الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 01:39 PM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** حج بنو جكة ***

09-30-2011, 03:47 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
*** حج بنو جكة ***

    حبابكم كلكم يا اهلنا ’’ وجمعة مباركة على الجميع إن شاء الله

    موضوع مجسم الكعبة الجابت خبروا الزميلة إيزابيلا جزاها الله ألف خير ,, بالحيل متور نفسي ومحرق روحي
    والعجب لامن شفت التصاوير جابها اخوي يحي ود عمي ابنعوف الله يباركو إن شاء الله ,
    وحات الله متحيرة وبحلقت عيني في التصاوير لامن برقن
    إتو الناس ديل بي صحهم ؟؟
    بنولنا الكعبة ما قصرو تـــــــــب , اها في طوافهم ده بجبرونا نشكرهم ولا على كيفنا نداعيهم لامن نسقط حجرهم ..
    الله يستر ما يقولونا بعد الحجة بتدخلوا الجنة ,, ما بتغلبهم تب , والله صحي
    كدي شوفوا كلكم فكرتي اللجبتها ليهم لي باقي المناسك مي فكرة سمحة ؟؟ وحات الله ما قصرت معاهم ,, وكلو لله في الله ساااي ,, والله صحي

    اها قالوا بدورو يعلموا اهلنا الطواف في الكعبة البنوها في الساحة الخضراء
    يا اخوانا زول يجيب لي التصاوير ,, تصاوير الكعبى ومقام سيدنا إبراهيم ,, شكيناهم على الله
    الله يستر ما يسموا المقامات بي إسمهم , ما بغلبهم , واحد فيهم بنالوا عمارة وسماها ذات العماد ,, والله صحي
    شاحده الله عامود نور يقع في نص نافوخك يسقط اجلك ,, قولوا آمين
    اها نجي لي حجهم ناس بنو جكة
    نشوف باقي الشعائر يعملوها وين ؟
    هم ما قالوا دايرين يعملوا لي الناس تدريب وبروفات ,, عليكم الله ده حج ولا مسرحية حا تمثل في المسرح ؟؟
    عارفين عندي ليكم فكرة متبرعة ليكم بيها ساي لله في الله ,, طالما إنه العمل ده في سبيل الله , خلوني النساعدكم و أتم ليكم باقي حجكم ده..
    اولا بالتبادي الحج ده بدور ليه شيطان يرجموا . تحمدوا سيدكم عندكم كتاااار وروسينهم ماكنة وعويناتها مبرقة متل البوم ,, نسعل الله السلامة ,,
    دحين إن طبقتوا فكرتي دي , انا اول زول بي قبيلتي كلها بنحج معاكم ,
    شفتوا كيفن ! وبضمن ليكم كل اهلي الغبش وباقي المهمشين والمطحونيين من الشعب الفضل ,,,لكن شرطنا ما تعلمونا الطواف بس.
    الطواف ده سااااهل ,, نحن بندور لينا شياطين نرجمها , الحجر مرات بجلي من اول مرة , لازم نتعلم الرجم كم إسبوع كده , وبعدين نجي للطواف
    , وبما إنه الحج حجنا وفي بلدنا , يبقى لازما الجديع يبقى بالطوب اللحمر واللخدر ,, آي نرصع ونفلع من مواردنا المحلية
    وبما إنه المغايس كتيرة , الرجم براهو مو كفاية . ناس يرجموا , وناس بعد الرجم يتلبوا فوق رقابكم يقصوها
    وناس شلاليت ساي في الضهور لامن تقولوا الروب ,, نكون خلصنا حقنا ولبينا ليكم النداء, يعني عصفورين بي فد جدعة . حسب طلبكم ,,,,
    والحج مدام بقى في الساحة الخضراء , الحج يكون لعموم اهل السودان . مو بقى ساااااااهل يحمدو سيدهم لا فيزا لا تذاكر سفر,, الله ريحهم اهلنا من البعثات وسرقتها ولفحيها لي حق الغلابة ,
    كتر خيركم وبارك الله فيكم بتدوروا تسهلوا لي المواطن اصعب شيء,, ما قصرتو معاه كلو كلو
    آي نعم غليتوا الحاجات كلها وكتلتوا الناس بالمرض والجوع والحروب ,, لكن اها بنيتو لينا كعبة عديييل
    مافي رئيسا قبالكم سواها ,, فتوا ابرهة بي غادي بي مليون سنة ضوئية
    اها يقوموا يجوا اهلنا الممغوسين ديل من جموع اهل السودان ,, عشان يحجوا ويطوفوا ويفلعوا شيطانيكم ويفشوا غباينهم.
    مدام الشعب ده مو داير يمرق ولا إنتو مدنو فرصة يظاهر ويعبر عن قرفو . خلوا اليجي يفلع في كعبتكم البنيتوها من دمه ورزقه ,
    والفليع تلاتة يوم ,, تترصوا لينا إنتو يا ناس الإنقاذ
    , ما الفكرة فكرتكم .. عاد نجيب ليكم شياطين من وين نفلعها ؟
    والشيطان إنتو عارفنو مااااكن وكرشو ملانة من السحت
    وراسو ملان إجرام ؟ عاد ده مو ياهو منكم وفيكم ؟؟؟
    اها نجي للهدي ,, الهدي ده الرسول فوقكم ودوهو لينا مدني .. الدباغة راس ..
    عاد الجلود دي نوديها وين .. ده إختصار للنقل والترحيل ....واللحم الكتير
    ده صدروه بي غادي بي بورتسودان , المسافة بقت في النص ..
    اتبرعوا بيهو لي ناس جدة , ناس جدة ديل يخربهم معلمين الله فقرانين وفلسانين .زي المصريين اللحقتوهم بي كم مراح بقر ,
    , إنتو ماكم كريمين واجوادين على الأغراب , وناسكم إن شاء الله يسفوا التراب ,, والله صحي ..
    اها نواصل حجنا , مزدلفة ومنى ديل ما بتغلبوا فيهم حيلة تب ,,
    الثورات راااااقدات عندكم من الثورة الأولي لي الحارة مية والكلاكلات .
    شوفولكم زولا بدور يربح وقسموا عليهو باقي المناسك. وإحرام الحجاج اقترح ليكم يكون لبس الصاعقة , عشان القماش راقد عندكم ويبقى زيتكم في بيتكم ,
    واهم شيء عندنا بير زمزم ,, احفروا لينا بير زمزم في جياد آآي جياد دي محلتها سمحة وفيها المترة ,,
    ما عليكم إلا تغرقوا لينا المطامير وجيبوا لينا حناطير تنقل موية الله المارقة من جوف البير والمطامير وبيعوها لينا موية زمزم
    بنصدقكم والله , عاد إنتو بنيتو الكعبة بندور نكضبكم في زمزم الموية الزرقاء دي ؟
    وطبعا شهداء احد وبدر راااااااااااااااااااقدين عندكم ولا محتاجين تقتلوا ناس تانية عشان تعبروا لينا عن جهادكم .
    دار فور براها الإعترف بيها بشيركم قال 10 ألف وما خفي اعظم
    يعني اكتر من المسلمين الماتوا في زمن الرسول عليه الصلاة والسلام !!! والله لكن الحج والشهداء عندكم تحمدوا وتشكروا فضلو ,
    الشفيع والبقيع , اقترح عليكم تودوهو سوبا والباقير , برضو قريب لي محل كعبتكم الإفتراضية وكلها فركة كعب ,.
    نزلوا ليكم باصات تمصوا بيها الفضل من فتات المطحونيين وبرضو إسم سياحي ليكم ,,
    وشعائر الحج ما محتاجين تشيلوها من الكتب . رااااااقده عندكم , هي لله هي لله ,ولا للسلطة ولا للجاه ,,
    وجبل عرفات زي ما قلت ليكم , جبال الفاو , اولا بالتبادي كتيرة , وعالية ما يقدر يتشعبط فيها زول غير القرود , التمشي الناس دي تتشعلق وتشكيكم لي الله ,,
    ما الحكاية كلها بقت محلية ,, بعدين عشان الزحمة وكده , ابدوا حججوا في الناس من هسع ,, وما تنسوا الكرامات ,, انكتولنا كم كرامة من شيخ فلان والدجال علان
    متل كرامات شهداء جهادكم الإنقلبوا بي قدرة قادر لي فطايس,, الناس الشميتو ريحة مسكهم , وسبحان الله فيهم من رجع اهله تاني وما مات زاتو
    يعني المسك ده ما بعرفوا يكون شميتوه من وين ؟ يا ربي تكون كولنيا ولا ريحة الصابون ؟ مخيــــــــــــــــــــــــــر الله
    المهم قولوا ليهم الناس السنة دي عندنا حج محلي ومستورد . اهلنا الغبش بجوكم تـــب ,
    فش مغيسة ساي بجوكم لي فليعكم ورجمكم ,,وناسكم اليسافروا السعودية
    تاني فضل شنو ,؟ اختوا لينا الجبايات في طرف الساحة الخدراء ,, عشان الناس تجيكم منبهلة ..
    لكن والله يا جماعة الخير اكتر شيء وجعني تعقيب وزير الأوقاف وكلامو الغريب وعجيب ادناه ,, النبي شوفوا الزول ده قال شنو !!!!
    (وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج
    ،ودعا امراء الافواج لجلب الحجاج الى المجسم للتعرف على كيفية اداء المناسك )
    .عليكم الله المطنقعين وانصاف المتفقهين والمضللين الناس منو ؟؟؟ الناس ديل ما مبدعيين وخطيرين لدرجة قف تأمل!!!!
    واحد بدور يبقى نبي ويصلي العصر في بني قريظة بي كتيبته السماها جماعة التكفير والتهكير
    والتاني بنى لينا كعبة في الساحة الخضراء ويدعو لي تعليم الحج في العام 2011 لي اهلنا البدوا الحج بالإبل ,
    التالت غايتو بحول بيت المقدس في مول عفراء
    و الحج بقى في الساحة الخضراء والمحلي داخل عطبرة ,,
    أنعم وأكرم ....
    يا اهلنا الناس ديل إن ما قوموا ليكم القيامة قبال يومها بقوموا لي كل زولا فيكم كوكة في نص راسو بي محنهم دي !!! والله صحي ,,,
    ربي يقوم ليهم في روسينهم قمل وقراد ينتفهم ويمص دمهم زي ما مصوا دم الشعب المسكين
    يمهل ولا يهمل

    ودعتكم الله
    اسماء الجنيد

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 03:58 PM

عمر عبد الله فضل المولى
<aعمر عبد الله فضل المولى
تاريخ التسجيل: 04-13-2009
مجموع المشاركات: 12062

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    سلام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 04:02 PM

AMNA MUKHTAR
<aAMNA MUKHTAR
تاريخ التسجيل: 07-31-2005
مجموع المشاركات: 11422

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: اها نجي لي حجهم ناس بنو جكة
    نشوف باقي الشعائر يعملوها وين ؟

    مرحب سوما ..
    أوحشنا كيبورك..

