وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 02:52 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** مامشكلة الطلبة تموووت ... المشكلة حفلة الحوت ***

12-08-2012, 09:07 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
*** مامشكلة الطلبة تموووت ... المشكلة حفلة الحوت ***

    بسم الله الرحمن الرحيم
    في البدء نترحم على شهداء الوطن ونعزي ذويهم وانفسنا في الفقد الجلل
    ونسأل الله لهم الرحمة وجنة عرضها السماوات والأرض
    وندين ونشجب قتل الأبرياء من طلبة كل ذنبهم المطالبة بحقوقهم المشروعة والدفاع عنها سلميا..
    ندين قتلهم ظلما وعنوة من عصابة القمع والتسلط والجبروت
    عصابة أدمنت قتل الأبرياء من طلبة ونساء ورجال واطفال عزل !!
    التعازي الحارة للشعب السوداني في الفقد الكبير ,,, ونطالب بالقصاص القصاص ولا شيء غير القصاص ,,,,
    ــــــــــــــــــــــ
    شعب كامل في كل انحاء الوطن محتاج إعادة تأهيل ودروس في الوطنية من نفس المواد التي تعلمها جدودنا زمان.
    جدودنا زمان الوصونا على الوطن, وعلى ترابو الغالي الماليهو تمن!!
    دروس نصوصها من معاني الوطنية العتيقة من حنين الوطن وعشق التراب الطاهر.
    من سلالة أرض الخير، من حموا تراب الوطن وشددوا على الوصية عليه، حين قالوا:
    كل أجزائه لنا وطن إذ نباهي به نفتتن ...
    نتغني بحسنه أبدا دونه لا يروقنا حسن,,,
    أيها الناس نحن من نفر عمروا الأرض حيثما قطنوا...
    يذكروا المجد كلما ذكروا وهو يعتز حين يقترن
    أين نحن من هؤلاء؟ كيف تلاشى الجيل الذي انجب القرشي ورفاق الشهداء ، عشقوا الوطن وروه بدمائهم الطاهرة!
    الوجعة المرة في جيل اليوم شباب المستقبل الذي ضاع أمام أعين الجميع!!
    خسارة الشباب لا يمكن أن تعوض بتراب القروش.
    الخسارة الفادحة ليس فيما خلفته الإنقاذ من دمار الإقتصاد أو دمار البلد عموما من صحة وتعليم لي أهم شيء هو الإنفصال!!!!
    بل الخسارةالأكبر من كل الحصل بكثير من مساويء هذه الطغمة الفاسدة ، تتمركز في ضياع هذا الجيل!!
    كلوو الحاصل في البلد كوم، وتغيير عقلية جيلنا الحالي كوم كبير تاني!!!
    كل التركيز منصب من كل الجهات، سواء كانت معارضة أومن رجل الشارع العادي ، كلو منصب على الحكومة وفسادها والإطاحة بها!!
    لكن المصيبة الكبرى هي هذا الجيل غريب الأطوار وغريب الإهتمامات!!
    تمكنت الإنقاذ بخبث بائن وتوغلت في عقلية هذا الجيل من الجنسين ،و تمكنت من تغيير مفاهيمهم وطومحاتهم.
    تغيير كامل نحو الفارغة بكل انواعها!!
    اصبح الهم الشاغل لهم هو الغنا والرقيص واللبس , ويا ريت لو غنا محترم ولا فن له رسالة !!
    غنا هابط وفن قاطعنو من رأسهم! وتعليم منعدم تماما,اصبح هاجسهم حفلة التخرج اكتر من الشهادة نفسها والمستقبل المجهول !!
    حتى في حفلات تخريجهم اصبح جل إهتمامهم ، منو فنانة الحفل وكيف يكون نوع اللبس والرقيص أمام الجموع بما فيهم أساتذة الجامعة نفسهم!!
    كان معلم الإبتدائي قبل زمن الإنقاذ ، كان له إحترام ووقار وهيبة أمام تلاميذة الأطفال !
    وبكل اسف اصبح طالب الجامعةاليوم لا يكن أي ذرة إحترام لأستاذه في سن اولياء امورهم !!
    طلبة تجلوا في إكتشاف الهايف من البدع الدخيلة على المجتمع !إخترعوا حنة للتخرج !
    ورغم البزخ والصرف الطائل الذي يصاحب هذة البدعة!! إلا ان المؤسف حقا موافقة اولياءالإمور لهذاالإنحدارالأخلاقي المخزي!
    ما يحدث في البلد يندي له الجبين!! انا لا ألوم الشباب بقدرما اتحسر على ضياعه امام اولياء الأمور!!

    قبل عدة ايام اخلف الفنان محمود عبد العزيز عن وعده لجمهوره من مدينة مدني، ولم يحضر للحفل أو تأخر قليلاـ
    قامت الدنيا ولم تقعد ! إتحرق المسرح والأكشاك والمحلات المجاورة لمسرح الحفل.
    واصبحت قضية عامة هزت الشارع في مدني وفي الصحف المحلية في كل مدن السودان!!! وكتبت عنها كل المواقع.
    وبعد أن تم القبض على فنان الحفل للتحري معه, هاج وماج الجمهور وطلع مظاهرات لم تشهدها مدني في الآونة الأخيرة!!
    طلع الجمهور الشبابي غاضبا في شوارع مدني وهم يحملون شعارات تدين وتشجب القبض على محمود عبد العزيز !!
    من شعاراتهم المكتوبة من أجل محمود عبد العزيز أو كما يحلو لهم مخاطبته ب ( الحوت )
    عبارة نحن نموت ويعيش الحوت !!!! يعيش الحوت والباقي يموت !!!
    والمضحك المبكي ايضا هدير اصحاب المال الإتحمسوا ودقوا الصدور لبناء المسرح الإتكسر ودفع الخسارات البلغت ملايين.
    من أجل عدم حبس أو غرامة الحوت الذي تعود بل أدمن مقالب الجمهور !!
    في حين إنه يموت الآلاف امام مستشفايتنا يوميا, ولم يتحرك هؤلاءاصحاب الفكة الهاملة لمساعدة من يحتاجون فعلا!!
    محمود لم يطلب من أحد مساعدة ولا يحتاج اصلا,!! دخل حفل واحد تبني أكبر مسرح شعبي,,
    لا نعترض إطلاقا على تعبير الشباب عن محبته وعشقه لفنانه الذي يطربه!
    ولكن هؤلاء الشباب لم يسمعوا ويروا طلبة جامعة الجزيرة الذين قتلوا ظلما وجورا وغدرا من عصابة أمن الإنقاذ !
    ضربوا وعذبوا وقتلوا ورمي بهم في المياه الراكدة زيهم زي اي بهيمة !!! لم يراعوا فيهم حتى حرمة الميت !!
    أين الغضب وأين الإحتجاج ؟أين وجه المقارنة بين طرشقة حفلة ؟ وموت جماعي لطلبة خرجوا من أجل الوطن والحرية والسلام ؟
    هل المشاعر الإنسانية ماتت ودفنت في قاع القاع؟؟
    هل النخوة السودانية والحرارة التي وصف بها جيل البطولات اصبحت في خبر كان؟؟
    هل اصبحنا شعب لا هدف له ؟ شعب أدمن الفشل وتمرد على الوطن وترابه الغالي؟ تمرد على وطنه ومستقبله؟
    هل نجحت الحكومة في غسل أمخاخ هذا الجيل وشغله بالفارغة ومقدودة..؟؟
    إذا كان الحال المائل يسوء يوما بعد يوم ولا يحرك ساكنا للشعب الصامت ومستكين !!
    بل عجبا تحركه وتثير غضبته طرشيق الحفلات وإلغاء حفل التخرج ! وغيرها من إمور هايفة !!
    إذا كان هذا حال البلد !!
    إذن هنيئا للإنقاذ بالطول والعرض والينعم بنو جكة بطول إقامة في هذا البلد الماعندو وجيع!!!!
    حسبي الله ونعم الوكيل ,,
    متاوقة
    موت طالب موت أمة , أين شعبنا من موت فلذات اكبادهم الطلبة وإغتصاب حرائر البلد؟؟؟
    يمهل ولا يهمل

