عصيان عصيان حتي نسقط الكيزان
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 12:32 PM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

*** الطيارة أم ضنب ***

04-10-2011, 11:32 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
*** الطيارة أم ضنب ***

    سلام يا اهلنا
    إليكم المشهد التاني من مسرح الإنقاذ لمواصلة تليبة عبد الرحيم وزير دفاعنافي تل أبيب


    المشهد التاني

    الريس
    تعال تعال انت يا العاضي جلابيتك دي
    ماشي وين يا عبد الرحيم؟؟
    كدي خليها تل ابيب اريتك بالدبيب اليسقط حجرك
    امشي بي جريتك دي ناغم لي شيخ علي عثمان شوفوا لي وين
    النشوف الحكاية دي آخرتها
    بعد مدة يجي علي عثمان داخل
    البشير مكردم ومكفرن ومدردم ومشلضلم ومكوم كلامو فوق شلاضيمو
    يعاين لي علي عثمان بي قلق وحراق روح
    ويقبل يتكلم مع على عثمان وهو محتار وزهجان وحيران
    حكاية الطيارة دي كيفنها يا علي ياخ
    الناس ديل العملوها فيني نجار في خشبة ما سواها ، نشروا مخي نشر
    والله ده الجن الماعندي ليه دوا، ولا كلام ، ولا كضب
    الكضب كلو كبيتو وكملتو في دار فور وحلايب
    والعندي الفضل كملت بيهو خجة الإنتخابات وفصل الجنوب الله يفصل ركبته عبد الرحيم
    كان جاب لي الأزية على عقاب عمري الزول العولاق ده

    ينط علي عثمان بي ضيق شديد
    انت يا عمر عينك في الفيل وتطعن في ضلو..؟؟
    هسي انت بي الصح و بالكضب بي موية
    مصدق انه المصيبة الجاتنا دي من الدلاهة عبد الرحيم ده ؟؟
    الريس
    اها من منو يعني ؟؟

    ياخ ده زولك الرمة الإسمو نافع وما نافع ده
    انا ما عارف المصبرك عليهو شنو الزمن ده كلو ؟؟؟
    زمااااااااااان كلمتك قلت ليك الزول ده اكشحو بي طش في اي ملف وريحنا منو
    والله البلاوي دي كلها جايانا من تحت فاخورتو الماكنة وفاضية دي
    اتبوجح ويطلع في شعارتو الفاضية ويتوعد ويحلب التيس قشطة وهو ما ناقش حنانو

    الريس
    يا علي ياخ انا عارفك انت الزول ده مكجنو من زمااان
    وعارفك مستعد تلحس المكواة نمرة ستة وما تشوفوا
    لكن كمان ما ني متوقع انه هو سبب البلوة دي بالذات
    ينط علي وكثافته وصلت الحد
    علي الطلاق القصة دي كلها من زولك الما نافع ده
    علي الطلاق بالتلاتة تشيل الزول ده إلا اضانا تبرد و نشبع نوم
    ياخ نحن هسي لينا كم زمن عينينا ديل ما اتلاقن
    والشعب الكارهنا بي سبب المكروه ده يمكن يحبنا
    كل ما نبرد لينا من بلية من بلاويه , يجينا بي كفوة جديدة ..
    والأخيرة كمان جابتلها لحسان كوع
    ان شاء الله كوعو بالسلخة وايدو بي الملخة
    هسة يا ريس بتتوقع الفتنة الفي اسرائيل دي جاية من وين ؟
    الريس
    اها من وين ؟ ما من خيابة جيشنا وحرسنا
    وعبد الرحيم الفاقع مرارتي وفشفاشي ده
    انا عبد الرحيم اليومين ديل شايفو قدو قدو ... قدو قدو
    إن قبلت عليهو علي بالطلاق علا اوديهو حلايب كداري وافجخوا باللواري
    علي يخبت التربيزة بي زعل ويقوم حردان مارق
    قلت ليك مااااااااا من الزول المامنو فايدة ده ..
    يا زول على كيفك انا مارق زاتي ...
    ينخ الريس الجخاخ ويبدأ يحنس ويتوسل
    . يا زول تعال بطل حردانك الكتير ده ، تعال ياخ ما تبقى علي انت ولبن العشر أب ريالة ده
    قول لي برواقة بسمعك ،حرم اسمعك
    اها من منو ؟؟؟
    نورني ياخ خليني ارتاح.