    أضحك الله سنك .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 04:42 PM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: AMNA MUKHTAR)

    Quote: اولا بالتبادي الحج ده بدور ليه شيطان يرجموا . تحمدوا سيدكم عندكم كتاااار وروسينهم ماكنة وعويناتها مبرقة متل البوم ,, نسعل الله السلامة ,,


    هههههههههها يجازي محنك

    .........................
    والحجه هناك برسوم منفصله ولا الرسوم مضمنه في تكاليف الحج ( الاصلي ) ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 04:53 PM

Alshafea Ibrahim

تاريخ التسجيل: 12-12-2004
مجموع المشاركات: 6955

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: نوفل عبد الرحيم حسن)

    الآستاذة الفاضلة أسماء وضيوفها الأعزاء بساحة حج بنو جكة :
    الآن المغرب وعلى قناة سودانية شفت مهزلة كم واحد محرمين ومشمرين ومهرولين والمذيع يجري خلف أحدهم لزوم التثقيف والتنوير وكده يبدو أن المذيع من هيئة كبار العلماء اللذين أفتوا بصحة هذا العمل القبيح ... ولا نستبعد أن هيئة كبار العلماء تتقدم بطلب (فتوى) بترقية أمام جامع الشهيد لأكثر من عشرين عاما ليكون إمام مسجد ساحة الكعبة مترقيا .... أها والأهم الثاني سيتم إفتتاح عدد من البوابات بعد التسوير وستكون حتما بأسماء كبار شيوخ الحزب اللعين لن تترك الأحياء منهم أبتداء من البشير كما أن بها عددا مقدرا للأموات ناس الزبير والخليفة وكدا ... ياللهناء ... الحج بقى عندنا محلى لمن لا يقدر على تحمل مشقة الأموال والأسفار حج بنو جكة صاح ؟؟؟ غايتو جنس غايتو ....
    الشفيع إبراهيم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 05:12 PM

Hadeer Alzain
<aHadeer Alzain
تاريخ التسجيل: 07-13-2008
مجموع المشاركات: 3445

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: AMNA MUKHTAR)

    Quote: اولا بالتبادي الحج ده بدور ليه شيطان يرجموا . تحمدوا سيدكم
    عندكم كتاااار وروسينهم ماكنة وعويناتها مبرقة متل البوم ,, نسعل الله السلامة ,,


    شكرآ سوما الحبيبة على الكتابة الجميلة الساخرة

    د. مهيرة أتتهم بالخبر اليقين
    Quote: تقوم المدارس بعمل ماكيت للكعبة، ويقوم الأطفال بالطواف
    حول هذا الماكيت لكي يتعلموا مناسك الحج والطواف حول الكعبة،
    فهل هذا التصرف حرام أم حلال؟


    الإجابــة
    الحمد لله والصلاة والسلام على رسول الله وعلى آله وصحبه، أما بعـد:
    فهذا التصرف غير جائز كما نص عليه أهل العلم.

    جاء في قرار مجمع الفقه الإسلامي بخصوص هذا الموضوع: فإن مجلس المجمع الفقهي الإسلامي،
    برابطة العالم الإسلامي، في دورته الثالثة عشرة، المنعقدة بمكة المكرمة، والتي بدأت
    يوم السبت 5 شعبان 1412هـ الموافق 8/2/1992م: قد نظر في الموضوع وقرر:
    أن الواجب سد هذا الباب ومنعه، لأن ذلك يفضي إلى شرور ومحظور. انتهى.

    وقال الشيخ ابن عثيمين بخصوص هذا الموضوع:
    هذا لا ينبغي إطلاقا ، يستطيع أنه يرسم في السبورة مربع صورة الكعبة
    ويقول تطوف عليها، أما أن يجعل مجسم ، في ظني أنه سيجعل العبادات مجرد
    طقوس وحركات فقط ، ما لها تأثير بالقلب. انتهى من لقاء الباب المفتوح.


    والله أعلم.


    ------
    وشوفي المفارقات العجيبة دي يا سوما
    مجسم بي ١٠٠ مليون
    الصحافة: مجسم للكعبة في الساحة الخضراء ب100 مليون جنيه لتدريب الحجاج!!

    وكرتي بيغادي مادي قرعتو يشحد!!!!!
    علي كرتي: لا يمكن للعالم ان يقف موقف المتفرج واقتصاد السودان ينهار

    الناس ديل والحمدلله متخبطين وفي مرحلة تشتت وإنعدام وزن , بس
    دايرين ليهم هووف ويقعوا. يا هوووووف راجنك!!

    لك التحيات الطيبات يا غالية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 05:51 PM

حسين عوضاى
<aحسين عوضاى
تاريخ التسجيل: 03-07-2008
مجموع المشاركات: 1582

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: Hadeer Alzain)

    Quote: واهم شيء عندنا بير زمزم ,, احفروا لينا بير زمزم في جياد آآي جياد دي محلتها سمحة وفيها المترة ,,
    ما عليكم إلا تغرقوا لينا المطامير وجيبوا لينا حناطير تنقل موية الله المارقة من جوف البير والمطامير وبيعوها لينا موية زمزم
    بنصدقكم والله , عاد إنتو بنيتو الكعبة بندور نكضبكم في زمزم الموية الزرقاء دي ؟
    عاد إنتو بنيتو الكعبة بندور نكضبكم في زمزم الموية الزرقاء دي
    الحته دى ابدعتى فيها والله ...


    تحايا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 06:34 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: حسين عوضاى)

    Quote: سلام


    حباب السلام اخوي عمر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 06:38 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: مرحب سوما ..
    أوحشنا كيبورك..

    أضحك الله سنك .


    حبابك يا أمونة ,و مشتاقين يعلم الله , ما تشوفي وحش يا خية

    شفتي النبي محن الناس دي ؟؟؟
    ويجوك ناطين في رقبتك نوعية الذي منهم ويقولوا ليك مناضلين خلف الشاشة
    وربنا عامي بصرهم وبصيرتهم من نوع بدعهم الوصل السماء السابع
    دحين هسي اخوانا الكيزان شن قولهم في عجائب بنو جكة الفاتت بي غادي للفوت زاتو !!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 07:10 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: هههههههههها يجازي محنك

    .........................
    والحجه هناك برسوم منفصله ولا الرسوم مضمنه في تكاليف الحج ( الاصلي ) ؟


    حبابك يا نوفل
    مجني انا آآ يابا ولا محن المطاريش ديل !!!
    لا لا دي حجة بدعة (بكسر الباء) تكاليفها مقلوعة قبال يبنوا كعبتهم دي

    ضحكوا خلق الله فينا بس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 07:40 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    الآستاذة الفاضلة أسماء وضيوفها الأعزاء بساحة حج بنو جكة :
    الآن المغرب وعلى قناة سودانية شفت مهزلة كم واحد محرمين ومشمرين ومهرولين والمذيع يجري خلف أحدهم لزوم التثقيف والتنوير وكده
    يبدو أن المذيع من هيئة كبار العلماء اللذين أفتوا بصحة هذا العمل القبيح ... ولا نستبعد أن هيئة كبار العلماء تتقدم بطلب (فتوى)
    بترقية أمام جامع الشهيد لأكثر من عشرين عاما ليكون إمام مسجد ساحة الكعبة مترقيا ....
    أها والأهم الثاني سيتم إفتتاح عدد من البوابات بعد التسوير وستكون حتما بأسماء كبار شيوخ الحزب اللعين لن تترك الأحياء منهم أبتداء من البشير
    كما أن بها عددا مقدرا للأموات ناس الزبير والخليفة وكدا ... ياللهناء ...
    الحج بقى عندنا محلى لمن لا يقدر على تحمل مشقة الأموال والأسفار حج بنو جكة صاح ؟؟؟ غايتو جنس غايتو ....
    الشفيع إبراهيم

    حبابك الشفيع اخوي ,, تسلم إن شاء الله
    عليك النبي شوف عين عديـــــــــــــل كده شفت المهازل دي ؟؟
    شكيناهم على حيا دائم صاحي ما نائم
    كان بهدلونا عبر القنوات الفضائية وفضحونا
    وهسه النبي الناس المبارينهم ديل نصيحين .؟ ومقتنعين بالبشتنة دي !!!
    وفي جكتهم ولا طوافهم ده بقولوا الشعائر وبوجهو دعواتهم لي الله وبقيفوا في مقام سيدنا إبراهيم ؟؟
    وحات الله انا محتارة لامن مهجومة
    إتذكرت نكتة للمرحوم دكتور دكام رحمة الله عليه
    كانوا عاملين معاه وبعض الأطباء سهرة بعدما رجعوا من العمرة
    اها زميله قال اثناء السعي ونحن نهرول بين الصفاء والمروة سامع همهمات دكام ,, وجريت بسرعة الحقو قلت عشان اردد الدعاء خلفه
    قلت دكام ده مجتهد كده لامن نفسو قايم , اكيد وقطع شك حافظلوا دعوات سمحات ,
    اها قال اول ما بقيت وراه طوالي , فوجئت بيه بردد وطابي إحرامه وعاضيه بي سنينو
    وبقول ,, لكن ما بااااااااااااالغتي يا امنا هاجر ,, عليك الله دي جكة تجكيها ؟ لووووووولز
    الله يرحم دكام ويهدي ناس النظام المشاتر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 07:47 PM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6022

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    الحاجة المستغرب فيها يا أسماء هو وضع أمراء الأفواج البيجوا مرافقين للحجاج كل سنة ... بلبسهم المميز وحوافزهم المميزة ...
    حيسرحوهم وللا لسة حيكونوا امراء ...بعد ما علموا الحجاج كيفية الحج في الكعبة الجديدة دي ؟؟؟
    ======================
    تحياتي الطيبة لك يا أستاذة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 07:51 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 14787

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    وحات الله ماك نصيحة يا بت عمي
    غايتو ما خليتي ليهم صفحة يرقدوا بيها تب
    تسلمي ويسلم كيبوردك .....


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 07:57 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 14787

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: الامين موسى البشاري)




    وكمان بلا خجلة جايبين تقرير عنه في الفضائية السودانية

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 08:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: الامين موسى البشاري)

    Quote:
    شكرآ سوما الحبيبة على الكتابة الجميلة الساخرة

    حبااااااااااااااااااابك يا الزينة ضي الرتينة
    يعلم الله مشتاقين يا الحنينة


    Quote: وشوفي المفارقات العجيبة دي يا سوما
    مجسم بي 100 مليون
    الصحافة: مجسم للكعبة في الساحة الخضراء ب100 مليون جنيه لتدريب الحجاج!!

    وكرتي بيغادي مادي قرعتو يشحد!!!!!
    علي كرتي: لا يمكن للعالم ان يقف موقف المتفرج واقتصاد السودان ينهار

    الناس ديل والحمدلله متخبطين وفي مرحلة تشتت وإنعدام وزن , بس
    دايرين ليهم هووف ويقعوا. يا هوووووف راجنك!!