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-08-2012, 09:11 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 28950

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    لهم الرحمة و المغفرة و في جنات الخلد

    و ربنا إنتقم من كل ظالم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-08-2012, 09:37 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: ABUHUSSEIN)

    Quote: لهم الرحمة و المغفرة و في جنات الخلد

    و ربنا إنتقم من كل ظالم

    اللهم آمين يا رب ,,,
    وبرضو ناطلب بالقصاص الذي أمرنا به الحق عز وجل من فوق
    قوله تعالى : (( و لكم في القصاص حياة يا أولي الألباب لعلكم تتقون )) سورة البقرة الآية 179

    شكرا يا ابو حسين

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-08-2012, 11:43 PM

فرح الطاهر ابو روضة
<aفرح الطاهر ابو روضة
تاريخ التسجيل: 10-22-2012
مجموع المشاركات: 8738

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: شعب كامل في كل انحاء الوطن محتاج إعادة تأهيل ودروس في الوطنية من نفس المواد التي تعلمها جدودنا زمان.
    جدودنا زمان الوصونا على الوطن, وعلى ترابو الغالي الماليهو تمن!!
    دروس نصوصها من معاني الوطنية العتيقة من حنين الوطن وعشق التراب الطاهر.
    من سلالة أرض الخير، من حموا تراب الوطن وشددوا على الوصية عليه، حين قالوا:
    كل أجزائه لنا وطن إذ نباهي به نفتتن ..


    لك التحية الاستاذة اسماء الجنيد وعمق الاحترام لنار حرقتك على مصيبة
    بلد نصيحو مصيد

    نقطة سطر جديد
    صحيح الانقاذ مارست كل اساليب الاجتهاد لمسح ذاكرة امة كاملة
    وانتجت ثورة تعليمها العالي كل ما هو مدمر وسلبي في استهداف واضح لانتاج جيل مشوه تستطيع ان ترويضه كما تشتهي
    ولكن بالمقابل هؤلاء الشهدا اليوم من نفس هذا الجيل
    ومن قبلهم كان شهداء نيالا كما كجبار
    والذين يتحدون صلف هذه السلطة في جسارة واقتدار هم انفسهم
    ولو كانت الانقاذ تعي جيداً لقرأت ما فعلته شريحة من المجتمع المصري كان المصريين يطلقون عليهم (( مجتمع الكنبة ))
    ماذا فعلت بمرسي اليوم بمرسي
    وكيف انها استطاعت تغيير اوراق اللعبة السياسية حتى بهت الذي كفر
    فالرهان يا استاذة على تدمير شعب او مسح ذاكرته او محاولة اقصائيه باي وسيلة كانت من المشاركة في رسم خارطة مستقبل افضل لنفسه
    ووطنه ومستقبله مستحيل
    خالص التقدير والاحترام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-08-2012, 11:50 PM

Balla Musa
<aBalla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: فرح الطاهر ابو روضة)

    بت الجنيد ياسوما

    Quote: وبرضو ناطلب بالقصاص الذي أمرنا به الحق عز وجل من فوق


    القصاص دا لما تكون فى عدالة..

    أعتقد لايجدى فى ظرفنا هذا غير الثأر..

    والثأر غير القصاص..

    لو قتلنا قصاد كل مواطن مقتول ظلما "مسئولا" فى حكومة المؤتمر الوطنى لفكروا ألف مرة قبل أن يسترخصوا دماءنا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 00:34 AM

elhilayla
<aelhilayla
تاريخ التسجيل: 02-05-2002
مجموع المشاركات: 4751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: Balla Musa)

    شكرا بت الجنيد علي السرد
    الواعي والضمير الأوعي منذ
    أن عرفناك لأكثر من 12 عام
    شكرا لك
    الأديب المهذب الأصيد الضرب **** الذكي الجعد السري الهمام

    وجعي علي السودان وعلي أنفسنا
    فقد صح فينا قول المتنبيء

    لا افتخار إلا لمن لا يضام *** مدرك أو محارب لا ينام
    ليس عزما ما مرض المرء فيه *** ليس هما ما عاق عنه الظلام
    واحتمال الأذى ورؤية جانيـه *** غذاء تضوى به الأجسام
    ذل من يغبط الذليل بعيش *** رب عيش أخف منه الحمام
    كل حلم أتى بغير اقتدار *** حجة لاجئ إليها اللئام
    من يهن يسهل الهوان عليه *** ما لجرح بميت إيلام

    كتبت في بوست مجاور



    Quote: كف البوعزيزي بواسطة الشرطية التونسية أطاح
    بنظام يعد من اعتي الأنظمة الاستبدادية
    ومقتل طلاب لا يثير حتي استنكار
    أي شعب نحن؟
    خّلد البوعزيزي نفسه بعد وفاته حتي ان تمثالاً بُنِيَ
    له في فرنسا، ثم كانت الكلمة الفرنسية* التي انتهرته بها
    الشرطية فدوي شعاراً لإسقاط أكثر من دكتاتورية في الوطن العربي
    انظر أخي عمار كف وكلمة ازاحا دكتاوتوريات بجوارنا
    ونحن لا ننبس ببنت شفة!!!!


    _______
    * الكلمة هي dégage
    وتعني بالعربية ارحل

    ____
    الحليلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 00:53 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: elhilayla)

    Quote:

    لك التحية الاستاذة اسماء الجنيد وعمق الاحترام لنار حرقتك على مصيبة
    بلد نصيحو مصيد

    نقطة سطر جديد
    صحيح الانقاذ مارست كل اساليب الاجتهاد لمسح ذاكرة امة كاملة
    وانتجت ثورة تعليمها العالي كل ما هو مدمر وسلبي في استهداف واضح لانتاج جيل مشوه تستطيع ان ترويضه كما تشتهي
    ولكن بالمقابل هؤلاء الشهدا اليوم من نفس هذا الجيل
    ومن قبلهم كان شهداء نيالا كما كجبار
    والذين يتحدون صلف هذه السلطة في جسارة واقتدار هم انفسهم
    ولو كانت الانقاذ تعي جيداً لقرأت ما فعلته شريحة من المجتمع المصري كان المصريين يطلقون عليهم (( مجتمع الكنبة ))
    ماذا فعلت بمرسي اليوم بمرسي
    وكيف انها استطاعت تغيير اوراق اللعبة السياسية حتى بهت الذي كفر
    فالرهان يا استاذة على تدمير شعب او مسح ذاكرته او محاولة اقصائيه باي وسيلة كانت من المشاركة في رسم خارطة مستقبل افضل لنفسه
    ووطنه ومستقبله مستحيل
    خالص التقدير والاحترام

    ابو روضة حبابك وحباب طلتك يا خوي ,, وحبابك في حوش بكري اب نفاجات
    بس اعمل حسابك نفاجات حوش اب صلعة ده مرات بتلقى فيها حفر , والله صحي هههههههه

    تسلم والله على المرور والتحليل المنطقي جدا
    الإنقاذ اخي الكريم لا تعي شيئا , لأنه حب السلطة والمال عامية بصيرتها تـــب
    وربنا بمد ليهم في طغيانهم وهم سارحين, لكن ليهم يوم , يمهل ولا يهمل

    والله الواجعني وقاطع قلبي الهيلمانة الحصلت في حفل الحوت, وربعها ما حصل في موت الشباب ديل !!!
    حسبي الله ونعم الوكيل عليهم جميعا
    يمهل ولا يهمل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 01:04 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote:
    القصاص دا لما تكون فى عدالة..

