دعواتكم لزميلنا المفكر د.الباقر العفيف بالشفاء العاجل
|
|
 *** سلام يا الحبان ورمضان كريم ***
|
سلام يا اهلنا بعد غياب وجرية من هكوري,,
رجعنا بحمد الله بعد هجمة الهكر ,, دخل فينا خيفة ,, والله صحي
انا قلت العصار الضرب حوش بكري المرة دي , مو عصار نصاح
والله صحي
كشحنا كلنا في السهلة
بكري إنت اظنك ما قلت محمد معانا ما تغشانا ,, والله صحي
الحمد لله اتفكينا منو وشكيناهو على الله الهكر,, الله لا اعاده بركة الشهر الكريم
رمضان كريم عليكم جميعا
تقبل الله صيامنا وقيامنا ودعواتنا في الشهر المبارك إن شاء الله
اها ما عندكم كورية حلو مر ولا بليلة يا الحبان؟
|
|
 
|
|
|
|
|
|
|
 Re: *** سلام يا الحبان ورمضان كريم *** (Re: معاوية عبيد الصائم)
|
Quote: سلام بت الجنيد سلام ورمضان كريم
اريتك طيبة و الولاد بخير ....
كل الناس ...كل الناس بخير.....
حمد لله سلامة ياخ |
حباب الحبان عشا الضيفان
كيفنك ود ابوي الصائم إنت ووليداتك وامهم الحنينة
اريتكم طيبين , رمضان كريم عليكم إن شاء الله , تصوموا وتفطروا على الف خير
ما تنسونا من صالح الدعوات في الشهر الكريم
سلامي لكل العقاب
| |
|
|
|
|
|
|
|
|
 Re: *** سلام يا الحبان ورمضان كريم *** (Re: اسماء الجنيد)
|
Quote: الظاهر لسع ما مرقت يا بت الجنيد.
فقدناك. والله صحي.
بسراعك الحقينا بالنيمة الناخد لنا فيها جمّة
في نهارية رمضان القلآية دي.
رمضان كـــريم، وألف حمد لله
علي السلآمة... |
حبابك يابا
ما مرقت وحات خوتك ما مرقت . هى نان هجيمة نصاح؟
كل ما اي اتاوق في البورد يطلع لي الدمبعلو ,, والله صحي
تاني تربسوا الحوش تب وبقيت ازازي بي السهلة وكتبت لي اب صلعة طلع لي هكوري مو بكوري , والله صحي
علا ربك ستر ونجدني منو
اصبر لي بجر ليكم النيمة انا زاتي مشتهية لمتها وونستها
خسووووسا في رمضان الطويل عندنا ده
ارينو كان بي قلايتو وزمنو السمح وسط الحبان
نحن يا ود المدير يا خوي بنصوم تمنتاشر ساعة !!!! والله صحي
من الساعة 3 فجرا لاآآآآآآآآ باكر 9 ونص مساء
شغل الخواجات مشاتر تب ,, والله صحي
| |
|
|
|
|
|
|
|
|
 Re: *** سلام يا الحبان ورمضان كريم *** (Re: فيصل محمد خليل)
|
Quote: شاعرتنا المجيدة سوما
رمضان كريم
وكل سنة وأنت وأسرتك الكريمة بالف خير.
وافر تقديري |
هلا هلا حباب الناس القيافة وفايتة الناس مسافة دقر العين يا يابا
الفاتح ود عمي ميرغني , الدبلوماسي الأنيق
طلتك أمانة مي حنينة زي نضميك المرتب ومارق من الجوف
رمضان كريم عليك وكل سنة وإنت طيب يا خوي
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote:
كل سنة وانتي طيبة
ورمضان كريم
ونحن في ابعد منفى عندنا اي شئ
الا الحلو مر ! |
خالد الحنين حبابك يا خوي ورمضان كريم عليكم إن شاء الله , تصوموا وتفطروا على الف خير إن شاء الله
وكل سنة وإنتو طيبين يا الحنين
والله يا خالد رمضان في بلد الخواجات ما عنده طعم كلو كلو . مهما تحاول وتجتهد إنك تغير الجو بمشهد رمضاني بحت
لكن برضو بتلقى نفسك ما قادر وفي حاجات كتيرة ناقصة
تصدق جاني حلو مر من صاحبتي , ادى شوية نكهة رمضان أول يوم
أريتك كان قريب كنا رسلنا ليك طرد معتبر
سلامي لك والأسرة الكريمة
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: سلامات ياسوما
ورمضان كريم تصومي وتفطري
بالف خير....
