ما الذي جرى لحسين خوجلي؟
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الحزب الشيوعي بالمملكة المتحدة وايرلندا يدعوكم لندوة يوم السبت 3 ديسمبر بلندن
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-02-2016, 07:57 PM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** انا يا بلد ***

12-09-2002, 05:46 PM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
*** انا يا بلد ***

    التحيه لكم جميع ..ومعليش العيديه جاتكم شويه متاخره لانى كنت مصره انها تكون جديده لنج ..لكن برضو ارجع اقول مافى اجمل من البلد واهل البلد والجديد ياتيكم لاحقا ولكم كل الود والتهنئه بالعيد السعيد لكم احبتى داخل وخارج الوطن الغالى ..
    ولكم جميعا انا يا بلد

    انا يابلد
    ليك بنتمى .. وفيك احتمى ...
    انت السنــــــــد ...
    احلف اقول انت البلد ...
    انت البوادى والمدن ...
    انت المرافى والسفن ..
    انت الولـــــــــــــد ...
    يصرخ يقول ..انا يا بلد ..
    افرح اكون .. ليك الولد ...
    ...
    منك بكون
    لوح الحفظ سبحه وعدد ...
    شيخ الذكر ..مدد ..مدد ...
    شدر الصمغ طعم الشهد ...
    لوزة قطن زى الورد ...

    ******
    انا يا بلد ..
    ليك بكون ..
    ضهر البنيات والعرض ...
    سلوكه تحفر فى الارض ...
    نيلك بيسقى كل نبض ...
    زولا تقى صلى الفرض ...
    شدر اللبان شدر القرض ..
    لى كل مريض سدً الغرض...
    عالج شفا من كل مرض ...
    *****

    انا يا بلد
    انا فيك بشوف
    ابواتنا فى الحاره بتسد ...
    كيفن تصد .. كيفن ترد ..
    اماتنا زى مطر الدغش ..
    نازل غزير مليان برد ...
    جنياتنا فى الحوبه الرعد...
    بنوتنا لى ضيف الخلا ...
    تعزم تشد عز البرد ...
    شفعنا تيراب اب كرد...
    ترفع تشيل تسمع ترد ....
    اعلامنا راياتاً ترفرف من بعد...
    *******
    انا يا بلد
    داير اكون ..
    ود البلد .. بت البلد
    ام البلد .. اهل البلد .. نهتف نقول...
    نحن البلد .. نحن البلد ...
    وانا يا بلد .......

    اسماء صديق الطيب الجنيد
    مسقط سلطنة عمان
    25/6/2002
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2002, 06:11 PM

ودالجزيرة

تاريخ التسجيل: 09-07-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
انا يا بلد (Re: soma)






    الاخت المحترمه سوما الله يديك العا فيه ويرجعك بلدك سا لمه غا نمه
    ولكى شكرى الكثير مع خا لص تحيا تى لكى يا ابداع المطر
    تحيا تى لكم .....ودالجزيرة

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2002, 06:53 PM

moniem2002
<amoniem2002
تاريخ التسجيل: 09-07-2002
مجموع المشاركات: 662

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا يا بلد (Re: ودالجزيرة)

    الله يديك العافية بقدر ما تدخليه من فرح فى النفوس بهذه الكلمات الطيبة
    هذه لوحة متكاملة لسودان رائع وجميل نتعشقه ونحسه مع النبض
    نتمنى ان نتغنى بهذه الاشعار فى وطن خير يسع الجميع لك مودتى
    تسلمى يا مبدعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2002, 09:02 PM

BAKASH
<aBAKASH
تاريخ التسجيل: 05-06-2002
مجموع المشاركات: 867

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا يا بلد (Re: moniem2002)

    الرائعه سوما

    كل عام وانتى بخير

    شكرا على الهديه الجديده



    بكاش
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2002, 09:11 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا يا بلد (Re: BAKASH)

    العزيزه
    اسماء
    هداياك دائما فى السلك
    كل سنه وانتى طيبه
    وكل عام وانتى بخير
    مع خوالص شكرنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 00:22 AM

Elmosley
<aElmosley
تاريخ التسجيل: 03-14-2002
مجموع المشاركات: 33329

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا يا بلد (Re: ودالجزيرة)

    تسلمي ياسومه يا عاشقة البلد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2002, 09:58 PM