    أعتقد لايجدى فى ظرفنا هذا غير الثأر..

    والثأر غير القصاص..

    لو قتلنا قصاد كل مواطن مقتول ظلما "مسئولا" فى حكومة المؤتمر الوطنى لفكروا ألف مرة قبل أن يسترخصوا دماءنا.

    دكتور بلة حبابك والله
    والله صدقت البطون ملاااااااااااانة مغايس لكن شن نسو
    شوف الحاصل ده يوماتي وما زالوا يتمادوا في قتل الأبرياء من ابناء بلادي
    منهم لله وحسبي الله ونعم الوكيل عليهم جميعا
    برضو بأكد عدم السكات ليهم
    أن نأتي وننتقم ونقتص ونخلص حقنا متأخرا ,
    احسن من أن لا نأتي ويستمروا في جورهم وظلمهم

    تسلم يا دكتور
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 01:30 AM

Dr.Mohammed Ali Elmusharaf

تاريخ التسجيل: 01-27-2005
مجموع المشاركات: 1992

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: هل المشاعر الإنسانية ماتت ودفنت في قاع القاع؟؟
    هل النخوة السودانية والحرارة التي وصف بها جيل البطولات اصبحت في خبر كان؟؟
    هل اصبحنا شعب لا هدف له ؟ شعب أدمن الفشل وتمرد على الوطن وترابه الغالي؟ تمرد على وطنه ومستقبله؟
    هل نجحت الحكومة في غسل أمخاخ هذا الجيل وشغله بالفارغة ومقدودة..؟؟


    الاجــابة

    نعــم

    نعيب زمـاننا والعيـب فيــنا وما لِزماننا عيب سِوانا
    ونهجو ذا الزمانِ بِغير ذنبٍ ولو نطق الزَمان لنا هجانا

    شكرا استاذة اسماء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 01:37 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: شكرا بت الجنيد علي السرد
    الواعي والضمير الأوعي منذ
    أن عرفناك لأكثر من 12 عام
    شكرا لك


    حبابك بي قلدة محنة وشوق اهلنا المنهم طولنا يا اخوي الحليلة
    تسلم اخي على الكلام السمح الجاني من تالاك ,, وماهو جديد عليك والله..

    تعرف يا الحليلة زماااان اول معرفتي بالأسافير , إتشرفت بمعرفتك وكان الزمن داك في سودانايل
    نزل احد الإخوة مقال كتبته عن رحيل والدي المفاجيء رحمة الله عليه
    إسم المقال ( حكاية من الواقع)
    ومن اكثر الردود الأثرتني جدا وحسيت التعزية والمواساة فيها من القلب وكأنه صاحبها جاني بالدرب
    اقسملك بالله كان تعليقك اخي الحنين الحليلة
    وإمكن تكون نسيت إنت كتبت شنو ؟
    لكن لي يوم باكر ما نسيت ولا يمكن انسا عباراتك الصادقة
    التي إبتدرتها قائلا
    كم وقفت معك كثيراااااا يا أسماء
    إلي نهاية المداخلة المؤثرة حد الدموع,,,
    وما زالت وقفتك اخي بدليل إنك تذكر تماما معرفتنا الإسفيرية بالتاريخ
    لك التحية مثنى وثلاث ورباع وإلى ما لا نهاية
    وشكرا مااارقة من الجوف

    جوة النص
    ربي ينتقم من قاتل ابرياء الوطن الجريح ويفرجها على اهلنا المغلوبين
    يمهل ولا يهمل

    عذرا التعديل لخطأ مطبعي

    (عدل بواسطة اسماء الجنيد on 12-09-2012, 01:41 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 06:21 AM

فرح الطاهر ابو روضة
<aفرح الطاهر ابو روضة
تاريخ التسجيل: 10-22-2012
مجموع المشاركات: 8738

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: ابو روضة حبابك وحباب طلتك يا خوي ,, وحبابك في حوش بكري اب نفاجات
    بس اعمل حسابك نفاجات حوش اب صلعة ده مرات بتلقى فيها حفر , والله صحي هههههههه

    تسلم والله على المرور والتحليل المنطقي جدا
    الإنقاذ اخي الكريم لا تعي شيئا , لأنه حب السلطة والمال عامية بصيرتها تـــب
    وربنا بمد ليهم في طغيانهم وهم سارحين, لكن ليهم يوم , يمهل ولا يهمل

    والله الواجعني وقاطع قلبي الهيلمانة الحصلت في حفل الحوت, وربعها ما حصل في موت الشباب ديل !!!
    حسبي الله ونعم الوكيل عليهم جميعا
    يمهل ولا يهمل


    يا استاذة لكي تحيتي وسعيد جداً بمتابعة حروفك هنا بعد طول غياب
    وحفر الحقد والكراهية موجودة في كل مكان
    طالما ظل هذا النظام الغاشم يتخذ من خاصرة شعبنا موقعاً يجيد منه الطعن من غير رحمة
    وطالما ظل هناك ارزقية وانتهازيين ومليشيات ممن يغتاتون عل كونهم ابواق سلطان
    ويقيني في خاتمة المطاف لن تكون الا قبور جماعية لهم ولتواريخهم النتنة
    لكي تنحي القامة وترتفع القبعة من تاني
    وبارادة شعبنا ستكون هذه الجرئمة البشعة اخر جرائم السلطة الفاشية
    والمجد الخلود لشهدائنا الشرفاء والخذي والعار لمن سقطوا في معركة العزة والكبرياء لهذا الوطن المخضب بالجراح
    وتحييييييييييييييييييييية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 06:28 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11193

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: فرح الطاهر ابو روضة)

    لهم الرحمة و المغفرة و في جنات الخلد

    و ربنا إنتقم من كل ظالم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 07:03 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5675

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: معتز القريش)

    سلامات يا أسماء,,
    Quote: ما يحدث في البلد يندي له الجبين!! انا لا ألوم الشباب بقدرما اتحسر على ضياعه!!
    أمة بكاملها مغيبة تماما ومن لم يتم تغييبه قام بنفسه بتغييب نفسه طوعا وإرادة!!! هربا من المجهول إلى الأمام وإنشغالا عن واقع أمر من العلقم ومصير سوداوى ينتظره,,

    يا أسماء ما يحدث فى بلادنا غلبنا النقولو فيه والمصيبة إنو الجماعة مواصلة فى ما بدأته بكل جدية وسرعة وتيرة التخريب والتحطيم لمقدرات وثروات شعب السودان وروحه ومعنوياته زادت وبلغت حدها حيث لا أتخيل أن يكون هنالك حدود أخرى,,

    نعم فعلا ما يحدث لمعظم الشباب فى السودان لايمكن إلا أن يكون جزء من مخطط تم تنفيذه بدقة ولم تحسب نتائجه..

    الجبين دا حا يظل يندى لحد متين كده ما بيندى ليهو كم وطشرين سنة !!!!

