دعواتكم لزميلنا المفكر د.الباقر العفيف بالشفاء العاجل
|
|
 *** بكري البورد مالو كش ؟؟؟ ***
|
سلام يا اهلنا المنكم طولنا وكل سنة وانتو طيبين كلكم وربي يحقق كل الاماني
ويجعلوا عام جديد سعيد للجميع إن شاء الله
اها يا اخواني
مشيت اجازة ورجعت لقيت البورد كشة وبقي نص طاقة اظنوا بكري اداهو شطفة وكرمشنا كلنا في النص
الشكية لي الله يا يابا
مالك علينا يا بكري نقصت الحوش وقصرت الحيطان؟؟
نحن قلنا دي دار وسيعة بالحيل بتشيلنا بي مهلة
زمان نكتب في البوست لما يصل مية حتى الصفحة التانية تجي
هسة من سبعين تجيك ناطة التانية
يعني هسه يا بكري تاني ما ننشرح زي زمان ولا شنو ؟
ضحكة ود الصائم ديك يكتمها في كريشتوا ديك ؟
ضل نيمتنا كان لامي لينا الفريق كلو والضل كبيييييير حق النيمة
اها نضايروا ليك يعني ولا شنو ؟
بكري عليك الله افرك صلعتك دي كويس ورجع لينا كل شىء زي زمان
ولا رأيكم شنو يا اهلنا
|
|
 
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
تحياتى يا أسماء
نعم البورد كشة و دى حاجة ما كويسة و ما فى صالح الكتابات الجيدة
لو لاحظتى أول عشرة مداخلات بتلقى المنبر المعدل فيه أكثر من مداخلة فى الدقيقة
و لأن معظم الناس الكتابتهم جيدة (دكاترة و بروفات و مسؤولين كبار) لا يتداخلون كثيراً لعامل الوقت و ليس لهم شلليات ترفع بوسطاتهم
مع مرور الوقت ستختفى بوسطاتهم و تبقى البوسطات بتاعة الونسة و المداخلات الكتيرة فقط ( الشلليات) فى الصفحة الأولى
و بالتألى سيخسر بكرى القراء بلا أدنى شك. فى مشكلة حقيقية هنا و خطيرة و بكرى لا بد أن يتداركها و إلا تحول المنبر لغرفة جات كبيرة و مكندشة...
تحياتى يا سيدتى
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: يوسف السماني يوسف)
|
العزيزة/ سومـــا
سلام
المنبر صار غريب جدا.. تصوري الزول يكتب في مداخلة وفي نفس البوست تلقاه وصل الصفحة الخامسة..
والعجيب لما تحاول البحث عن بوست.. أحيانا تنساه..
معك نطالب بمكوة للكشة دي حتى تعود الصفحات الطويلة المريحة..
تحياتي !
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: Abdlaziz Eisa)
|
بكري ..
كرمشت مشاعرنا ذاتو ياخ !؟ *
سلام استاذة اسماء
Quote: بكري البورد مالو كش ؟؟؟
|
امكن عشان بالغنا في ريدو !
بكري و لا هماهو عذابنا ... و لا دموعنا و شقانا
------------
* كان اصلو و لا بد ... فعليك بـ ( داوني ) ... مع داوني حبك ح يبان 
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: محمد زكريا)
|
سلام يا سوما
والبورد منفرد وجهه بحضورك
==========
تخريمه لود المدير
Quote:
بالله ورق البورض بقى زي ورق
البرنسيس، ستة ورقات ما يلفن |
ما يلفن شنو؟
بلاش لف ودوران
والحمام ده مربيهو لشنو وكت ما بتجيب ليهو ذره فتريت
غايتو ضنب عقرب بس
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: محمد زكريا)
|
سلام يا سوما
والبورد منفرد وجهه بحضورك
==========
تخريمه لود المدير
Quote:
بالله ورق البورض بقى زي ورق
البرنسيس، ستة ورقات ما يلفن |
ما يلفن شنو؟
بلاش لف ودوران
والحمام ده مربيهو لشنو وكت ما بتجيب ليهو ذره فتريت
غايتو ضنب عقرب بس
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: محمد زكريا)
|
Quote: تحياتى يا أسماء
نعم البورد كشة و دى حاجة ما كويسة و ما فى صالح الكتابات الجيدة
لو لاحظتى أول عشرة مداخلات بتلقى المنبر المعدل فيه أكثر من مداخلة فى الدقيقة
و لأن معظم الناس الكتابتهم جيدة (دكاترة و بروفات و مسؤولين كبار) لا يتداخلون كثيراً لعامل الوقت و ليس لهم شلليات ترفع بوسطاتهم
مع مرور الوقت ستختفى بوسطاتهم و تبقى البوسطات بتاعة الونسة و المداخلات الكتيرة فقط ( الشلليات) فى الصفحة الأولى
و بالتألى سيخسر بكرى القراء بلا أدنى شك. فى مشكلة حقيقية هنا و خطيرة و بكرى لا بد أن يتداركها و إلا تحول المنبر لغرفة جات كبيرة و مكندشة...
