السبت 10 ديسمبر وقفة امام السفارة السودانية بمناسبة اليوم العالمي لحقوق الانسان
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-10-2016, 02:36 PM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** سرقة هبطرش ***

10-06-2011, 08:46 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

*** سرقة هبطرش ***

    سرقة هبطرش ’’’ والله صحي ,,

    حبابكم يا الحبان في كل مكان ,,,
    محنة من دغش الرحمن ,, اقروا ساااااي واتمحنوا معاي ,,,

    سرقة هبطرش
    *****

    خالي زول الله ساي راجل بسيط وحنين وعلى نياته خالص, مشى الحج يا حليلو ,الحج الجد جد مو كعبة بنو كوز دي
    اها اول ما سافر مشى المدينة المنورة للزيارة, , وكانت يا دوب بدت الأفواج تصل المدينة , كلنا عارفنو ممكن جدا يروح في أقرب مكان ,,
    الوصايا كترت عليهو , عشان يعمل حسابو , في النهاية قال اكتبوا لي العنوان الساكنين فيه كان رحت يوصلوني ليكم ,,
    ود اخته اداهو ورقة كتب ليه العنوان وكل ارقام التلفونات
    وقال لي لو رحت وما عرفت ترجع , اقرب زول ليك قول لي اضرب لي الرقم ده
    , يوم اصر يمشي الحرم براه والبيت قريب جدا للحرم , بعد ده كلو يا حليلو راح
    طوالي طلع ورقته واداها لي اقرب زول جمبو , طلع هندي , لكن فهمو داير شنو,,, ضرب ليه الرقم واداهو السماعة
    اها لما في ود اخته قال لي خير يا خال ,هسه بجيك , وريني إنت وين وصف لي اي محل قريب ليك ولا أسال الجمبك ؟؟؟
    قال لي والله انا في فجة فيها عربات هبطرش
    قال لي يا خال البلد دي كلها عربات وناس هبطرش , وصف لي سمح ولا اديني زول جمبك,
    والحمد لله اخيرا وصل بالسلامة ,,

    اها نجي لي هبطرش حقت سرقتنا,, نحمد سيدنا السرقة عندنا هبطرش وين ما تقبل لفحي وهمبتة, كل انواع السرقة واساميها ,
    شيء سوق مواسير وشيء مزارع وفنادق وشيء بيوت وشيء ما بتوصف زاتو, ده غير الوقع في أيدي الصحافة وصورت مستنداته بالبينة الثابتة ,,
    وكلوووو ملفوح من عرق الغلابة ورزق المطحونين الملقطنو من شحم اللحم وشوالات الفحم ورزق اليومية , والله غالب
    المؤذي في الوجع ده كلو إنه الناس باقي عليهم ميتة وخراب ديار
    لأنه رغم الفساد الطامح ومغرق الدنيا , وناس كرتي سافروا برا يصرخوا ويكوركوا , جضيض شديد...
    لكن بعد ده كلو المطبلين الحوالين الجماعة ديل يغالطوك في عينك وشايفين وسامعين وعااااااااااارفين
    وبرضوا يقولوا ليك لا.. لا.. ما في فساد ولا في خراب ولا في بشتنة حاصلة
    ده كلو كوم ,و رجال الدين المعيننهم بي مواصفاتهم المرضية ليهم ولي مصالحهم كوم تاني,
    علماء الزمن ده عندنا لا ما شين بالسنة ولا الشريعة ولا بخافوا كلام الله ,, يسنوا وينجروا حسب الطلب , وعينك يا مواطن ,
    وما خفي اعظم , اللهم إلا من رحم ربي ,,,
    الجماعة ديل كمان موضوعهم برااااااه
    تكون قاعد في امانة الله والرسول تسمع داعية ولا إمام مسجد ولا رجل دين ’ يفتي ليك من اجل الناس السرقتهم هبطرش والمبشتنين البلد 22 خريف
    يفتي بي اي طريقة ورغم انف اي زول تسمع ولوما اقتنعت تلحس كوعك
    ادهشني هذا التصريح وفي بيت من بيوت الله , تصريح عن سبب الغلاء والبلاء في البلد وسبب التدهور الإقتصادي ,,
    اقروا واتمحنوا ساااي عليكم الله ,,,,
    م((إمام مسجد بامدرمان يقول : ندى القلعة وبعض الفنانات سبب ارتفاع الأسعار