Mutwakil Mahmoud
<aMutwakil Mahmoud
تاريخ التسجيل: 04-13-2002
مجموع المشاركات: 470

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    سوما
    أنا مش قلت ليك جبرتينا وجبلتينا علي الانتظار والدهشة بلدي وبلدك سوف يكون بخير مازال قلمك ماضيا وشعرك ملتزما وقلقك الفكري القا وابداعا
    واصلي السبح ضد التيار فنحن علي شاطئ الامان ننتظر
    ومعي الحردلو وملعون أبوها بلد
    لقدام
    أخوك د. متوكل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-09-2002, 10:06 PM

omergoda
<aomergoda
تاريخ التسجيل: 10-19-2002
مجموع المشاركات: 263

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    شاعرتنا الصادقه فرحتينا فرحتينا × مليون مفاجاتك والعيديه بالكوم هل من جديد 000000000
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 04:07 AM

ود شاموق
<aود شاموق
تاريخ التسجيل: 11-17-2002
مجموع المشاركات: 3605

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    روعة والله ياسوما
    طريتينا البلد
    بعدما قربنا ننساها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 05:35 AM

Abu Muhja


للتواصل معنا

FaceBook
تويتر Twitter
YouTube

كيف احذف مداخلة من بوستى
Soma the Digital Camera (Re: soma)

    الأخت العزيزة سومـا
    التحايا العطرات
    و ما زلتى تهدينا الدهشة بمفردة تناسيناها وسط زحمة المدنية
    أعلم أن قلمك يملك الإمكانيات كلهــا لينقلنا هناك و نعيش السودان كما أحببناه
    و تبقى البلد و ريحة البلد و وجع البلد قيم رائعة ( جواك) تغض من مضجعك
    تحياتى سوما و لحسن حظى أنه أول ( تعامل ) لى فى البورد اليوم و لعل الآتى أجمل إن شاء الله
    أبو مهجة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 05:41 AM

layon


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    thank u my dear >..
    its really wonderful >>>
    every things from u is wonderful as usual >>>>


    waiting 4 more and more>>>


    with my regards

    layon
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 06:04 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    اخى الكريم ود الجزيره ..الف شكر ليك انت والله على كلماتك اللطيفه وكتر الف خيرك دائما سباق ..يديك العافيه ..

    منعم المرهف ..حقيقة كلك ذوق وتواضع ..انت يا منعم كلك حساسيه وشاعر مقتدر بكل ما تحمل الكلمه دى من معانى فلما تقول عنى كل الجكلام الجميل ده ..اكيد انا محظوظه جدا لك منى الف تحيه وتسلم اخى العزيز ..

    بكاش ود بلدى ود الشرق مرحب دبايوا اهل الدرق تسلم وكتر خيرك وكل سنه وانت طيب وكريم كعادة اهلك الحنان تسلم اخى..


    وليد سلامات يا ذوق شكر ليك وانت كمان كلماتك دائما هديه جميله لى والف شكر اخى الكريم وربنا يديك الف صحه وعافيه وكل سنه وانتم جميعا بالف خير اخوتى الكرام اولاد البلد الحنان تسلموااااااااا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 06:16 AM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    ابداع يا سوما والله
    كالعاده

    ربنا يديك العافيه و شكرا كتير
    جميل جدا انو الزول يفتح البورد الصباح و يصتبح بي ابداعك
    و كل سنه وانتي طيبه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 12:01 PM

جمال السنوسي
<aجمال السنوسي
تاريخ التسجيل: 09-14-2002
مجموع المشاركات: 6337

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    سوما العزيزة
    كل سنة وانتو طيبين
    وربنا يحقق الاماني
    ونرجع
    كلنا
    للبلد
    وسنة يا ولد

    اها الفراشة دي جبتيها من وين

    اهم حاجة فيها انها هلالابية
    باللون الازرق

    ودمتي


    جمال السنوسي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 12:37 PM

حمزاوي
<aحمزاوي
تاريخ التسجيل: 10-10-2002
مجموع المشاركات: 11529

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    انتي بنت بلد صحيح
    وتشرفي البلد
    يا استاذة سوما
    والروعة دايما في شعرك في اي شئ كتبتي
    وعيد سعيد ومبروك العيد
    وكل سنة وانتي والجميع بخير
    ومن العايدين الفايزين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 12:53 PM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    الاستاذ يوسف الموصلى تسلم انت والله يا عاشق الفن والابداع .. وانا لسه فى انتظار سماع الحانك الوعدتنى بيها ..اتمنى ليك كل التوفيق والف شكر ..