    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 07:18 AM

نجلاء قرافي
<aنجلاء قرافي
تاريخ التسجيل: 08-09-2009
مجموع المشاركات: 2163

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: معتز القريش)

    اسما
    تلقين الانصرافية جزء من سياسة اتبعها الناس ديل خلال الكم عشرين سنة البركو فيها على نفسنا ربو اجيال لاتعرف تقدير الامور بشكل واقعي

    وبرضو شبابنا وشاباتنا منهم من فيهم الخير وفيهم الرقشة ويعملون بجد رغم كل الظروف المحيطة .

    ورسالة عبرك للمنتظرين ليلة القدر تغير ليهم واقعهم اتحركو واعملو العليكم الوضع مابنسكت عليهو ابداً .

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 07:28 AM

خالد حامد الجزولي
<aخالد حامد الجزولي
تاريخ التسجيل: 03-29-2008
مجموع المشاركات: 2569

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: نجلاء قرافي)

    hoot.jpg Hosting at Sudaneseonline.com
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 07:36 AM

عبد الباقي الجيلي
<aعبد الباقي الجيلي
تاريخ التسجيل: 06-23-2004
مجموع المشاركات: 1191

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: نجلاء قرافي)

    بت الجنيد ...

    حبابك ألف .......

    ما حدث يفوق المقدرة حتى على التعبير ...

    ما يحز في نفس المرء زيادة على ما ذكرتِ ... أن مثل هذه الأحداث وغيرها ...

    تزيد في إشعال نار الفتنة الجهوية .. ليس فقط تجاه السلطة ...

    كما حدث في الجنوب ...

    بالله الاستعانة وإليه الأمر ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 07:49 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: عبد الباقي الجيلي)

    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 07:59 AM

عبدالله محمد أحمد

تاريخ التسجيل: 12-17-2005
مجموع المشاركات: 818

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: اصبح الهم الشاغل لهم هو الغنا والرقيص واللبس , ويا ريت لو غنا محترم ولا فن له رسالة !!
    غنا هابط وفن قاطعنو من رأسهم! وتعليم منعدم تماما,اصبح هاجسهم حفلة التخرج اكتر من الشهادة نفسها والمستقبل المجهول !!
    حتى في حفلات تخريجهم اصبح جل إهتمامهم ، منو فنانة الحفل وكيف يكون نوع اللبس والرقيص أمام الجموع بما فيهم أساتذة الجامعة نفسهم


    الاخت اسماء تحياتي
    الطلاب الذين استشهدوا هم من نفس الجيل الذي تتحدثين عنه، و قد استشهد الكثيرون قبلهم في مدني نفسها و في بورتسودان و الشمالية و الغرب و في الخرطوم. و كل الشهداء هم من هذا الجيل المصادم، رغم قلة الخبرة و مكر الانقاذ.

    السؤال المهم هو اين ما نسميهم كبار قادتنا الامام و الميرغني و الترابي و يوسف حسين. ان تقدموا هم الصفوف، فلن يعدموا من يمشي خلفهم.
    و مجددا تقبلي تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 10:23 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: عبدالله محمد أحمد)

    Quote:
    الاجــابة

    نعــم

    نعيب زمـاننا والعيـب فيــنا وما لِزماننا عيب سِوانا
    ونهجو ذا الزمانِ بِغير ذنبٍ ولو نطق الزَمان لنا هجانا

    شكرا استاذة اسماء

    مرحب حبابخ اخي دكتور محمد ,, تسلم يا ود المشرف

    فعلا صدقت العيب محكر وسطنا ويقدل بي عضلات مفتولة
    لكن المصيبة الزمن ماشي ومافي زول واعي للبحصل
    ضياع جيل كامل مصيبة لن يغفرها التاريخ ابدا
    الإصلاح يأتي من شباب اليوم جيل الغد , واين هم هؤلاء الشباب !!!؟؟؟
    ربنا يجازي الكان السبب
    ونتمنى ان نعي ما يحدث امامنا ونبدأ بالتغيير فورا

    شاكرة مرورك الكريم يا دكتور ,, تسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 10:32 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: يا استاذة لكي تحيتي وسعيد جداً بمتابعة حروفك هنا بعد طول غياب
    وحفر الحقد والكراهية موجودة في كل مكان
    طالما ظل هذا النظام الغاشم يتخذ من خاصرة شعبنا موقعاً يجيد منه الطعن من غير رحمة
    وطالما ظل هناك ارزقية وانتهازيين ومليشيات ممن يغتاتون عل كونهم ابواق سلطان
    ويقيني في خاتمة المطاف لن تكون الا قبور جماعية لهم ولتواريخهم النتنة
    لكي تنحي القامة وترتفع القبعة من تاني
    وبارادة شعبنا ستكون هذه الجرئمة البشعة اخر جرائم السلطة الفاشية
    والمجد الخلود لشهدائنا الشرفاء والخذي والعار لمن سقطوا في معركة العزة والكبرياء لهذا الوطن المخضب بالجراح
    وتحييييييييييييييييييييية

    شكرا يا أبو روضة وحبابك من تاني
    تسلم كتير على الكلمات المعبرة رغم الوجع الحاصل في البلد
    ونتمنى ان ينفض شبابنا غبار البلد ويهزوا ثمار شجرة الحرية لكي ينعم الوطن بالحرية والإستقرار
    البلد ملان خيرات , بحر واااسع والخير متروس في القيف , راجي البحافظ عليه ويشيلو بشويش
    لكن الكيزان الله لا كسبهم , اصبحوا يشرموا ويهدوا في القيفة والبلد تغرق
    لكن الله في والعزيمة في, محتاجة البنفضها ويعكر صفوهم
    رب العباد من فوق يشيلهم بركة جاه النبي ويريح العباد منهم
    تسلم كتير ابو روضة وسعيدة ايما سعادة بمرورك الجميل والله,, تسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 10:40 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: لهم الرحمة و المغفرة و في جنات الخلد

    و ربنا إنتقم من كل ظالم

    ود القريش حبابك بعد غيبة

    اللهم آمين يا رب العالمين ,, ربنا يسمع دعواتنا جميعا إن شاء الله
    ويتقبلهم شهداء مع الأبرار في جنات النعيم
    ونسأل الله ان ينتقم من القتلة شر إنتقام ويفتنهم فيما بينهم
    حسبي الله ونعم الوكيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 10:51 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: سلامات يا أسماء,,

    أمة بكاملها مغيبة تماما ومن لم يتم تغييبه قام بنفسه بتغييب نفسه طوعا وإرادة!!! هربا من المجهول إلى الأمام وإنشغالا عن واقع أمر من العلقم ومصير سوداوى ينتظره,,

    يا أسماء ما يحدث فى بلادنا غلبنا النقولو فيه والمصيبة إنو الجماعة مواصلة فى ما بدأته بكل جدية
    وسرعة وتيرة التخريب والتحطيم لمقدرات وثروات شعب السودان وروحه ومعنوياته زادت وبلغت حدها حيث لا أتخيل أن يكون هنالك حدود أخرى,,

    نعم فعلا ما يحدث لمعظم الشباب فى السودان لايمكن إلا أن يكون جزء من مخطط تم تنفيذه بدقة ولم تحسب نتائجه..

    الجبين دا حا يظل يندى لحد متين كده ما بيندى ليهو كم وطشرين سنة !!!!