تحياتى يا سيدتى |
الاح العزيز ابا ذر حبابك
كل سنة وانت طيب وربنا يحقق امانيك يا رب[
والله صدقت يا خوي
بالنسبة للكتابات وللقراء بكري حا يخسرنا نحن مش هو براه
لانه ما فاضي زاتو للمتابعة
ربك يهون بس ويرجع لينا بوردينا الاتعودنا عليه واتعود علينا /B]
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote:
البلد ذاتها كشت
البورد ما يكش ليه ؟؟
دا موسم الكشاشان
وإعتقال بت كشان
وحوار الطرشان
|
العزيز صلاح حبابك يابا
مداخلة معبرة جدا حد الوجع
لا عرفت ابكي لا عرفت اضحك على تعبيرك الظريف من الواقع الملموس
ويا ريت بكري يكون متابع معانا
شكرا شكوكو على الطلة
وكل سنة وانت طيب
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote:
الاستاذة اسماء الجنيد
تحياتي
تيمما بما يحدث في السودان نقص السوادان ينقصوا الحوش |
العزيز يوسف ود السماني الرجل الحقاني
حبابك يا خوي
والله نقيص البلد وتقسيمو حانفضل نبكيهو طول العمر
وفراش السودان حا يفضل باقي الا ان ينعدل الحال ويتبدل البكاء بي فرح
ويا رب تهون القواسي
علا آآ خوي دحين مي حاااااااارة حتى في الاسافير نبقى مشتتين ومقسمين
بكري يا خوي رجعلنا البكان زي زمان الله يرضى عليك
شكرا اخي يوسف وكل سنة وانت طيب يابا
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: Maawya Hussein)
|
Quote: العزيزة/ سومـــا
سلام
المنبر صار غريب جدا.. تصوري الزول يكتب في مداخلة وفي نفس البوست تلقاه وصل الصفحة الخامسة..
والعجيب لما تحاول البحث عن بوست.. أحيانا تنساه..
معك نطالب بمكوة للكشة دي حتى تعود الصفحات الطويلة المريحة..
تحياتي ! |
عبد العزيز ود عمي عيسى سلامات يا زول مننا وفينا
كل سنة انت وكل الاسرة بالف خير
والله بكري حيرني بالحيل
شكل البورد بقى ممل ومزعج جدا في الفترة الاخيرة
رغم مساخة الصفحات
اها جا زاد الطين بلة وقلب الحلة
وجاطتت يا بكور ياخ
عليك الله ما تعصر علينا شديد
رجع لينا بلداتنا وحواشتنا وحيشانا الكبار
نحن الضيق مرقنا من ترابنا واهلنا
ما تضيقها علينا في حوشك ده
وحات الله بعد شوية تتلفت تلقى كل زول طبق مركوبو وإتخارج
وكان لي خياتي كلنا يابا بنلفح طرف هدمنا ويا فكيك نمشي نشوفلنا مكان وسيع رغم الولف الكتال في دارك الكانت زينة وحنينة
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: بكري ..
كرمشت مشاعرنا ذاتو ياخ !؟ *
سلام استاذة اسماء |
العزيز قيقراوي حبابك وكل سنة وانت طيب
ياخوي هي بقت داب كرميش مشاعرنا ؟
ده كرمش كل شيء ولحق الصفحات امات طه
مشاعرنا اتعودت يا قيقراوي ياخوي على الكرمشة وبليع العبرات 20 سنة ونحن نعاني الوجع المر
لكن الله غالب
علا كرمشة بكري وجعتنا بالحيل في شان بيته وحوشه كان املنا الفضل نتلاقى ونتفاكر فيه بي راحتنا
بكري هل تسمعنا يا رجل ؟؟؟؟
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
شاعرتنا الرقيقه .. تحية
بكري عمل كده عشان السرعة بتاعت البورد... لو لاحظتي الكششان جا من يوم بداية الاستفتاء.. قرّاء سودانيز اونلاين في اليوم داك بكونوا وصلوا ارقام كبيرة، وده كان حيأثر على سرعة المنبر ويبقى بطيء.. بكري عمل خير بإنه نقّص عدد البوستات في الصفحة الواحده
يعني السبب technical...