وتحياتي لاخي الفاضل الفاتح
وللوليدات
سلام يغشاكم اينما كنتم
دايما تامين ولامين |
حباب ود عمي دياب . اريتك طيب إنت واسرتك الكريمة
رمضان كريم عليكم , تصوموا وتفطروا على الف خير يا رب
وكل سنة وإنتو طيبين وتامين وسالمين
ربنا يجعلنا من عتقاء النار
تقبل الله صيامنا وقيامنا إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: فايزودالقاضي)
|
Quote: سلامات
قالوا اليوم هناك عندكم بي يومين الا شويه كدي ... مرتب عسكري في مناطق عمليات
تصوموا وتفطروا علي خير |
حبابك يا نوفل وحباب طلتك يابا
رمضان كريم عليك وتصوم وتفطر على الف خير إن شاء الله
والله صدقت يا خوي اليوم عندنا سلبة 18 ساعة لووووووووولز عجبتني مرتب عسكري في مناطق العمليات
ربنا يعظم الأجر إن شاء الله ويتقبل صيامنا وقيامنا إن شاء الله جميعا
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: حباب بت الجنيد
حباب ام مؤيد
كل عام وانتم بالف خير
كيف اخبار الاهل بالسودان كوووووووووووولهم ؟ |
حبابك يا ود شيقوق رمضان كريم عليك ويا حليل لمة رمضان في مسقط
عاد يا شيقا يا خوي اخبار السودان عندي انا ولا انت الجيت اول البارح ؟ ولا مو كدي؟
حليلي انا مع غربة الخواجات ورمضان المافيهو لا كورية حلو مر ولا صحين بليلة !
رسلولنا طرد آبري آآ اهلنا
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: يا بت الجنيد شفقنا عليك من السكة .
و الهكر يضربو الضريب شقاق العناقريب و يخم
معاهو ود شيقوق وعنكوليبو. رمضانك كريم |
فيسلنا يا الفيك ملامحنا
رمضان كريم وتصوم وتفطر على ألف خير يا رب
ما تفقدك شينة يا الحنين ..
الهكر يطير ويقع في البير, لكن مالك يا فيسلوه على ود شيقوق الزول ده رمضان بكون شال نصو
داير تدي النص التاني لي هكوري .. عونكوليبو زاتو عندو شعبية عريضة لووولز
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: Mustafa Mahmoud)
|
Quote: هلا والله أختنا الزينة بت الجنيد
ورمضان كريم عليك والأسرة
وصلتنا ليك كرتونة رمضان الما خمج أول أمس
المكيفني في الموضوع: الكركدي والدكوة
الله....
أها نحوليكم أبري SMS ولا كيفن...!! |
حباب اخوي بلة ,, ود الفريق والحلة
رمضان كريم عليك , إن شاء الله تصوم وتفطر على ألف خير
تنفعكم إن شاء الله كرتونة رمضان ,,,
عاد يا بوي كيفن ترسل لي بي المسج
اربطلك بقجة وخت لي فيها طرقتين آبري وربطة نعناع ...
كتر الف خيرك يا خوي ربنا يتقبل صيامنا وقيامنا إن شاء الله ويعود علينا الشهر بالخير والبركة
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: ضياء الدين ميرغني)
|
Quote: ياهلا بشاعرتنا الجميلة الاستاذة اسماء ...
كل الامكنة والدروب كانت مفتقداك...
رمضان كريم وكل عام وانت واسرتك الكريمة بخير ...
تحياتي ،، |
حباب ود القاضي ,, حبابك يا فائز إن شاء الله ديمة فائز وفي الشهر الفضيل فائز بالجنة , قول آمين
رمضان كريم عليك يا خوي تصوموا وتفطروا على الف خير , ينعاد عليكم الشهر بالخير والسعادة إن شاء الله
يا متفقدك شينة يا الحنين
كل سنة إنت وكل الأهل بالف خير إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: رمضان كريم وكل عام وانت بخير
سبب الغياب
الزيك ما بخاف يا اسماء |
ود عمي المحرب , حبابك يا العزيز عقابك , كيفنك ياخوي وست بيتك والعيال
رمضان كريم عليكم , تصوموا وتفطروا على خير
اها جابولكم الآبري والرقاق؟
وحات خوتك لميت لي في دقيق ذرة وكنكشت فيهو
كل يوم عصيدة, مرة نعيمية ومرة تقلية
علا البليلة والرقاق ما عرفت دربهن
جمعنا الله وإياكم في ارض الحرمين إن شاء الله
سلامي لي كل العقاب ودعواتكم ربنا يجمعنا إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
ابو حسين حبابك يابا رمضان كريم عليكم إن شاء الله , يعود الشهر الفضيل عليكم بالصحة والعافية والخير الكتير
وكل سنة وإنتو طيبين وسالمين وتامين , قول آمين
كتير السلام للحبيبة ست بيتك والعيال
اها جبتو هدوم العيد ؟. رسلوا لي حقي طالما شربتوا الآبري براكم وخليتوني
لحقوني حقي في العيد
هدوم وخبيز ,
مشاققة
سامية الحبيبة دسي من ابو حسين خبيز العيد كلو
وإن طنطن قوليلو اطرأ الرجيم
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: مشاققة
سامية الحبيبة دسي من ابو حسين خبيز العيد كلو
وإن طنطن قوليلو اطرأ الرجيم |
اها عشان المشاققة بتاعتك دي النقول ليك الكلام العديييييييييل
أولاً الحلو مر و تانياً الآبري الأبيض و تالتاً البليلة دا غير القونقليس و السمن و الويكة
و عجين العصيدة برضو بجي من السودان
أما الكعك فطبعاً سامية حامد أستاذة في عمل الكعك كعكةة وااااااااااااحدة بس ترجعك للسودان
أها دا غير لمة الأهل و الأصحاب اللي بجوك في رمضان و الونسة
براااااااااااااااااااااااااك جبتي لي روحك
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: ود الخليفه)
|
يا حليلك بالكتير يا شجرة صندلنا الوريفة
ومشتاقين بالكوم لطلتك البهية .. فانتي عندنا
السودان بكل عبقه وطيبه وطيبته وطينه وبساطته ..