    لك التحيات الطيبات يا غالية

    عارفة يا هدير ديل يشحدوا وعينهم قوية سافين المشحود والموجود
    ويحي الطفل المعجزة يقول الشعب السوداني الشحاد ,,
    نحن شحادين الله كلنا ربنا يريحنا من خلقكم كلكم جـــــــــــــــــت من طرف ,,
    ديل اباليس يا يمة , علا البجيهم منهم وفيهم ,, هسه هم بكوسولهم في مخارجة لكن اتزنقوا تب زنقة زنقة
    ومصبرهم حا يكون أسوأ من رفاقاتهم الإنكشحوا بي ذل وإهانة إن شاء الله ,,

    ولكي إنتي كل المحبة الفي القلوب يا غالية من بط الحنان
    تسلمي يا هدير وتسلم طلتك السمحة متلك يمة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 09:07 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    عاد إنتو بنيتو الكعبة بندور نكضبكم في زمزم الموية الزرقاء دي
    ــــــــــــــــ
    الحته دى ابدعتى فيها والله ...


    تحايا

    مرحبابك يا حسين يا خوي
    تسلم يا بوي على الدعم المعنوي والطلة الحنينة
    تسلم كتير يابا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 09:15 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 28950

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    ناس الحكومة و عارفنهم كويس ممكن إعملوا أي شئ

    إنتي دي أسماء الجنيد الواااااااااااحدة دي مالك الليلة ...!!!!!!

    بي صراحة كدا دي بي كم كرت .... كرت واحد ما بتعمل دا كلو ...؟؟؟؟؟

    كرتين برضو ما بتسوي رُبع الكتبتيه دا ...!!!!!

    عليك الله قولي لينا بي كم كرت علشان نكتب لينا سطرين تلاتة بس ....!!!!!



    تحياتي و إحترامي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 09:32 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: ABUHUSSEIN)

    Quote: الحاجة المستغرب فيها يا أسماء هو وضع أمراء الأفواج البيجوا مرافقين للحجاج كل سنة ... بلبسهم المميز وحوافزهم المميزة ...
    حيسرحوهم وللا لسة حيكونوا امراء ...بعد ما علموا الحجاج كيفية الحج في الكعبة الجديدة دي ؟؟؟
    ======================
    تحياتي الطيبة لك يا أستاذة ..

    ود ابوي الصديق حبابك يا فتحي اخوي
    إت بي صحك يا خوي .. عاد كيفن يسرحوهم !!!
    يا دوووووووووووووب يا خوي ما سمح اللبس والقدلة وسط البلد والكعبة كعبتنا والحج حجنا والجكة في حلتنا
    دقر العين ,, والله صحي

    تسلم يا خوي وتسلم طلتك يابا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 09:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: وحات الله ماك نصيحة يا بت عمي
    غايتو ما خليتي ليهم صفحة يرقدوا بيها تب
    تسلمي ويسلم كيبوردك .....

    نان هم خلوا لي هلنا صفحة يرقدوا عليها ؟
    ما شوهم ونجضوهم واقفين طولهم ,, والله صحي

    وتسلم طلتك الحنينة دي يابا ,
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 09:45 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    ناس الحكومة و عارفنهم كويس ممكن إعملوا أي شئ

    إنتي دي أسماء الجنيد الواااااااااااحدة دي مالك الليلة ...!!!!!!

    بي صراحة كدا دي بي كم كرت .... كرت واحد ما بتعمل دا كلو ...؟؟؟؟؟

    كرتين برضو ما بتسوي رُبع الكتبتيه دا ...!!!!!

    عليك الله قولي لينا بي كم كرت علشان نكتب لينا سطرين تلاتة بس ....!!!!!



    تحياتي و إحترامي

    ابو حسين حباااااااااابك آآآ زول والبركة في الشوفة ,,,
    كروت شنو آآ زول ها ,, كرت أحمر ولا اصفر لوولز
    إت قايلني بقيت حكم ولا يعني بقيت رجل خط

    اكتب سااااااااااااااي صفحة كاملة وقولي رأيك يا خوي برا رموز وكروت
    بعدين كدي خليهن كروتك هسه
    بي امانة والنبي فيك وإت قاعد في بلد الله
    زمنك ده كلو لاقاك سوداني ما بعرف يحج ولا يعمر !!!
    والشيء التاني الكعبة المبنية من الحديد ولا الصفيح دي
    في ظمتك يا ابو حسين اخوي مي بدعة ؟؟
    يقول علينا شنو العالم الإسلامي ؟ جنينا ولا يعني بندور نجن ؟ ولا ده غباء وهبالة وضحك على الناس كلها من طرف ..
    بعدين التوعية والتثقيف لازم يعني يبنوا ليها مجسم ويصرفوا عليها كدي ؟ وزمان الحاجات دي وينها ؟
    طيب مش ممكن يخصصوا قناة كاملة لتقيف الناس بدون بدعهم دي ؟
    حا تكلف اكتر من الشتارة العملوها دي ؟
    بعدين هل حجيج السودان كلهم بدربوهم ولا ناس البندر بس ؟
    غايتو انا لي يوم باكر ممحنة في عملتهم دي
    وبرو راجية كتابتك
    وسلامي الكتير لللحبيبة الهلالابية والعيال
    تسلموا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 10:39 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: وكمان بلا خجلة جايبين تقرير عنه في الفضائية السودانية


    ود البشاري اخوي ,, قت لي جابو عديييل صورة وصوت !!!
    عاجبهم وقايلين روحهم جابو المعدوم في سوق الخرتوم ,, والله صحي
    مخيـــــر الله يابا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 11:45 PM

اسماء الأمين
<aاسماء الأمين
تاريخ التسجيل: 08-24-2006
مجموع المشاركات: 539

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    سوما الحبيبه
    والله مشتاقين ليك بالحيل
    دي يا بت امي محن اخر زمن
    وزمان حبوبتي بتقول المحن في توتي مع اني ما عارفه توتي كان فيها شنو
    لكن هسي المحن بقت في كل بكان والمحنة الكبرى في الساحة الخضراء
    وان عشنا والكيزان ديل في الدنيا بنشوف عجائب لسه
    الله يسترنا من محن الزمان وبلاوي الكيزان
    ودائما يا خيتي كلامك في المليان

    معزتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-30-2011, 11:50 PM

ساميه حامد
<aساميه حامد
تاريخ التسجيل: 07-24-2010
مجموع المشاركات: 1567

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: وسلامي الكتير لللحبيبة الهلالابية والعيال
    تسلموا


    تسلمي يا غالية من كل بلا

    والله يا سومة الناس ديل حيرونا عديل الناس جعانة وروحها مارقة وهم ولا هاميهم
    هسه المية مليون دي ممكن تساعد كم اسرة من الوضع الحاصل في البلد ده
    لكن نقول شنو شبعوا و قنعوا قالوا اخير النعمل فيها حريفين وبتاعين دين ويا ريت لو فعلا العملوا ده فيهو شي من الدين كان سكتنا وصمينا خشمنا ده
    لكن اقول ليك شي يا حبيبة الله في
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 02:38 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15342

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: ساميه حامد)

    إخيتي بت الجنيد.
    كيف حالك والوليدات؟
    Quote: وحات الله متحيرة وبحلقت عيني في التصاوير لامن برقن
    إتو الناس ديل بي صحهم ؟؟


    يا قول حبوبتي الله يرحما:
    يهووووون الله. والله ياهو الفضل.
    ومرات تقول: بِدع يا بلآل، عندما يكون الأمر عجب.

    دايرين لينا عريبي متخلف من السعودية يجي يالرآآآآآآحة يدخل في كعبتم دي بي ضهر ليل،
    ويقول كدي يتبرز ويزوغ. أها، النهار البشير وكت يكلموهو، يقول كدي يلِم الناس في
    الساحة الخدرا. بعد يرغي ويزبد يكشحلوا كم طلآق في فضاء الساحة الخدرا، ونضر فوقوا
    حقت السعودية إلا يخليها صعيداً زلقا. الجماعة يطرحولهم كم عطاء لإستيراد أفيال من
    الهند، وطبعاً العطاءات دي حاتكون صورية سااااكت لأنو السيّد المتعافن زمااااان جاب
    الفيلة وقبض الفي النصيب. أها بعد داك بيكونوا دايرلهن دليل. دي طبعاً حا يتنافسو فيها
    طبالين السعودية لكن الأقرب إليها ولدنا عمر أطال الله عمره نسبةً لأنو الناس ديل
    ما بيبقوا بلآهو.
    أها قطعتُن البحر اللحمر شاحد المولى الكريم يلِم فوقهم الطير الأبابيل يعدِمُن نفاخة النار.

    مُنتهى السفه والإستهتار بالدين. كلوووو سكتنا عليهو كمان جاتنا كعبة؟؟؟!!! السعودية
    دي فيها الآف المطوعين، والنت فيهو ملآيين المواضيع والفديوهات المصورة البتوضح
    مناسك الحج والعُمرة. خلآس يعني إقمتم العدل في الأرض ونشرتوهو بين الناس وبقى
    ان تلتفتو لتعليم الناس مناسك الحج بهذه الطريقة التي لا تخلو من الإستهتار؟؟؟!!!
    عليكم الله من هسّع ورونا منو الحايجي بكرة يقولنا ما أُريكم إلا ما ارى ولا أهديكم
    إلا سبيل الرشاد. اتوقع ان يقوم بهذا الدور السيّد علي عثمان نسبةً لما لديه من إمكانيات
    كبيرة في مجال المكر والدهاء.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 04:55 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: معاوية المدير)

    العزيزة/ سوما
    سلام

    الموضوع جد غريب وغريب.
    لعبوا بكل شئ.. واخيرا ابدعوا في لعبهم بالدين هذه المسخرة..
    والحكاية كلها عندهم بزنس وأرباح..
    لازم يفوتوا الشيطان بسنوات ضوئية في المكر والاجرام..

    والمشروع الغريب هذا ستتوالد منه منافع كتيرة..
    خدمات السمسرة والجبايات.. لان الغرض في الاساس هو اللعب والمتاجرة..
    سيتم جلب الحجاج من وقت مبكر الى مدينة الحجاج بسوبا..
    ويكون برنامج الحج المحلي شرط يلزم كل حاج..
    نثريات اقامة..
    وبرامج الترحيل..
    وما يتبع من خدمات واستهبال..
    وكل من فاته اللهط في زمن البترول من المحاسيب سيكون له النصيب..

    مسكين ابوك يا بلد..

    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 06:09 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6321

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: Abdlaziz Eisa)

    ** بت الجنيد..
    ** سـلام وصباحك خير..

    ## ونزيدك من الشعر بيت ,, وحتى تعم الفائده جميع الرساليين فلقد تقرر :-**1\ ماء زمزم السودانى ادوهو للمتعافن يجيب موية أٌم روابه..
    **2\ حرس الحرم المكى السودانى "تحت التعيين" لازم يكون حافظ 7 أجزاء من القرآن وتابع لعبدالرحيم "أبو رياله".
    **3\ إدارة المطوفيين ومتحصلى الجبايات والرسوم عبدالله البشير..
    **4\ شؤون إدارة الحلاقين والكراسى المُتحركه حرم الريس التانيه"وداد"..