محبتي
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: Maawya Hussein)
|
Quote: عبد العزيز ود عمي عيسى سلامات يا زول مننا وفينا
كل سنة انت وكل الاسرة بالف خير
والله بكري حيرني بالحيل
شكل البورد بقى ممل ومزعج جدا في الفترة الاخيرة
رغم مساخة الصفحات
اها جا زاد الطين بلة وقلب الحلة
وجاطتت يا بكور ياخ
عليك الله ما تعصر علينا شديد
رجع لينا بلداتنا وحواشتنا وحيشانا الكبار
نحن الضيق مرقنا من ترابنا واهلنا
ما تضيقها علينا في حوشك ده
وحات الله بعد شوية تتلفت تلقى كل زول طبق مركوبو وإتخارج
وكان لي خياتي كلنا يابا بنلفح طرف هدمنا ويا فكيك نمشي نشوفلنا مكان وسيع رغم الولف الكتال في دارك الكانت زينة وحنينة |
عزيزتي بت امي/ سوما
سلام يا صاحبة الكلم..
ويا ملكة النظم..
ان شاء الله 2011 دي تكون عام خير لك ولأسرتك..
تخيلي يا سوما في الأيام المليئة بالأحداث الساخنة دي.. شيخنا بكري يقوم يبهدلنا في البورد!!
أفتش للبوستات ألقاها في رابع وخامس صفحة..
لا اعرف اول ولا آخر..
والله نحن ما ناقصين وجع..
كفاية شغلانيات استفتاء وانفصال وهلمجرا..
ربنا يهديك يا باشمهندس:
ترجع لينا البورد زي ما كان..
زما تفصلو جنوب/شمال كمان..
تحياتي
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: بالله ورق البورض بقى زي ورق
البرنسيس، ستة ورقات ما يلفن
مدآخلة.
الوآحد بعد ده دآير ليهو جبآدة
عشان يقابض بوستاتو... |
ود المدير كيفنك يابا
وحات الله الشوق حنين
والله صحي
عام جديد سعيد ان شاء الله
بكري السواها فينا نجار في خشبة ما سواها
والله صحي
حتى نيمتنا الحنينة ديك طفشت في آخر الحلة
شالها السيل ,, سيل حوش بكري
طفشها لي طرف البحر دقرت ليها في قيفة يا حليلا
وحاتك ات آ يابا تاني الا نخوض حتى نحصلها
بكري النبي فيك وسع الديار وكر لينا نيمتنا لي بكانا الاولاني
الكشة الجاتنا دي ضيقت علينا يعلم الله
ود المدير حبابك من تاني يابا
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: والله صدقتى يا سوما.
البورد بقى زى باب الحمام,
يعنى الواحد إلآ يتاوق لى بوستيه بى تحت تانى.
إنتو بكرى ده يكون بقى أنصار سنة ولا مالو قصّر البورد كده؟؟ |
عبد الله ود شمس الدين حباب اخوي
كل سنة وانت طيب يا خوي وكل اسرتك يا رب
والله باب الحمام اخير من كشة حوش بكري
على الاقل لما تكوس للحمام بتعرف بابو
لكن هسة اي بوست تكتبو تكوس لامن تفتر ما بتلقاه يكون طفش لي آخر صفحة
بكري كان بقى انصار سنة وقصر جلابيتو
حوشو برضو بقى انصار سنة
الشكية لي اب ايدا قوية
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: سلام يا سوما
والبورد منفرد وجهه بحضورك
|
محمد زكريا الرجل النبيل من الزمن القبيل
طلتك حنينة جنس محنة يا محمد يا خوي
تسلم ان شاء الله من كل بلا
وسنة جديدة سعيدة عليك ان شاء الله
انا ارشحك تكون مدير للبورد ده ونكش بكري ده بره
لكن نديه باسوورد للمداخلات فقط
حيرنا ياخ بكري حيرنا بالحيل
تسلم يا محمد زكريا يا ذوق
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: الاخت سومة حمد لله على السلامة وكل سنة وانت طيبة
والله كلامك في محلو البورد بقى مشعتف ويسوي حراق الروح
ما كفانا الشعتفة الحاصلة في البلد |
حبابك يا سامية الحبيبة
سنة حلوة وسعيدة عليكم يمة
البرود بقى مقرم كلو
والله صحي
الشكية لي الله يا بت امي
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: محمد عبد الماجد الصايم)
|
| Quote: إنتو في كشّة البورض ولّ خرخرة أبو ذر دا!! |
أكضب عليك يا ود الصايم؟؟ أى خرخرته و كلامى ده صاح و مجرب..