هكوري ياسوما ليته يدري إننا ننتمي لهذا الوطن الأم
ونهرب من قسوة الغربة والواقع والشارع ونأتيه ركضآ
لندفن جراحنا ونمسح ونقش دموعنا فيه .. ليته يدري ..!
رمضان كريم عليك والأسرة تصوموا وتفطروا على خير
وكل سنة إنت وكل الأهل بالف خير إن شاء الله والمنبر بالف خير
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: مجدي عبدالرحيم فضل)
|
Quote: شاعرتنا المجيدة سوما
رمضان كريم
وكل سنة وأنت وأسرتك الكريمة بالف خير.
ونحنا في انتظارك انت وكل اصدقاؤك الشرفاء في منبر قوس قزح لكنس مافيا الكيزان
|
دكتور مصطفى اهلا بيك ورمضان كريم عليك إن شاء الله ,, شكرا على الدعوة وكتر خيرك كتير يا خوي ,,
كل سنة وإنت طيب إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: هلا هلا بست الحسن العزيزة بت العزاز سوما
رمضان كريم انت والاسرة
اتفضلي لي جوه |
اوووووووووووووووه اهلنا المنهم طولنا
ضياء الدين الزول الحنين .ز سلامات يا زول يا شفيف
حبابك والله ورمضان كريم عليك إن شاء الله
كل سنة وإنت طيب يا الضي
كتر لينا ما إبداعاتك في رمضان ده بالله ..
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: Abdlaziz Eisa)
|
Quote: اها عشان المشاققة بتاعتك دي النقول ليك الكلام العديييييييييل
أولاً الحلو مر و تانياً الآبري الأبيض و تالتاً البليلة دا غير القونقليس و السمن و الويكة
و عجين العصيدة برضو بجي من السودان
أما الكعك فطبعاً سامية حامد أستاذة في عمل الكعك كعكةة وااااااااااااحدة بس ترجعك للسودان
أها دا غير لمة الأهل و الأصحاب اللي بجوك في رمضان و الونسة
براااااااااااااااااااااااااك جبتي لي روحك |
لوووووووووووووووووووووووووووووووووولز
الشكية لي اب إيدا قوية يا يابا
الشيء آآ زول إت ماك صائم وفتران ؟ كت لابد لي بي وين ؟
وحات الله قلت تجي سموية تغمت الكلام ده صرة في خيت ونكب الزوغة انا وهي
علا هجمتني هجمة عدوك . هجمة اخير منها هكوري
النبي فيك حتى عجين العصيدة والآبري الأبيض والسمن ؟
ينفعكم إن شاء الله , علا الليلة حردانة فطوري تب العدمان الحلو مر والآبري
بقرطع لي موية زرقاء بس ,,
اها النبي كان تدفنها لي العيد , وتستكتر علي الخبائز .
عاد يا ابو حسين يقع فيك العدو المو صليح . لووووووولز
مشاققة
عاد يا سامية تاني مافي قطيعة إلا بكري يجيب مسنجرو
ودعتكم الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: رمضان كريم وتصوموا تفطروا على خير يا اسماء ...