    فتح إمام مسجد الحارة (40) بأمبدة النار في كل الاتجاهات علي فنانات اليوم و بالأخص ندي القلعة التي أصبحت تغني الهابط الذي لا معني له إطلاقاً و

    أضاف قائلاً بان من الأسباب الرئيسية التي أدت الي الغلاء في الأسعار هو ما تتغني به الفنانة ندي القلعة و عدد من الفنانات السودانيات و ذلك نسبة

    للمظهر العام الذي أصبح من سلبيات الفنانات السودانيات و الذي قاد الي كل هذا الغلاء و العيش الضنك الذي يشهده الشعب السوداني اليوم كما أن هناك
    عدداً من الفنانات أصبحن لا يراعين الذوق العام و يظهرن بشكل غير لائق و مناسب مع الفتاة السودانية التي يضرب بها المثل في العالم و انه يطالب

    بان يتغير الحال عند الفنانات السودانيات من حيث المظهر العام و الشكل و تغيير لون البشرة مما قاد الي تقليد بعض الفتيات لهن و التشبه بهن بالإضافة

    للغناء الهابط الذي يتغنين به مما أدي الي حالة الغلاء الفاحش ))

    عليكم الله ده ما فات زول اخونا ود البشاري داك .. المسكنا في كلمة (( والله صحي )) لي يوم بعد باكر .
    جنس نوع الداعية ده تقولوا فيهو شنو !!!
    لكن بالغتي والله يا ندي القلعة وإتلومتي لوم الجبال والحجار ,
    غناك فلس بينا وسقط حجر جنيهنا ودمر إقتصادنا , كملتي الهدوم الفي السوق وكملتي الدولارات الفي البنوك , وجهجهتي الغلابة والمساكين,
    الكاش الفي البلد طفشتيهو وين ما معروف !! , من وين نجيب قروش رسوم للتلاميذ, غليتي اللحمة والطمام , جوعتي الشعب وكملتي العلاج الفي البلد
    جوعتي الشعب يا بت الناس ,,,,!!!!! الناس الجيعانة ومرضانة دي كلها سببها إنتي ,, تطقمي في الدهب كملتيهو كلو في السوق وكملتي التياب
    خليتي حكامنا ملطشة وسط البلدان , المرض الفي البلد سببو إنتي دي ,,
    خطب الجوامع بقت بي إسمك, بختك اسهمك طارت السماء , شيء جوامع
    وشيء مسارح ,, !!!! دعاية مجانية ولو إنك ما محتاجة ليها يا ندي , لكن اهو زيادة الخير خيرين

    نتوسل ليك نحن الشعب المغلوب على امره ,, ان تقعدي في بطن بيتك شوية وتخلي الحال ينعدل , لمي غناك عليك , عشان اولادنا تمشي المدارس واللحمة ترخص في السوق
    بلاش تغني يا ندي علييييييييك الله ,, اقعديلك بس فد شهير
    النشوف الحال المايل بنعدل ولا الناس تطير وتقع في البير !!!!!! ,,,


    متاوقة

    الحج في الساحة الخضراء , وخطبة إمام الجامع بي ندى القلعة

    وغنانا الهابط سبب الجوع والمرض و الغلاء ..