و القارئ الحصيف حقو يمشى طوالى لصفحة 2 ، لأن الصفحة الأولى حتكون محجوزة بالونسة بتاعت بورداب أم صفقاً عراض..
لكن برضو الناس القالت زيادة سرعة البورد كلامها صاح..
و عمك بكرى عقلو فى راسو، كل المحاولات بتاعنه فى تشتييت الجماعة ما جايبة دخل ( منبر هندسة، الشعبية، جنوب السودان، ...). الجماعة حارنيين فى العام ده..
أسعد الله صباحك
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: Abuzar Omer)
|
| Quote: احتمال (كش) البورد عندو علاقه بي سرعة التصفح !!تصفح الموقع الان سريع جدا عكس ما كان عليه في الايام الاخيرة |
الاخ العزيز معاوية حسين مرحبتين حبابك
والله امكن تحليلك صاح وانت اكثر فهم مننا في التكنلوجيا العجيبة دي
علا آآخوي برضو بكور لفح البورد القديم وقام بيه سداري
وخلانا في السهلة
وضيق علينا بكانا الاولاني
بكري نحن نطالب ببورد خالي من القريم والشريم والكرمشة
رجاء رد لنا حقوقنا رد الله غربتك
قول آمين
شكرا اخي معاوية وكل سنة وانت طيب
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: ياسر بيناوي)
|
Quote:
شاعرتنا الرقيقه .. تحية
بكري عمل كده عشان السرعة بتاعت البورد... لو لاحظتي الكششان جا من يوم بداية الاستفتاء..
قرّاء سودانيز اونلاين في اليوم داك بكونوا وصلوا ارقام كبيرة، وده كان حيأثر على سرعة المنبر ويبقى بطيء..
بكري عمل خير بإنه نقّص عدد البوستات في الصفحة الواحده
يعني السبب technical...
محبتي |
حباب الحبيبة بت الحسين
نفتح ليك الباب ضلفتين
تسلمي والله وعام جديد سعيد عليكي ان شاء الله
والله يا خية القصة ماها تكنيكال ولا شيء
الشيء بكري خمش من هنا وجدع هناك
وطاقية ده يختها في صنقور داك
وخلانا نحن في السهلة
كدي ناغمي معانا الزول ده كان الله يهداه ويرجعلنا بوستينا في بكانو الزمان
في نص الفريق وجمب الطاحونة
العاشي والماشي كلو يطايب
شكرا مريم بت الحسين تسلمي يمة
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
حمداً لله على سلامة العودة شاعرتنا الرقيقة سوما
كلام العلم بتاع أخونا معاوية و مهندستنا العزيزة بنت العزيز مريم مابنباهو
لكن الفي بكري إتعرفت
لم يراع بكري ( قدس الله سره ) للغلابة أمثالنا الذين يفتحون بوستاً ويحرسونه أو - حسب رواية صديقنا ود الموج - يظلون ( يضايرونه تماماً كالحامل فضية في زحمة المولد ) ، أمثالنا كان يجد في ( الحوش الوسيع والحيطان الطويلة ) متسع إلى أن يأتي من يحسن الظن بكلماتنا فيرفع البوست تداخلاً ، صدقاً أو مجاملة . أما الآن وفي زمن الكششان هذا فنحن ( القاعدين عى هبشة الكسل البوردي ) قد بلغنا من لدن بكري عذراً بالتقاعس فلسنا على استعداد للإحراج و ( مناهزة ) البوستات وعتالتها من الصفحات العاشرة فما دونها
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: ود الباوقة)
|
| Quote: مية ...مية ياشاعرتنا المجيدة |
تتبارك ات يا يابا ما تتشارك
لكن دحين يا ود عمي دياب البقنع لينا سيد الحوش منو ؟
الله غالب والله
كل سنة وانت طيب اخي هارون وان شاء الله عام 2011 يبقي مااااااااهل ووسيع وما منكمش زي حوش بكري
ويكون عام خير وسعادة ان شاء الله على الجميع
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
أسماء
كل سنة وانتي طيبة
المنبر العام متضامن مع السودان الكشا وبقى نص ,, بصراحة ما قادره أهضم الخريطة الجديدة للسودان وبشعر بأنه في حاجة ناقصة .. وبرضه في المنبر العام بشعر بأنو في حاجة ناقصة أو في كتاب ناقصين..