رمضان غايتو يا في السودان يا بلاش والحمد لله
ربنا اكرمنا بجو كويس طوال الايام الفاتت
مافي عطش ولا جوع بس اليوم طوووويل |
عمر يا جنابو حبابك يا خوي واريتك طيب ووليداتك وامهم
رمضان كريم عليكم تصوموا وتفطروا على الف خير إن شاء الله
اكيد رمضان في السودان سمح وليه طعم خاص جدا جدا حتى ولو السخانة الف على قول ود الصائم
وجودك حول الأهل والحبان براه برطب الجو
لكن عليك الله يا عمر ود عمي عثمان , عاد اليوم طويل ليكم في السودان ولا لينا البنصوم 18 ساعة نحمد سيدنا
ويخربنا ما عندنا حلو مر يبرد الجوف
الله غاااااااااااالب وربنا يعظم الأجر إن شاء الله
سلامي لك والأسرة الكريمة
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: يا حليلك بالكتير يا شجرة صندلنا الوريفة
ومشتاقين بالكوم لطلتك البهية .. فانتي عندنا
السودان بكل عبقه وطيبه وطيبته وطينه وبساطته ..
هكوري ياسوما ليته يدري إننا ننتمي لهذا الوطن الأم
ونهرب من قسوة الغربة والواقع والشارع ونأتيه ركضآ
لندفن جراحنا ونمسح ونقش دموعنا فيه .. ليته يدري ..!
رمضان كريم عليك والأسرة تصوموا وتفطروا على خير
وكل سنة إنت وكل الأهل بالف خير إن شاء الله والمنبر بالف خير
|
حبااااااااااابك إنتي يا السمحة ورزينة , حبابك يا هدير الحنينة
يا حليلك والله , امانة ماني مشتاقة ليك يعلم الله ولي نضميك المتل الموية الباااردة في جوف الصائم
ربي يسعدك ويديك قدر يرضيك يا العديلة من البداية وهميمة للنهاية ,
والله يا هدير هكوري كان بعرف ربع نضميك ده ولا إحساسك الشفيف , كان قفل روحو في منفأ وبعد من الناس الطيبة ومسالمة
لكن يا بت امي وين ما اتوجد الخير لابد من الشر يباريه
ونحمد الله الخير دائما بنتصر على الشر
الله لا بعدنا بقدر مانا مشتتين
ربي يجمع شتاتنا بي محبتنا وقيمنا المأصلة في دواخلنا
ويرد غربتنا جميعا ونصوم رمضان وسط اهلنا
نتبادل الكلمة الطيبة والضحكة واللقمة
رمضان كريم عليك وعل كل المعاك
تصومي وتفطري على ألف خير
وكل سنة وإنتي طيبة يا الحبيبة
تسلمي يا الغالية
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: خالد علي محجوب المنسي)
|
Quote: شاعرتنا المجيدة سوما
كل عام و أنت و الأسرة الكريمة بألف خير و عافية
رمضان كريم و تصومي و تفطري علي خير .. |
يا هلا ومرحبا بروف عبد المجيد
تسلم كتير وتسلم ايامك إن شاء الله
كل سنة وإنت طيب وأسرتك الكريمة
رمضان كريم عليكم إن شاء الله
ربنا يتقبل صيامنا وقيامنا وصالح دعواتنا إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: توما)
|
بت الجنيد العزيزة ....
إنت وضيوفك الأكارم ....
تعرفي آبت عمي ... الواحد يزازي بالبوستات جاي وجاي ... يلاوي ويناكف
ويجي يستريح في نيمايتك البااااااردة ام همبريبا ضارب دي ...
الله يبردها عليك دنيا وآخرة ...
كل يوم الواحد يزداد اقتناعاً بأن منافي الشمال هذه أخير منها ملاواة اهلنا
ناس الخليج ديل مليون مرة ...
رمضان كريم وإن شاء الله ربنا يفتحها عليك بجغيمات آبري باردااات ... كان
في الحلم إن شاء الله... أها قصرت معاك آبت عمي ...!!!
تصومي وتفطري على خير
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: وليد عبد اللطيف)
|
Quote: رمضان كريم تصومى وتفطرى على خير
جعله الله صياما مقبولا وجعلناواياك
من عتقائه |
حبابكم يا اخواني كلكم بعد غيبة ما باليد يعلم الله
عليكم الله اعفو لي كلكم ,,
شاعرنا الشفيف الوريف عبد المنعم سيد احمد إبن بلدي وقريبي الحيطة بالحيطة بعد ان اصبحنا نتاوق في حلتكم بالحيطة صورة وصوت
الله يقرب البعيد إن شاء الله .. كيفنك واريتك طيب يا الحنين
رمضان في اواخره يا حليلو , تصوم وتفطر على الف خير إن شاء الله وكل سنة وكلكم طيبين وتامين ولامين
ربنا يعيد علينا الشهر المبارك بي الخير والصحة والعافية
تقبل الله صيامنا وقيامنا وصالح دعواتنا
وجعلنا من عتقاء النار جميعا إن شاء الله
تسلم اخي منعم تحياتي وسلامى لك وعبرك لأسرتك الكريمة
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: بسم الله الرحمن الرحيم
رمضان كــريم
بت الجنيد حبابك وحباب ضيوفك
ايتها الاخت العزيزة ورمضان كريم عليكم
وتقبل الله الصيام والقيام وشهر مبارك إن شاء الله
،،،،أبوقصي،،،، |
حبابك ابو قصي حباب طلتك الحنينة يابا .
