|
|
 *** بالعديل والزين نزف التهنئة لعريسنا دكتور أحمد سردوب ***
|
زغروتة فرح تشق الفيافي والفرحة يطوقنا من كل صوب
فرحة ممزوجة بدمع الفرح الذي ﻻ يوصف
فرحانة ليك يعلم الله يا احمد يا خوي
ده اليوم الدايرنو ليك يا أحمد مبروك عليك
مليوووووووون مبروك للعريس الدكتور أحمد سردوب
ولعروستنا الجميلة اﻷمها داعية ليها بالخير والسعادة
باشمهندس تقوى
الزفاف مساء اليوم بدار المهندس
والسيرة عندنا في مطار دبلن يوم 4 اكتوبر ﻹستقبال عروستنا الحلوة
وسط لفيف من اﻷصدقاء واﻷحباب سوف يكون إحتفالنا بالعروسين إن شاء الله في الثاني والعشرون من هذا الشهر
اهلا بكم جميعا يا أحبة
ويلا نبارك للعروسين وبيت مال وعيال إن شاء الله
وعقبال كل العذابة
وعقبالكم يا الفي بالي
إحم إحم يا وزير العريس مجدي
|
|
 
|
|
|
|
|
|
|
 Re: *** بالعديل والزين نزف التهنئة لعريسنا دكتور أحمد سردوب *** (Re: الفاتح ميرغني)
|
Quote: الف مبروك للدكتور احمد وإن شاءالله بيت مال وعيال.
إن شاءالله يا سوما ايامكم دايما افراح.
معزتي |
حبابك يا الفاتح اخوي يتباركن ايامك إن شاء الله
والقيدومة الجاية عندك يابا
والسيرة تكون من دبلن لليابان أو العكس
ونحن لسه عند الوعد يا حنين
عقبااااااااااااالك يا الفاتح يااا رب
قول آمين
يلا يا الفاتح الحقني بي رابط يفتح براه زي ما بتلحقنا كل مرة يا شفيف
اﻹختيار خليناه عليك
وشكرا بالإنابة عن العرسان
| |
|
|
|
|
|
|
|
|
 Re: *** بالعديل والزين نزف التهنئة لعريسنا دكتور أحمد سردوب *** (Re: مهيرة)
|
Quote:
العدو اللدود سردوب والراقية اسماء نقول ليه الف مبروك وتحية طيبة ليكم
والله شكلهم ح يفوتنا يا سردووب لظروف خارجة عن ارادتنا بس ما مشكلة نحصل الهناك لو ربك هون
نتمني بيت مال وعيال ليك يا سردوب |
حبابك ألف يا الفاتح اخوي
تعال الحق الفرحة الكبيرة الهنا وجيب معاك كم عصا وصوت عنج لي البطان
والعرضة
النشوف البركز منو ؟
كان ما الحفلة فرتقت كلها وبقينا قاعدين انا والعروس لووووووووووولز
الف مبروك لي الحبيب سردوب والحبيبة تقوى وبيت مال وعيال يا رب
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote: الف مبروك للدكتور احمد
وإن شاءالله العديلة تقدمه وتبراه.
إن شاءالله يا سوما ايامكم دايما افراح.