والله يديكي العافية
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: ويتلذذ بكري ابو صلعة بالكششان
والماضيرة الحاصلة فينا ويضحك ابو جضوما كبار
ضسقت علينا الابواب
وسع الخلقة يا بكري الله يوسع رزقك
اتحقنا بالزنقة
شكرا اسماء الجنيد يا ام شعورا حي |
حباب زمراوي ود ابوي الولي
وحات الله صدقت يا خوي ضايرنا بالحيل بكري وكرمشنا وكرمش ساحتنا الكانت لامانا
نحن التقول ناقصين كششان ولا شتيت زيادة
الله غالب يا خوي ,,,
بكري حلنا من الضيق يا خوي الله يوسعها عليك دنيا وآخرة
قول آمين
شكرا زمراوي يا خوي شكرا أردب محنة
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: عزيزتي بت امي/ سوما
سلام يا صاحبة الكلم..
ويا ملكة النظم..
ان شاء الله 2011 دي تكون عام خير لك ولأسرتك..
تخيلي يا سوما في الأيام المليئة بالأحداث الساخنة دي.. شيخنا بكري يقوم يبهدلنا في البورد!!
أفتش للبوستات ألقاها في رابع وخامس صفحة..
لا اعرف اول ولا آخر..
والله نحن ما ناقصين وجع..
كفاية شغلانيات استفتاء وانفصال وهلمجرا..
ربنا يهديك يا باشمهندس:
ترجع لينا البورد زي ما كان..
زما تفصلو جنوب/شمال كمان..
تحياتي |
عبد العزيز ود ابوي عيسى حبابك يا الحنين
ات يا يابا تنمهل عليك وين ما تقبل
قول آميـــــن
وسنة سعيدة عليك والاسرة ان شاء الله وتتهنوا فيهوا قادر يا كريم
والله بكري بدور يشتتنا زي ما شتتونا القبلو
قلنا اتلمينا وانجمعنا في البكان الحنين ده
حنين بي ناسو وحبانو رغم الكترابة البتعكل مرة مرة
نحمد الله قدرنا نكون وطن اسفيري حقق كتير من المقاصد
دحين يا بكري النبي فيك خلينا في لمتنا دي
وابعدنا من القسيم والكيمان الما بتنجمع
خلينا في فسحتنا ولمتنا ودارنا الوسيع ده
عليك الله رجع لينا البورد زي اول
اعمل استفتاء يا خوي عديييييييييييل وشوف رأي الناس البقوا مهمشين طوالي ديل
راعي شعورنا ياخ ما تكرمشها اكتر ماهي مكرمشة
الله يكرمش صلعتك دي ان شاء الله وتبقى زي جمادة لبن امي الشام الله يرحمها
لووووووووول كدة مقننة
تسلم يا عزيز يا خوي
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: شـاعرتنا الجميلة بت ابوي الجنيد
ســـلام نان اتي ماك شايفي خريطة بلدنا كلها دايري تكش؟
اها كمان بكري نقص الطول شويه عشان يبقى قدرنا
والما عجبو اليمشي يفك الكفه
والله صحي
..
..
بعدين يا بت عمي مي ياها جنس المواضيع الكلها شكل ونبذ دي؟
أخير الليكش
خلينا نحن في نيمتنا هناااااك والله صحي
لانا راجينلنا حزب ولانا راجينلنا منصب من زول
عايشين بضراعنا دا
تحاياي |
حباب اخوي ود البشاري شوقنا ليك جاري كداري
والله صحي
دحين آ يابا هم خلولنا شيتا يبقي كفه لامن يفكوها ؟
وحات الله ديل قرمو وشرموا الناس زاتهم
والله صحي
لكن بكري ده شن نسويلو ؟
الناس المشتتة دي كل زول في بلد
نقعد ننبح ساااااااااي وهو ولا شغال بينا الشغلة
والله صحي
بكري بي طنيشو ده ذكرني ذو اليد وبوست ود بناوي لووول
والله صحي
غايتو يا ود البشاري يا خوي انا بقيت خايفة علي اخونا بكري ده
يقوم يلم فيهو زول محروق من الكرمشة دي يكرمش ليه صلعتو دي متل ماهو كرمشنا كلنا
والله صحي
ود البشاري سنة سعيده عليك ياخوي ات والاسرة ان شاء الله خالية من الكرمشة والقريم
قول آمين آ الحنين
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: معاوية المدير)
|
Quote: شاعرتنا الرقيقه .. تحية
بكري عمل كده عشان السرعة بتاعت البورد... لو لاحظتي الكششان جا من يوم بداية الاستفتاء.. قرّاء سودانيز اونلاين في اليوم داك بكونوا وصلوا ارقام كبيرة، وده كان حيأثر على سرعة المنبر ويبقى بطيء.. بكري عمل خير بإنه نقّص عدد البوستات في الصفحة الواحده
يعني السبب technical...