    (ودام الود بيننا)
    (ابو محمد فؤاد)

    ## كسره:- تشاركنى نفتح محل كنتاكى جنب الحرم قبل ماالجماعه يدوهو لواحد منهم..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 07:11 AM

عبد الدائم سيد أحمد
<aعبد الدائم سيد أحمد
تاريخ التسجيل: 10-28-2006
مجموع المشاركات: 4220

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: عبدالكريم أحمد الامين)

    اهم حاجة وروهم كيفن يتصرفو وقت اى حاج يطش
    ويتصل بمندوب البعثة ويلقاهو قافل تلفونو ونايم فى جده
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 08:14 AM

يحي ابن عوف
<aيحي ابن عوف
تاريخ التسجيل: 05-25-2002
مجموع المشاركات: 6306

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: عبد الدائم سيد أحمد)

    سوما يا غالية
    تسلمي ويسلم عقلك

    الله يجازي محنك كعبة عديل كدى

    ههههههههههههههههههههههههههههههههههه

    يا اخونا شوفو المصيبة دي الكعبة عديل كدى

    قامت الإنقاذ بالاعتداء على الدين نفسه بتثبيت النسبة الشهرية من الزكاة، و ذلك اعتداء صارخ و صريح على كل من يفهم مبادئ الدين، و بضرورة إكمال الحول على المال كي تجوز عليه الزكاة،
    أقامت لها المؤسسات و المباني الشاخصة في بلد يتميز بالفقر المدقع و الندرة البالغة حيث كان يمكن ابتلاع ذلك الصرف البذخي على تلك المؤسسات
    إذا حدث اكتفاء في مصارف الزكاة الشرعية، حيث أن الإنقاذ و بخلاف الأمر الديني
    قامت بصرف أموال الزكاة في غير مصارفها و ذلك بابتياع السيارات و إغداق الأموال و السيارات على القائمين عليها قبل صرفها على من سنت الزكاة أصلا من اجلهم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 08:36 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: يحي ابن عوف)

    Quote: سوما الحبيبه
    والله مشتاقين ليك بالحيل
    دي يا بت امي محن اخر زمن
    وزمان حبوبتي بتقول المحن في توتي مع اني ما عارفه توتي كان فيها شنو
    لكن هسي المحن بقت في كل بكان والمحنة الكبرى في الساحة الخضراء
    وان عشنا والكيزان ديل في الدنيا بنشوف عجائب لسه
    الله يسترنا من محن الزمان وبلاوي الكيزان
    ودائما يا خيتي كلامك في المليان

    معزتي

    هي يا اسوم يا حليـــــلك بالكتير ما شوية
    يعلم الله الشوق حنين متل طلتك الصباحية دي ,,
    اريتكم طيبين يا يمة وحالكم زين

    ههههههههه ضحكتيني بي كلام حبوبتنا ,,
    والله فكرة نقوم نسأل ناس توتي من محنهم , توتي محنها في جمالها وخضرتها
    وناسنا الزمان بسيسطن وطيبتهم في نضميهم المارق بعفوية
    تكون حبوبتنا يا حليلا سمعت بي توتي وتمساح الدميرة وتقول خلاص دي المحن زاتها هههههههه
    والله يا حليلك يا اسوم ,,
    شوفي عليك الله ناسنا زمان محنهم ومشاكلهم بسيطة كيف زي حياتهم
    ما جو شافوا محنا نحن وهجائمنا الشيبت صغارنا قبال كبارنا
    تسلمي يا خية وسلامي عبرك لكل الحبان عندكم وفي السودان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 08:51 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    تسلمي يا غالية من كل بلا

    والله يا سومة الناس ديل حيرونا عديل الناس جعانة وروحها مارقة وهم ولا هاميهم
    هسه المية مليون دي ممكن تساعد كم اسرة من الوضع الحاصل في البلد ده
    لكن نقول شنو شبعوا و قنعوا قالوا اخير النعمل فيها حريفين وبتاعين دين ويا ريت لو فعلا العملوا ده فيهو شي من الدين كان سكتنا وصمينا خشمنا ده
    لكن اقول ليك شي يا حبيبة الله في

    اهلييييين يا حبيبة القسا ,, وينك طولتي الغيبة ,و يعلم الله مشتهين ونستك واللمة تحت نيمتنا ,,
    بالحيل فاقدنك يا خية
    والله صدقتي , فعلا حيرونا ,
    الأدهى من كده قروشهم الصرفوها على فكرتهم البتشبههم دي , كان حولوا قروشها لي تلاميذ المدارس المطرودين بسبب الرسوم , مش كان قضت غرض؟
    وغنتي قايله فعلا المبلغ مية مليون ,, قطع شك اضعاف المبلغ ده , ومش كان اولى يدوها لي ذوي الإحتياجات الخاصة القاتلهم الجوه بسبب المرض والغلاء !
    ولا يحججوا بيها المشتهين الحج وما عندهم قدرة ! على الأقل يأحدوا فيه الأجر
    غايتو كملوا المحن يا سامية ياختي
    الناس الغلابة ديل ليهم رب من فوق سامع وشايف
    يشيلهم الليلة قبال باكر ويريح خلق الله منهم
    قاااااااادر يا كريم
    سلامي يا حبيبة ليك واسرتك الكريمة[
    وتسلمي على الطلة /B]
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 08:51 AM

عبد الحي علي موسى
<aعبد الحي علي موسى
تاريخ التسجيل: 07-19-2006
مجموع المشاركات: 2928

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    سوما أختي....كيفنك
    كدي...خليك من الكعبة بتاعة التمارين دي.
    العارفين بقولوا – حتى في الكعبة الأم – كان طفت بالبيت ولم تطف بقلبك، فلم تطف.
    وإذا وقفت بعرفة ولم تعرف، فما وقفت.
    أما كعبة التمارين، فأمرها مكشوف ....(بزنس).
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 09:50 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6321

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: عبد الحي علي موسى)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 09:59 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7970

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: عبد الحي علي موسى)

    سوما قريبتي
    سلام واحترام
    نعلك طيبة وعقابك


    ذكرتيني يوم ماشي في أمان الله
    خلاص رميت الجمرات
    ومارق انجم في الخيمة
    أيام حج الحريق الأخير داك
    ما أشوف ليك إلا الحجار فوق راسي
    قعدت اتضاير ولقيت ساتر اتدسيت فيهو
    المهم
    بعد شويتين أشوف ليك صاحبي زمان الما بغباني داك
    علاء الدين الشين
    شايل حجارو ويفتش فوقي
    ويكورك
    الحمد لله الحمد لله
    أهو الشيطان جاني بي رجليهو لي عندي


    طبعاً مقالدة وونسة وذكريات وعييييييييك

    أها علاء الدين دا كان واحد من الكنا متسلطين عليهو زمان
    كرهناهو ليك عيشتو بالمكاواة
    والمقالب
    محل ما يشوفني أنا وصلاح فردتي
    يشوف ليهو عصاية من أقرب ملف
    وبعد داك يجي يتونس معانا
    أي تخريمة عينك ما تشوف إلأ الخبتي


    وشتان يا سومة بين طيب وعطن
    شتان

    ليتهم يقبلون باقتراحك
    أقلاهو يخففو من ذنوبم الأكبر من الجبال الفي الكون
    شوية يمكن تنولم عفو من رب العباد
    الحائمين باسمو وقادلين



    غايتو نحمد الله
    البقت علينا لا حكت لا بقت


    بركاتك يا الإنقاص بركاتك يا اخي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 01:20 PM

يوسف السماني يوسف
<aيوسف السماني يوسف
تاريخ التسجيل: 12-10-2005
مجموع المشاركات: 3920

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    الاخت سوما
    تحياتي لك وللاسرة

    Quote: يا اهلنا الناس ديل إن ما قوموا ليكم القيامة قبال يومها بقوموا لي كل زولا فيكم كوكة في نص راسو بي محنهم دي !!! والله صح


    ياسوما بنو جكة ديل من اجل المال مش يجيبو الكعبة في الساحة الخصراء
    ديل يقولو يوم القيامة يوم سقوط البشير .
    زي ما جابو الجنة في الجنوب زمان للشباب عشان يجاهدوا الكفار ويدخلو الجنة
    في مقابر كاجو كاجي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 01:32 PM

محمد طه الحبر

تاريخ التسجيل: 10-15-2009
مجموع المشاركات: 1950

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: يوسف السماني يوسف)

    ســــــــــــــــــوما


    لاتعليق


    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 03:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: محمد طه الحبر)

    Quote:
    يا قول حبوبتي الله يرحما:
    يهووووون الله. والله ياهو الفضل.
    ومرات تقول: بِدع يا بلآل، عندما يكون الأمر عجب.

    دايرين لينا عريبي متخلف من السعودية يجي يالرآآآآآآحة يدخل في كعبتم دي بي ضهر ليل،
    ويقول كدي يتبرز ويزوغ. أها، النهار البشير وكت يكلموهو، يقول كدي يلِم الناس في
    الساحة الخدرا. بعد يرغي ويزبد يكشحلوا كم طلآق في فضاء الساحة الخدرا، ونضر فوقوا
    حقت السعودية إلا يخليها صعيداً زلقا. الجماعة يطرحولهم كم عطاء لإستيراد أفيال من
    الهند، وطبعاً العطاءات دي حاتكون صورية سااااكت لأنو السيّد المتعافن زمااااان جاب
    الفيلة وقبض الفي النصيب. أها بعد داك بيكونوا دايرلهن دليل. دي طبعاً حا يتنافسو فيها
    طبالين السعودية لكن الأقرب إليها ولدنا عمر أطال الله عمره نسبةً لأنو الناس ديل
    ما بيبقوا بلآهو.
    أها قطعتُن البحر اللحمر شاحد المولى الكريم يلِم فوقهم الطير الأبابيل يعدِمُن نفاخة النار.

    مُنتهى السفه والإستهتار بالدين. كلوووو سكتنا عليهو كمان جاتنا كعبة؟؟؟!!! السعودية
    دي فيها الآف المطوعين، والنت فيهو ملآيين المواضيع والفديوهات المصورة البتوضح
    مناسك الحج والعُمرة. خلآس يعني إقمتم العدل في الأرض ونشرتوهو بين الناس وبقى
    ان تلتفتو لتعليم الناس مناسك الحج بهذه الطريقة التي لا تخلو من الإستهتار؟؟؟!!!
    عليكم الله من هسّع ورونا منو الحايجي بكرة يقولنا ما أُريكم إلا ما ارى ولا أهديكم
    إلا سبيل الرشاد. اتوقع ان يقوم بهذا الدور السيّد علي عثمان نسبةً لما لديه من إمكانيات
    كبيرة في مجال المكر والدهاء.