رمضان كريم تصومو وتفطروا على ألف خير , ربنا يعود عليكم الشهر بالخير والعافية إن شاء الله
وكل سنة وإنتو طيبين وسالمين وتامين بركة رب العالمين
نسأل الله ان يجعلنا من عتقاء النار في هذا الشهر المبارك
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
العزيزة بت العزاز
أسماء الجنيد
والكلام السكري
وشوف عيني سكر نقع
.
.
ود ابعلالة يا اسماء ساكن في الخلا والصي بالسعية
ما بجيبو للحلة الا الشديد القوي وقيطان اللمبة
اليوم داك جا داخل الحلة صباحا ضو لقى الناس متلمة
ها ناس اللمة شنو ؟
اللمة عيد يا ود ابعلالة
ياتو في اللعياد السايب
عيد رمضان يا ود ابعلالة
ها جنا ادنا كوز موية انلافا الفضيلة
.
.
رمضان مبارك عليك وعلي ناس الجنيد كلهم حتى سعيتهم وجدادم البكاكي
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: عبدالله ود البوش)
|
Quote: الاخت العزيزة/ سومـــا
سلامات ورمضان كريم..
والحمدلله على العودة من رحلة الغياب الاجبارية..
ونسأل الله أن نتجاوز آثارها العصيبة التي ما زالت تلازمنا..
دخول رمضان ده خفف علينا آلالام الهكر شوية..
شهر الرحمة والمغفرة..
أسأل الله أن يعطيك:
أطيب ما في الدنيا..محبة الله
وأحسن ما في الجنة..رؤية الله
وأنفع الكتب..كتاب الله
وأن يجمعك بأبر الخلق..رسول الله،
وأن يبلغك رمضانات كتار ويبارك لك فيهن
اللهم آمين |
عزيز دنيانا يا أعز اخوانا وحبانا ,, اللهم آمين جمعا يا يابا
امانة دعوتك مي سمحة وحنينة يا الحنين يا ود الجروف والطين ,, ربي يسمع منك يا خوي ويديك اضعافها إن شاء الله
ويعود عليك الشهر الفضيل بالخير الكتير إت وكل اهلك وحبانك
ويجعلنا جميعا من عتقاء النار بإذنه تعالى إن شاء الله ,,
صدقت والله الشهر الفضيل خفف علينا هجمة الهكر اللعين وطيب خاطرنا بعد المزازة والجرية كداري
تسلم يا عزيز العزيز وتسلم ايامك إن شاء الله
وكل سنة وغنت واسرتك طيبين وسالمين وتامين بركة رب العالمين
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: عبدالله ود البوش)
|
ولكن انتو ما عارفين ..وقسم الغربة كيف ببين ....
ولماالحاره تصبح جد وما هو كلاما شيتاً ني...
وكت اللحظة تبقى حقيقة وين بنفوت ..
لا بابا بمسك الريح ولا قدرا بعرف الشبٌ دابو ندى...
شاعرتنا / اسماء الجنيد
رمضان كريم وتصومو وتفطرو علي خير
اهو دا حال الغربة عبرتي عنو بكل دقة لا فيها رمضان ولا فيها راحة بال ربنا يرد غربتنا جميعيا امين
تحياتي للفاتح والاسرة
هناك في الغربة يا أهلي ...بشوف الناس غريبة وتايهه
في أحزانا طاويه ألحي ....
بشوف في عيونا نظرات الودار ..مليون سؤال.
.في جوفي تكويني وتخلف الكى....
وحتى القمرا ..ما بتشبه قمربلدى البضوى الساحة صافى لبى....
ووين الخضرة ..وين الخضرة وين راحت ...
ودييك المويه فوق للصخره تصرخ تبكى وووووب وأحي....