    إذا عرف السبب بطل العجب ,,, السبب ندى القلعة ,,,
    لا حولة ولا قوة إلا بالله العلي العظيم ,,

    شكيناكم على حيا دائم صاحي ما نائم يا الكيزان

    كان كملتوا البدع والمحن , وإبليس زاتو طفشتوا زماااان من السودان

    يمهل ولا يهمل

    ودعتكم الله

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 09:00 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 12-03-2006
مجموع المشاركات: 13872

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    كمان لو غنّت المعلقات السبعة - صوت من غير صورة - ممكن نلحق موسم الأمطار المنذر بالمجاعة دا ...











    ... والله صحي ....
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 09:02 AM

موسي الراجل
<aموسي الراجل
تاريخ التسجيل: 04-30-2010
مجموع المشاركات: 382

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    بت الجنيد سلام
    واحد من الجماعه البجقموا الغبشا قال سبب الغلا والبلا وعدم نزول المطر النسوان رقن العيش
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 09:22 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 12094

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)


    هوووووي يا بت الجنيد .... ما تجغمسي الكلام ...

    أوّلاً بالتبادي .... مافي سرقة هبطرش ولا شيتين .... ده ... (رزق ساقه الله إليهم)

    عندك كلام كمان في رزق الله؟
    يرزقهم من عرق الغلابة .... والاّ من جيوب المحتاجين ..... مخيّر هو!

    بعدين ندى القلعة دي .... ما ياها سبب تدهور الجنيه وغلاء الطماطم وانفصال الجنوب .... ما حدّسوك؟
    شوفي ....

    إنتي قلتي ..
    Quote: بان يتغير الحال عند الفنانات السودانيات من حيث المظهر العام و الشكل و تغيير لون البشرة مما قاد الي تقليد بعض الفتيات لهن و التشبه بهن بالإضافة

    للغناء الهابط الذي يتغنين به مما أدي الي حالة الغلاء الفاحش ))

    مش ياها ندى القلعة البتغني غنوة الراجل العاجباهو أم عيالو (السمحة أم ولدي) ..... ويقوم يقول ليها ((ماها الخبوب غبشة)) .. أها بسسسسس ياها دي .. الماها الخبوب غبشة دي جابتو من وين؟ ممسحة بالكركار قايلاها؟ لالا وحاتك .... مجللللبطة بي (فير آند لفلي) البخلي البنات يشبهوا الخواجيات داك. أها ... بس من ما طلعت الغنية دي، قامن البنات علي الكريمات، شئ (فير آند لفلي) وشئ (ديانا) وشئ (روز) .... والله صحي،،

    أها واحدات إتجلبطوا من صوف راسهم لي كرعيهم .... وواحدات مشوا علي بتاعين (قدّر ظروفك) واخدوا ليهم مسوح (مسوح مشية الشغل براها .. ومسوح عرس ناس فلانة براهو .... ومسوح زيارة الجيران كمان براهو).

    ما أطوّل عليك ... من ساعة الغنية ديك طلعت، وكل الدولارات الفي البلد طلعت للشركات البتستورد (المسوحات) دي.

    نعلّك دايرة البنات يقعدن مغبشات؟ ............. والله ياهو.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 09:36 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 14802

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: محمد أبوالعزائم أبوالريش)

    نـــدى القلعة الامام السلفي دا ما مبسوط منك!!


    ســـوما بت ابوي الجنيد

    كيفك بالله .. وشفتي المحن دي
    أها والله الزول دا أنا برضو حيرني ليك
    والله صحي
    مفروض شباب من اجل التغيير ديل يسعوا لتغيير ندى القلعة
    ومن لفه لفها من الفنانات
    حتى ترخص الاسعار وتعم الرفاهية كل الشعب السوداني

    تحياتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 01:53 PM

عبدالمجيد الكونت

تاريخ التسجيل: 04-15-2009
مجموع المشاركات: 5613

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: الامين موسى البشاري)

    حبوبتا لينا قالت ماشي الحج
    قالوا ليها الحج بي عشرة مليون .
    قالت القروش دي كتيري نقصوها لي
    قالوا لها مافي اي طريقة تتنقص...