    يرجع علي عثمان على مضض
    يقعد ويمرق عمتو يرميها في التربيزة بي حرقة
    ومكوم اخلاقو بنية في التربيزة قدامو ..
    كان لقى فرصة بتلب في البشير زاتو يقلم رقبتو
    يقبل علي بي زعلة ونهرة موجه كلامو للبشير
    تتذكر المرض المانافع ده المشاكل الجراها لينا من دارفور ؟؟؟
    والخلق الطفشوا من البلد دي بي سببه ؟؟
    كره الناس في البلد كلها
    ياخ الناس فضلوا اليهود في إسرائيل علينا
    وعلى البلد
    ومشوا لليهود بي كرعينهم و إرادتهم
    وده كلو بسبب الخازوق الفي نافوخنا كلنا ده
    . الله يرضي عليك ريحنا منو وريح البلد كان داير ليك كم سنة تاني لي قدام
    شفت الناس المشوا إسرائيل ديل أكيد وقطع شك نافع ده دس وسطهم عشرات من ناسو
    اها الناس الدساهم نافع ديل هم زاتهم البلغوا إليهود عليك
    بي طلب من نافع شخصيا وجوا ضربوك
    وانت عارفني كويس من ما طبخنا الإنقلاب ده سوا
    ما بقول لي كلام ساي ماني متأكد منو
    وما حصل يوم ورطتك
    الريس
    عرقاااااااااان وطفشان ويتهبب بي طرف عمتو رغم الكندشة
    علي الطلاق دي مصيبة اخير منها اوكامبو
    كتلوك كتلوك .. اخير من جوك جوك ..
    كدي النفكر في الموضوع ده بي رواقة
    لكن والله يا علي كلامك ظنيتو صاح
    ينط علي
    علي الطلاق صاح
    انا غايتو نورتك للمرة ألألف وذنبنا كلو على جنبك
    الريس
    كدي خليني النفكر وما بخليهو نافع علي الطلاق ما بخليهو
    جني وجن زول يزازي بي
    ويزرزرني زرة كلــــب في طاحونة
    كمان بعدما المشاكل حوطتني زي الميس من كل جهة
    بقت تجيني من فوق وتحت ؟؟ بعدما نجضتني من كل الجهات ونجمتني نجام قبورة !!!
    بعدين عينة الصواريخ ولا الطيارات البترك وسط الزلط دي وتحرق نص الليل
    وتختف كف زي الصقر,
    وتلقط البتدور تلقطو . دي انا خايفة تجيني في بكاني ده
    ويتلفت مخلوع
    انا ما قلت ليكم ما داير لي اي شباك مفتوووووووووح ولا كركبة في المكان ده كلو
    ما تكركبوا مخنا اكتر من هو مكركب
    يا ريس ديل ناس الإعلام
    اها ديل بدورو شنو بي كشافاتهم دي
    نحن ناقصين كشف حال
    كمان تجينا ضربة على الهواء ونبقى فرجة لي كل الشمات ؟؟؟
    هنا يهم علي متخارج من مكتب الريس
    يقاطعه الريس بالله عليك الله يا شيخ علي وانت مارق علي مكتبك شوف لي معاك نافع ده الله لا نفعه ,,
    يقاطعه علي مكرفس وشيهو
    يا زول انا لا بنادي ليك ولا حاجة ,و ان قابلني في وشي ما بتكلم معاه
    شوف ليك زول تاني غيري يناديه ليك.
    البشير يعفص جرس مكتبه بي قوة لامن اصبعو يحمر
    يجيه داخل مصطفي عثمان يقول ليه نعم يا ريس
    ايوة يا مصطفي إسماعيل يا الطفل المعجزة
    شوف لي نافع ده وين داير اختو تحت جزمتي دي الليلة
    يتخارج الطفل المعجزة وشو ينعل قفاه
    نواصل في الحلقة القادمة


    (عدل بواسطة اسماء الجنيد on 04-10-2011, 11:37 PM)

                   |Articles |News |مقالات |بيانات

04-11-2011, 10:29 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    الطيارة ام ضنب وصلت حوش بكري ,,,, والله صحي
                   |Articles |News |مقالات |بيانات

04-11-2011, 10:34 AM

معاوية عبيد الصائم
<aمعاوية عبيد الصائم
تاريخ التسجيل: 06-09-2010
مجموع المشاركات: 23508

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    ازييييك اريتك طيبة

    هادى قعدة وربنا يقدرنا
    ياختى ..ونقول الفيها الخير
                   |Articles |News |مقالات |بيانات

04-11-2011, 10:47 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7587

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: معاوية عبيد الصائم)

    ابداع يا اسماء
    شكرا ليك

    دي اخير منها جرسة دخلة خليل امدرمان

    والله الناس الملاعين ديل لا عارفين يلافوها بالغرب وللا الشرق
                   |Articles |News |مقالات |بيانات

04-11-2011, 11:00 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: أحمد ابن عوف)

    Quote: ازييييك اريتك طيبة

    هادى قعدة وربنا يقدرنا
    ياختى ..ونقول الفيها الخير

    حباب الزين عشا الطيبين
    تعال سااااااااي حبابك ألف
                   |Articles |News |مقالات |بيانات

04-11-2011, 11:25 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6322

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: *** الطيارة أم ضنب ***

    ** بت الجنيد..
    ** مساءك خير..

    # سيناريو جميل لمايحدث فى البلد الماعندها وجيع ,, الواحد بيقرأ وعامل ساتر خوفاً من الريالة ,, وإحتمال عبدالرحيم لما الطياره جات وضربت أو الصاروخ أو الصاعقه أو إى حاجه مُدمره كان بيعد فى تياب وداد الجديده ,, أو بيسخن فى العربيه ماشى مع البشير عـقد ,, أو الدفاع الحوى شغال بنظام ألإسكراتش وعبدالرحيم ماصرف ليهم اليوم داك..
    ## بلد وزير دفاعا هـطـلــه وشغال سواق للريس ممكن الطياره دى تنزل فى كافورى عادى ,, دا لو مانزلت فى القياده..