    ود ابوي المدير يا حليلك يا الحنين .. يعلم الله مشتاقين يابا
    الله يرحم حبوبتك وحبوبتنا يا ود المدير يا خوي
    وانا بقول مع الحبوبة الله يرحمها ,و بدع يا البشير ’’ بدعت عييييييييييييل وفرجت فيك الله وخلقه
    النبي فيك عملتهم دي إبليس بفكر فيها ؟؟
    بعدين وعليم الله سمعت قالوا بدوروا يسولهم كم كعبة في الولايات
    والله لا عرفت اضحك ولا ابكي على التخلف والإستهتار الماشي على قدمين
    والله يا ود المدير شدة مي الناس ممحنة في عملتهم دي لامن بقى ما في شغلة ولا ونسة غير البدعة الإنقاذية دي !!!
    عندنا جيرانا من سنجة جات سيرة المجسم العجيب ده والناس كلها إستنكرت عملتهم دي في الخرطوم ,
    قالوا لي سمعنا إنه عملوا لينا في سنجة برضو لوووووووووووووولز
    قلت خلااص بدوروا يوزعوا الكعبة متل جامعاتهم المخستكة ديك
    الله هونيني على قول اخوي نوريت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 03:55 PM

محمد عبدالرحمن محمد
<aمحمد عبدالرحمن محمد
تاريخ التسجيل: 10-12-2010
مجموع المشاركات: 1556

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: حبابكم كلكم يا اهلنا ’’ وجمعة مباركة على الجميع إن شاء الله

    موضوع مجسم الكعبة الجابت خبروا الزميلة إيزابيلا جزاها الله ألف خير ,, بالحيل متور نفسي ومحرق روحي
    والعجب لامن شفت التصاوير جابها اخوي يحي ود عمي ابنعوف الله يباركو إن شاء الله ,
    وحات الله متحيرة وبحلقت عيني في التصاوير لامن برقن
    إتو الناس ديل بي صحهم ؟؟
    بنولنا الكعبة ما قصرو تـــــــــب , اها في طوافهم ده بجبرونا نشكرهم ولا على كيفنا نداعيهم لامن نسقط حجرهم ..
    الله يستر ما يقولونا بعد الحجة بتدخلوا الجنة ,, ما بتغلبهم تب , والله صحي
    كدي شوفوا كلكم فكرتي اللجبتها ليهم لي باقي المناسك مي فكرة سمحة ؟؟ وحات الله ما قصرت معاهم ,, وكلو لله في الله ساااي ,, والله صحي

    اها قالوا بدورو يعلموا اهلنا الطواف في الكعبة البنوها في الساحة الخضراء
    يا اخوانا زول يجيب لي التصاوير ,, تصاوير الكعبى ومقام سيدنا إبراهيم ,, شكيناهم على الله
    الله يستر ما يسموا المقامات بي إسمهم , ما بغلبهم , واحد فيهم بنالوا عمارة وسماها ذات العماد ,, والله صحي
    شاحده الله عامود نور يقع في نص نافوخك يسقط اجلك ,, قولوا آمين
    اها نجي لي حجهم ناس بنو جكة
    نشوف باقي الشعائر يعملوها وين ؟
    هم ما قالوا دايرين يعملوا لي الناس تدريب وبروفات ,, عليكم الله ده حج ولا مسرحية حا تمثل في المسرح ؟؟
    عارفين عندي ليكم فكرة متبرعة ليكم بيها ساي لله في الله ,, طالما إنه العمل ده في سبيل الله , خلوني النساعدكم و أتم ليكم باقي حجكم ده..
    اولا بالتبادي الحج ده بدور ليه شيطان يرجموا . تحمدوا سيدكم عندكم كتاااار وروسينهم ماكنة وعويناتها مبرقة متل البوم ,, نسعل الله السلامة ,,
    دحين إن طبقتوا فكرتي دي , انا اول زول بي قبيلتي كلها بنحج معاكم ,
    شفتوا كيفن ! وبضمن ليكم كل اهلي الغبش وباقي المهمشين والمطحونيين من الشعب الفضل ,,,لكن شرطنا ما تعلمونا الطواف بس.
    الطواف ده سااااهل ,, نحن بندور لينا شياطين نرجمها , الحجر مرات بجلي من اول مرة , لازم نتعلم الرجم كم إسبوع كده , وبعدين نجي للطواف
    , وبما إنه الحج حجنا وفي بلدنا , يبقى لازما الجديع يبقى بالطوب اللحمر واللخدر ,, آي نرصع ونفلع من مواردنا المحلية
    وبما إنه المغايس كتيرة , الرجم براهو مو كفاية . ناس يرجموا , وناس بعد الرجم يتلبوا فوق رقابكم يقصوها
    وناس شلاليت ساي في الضهور لامن تقولوا الروب ,, نكون خلصنا حقنا ولبينا ليكم النداء, يعني عصفورين بي فد جدعة . حسب طلبكم ,,,,
    والحج مدام بقى في الساحة الخضراء , الحج يكون لعموم اهل السودان . مو بقى ساااااااهل يحمدو سيدهم لا فيزا لا تذاكر سفر,, الله ريحهم اهلنا من البعثات وسرقتها ولفحيها لي حق الغلابة ,
    كتر خيركم وبارك الله فيكم بتدوروا تسهلوا لي المواطن اصعب شيء,, ما قصرتو معاه كلو كلو
    آي نعم غليتوا الحاجات كلها وكتلتوا الناس بالمرض والجوع والحروب ,, لكن اها بنيتو لينا كعبة عديييل
    مافي رئيسا قبالكم سواها ,, فتوا ابرهة بي غادي بي مليون سنة ضوئية
    اها يقوموا يجوا اهلنا الممغوسين ديل من جموع اهل السودان ,, عشان يحجوا ويطوفوا ويفلعوا شيطانيكم ويفشوا غباينهم.
    مدام الشعب ده مو داير يمرق ولا إنتو مدنو فرصة يظاهر ويعبر عن قرفو . خلوا اليجي يفلع في كعبتكم البنيتوها من دمه ورزقه ,
    والفليع تلاتة يوم ,, تترصوا لينا إنتو يا ناس الإنقاذ
    , ما الفكرة فكرتكم .. عاد نجيب ليكم شياطين من وين نفلعها ؟
    والشيطان إنتو عارفنو مااااكن وكرشو ملانة من السحت
    وراسو ملان إجرام ؟ عاد ده مو ياهو منكم وفيكم ؟؟؟
    اها نجي للهدي ,, الهدي ده الرسول فوقكم ودوهو لينا مدني .. الدباغة راس ..
    عاد الجلود دي نوديها وين .. ده إختصار للنقل والترحيل ....واللحم الكتير
    ده صدروه بي غادي بي بورتسودان , المسافة بقت في النص ..
    اتبرعوا بيهو لي ناس جدة , ناس جدة ديل يخربهم معلمين الله فقرانين وفلسانين .زي المصريين اللحقتوهم بي كم مراح بقر ,
    , إنتو ماكم كريمين واجوادين على الأغراب , وناسكم إن شاء الله يسفوا التراب ,, والله صحي ..
    اها نواصل حجنا , مزدلفة ومنى ديل ما بتغلبوا فيهم حيلة تب ,,
    الثورات راااااقدات عندكم من الثورة الأولي لي الحارة مية والكلاكلات .
    شوفولكم زولا بدور يربح وقسموا عليهو باقي المناسك. وإحرام الحجاج اقترح ليكم يكون لبس الصاعقة , عشان القماش راقد عندكم ويبقى زيتكم في بيتكم ,
    واهم شيء عندنا بير زمزم ,, احفروا لينا بير زمزم في جياد آآي جياد دي محلتها سمحة وفيها المترة ,,
    ما عليكم إلا تغرقوا لينا المطامير وجيبوا لينا حناطير تنقل موية الله المارقة من جوف البير والمطامير وبيعوها لينا موية زمزم
    بنصدقكم والله , عاد إنتو بنيتو الكعبة بندور نكضبكم في زمزم الموية الزرقاء دي ؟
    وطبعا شهداء احد وبدر راااااااااااااااااااقدين عندكم ولا محتاجين تقتلوا ناس تانية عشان تعبروا لينا عن جهادكم .
    دار فور براها الإعترف بيها بشيركم قال 10 ألف وما خفي اعظم
    يعني اكتر من المسلمين الماتوا في زمن الرسول عليه الصلاة والسلام !!! والله لكن الحج والشهداء عندكم تحمدوا وتشكروا فضلو ,
    الشفيع والبقيع , اقترح عليكم تودوهو سوبا والباقير , برضو قريب لي محل كعبتكم الإفتراضية وكلها فركة كعب ,.
    نزلوا ليكم باصات تمصوا بيها الفضل من فتات المطحونيين وبرضو إسم سياحي ليكم ,,
    وشعائر الحج ما محتاجين تشيلوها من الكتب . رااااااقده عندكم , هي لله هي لله ,ولا للسلطة ولا للجاه ,,
    وجبل عرفات زي ما قلت ليكم , جبال الفاو , اولا بالتبادي كتيرة , وعالية ما يقدر يتشعبط فيها زول غير القرود , التمشي الناس دي تتشعلق وتشكيكم لي الله ,,
    ما الحكاية كلها بقت محلية ,, بعدين عشان الزحمة وكده , ابدوا حججوا في الناس من هسع ,, وما تنسوا الكرامات ,, انكتولنا كم كرامة من شيخ فلان والدجال علان
    متل كرامات شهداء جهادكم الإنقلبوا بي قدرة قادر لي فطايس,, الناس الشميتو ريحة مسكهم , وسبحان الله فيهم من رجع اهله تاني وما مات زاتو
    يعني المسك ده ما بعرفوا يكون شميتوه من وين ؟ يا ربي تكون كولنيا ولا ريحة الصابون ؟ مخيــــــــــــــــــــــــــر الله
    المهم قولوا ليهم الناس السنة دي عندنا حج محلي ومستورد . اهلنا الغبش بجوكم تـــب ,
    فش مغيسة ساي بجوكم لي فليعكم ورجمكم ,,وناسكم اليسافروا السعودية
    تاني فضل شنو ,؟ اختوا لينا الجبايات في طرف الساحة الخدراء ,, عشان الناس تجيكم منبهلة ..
    لكن والله يا جماعة الخير اكتر شيء وجعني تعقيب وزير الأوقاف وكلامو الغريب وعجيب ادناه ,, النبي شوفوا الزول ده قال شنو !!!!
    (وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج
    ،ودعا امراء الافواج لجلب الحجاج الى المجسم للتعرف على كيفية اداء المناسك )
    .عليكم الله المطنقعين وانصاف المتفقهين والمضللين الناس منو ؟؟؟ الناس ديل ما مبدعيين وخطيرين لدرجة قف تأمل!!!!
    واحد بدور يبقى نبي ويصلي العصر في بني قريظة بي كتيبته السماها جماعة التكفير والتهكير
    والتاني بنى لينا كعبة في الساحة الخضراء ويدعو لي تعليم الحج في العام 2011 لي اهلنا البدوا الحج بالإبل ,
    التالت غايتو بحول بيت المقدس في مول عفراء
    و الحج بقى في الساحة الخضراء والمحلي داخل عطبرة ,,
    أنعم وأكرم ....
    يا اهلنا الناس ديل إن ما قوموا ليكم القيامة قبال يومها بقوموا لي كل زولا فيكم كوكة في نص راسو بي محنهم دي !!! والله صحي ,,,
    ربي يقوم ليهم في روسينهم قمل وقراد ينتفهم ويمص دمهم زي ما مصوا دم الشعب المسكين
    يمهل ولا يهمل