    تحياتى

    مرحبتين حبابك أخي أيمن واريتك طيب
    صدقت يا أيمن , الوضع فات حد الإستغراب والحيرة !!!
    تصدق بالله يا أيمن كل ما اتكلم مع ناس السودان يحكوا لي العجب العجيييب
    يعني ناس السودان جوة قلب الحدث متعجبين
    واحد من الأهل قال لي الرزق على الله يا اختي
    لكن يشهد الله قال لي خايف من التربية ووليداتي يطلعوا زي الشايفنهم يوماتي في الموصلات والطرقات !!
    في إذاعة طبية تابعة لي المأفون مأمون حميدة ,, دي مش تندي الجبين يا أيمن دي تخلي الواحد يقيف في السهلة ويلطم خدو على ضياع البلد
    برنامج وفقرات تقود اي مراهق نحو الإنحلال وتفرد مساحة لا علاقة لها بالطب ولا يحزنون !!
    حسبي الله ونعم الوكيل على كل من له يد في ضياع هذا البلد
    شكرا كتير اخي أيمن على مرورك الذي اسعدني جدا رغم الألم والوجع على ما يحدث في بلادنا
    تسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 10:52 AM

عبدالأله زمراوي
<aعبدالأله زمراوي
تاريخ التسجيل: 05-22-2003
مجموع المشاركات: 658

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    آه من وطنٍ دامٍ مستباح يا شقيقة...

    لا اعرف والله ماذا اقول في هذه الشرذمة الضالة القاتلة المجرمة؟
    حسبي الله وحسبنا الله. استهلكنا كل المناحات وجف حقل الدمع وشاخت أصواتنا وهرمنا ونحن نرى هذا الظلم الكبير كل يوم بل وكل ساعة...

    وجعي هنا
    وطني هناكَ
    بدمعه المسفوحِ
    كحّل مهجتي
    شنفاً وعار...

    اي والله يا شاعرتنا؛ اي والله..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 11:12 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 11:31 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: محمد عبد الماجد الصايم)

    Quote:
    اسما
    تلقين الانصرافية جزء من سياسة اتبعها الناس ديل خلال الكم عشرين سنة البركو فيها على نفسنا ربو اجيال لاتعرف تقدير الامور بشكل واقعي

    وبرضو شبابنا وشاباتنا منهم من فيهم الخير وفيهم الرقشة ويعملون بجد رغم كل الظروف المحيطة .

    ورسالة عبرك للمنتظرين ليلة القدر تغير ليهم واقعهم اتحركو واعملو العليكم الوضع مابنسكت عليهو ابداً .


    حبابك يا نجلاء ,, سعيدة بالطلة يعلم الله
    صدقتي يا نجلاء واتفق معك تماما إنه يوجد بين هذا الشباب الضائع من فيهم رقشة على قولك
    لكن اليد الواحد لا تصفق يا حبيبة ,و وهم قلة , لماذا لا ندعمهم معنويا؟ لماذا لا نساندهم؟؟
    منهم من مات اعتقل ومنهم من مات
    حالتهم بالضبط زي النوارة في بداية نموها
    نداريها من السيل الجارف ومن رمض الهجير ونحافظ عليها
    لكي تنبت شجرة نضرة نجني ثمارها جميعا وتظل بأشجارها الوريفة كل البلد ، ولا نضيعها ونقعد نتفرج؟؟
    ربنا من فوق يفتح عيون الجيل ده ويهبوا من أجل البلد
    لك التحية وشكرا على مرورك يا حبيبة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 11:43 AM

جمال خضر
<aجمال خضر
تاريخ التسجيل: 06-18-2011
مجموع المشاركات: 3765

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: محمد عبد الماجد الصايم)

    بت الجنيد ما حدث شئ لا يُمكن وصفه أو تبريره

    دماء زكية أُريقت دون وجه حق وبدم بارد لأن المواطن

    فى عرف أولئك الذين لا ندرى من أين أنوا لا قيمة له .

    نعزيك ونعزى أنفسنا فى هذا الفقد الجلل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 11:50 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: جمال خضر)

    الأخ الكريم خالد الجزولي مرحبتين حبابك
    وشكرا على اللوحة المعبرة تماما ومكملة لما كتب في هذا البوست
    اشكر مرورك جدا أخي الكريم , تسلم الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 11:57 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote:
    بت الجنيد ...

    حبابك ألف .......

    ما حدث يفوق المقدرة حتى على التعبير ...

    ما يحز في نفس المرء زيادة على ما ذكرتِ ... أن مثل هذه الأحداث وغيرها ...

    تزيد في إشعال نار الفتنة الجهوية .. ليس فقط تجاه السلطة ...

    كما حدث في الجنوب ...

    بالله الاستعانة وإليه الأمر ...


    عبد الباقي حبابك يا خوي تسلم ود عمي الجيلي
    ياخوي الناس ديل حاربوا البلد بكل الأسلحة
    ودمروا الأخضر واليابس
    من اسوأ الأسلحة المدمرة الزرعوها وسطنا
    هي سلاح الحقد والفتنة والعنصرية
    محتاجين تاني قدر مدتهم الحكموها دي عشان ننضف البلد من قاذوراتهم النتنة
    حسبي الله ونعم الوكيل عليهم جميعا
    الرحمة الواسعة للشهداء
    الخزي والعار للقتلة الفجرة
    ربنا ينتقم منهم جميعا إن شاء الله
    يمهل ولا يهمل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 12:03 PM

ساميه حامد
<aساميه حامد
تاريخ التسجيل: 07-24-2010
مجموع المشاركات: 1567

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: مامشكلة الطلبة تموووت ... المشكلة حفلة الحوت


    والله بالجد حاجة تكتل يا سومة
    يا سومة الشباب بقى همهم الاول والاخير موبايلك ياتو نوع
    ولبسك من وين وكريمات التفتيح وماشين اوزون وجايين من حفلة الامبراطور
    وتسريحة طه سليمان وعربية احمد الصادق وحفلة الحوووووووووت
    لو جيتي مارة في الحلة تلقي كل اتنين قاعدين ويرسلوا لي بعض في الصور والاغاني
    تسلمي مافي زول برد عليك لانهم ما جايبن خبرك
    غايتو إذا منتظرين ثورة من ديل عشم إبليس في الجنة

    الله ليك يا وطن
    وطن ماعندو وجيع

    تحياتي يا سومة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 12:07 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: ساميه حامد)

    Quote: حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل

    ونعم بالله

    ود الموج حبابك
    الوجع اصبح مصبحنا وممسينا
    ليهم يوم اولاد الهرمة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 02:03 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: الاخت اسماء تحياتي
    الطلاب الذين استشهدوا هم من نفس الجيل الذي تتحدثين عنه، و قد استشهد الكثيرون قبلهم في مدني نفسها و في بورتسودان و الشمالية و الغرب و في الخرطوم.
    و كل الشهداء هم من هذا الجيل المصادم، رغم قلة الخبرة و مكر الانقاذ.

    السؤال المهم هو اين ما نسميهم كبار قادتنا الامام و الميرغني و الترابي و يوسف حسين. ان تقدموا هم الصفوف، فلن يعدموا من يمشي خلفهم.
    و مجددا تقبلي تحياتي

    مرحبتين حبابك اخي عبد الله
    اخي الكريم نعم إن الشباب الإستشهد هم طلبة في ريعان الشباب
    منهم في الشرق والغرب والوسط والشمال والجنوب الإتفصل
    لكن لأنهم قلة نطالب البقية بخوض المعركة ومساندتهم حتى لو بالدعم المعنوي
    لكن نسمع ونشاهد يوميا اصحاب الشأن والمال يدعمون الفارغة ويتجاهلون اصحاب الوجعة الحقيقية

    اما فيما يختص بكبار القادة حسب ما ذكرتهم بالإسم
    دعني اختلف معك جملة وتفصيلا فيهم جميعا
    هم ديل الغتسوا حجر البلد وغرقوها من اجل منافعهم الشخصية وقعدوا يتفرجوا علينا
    ديل ما منهم رجاء ولا الناس راجية منهم رجاء

    ثورة الشباب نمناها من الشباب ويقودها الشباب

    شكرا غزيرا اخي عبد الله على مرورك وتسلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 02:32 PM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)


    الاخت العزيزة/ سوما
    سلام


    من 23 سنة والجريمة بتكبر
    تكلمنا وكتبنا وتظاهرنا والجريمة تكبر..
    النظام سادر في غيه لمزيد من الاجرام..