    (اللهم أنقذنا ممن أتوا لإنقاذنا)
    (ابو محمد فؤاد) - الماكيكى..
                   |Articles |News |مقالات |بيانات

04-11-2011, 11:34 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6135

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: عبدالكريم أحمد الامين)

    على الطلاق برنادشو ما كتب كلام زي دا
    برنادشو شنو العولاق
    حرم كلام زي دا اصلو ما شفنا
    الله اديك العافيةيا سوما
    غايتو انا من الليلة دي انا شيختي اسماء الجنيد
                   |Articles |News |مقالات |بيانات

04-11-2011, 11:49 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: عبدالله ود البوش)

    يا سومـــأ

    ياخ بالغتي عدييييييييييييييييل كدا
    انا علقت واتعلقت..
    تاني الا ينزلوني بي طيارة....
                   |Articles |News |مقالات |بيانات

04-11-2011, 12:09 PM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: Abdlaziz Eisa)

    Quote:
    الطيارة ام ضنب وصلت حوش بكري ,,,, والله صحي

                   |Articles |News |مقالات |بيانات

04-11-2011, 01:25 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: قيقراوي)

    Quote: ابداع يا اسماء
    شكرا ليك

    دي اخير منها جرسة دخلة خليل امدرمان

    والله الناس الملاعين ديل لا عارفين يلافوها بالغرب وللا الشرق


    حباب اخوي احمد حبابك ود ابوي ابنعوف الما بتعرف الخوف

    انت عارف يا احمد هي بقت جايطه فوق تحت شرق غرب شمال جنوب
    زي ما قال الريس فوق
    بقت محاوطاه زي الميس
    والله صحي
    شكرا يا ابو حميد ياخ على الطلة ,, تسلم كتير
                   |Articles |News |مقالات |بيانات

04-11-2011, 10:54 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: ** بت الجنيد..
    ** مساءك خير..
    # سيناريو جميل لمايحدث فى البلد الماعندها وجيع ,, الواحد بيقرأ وعامل ساتر خوفاً من الريالة ,,
    وإحتمال عبدالرحيم لما الطياره جات وضربت أو الصاروخ أو الصاعقه أو إى حاجه مُدمره كان بيعد فى تياب وداد الجديده ,,
    أو بيسخن فى العربيه ماشى مع البشير عـقد ,, أو الدفاع الحوى شغال بنظام ألإسكراتش وعبدالرحيم ماصرف ليهم اليوم داك..
    ## بلد وزير دفاعا هـطـلــه وشغال سواق للريس ممكن الطياره دى تنزل فى كافورى عادى ,, دا لو مانزلت فى القياده..
    (اللهم أنقذنا ممن أتوا لإنقاذنا)
    (ابو محمد فؤاد) - الماكيكى..

    حباب ابو محمد فؤاد الما كيكي
    حبابك يا خوي وحباب طلتك البتطري الأهل الحنان
    لوووووووووووووووولز والله عد التياب ده يا خوي خبرا جديد بالحيل
    تبقى مصيبة كبيرة لو كان ده حال وزير دفاعنا لبن العشر البعمي النظر
    الله غالب,
    الله مع اهلنا الوزير دفاعهم وزير عروس ولا عريس حتى
    هي كان الطيارة دي نزلت في كافوري وكوفرت بطونهم ما كان ده البندورو
    لكن الغلابة والمهمشين من الشعب المسكين بتقع فيهم هم في صمة خشمهم ,,,
    ليهم الله ,, يمهل ولا يهمل
    تسلم اخوي عبد الكريم على الطلة , كتر خيرك يابا
                   |Articles |News |مقالات |بيانات

04-12-2011, 05:39 AM

معاوية عبيد الصائم
<aمعاوية عبيد الصائم
تاريخ التسجيل: 06-09-2010
مجموع المشاركات: 23508

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    النظام العام يلقى القبض على الطيارة ..فى حالة تلبس..ووزير الدفاع مبسوووووط







    بت الجنيد اريتك طيبة والولاد...قلنا نرفع المداخلة دى .ما تقوم تلم فيك عين
    قريبى ود الباوقة تغطس ليك حجر البوست ده ههههههههه

    (عدل بواسطة معاوية عبيد الصائم on 04-12-2011, 05:46 AM)

                   |Articles |News |مقالات |بيانات

04-12-2011, 07:31 AM

البحيراوي
<aالبحيراوي
تاريخ التسجيل: 08-17-2002
مجموع المشاركات: 5763

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: معاوية عبيد الصائم)


    العزيزة أسماء الجنيد

    تحياتي - طبعن الشعراء ينظرون للأحداث بعين زرقاء اليمامة ولذلك تجدهم بالمقدمة حين تدلهم بالقوم الخطوب. ولطالما هناك هامش حرية كما يتحدثون ويبيعون لنا الكلام ليتهم يعطوننا فريقة للتعبير بما يرى شعرائنا وكتابنا.