تحياتى |
تسلمي يا مهيرتنا وحبيبتنا
اللهم آمين يا غالية
العديلة تقدم سردوب وتقوى وتبراهم والسعادة تظلهم والفرحة تتلقاهم من كل صوب
وبيت مال وعيال إن شاء الله
عقبال نبارك ليك السمح البعجبك ويفرحك يا حبيبة الكل
ويا عريسنا ابو حميد اكيد اللحظات دي عايش بي عقلك في دار المهندس
الحمد لله كل شيء بجيك مصور صورة وصوت
اركز ساي على قول ود الباوقة لووولز وابقى عشرة على ملايكتك المعاك , ما تفرط فيهم لامن عروسك تصلك
| |
|
|
|
|
|
|
|
|
 Re: *** بالعديل والزين نزف التهنئة لعريسنا دكتور أحمد سردوب *** (Re: غادة مكى محمد)
|
Quote: ايووووووويويووووويويويوىىىىىىىىىىىىىىىىىىىىىىىىىىىىىىى
مبرووووك د احمد وانشاء اللة بيت مال وعيال
الحبيبة بت الجنيد تباركى انشاء اللة وشكرا على الاخبار الحلوة |
الغالية ست البنيات حبابك يا غدوية
حبابك يا السمحة خلقة واخلاق
وكتـــــــــــر خيرك يا يمة الكابرتيني في الزغاريت
أحمد يستاه يزغرتولوا من هنا لا السودان يعلم الله
يا حليلو والله فرحانين ليهو كل البعرفوهو
العديل الطيب ود البلد الأصيل ومتواضع
شكرا يا غادة واتفضلي لا جوة الليلة الزفاف يا يمة في دار المهندس
وعروسنا حلااااااااتة ما شاء الله وتبارك الله
وعريسنا زينة كيا للمابينا
| |
|
|
|
|
|
|
|
|
 Re: *** بالعديل والزين نزف التهنئة لعريسنا دكتور أحمد سردوب *** (Re: Elmuiz Haggaz)
|
Quote: آلاف التهانى والتبريكات لعزيزنا د. أحمد سردوب
بالرفاه والبنين وزواج ميمون بإذن الله
ربنا يديم الافراح
الغالية سوما شكرا كتير |
الله يبارك فيك يا قرشي وعقباااااااااااالك يا رب
نفرح بيك زي سردوب ونسيرك بالعربي والرطانة والأيرش زاتو لوولز
لازم نشوفكم يا جماعة يوم العرس والزفة الكبيرة
كيفك يا قرشي إن شاء الله طيب
ابقى بان ياخ وعليك الأمان
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote: سلامات اسماء....
الف مبروك تقوى وسردوب.
انشالله يا سردوب تغلبك بى المال والعيال مع بعض.
مبروك يا اصحاب |
اووووه اهلنا المنهم طولنا ,, معقولة بس يا معز سلام وتحية
حليل بورت ليش ياخ .. بالمناسبة هسة إنت قريب مننا في سكنكم الجديد ده ,,
وينك ياخوي قالوا البلقى احبابو بنسى اي زول زاتو لوولز
مبروووك عليك إنت عرس اصحابك واحبابك وعقبال ما نفرح كلنا بيهم قريب
نجدد تهنئتنا يا عرسان الموسم في كل لحظة
ملاييين التبريكات
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: Mohamed Suleiman)
|
Quote: تحياتي يا أسماء
أهلنا قالوا الفرح والكره متباريات
وهكذا يوخذنا الكره ويأخذنا الفرح بزواج دكتور أحمد سردوب
ألف مبروك وبيت مال وعيال ودامت الأفراح
بحيراوي |
حبابك يا البحيراوي يا خوي اريتكم طيبين إنت واسرتك
يباركولك السمح البعجبك إن شاء الله
صدقت يا خوي فعلا متباريات , وفرحة دكتور سردوب فرهدت جوانا نخيل اخضر
نقطع منو فرع نديان نجرتق ونسير بيهو العرسان
ربنا يدوم الأفراح إن شاء الله
| |
|
|
|
|
|
|
|
|
 Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote: شاعرتنا الجميلة سوما ...
الف الف مبروك للعروسين احمد وتقوى ..روبنا يسعدهم ويرزقهم بالمال والبنين ...وتهانينا ليك وليهم عبرك ..
الترجي كيييييف ؟!!! |
حبابك ود عمي القاضي الرجل الرزين ومو فاضي زيك ,, والله صحي
بالنيابة عن العرسان الله يبارك فيك ويسعدك ويغطيك قول آمين
لكن دافناها ليك اصبر لي , وحات خوتك إن مو عرس الزول الحنين ود سردوب ده
علا كان يمرقنك كريعاتك من الحفلة دي
وكنت خاطبتك كما يخاطب اخونا ود الباوقة قدس الله سره كما يخاطب بربار الماركسي ود الصائم
كان اللغة إتغيرت وإتبدلت والعبارات تلفحت العمامة الزرقاء لوولز
كدي النرجع الحفلة معاي ضيوف
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote:
ألف ألف مبروك دكتور سردوب
تاريه غاتس يا سومة
خشمك فوقو السُكّر خبر جميل وألف مبروك
بيت مال وعيال |
حباب الحبيب حبيب نورتنا وحبيب الكل
عقبالك يا خوي ونسيرك بالعديل والزين إن شاء الله قريييييب ونسويلك قيدومة مجيهة ونزغرتلك لامن دميعات الفرح تجري
عاد كيفن يا يسين يا خوي عريسنا ما يغتس ويختفي من العالم كلو ,, حارساهو الملائكة بس
يرتاح شوية من رفاقتو العذابة زيكم لوووولز عشان تبغروا وتدقوا صدروكم وتعقدوا الليلة قبال باكر هيع كع على قول ود شيقوق
ما زالت حفلتنا راااااااابة يا جماعة وحنة العريس ما شاء الله وعينا باردة وعروسنا دقر العين يا يمة
ربي يحفظكم ويغطيكم ويسعدكم ديـــــــــمة
تسلم اخي يسن وعقبالك قريب يا حنين
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote: يا سلام يا سوما دائما سابقنا بالفضل
الف مبروك لاخونا الفاضل الجسور د.احمد سردوب
والف مبروك للعزيزه تقوى وان شاء الله يغلبها
بالمال وتغلبه بالعيال!
