|
|
 *** بت بلدى ***
|
وتوالت الافراح فى هذا الشهر(مارس ) فى جميع البلاد
وتحديدا فى مسقط العامره تحتفل المرأة السودانيه الاصيله
والمشاركات زانت ديار النادى السودانى وعم الفرح كل ربوع البلاد
بمناسبة يوم المرأة
وقريبا عيد الام
التحيه لكن فى كل مكان
والتحيه لى بت بلدى داخل وخارج بلدى الحبيب
***
بت بلدى
يا نوارة الشدرة الطارحه البكره ...
يا مرسومه بقندول عيش ...
ورزازة مطره ...
يا شموخ النخله وطعم الثمره ...
يا بت بلدى ...
روعة بسمة ولون السمره ...
جمال تاجوج يا اصل الفكره ...
لوزة قطنة وريحة زهرة ...
نيلك طرحه وضلك سدره ...
قوامك بانا وشك قمره ...
عيونك ضفه .. سر النظره ...
قليب اطفال بساطه وفطرة ...
شايله دلالك من الخضره ...
يقالد ديسك نخيل التمره ...
يا بت بلدى ...
رنة صوتك سحر النبره ...
خصالك سمحه
وسيرتك عطره ..
كريمه فى دارك ..
بشوشه وديعه ..
وخاتيه البطره ...
سبحان الخالق رب القدره .....
ودعتك الله وابقى عشره
اسماء الجنيد مسقط
|
|
 
|
|
|
|
|
|
|
|
Re: *** بت بلدى *** (Re: Elmosley)
|
Quote: رنة صوتك سحر النبره ...
خصالك سمحه
وسيرتك عطره ..
كريمه فى دارك ..
بشوشه وديعه ..
وخاتيه البطره ... |
وانت القمحه ...
فى عينة المسره
لما سنابلك لينا بتمنح
امل الدنيا وحلم الاخره
يوم الوادى بشعرك يجرى
وترقص فوقو سحابة مطره
نعرف انو خريفك قرب
وسوما خريفك ابن الفطره
| |
|
|
|
|
|
|
|
|
 Re: *** بت بلدى *** (Re: سجيمان)
|
تسلمي انتي ويسلم قلمك
تسلمي سومه و انتي الفكره
ويسلم بلدي الجابك لينا
وانتي بسيمة فاهو العطرة
شايلا هموم الناس التتعب
هم العيش المس القطره
فارشا الغيم بي عشم الحاضر
شان تشتاق الناس لي بكره
و انتي بتزرعي حلمك فرحه
فوق ساحات الدنيا الشتره
عبدالله
| |
|
|
|
|
|
|
|
|
|
Re: *** بت بلدى *** (Re: alfatih)
|
سوما الغالية
الرائعة المدهشة
فخر المرأة فى بلادى
جزاك الله عن كل بنات بلدك خيرا جزيلا يامبدعة
Quote: بت بلدى
يا نوارة الشدرة الطارحه البكره ...
يا مرسومه بقندول عيش ...
ورزازة مطره ...
يا شموخ النخله وطعم الثمره ...
يا بت بلدى ...
روعة بسمة ولون السمره ...
جمال تاجوج يا اصل الفكره ...
لوزة قطنة وريحة زهرة ...
نيلك طرحه وضلك سدره ...
قوامك بانا وشك قمره ...
عيونك ضفه .. سر النظره ...
قليب اطفال بساطه وفطرة ...
شايله دلالك من الخضره ...
يقالد ديسك نخيل التمره ...
يا بت بلدى ...
رنة صوتك سحر النبره ...
خصالك سمحه
وسيرتك عطره ..
كريمه فى دارك ..
بشوشه وديعه ..
وخاتيه البطره ...
سبحان الخالق رب القدره .....
ودعتك الله وابقى عشره |
الله عليك ياسوووووووووووووووووووووووما
| |
|
|
|
|
|
|
|
|
|
Re: *** بت بلدى *** (Re: motaz)
|
خدر .. قدومك اخدر
وبيك بوستينا نور ..ياما نور
شكرا على الطله ..
اهديك ندى الحقول
***
حبيب بلدنا
حبابك يا حنين من وسط البلد
طلتك المشرقه بتفرحنى ديمه
ربى يسعدك قدر سعادتك لى
ويمتعك بالصحه والعافيه
ويقدرنى اسعدكم
دعواتك يا الحبيب
حبيب بلدنا شكرا غيوم
***
الموصلى
الفنان الانسان
تسلم ويسلم احساسك النبيل
طلتك علينا ليها نكهه ووقع خاص جدا ..
شكرا ليك يا شفيف قدر سماحتك
| |
|
|
|
|
|
|
|
|
|
Re: *** بت بلدى *** (Re: soma)
|
اهلى الطيبين سلام من تانى بعد غيبه لم تكن فى الحسبان
الله غالب
لكم جميعا العتبى حتى ترضوا ..
اوسلى الحنين
ليك السلام فى ضل نيمه
مفروش محنه وعارشاه غيمه
وشوقنا ليك زايد ديمه
يا سلاله جدودنا الحكيمه
التحيه ليك قدر حجاك المن الجوف
يا نسمه من بطن الجروف
**
تسلم كتير وكتر الف خيرك على الطله السمحه
ما بهدأ لينا بال يا اوسلى الحنين.
الا نشوف سطورك رجعت لينا من تانى
وزانت صدر البورد
اوسلى شكرا محنه
****
د/ سجيمان
تتفاخر بى وليداتك يابا قول آميـــــــــــــــــن
وتتهنأ مع ام الخير ..وربى يغرقكم فى الخير
طلتك بتشرح قلبى كتير والله يا عشا الضيفان
شكرا لا تكفى يا بسمتنا فى زمن الوجع
****
شاعرنا المرهف شفيف العباره
عبد الله وداعه
تحيه صباحيه ..بعبق اهلنا الصوفيه
التحيه ليك قدر جمالك المسطر فى الدواخل
يا ود ملوك النيل
سلالة الجود والكرم ..
اهل اللوح والدوايه
والخلاوى والقرايه
يديك الف عافيه وتسلم على ابداعك
النور بطن البوست
اخى عبد الله شكرا حجا اماتنا الحنان
****
الفاتح المبدع
وين الحى بيك وين
الشوق نيلين
والود محنه
تسلم الفاتح وكل سنه وانت بالف خير
دايرين نشوفك معانا فى سماء مسقط الايام دى
شكرا قدر فرحتنا بيك ..
*****
نااااااااااااديه يا نااااااااااااااديه
الحبيبه الديمه قريبه
ما انتى يا ندويه جمال تاجوج واصل الفكره
تسلمى انتى والله على الطله المفرحه
شكرا ندويه قدر رقتك
وقدر جمال دواخلك يا نقيه
لكى منى مليون تحيه وتحيه
وليك باقه ملونه بى كل الوان الطيف
شكرا عطر من كل ازهار الخريف
*****
العزيز معتز
حبابك واليوم السعيد اللينا جابك
تسلم انت ان شاء الله وتسلم ايامك
ربى يسعدك قدر سعادتك لى
وحقيقى شرفتنى طلتك
وشرحت دواخلى
السعاده تبقالك رفيق طول الطريق اخوى معتز
وشكرا خداااااااار
| |
|
|
|
|
|
|
| |
خدر
Habib_bldo
Elmosley
osly2
سجيمان
alfatih
motaz
لؤى
فيس بوك
تويتر
انستقرام
يوتيوب
بنتيريست