    اخدت لها سكتة مسااافة واتلفتت عليهم وقالت هو انا زاتي ذنوبي ماها كتيري


    اها دحين ندى القلعة دي دهبها ولاهو كتير ياسوما لاتنجهوها ساكت
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 03:40 PM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7305

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: عبدالمجيد الكونت)

    الاخت اسماء
    التغبيش الديني مستمر منذ زمن بعيد في العالمين العربي والاسلامي.
    ما لفت نظري حقاً هو ان اللوم اصبح داخلي يعنا قنعوا من شغلة امريكا وروسيا الدنا عذابهم ديلك وقبلوا علينا نحن الشعب السوداني.
    بدو بندى ومن ندى وحاة الله يا اسماء كان ما جوكم وقال ليكم ما بتصلوا الصبح حاضر انتي في وانا في.
    ندى دي وزيرة اقتصاد؟ ولا تجارة؟ قولوا ندى غلت اللوفلي واداوات التجميل وما شابهها وحتى دهب ناس معتصم، الفول دا علاقة ندى بيهو شنو؟ انا غايتو متأكد بنسبة 90% انه ما قاعدة تاكله.
    اشجي وادين واطالب باعدام ندى القلعة في الساحة الخضراء تاني لفة من الكعبة وانتي جاية من الجمرة التانية
    تحياتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 06:02 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: محمد عمر الفكي)

    Quote: كمان لو غنّت المعلقات السبعة - صوت من غير صورة - ممكن نلحق موسم الأمطار المنذر بالمجاعة دا ...



    ... والله صحي ....


    هلا بالطلة يا ود عمي شيخ الدين
    عارف يا تبارك متين بس اطايبك عشان اجي اعاويك في سرقتك الأدبية دي
    وكمان عينك قوية بلا إحم ولا دستور ,, والله صحي

    لكن الكيفني لامن بي غادي إنه قدرت (( والله صحي )) زحزحت عبارتك المشهورة عالميا (( المهم ))

    لكن يا تبروكة ضحكتني بالجد المعلقات السبعة ’’والله صحي

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 06:12 PM

باسط المكي
<aباسط المكي
تاريخ التسجيل: 01-14-2009
مجموع المشاركات: 4948

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    فوق
    سلام يا اسماء
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-06-2011, 06:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: باسط المكي)

    Quote: بت الجنيد سلام
    واحد من الجماعه البجقموا الغبشا قال سبب الغلا والبلا وعدم نزول المطر النسوان رقن العيش

    موسى اخوي حبابك يابا ,, شرفتني الطلة يعلم الله

    قلت لي برضو الجماعة ختوها في النسوان ؟؟
    الشكية لي اب إيدا قوية يا خوي
    خربانة من شيوخها يا موسى يا خوي ,, والله صحي
    كتر خيرك يا خوي على المرور الجميل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 03:06 AM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 6840

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    Quote: الحج الجد جد مو كعبة بنو كوز دي


    يا سوما ما ملاحظة إنو في فرز تقيل بقى للحاجات؟
    الجنيه بقى بالقديم : يقول ليك 50 جنيه بالقديم.
    التكبير بقى " الله وأكبر" القديمة.

    لكن بيني وبينك ندى القلعة بالغت الكلام ده كلو يطلع من تحت راسها؟.
    والله صحي.


    محبتي.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 08:32 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: الفاتح ميرغني)

    Quote: هوووووي يا بت الجنيد .... ما تجغمسي الكلام ...

    أوّلاً بالتبادي .... مافي سرقة هبطرش ولا شيتين .... ده ... (رزق ساقه الله إليهم)

    عندك كلام كمان في رزق الله؟
    يرزقهم من عرق الغلابة .... والاّ من جيوب المحتاجين ..... مخيّر هو!