وفمك فيه السكر دائما يا بت الجنيد.
وعقبال السيره من ايرلدنا لكندا.
تعالوا لينا شهر العسل بجاي يا د.احمد وتقوى |
الحبيبة ام حازم كيفنك يا خية واريتك طيبة إنتى والعيال
اللهم آمين يا رب ,, ربنا يسعد ابو حميد ياخ
يا حليلو يا تراجي الليلة مواعيد طيارة عروستنا
بالسلامة يا رب
متاوقة
قلتي لي فمك فيه السكر
لووووووووولز طبعا ضحكت في فمك دي لامن اخدتلي وقعة لا ورا لووووولز
ها زولة ها نحن اهل العوض بنقول خشمك فوقو اللبن ,, والله صحي
لكن مدام إنتي قلبتيها فم كان تتميها وتقولي لي فمك فيهو الشوكلاتة والماكنتوش حلاتة لوووولز
تسلمي يا ترجرج ياخ
ويا عريسنا عندك عرض خطير من ام حازم
يلا على كندا الشهر الجاي طوالي
ربنا يسعدكم إن شاء الله
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote: الف مبرووووووووووك للدكتور سردوب .........وبالعديل والزين يا أحمد والعروسة تقوى ......ويبت مال وعيال وفال بالجديد وعقبال ان تعيشو وتنعمو انتم وأولادكم القادمين بحياة صحية ملؤها الحرية
والديمقراطية والعدالة الاجتماعية ،وعقبال ما تربو اولادكم في مناخ صحي وحر......
مجدداً الف مبروك
وشكراً للاستاذة اسماء الجنيد |
حبابك اخي إبراهيم النعمة ,, ربي ينعم عليك بالخير الوفير
اللهم آمين يا رب يحقق كل امنياتك الجميلة للأعزاء احمد وتقوى
ربي يسعدهم ويرزقهم بالمال والبنون يا رب العالمين
ونورتـــــــــــي البلد يا عروستنا الغالية
الف شكرا ليك أخي إبراهيم
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
| Quote: ألف مبروك و بالرفاه و البنين |
اهلييييييييييين يا ابو حسين
الفنان زااااااتو قال الفالو حسن وحسـيـــــــــــن ,, ما شاء الله ودقر العين
كتـــــــــــــر خيرك يا با علا الزهور السمحة دي ,, نباركلك الجديد البعجبك
جديد ناس حسين واخوانه ,, قول آميــــــــــــــــــــــــــــــــــــــــن
وربنا يسعدنا عرسانا ويهنيهم إن شاء الله
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
يااا ..
بت العم ..
حضرنا الدار ..
لآل سردوب ..
مفعمين بزغاريد الفرح ..
سبقتنا بشاشات ..
الفرحة ..
والبسمة ..
والسعادة ..
والهناء ..
لنزف التهاني ..
باعطر الكلمات ..
وصادق الامنيات ..
واسمى المعاني ..
دكتور احمد ..
شرباتنا بي الافراح تطوف ..
على كل موالف ..
وكل ولوف ..
يااا ..
عزنا ..
وياااااااا ..
يااا..
عزنا ..
انشاء الله بيت مال وعيال وبالرفاه والبنين ...
| |
|
|
|
|
|
|
|
|
|
Re: *** *** (Re: طه كروم)
|
بالعديل والزين نزف التهنئة لعريسنا دكتور أحمد سردوب
والف الف مبروك
ربنا يسعدكم
ويحفظكم
بالرفاء والبنين
اميييييين
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: وليد عبد اللطيف)
|
Quote: يااا ..