    ودعتكم الله
    اسماء الجنيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 04:03 PM

محمد عبدالرحمن محمد
<aمحمد عبدالرحمن محمد
تاريخ التسجيل: 10-12-2010
مجموع المشاركات: 1556

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: محمد عبدالرحمن محمد)

    بت الجنيد،
    بعدت من البورض، يا عملات الصايم، وبقيت آبعرف انداخل كيفن
    فشان كدي جا اقتباسي بلا مداخله

    مداخلتي ملخصا قتلك فيها
    الناس ديل قدرو يتورو نَفَسِك لا قدر دا؟

    الله لا اداهم نَفَس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 05:17 PM

سيف بخيت موسي
<aسيف بخيت موسي
تاريخ التسجيل: 06-06-2008
مجموع المشاركات: 2034

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: محمد عبدالرحمن محمد)

    لو شفتي التريقة الشغالة فينا من السعوديين وباقي العرب هنا ، حاجة تكسف

    والمشكلة منقولة على القنوات الفضائية

    عندي صديق سعودي قالي (والله يا أبو محمد خائف حجاجكم ديل يكتفوا

    بهذا القدر من الحج وما يجو عندنا هنا)


    الله يلزمنا الصبر وبسس


    تحياتي للعزيزه سومه

    وسلامي للجميع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 07:58 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: سيف بخيت موسي)

    Quote: العزيزة/ سوما
    سلام

    الموضوع جد غريب وغريب.
    لعبوا بكل شئ.. واخيرا ابدعوا في لعبهم بالدين هذه المسخرة..
    والحكاية كلها عندهم بزنس وأرباح..
    لازم يفوتوا الشيطان بسنوات ضوئية في المكر والاجرام..

    والمشروع الغريب هذا ستتوالد منه منافع كتيرة..
    خدمات السمسرة والجبايات.. لان الغرض في الاساس هو اللعب والمتاجرة..
    سيتم جلب الحجاج من وقت مبكر الى مدينة الحجاج بسوبا..
    ويكون برنامج الحج المحلي شرط يلزم كل حاج..
    نثريات اقامة..
    وبرامج الترحيل..
    وما يتبع من خدمات واستهبال..
    وكل من فاته اللهط في زمن البترول من المحاسيب سيكون له النصيب..

    مسكين ابوك يا بلد..

    حبابك يا عزيز العزيز ’ اريتكم طيبين إت وناس بيتكم
    الما غريب شنو يا عزيز يا خوي , الحال كلها بقت عجيبة وغريبة ومااااائلة
    قدر ما نقول الناس دى خلاص فترت وغلبها زاتها تسرق وتدس القروش دي وين !!!
    يطلعوا لينا بي تقليعة اكبر من القبالها , حيرونا في مخنا زاتو , وحيروا إبليس ذات نفسو ,, والله صحي ,,
    هم يا خوي كان ما قاصدين منها مأكلة وملي بطون , بقلعوا لينا بي هجيمة قدر دي ؟
    الجشع والطمع عمى بصرهم وبصيرتهم ,,
    ربنا ينتقم منهم ويريح العباد الليلة قبال باكر
    قااااااااااااادر يا كريم
    شكرا يا عزيز على الطلة الجنينة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-01-2011, 08:33 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    ** بت الجنيد..
    ** سـلام وصباحك خير..
    ## ونزيدك من الشعر بيت ,, وحتى تعم الفائده جميع الرساليين فلقد تقرر :-**1\ ماء زمزم السودانى ادوهو للمتعافن يجيب موية أٌم روابه..
    **2\ حرس الحرم المكى السودانى "تحت التعيين" لازم يكون حافظ 7 أجزاء من القرآن وتابع لعبدالرحيم "أبو رياله".
    **3\ إدارة المطوفيين ومتحصلى الجبايات والرسوم عبدالله البشير..
    **4\ شؤون إدارة الحلاقين والكراسى المُتحركه حرم الريس التانيه"وداد"..
    (ودام الود بيننا)
    (ابو محمد فؤاد)

    ## كسره:- تشاركنى نفتح محل كنتاكى جنب الحرم قبل ماالجماعه يدوهو لواحد منهم..

    حبااااااااااااااااااااابك يا عبد الكريم اخوي وحباب طلتك الديمة سمحة
    ومداخلتك دي براها كمان ,, لوووووووووووووووووولز قلت لي عملت ليهم كشف عديييل ووزعت ليهم المهام .
    ما قصرت تب معاهم والله ,, لكن وداد باااااااااااااااالغت معاها اديتها اهم حاجتين لوووولز
    قلت لي نعمل محلات كنتاكي ؟ لوووولز
    رضياااااااااانة تب , علا يا عبد الكريم اخوي نحن اهلنا الغبش ديل بدورو العصيدة الحاااااااااارة وملاح الروب ,, والله صحي
    ولو عجلانين بيأكلو الكسرة بي البنضورة , اها كمان الجبنة مهمة شديييييد
    انا غايتو بتحكرلك تب وبسوي ليكم جبنة حبيبك يا يابا
    إنت شوف لي ناس تاني يساعدوني في العصيدة والملاح
    تسلم يا ابو محمد فؤاد ,, وتسلم ايامك إن شاء الله يا خوي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 03:02 AM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 6840

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: حبابكم كلكم يا اهلنا ’’ وجمعة مباركة على الجميع إن شاء الله

    موضوع مجسم الكعبة الجابت خبروا الزميلة إيزابيلا جزاها الله ألف خير ,, بالحيل متور نفسي ومحرق روحي
    والعجب لامن شفت التصاوير جابها اخوي يحي ود عمي ابنعوف الله يباركو إن شاء الله ,
    وحات الله متحيرة وبحلقت عيني في التصاوير لامن برقن
    إتو الناس ديل بي صحهم ؟؟
    بنولنا الكعبة ما قصرو تـــــــــب , اها في طوافهم ده بجبرونا نشكرهم ولا على كيفنا نداعيهم لامن نسقط حجرهم ..
    الله يستر ما يقولونا بعد الحجة بتدخلوا الجنة ,, ما بتغلبهم تب , والله صحي
    كدي شوفوا كلكم فكرتي اللجبتها ليهم لي باقي المناسك مي فكرة سمحة ؟؟ وحات الله ما قصرت معاهم ,, وكلو لله في الله ساااي ,, والله صحي