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: Mutwali Malik)
|
Quote:
كل سنة وانت طيبة
رمضان كريم |
حباب خالد الحنين , رمضان كريم عليك وكل سنة وإنت وكل الأهل في نعيم
كملت الحلو مر يا جنا . ما بتقول النطرا خيتي سوما ونرسلها بقجة حاجات في بلد الخواجات
بقجة فيها رقاق وحلو مر و ويكة
عاد ده ده كلام آآ ود عمي محجوب ؟ تنساني زي إسم جدك القطعوا اب صلعة من نافخو لوووولز اللهم إني صائمة
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: ألشاعره العزيزه اسماء
لك التحيه ورمضان كريم
وربنا يجعنا من عتقاء هذا الشهر
اعاده الله علينا وعليك بالخير واليمن والبركات
لك التحيه مجددا
محمد طه الحبر |
حبابك يا محمد وحباب طلتك السمحة يابا
تسلم يا ود جدي الحبر
لك التحايا مطبوقة ومقرونة لكل الأهل والحبان
رمضان كريم عليكم , تصوموا وتفطروا على الف خير وكل سنة وإنتو طيبين وسالمين وتامين
ربنا يقدرنا على صيام وقيام الشهر المبارك
ويتقبل مننا صالح الدعوات إن شاء الله
تسلم يابا يا ضل السحابا
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: سوما
سلامات و رمضان كريم
تحياتي الكتيرة للفاتح و الوليدات
وكل سنة و إنتم جميعاً بخير |
توما يا تومة الروح البتبري الجروح حبابك يا الحنينة , امانة طلتك مي حنينة زيك
تسلمي يا توما , ورمضان كريم عليك وعلى كل الحبايب ناس البيت كل سنة وإنتو طيبين
سلام شديد لست الحبايب وكل ناس البيت وسلام بالأحضان لي جدو يوسف (نحن يوسف ده ياهو جدنا وحبيبنا )
ربنا يخليهو وتشوفي جنا جناهو وتفرحي بي نجاحاتو إن شاء الله يا رب
الفاتح بسلم عليك كتير والوليدات . ربنا يجمعنا قريب إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: بت الجنيد العزيزة ....
إنت وضيوفك الأكارم ....
تعرفي آبت عمي ... الواحد يزازي بالبوستات جاي وجاي ... يلاوي ويناكف
ويجي يستريح في نيمايتك البااااااردة ام همبريبا ضارب دي ...
الله يبردها عليك دنيا وآخرة ...
كل يوم الواحد يزداد اقتناعاً بأن منافي الشمال هذه أخير منها ملاواة اهلنا
ناس الخليج ديل مليون مرة ...
رمضان كريم وإن شاء الله ربنا يفتحها عليك بجغيمات آبري باردااات ... كان
في الحلم إن شاء الله... أها قصرت معاك آبت عمي ...!!!
تصومي وتفطري على خير |
حبااااااااابك يا عبد الباقي حبابك يا ود ابوي الجيلي يعلم الله ما قصرت معاي ضمة
إت ما يقصرن ايامك آ يابا ,,
كيفنك آآ الحنين اريتك طيب وحالك زين
كتتتتتر خيرك يا الحنين على النضمي المارق من الجوف
نديان ورويان من طين الجروف
ربي يعلي مراتبك ويعظم شأنك إن شاء الله
يديك قدر يرضيك . بركة الشهر المبارك , قول آميــــــــن
والله جغيمات الآبري امانة ما ببردن الجوف ويرطبن العروق ,
وحات خوتك في بلد العجم دي مافي عطش نحمد الله , علا اليوم طوييييييييل سلبة
إنتو تفطروا وتتعشوا حتى نحن فطورنا يجي , ربنا يعظم الأجر إن شاء الله
ودعتك الله آ ود عمي وسلامي الكتير لكل الأهل ودعواتكم النبي ساعة الفطرة
ربنا يتقبل إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: تحياتي للرائعة أسماء ورمضان كريم.
على العكس تماما، هجرنا الغرب وجئنا للشرق فوجدنا رمضاناً ولكننا لم نجد له (مذاقا)، بينما هناك في أقاصي الثلج شهدنا له مذاقا رائعا وطاااعما.
أحاول أن أردد: وجدناالإسلام ولم نجد المسلمين تلك المقولة التي دخلت التأريخ. بصراحة كنا في كندا وأميريكا وكأننا في السودان (بل في مساقط رؤوسن)، كل يوم فطور في بيت زول وهنا كل يوم فطور في بيتك...
معادلة مقلوبة يا شاعرتنا...
|
شاعرنا القامة اخي وصديقي الإنساس الشفيف مولانا زمراوي حباب طلتك زي كورية حلة مر في جوف صائم
حباب طلتك البتجيب خريفنا باكرية طلتك صباح العيد ولمة اهلنا ودعواتهم الحنينة
صدقت والله استاذي الجليل , في بلد الغرب اللمة مع الحبان حنينة وفيها حميمية تقرب المسافات مع احبة بقسموا اللقمة الهنية
كل سنة وإنت طيب وكل الأهل
خواتيم مباركة عليك إن شاء الله
ربنا يتقبل صيامنا وقيامنا وصالح دعواتنا في اليام المباركة إن شاء الله
لك التحية مجددا ومقدما عيد مبارك عليك والأسرة الكريمة
خالص تحياتي وتقديري لمرورك الجميل
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: العزيزة بت العزاز
أسماء الجنيد
والكلام السكري
وشوف عيني سكر نقع
.