بت العم ..
حضرنا الدار ..
لآل سردوب ..
مفعمين بزغاريد الفرح ..
سبقتنا بشاشات ..
الفرحة ..
والبسمة ..
والسعادة ..
والهناء ..
لنزف التهاني ..
باعطر الكلمات ..
وصادق الامنيات ..
واسمى المعاني ..
دكتور احمد ..
شرباتنا بي الافراح تطوف ..
على كل موالف ..
وكل ولوف ..
يااا ..
عزنا ..
وياااااااا ..
يااا..
عزنا ..
انشاء الله بيت مال وعيال وبالرفاه والبنين ... |
حباااااااااااااابد ود الدفينة ,,, امانة طلتك مي سمحة و حنيـــــــــنة
يتباركن ايامك يا ود بطن الأهل ويباركولك الجديد البعجبك والعز بالأهل يا المهل
ربي يسمع منك ويسمع كل دعواتنا ويسعد العرسان ويهنيهم ويملأ بيتهم فرح وبهجة ,
وسعادة وعافية تحفهم الملائكة ويزيد خيرهم بي جناهم إن شاء الله
كتر ألف خيرك اخي يوسف على المرور الأسعد العرسان واسعدني ايما سعادة
لك الشكر عديلة وزين و سيرة عصرية وجرتق في صينية وفال حبوبات يلفحك عمة وجلابية
| |
|
|
|
|
|
|
|
|
 Re: *** بالعديل والزين نزف التهنئة لعريسنا دكتور أحمد سردوب *** (Re: اسماء الجنيد)
|
Quote:
الف مبروك للعروسين دكتور سردوب وتقوي وبالرفاء والهناء والبنين
سوما الحنينة حبيبة الكل عقبال نهني كل افراحك ونبارك كل حاجاتك الحلوة
تسلمي يا أصيلة وربنا يديك قد محنتك وطيبة قلبك
|
حبابك يا هندوية الغالية
تسلمي والله ومشتاقين كتير كتير يعلم الله يا حبيبة
ربنا يسعد العرسان ويهنيهم يا رب
عقبال جديدكم يا هندوية نجي نبارك ليكم السمح البعجبكم إن شاء الله
برسل ليك الرقم في الخاص
يا حليل جيتنا يا يمة ,, إلا الصيف الجاي ,, ربنا يسهل إن شاء الله
| |
|
|
|
|
|
|
|
|
|
Re: *** بالعديل والزين نزف التهنئة لعريسنا دكتور أحمد سردوب *** (Re: عمر ادريس محمد)
|
بكري يا بكري , حبابك يا سيد الحوش الماهل ومرشوش
والله بي طلتك السمحة علينا دي حقو انا وود الجنيد تاني نعيد عرسنا ونسير سيرة بي جرتقها ,, والله صحي
عشااااااااااااان تجينا إنت بي صلعتك وزهورك ام براويز دي
وفي سيرة ود الجنيد بنكتح ليك حبة ضريرة في الصلعة , وتققققققققوم خالتي تدعكها ليك بي باقي الريحة
وتقووووووووووووووووم يا الضريرة تسيل , عاد البحوشها شنو ,, سبيبة واحده مافي ,, والله صحي
شكراااااااااا يا بكور ياخ ومبروك تاني وتالت وإلي ما لا نهاية لي أحمد وتقوي
| |
|
|
|
|
|
|
| |
اسماء الجنيد
الفاتح ميرغني
الفاتح سليمان
مهيرة
Abdlaziz Eisa
Amani Al Ajab
غادة مكى محمد
قرشى محمد عبدون
Elmuiz Haggaz
البحيراوي
Mohamed Suleiman
فايزودالقاضي
osman righeem
حبيب نورة
عاطف مكاوى
خالد العبيد
باسط المكي
Gaafar Ismail
يحي ابن عوف
Tragie Mustafa
ibrahim alnimma
Mohamed Yassin Khalifa
بله محمد الفاضل
معاوية المدير
ABUHUSSEIN
Dr.Saeed Zakarya Saeed
وليد عبد اللطيف
معاوية عبيد الصائم
هند محمد
بكرى ابوبكر
عمر ادريس محمد
nada ali
عبدالكريم عبدالله
محمد عبد الماجد الصايم
فيس بوك
تويتر
انستقرام
يوتيوب
بنتيريست