    بعدين ندى القلعة دي .... ما ياها سبب تدهور الجنيه وغلاء الطماطم وانفصال الجنوب .... ما حدّسوك؟
    شوفي ....

    إنتي قلتي ..


    محمد ود عمي العزائم حبابك يابا ,, صباحاتك بيضا وعديلة وزينة ,,,
    كدي قول بســـــم الله يا جنا ها ,, مالك آآآآ يابا الليلة هارشني من دغشا باكر ونافش لي ريش جدودك ناس ابو الريش لووووولز
    بعدين يا الحنين قت لي دي مي سرقة , ده رزق ساقو الكريم ليهم !!! محنـــــــــــــــــــــــــك يا ربي ..
    لا حاشا ماني عندي كلام في رزق الله , علا قليلة بت القلعة دي قلعوها من وين ماني خابرة تــــــــــــــــــــــب , والله صحي ,,
    ندي قطع شك بتكون كملت التياب والدهب والنعلات الفي السوق ,, آآي وكمان قبضت الجو بي حفلاتها
    وانا اناشد من منبركم هذا واطلب الدعم من إخواني الأعزاء ناس ابو الريش ومن لف عممهم وطواقيهم
    ان يدعموا هذا الطلب من الأخت ندي القلعة , ان تتكرم وتديني توبيــــن بس ماني دايرة اكتر منهن يا ندوية ياخ ,
    كملت ليك اللغة الفصحى الفي السوق كلها لامن ريقي نشف ,, والله صحي
    اها يا خية بس توبين اقشربهم في الإجازة لامن اجيكم بي غادي كان الله هون ,, لميهن لي في دولابك , باقي بالحيل هدوك سمحة دقر العين وقل هو الله أحد
    بعدين نخلص حقنا منك سااااي في الفلس اللبستينا ياهو عمة وشال وطرحة وتوب ,,,



    Quote: مش ياها ندى القلعة البتغني غنوة الراجل العاجباهو أم عيالو (السمحة أم ولدي) ..... ويقوم يقول ليها ((ماها الخبوب غبشة)) ..
    أها بسسسسس ياها دي .. الماها الخبوب غبشة دي جابتو من وين؟ ممسحة بالكركار قايلاها؟ لالا وحاتك .... مجللللبطة بي (فير آند لفلي) البخلي البنات يشبهوا الخواجيات داك. أها ...
    بس من ما طلعت الغنية دي، قامن البنات علي الكريمات، شئ (فير آند لفلي) وشئ (ديانا) وشئ (روز) .... والله صحي،،

    أها واحدات إتجلبطوا من صوف راسهم لي كرعيهم .... وواحدات مشوا علي بتاعين (قدّر ظروفك) واخدوا ليهم مسوح (مسوح مشية الشغل براها ..
    ومسوح عرس ناس فلانة براهو .... ومسوح زيارة الجيران كمان براهو).

    ما أطوّل عليك ... من ساعة الغنية ديك طلعت، وكل الدولارات الفي البلد طلعت للشركات البتستورد (المسوحات) دي.

    نعلّك دايرة البنات يقعدن مغبشات؟ ............. والله ياهو.


    يا خي ضحكت كما لم اضحك من قبل ,,,,,,,,,,,,,,,,,
    لكن يا محمد ياخ لقيتك قف تأمل زاااااااتها ومعاها تعجب وأندهش وكل انواع الخلع (بضم الخاء ) والهجائم
    متااااااااااااااااااااابع و حافظ وتقولي قاعد في الدوحة ؟؟ ياخ عندكم سعد قشرة في سوق واقف ولا شنو ؟؟
    محمد ياخ اضحك اله كل سنونك ويخليك تقرقر كده لامن ناس المكتب ولا البيت يجو يقولوا الزول ده مالوا

    غايتو الله يجازيك بالخير ,, إبداااااع يا ابو حميد ياخ ,,, والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 09:37 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    Quote: ســـوما بت ابوي الجنيد