    اخى الدكتور متوكل لك عظيم التحايا والتقدير وكلمة شكر صراحه بسيطه فى كلماتك الكبيره وتقديرك الاكبر لما اكتب من قصائد متواضعه .. يسلم لسانك وبنانك وانا محظوظه لانى موعوده منك بتعاون كم حلمت ان التقى انس مثلك اتعاون معهم يعشقون البلد وتراثه الف تحيه لك ودمت يا ود البلد ...



    اخى الشقيق عمر جوده ..كم انا فرحت ايضا بوجودك فى هذا البوست وما اجملها من عيديه ..لك التحيه وتسلم كتير ودعواتك لى بالمزيد ..



    اخى الشاعر المرهف ود شاموق ..لك التحيه وكل سنه وانت طيب .. شكرا على كلماتك اللطيفه ..وصدقنى البلد ما بتنسى والزيك انت بالزات لو حاول ما بقدر ..بس قول يا رب نرجع كلنا ونعيش فى امان وسط اهلنا واحبابنا ولك الف تحيه


    ..
    اخى الصديق ابو مهجه ..والله انا السعيده بوجودك بيننا وعقبال بى شقر والله .. يا ريت تجيبو معاى هنا ..لكن كم سعدت بى ردك وعرفتك من العنوان.. سوما ديجتال كاميرا حتى ركزت فى الاسم اوووووه ابو مهجه ما فى غيره ابو بشار تسلم وكل سنه وانت طيب وانت زاتك ما هين انت زول مرهف وحساس والشهاده من منال ..لوووول التحيه لها وللعيال ولكم تحايانا بالعيد السعيد وتسلموا كتير ...



    الحبيبه الرقيقه ليون تسلمى وكل سنه وانتى طيبه يديك الف عافيه وشكرا ليك يا رقيقه يا ذوق على كلماتك الرقيقه زيك واتمنى دائما اكون عند حسن الظن تسلمى يا ظريفه ..


    اخى ايهاب سلامات شكرا ليك يا ايهاب يا ذوق .. وينك وين عيدتك لى ولا بس تعرف تكاوى لوووول نسيت انا يوم عيدت عليكم يوم عيدكم ..اها نحن عيدنا ما تانى يوم انا كنت مستنيه العيديه ..كتر خيرو عمى السنى هو البسال بس .. تسلم يا ايهاب وتحياتى للوالد العزيز وقول ليه سومه بتهديك انا يا بلد والبلد كلو وان شاء الله تعجبو والف شكر

    مر حب بيك اخى جمال والف شكر ليك وكل سنه وانت طيب اخى الكريم ..غبت عن البورد مده ان شاء الله خير .. اهم شى العوده تكون بى ابداعاتك الشعريه يا ريت نقرأ ليك قريب .. الفراشه دى هديه من هلالاب برضو ..يديك الف عافيه



    اخى الفاضل حمزاوى ..كل سنه وانت طيب يا انسان يا ذوق ..والله كلامك كلو ذوق وانسانيه وانت زاتك ود بلد واصيل كتر الف خيرك على كلامك الكبير الجميل واتمنى ان اشرفك واشرفكم واشرف البلد كلها امنياتى الصادقه ان اسعدكم دوما .. فقط ارجو واتعشم فى دعواتكم الصادقه والف تحيه اخى حمزاوى واخوتى جميعا

    احبتى كل عام وانتم بخير والشكر ليكم مطر الشرق .لا يوم وقف ولا بنطبق..
    تسلموااااااا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 01:25 PM

Al-Shaygi
<aAl-Shaygi
تاريخ التسجيل: 11-16-2002
مجموع المشاركات: 7898

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    اللــــه عليك يا سوما ،،، ويديك الصحة والعافية ويحفظ من العين.