    بحيراوي
                   |Articles |News |مقالات |بيانات

04-12-2011, 08:01 AM

عبدالمجيد الكونت

تاريخ التسجيل: 04-15-2009
مجموع المشاركات: 5613

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: البحيراوي)

    gg1.jpg Hosting at Sudaneseonline.com
    Quote: البشير مكردم ومكفرن ومدردم ومشلضلم ومكوم كلامو فوق شلاضيمو




    تحياتي استاذة اسماء
                   |Articles |News |مقالات |بيانات

04-12-2011, 06:52 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: عبدالمجيد الكونت)

    Quote:
    على الطلاق برنادشو ما كتب كلام زي دا
    برنادشو شنو العولاق
    حرم كلام زي دا اصلو ما شفنا
    الله اديك العافيةيا سوما
    غايتو انا من الليلة دي انا شيختي اسماء الجنيد

    ود البوش سيد الحوش حبابك يا الحنين ود الجروف والطين
    وحات الله شهادتك دي زادتني طول لا فوق
    ات يا يابا تتعلا ما تدلا ويفتحها ليك الله
    وين ما تقبل تنمهل عليك ، يا الكريم من البداية وحنين للنهاية.
    عاد شن اقول ؟ يعلم الله غلبني القول يا سيد الرأي بالعرض والطول
    خليك معانا نتم حلقاتنا دي ونشوف نهاية البرطعة في القصر الجمهوري
    نفضحهم لامن الله يفرجها على الجميع ونرتاح منهم
    شكرا اخوي ود البوش فرحتني يا با
    يفرحوك وليداتك إن شاء الله
                   |Articles |News |مقالات |بيانات

04-12-2011, 11:35 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: يا سومـــأ

    ياخ بالغتي عدييييييييييييييييل كدا
    انا علقت واتعلقت..
    تاني الا ينزلوني بي طيارة....


    عزيز العزيز سلامات يابا كيفك واريتك طيب
    تبرا من العليقة يا بوي ’’ ، يتعلقوا هم إن شاء الله من عراقيبهم
    شاحده ليهم الله ورسول مكة، قول آميــــن
    لكن برضو خليك معانا قريب وشاركنا في فضح الجرابيع ديل
    تسلم يا عزيز وحباب طلتك السمحة
                   |Articles |News |مقالات |بيانات

04-13-2011, 03:33 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: عزيز العزيز سلامات يابا كيفك واريتك طيب
    تبرا من العليقة يا بوي ’’ ، يتعلقوا هم إن شاء الله من عراقيبهم
    شاحده ليهم الله ورسول مكة، قول آميــــن
    لكن برضو خليك معانا قريب وشاركنا في فضح الجرابيع ديل
    تسلم يا عزيز وحباب طلتك السمحة


    أديبتنا الوريبة بت امي سوما

    حياك الله

    جار لي صبّحت عليه وما قدر يفوت الفرصة عن ما انقطع من حديث الجمعة:
    شنو أخبار الطيارة!!

    في سرّي قلت: غريبة!! مرّ أسبوع ووزيرنا ذاتو تناسى, بس أنا شقي الحال في بعدي متلّحني بالرد... ومن وين أجيبك ليكم سد!!
    وعملت مشغول بالجوال وفي بالي الوزير المسافر في قلة الشغلة لمكان السيارة ضحية الطيارة..
    وكان يتحاوم حول الركام مثل الزول العارف وعايز يعرف شئ..
    قلت: لسع بنجمع في تفاصيل الجريمة واعداد ملف الرد... وحأكلمك بعدين لأني مستعجل..
    وبعدين دي الهروب لي قدام..
    يعني كان ماني لاقي أقول شئ.. أحسن ما أخسر كلماتي هبوب!! وما أبقى زي الوزير الما باقي ليهو الا يقول: الروب!!
    وبعدين يا الوزير..
    أقول للناس دي شنو!!
    وسؤالي ده لسان حال الناس الجوة..
    وسودان الشتات افرازات العولمة الانقاذية ديل..
    وايضا جاتني فكرة السد
    هي اسرائيل مش كان عندها رغبة في موية النيل..!!
    خلاص بأى...
    أهو الرد جانا في مكانا ده..
    نعمل سد ونتحكم في الموية, ولا نقطة تمشي هدر وبالتالي نحرم اسرائيل من الكلام في موية النيل.. تشمها قدحة!!
    لا لا لا ... دي فكرة ضعيفة
    نحن عندنا مصنع طيارات..
    نجهز زي 100 طيارة شراعية ونهربها لناس حماس.. ونكتب عليها بخط واضح: صنعت في ايران!!
    ولما الـ100 ديل يقوم بهجمات انتحارية.. نكون أصبنا اسرائيل في مقتل
    والشئ الاهم.. بالمرة نكون تخلصنا من ترلة اسمها حماس..
    وسنعود للقاء الجماهيري بعد تنفيذ عملية: فجر القدس هذه