    كيفك بالله .. وشفتي المحن دي
    أها والله الزول دا أنا برضو حيرني ليك
    والله صحي
    مفروض شباب من اجل التغيير ديل يسعوا لتغيير ندى القلعة
    ومن لفه لفها من الفنانات
    حتى ترخص الاسعار وتعم الرفاهية كل الشعب السوداني

    تحياتي

    حباب العشا قدح القبيلة وفرشا
    إت يا الحنين مالك آآ بتسوقني معاك للمولد ده ؟ إتلومت تـــــــــــــــــــب ,, والله صحي
    خابراك انا بتبحبت النصائب وبتنكتها وبتجيبها لآآآ عندنا ,, والله صحي

    غايتو يا اللمين اخوي محن الشيوخ بقت اكبر من محن الكيزان ذات نفسهم
    والله صحي

    اما ندى القلعة دي , السوتها مافي زولا غيرها سواها ’’ غايتو انا شحدتها توبين بسسسسسسسس
    من الهمبتتن من سعد قشرة
    إن ادتني كترر خيرها وبارك الله فوكا , وإن كمان ابت ,,,, الله قال بي قولا ,, والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 09:42 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    Quote: حبوبتا لينا قالت ماشي الحج
    قالوا ليها الحج بي عشرة مليون .
    قالت القروش دي كتيري نقصوها لي
    قالوا لها مافي اي طريقة تتنقص...

    اخدت لها سكتة مسااافة واتلفتت عليهم وقالت هو انا زاتي ذنوبي ماها كتيري


    اها دحين ندى القلعة دي دهبها ولاهو كتير ياسوما لاتنجهوها ساكت


    لووووووووووووووووووولز يا كونت ياخ
    حبوبتك عسسسسسسسسسسسسسل وماكنتوش كمان
    انا زاتي ندى ماني زرزتها كتير , طلبت منها توبين بسسس ,, والله صحي

    مشتاقوووون يا كونت ياخ ,,, اريتك طيب وكل المعاك
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 09:45 AM

عمار محمد ادريس
<aعمار محمد ادريس
تاريخ التسجيل: 09-28-2011
مجموع المشاركات: 295

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: عبدالمجيد الكونت)

    Quote: حبوبتا لينا قالت ماشي الحج
    قالوا ليها الحج بي عشرة مليون .
    قالت القروش دي كتيري نقصوها لي
    قالوا لها مافي اي طريقة تتنقص...

    اخدت لها سكتة مسااافة واتلفتت عليهم وقالت هو انا زاتي ذنوبي ماها كتيري


                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 09:55 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: عمار محمد ادريس)

    Quote: الاخت اسماء
    التغبيش الديني مستمر منذ زمن بعيد في العالمين العربي والاسلامي.
    ما لفت نظري حقاً هو ان اللوم اصبح داخلي يعنا قنعوا من شغلة امريكا وروسيا الدنا عذابهم ديلك وقبلوا علينا نحن الشعب السوداني.
    بدو بندى ومن ندى وحاة الله يا اسماء كان ما جوكم وقال ليكم ما بتصلوا الصبح حاضر انتي في وانا في.
    ندى دي وزيرة اقتصاد؟ ولا تجارة؟ قولوا ندى غلت اللوفلي واداوات التجميل وما شابهها وحتى دهب ناس معتصم، الفول دا علاقة ندى بيهو شنو؟ انا غايتو متأكد بنسبة 90% انه ما قاعدة تاكله.
    اشجي وادين واطالب باعدام ندى القلعة في الساحة الخضراء تاني لفة من الكعبة وانتي جاية من الجمرة التانية
    تحياتي