    كما أتحفت منابر البال توك بأشعارك الرقيقة الجميلة نجدك تتبوئين نفس المقعد بالمنبر الحر بس في المنبر الحر بنفتقد الإلقاء الجميل والصوت الدافيء اللذي يذكرنا دائماً بخضرة جروف بلدنا ونسيم النيل ساعة العصرية لامن الشمس تكون مايله ناحية الغرب نعسانة ماشية تنوم والطيور عائدة أسراباً إلى أعشاشها لتحتضن صغارها بعد غيبة نهار بحثاً عن الرزق وأصوات تأتي من هنا وهناك من أفواه الغبش الذين يحشون اللوبا والبرسيم لعشاء البهائم و و و

    معليش سرحت في البلد في القرير


    الله يديك العافية
    وما تحرمينا من كلماتك الرقيقة الجميلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 01:31 PM

قرشـــو
<aقرشـــو
تاريخ التسجيل: 02-05-2002
مجموع المشاركات: 11371

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: Al-Shaygi)


    الاستاذة العزيزة سومه

    مدد يا بتنا
    ما اجمل الكلمات حينما تكون مغروسة فى اعماق البلد فتأتى بكل حرف حنين للبلد وما اروع من ينظم تلك الكلمات ليجعلنا هنالك فى البلد نشتاق ونحن وننبذ الغربة اللئمة فاين نحن من اولاد البلد الذين يزودون عنه بالروح وبالغالى والنفيس ..

    كلماتك ترياق ضد الجبن وضد الركون للبعاد والهجر الذى طال للبلد ..

    ادامك الله وابقاك لنا عزيزتى لتعطينا جرعات حتى نلحق بالعزيزة تماضى ونطل عليكم من البلد العزيز الغالى

    سلمت لنا وسلمت اناملك لتخط لنا تلك الروائع


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 02:56 PM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    الشايقى الحنين ود البلد ود القرير وتمر النخيل ..يديك الف عافيه وكل سنه وانت طيب ..شكرى ليك ممتد بطول نيلنا العظيم ومخضر بى خضرة جروفه ..انا زاتى سرحت معاك فى البلد والبلدات والجروف والطين واللمه والجبنه و..وووو والف تحيه لى اهلنا الحنان ورد الله غربتنا جميعا وتسلم اخى العزيز وتشكر على كلماتك المعبره وكل سنه وانت طيب والعيد الجاى مع اهلك ووسط بلدك والعصريه تقضيها تحت شدر النخيل رافع راسك فوووووووووووووووق شامخ شموخ نخيل بلدى ...


    العمده الرائع دائما بى كلمته وطيبته وضيافته ..كل سنه وانت طيب عمدتنا الكريم ..كلامك كريم ككرمك وصادق ويحوى كالعاده عبارات تدفعنى للعطاء وللمزيد وده كلو بفضل ربنا وبفضلكم وقلمى ماهو الا منكم وبكم ولكم ودمتم اخوتى وكل سنه وانتو طيبين ووسط اهلكم وتسلمواااااا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 07:47 PM

bamseka
<abamseka
تاريخ التسجيل: 04-07-2002
مجموع المشاركات: 2441

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    العزيزة / اسماء
    كل سنة وانتى طيبة يارب
    لوقلت الكلمات حلوه وفى غاية الروعة برضو ح اكون قصرت فى حقك يا سوما
    اسماء نور ساطع
    نجم لامع
    كل العالم سامع
    تحياتى وتقديرى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-10-2002, 09:23 PM

rahmy
<arahmy
تاريخ التسجيل: 05-16-2002
مجموع المشاركات: 69

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: bamseka)

    الاخت...سوما
    كلماتك جات فى الصميم يا رائعة....كم افتقد البلد واهل البلد
    وتراب البلد وطيبة اهل البلد وسماحتهم وهم يهنئون بعضهم البعض بالعيد السعيد.............كم افتقد ليالى العيدوسط الاهل والاحبة والاصدقاء...........يا ليتها تعود تلك الايام..يا ليت يا ليت
    وكل سنة وانت بألف خير

    ود السجانة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-11-2002, 00:55 AM

Kabar
<aKabar
تاريخ التسجيل: 11-26-2002
مجموع المشاركات: 14185

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    الأبهـة ..ســوما
    تحية بلون الشمس..معليش جيت متأخر شوية ..ظني أنا مازول شعر ..الا الكلام جاب البلد..وكت داك عاد في زولا ما بيقدر يقول في البلد حاجة؟ ما أظن..
    لك للأوفياء في مقام الحرف الوضيئ هذا الكلام..