    مودتي
                   |Articles |News |مقالات |بيانات

04-13-2011, 03:38 AM

mustafa mudathir
<amustafa mudathir
تاريخ التسجيل: 10-11-2002
مجموع المشاركات: 3322

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    ههههههههه
    خخخخخخخخخخهههههههههههههههههههههههكشششششششششههههههههههههه
    Quote: انا عبد الرحيم اليومين ديل شايفو قدو قدو ... قدو قدو


    ياخي وقفت هنا عشان انا عندي الألب. أسوي البخاخة وارجع!
                   |Articles |News |مقالات |بيانات

04-13-2011, 03:46 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: mustafa mudathir)

    Quote: النظام العام يلقى القبض على الطيارة ..فى حالة تلبس..ووزير الدفاع مبسوووووط


    بت الجنيد اريتك طيبة والولاد...قلنا نرفع المداخلة دى .ما تقوم تلم فيك عين
    قريبى ود الباوقة تغطس ليك حجر البوست ده ههههههههه


    معاوية ود عمي عبيد سلام يابا
    النبي فيك آآآ ود عمي الصائم النصيبة ام ضنب دي جبتها من وين
    شكييييييييييييت محنك ات كل يوم مقلعلك بي نصيبة
    وحات الله ضحكت جنس ضحك زي ضحكة ود مدثر التحت ديك
    البوست اب ضنب ده ما بدورو يحتل كلو كلو
    ريحني من مشاكل كتيرة خلاس
    كل ما اشوف لي حاجة في سهلة بكري دي ما تعجبني
    برفع ضنب البوست ده لووووووووولز
    عقيبرب بس بي ضنبها
    ناسك التكاوي فيهم ديلك كللللللللللهم ما بقربوا لينا
    نبرطع سااااااااااااي في طيارتنا المكركبة دي
    تسلم يا بوي وتسلم ايامك وسلملي معاك على الطيبين السمحين
                   |Articles |News |مقالات |بيانات

04-13-2011, 03:58 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    قيقراوي الجميل حبابك يا ضل بيوتنا
    وين الحي بيك
    فاقدنك بالحيل يا عشانا
    تضحك في الطيارة ام ضنب ول في ضنب الطيارة لووولز
    ولا عشان وصلت حوش بكري؟ بالحيييييل وصلت كاشه الهكر الصهيوني قدامها
    والله صحي
                   |Articles |News |مقالات |بيانات

04-13-2011, 04:17 PM

Kostawi
<aKostawi
تاريخ التسجيل: 02-04-2002
مجموع المشاركات: 35236

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    من الخواجة أبشنب للطيارة أم ضنب

    شكرا يا زول
                   |Articles |News |مقالات |بيانات

04-13-2011, 04:34 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote:
    العزيزة أسماء الجنيد

    تحياتي - طبعن الشعراء ينظرون للأحداث بعين زرقاء اليمامة ولذلك تجدهم بالمقدمة حين تدلهم بالقوم الخطوب.
    ولطالما هناك هامش حرية كما يتحدثون ويبيعون لنا الكلام ليتهم يعطوننا فريقة للتعبير بما يرى شعرائنا وكتابنا.

    بحيراوي

    حبابك اخوي البحيراوي
    طلتك جميلة وحنينة في كل الأوقات
    تسلم كتير يا الحنين على كلامك السمح الوشحتني بيه
    دي شهادة اعتز وافخر بيها جدا والله ,,,,

    تسلم كتير يا دخرينا
                   |Articles |News |مقالات |بيانات

04-13-2011, 04:50 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: تحياتي استاذة اسماء


    حباااااااااب اخوي ود الكونت
    لكن يا عبد المجيد يا خوي باااااااااااااااالغت معاي جنس بوليغة هي
    النبي الصورة دي ات متأكد لقيتها واقعة في شارع الله والرسول ده
    ولا البشير رسلها ليك وزعلااااااااااااان مني ورسلا ليك قال ليك ختها لي بت الجنيد في بوستيها
    المبستفاني فيه ده ,,,
    تسلم تسلم يا الكونت يا يابا يا ضل السحابا
                   |Articles |News |مقالات |بيانات

04-13-2011, 04:58 PM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7986

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    أموت وأعرف
    مصدرك شنو؟


    ولا حتقولي ما قد قيل في هذا الشأن سابقاً..


    بس الحقيقة
    سيناريوهاتك دي لو صحي
    وأقصد الطريقة التي بها يتم النقاش وفحواه
    ما هُن مِطولين
    بلِمو في بعضن فجخ ونخلص منهم

    بس المحتوى الفكري للعملية
    واقعي وحقيقي ولا جدال

    بصراحة
    دا سيناريو ينفع مسرحية راسا عديل
    ما فيهو كلام تب
    (الزعيم والطيارة أم ضنب)



    يا اخي والله كتلتيني بالقرقرة


    تسلمي إنتي ويسلم فكرك وقلمك
                   |Articles |News |مقالات |بيانات

04-13-2011, 11:14 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: بله محمد الفاضل)

    Quote:
    ياخي وقفت هنا عشان انا عندي الألب. أسوي البخاخة وارجع!

