بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 04:09 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** فكي ماسورة ***

12-06-2012, 11:24 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

*** فكي ماسورة ***

    فكي قوش طلع فكي ماسورة ,,, والله صحي
    حتى الفكي طلع ماسورة ؟ معقول دجال يصدق دجال ؟ دي غايتو قلبتوا فيها الهوبة يا ناس أبو جكة !!!
    اها والفكي ده رتبته شنو ؟ فكي بي 3 دبابير ولا عسكري بي شريطين؟ولا زول عنقالي ساي؟
    إنقلاباتكم بي فكي! إنتخاباتكم بي الخج والتزوير! تعييناتكم بالواسطة , تصريحاتكم بالرجالة، كلو شغل أوانطة!!
    لكن حكاية فكي يساعد في الإنقلاب و إستلام الحكم دي قوية جدا جدا.
    نهنئكم على الإنجاز الغريب وعجيب، والفهم الحامض أكتر من العرديب،والأفق القصير أقصر من طول العنقريب!!
    هسه الفكي ده يا ربي حا تنتقموا منو كيف؟ بعدما فشلت المحاولة وقبضتوا عليه؟
    معقولة تحاسبوه وإنتو اصلا مؤمنين بيه؟ يعني بتسجنوه وتعذبوه في بيوت الأشباح؟
    ولا بتخافوا منو يجيكم ناطي الصباح؟ وينقلب ليكم وطواط بالليل ويوريكم الويل؟
    غايتو التسوي بي إيدك يغلب اجاويدك!! يا ربي الفكي ده واحد تاني غير بلة الغائب ؟
    الفكي الحدد المدة الزمنية بالسنة والشهر واليوم والساعة لبقاء الرئيس في الحكم ؟؟
    دخل في حكم الله !! سبحان الله !! ويقولوا ليك نحن بالدين إهتدينا !! ياتو دين ده وياتو سنة دي عليكم الله؟حكمتو باااالغة.
    اها نجي لي فكي الإنقلابات والمهمات المستحيلة !!
    إتخيلت الجماعة ديل ملمومين في دارة ووسطهم الفكي الماسورة ضاحك علي دقونهم ولابع ليه كم مليون كده.
    وما بعيد يكون عنده كم عمارة وعربية وجواز دبلوماسي !! ما اصلو الحكاية جايطة ، يعني بقت على الفكي ؟
    يكونوا قاعدين والفكي مدور بخورو ولابس كشاكيشو وقاعد ليه في نصيبة تصدر منهااصوات غريبة لزوم الرهبة والتخويف.
    ويبدأ يهضرب , شخارم بخارم ,, كوزنا الظالم ودفاعوا الكاضم , نصو حائم ونصو نائم وكلو طاشم ,كو كرو كب كرب لب ..
    بدون شطارة، تخبتنا الطيارة،نسمع الصفارة ونجريى نتضارا وكيف الدبارة؟
    نمرق نتدبأ نشوف الخسارة ونفك الجوعارة وروروروروووو. هي لله هي لله.. نعم للسلطة ونعم للجاه ..
    بلة الغائب في الركائب لهطونا ضرائب، سرقوا حلايب،جانا كــــلـــــــب، سنونو صفر، عيونو حمر، حلب الناقة في السنقاقة.
    (( كرج يا فلان))الرئيس الجاي منو؟((طبعا كرج))دي فيها قرصة حااارة من الفكي للزول البتقع يدوا عليه.
    لازم يستحمل القرصة لأنه إحتمال يكون هو الرئيس القادم حسب بخرات الفكي! كلو بي تمنو !
    وانا اقول الجماعة ديل مشلوطـــيــــن و محروقين وممغوسين كده ليه؟؟ تراه كلو من قريص الفكي الطلع ماسورة !
    يومك نحس يا فكي الجن، شيل شيلتك وشوفلك دبارة مع ناس دفاع الساطور والنظارة! مغايس الخسارات دي كلها بفكوها فيك..