    كتبتك..والقول حرن..انتسب صـوتي لمدارج النار..سافرت في شرايين البوح ، غشيت تعاريش القول الجميل،نضح خاطري بتقاسـيم شقاك، كاتلني فيك طيف الغربة وتهاويم العبور، ما قدرت أقول..وكتين كاشفني زمن الحضور..
    انتميـــتك في ذاكرةالهيـــاكل ، اتوضيت بدم القصـايد،وصليت حضـورك ..نشوة الضـو البهية، ضميت نبضـي بخشـــوع، تليتك لزمن الصمت الحضـور،الكـلام شاترني فيـك،و اتقفلت مداخـل البــــــوح
    كتبتـك رقيـات الزيف المفضـوع بي جوع الصبايا، ومشيت للنيل، لقيت النيــل مخمور، سكران بالحـزن الودار،
    الوهـم اعترض خطاي ، وجاهرني فيك بالعداوة..
    وقفـني، في قلب الليـــل، صـوت دوريةهاربة من صدى الخوف، رنت أنفاسـك في صدرالمدينة، جريت عليك، لميت توب الحـروف، وكانت الحــروف عريانة، والظروف برضك كانت عريانة أبت تنســتر..
    مرقت من بين رؤاي ..اتمـاثلتك في حضن و كاتلت بيك حزن المواسم...
    كتبتك سورة الشجن الاسيف، لغة زهت في فنارات البحـر ،ورسمت مياسم السفرالعنيد..
    كيف أقدرأجيك،وخطـاي ما عرفت طعم الحضــارة
    كيف أقدر أجيك، والنبض جواي خان الجسارة
    كيف أقدرأجيك، والليل ضفر جدايلو وكتفني بحبال السكوت
    كتبتك، والقول حرن، انتسب صــوتي لمدارج النار
    محمد النور كبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-11-2002, 07:06 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    اخى بامسيكا كل سنه وانت طيب ..كالعاده اخى الكريم دائما كلامك وتعقيبك يدخل فى نفسى كثيرا من البهجه والسرور لدرجة انى اتعقدت عديل وخجلتنى اخى العزيز والله ادامك الله ويديك الف عافيه واتمنى ان اوفق فى ارضاء الجميع ودعواتكم ووقفتكم هى زائدى فى دربى الطويل هذا الف شكر اخى بامسيكا ..


    اخى الكريم رحمى ود السجانه ود بلدى ..
    رد الله غربتنا جميعا وكل سنه وانت طيب وبارك الله فيك حقيقة نفتقد البلد جميعا خاصة فى مثل هذة المناسبات تحس انك فاقد كل العالم ..ودى ضريبة الغربه باذن المولى نرجع ونستمتع بالعيد وسط اهلنا ..كتر خيرك اخى واتمنى ان تعيد العيد القادم وسط اهلك مرتاح وتتذكر كلامنا ده يكون مجرد ذكريات لك كل التحيه والتقدير..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

12-11-2002, 07:17 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    اخى محمد نور ..فى هذا الصباح البهى ..طليت على بكلماتك الساطعه كشمس هذا الصباح فغمرتنى بى روعتها حد الدهشه ..يالك من مبدع يالروعة بنانك يالسحر قلمك ..يالك من متمكن هنيئا للاخوان بالبورد بك فى زمن اتلاشت فيه مفرداتنا السوادنيه الدارجه بكمها الهائل من الجمال والروعه وقوة المعانى ..اخى محمد حقيقة اقف امامك محتاره ماذا اكتب وكيف اعبر لك عن مدى اعجابى بكلماتك الصادقه التى تغللت فى دواخلى وتمكنت و احيانا اخى محمد تضيق العباره ..
    التحيه لك بلا حدود وشكرى لك بلا قيود واتمنى ان نلتقى ..واتمنى ان احظى بقدر وافر من كلماتك على كتاباتى المتواضعه واهديك تحيه واهديك سلام برضو من البلد يا ود البلد
    شكرا مطر....