محبتي |
مريم
ازيك
مداخلتك اقنعتني جدا
سوما
حمد الله على السلامة من الاجازة وعقبال رجوع البورد لوضعه الطبيعي
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: SHIBKA)
|
عارفة يا اسـماء بكري دا لو ثبت على كدا بعدما قســم الحوش
وخلاها ذي بيت الورثة الكل واحد قطع ليهو حته , برضو يكون
ما قصــر معانا
الخـوف يقـوم يعمـل الأرشــفة نصـف شــهرية
يعني الواحد بيفكر في البوســت يطلب نقله
للنصف التاني من الشــهر وهكذا دواليك
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: عبدالله احيمر)
|
Quote: كدي خليكي من كششان البورد
شوف انا جبت ليكي مخسوس الابداع دا |
ياسر ود عمي بناوي كيفنك يا دفعة
دفعة في بوست صاحبك الزعل منك لوول
يعلم الله مشتاقين
والله صحي
فعلا بوستك ظريف برجع ليه برواقة
شكرا يابا وكل سنة وانت طيب
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: حمداً لله على سلامة العودة شاعرتنا الرقيقة سوما
كلام العلم بتاع أخونا معاوية و مهندستنا العزيزة بنت العزيز مريم مابنباهو
لكن الفي بكري إتعرفت
لم يراع بكري ( قدس الله سره ) للغلابة أمثالنا الذين يفتحون بوستاً ويحرسونه أو - حسب رواية صديقنا ود الموج -
يظلون ( يضايرونه تماماً كالحامل فضية في زحمة المولد ) ، أمثالنا كان يجد في ( الحوش الوسيع والحيطان الطويلة )
متسع إلى أن يأتي من يحسن الظن بكلماتنا فيرفع البوست تداخلاً ، صدقاً أو مجاملة .
أما الآن وفي زمن الكششان هذا فنحن ( القاعدين عى هبشة الكسل البوردي ) قد بلغنا من لدن بكري عذراً بالتقاعس
فلسنا على استعداد للإحراج و ( مناهزة ) البوستات وعتالتها من الصفحات العاشرة فما دونها |
حباب عاطف ود ابوي عمر حبابك يا الحنين وكل سنة وانتو طيبين وسالمين ولامين بركة رب العالمين
وعام جديد سعيد عليكم ان شاء الله
والله يا عاطف يا خوي صدقت
في ناس حارسة البورد مواضيعها ابدا ما بتنزل تحت
تجي تكتب ليك موضوع تلقاه ور ور ور جرى الصفحة الطيش
صاحبك بكري شايفاه جاء يتعضر على قول سجيمان وقال عشان السرعة وشنو كده ما عارف
وحات الله انا ما اقتنعت ضمة لكن الله غالب
نقعد انا وانت يا خوي وناس ود الموج وود المدير وود الجنيد مع انه ايد بكري
نقعد نضاير في بوستاتنا زي حبوبتي لما تقعد تسوي في شاهيها حق الصباح وقهوتها
متفنة في بنبرها تضاير في مواعينها قدر ما تقدر
تسلم اخي العزيز عاطف شكرا لي مرورك البسعدني دوما والله
تحايا عبرك للاسرة الكريمة وكل العقاب
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: الاخت اسماء
فعلا البوست انكمش كمشة فظيعة
يعني الماوس لو انزلق منك ساي يدق في البوست الاخير
حاجة صعبة والله |
مرحب ود الباوقة وكل سنة وانت طيب ان شاء الله
كمشة عدوك يا يابا
كويس انه انت الماوس لما ينزلق منك بمشي البوست الاخير
نحن بمشي الارشيف طوالي
بكري الله يجازيك بالخير يا خوي لكن اتلومت تب
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote:
أسماء
كل سنة وانتي طيبة
المنبر العام متضامن مع السودان الكشا وبقى نص ,,
بصراحة ما قادره أهضم الخريطة الجديدة للسودان وبشعر بأنه في حاجة ناقصة ..
وبرضه في المنبر العام بشعر بأنو في حاجة ناقصة أو في كتاب ناقصين..
والله يديكي العافية |
اميرة الشباب يا غالية كيفك ومشتاقين وكل سنة وانتي طيبة يا حبيبة
احييييي يا اميرة يا بت امي من قسيم البلد والخريطة البقت مشتتة زي اهل السودان في كل العالم
وين ما تقبلي تلقي ليك سوداني مجدوع
الله يجمعنا ويجمع خريطتنا للاجيال الجاية ان شاء الله
المنبر العام نشكيه لي بكري
الله يهديه ويرجع لينا الامور زي اول
يا ود امي نحن ولوفين ادروبات سااااااااااي رجعلنا بوردينا القديم بي حوشه الوسيع
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote:
آآآآآآآآآآآآآخ يا بت الجنيد ...