    حبابك اخوي مصطفى مدثر
    تبرا يا يابا انت من وجع القلب
    ان شاء الله ربي يبليهم هم ، قلوبهم بالوجع وصدورهم بي ضيق النفس ، قول آمين
    والبركة في ضحيكتك يا يابا
    وراجينك تجينا راجع
    تسلم على الطلة المفرحة
                   |Articles |News |مقالات |بيانات

04-14-2011, 00:00 AM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote:
    قيقراوي الجميل حبابك يا ضل بيوتنا
    وين الحي بيك
    فاقدنك بالحيل يا عشانا
    تضحك في الطيارة ام ضنب ول في ضنب الطيارة لووولز
    ولا عشان وصلت حوش بكري؟ بالحيييييل وصلت كاشه الهكر الصهيوني قدامها
    والله صحي

    سوما العظيمة
    و الله بضحك فيو كلو
    و قيل بضحك في ي ي حالنا نحن ديل
    يعني الجماعة خلاس كدا غشونا؟
    العملية نامت؟
    و لا نامت اعين الجبناء

    احييييييي يا فشفاشي


    -------

    ياخ طريقتك في الكتابة عظمة على عظمة

    و
    Quote:
    والله صحي


    دي اكتر حاجة مكيفاني في حناني
    موبااااالغة .. شايفا موضة اليومين دي
                   |Articles |News |مقالات |بيانات

04-14-2011, 06:51 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7986

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: قيقراوي)

    ربما سبقني إلى ذلك أحدهم

    لكن ما تفعلينه هو ما يسمى

    بـ


    (البكاء الساخر)




    وشر البلية ما يضحك



    وصباح الخير والنور وأي حاجة كويسة بتشبهك



    أخوك
    ود الفاضل
                   |Articles |News |مقالات |بيانات

04-14-2011, 07:18 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7986

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: بله محمد الفاضل)

    وهاك آ بت الكلام الموجع دا....


    فصل البيان .. في الجامع بين صغيرتي الشاهقة، واس ام سي، وطائرة بورتسودان
    مقداد خالد






    مدخل:
    وديارنا مفتوحة أبداً .. فكل الدار باب
    (عاصم حنفي)

    (1)
    صغيرتي الشاهقة:
    لغاية يوم أمس
    كنت أظنني ووطني
    (وحدنا)
    ممن تعوزهم مضادات أسلحة الجو
    وبالتالي معرضين لهجمات البر والبحر
    بكل وقت .. وكل حين.

    (2)
    صغيرتي الشاهقة:
    بعيونك ذات الطبيعة التدميرية الفاتكة
    التي لم تستطع عصبة الأمم –وإلى اليوم- أصدار قرار واحد بشأنها
    والتعاطي مع حقيقة أنها سلاح دمار شامل
    حيناً بالتشاغل بأمر ليبيا
    وتوجيه أسلحة حلف الناتو للعقيد القذافي
    وحيناً بالعمل على الحد من تسلح كوريا وايران
    وأحايين كثيرة عبر الوقوع في شباكها التي تسوى (ونص وخمسة)
    حق النقض (الفيتو)
    أو ليست هي من تنقض غزلي كلما حاولت نسجه
    عبر قصفي بصواريخها المحملة بالاسلحة المحرمة
    منذ أول وهلة جمعتني بها
    وإلى ساعته
    بكل عنف .. ورحمة
    بينما العالم ساااااااكت .. ويتفرج
    ولعله هنا مربط الفرس
    فمن يراك
    أما أن يتوارى هرباً .. أو يحتمل تبعات الوقوف
    ضد (أمبراطورية عينيك) العظمى

    (3)
    صغيرتي الشاهقة:
    بالأمس خذلنّي الوطن
    ولا تقولي لي ما الجديد في ذلك
    فالجديد أنني أكتشفت –بغتة- أن له مضادات أرضية
    مجهزة في قبالة الغارات الجوية
    مضادات عمدت إلى حصار الطائرة التي قصفت شارع المطار ببورتسودان
    وضيقت عليها الفضاء بما رحب
    وأضطرتها للحيز الضيق من شارع (الله أكبر)
    فلاذت بالفرار بعد أن قنعت بأن زمان (الشفاء) ولى
    وأن دخول مجالنا الجوي يعني (سقم) الموت
    وذلك بحسب البشريات التي ساقها لنا (المركز السوداني للخدمات الصحفية)
    المعروف أختصاراً بـ (اس ام سي)
    بأخباره الغير قابلة للنفي

    (4)
    إذاً
    بت وحدي -دونما رفيق- أخوض معركتي الخاسرة ضدك
    بشعار يتيم
    شعار المهزوم الخائب الذي يعمل على تهوين خسارته (الرابحة) ما أمكن
    بأن (ثبات المحارب حتى الهزيمة .. بعض أنتصار)

    (5)
    صغيرتي الشاهقة:
    وبكامل قواي العقلية
    أرفع رايات الحب .. عليك
    وأعلنها
    بأني ساظل كوالدي الشريف حسين الهندي الذي خذله الجميع
    وأختار القتال بـ (صدق) مثل السيف وحده
    حتى لقي حتفه
    فما أجمل أن أحيّا .. لأموت بلحاظك
    وأبعث .. لأموت من جديد