    وهكذا الفكي الضلالي يكون شغال طوااالي مدور وسطهم و الجماعه متنحين ومجهمين حوالينو!!
    وهكذا حال البلد في ال 23 سنة الفاتت مشاركين في حكمها دجالين ومشعوذين!!
    وما نستغرب إن وجدت عندهم وظائف كبيرة ومميزات ومخصصات من مال هذا البلد الهامل!!
    معقولة يا عالم مستوى الجماعة ديل وصل الحضيض للدرجة دي؟
    لو قلنا الناس ديل ناس دنيا ساااي! معقول مستوى تعليمهم و ثقافتهم مضمحل للدرجة دي؟
    ومعظمهم دارع ليه شهادة دكتوارة في ضهره!! جهل مركب وعقلية متخلفة لدرجة إنهم يصدقوا الخرافات والدجل ده؟؟؟
    و كانوا ماسكين البلد دي بي ياتو شريعة وياتو فهم؟؟ ودكتوارتهم دي جايبنها من ياتو جامعات؟وبرضو تقولوا علينا شذاذ آفاق ؟؟

    حسبي الله ونعم الوكيل ,,,


    متاوقة
    معقولة يا ناس الحكومة ؟ عندكم بلة الغائب وما تقدروا ترجعوا حلايب ؟؟

    التعديل لي مقص بكري الما بفرز كويس , جننا زاتو ..




    (عدل بواسطة اسماء الجنيد on 12-06-2012, 11:34 PM)

                   |Articles |News |مقالات |بيانات

12-07-2012, 00:58 AM

قاسم المهداوى
<aقاسم المهداوى
تاريخ التسجيل: 11-26-2004
مجموع المشاركات: 8640

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** فكي ماسورة *** (Re: اسماء الجنيد)

    اسماء
    تحايا واشواق
    هؤلاء عبر الفكى الماسورة
    واخر عبر الاستخارة
    وثالث بالفتة والضحكة الخجولة
    هكذا تدار الامور فى السودان
    او كما يقول المصريين عندما تحل مصيبة ما عليهم
    فلان وين ـ يقصدون المسئول ـ يرد اخرين ـ ( بياكل رز مع الملائكة )
    اها شفتى نحن كل ناسنا بياكلو رز مع الملائكة ــ حكومة على شخصيات وطنية كما يقال عليهم
    على معارضة تقليدية طائفية كرتونية ـ
    ــ
    سلام وتحايا

    قاسم
                   |Articles |News |مقالات |بيانات

12-07-2012, 09:16 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** فكي ماسورة *** (Re: قاسم المهداوى)

    Quote: اسماء
    تحايا واشواق
    هؤلاء عبر الفكى الماسورة
    واخر عبر الاستخارة
    وثالث بالفتة والضحكة الخجولة
    هكذا تدار الامور فى السودان
    او كما يقول المصريين عندما تحل مصيبة ما عليهم
    فلان وين ـ يقصدون المسئول ـ يرد اخرين ـ ( بياكل رز مع الملائكة )
    اها شفتى نحن كل ناسنا بياكلو رز مع الملائكة ــ حكومة على شخصيات وطنية كما يقال عليهم
    على معارضة تقليدية طائفية كرتونية ـ
    ــ
    سلام وتحايا

    قاسم

    حبابك يا قاسم اخوي وجمعتك مباركة إن شاء الله
    يا ريتهم يا قاسم اخوي كان بعرفوا الإستخارة !!
    ديل اي حاجة ليها علاقة بالدين الواحد ده المن قمنا شفنا اهلنا وعرفناهو من خلالهم
    ودرسونا ليه! لو كانوا ماشين بكتاب الله وسنة رسوله الكريم , ما كان جات البلد عوجة تب
    ولو فعلا مطبقين الشريعة , كان اهلنا هسه في نعيم , قناعة سااي ويقين
    وكان الجرائم الحايمة وسطنا هسه دي ، لا سمعنا بيها ولا قرينا عنها !!
    بالله هسه تفتح الراكوبة تقرأ وتشوف العجب !!!
    سبحان الله ده السودان الكان معروف بالمن والأمان !!!
    حسبي الله ونعم الوكيل عليهم جميعا,, يمهل ولا يهمل

    تسلم اخي قاسم على المرور الأسعدني للغاية ,,
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de