وتاني آآآآآآآآآخ يا أم رامي ....
البورد كشّ .. والسودان كشّ .... وإنشاء الله بعدين ما يستكتروا علينا (الشِبِر) اليوسّدونا فيهو |
محمد ابو العزائم حبابك يابا بالكتير ما شوية
مالك على يا محمد شيلتني هم رقاد الدايمة
الله لا يضيقها علينا يا خوي
ضيقوها علينا في الدنيا ام قدود
وقسمونا وشتتوتنا ربي ينتقم منهم
لكن بكري ده بنقدر نعصر عليه
حنك ساااااااااي بناكلو وبنرجع حقنا
الله يهديه ويديه قدر يرضيه
تسلم يا محمد وكل سنة وانت طيب وسنة جديدة سعيدة عليكم ان شاء الله
سلام وتحايا ليك وعبرك للاسرة الكريمة
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: سلام يا اسماء
البورد بقى زي جلابية عضو المنبر عبدالرحمن الطقي
جلابية سلفية.. بيضا مكرمشة ..
انصار سنة!
يا بكري فك كفة البورد! |
لوووووووووولز خالد
سلامات يا خوي وكل سنة وانتو طيبين يابا
قلت لي جلابية بيضاء مكرمشة
نحن نطالب بجلابية بيضاء مكوية
يا بكري ما يسحروك لي
نكسر تلج يا خالد كان نحنن بكور علينا
لووووووول
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: نيازي مصطفى)
|
Quote: عبد العزيز ود ابوي عيسى حبابك يا الحنين
ات يا يابا تنمهل عليك وين ما تقبل
قول آميـــــن
وسنة سعيدة عليك والاسرة ان شاء الله وتتهنوا فيهوا قادر يا كريم
والله بكري بدور يشتتنا زي ما شتتونا القبلو
قلنا اتلمينا وانجمعنا في البكان الحنين ده
حنين بي ناسو وحبانو رغم الكترابة البتعكل مرة مرة
نحمد الله قدرنا نكون وطن اسفيري حقق كتير من المقاصد
دحين يا بكري النبي فيك خلينا في لمتنا دي
وابعدنا من القسيم والكيمان الما بتنجمع
خلينا في فسحتنا ولمتنا ودارنا الوسيع ده
عليك الله رجع لينا البورد زي اول
اعمل استفتاء يا خوي عديييييييييييل وشوف رأي الناس البقوا مهمشين طوالي ديل
راعي شعورنا ياخ ما تكرمشها اكتر ماهي مكرمشة
الله يكرمش صلعتك دي ان شاء الله وتبقى زي جمادة لبن امي الشام الله يرحمها
لووووووووول كدة مقننة
تسلم يا عزيز يا خوي |
أختنا عزيزتنا/ سوما
سلام
ربنـا يحقق ليك كل المراد
ويسعد العباد وتسلم البلاد
أهو يا سوما بكري جانا بالنجيضة...
قال تسهيل سيرفر, رام وشنو كدا ما عارف!!
يعني بالعربي كدا: ما بتراجع ما بساوم.. بس كرميشة حتى القبر..
نحن طلعنا بعين قوية..
نسوط ونخوض الملح في حوش بكري..
لكن بعد ده كله.. الله يسامحو..
وبعد ده نتجهز وكل يوم أو كل مرة ندخل المنبر من الصفحة السابعة أو العاشرة..
ولازم كمان نتعلم الطيران في القراية ورد المداخلات وإلا المداخلة نفسها تفتش لبوستيها!!
وكدا دخلنا عصر السرعة..
رغم ان الشغلة الزي دي مسيخة من زمن القراءة الصامتة..
تقرا بسرعة وتسرع للإسئلة!! أقصد الردود..
نشرب فنجان القهوة وقوف ولا نتهنى بي ضل النيمة..
تحياتي
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: Abdlaziz Eisa)
|
| Quote: to be fast and release pressure on the RAM |
حباب سيد الحوش
لكن وحات خوتك ما عندي اي شغلة في التكنلوجيا المشاترة دي !!