    ود الفكي حبابك يا بوي اريتكم طيبين
    اقولك يا محمد يا خوي , الناس ديل سمعوا وشافوا ثورة الحريم ,و والله صحي
    وقالوا النقبل عليهم نلحقن امات طه ,, وبدوا بي ندى الشافوها ما شاء الله مرتاحة ومجيهة
    اها بدوروا يسقطوا حجرها وحجر الفن زاتو
    لكن مشكلتهم لامن يحاولوا يقشطوا زول بي نبل لسناتهم , ما بنشنوا كويس ,, والله صحي
    يعني بفنوا الحجر في الشدرة وزي ما يجي يجي
    ممكن يقع عند الجيران ويفلع زول يقد عينو
    والمشكلة تكبر وتبقى بدل طيرة في فريع شديرة , تعم الفريق والحلة كلها
    هسه ندى دي إن في بلدا تاني , كانت إمام المسجد ده خلتو يشرب ما يروى
    ده إتهام وااااااااااااااااضح وبالإسم ,و يعني لو في بلدا غير السودان الفقران التعبان
    كان رفعت قضية وطالبت بتعويض يجوعهم جد جد
    الله غاااااااااااااااااالب يابا

    تسلم يا ود الفكي , السلام ليك ولي العقاب وابقولي عشرة على الوليد عبد الرحمن ,, الله يحفظكم يااااااااا رب
    ودعتكم الله

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 09:59 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    Quote: فوق
    سلام يا اسماء

    حباب السلام يا باسط يا خوي
    يعلا مقامك إنت يا الحنين ويعظم شأنك
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 10:22 AM

البحيراوي
<aالبحيراوي
تاريخ التسجيل: 08-17-2002
مجموع المشاركات: 5763

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)



    العزيزة أسماء الجنيد

    تحياتي - الأمر يا أسماء أكبر مما يقول به هذا الإمام . وليته يستطيع الإحاطة بقدر قليل من الحقيقية حول أي الفساد ذو أثر أكبر علي البلد . الفساد الرسمي أم الإفساد التابع له حزو النعل بالنعل.
    ديل يا أخي ذهبوا لجماعتنا في مجلس تقليدي وقالو ليهم عارفين دا كله من شرابكم للغبيشة يعني إنتو الآن بتصلو وبتزكو وبتقرأوا القران والمطر ما بنزل . فقام واحد فاهم اللعبة صاح . فقال لهم والله إنتو يا ناس الحكومة عملتو ليكم شئ أكبر من دا. والله نحن زمان كنا بنمش الخلاء بنضبح كرامتنا وبنشرب مريستنا وبندعو ربنا أن يمطرنا . والله في العصرية نجو راجعين الحلة مع المطر جميع . غايتو إنت شوفوا عملتو شنو أكبر من مريستنا دي !!


    بحيراوي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 10:34 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: البحيراوي)

    Quote: يا سوما ما ملاحظة إنو في فرز تقيل بقى للحاجات؟
    الجنيه بقى بالقديم : يقول ليك 50 جنيه بالقديم.
    التكبير بقى " الله وأكبر" القديمة.

    لكن بيني وبينك ندى القلعة بالغت الكلام ده كلو يطلع من تحت راسها؟.
    والله صحي.


    محبتي.

    سلاااااااااااااااام يا الفاتح يا فالنا السمح
    والله دي قلبت الفيها سبعتاشر مرة عديييييييييييييل كده
    صدقت والله يا الفتوح
    فرز حبيبك يا يابا ,, ديل يا بوي السودان زاااااااتو فرزوه كيمان كيمان
    ناهيك عن المسميات الكتيرة الجوة البلد
    غايتو شخصنو لينا الحاجات بي عنصرية بغيضة , الله لا غز فيهم بركة بركة جاه النبي
    شفت بالله ندوية طلعت حتيــــــــــــرة كيف يا ابو الفتوح
    البت دي طلعت تفتيحة جد جد ,, عشان كده انا بدور ابقى اكتر تفتيحة منها يا ابو الفتوح
    طلبت منها توبين في عين العدو , اقشربهن في الإجازة و والعجب كان بقى عرسك ,, وجــــــــــــــــــــــع
    واحد للقيدومة والتاني السيرة , وكمان ابقالها في رقبتها علا تجي وتعمل لينا العديلة يوم حنتك ,, اها لقيتني كيف؟؟ ,,,,
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-07-2011, 10:54 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: البحيراوي)