    (6)
    صغيرتي الشاهقة:
    أعلم بأني لا محالة خاسر
    ولكني سعيد .. بنضالي
    سعيد .. بفتكك
    فلا تتوقفي عن تدميري
    وما تخلي فيّا شي
    وموعدنا (الحوض) .. أو كوثر عينيك


    التاريخ:
    اليوم المائز بنضالاته
    السادس من أبريل
    الموافق ليوم الأربعاء بالعام 2011م

    التوقيع:
    عاشق هزائمك
                   |Articles |News |مقالات |بيانات

04-14-2011, 10:11 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: بله محمد الفاضل)

    Quote:
    أديبتنا الوريبة بت امي سوما

    حياك الله

    جار لي صبّحت عليه وما قدر يفوت الفرصة عن ما انقطع من حديث الجمعة:
    شنو أخبار الطيارة!!

    في سرّي قلت: غريبة!! مرّ أسبوع ووزيرنا ذاتو تناسى, بس أنا شقي الحال في بعدي متلّحني بالرد... ومن وين أجيبك ليكم سد!!
    وعملت مشغول بالجوال وفي بالي الوزير المسافر في قلة الشغلة لمكان السيارة ضحية الطيارة..
    وكان يتحاوم حول الركام مثل الزول العارف وعايز يعرف شئ..
    قلت: لسع بنجمع في تفاصيل الجريمة واعداد ملف الرد... وحأكلمك بعدين لأني مستعجل..
    وبعدين دي الهروب لي قدام..
    يعني كان ماني لاقي أقول شئ.. أحسن ما أخسر كلماتي هبوب!! وما أبقى زي الوزير الما باقي ليهو الا يقول: الروب!!
    وبعدين يا الوزير..
    أقول للناس دي شنو!!
    وسؤالي ده لسان حال الناس الجوة..
    وسودان الشتات افرازات العولمة الانقاذية ديل..
    وايضا جاتني فكرة السد
    هي اسرائيل مش كان عندها رغبة في موية النيل..!!
    خلاص بأى...
    أهو الرد جانا في مكانا ده..
    نعمل سد ونتحكم في الموية, ولا نقطة تمشي هدر وبالتالي نحرم اسرائيل من الكلام في موية النيل.. تشمها قدحة!!
    لا لا لا ... دي فكرة ضعيفة
    نحن عندنا مصنع طيارات..
    نجهز زي 100 طيارة شراعية ونهربها لناس حماس.. ونكتب عليها بخط واضح: صنعت في ايران!!
    ولما الـ100 ديل يقوم بهجمات انتحارية.. نكون أصبنا اسرائيل في مقتل
    والشئ الاهم.. بالمرة نكون تخلصنا من ترلة اسمها حماس..
    وسنعود للقاء الجماهيري بعد تنفيذ عملية: فجر القدس هذه

    مودتي

    حبابك يا عزيز العزيز
    يطيبن ايامك إن شاء الله
    ما دي المصيبة يا عزيز يا خوي ,, يسوا هم البلاوي وتقع في رأس المواطن البسيط
    يعني هسة انت لا ايدك لا كراعك، يعملا وزيرنا الدلاهة وتتعضر انت لي باقي خلق الله
    انا لو منك ولا اخجل ليهم ولا حاجة
    طوااااااااالي افتو قرض, واقول ليهم عندنا وزير زروه زي ما هو مزرزر الشعب الغلبان
    جاتو من الله,,
    لكن نحن كان بنقدر نمسك الموية يا عزيز يا خوي
    كان مسكناها من اولاد بمبا , شغالين فينا بي بجاحة شديدة ومطولين لسانهم في كتير من المواقف
    ويكفي شايلين مننا حلايب . هسة كان قفلنا منهم الدرب في السد العالي
    ما كان حلايب دي رجعتلنا زمان؟؟؟
    الله يديك العافية يابا
    ويفرجها علي اهلنا الغلابة
                   |Articles |News |مقالات |بيانات

04-14-2011, 10:53 AM

مهيرة
<aمهيرة
تاريخ التسجيل: 04-28-2002
مجموع المشاركات: 709

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: صحف إسرائيل : لدينا انشغال غير بسيط مع محور الشر من طهران عبر دمشق وسلة قمامة الارهابيين في السودان . وزير الخارجية السوداني لا يفهم ما حصل لشاشات الرادار ومن أنام مراقبي الطيران ويحاول الظهور بالبراءة.

    من الصعب التصديق بأن أحدا لن يصنع فيلما عن هذا: ينزل رجل من طائرة صغيرة وهو يحمل حقيبة سفر دون أن يشعر به أحد تقريبا، يخرج من المطار، يلاحظ على الفور السائق في سيارة اليونداي التي بانتظاره، ويحتل مكانه في السيارة.

    ليل، ظلام شبه دامس، لا توجد أي اشارة تدل على الدراما التي ستقع بعد دقيقتين ثلاث دقائق. اليونداي تنطلق الى الطريق السريع. 15 كم فقط حتى مدينة الميناء، 10 دقائق سفر في قافلة السيارات. فجأة، من مكان ما، تأتي طائرة صغيرة من دون طيار وتطلق النار.