    كل ما يقتل زول
    رد الفعل واحد
    شئ باهت ورمادي
    لا قصاص ولا يحزنون

    قتلونا في كجبار
    وفي بورتسودان وفي نيالا
    في مدني وفي الخرطوم..
    ونحن وين!!
    لابد من التحرك الشعبي المسلح
    لابد من دك معاقل النظام في العاصمة قبل الحوت

    على خطى ليبيا
    على خطى سوريا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 02:35 PM

elhilayla
<aelhilayla
تاريخ التسجيل: 02-05-2002
مجموع المشاركات: 4751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: تعرف يا الحليلة زماااان اول معرفتي بالأسافير , إتشرفت بمعرفتك وكان الزمن داك في سودانايل
    نزل احد الإخوة مقال كتبته عن رحيل والدي المفاجيء رحمة الله عليه
    إسم المقال ( حكاية من الواقع)
    ومن اكثر الردود الأثرتني جدا وحسيت التعزية والمواساة فيها من القلب وكأنه صاحبها جاني بالدرب
    اقسملك بالله كان تعليقك اخي الحنين الحليلة
    وإمكن تكون نسيت إنت كتبت شنو ؟
    لكن لي يوم باكر ما نسيت ولا يمكن انسا عباراتك الصادقة
    التي إبتدرتها قائلا
    كم وقفت معك كثيراااااا يا أسماء
    إلي نهاية المداخلة المؤثرة حد الدموع,,,
    وما زالت وقفتك اخي بدليل إنك تذكر تماما معرفتنا الإسفيرية بالتاريخ
    لك التحية مثنى وثلاث ورباع وإلى ما لا نهاية
    وشكرا مااارقة من الجوف

    شكرًا بت الجنيد
    نعم يا اسماء الأعزاء من أمثالك
    لا تعمل آفة النسيان في ذكراهم
    نعم التقينا قبل 13 عاماً في سودان نت
    كنت يومها انا في الإمارات وكنت انت واسرتك في
    السلطنة
    لا أخفيك أختاه أنني أتمتع بذاكرة اشكر الله عليها
    كما وإنني بحمد الله صقلت الموهبة بالعلم

    طبعاً الشخص الذي أعاد كتابة نعيك للوالد طيب
    الله ثراه هو شخصي الضعيف
    واذكر ان البوست كما ذكرت لقي تجاوباً منقطع النظير
    ولا أخفيك أني بكيت بكاءاً مراً وقد حق لنا فيومها
    استجشتي مشاعر الجميع وأنا واحداً منهم
    ولو سمحت لنا الظروف ومررنا بعاصمة الضباب
    سنسجل لكم زيارة فانت والفاتح نعم الأهل

    نسأل الله ان يقيل عثرة أهلنا الكرام
    فنحن شعب لا نستحق كل الذي حدث
    لنا

    تقبلي تحياتي والأسرة
    وثورة حتي النصر


    _______
    الحليلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 02:53 PM

مها عبد الله
<aمها عبد الله
تاريخ التسجيل: 07-13-2008
مجموع المشاركات: 2271

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: elhilayla)

    الرحمة والمغفرة لشهداء جامعة الجزيرة وربنا ينتقم من كل جبار

    التغيير قادم يا سوما والشعب صبر وسوف ينال جزاء صبره وتحمله لعصبة الفساد والقتلة !

    ستشرق شمس الخلاص ونغني لسودان أجمل ووطن حر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 09:16 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: مها عبد الله)

    Quote:
    آه من وطنٍ دامٍ مستباح يا شقيقة...

    لا اعرف والله ماذا اقول في هذه الشرذمة الضالة القاتلة المجرمة؟
    حسبي الله وحسبنا الله. استهلكنا كل المناحات وجف حقل الدمع وشاخت أصواتنا وهرمنا ونحن نرى هذا الظلم الكبير كل يوم بل وكل ساعة...

    وجعي هنا
    وطني هناكَ
    بدمعه المسفوحِ
    كحّل مهجتي
    شنفاً وعار...

    اي والله يا شاعرتنا؛ اي والله..

    شاعرنا القامة الوطني الغيور الذي هز عرش الطغاة بكلماته الصادقة
    حبابك والله , شرفتني ونورت الدار يا عزيز المقدار
    صدقت والله ، هم فعلا شرذمة ضالة ومجرمة , مهما وصفناهم بقبح اعمالهم ، نجد نفسنا قصرنا بوصفهم
    لا نقول إلا حسبي الله ونعم الوكيل عليهم جميعا
    لكن نحمد الله إننا نشتم دعاش الثورة قادم إن شاء الله مع تباشير ثورة الشباب القادمة
    ومصير الطغاة حتما مزبلة التاريخ
    تسلم استاذنا القمة زمراوي وهنيئا لوطني برجال في قامتك السامقة

    عذرا التعديل لخطأ مطبعي

    (عدل بواسطة اسماء الجنيد on 12-10-2012, 09:54 AM)
    (عدل بواسطة اسماء الجنيد on 12-10-2012, 09:55 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 10:35 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل

    ونعم بالله يا ود الصائم ,, ربنا يرحم الشهداء وينتقم من المجرمين القتلة

    حبابك وشكرا لمرورك يا أصيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2012, 11:33 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote:
    بت الجنيد ما حدث شئ لا يُمكن وصفه أو تبريره

    دماء زكية أُريقت دون وجه حق وبدم بارد لأن المواطن

    فى عرف أولئك الذين لا ندرى من أين أنوا لا قيمة له .

    نعزيك ونعزى أنفسنا فى هذا الفقد الجلل


    اخي الكريم جمال حبابك والله وحباب طلتك الحنينة
    فعلا ما حدث يا جمال جريمة كبيرة ولا يمكن نتصور انه المجرمين القتلة ديل وصل بهم الإنحدار والجرم للدرجة دي !!!
    لكن ما غريبة عليهم إذا كان رئيس العصابة إعترف بعضم لسانو بقتل عشرة ألف في إقليم واحد في بلده,
    إعتراف البشير بقتل ابناء دارفور لوحده يسقط الحكم قبل عدة سنوات, لكن صمت الشعب جعلهم يتمادوا يوما بعد يوم
    الفقد واحد وكبير جدا
    فقد لكل سوداني غيور على وطنه وترابه
    الرحمة الواسعة لشهداء الوطن
    والخزي والعار لنظام القتل والسحل والوأد
    لهم يوم إن شاء الله ,, يمهل ولا يهمل
    تسلم اخي جمال وشكرا لمرورك الكريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2012, 02:14 AM

عبدالرحمن إبراهيم محمد
<aعبدالرحمن إبراهيم محمد
تاريخ التسجيل: 10-02-2009
مجموع المشاركات: 2283

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)



    أخـتنا الكـريمة الـشفيفة الشاعرة الصادقة أسماء الجنيد

    كلامـك عـميق النبرة صادق يـسـبر غـور أذى لـحـق بالأنسان السـودانى الـنبيل
    وحاق بالشباب إنهزاما وإنصرافا يوجع ويقض المضجـع.