    العزيزة/ سومــأ
    سلام

    يا جماعة الناس دي مالها جنت ودين الهوس ده..
    يا جماعة الدين ده جانا عن طريق الطرق الصوفية حيث التربية الروحية وصفاء النفس والسريرة..
    لكن الناس الدخلاء ديل!!! جماعة الهوس الديني دول, الأغراب على مجتمعنا ليش بدت تسوي في العجائب دي!!
    بدأت تهدم هذه البنية الجميلة فينا بالكذب والتبرير الاعوج لفشلهم وفشل تجربتهم..
    يا جماعة الهوس
    بالله عليكم خلاصنا فكوا دربنا..
    خلونا في خلاوينا ونوبتنا وجهلنا وعبادة الائمة..
    خلونا لي سودانا الجميل وسمح كان قبل شياطين الاتجاه الاسلامي..
    عايزنها تلك الصورة..
    شيخ الهميم..
    عايزنها بلحيل شخصية الزول المسلم الرزين..
    عايزن ايامنا زمان
    لا تنقذونا
    ولا تأذونا اكتر من كدا..

    تحياتي



                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-08-2011, 10:03 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: Abdlaziz Eisa)

    مرحب بيك وحباب مرورك اخي عمار والبركة في الإبتسامة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

10-08-2011, 10:11 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: *** سرقة هبطرش *** (Re: اسماء الجنيد)

    Quote: العزيزة أسماء الجنيد

    تحياتي - الأمر يا أسماء أكبر مما يقول به هذا الإمام . وليته يستطيع الإحاطة بقدر قليل من الحقيقية حول أي الفساد ذو أثر أكبر علي البلد . الفساد الرسمي أم الإفساد التابع له حزو النعل بالنعل.
    ديل يا أخي ذهبوا لجماعتنا في مجلس تقليدي وقالو ليهم عارفين دا كله من شرابكم للغبيشة يعني إنتو الآن بتصلو وبتزكو وبتقرأوا القران والمطر ما بنزل . فقام واحد فاهم اللعبة صاح .
    فقال لهم والله إنتو يا ناس الحكومة عملتو ليكم شئ أكبر من دا. والله نحن زمان كنا بنمش الخلاء بنضبح كرامتنا وبنشرب مريستنا وبندعو ربنا أن يمطرنا .
    والله في العصرية نجو راجعين الحلة مع المطر جميع . غايتو إنت شوفوا عملتو شنو أكبر من مريستنا دي !!


    بحيراوي


    حبابك يا بحيراوي اخوي وحباب طلتك الخريفها اخضر ونديان
    صدقت والله وصدقوا اهلنا في ردهم وكلامهم البليغ ,,
    مهما كبرت مشاكلنا زمان وتضاعفت مشاكل الساسة ووصلت اسوأ ما وصلت له
    حتى زمن الإستعمار زاتو . لم يصل الحال مثل ما آل له الوضع المزري في زمن الكيزان
    الدمروا البلد وقسموها كيمان ,, وزرعوا الفتنة والحروب بين الأهال , والقائمة تطول من فسادهم الأصبح كابوسا في حياة اهلنا الغلابة
    نسأل الله جميعا ان يتوب علينا من هذا السرطان , وينصرنا على القوم الظالمين
    اللهم آمين
    تسلم اخي بحيراوي وكتر خيرك على مرورك الجميل الذي يسعدني ايما سعادة يعلم الله
    لك الإحترام والتقدير دوما ,,,,,,,
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de