    سلام من البلد

    سلام..
    اغرف من بحر الكلام ..
    اغلا الحروف انسج سلام...
    فى ثوب موشح بالمحنه والوئام....
    واقلع من قيف الجرف شتلات غرام ...
    اجدع فى الثوب القبيل ...
    ارسم طيور.. فوق الغمام ...
    حاضنه الحنين .. حاضنه الوله ..
    شوق وابتسام ...
    وارسل تحايا معبقه بالمشاعر والهيام ...
    مليانه بى ريق الاهل..
    نفس الاهل بتقول كلام ....وتقول سلام
    من الشرق... اهل الدرق ..
    شوقا الف .. طبعا ولف..
    مرحب دبايوا يا كرام ..
    من الغرب اهلا حبابكم باحترام ...
    من الشمال صفق الشدر ...
    صوت الوتر... ريحة التمر..
    تقلد تطايب فى انسجام ...
    *******
    ومن الجنوب نغما طروب..
    سكسك يكشكش فى فرح ...
    يجرى ويجوب..
    كل الشوارع والدروب ...
    و يقول سلام بدل الحروب ...
    *******
    ومن البطانه الداره بالضرع
    الحلوب
    بيتين شعر تصدح تدوب ...
    جنيات تدوبى .. تسرح.. تنم
    ترسم جمال ساعة الغروب
    ******
    واقيف هناك وسط الاهل ..
    و ريحة البخور.. اكتب سطور ..
    تعبر جبال تعبر بحور ..
    تحمل تحايا من شهور زى دهور ...
    من قلبا سعيد مليان سرور ..
    مليان حبور...
    لى ناس عزاز قلوبا نور ..
    ووجوها نور ...
    ضيا متل بدر البدور...
    ولهيجا زى نفس الزهور ...
    اتمنى من ربى الشكور ...
    يصل السلام مرسال محبه ..
    ولى الاحبه ..الف ورده ...
    و زحمة من باقات عطور ...
    ا لف ورده وزحمة من باقات عطور ..
    اسماء صديق الطيب الجنيد
    مسقط عمان
    1/9/2002
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-14-2003, 11:27 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    وانا يا بلد..........
    التحيه لعموم ابناء البلد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-14-2003, 03:11 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    الأخت أسماء :

    لك التحايا أينما حللت و نزلت.

    أين كنت تخبئين هذه التحفة الوطنية.

    عافاك الله ، فقد أخرجت بهذه الكلمات رعودا تعربد في دواخلنا ، و لكنها ترقد في خمول و يأس ، كلماتك تجرد أنفسنا من أنانيتها ، و تجعلنا نفرد صدورنا متباهين بالبلد و الإنتماء إليه ، و نملأ خياشيمنا بهواء بلادي المغموس في طين الجروف و سعفات النخيل و أنات السواقي و بكاء أوتار الطمبور و زغاريد الفرح و مناداة الفزعة و برق الخريف و زخات المطر ، و وووووووووو

    و كل شيء سمح و زين.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-14-2003, 09:01 PM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    ابو جهينه يا ابن النيل .. يا سلالة ود حبوبة وود تكتوك
    كلامك غنى ودوباى .. يديك العافية وانت يوما بعد يوم تنظم عقود ولآلىء من درر الكلام .. قلتها واكررها مرات ومرات ..اتباهى بها .. تعقيباتك يا ابن بلدى .. اطار من معانى الروح والاصالة تزيين بها كتاباتى المتواضعه .وتزيدها جمالا ورونقا .. يجذب كل عابر طريق للنظر بتمعن .فى لوحاتك الرائعه المخطوطه ببنانك الصادق المعبر ..ويحمل فى طياته حبك للبلد واهل البلد ..
    ابو جهينه القومه ليك يا ابن سليل الفراديس ..
    تسلم ود امى.......... .فتك بى الف عافية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-14-2003, 09:23 PM

عشة بت فاطنة
<aعشة بت فاطنة
تاريخ التسجيل: 01-06-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    سومة ك سنةوانت مشرقة
    وانا اقول الحكاية شنو كلما اضرب ليك تلفون نايم ما بترديولا بتصدي
    وعلى كل العيدية مقبولة رغم انو العشم تكون بالدرب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-15-2003, 10:25 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** انا يا بلد *** (Re: soma)

    تسلمىىىىىىىىىى يا عشة بت امى فاطنة ..يا حنينة .كتر الف خيرك
    والجية بالباب ليك يتسر القلب وتفرح النفس ..وجااااياك جاياك باذن الله
    تحياتى للمعاك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de