قلت لي رام ؟؟
بري يخربني
انا بعرف رامي ولدي بس لوول
كل سنة وات طيب
وامشي شوف سجيمان وصف صلعتك بي شنو لووووولز
انا غايتو ضحكت ساااااااي وزدتها حبيبة من عندي
قال ليك والله يكفني شر قوقل
صلعتك عاملة زي خريطة السودان بعد الانفصال لوووووووووووووووووولز
بالحيل اتكيفت انا والله صحي
اعفا لينا آآ يابا ده بجاح ساي على قول حبوباتنا
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote:
كلام الريس ده صاح 100%
ياخى البورد كان زى اللورى الهوستن ساعه عشان يدور |
اهليييييييييين يا امير تسلم يا خوي
والله نحن السرعة ما بناباها علا بندور المهلة يا خوي
تسلم ان شاء الله وكل سنة وانت طيب يا رب
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: يا أم رامى الزمن بقى زمن معايش جبارة
وبكرى قلبوا على الناس
الواحد يجى يكُش البورد سريع كده واتخارج يمرق
يشوف مصالحوا وين
ابقى عشره |
هلا ابو رامي
حباب الحنين
الشوق نيلين
عشان خاطرك نعتق صلعة بكري باقي اليوم ده
نحن بندور سرعة البورد لكن وحاتك برضو بندور حوشنا الوسيع اللامي الحبان من كل بكان
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
الزولة الرقيقة/ سوما
حمدلله على السلامة..
كنت في المطار في وداع التونسية!!!
افتقدنا شاعريتك مع الأحداث العاصفة بتونس..
المنبر رجع أحسن شوية وبنقدر نجر النفس مرة مرتين في اليوم..
وعودتك دي كانت مربوطة بالإصلاحات دي!!
تحياتي
..
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote:
مريم
ازيك
مداخلتك اقنعتني جدا
سوما
حمد الله على السلامة من الاجازة وعقبال رجوع البورد لوضعه الطبيعي |
اهلييييييييين يا شبكة حبابك
النبي اول حاجة اعذروني طولت الغيبة
وسط الظروف المرينا بيها في البورد كان الونسة شوية صعبة
تسلمي يا شبكة والله مشتاقين يا زولة يا حنينة
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: عارفة يا اسـماء بكري دا لو ثبت على كدا بعدما قســم الحوش
وخلاها ذي بيت الورثة الكل واحد قطع ليهو حته , برضو يكون
ما قصــر معانا
الخـوف يقـوم يعمـل الأرشــفة نصـف شــهرية
يعني الواحد بيفكر في البوســت يطلب نقله
للنصف التاني من الشــهر وهكذا دواليك |
حبابك اخوي عبد الله الأحيمر
لو حصل وبكري عمل لينا الأرشفة كل شهرين , بنعمل إنتخابات ونقعده متفرج ونشيل البورد ونشوف لينا رئيس جديد لوووولز
شفت قوة العين دي يا عبد الله يا خوي ...
تسلم ياخوي على مرورك الجميل وعذرا لتأخير الرد
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: اسماء
سلام
دي ماكشة دي دغمسة ساكت |
سلام الأخ مجدي القرشي حبابك والله
لوووووووولز قلت لي دغمسة ساي ؟؟
صدقت والله بكري بقى يدغمس لينا مرات
لكن ما بنخليه
والظاهر يا مجدي بعد شكاوينا الكتيرة
بكري الله يديه العافية رجع الأمور لي نصابها والله اعلم
تسلم كتير اخي مجدي وعذرا لتأخير الرد
| |
|
|
|
|
|
|
|
|
|
Re: *** بكري البورد مالو كش ؟؟؟ *** (Re: اسماء الجنيد)
|
Quote: وكان طلع ليهو مارد يقول يا منو :)
الف حمدا لله على سلامة العودة وان شاء الله لقيتي اهلك طيبين ... |
حباب الاخ العزيز نيازي
تعرف يا نيازي يا خوي
لو طلع ليه مارد انا اول زول فيكم بفك البيرق لوولز
تسلم يا وبي
اريتني كان مشيت إجازة اهلي
وحات الله في بلدنا دي بس زحينا شوية من محلات الجليد
شكرا ليك كتير ولمرورك الجميل وعذرا لتأخير الرد
| |
|
|
|
|
|
|
| |
اسماء الجنيد
Abuzar Omer
صلاح شكوكو
يوسف السماني يوسف
Abdlaziz Eisa
قيقراوي
ABUHUSSEIN
محمد عبد الماجد الصايم
معاوية المدير
عبدالله شمس الدين مصطفى
طارق جبريل
محمد زكريا
ساميه حامد
Maawya Hussein
مريم بنت الحسين
haroon diyab
Zomrawi Alweli
الامين موسى البشاري
ياسر بيناوي
عاطف عمر
محمد أبوالعزائم أبوالريش
خالد العبيد
بكرى ابوبكر
الفاتح الجنيد
SHIBKA
نيازي مصطفى
فيس بوك
تويتر
انستقرام
يوتيوب
بنتيريست