.ود ابعلالة يا اسماء ساكن في الخلا والصي بالسعية
ما بجيبو للحلة الا الشديد القوي وقيطان اللمبة
اليوم داك جا داخل الحلة صباحا ضو لقى الناس متلمة
ها ناس اللمة شنو ؟
اللمة عيد يا ود ابعلالة
ياتو في اللعياد السايب
عيد رمضان يا ود ابعلالة
ها جنا ادنا كوز موية انلافا الفضيلة
.
.
رمضان مبارك عليك وعلي ناس الجنيد كلهم حتى سعيتهم وجدادم البكاكي |
اخوي الحنين ود البوش حبابك يابا يا ضل السحابة
يعلم الله مشتهين الونسة واللمة يا ود امي حبيبة الضلمة
يا حليل ناس ود ابعلاللة يا ود البوش اخوي
ده زمنا ترررا مننا بالحيل يا الحنين
خلانا للزمن الأشتر الكل شيء فيهو سمح اتبخر
زمن الناس في رمضان بمرقوا بروشهم من عصرا بدري
وصينيات الفطور يتطاقشن , لكن رغم كترتن بتشابهن في كل شىء
الكويرات امات قعر وفيهن الهلال اب نجمه ملانات آبري احمر وابي وليمون مويتو حاااااااارة علا بروي الجوف تب
وصحن الباشري الماااااكن في نص الصينية بي عصيدتو المي خمج فتريته معتبرة
وكورة ملاح بخارو واصل آخر الفريق , نعيمية ولا تقلية
وصحن البليلة فوقو حبات التمر تقالد في حبات البليلة
وجريدل الموية مغتس في باقي طين الماسورة
وعلالة الشفع يتجاروا وادياتهم مخرخرات من لعب البلي
راجين الفطرة
آآآآآآآآآه من الزمن السمح الحنين
رمضان كريم عليك يابا وخواتيم مباركة
وكل سنة وإنت طيب يا ود البوش يا سيد الحوش وكل اسرتك طيبة وسعيدة
ربي يعيد عليك الشهر بالخير الكتير ووفير
قول آمين يا الحنين
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: محاسن أحمد محمد)
|
Quote: حباب خالد الحنين , رمضان كريم عليك وكل سنة وإنت وكل الأهل في نعيم
كملت الحلو مر يا جنا . ما بتقول النطرا خيتي سوما ونرسلها بقجة حاجات في بلد الخواجات
بقجة فيها رقاق وحلو مر و ويكة
عاد ده ده كلام آآ ود عمي محجوب ؟ تنساني زي إسم جدك القطعوا اب صلعة من نافخو لوووولز اللهم إني صائمة |
حلومر وبس
القردابي رسلوا لي قرانين ( الصفيحة المقرن بتعرفيها )
حلومر ورقاق وآبري ابيض وخمار عجين عصيدة
بنرسل ليك
لكن بصلك علي العيد
تحياتي
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: خالد علي محجوب المنسي)
|
Quote: رمضان كريم يا اسماء وربنا يعيدو عليك بالخير والبركات
دومتي طيبه |
حباب الغالية بت عز الدين قرة الوالدين ,,
حبابك يا دلال وكل سنة إنتي وكل الأهل بخير وصحة وعافية يا رب
يدوم هناك يا حبيبة
خواتيم مباركة عليك إن شاء الله
تقبل الله صيامنا وقيامنا وصالح اعمالنا
ينعاد عليك الشهر كما تشتهين
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: ولكن انتو ما عارفين ..وقسم الغربة كيف ببين ....
ولماالحاره تصبح جد وما هو كلاما شيتاً ني...
وكت اللحظة تبقى حقيقة وين بنفوت ..
لا بابا بمسك الريح ولا قدرا بعرف الشبٌ دابو ندى...
شاعرتنا / اسماء الجنيد
رمضان كريم وتصومو وتفطرو علي خير
اهو دا حال الغربة عبرتي عنو بكل دقة لا فيها رمضان ولا فيها راحة بال ربنا يرد غربتنا جميعيا امين
تحياتي للفاتح والاسرة
هناك في الغربة يا أهلي ...بشوف الناس غريبة وتايهه
في أحزانا طاويه ألحي ....
بشوف في عيونا نظرات الودار ..مليون سؤال.
.في جوفي تكويني وتخلف الكى....
وحتى القمرا ..ما بتشبه قمربلدى البضوى الساحة صافى لبى....
ووين الخضرة ..وين الخضرة وين راحت ...