    اها قالوا بدورو يعلموا اهلنا الطواف في الكعبة البنوها في الساحة الخضراء
    يا اخوانا زول يجيب لي التصاوير ,, تصاوير الكعبى ومقام سيدنا إبراهيم ,, شكيناهم على الله
    الله يستر ما يسموا المقامات بي إسمهم , ما بغلبهم , واحد فيهم بنالوا عمارة وسماها ذات العماد ,, والله صحي
    شاحده الله عامود نور يقع في نص نافوخك يسقط اجلك ,, قولوا آمين
    اها نجي لي حجهم ناس بنو جكة
    نشوف باقي الشعائر يعملوها وين ؟
    هم ما قالوا دايرين يعملوا لي الناس تدريب وبروفات ,, عليكم الله ده حج ولا مسرحية حا تمثل في المسرح ؟؟
    عارفين عندي ليكم فكرة متبرعة ليكم بيها ساي لله في الله ,, طالما إنه العمل ده في سبيل الله , خلوني النساعدكم و أتم ليكم باقي حجكم ده..
    اولا بالتبادي الحج ده بدور ليه شيطان يرجموا . تحمدوا سيدكم عندكم كتاااار وروسينهم ماكنة وعويناتها مبرقة متل البوم ,, نسعل الله السلامة ,,
    دحين إن طبقتوا فكرتي دي , انا اول زول بي قبيلتي كلها بنحج معاكم ,
    شفتوا كيفن ! وبضمن ليكم كل اهلي الغبش وباقي المهمشين والمطحونيين من الشعب الفضل ,,,لكن شرطنا ما تعلمونا الطواف بس.
    الطواف ده سااااهل ,, نحن بندور لينا شياطين نرجمها , الحجر مرات بجلي من اول مرة , لازم نتعلم الرجم كم إسبوع كده , وبعدين نجي للطواف
    , وبما إنه الحج حجنا وفي بلدنا , يبقى لازما الجديع يبقى بالطوب اللحمر واللخدر ,, آي نرصع ونفلع من مواردنا المحلية
    وبما إنه المغايس كتيرة , الرجم براهو مو كفاية . ناس يرجموا , وناس بعد الرجم يتلبوا فوق رقابكم يقصوها
    وناس شلاليت ساي في الضهور لامن تقولوا الروب ,, نكون خلصنا حقنا ولبينا ليكم النداء, يعني عصفورين بي فد جدعة . حسب طلبكم ,,,,
    والحج مدام بقى في الساحة الخضراء , الحج يكون لعموم اهل السودان . مو بقى ساااااااهل يحمدو سيدهم لا فيزا لا تذاكر سفر,, الله ريحهم اهلنا من البعثات وسرقتها ولفحيها لي حق الغلابة ,
    كتر خيركم وبارك الله فيكم بتدوروا تسهلوا لي المواطن اصعب شيء,, ما قصرتو معاه كلو كلو
    آي نعم غليتوا الحاجات كلها وكتلتوا الناس بالمرض والجوع والحروب ,, لكن اها بنيتو لينا كعبة عديييل
    مافي رئيسا قبالكم سواها ,, فتوا ابرهة بي غادي بي مليون سنة ضوئية
    اها يقوموا يجوا اهلنا الممغوسين ديل من جموع اهل السودان ,, عشان يحجوا ويطوفوا ويفلعوا شيطانيكم ويفشوا غباينهم.
    مدام الشعب ده مو داير يمرق ولا إنتو مدنو فرصة يظاهر ويعبر عن قرفو . خلوا اليجي يفلع في كعبتكم البنيتوها من دمه ورزقه ,
    والفليع تلاتة يوم ,, تترصوا لينا إنتو يا ناس الإنقاذ
    , ما الفكرة فكرتكم .. عاد نجيب ليكم شياطين من وين نفلعها ؟
    والشيطان إنتو عارفنو مااااكن وكرشو ملانة من السحت
    وراسو ملان إجرام ؟ عاد ده مو ياهو منكم وفيكم ؟؟؟
    اها نجي للهدي ,, الهدي ده الرسول فوقكم ودوهو لينا مدني .. الدباغة راس ..
    عاد الجلود دي نوديها وين .. ده إختصار للنقل والترحيل ....واللحم الكتير
    ده صدروه بي غادي بي بورتسودان , المسافة بقت في النص ..
    اتبرعوا بيهو لي ناس جدة , ناس جدة ديل يخربهم معلمين الله فقرانين وفلسانين .زي المصريين اللحقتوهم بي كم مراح بقر ,
    , إنتو ماكم كريمين واجوادين على الأغراب , وناسكم إن شاء الله يسفوا التراب ,, والله صحي ..
    اها نواصل حجنا , مزدلفة ومنى ديل ما بتغلبوا فيهم حيلة تب ,,
    الثورات راااااقدات عندكم من الثورة الأولي لي الحارة مية والكلاكلات .
    شوفولكم زولا بدور يربح وقسموا عليهو باقي المناسك. وإحرام الحجاج اقترح ليكم يكون لبس الصاعقة , عشان القماش راقد عندكم ويبقى زيتكم في بيتكم ,
    واهم شيء عندنا بير زمزم ,, احفروا لينا بير زمزم في جياد آآي جياد دي محلتها سمحة وفيها المترة ,,
    ما عليكم إلا تغرقوا لينا المطامير وجيبوا لينا حناطير تنقل موية الله المارقة من جوف البير والمطامير وبيعوها لينا موية زمزم
    بنصدقكم والله , عاد إنتو بنيتو الكعبة بندور نكضبكم في زمزم الموية الزرقاء دي ؟
    وطبعا شهداء احد وبدر راااااااااااااااااااقدين عندكم ولا محتاجين تقتلوا ناس تانية عشان تعبروا لينا عن جهادكم .
    دار فور براها الإعترف بيها بشيركم قال 10 ألف وما خفي اعظم
    يعني اكتر من المسلمين الماتوا في زمن الرسول عليه الصلاة والسلام !!! والله لكن الحج والشهداء عندكم تحمدوا وتشكروا فضلو ,
    الشفيع والبقيع , اقترح عليكم تودوهو سوبا والباقير , برضو قريب لي محل كعبتكم الإفتراضية وكلها فركة كعب ,.
    نزلوا ليكم باصات تمصوا بيها الفضل من فتات المطحونيين وبرضو إسم سياحي ليكم ,,
    وشعائر الحج ما محتاجين تشيلوها من الكتب . رااااااقده عندكم , هي لله هي لله ,ولا للسلطة ولا للجاه ,,
    وجبل عرفات زي ما قلت ليكم , جبال الفاو , اولا بالتبادي كتيرة , وعالية ما يقدر يتشعبط فيها زول غير القرود , التمشي الناس دي تتشعلق وتشكيكم لي الله ,,
    ما الحكاية كلها بقت محلية ,, بعدين عشان الزحمة وكده , ابدوا حججوا في الناس من هسع ,, وما تنسوا الكرامات ,, انكتولنا كم كرامة من شيخ فلان والدجال علان
    متل كرامات شهداء جهادكم الإنقلبوا بي قدرة قادر لي فطايس,, الناس الشميتو ريحة مسكهم , وسبحان الله فيهم من رجع اهله تاني وما مات زاتو
    يعني المسك ده ما بعرفوا يكون شميتوه من وين ؟ يا ربي تكون كولنيا ولا ريحة الصابون ؟ مخيــــــــــــــــــــــــــر الله
    المهم قولوا ليهم الناس السنة دي عندنا حج محلي ومستورد . اهلنا الغبش بجوكم تـــب ,
    فش مغيسة ساي بجوكم لي فليعكم ورجمكم ,,وناسكم اليسافروا السعودية
    تاني فضل شنو ,؟ اختوا لينا الجبايات في طرف الساحة الخدراء ,, عشان الناس تجيكم منبهلة ..
    لكن والله يا جماعة الخير اكتر شيء وجعني تعقيب وزير الأوقاف وكلامو الغريب وعجيب ادناه ,, النبي شوفوا الزول ده قال شنو !!!!
    (وحذر وزير التوجيه والاوقاف عثمان الكباشي أمس، من وصفهم بـ»المتنطعين وانصاف المتفقهين « من استصدار الفتاوي المضللة للحجيج
    ،ودعا امراء الافواج لجلب الحجاج الى المجسم للتعرف على كيفية اداء المناسك )
    .عليكم الله المطنقعين وانصاف المتفقهين والمضللين الناس منو ؟؟؟ الناس ديل ما مبدعيين وخطيرين لدرجة قف تأمل!!!!
    واحد بدور يبقى نبي ويصلي العصر في بني قريظة بي كتيبته السماها جماعة التكفير والتهكير
    والتاني بنى لينا كعبة في الساحة الخضراء ويدعو لي تعليم الحج في العام 2011 لي اهلنا البدوا الحج بالإبل ,
    التالت غايتو بحول بيت المقدس في مول عفراء
    و الحج بقى في الساحة الخضراء والمحلي داخل عطبرة ,,
    أنعم وأكرم ....
    يا اهلنا الناس ديل إن ما قوموا ليكم القيامة قبال يومها بقوموا لي كل زولا فيكم كوكة في نص راسو بي محنهم دي !!! والله صحي ,,,
    ربي يقوم ليهم في روسينهم قمل وقراد ينتفهم ويمص دمهم زي ما مصوا دم الشعب المسكين
    يمهل ولا يهمل

    ودعتكم الله
    اسماء الجنيد

    شكرا ايتها الشاعرة النابضة بضمير أهلها.

    Quote: ما الفكرة فكرتكم .. عاد نجيب ليكم شياطين من وين نفلعها ؟

    السؤال ده بالذات جدير بالسعفة الذهبية.

    محبتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 03:48 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: الفاتح ميرغني)

    بت الجنيد ............تمرينا مبرورا

    اقتراح يجيبو مدرب محترف من السعودية لانو تدريب ماذدا ماودانا لى قدام
    ومفروض برضو يعينو كم مطوف يعلم الحجاج ديل اكل الكبسة باليد دون
    ان يتدفق الرز خارج الصحن وحات الله دى اصعب من تعليمهم الحج..
    اسماء اعملى ليك معهد صغير واكتبى فيه معهد بت الجنيد لحجاج الصعيد
    واعملى انتسف كورس للعمرة يمكن تغنى والله يتوب عليك من الغربة دى،،،
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 06:37 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: صديق الموج)

    هاهاهاهاهاها

    والله عشنا وشفنا يا سومة

    نعلك طيبة ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 11:09 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: حبيب نورة)

    Quote: اهم حاجة وروهم كيفن يتصرفو وقت اى حاج يطش
    ويتصل بمندوب البعثة ويلقاهو قافل تلفونو ونايم فى جده


    سلام اخوي عبد الدائم اريتك طيب يابا
    شر البلية ما يضحك لووووووووووولز صدقت وحات خوتك
    عشان كده بكونو يا ود امي عملوا الحج المحلي ده
    وزيتنا في بيتنا
    وفضيحتنا مستورة

    تسلم يا خوي وربنا يريحنا من ناس ابو جكة ديل قاااادر يا كريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 12:05 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: سوما يا غالية
    تسلمي ويسلم عقلك

    الله يجازي محنك كعبة عديل كدى

    ههههههههههههههههههههههههههههههههههه

    يا اخونا شوفو المصيبة دي الكعبة عديل كدى

    قامت الإنقاذ بالاعتداء على الدين نفسه بتثبيت النسبة الشهرية من الزكاة،
    و ذلك اعتداء صارخ و صريح على كل من يفهم مبادئ الدين، و بضرورة إكمال الحول على المال كي تجوز عليه الزكاة،
    أقامت لها المؤسسات و المباني الشاخصة في بلد يتميز بالفقر المدقع و الندرة البالغة
    حيث كان يمكن ابتلاع ذلك الصرف البذخي على تلك المؤسسات
    إذا حدث اكتفاء في مصارف الزكاة الشرعية، حيث أن الإنقاذ و بخلاف الأمر الديني
    قامت بصرف أموال الزكاة في غير مصارفها و ذلك بابتياع السيارات و إغداق الأموال و السيارات
    على القائمين عليها قبل صرفها على من سنت الزكاة أصلا من اجلهم

    حبابك يا ود امي '' اريتك طيب يا خوي
    نان قالولك ميس .. آآآي نعم كعبة عديل وفيها كمان الصفاء والمروة والطواف باﻹحرام
    ضحكوا فينا خلق الله عدييييل ,, والله صحي
    شفت الهبر ده كيفن يا يحي يا خوي
    هبر تقيل من النوع ابو أسد , ابو كديس ما بنفع مع ديل
    والعجيبة يا خوي في تلاميذ ﻻفين ساي في العاصمة بﻻ تعليم وﻻ قراية ,, مخيــــــــــــــر الله
    القروش دي ما كان اولى يدفعوها رسوم للغلابة اﻷبرياء ديل ويخلوهم يقروا ؟ القر الينفخهم على قول حبوبتي
    نعيش كتير يا يحي يا خوي نشوف كتير مع ناس عمر البشير
    يريح الناس منهم رب العباد قريييييب إن شاء الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 01:23 PM

Omer Abdalla
<aOmer Abdalla
تاريخ التسجيل: 01-02-2003
مجموع المشاركات: 3077

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    سلامات يا أسماء
    ديل بعد المساجد البنوها بملايين الدولارات في أحيائهم الراقية ومن أموال الغلابة، بتغلبهم الكعبة؟!! فموضوع الدين عندهم مظاهر فارغة بلا روح..
    قالو تدريب.. طيب الحيدربكم على التوبة النصوحة شنو، بعد 22 سنة من أكل أموال الناس بالحرام - اختلاسات ولهف مال عام ومخصصات وجبابات من شعب يرزح تحت خط الفقر ويفتقد لأبسط الخدمات الضرورية في دولة "كانت" بترولية..
    حسع تلقي إبليس ذاتو متحير منهم ومتبري من أعمالهم..
    عمر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 04:05 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: Omer Abdalla)

    Quote:
    سوما أختي....كيفنك
    كدي...خليك من الكعبة بتاعة التمارين دي.
    العارفين بقولوا – حتى في الكعبة الأم – كان طفت بالبيت ولم تطف بقلبك، فلم تطف.
    وإذا وقفت بعرفة ولم تعرف، فما وقفت.
    أما كعبة التمارين، فأمرها مكشوف ....(بزنس).

    عبد الحي اخوي حبابك يابا ,, تسلم من كل بلا إن شاء الله
    صدقت والله , اي شيء في سبيل الله بدور اليقين والإيمان من جوة القلب
    لكن يل حتى في سرقتهم ونهبهم في عدم تفكير وتدبير ,, بلادة عديييل
    يعني ما بكونوا فكروا في ردة الفعل الغبية دي , بقدر ما فكروا في البزنس على قولك
    وربنا داير يكبر حفرتهم في النار
    خلاهم يتخبطوا سااااااااي لامن شوقعتهم تبقى اكبر من السبقوهم ناس بن على ومبارك والمجنون القذافي
    والله نحن العندنا ديل اكتر إجراما منهم جميعا
    إبليس بقول ديل شاركوني في رزقي
    حسبي الله ونعم الوكيل عليهم جميعا
    تسلم يا عبد الحي اخوي على الطلة
    وإن شاء الله ربنا يستجيب لي عبادو من كل صوب ويريحنا من الوباء ده قريب
    يمهل ولا يهمل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 10:44 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:


    ** من إبداعات البروف الفاتح جبرا

    الفاتح جبرا : (حجاج تحت التمرين)!]