    ولـكنى ياأخـتى لا ألـوم النـظام ولا ألـوم الشعب أو أفـقـد فـيه الأمـل بقدر ما ألوم
    تقصيرنا فى المقاومة الفـكرية النافـذه بإسـتئصال الداء قبل إسـتفـحاله وتقديم
    الطروحات التعبوية للجماهير -- طروحات تحفزهـم على الوعى والإيمان
    بالممكـن من التغيير، مع رفع حالة اليأس والإحباط والقـنوط عنهم.

    أنا لا ألـوم جماهير الشعبر ولـن أفـقد فـيهم الأمـل أبـدا. فـقـد صـمتنا نـحن على أذاهم
    وخـنا أمانـتهم، فلماذا نـلومهم ونـتوقـع مـنهم التـجاوب ونـحـن قد غـيبنا عـنهم الوعى
    بـصـمتنا. لـقـد فقد الشـعب فى مـتعلميـه الـثقـة.

    أمـا الشـباب يا أخـتى فـأنا أريـد أن أرى فيهم الأمل الذى فـجـره فى عـقلى بـعد يأس
    عظمة حملات الـتوعية التى قادها شباب قـرفنا وإنـتفاضات الشباب التى خانـتها كل
    الـقيادات المهترئة التى خانت أمانـتها وتركت الشباب ليواجهوا الإحباط واليأس الذى
    يضاعف من يأس الجماهـير.

    فـلا نلوم الجماهير! فقـد خـبرنا أصالة هـذا الـشـعب عـبر تاريـخـه. فـلن يخذل الشعب
    نفسه حينما يأنس القيادة الرشيدة الـتى تقنعة بالصدق والتجرد والإسهام فى وعية
    بالإستراتيجيات المبدعة والبرامج الخلاقة لـتعبئته.

    لقد حاولت فى هـذه المداخلات أن أسبر غور إنكسارنا فى عـدة جبهات ومواقف
    بالجهد فى التحليل حتى نرى أين الخلل فى الفكر والسياسة والعمل:

    أى بـشــر هـذا الـشــعـب لــيـقـبـل بـهـذا الإنـحـ...اهـة الـنــخــبـه؟؟؟

    ولك الـشـكر على هذا الصدق فى الإنـفعال والإسهاب فى الشرح والطرح.

    ولـكنى أقول لكل من أبدى يأسا من الشباب والشـعب:

    لا تفـقـدوا فـيهم الامـل فــتقــتـلوا بذلك فـى نـفـوسـهم الـقـدرة عـلى الأمـل.









                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2012, 04:24 AM

عبدالله محمد أحمد

تاريخ التسجيل: 12-17-2005
مجموع المشاركات: 818

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: اما فيما يختص بكبار القادة حسب ما ذكرتهم بالإسم
    دعني اختلف معك جملة وتفصيلا فيهم جميعا
    هم ديل الغتسوا حجر البلد وغرقوها من اجل منافعهم الشخصية وقعدوا يتفرجوا علينا
    ديل ما منهم رجاء ولا الناس راجية منهم رجاء


    العزيزة اسماء
    و انا اتفق معك تماما في ذلك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2012, 10:06 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: عبدالله محمد أحمد)

    Quote:
    والله بالجد حاجة تكتل يا سومة
    يا سومة الشباب بقى همهم الاول والاخير موبايلك ياتو نوع
    ولبسك من وين وكريمات التفتيح وماشين اوزون وجايين من حفلة الامبراطور
    وتسريحة طه سليمان وعربية احمد الصادق وحفلة الحوووووووووت
    لو جيتي مارة في الحلة تلقي كل اتنين قاعدين ويرسلوا لي بعض في الصور والاغاني
    تسلمي مافي زول برد عليك لانهم ما جايبن خبرك
    غايتو إذا منتظرين ثورة من ديل عشم إبليس في الجنة

    الله ليك يا وطن
    وطن ماعندو وجيع

    تحياتي يا سومة

    سامية الحبيبة من القليب قريبة ,, مشتاقين والله يا خية
    فعلا حاجة تزعل وتوجع القلب من جوة. لكن الواحد يتحسر عليهم
    تحسي إنه في تقصير من جانب الأهل ولا تقصير في التوعية في المدارس
    الإنقاذ رسخت اشياء شيئة للغاية في البلد , منها تضليل جيل اليوم وشغلو بتفاهات الإمور
    لكن لو الأهل متابعين كويس بالتأكيد بكون في نتيجة غير الشايفنها الآن
    والمصيبة يا سامية التعليم !!! العربي الواحد ده مافي نهاااائى لا إملاء لا قواعد
    غايتو محتاجين جهد جهيد لتعديل الأخلاق واللغة والأهداف
    ربنا يساعدهم من فوق ويعجل برحيل سرطان الكيزان ويشفي البلد من مخلفاته
    لكن يا سامية والله فيهم أمل كبير في قيام الثورة الجاية إن شاء الله
    والأيام حاتثبت لينا ,
    دعواتنا ربنا يحفظهم ويساعدهم
    شكرا يا حبيبة وليك سلامي وللعيال وابوهم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2012, 10:33 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: الرحمة والمغفرة لشهداء جامعة الجزيرة وربنا ينتقم من كل جبار

    التغيير قادم يا سوما والشعب صبر وسوف ينال جزاء صبره وتحمله لعصبة الفساد والقتلة !

    ستشرق شمس الخلاص ونغني لسودان أجمل ووطن حر

    مهوية يا حبيبة الروح مشتاقين والله
    والله بنتمنى تشرق شمس الخلاص ويتهنأ الشعب بالحرية والسلام والديموقراطية
    المشكلة اي مشكلة ، تحصل أو اي إغتيالات لو الناس كانوا بحاسبوا المجرمين اول بأول
    ما كان الناس دي إتمادت للدرجة دي ! واصبحت إغتيالات بالجملة
    لكن غايتو المرة دي الناس ابدا ما تسكت ولا تهادن
    حسبي الله ونعم الوكيل عليهم جميعا
    يمهل ولا يهمل

    تسلمي كتير يا مها وشكرا ليك سمحة زيك كده
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2012, 11:08 PM

Mohamed Foto7li
<aMohamed Foto7li
تاريخ التسجيل: 02-27-2008
مجموع المشاركات: 2972

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: لهم الرحمة و المغفرة و في جنات الخلد

    و ربنا إنتقم من كل ظالم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2012, 11:09 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote: شكرًا بت الجنيد
    نعم يا اسماء الأعزاء من أمثالك
    لا تعمل آفة النسيان في ذكراهم
    نعم التقينا قبل 13 عاماً في سودان نت
    كنت يومها انا في الإمارات وكنت انت واسرتك في
    السلطنة
    لا أخفيك أختاه أنني أتمتع بذاكرة اشكر الله عليها
    كما وإنني بحمد الله صقلت الموهبة بالعلم

    طبعاً الشخص الذي أعاد كتابة نعيك للوالد طيب
    الله ثراه هو شخصي الضعيف
    واذكر ان البوست كما ذكرت لقي تجاوباً منقطع النظير
    ولا أخفيك أني بكيت بكاءاً مراً وقد حق لنا فيومها
    استجشتي مشاعر الجميع وأنا واحداً منهم
    ولو سمحت لنا الظروف ومررنا بعاصمة الضباب
    سنسجل لكم زيارة فانت والفاتح نعم الأهل

