دعواتكم لزميلنا المفكر د.الباقر العفيف بالشفاء العاجل
|
|
 *** عديلة وزين ***
|
الاهل الطيبين
العيد مبارك عليكم.. علينا وعليكم يتبارك
العفو لله والرسول
اليكم عديلة وزين وان شاء الله ايامنا كلها فرح
عديلة و زين
يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فــــــــا ل ..
اسماء الجنيد / مسقط
متاوقة*
الاخ ضياء مرغنى لحن هذة الكلمات من مدة
وقام بأهداء هذا العمل بدوره للاخ مصطفى السنى
الاخ ضياء كل سنة وانت طيب
يا ريت تنزل لينا العمل ده بصوتك او صوت الاخ مصطفى
انا غايتو عندى بى صوتك انت.. لكن ما بعرف انزلو كالعادة
وكل سنة وانتو طيبين
|
|
 
|
|
|
|
|
|
|
|
Re: *** عديلة وزين *** (Re: soma)
|
الروعة مع الرائعة سوما
شاعرتنا الكبيرة شعراً وابداعاً
والصغيرة سناً ( دا عشان ما تزعلي ) عديلة وزين
يا أهل الله صفقوا واهنفوا معي
العيد سعيد
لست الشعراء
وكل عام وانتم بخير
| |
|
|
|
|
|
|
|
|
|
Re: *** عديلة وزين *** (Re: حمزاوي)
|
الروعة مع الرائعة سوما
شاعرتنا الكبيرة شعراً وابداعاً
والصغيرة سناً ( دا عشان ما تزعلي ) عديلة وزين
يا أهل الله صفقوا واهنفوا معي
العيد سعيد
لست الشعراء
وكل عام وانتم بخير
الخال حمزاوى
عيدك مبارك ولمة فرح دائما يا رب
انت عارف من دواخلك بفرح دوام بى طلتك
وبشتاق كتير للكتابة وارتب حروفى لفرحتك
ما اصلو حال الدنيا فرحة وبسمة فى حضن الزمن
لازم نلملم الفضل ونشتل دوام فرح الوطن
شكرا الخال الحنين
الشوق مدمدم بالحنين
تحياتى عبرك للعقاب
| |
|
|
|
|
|
|
|
|
|
Re: *** عديلة وزين *** (Re: soma)
|
ختيت أضاني
علي مسارب الهوا
جسمي إترعش قشعريرة واتنفش
وعرضت مع الشدر الطوال
وضرب مقص هدا الجبال
عديلة وزبنة
,,,,,,,,,,,,,,,,,,,,,
سوما العيد مبارك عليك
وإن شاء الله من العايدنو
كوني بألف خير
نورالهادي
| |
|
|
|
|
|
|
|
|
|
Re: *** عديلة وزين *** (Re: nourelhadi awad)
|
ختيت أضاني
علي مسارب الهوا
جسمي إترعش قشعريرة واتنفش
وعرضت مع الشدر الطوال
وضرب مقص هدا الجبال
عديلة وزبنة
,,,,,,,,,,,,,,,,,,,,,
سوما العيد مبارك عليك
وإن شاء الله من العايدنو
كوني بألف خير
نورالهادي
نور الهادى اخوى
العيد مبارك عليك .. علينا وعليك يتبارك
العفو لله والرسول
وبى طلتك بقى عيدنا كرفنال فرح
فرشنا الود بساط اخضر
حرقنا الند تواشيح محنة
والشوق اكتمل قمر 14
شكرا مارقة من الجوف
اخى الحنين ود الطين والجروف
| |
|
|
|
|
|
|
|
|
|
Re: *** عديلة وزين *** (Re: soma)
|
Quote: يا ود مساحات البلد ..
مفروش ارض معروش سحاب..
مبلول مطر راوى الجرف..
كاسر السراب..
معقود جواك اخضر رضاب..
مزروع مجدع فى التراب..
نواره تفتح كل باب..
مليانه بى دغش الرزاز..
رويانه بى نفس العزاز..
ممطوره بالبلد الهشاب..
طارح الحنين عبر السنين..
وارث الدوايه مع الكتاب..
مشتول مكشح فى الدروب..
ممزوج مدمدم بالضباب..
مدفون جوار عمق الفرح..
مبسوط محكر فى الهضاب..
*****
يا ود مساحات الاهل..
مرشوش عطر مربوط هلال..
جرتق موشح بالبرش....
مرصوص سبح حزمة جمال..
سايقنو لى ست الحسن ..
مليانه حنه وكوم خصال ..
ديسا مكحل بالسواد ..
خدا مورد بالدلال ..
مسكونة بى ضحكة صغار..
منسوجة بى صافى الزلال ..
معروفه بى خاطر الكبار ..
مرسومة فى واحة ظلا ل ..
سمحة و عديلة و زين ..
عزة قبيلة و فــــــــا ل ..
|
الرائعة سوما كل عام وانتي بخير
وتسلم حروفك
| |
|
|
|
|
|
|
| |
هاشم أحمد خلف الله
سجيمان
فيس بوك
تويتر
انستقرام
يوتيوب
بنتيريست