    حبابك يا ابو محمد فؤاد يا البتجينا بالسمح والزين
    كتر خيرك كتير يا خوي الحنين على الإضافة الثرة والشكر مطبوق لي اخوي ود جبرا
    الرجل الموسوعة ,, ومن هنا نجدد المناشدة ليك يا الفاتح اخوي تجينا صاد تاني وتثري الساحة بي إبداعاتك اللطيفة المميزة


    شكرا من تاني ليك يا عبد الكريم اخوي
    ود جبرا امانة مو ظريف ,, شوف السيناريو ده عفوي وخفيف كيفن رغم الحقائق المرة المؤكده في كل كلام ود حبرا الله يديه الف عافية يا رب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 11:06 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: سوما قريبتي
    سلام واحترام
    نعلك طيبة وعقابك


    ذكرتيني يوم ماشي في أمان الله
    خلاص رميت الجمرات
    ومارق انجم في الخيمة
    أيام حج الحريق الأخير داك
    ما أشوف ليك إلا الحجار فوق راسي
    قعدت اتضاير ولقيت ساتر اتدسيت فيهو
    المهم
    بعد شويتين أشوف ليك صاحبي زمان الما بغباني داك
    علاء الدين الشين
    شايل حجارو ويفتش فوقي
    ويكورك
    الحمد لله الحمد لله
    أهو الشيطان جاني بي رجليهو لي عندي


    طبعاً مقالدة وونسة وذكريات وعييييييييك

    أها علاء الدين دا كان واحد من الكنا متسلطين عليهو زمان
    كرهناهو ليك عيشتو بالمكاواة
    والمقالب
    محل ما يشوفني أنا وصلاح فردتي
    يشوف ليهو عصاية من أقرب ملف
    وبعد داك يجي يتونس معانا
    أي تخريمة عينك ما تشوف إلأ الخبتي


    وشتان يا سومة بين طيب وعطن
    شتان

    ليتهم يقبلون باقتراحك
    أقلاهو يخففو من ذنوبم الأكبر من الجبال الفي الكون
    شوية يمكن تنولم عفو من رب العباد
    الحائمين باسمو وقادلين



    غايتو نحمد الله
    البقت علينا لا حكت لا بقت


    بركاتك يا الإنقاص بركاتك يا اخي


    حباب ود أمي بلة ,, ود الفريق والحلة ,, اريتك طيب يابا وكل المعاك
    هههههههههههههههههههه ضحكتني والله يا بلة اضحك الله سنك يا خوي
    قت لي هبتك عديل صاحبك ,, ياخ داك زمن راج بسماحة ناسو وطيبتهم
    لكن السوهو فينا القاعدين في قلوبنا ديل لا حكى لا بقى
    بدلوا كل شيء
    جابولهم مساحة ومسحوا زمنا الجميل من ساساو بي ناسو
    وزرعوا سوسهم فينا زي الأرضة , تأكل التراب الراقده فيهو
    لا خيرا فيها ولا في جوارها
    الله يرحلهم مننا الليلة قبال باكر البقوا اسوأ من السوس والأرضة
    نخروا المواطن الغلاب لي عضمو وقرقروا الفيهو وسلبوه
    شكيناهم على حيا دائم صاحي مو نائم
    تسلم يا بلة الحنين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-02-2011, 11:52 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: الاخت سوما
    تحياتي لك وللاسرة

    ياسوما بنو جكة ديل من اجل المال مش يجيبو الكعبة في الساحة الخصراء
    ديل يقولو يوم القيامة يوم سقوط البشير .
    زي ما جابو الجنة في الجنوب زمان للشباب عشان يجاهدوا الكفار ويدخلو الجنة
    في مقابر كاجو كاجي


    حبابك يا يوسف اخوي وحباب طلتك الحنينة ,, اريتك طيب إنت ووليداتك وامهم
    والله يا يوسف يا خوي صدقت ,, ودي الفضلت ليهم ,, يجيبولنا شيتا تاني ويقولوا دي الجنة والنار
    بعدين عليك الله هسه النار ولا العذاب الفي الدنيا دي للمطحونين ديل مو ياهو بيوت اشباحهم دي العذبوا فيها العباد
    ناسيين يوم العذاب الأكبر ,,
    يمهل ولا يهمل حسابهم قرب إن شاء الله
    آمين يا رب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2011, 00:11 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    ســــــــــــــــــوما


    لاتعليق


    تحياتي

    حبابك يا أبو حميد مشتاقين ياخ
    البركة الشفناك يا يابا
    ربي يحفظك من ناس سودا طير ديل يا ود امي
    يا جنا شوفلك شركة طيران تانية اشتغل فيها
    إت يا خوي ماك خايف على روحك دي ؟؟ ربي يحفظك إنت ورفاقتك إن شاء الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-03-2011, 00:18 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: بت الجنيد،
    بعدت من البورض، يا عملات الصايم، وبقيت آبعرف انداخل كيفن
    فشان كدي جا اقتباسي بلا مداخله

    مداخلتي ملخصا قتلك فيها
    الناس ديل قدرو يتورو نَفَسِك لا قدر دا؟

    الله لا اداهم نَفَس

    موحمد ود ابوي عبد الرحمن حبابك يابا يا ضل السحابا
    والبركة في الشوفة يا ود امي ,, اريتك طيب وكل العقاب
    مالك بعدت يا خوي ,, يعلم الله بالحيل مشتهيين الونسة تحت نيمتنا وفاقدنك ,, والله صحي ,,,
    انا هيـــــــــــــــــنة يابا
    لكن وحات خوتك الناس ديل توروا نفس حبوباتك وجدودك جت من طرف
    وجروهم فد جرية في ميسهم السموهو الكعبة , والله صحي
    قدروا عليهم وضحكوا عليهم وقالولهم بندور ندربكم !!!
    شفت النبي جنس المسخرة دي ؟؟؟
    الله غاااااااااااااااالب يا خوي
    لكن شاحدين الله ورسول مكة
    بقدر عدد الحجاج والمعتمرين للسنة دي
    ينزل عليهم غضب من عندو ويشيلهم قبال الحج الجد جد
    ويورينا فيهم يوم ,, نخلص منهم ومن بدعهم دي
    قول آميـــــــــــــــن آآ موحمد آآآ خوي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-05-2011, 11:32 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: لو شفتي التريقة الشغالة فينا من السعوديين وباقي العرب هنا ، حاجة تكسف

    والمشكلة منقولة على القنوات الفضائية

    عندي صديق سعودي قالي (والله يا أبو محمد خائف حجاجكم ديل يكتفوا

    بهذا القدر من الحج وما يجو عندنا هنا)


    الله يلزمنا الصبر وبسس


    تحياتي للعزيزه سومه

    وسلامي للجميع


    حبابك يا سيف اخوي اريتك طيب يابا وكل المعاك ,,, عذرا لتأخير الرد يا الحنين
    إنت يا سيف يا خوي جبت الرايحة ,,
    عارف اكتر شيء بهرد فشفاش على قول امل الله يديها العافية
    التريقة والمهزلة البتحصل بي سبب تصرف الجهلة ديل وإنت ما تقدر تفتح خشمك ترد
    فعلا شيء يغيظ ويفقع المرارة ’ هم هناك يسوا في سواتهم ونحن بعاد نسمع منهم ما يطق له ألف شريان

    ربنا يلزمنا الصبر على قولك والله
    بتفرج لكن إن شاء الله يا سيف يا خوي بتفرج بإذن واحد احد
    كتر خيرك على مرورك الجميل ,, تسلم كتير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-05-2011, 11:53 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: شكرا ايتها الشاعرة النابضة بضمير أهلها.

    ما الفكرة فكرتكم .. عاد نجيب ليكم شياطين من وين نفلعها ؟

    السؤال ده بالذات جدير بالسعفة الذهبية.

    محبتي

    حبابك ود عمي ميرغني ,, الفاتح الزول الشفيف الوريف
    كتر خيرك يابا وربي يجبر بي خاطرك يا الديمة جابر بي خاطري
    ربي يديك قدر يرضيك يا الحنين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

11-26-2011, 04:18 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    البوست ده كان طاشي مني زي طشة الحجاج يوم رمي الجمرات ,, والله صحي


    بتعضر ليكم على قول امي الشام الله يرحمعا يا ود الموج وحبيب نورا وعمر عبد الله ,
    ما تقولوا طنشتكم يا الحبان
    يعلم الله طش مني ساااااااااااي طشة شبكة يوم وقفة العيد .. والله صحي

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-28-2011, 00:05 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote:
    سلامات يا أسماء
    ديل بعد المساجد البنوها بملايين الدولارات في أحيائهم الراقية ومن أموال الغلابة، بتغلبهم الكعبة؟!! فموضوع الدين عندهم مظاهر فارغة بلا روح..
    قالو تدريب.. طيب الحيدربكم على التوبة النصوحة شنو، بعد 22 سنة من أكل أموال الناس بالحرام - اختلاسات ولهف مال عام ومخصصات وجبابات من شعب يرزح تحت خط الفقر ويفتقد لأبسط الخدمات الضرورية في دولة "كانت" بترولية..
    حسع تلقي إبليس ذاتو متحير منهم ومتبري من أعمالهم..
    عمر


    اخوي عمر عبد الله حبابك يابا واعفا لي عليك الله
    كل ما احفر وامرق البوست ده يجري مني اظنو بجك مع ناس بنو جكة ديل

    لكن والله صدقت فعلا كل بنو المساجد وبيوتهم من مال ودم وعرق الغلابة
    لكن الله في
    يمهل ولا يهمل
    تسلم اخي عمر وكتر خيرك كتير للإضافة الثرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-28-2011, 00:26 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: بت الجنيد ............تمرينا مبرورا

    اقتراح يجيبو مدرب محترف من السعودية لانو تدريب ماذدا ماودانا لى قدام
    ومفروض برضو يعينو كم مطوف يعلم الحجاج ديل اكل الكبسة باليد دون
    ان يتدفق الرز خارج الصحن وحات الله دى اصعب من تعليمهم الحج..
    اسماء اعملى ليك معهد صغير واكتبى فيه معهد بت الجنيد لحجاج الصعيد
    واعملى انتسف كورس للعمرة يمكن تغنى والله يتوب عليك من الغربة دى،،،


    ود الموج اخوي تتجازا بالخير آآيابا
    يعلم الله ضحكتني آآآآآآآآآآآآآ الممسوخ

    ابراااااااا آيابا من غنا ناس بنو جكة , مالك على يا خوي
    حمانا الله وإياكم منهم
    قول آآآآآآآآآآمين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-28-2011, 00:31 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** حج بنو جكة *** (Re: اسماء الجنيد)

    Quote: هاهاهاهاهاها

    والله عشنا وشفنا يا سومة

    نعلك طيبة ؟

    يسين الحنين حبابك إت يابا
    إن شاء الله دائما فرحان ومبسوط
    شر البلية ما يضحك يا خوي
    الله يتوب علينا منهم
    قول آميييييييييييييين
    واعفا لي رديت عليك متأخر
    وشكرا للطلة يا ود الفريق والحلة
    تسلم يسين اخوي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de