دعواتكم لزميلنا المفكر د.الباقر العفيف بالشفاء العاجل
|
|
 *** خضر عطا المنان خارج حدود الوطن وخارج حدود حوش بكرى الالكترونى لماذا؟؟ ***
|
الاهل الطيبين سلام بعد غيبه طويله
جايه وشايله فى جواى حنين لكم جميعا ..
بتمنى فى كل مره ان اتاوق فى الحوش الكبير .. حوش بكرى والقى اللمه زى زمان
ناس فى ضل الضحى وجبنتهم متكيه ..وناس ساعة العصير شاهيهم فى الصينيه ..
وبين ديل وديل الطيبه والحنيه ..
اخونا الكبير سيد الدار باشمهندس بكرى .. اريت صباحك زين
جيت ماره بى حوشك لقيت اخونا خضر عطا المنان بره الشارع وما قادر يجيك داخل .. الباب مقفول وسيد الباب موجود .. حاول مرارا وتكرار الدخول لكن دون جدوى !!!! ان شاء الله المانع خير ؟ هل من اجابه وهل لك علم ؟ ام هذه مشكله فنيه ؟ والله اعلم نرجو المساعده ..
لك شكرى وتحياتى وتحايا الاخ خضر عطا المنان
والتحايا للجميع
|
|
 
|
|
|
|
|
|
|
|
Re: *** خضر عطا المنان خارج حدود الوطن وخارج حدود حوش بكرى الالكترونى لماذا؟؟ *** (Re: omar ali)
|
أتمني أن يكون هذا هو السبب لأنه تمكن معالجته وفقا للأصول
(( والله يكضب الشينة )
واتمني ان لا يكون الطيب مصطفي من بيننا فبعد قبول عضوية الهندي عزالدين عرفت أن هذه بدايات نذر الشؤم وبداية عهد المقص الالكتروني الحقيقي
واتمني ان لا تكون مؤسسة الطيب مصطفي قد مارست لغة الضغط والتهديد علي الاخ بكري وأستغلت وجوده في السودان لتفرض لونا علي مقالات المنبر العام
ونحن في انتظار رد المهندس بكري حتي يضع الحد للاقاويل والاشاعات
ونحن نعلم أن للاستاذ/ عطا المنان اعداء كثر داخل حكومة الانقاذ ويفزعهم تناول المواضيع التي يطرقها في هذا المنتدي
فاذا وصلت يدهم الي أستاذنا عطا المنان فامها سوف تصل الجميع بل شك
| |
|
|
|
|
|
|
|
|
|
Re: *** خضر عطا المنان خارج حدود الوطن وخارج حدود حوش بكرى الالكترونى لماذا؟؟ *** (Re: سجيمان)
|
مرحب حباب الاهل
شكرا لكل الاخوة والاخوات المتداخلين
واتمنى ان نجد اجابه من الاخ بكرى ..او على الاقل توضيح ..لماذا تم الفصل
****
شكرا اخى عاكف على المرور و المؤاذره
*****
وشكرى وتقديرى واحترامى لك اخى هشام مدنى
*****
قرشووووووووو الحنين الشوق قمر دورين
يعلم ما دايره الاقيك فى المآتم دى
كل مره نبكى على وجعنا برانا .. فراق وعدم ترابط فى غربة الجفاف
كل ما نقول نتلم ونرجع اهلنا
يجور علينا الزمن وفى الغربه متغربين ومشتتين
لمتين نحن ما متفاهمين وما مترابطين ؟؟
حليل لمة اهلنا وجبنة الطين
وحليل قعدة كبارنا وصغارنا فى داره مى اتنين ..
لا زول غدر ولا فى الضهر طعن بالسكين
يلمنا رب العالمين
واخونا خضر ما اى زول ممكن نتجاهل خروجه من المنبر
ما زال السؤال قائما
والشكر نوار اخوى قرشو
****
الزول السمح سمؤل ابراهيم
سلام يا ود الاهل الطيبين
اتمنى الاداره تسمعك وتريح بال كل المتداخلين
شكرا محنه اخى الكريم
****
الاخ عمر على شكرا للمرور
والله انا ما فاهمه اى شىء لى هسه
نقول الله يكضب الشينه
همتكم معانا
شكرا مره اخرى
****
الاخت ساره شكرا لطلتك معانا
على قولك الله يكضب الشينه
ونتمنى من الجميع التاكتف
ومن الاخ بكرى الاجابه لمعرفة السبب منه هو تحديدا
ولو عرف السبب بطل العجب
شكرا العزيزه ساره
***
اخونا سجيمان
حبابك كتير
خدر ركن وركيزة من ركايز المنبر
صح لسانك والله اخونا خضر ركيزه فى اى منبر
وكل المنابر بتتشرف انه اخونا خضر يكون من ضمن كوكبتهم
شكرا سجيمان
شكرا اطنان
مره اخرى اخونا بكرى الرجاء منك ارجاع اخونا خضر وكل الاخوة والاخوات المفصولين
ما تحسسنا بالغربه فى غربتنا
شكرا من تانى للجميع
| |
|
|
|
|
|
|
|
|
|
Re: *** خضر عطا المنان خارج حدود الوطن وخارج حدود حوش بكرى الالكترونى لماذا؟؟ *** (Re: Dr. Faisal Mohamed)
|
التحيه لكل الاخوه والاخوات المتداخلين ..
والتحيه ليك انت يااخونا بكرى المطنش العالم دى كلها..
مافى زول حا ياجبرك اكيد ..بالعكس حا نحترم رأيك لو كان سديد
فقط وضح الاسباب ..ولا جاوب على الاستفسارات الكتيره الجاتك دى
كم بوست فى المنبر بخصوص موضوع الاخ خضر.. وغيرهم من الاخوان والاخوات المفصولين
مر مرور الكرام بى طاقتك الصغيرونه ..تعاين ليه وتقلب الصفحه ..
كنا بنخاطبك بسيد الدار دائما ودى حقيقه ..لكن الحقيقه المعروفه انه سيد الدار والحوش الكبير عند اهلنا ما بطرد ضيوفو بلا سبب ولا حجه ..ويقفل الباب فى وجوههم..وقاعد هو ومتحكر فى نص حوشو.. اللهم الا من
بادر بالشينه .. ونحن السودانيين نحمد الله ..اهل كرم وفضيله
واخونا خضر ما شفنا منه الا حب الوطن وحمل همومه على اكتافه بشهادة الجميع..
لكم التحيه والاحترام جميعا
| |
|
|
|
|
|
|
| |
قرشـــو
سجيمان
samwal ebrahiem
omar ali
Muna Khugali
معتصم دفع الله
Tragie Mustafa
Aymen Tabir
raheemsudani
أبو ساندرا
صلاح شعيب
محمد عبدالرحمن
فيس بوك
تويتر
انستقرام
يوتيوب
بنتيريست