحبيبة اماني الحنين جواني
    والشوق الجاري عليك
    يقطع كل المسافات عشان يحتويك
    يقالدك ويسلم عليك
    تسلمي انتي من كل بلا ان شاء الله
    ان شاء الله نرجع كلنا ونتلم في ارض المحبة والوطن الحنين بي ناسو واهلو
    عارفه يا اماني يا اختي
    والله ما طالباني حليفة انتي من اكتر الشخصيات المتمنية اقابلها
    ممن اتعرفت عليهم اسفيريا
    ربنا يحقق الاماني يا اعز اماني
    وشكرا ليك بكل الوان الطيف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2010, 11:39 PM

Amani Al Ajab
<aAmani Al Ajab
تاريخ التسجيل: 12-18-2009
مجموع المشاركات: 14883

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote: الحبيبة اماني الحنين جواني
    والشوق الجاري عليك
    يقطع كل المسافات عشان يحتويك
    يقالدك ويسلم عليك
    تسلمي انتي من كل بلا ان شاء الله
    ان شاء الله نرجع كلنا ونتلم في ارض المحبة والوطن الحنين بي ناسو واهلو
    عارفه يا اماني يا اختي
    والله ما طالباني حليفة انتي من اكتر الشخصيات المتمنية اقابلها
    ممن اتعرفت عليهم اسفيريا
    ربنا يحقق الاماني يا اعز اماني
    وشكرا ليك بكل الوان الطيف

    حديثك هذا شرف عظيم و تاج على راسي ..
    أملي أن يتحقق هذا الحلم ونتقابل في سودان برح يسع حضنه الجميع ..
    دمت بالف خير..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-27-2010, 12:03 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: Amani Al Ajab)

    Quote:
    سلام للجميع

    يا اخوانا

    بكرة ده مالو بعيد كدة

    مشينا سافرنا وبعدنا من سنين

    وقلنا بكرة بنرجع

    اها كل ما يقرب بكرة شديد

    يقوم فجاة يبعد

    ونحن نبعد

    وتبقى المسافة من رمشة عين لي ميلين وسنتين ولي بعدين

    زمان كان مكتوب لافتة صغير بخط اليد في الدكان الجنبنا


    ممنوع الدين حتى لو بعدين

    يا ريت لو علقوها يافطة في موانيء السفر

    ممنوع الاغتراب لاكثر من سنتين

    عشان ما تروح انت ووطنك ما يروح

    فرق كبير بين الراحة والارتياح

    فرق كبير وكل يوم بتزيد جراح

    زمان الاغتراب ببدا بي حفلة وداع

    هسه الاغتراب اصبح مركب بدون شراع

    كل يوم تشيلك موجة لجهة تانية

    ولمن تقرب من الضفة

    نلقى نفسك برة الشبكة


    لنا الله في هذا القدر

    وياريت بكرة كان امبارح

    كان رجعنا قبل سنين

    الزول الجميل جمال....
    يا سلام رجعتنا لي جنس كلامك الطاعم وحنين دة
    عارف يا جمال كل ما ارجع بالذاكرة لي اول يوم عتبت فيه برة ارض الوطن
    واتذكر قبلها الدموع والبكي والعبرة السادة جوف الحلق
    والذكريات العجيبة في اولي الايام
    ولهفتك لما تسمع صوت اهلك بي هناك
    لما اراجع الشريط العجيب دة
    واجي احسب السنين القعدتها فى الغربة
    تلجمني الدهشة
    يا ربي دة يقولوا عليهو شنو
    قوة تحمل ؟ ميتة قلب؟
    يعني تقول هسسسسسسسة روحنا تتسل
    ولما نمشى الاجازة الواحد بتمني يربطوهو علي العنقريب وما يمرق من باب البيت
    لكن هسه شوف
    حال البلد المعووج
    بقت الحاجات هي التطردك برة
    الجري والمروق بقي سااااااااااااهل
    وصحي مرات كتيرة بجي احساس تقول
    يا ليت الزمان يعود يوما
    ولو كنا نعرف ماذا يحصل فى المستقبل
    لكنا سبقنا الزمن بمراحل
    تحياتي يا جمال يا هلالابي يا عتيق
    شكرا علي الاطلالة السمحة يا ملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-27-2010, 11:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    Quote:
    حديثك هذا شرف عظيم و تاج على راسي ..
    أملي أن يتحقق هذا الحلم ونتقابل في سودان برح يسع حضنه الجميع ..
    دمت بالف خير..

    تسلمي يا ست الناس
    ودام الود بيننا جسر تحفه المحنة والمحبة والمودة والاحترام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-29-2010, 10:56 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    الحنين البقودنا لي ضي الدروب في عز العتامير
    ده ياهو زاتو الحنين الموكر في حشانا ..
    والبرجعنا لديارنا العامرة حنية وان طال علينا الزمن
    وحتي لو اتكوينا بمحجن هؤلاء المتسابقون علي كرسي الهم والوهم
    لا يستطيع فردا منهم ان يغير ,,
    ريحة ترابنا
    ولا طعم مويتنا
    ولا ريحة هدم اماتنا
    ولا ضحكة غرير تحت الشدير
    ولا جرتق جريد
    ولا فرحتنا بنجاح الوليد
    ولا
    ولا
    ولا الشهقة بتبرد جرح,,,,,
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-11-2010, 00:35 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مسكينة الشجرة ,,,, رسائل موبايل ونص حنين*** (Re: اسماء الجنيد)

    رمضان كريم من تحت ضل الشجرة للجميع والعفو والعافية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de