    نسأل الله ان يقيل عثرة أهلنا الكرام
    فنحن شعب لا نستحق كل الذي حدث
    لنا

    تقبلي تحياتي والأسرة
    وثورة حتي النصر


    _______
    الحليلة

    يا سلااااام اخي الحليلة, اعدتني لي زمنا ندي وحنين ,,
    رغم الذكريات الحزينة والفقد الكبير’
    لكن ملامح ذلك الزمن حتى في الأسافير كنا نشعر وكأننا نعرف بعض منذ عدة سنوات مضت
    ما شاء الله عليك والله وعلى الذاكرة الصافية , عيني باردة ودقر العين والله
    فعلا كنا ما زلنا في مسقط , وكما ذكرت لك إسمك كان مقترن بالنعي الصادق والكلمات النبيلة التي حسيتها
    مارقة من حشا محموم بالحزن والوجع على والدي الذي لم تراه إنت ولا القرآء إلا من خلال نص حزين ملفح بالسواد
    وذكريات إبنة يتيمة , كم تفتقد والدها وصديقها الذي كان خلا وفيا وأبا حنونا , له الرحمة الواسعة وجنات عرضها السماوات والأرض
    كم احسست بحزنكم ودموعكم حينها, من خلال إلإحساس الدافق والمشاعر الشفيفة
    ياااااااه اخي الحليلة حقيقي رجعت بي كم ونيف سنة , ورغم حزنها لكن لها طعم ونكهة خاااصة جدا
    شكرا ليك لا تكفي حقيقي
    نتمنى ان تجمعنا الظروف مرة اخري في اوقات جميلة
    ونتمنى النصر لثورة الشباب ... والحرية والسلام لوطننا السودان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-11-2012, 09:52 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** مامشكلة الطلبة تموووت ... المشكلة حفلة الحوت *** (Re: اسماء الجنيد)

    Quote:
    أخـتنا الكـريمة الـشفيفة الشاعرة الصادقة أسماء الجنيد

    كلامـك عـميق النبرة صادق يـسـبر غـور أذى لـحـق بالأنسان السـودانى الـنبيل
    وحاق بالشباب إنهزاما وإنصرافا يوجع ويقض المضجـع.

    ولـكنى ياأخـتى لا ألـوم النـظام ولا ألـوم الشعب أو أفـقـد فـيه الأمـل بقدر ما ألوم
    تقصيرنا فى المقاومة الفـكرية النافـذه بإسـتئصال الداء قبل إسـتفـحاله وتقديم
    الطروحات التعبوية للجماهير -- طروحات تحفزهـم على الوعى والإيمان
    بالممكـن من التغيير، مع رفع حالة اليأس والإحباط والقـنوط عنهم.

    أنا لا ألـوم جماهير الشعبر ولـن أفـقد فـيهم الأمـل أبـدا. فـقـد صـمتنا نـحن على أذاهم
    وخـنا أمانـتهم، فلماذا نـلومهم ونـتوقـع مـنهم التـجاوب ونـحـن قد غـيبنا عـنهم الوعى
    بـصـمتنا. لـقـد فقد الشـعب فى مـتعلميـه الـثقـة.

    أمـا الشـباب يا أخـتى فـأنا أريـد أن أرى فيهم الأمل الذى فـجـره فى عـقلى بـعد يأس
    عظمة حملات الـتوعية التى قادها شباب قـرفنا وإنـتفاضات الشباب التى خانـتها كل
    الـقيادات المهترئة التى خانت أمانـتها وتركت الشباب ليواجهوا الإحباط واليأس الذى
    يضاعف من يأس الجماهـير.

    فـلا نلوم الجماهير! فقـد خـبرنا أصالة هـذا الـشـعب عـبر تاريـخـه. فـلن يخذل الشعب
    نفسه حينما يأنس القيادة الرشيدة الـتى تقنعة بالصدق والتجرد والإسهام فى وعية
    بالإستراتيجيات المبدعة والبرامج الخلاقة لـتعبئته.

    لقد حاولت فى هـذه المداخلات أن أسبر غور إنكسارنا فى عـدة جبهات ومواقف
    بالجهد فى التحليل حتى نرى أين الخلل فى الفكر والسياسة والعمل:

    أى بـشــر هـذا الـشــعـب لــيـقـبـل بـهـذا الإنـحـ...اهـة الـنــخــبـه؟؟؟

    ولك الـشـكر على هذا الصدق فى الإنـفعال والإسهاب فى الشرح والطرح.

    ولـكنى أقول لكل من أبدى يأسا من الشباب والشـعب:

    لا تفـقـدوا فـيهم الامـل فــتقــتـلوا بذلك فـى نـفـوسـهم الـقـدرة عـلى الأمـل.



    أخي الفاضل الكريم عبد الرحمن إبراهيم محمد
    سلام من الله يغشاك وكل الدعوات السمحة تبراك وتبقالك ضل طول حياتك

    يعلم الله اسعدتني ايما سعادة بالمداخلة الشحمانة وتريانة دي
    فرجة وشوف ساااااااي ما شبعتها منها,, والله صحي
    بقت لي سنام ’ اجي اتاوق ’ اشبع تــــــــــب وامرق تاني احوووم بي حوش بكري الفيهو مراتا نضمي (كتر كتر ( بضم التاء )
    اها ارجع لي نضميك المارق من الجوف ده ,, ومرصوص متل خرز العروس ,, ما شاء الله تبارك الله
    اقول الحمد لله الدنيا بي خيرها الكتير ووفير, وطووول ما عندنا العقل الراجح متلك,, والفهم المركز , تـــب ما بتجينا عوجة
    ويااا ريت كل زول يقرأ كلامك ده ويأخد بي خلاصتو ويركز في كل مفردة بي رواقة ..
    اوافقك الرأي جملة وتفصيلا لكل ما ذكرت,, فعلا المتعلم والمثقف له دور كبير في نشر الوعي بين شعبه وخاصة شريحة الشباب ..
    لكن يا أخي الكريم , أين المثقف ؟ وأين المتعلم الواعي في بلدنا المقسم وباقيهو مشتت في الفيافي !!!
    خيرة مثقفينا واصحاب عقولنا النيرة هجوا من البلد لكسب لقمة العيش الحلال!!!
    اصبح البلد نضييييف اللهم إلا من رحم ربي,,
    الشباب تائه ويتخبط من جدار لجدار في ظلمات وبحور لا قرار لها .!!!
    لا ألوم الجمهور الذي إنشغل تماما بالجري وراء لقمة العيش, رغم الفقر والمرض والعدم الذي وشح 90 في المائة من اهلنا المطحونين..ّ!!!
    لا ألوم الشباب ايضا , لأنهم اصبحوا مغمضين ، وجدوا انفسهم في اجواء معتمة , قلة تعليم, ، عدم توجيه وإنفتاح أعمى على فضاء غريب وثقافات دخيلة دون اي وعي!!
    في الختام لا اطيل عليك وعلى القاريء , لكن حقيقي ,, حقيقي اثريت البوست بهذه المداخلة التي اعتبرها مادة دسمة لوحدها ،
    ومكسب لي في كل مشاركاتي في الفترة السابقة والجاية ,,
    دمت زخرا للوطن ودام امثالك , وربنا ينور بصيرة جيلنا ويسهل إمورهم جميعا إن شاء الله
    ونسأله تعالى ان يرفع عنا هذا الظلم ، و يزيح هذا الكابوس الجاثم على صدر الوطن اكثر من 23 خريفا.. اللهم آمين
    أخي الفاضل عبد الرحمن , لك الشكر والتقدير ممتد بطول بحرنا ومخضر بخضرة جروفة
    وشكرا أردب محنة ,,,


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de