ودييك المويه فوق للصخره تصرخ تبكى وووووب وأحي.. |
حبابك اخي العزيز متولي وحباب طلتك الحنينة
رمضان كريم عليك تصوم وتفطر على الف خير يا رب
صدقت والله رمضان الغربة امانة ما غربتو اقسي
اللهم آمين يا رب العالمين ,, رد الله غربتنا جميعا ومتعنا باللمة الحنينة وسط الأهل والحبان
كتر خيرك اخي متولي
كل سنة إنت وكل الأهل بخير وعافية
تسلم كتير
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
بت الجنيد
سلام
| Quote: اها ما عندكم كورية حلو مر ولا بليلة يا الحبان؟ |
اتي بلد مافيهو حلو مر ولا بليلة الجابرك تمشي ليهو شنو ؟
عليك النبي تصنقرة وسط العمات والخالات في البنبر وماسكة ضفيرتك وتترنمي بيها وتتمايلي معاها يمين وشمال مش بالدنيا كووووولها؟
عليك النبي تصنقرة في الهباب قدام البيت وماسكة عنكوليبتك تنقي ساااااااااى وتتجغمي مش احسن ليك من اوربا كووووووولها ؟
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: الطيب شيقوق)
|
Quote: أختى الكريمة سوما
كل سنه و إنت طيبة و جميع من بطرفك ،
ربنا يحفظك و عيالك و أبوهم .... و كلماتك
المضمخة برائحة الأصالة و البساطة و الآبرى .....
و الحبوبات . |
اخي العزيز الفنان المرهف مصدق ,, حبابك يا الحنين كل سنة وإنتو طيبين وسالمين وتامين إن شاء الله
خواتيم مباركة إن شاء الله , يعود عليكم الشهر الفضيل بالخير الوفير الكتير والصحة والعافية
تسلم يا خوي على الطلة الحنينة ,, ربي يديك قدر يرضيك ويفتحها عليك وين ما تقبل ,, قول آمين
سلامي لك وعبرك لكل العقاب وعيد سعيد مقدما إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote:
العزيزة الغالية أسماء
اهلنا البورداب سبقونا وباركوا لك شهر رمضان
قلت اسبقهم وابارك لك العيد |
اها يا عادل يا خوي جيتك مع قبائل العيد اعفا لي يا خوي من الغيبة الطويلة دي الما بالخاطر
العيد مبارك عليك يا بلير يا خوي علينا وعليك يتبارك ,, العفو لله والرسول
ربي يحقق كل امانيك إن شاء الله
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: اسماء سلااام ورمضان كريم
اها
الباقى
كم يوم ؟؟؟
قاسم |
قاسم الحنين ود الجروف والطين ,و رمضان يا حليلو كمل يا يابا ودعنا خلاص ,, نسأل الله يتقبل صيامنا وقيامنا
العيد مبارك عليك مقدما , ينعاد عليك بالخير واليمن والبركات والصحة والعافية
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: اسماء الجنيد)
|
Quote: الحبيبه/ سومـــا
رمضان كريم..وكل سنه
وانتى طيبه
ولى كل الحبان الجو مارين عليك بى جاى |
محاسن يا حبيبة قسانا حبابك يا الغالية من بطن اهلنا
وكل سنة وكل يوم وكل لحظة إنتي طيبة وكل الأهل بحير والعيد مبارك عليك والعفو لله والرسول
| |
|
|
|
|
|
|
|
|
|
Re: *** سلام يا الحبان ورمضان كريم *** (Re: هند محمد)
|
Quote:
حلومر وبس
القردابي رسلوا لي قرانين ( الصفيحة المقرن بتعرفيها )
حلومر ورقاق وآبري ابيض وخمار عجين عصيدة
بنرسل ليك
لكن بصلك علي العيد
تحياتي |
كمان في مكاواة آآآآ خالد اخوي !!! إتلومت تب يا العشا
ماك عارف خيتك قليبها مقطوع ؟
اها العيد جاء انا راااااااااجية بقجتك واهمم شيء هدوم العيد ولا بشيل حالك لوول
| |
|
|
|
|
|
|
| |
اسماء الجنيد
معاوية عبيد الصائم
معاوية المدير
خالد العبيد
الفاتح ميرغني
haroon diyab
نوفل عبد الرحيم حسن
الطيب شيقوق
فيصل محمد خليل
بله محمد الفاضل
فايزودالقاضي
خالد المحرب
ABUHUSSEIN
Mustafa Mahmoud
ضياء الدين ميرغني
ابو جهينة
ود الخليفه
omer osman
Hadeer Alzain
عبدالمجيد المقابل
عبد المنعم سيد احمد
مجدي عبدالرحيم فضل
Abdlaziz Eisa
خالد علي محجوب المنسي
توما
عبد الباقي الجيلي
وليد عبد اللطيف
عبدالله ود البوش
Dalal Ezzaldin
Mutwali Malik
PLAYER
قاسم المهداوى
محاسن أحمد محمد
هند محمد
البحيراوي
يحي ابن عوف
الفاتح الجنيد
فيس بوك
تويتر
انستقرام
يوتيوب
بنتيريست