    اليونداي تحترق. السائق والمسافر يتفحمان. أي من السيارات الاخرى لا تصاب بأذى. اصابة دقيقة. لا بصمات، لم تتبق هويات تشخيص للضحيتين ولكن من ينبغي له ان يعرف فهو يعرف. في مكان ما تُفتح قنينة احتفاء بتصفية مركزة ناجحة اخرى. الستار ينزل في الظلام، لا توجد حظوات للمنتج، للمخرج، لرجال الميدان الذين ساهموا في تقديم المعلومات، بل ولا توجد حتى جنازة لتشييع الضحيتين.

    كل الاحترام لصحيفة 'الجريدة' الكويتية. بالذات (ليس بالصدفة على الاطلاق) وسائل اعلامية هامشية وصغيرة اختيرت لكشف القصة عن التصفية في السودان. نحن نتعرّف من الجريدة (أي الصحيفة) كل التفاصيل العملياتية: من، برأيهم، كان هدف التصفية، كيف نجحوا في تجنيد عملاء ميدانيين رفعوا معلومات ميدانية، وكيف رُبطت المعلومات التي سلمها مسؤول حماس الذي جيء به من اوكرانيا، ضرار أبو سيسي، لدى التحقيق معه عندنا، بتصفية عبد اللطيف الاشقر في مكان بعيد في السودان.

    كلاهما من مخيم جباليا للاجئين في غزة. أبو سيسي كان 'المهندس'، الذي طور منظومات السلاح في غزة. الاشقر كان وكيل المشتريات، مقاول التهريب عبر الأنفاق الى غزة، الخليفة غير المتوج لمحمود المبحوح الذي صُفي في دبي.

    من دون المساهمة السخية للصحيفة الكويتية، ما كان يحتمل ان يُحل لغز القضية أبدا. ولكن لحظة، مثلما في الأفلام، المنتج يريد أن يوزع الحظوات لكل من قاموا بالمهمة، أمام وخلف الكواليس. وهو يعرف بأن كل فتات معلومات تأتي في هذا المجال سيلقى كشفا كاملا.

    فهاتان هما قاعدتان أساسيتان للعب: اذا فعلت ولم تُبلغ (حتى عبر التسريب عن بعد) وكأنك لم تفعل شيئا. نبشت في الانترنت ولقيت معلومات لذيذة مسموح لك أن تقتبس، أن تنشر، وأن تصنع عناوين رئيسية.

    من المضحك ان نسمع مساعي النفي التي تنبعث من غزة، وكأن ضحية التصفية لا يزال حياً يُرزق. فاذا كان 'وضعه جيداً'، مثلما يدعي عم ذاك الاشقر، فليأت الشاب، فيتصور ويطلق صوته. ويمس شغاف القلب ان نسمع محاولة الظهور بالبراءة من جانب وزير الخارجية السوداني. فمن جهة تجده مقتنعا مئة في المئة بأن اسرائيل نفذت التصفية، ومن جهة اخرى لا يزال يفحص من قُتل في القصف، بل ولا يفهم ايضا ما حصل لشاشات الرادار ومن أنام مراقبي الطيران.

    هذه القضية، التي تبدأ بعماد مغنية، وتستمر الى المبحوح وتنتهي (حاليا فقط) بالاشقر، لم تكتمل. لدينا انشغال غير بسيط مع محور الشر من طهران عبر دمشق وسلة قمامة الارهابيين في السودان. تفاصيل اخرى لا بد ستأتي، وهي ستظهر على نحو مفاجىء في وسيلة اعلام ما لم نفكر فيها. ثقوا بالمنتجين.


    كر من دى حكومة ، شفتى المحن يااسما اختى؟!! قالوا السودان سموه فى عهد الانقاذ الأغبر سلة قمامة الارهابيين

    تحياتى
                   |Articles |News |مقالات |بيانات

04-14-2011, 01:30 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: مهيرة)

    Quote: من الخواجة أبشنب للطيارة أم ضنب

    شكرا يا زول

    كوستا يا خطييييييييير
    اليومين ديل انت مصوري المفضل
    كاميرتك ولا اوبراا لووووووووووولز
    والله فقادنك في تصاوير ناس السودان حينما يهم عبد الرحيم ويجوعر في المايكرفون ويرغي ويلغلغل من لغاليقو
    عجبتني بالحيل تصاويرك لي الطردة اللت ناس الأمن
    وآآآآآآآآآ شريري كرشتوه كرشة التاباني واليابايني والصيني والتايواني
    لا عاينتو لي العمة ولا العباية الترباسية
    يقع فيكم انتو العدو الصهيوني
    بري يا يمة منكم بريــــــــــــة
                   |Articles |News |مقالات |بيانات

04-14-2011, 02:39 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: أموت وأعرف
    مصدرك شنو؟

    ولا حتقولي ما قد قيل في هذا الشأن سابقاً..

    بس الحقيقة
    سيناريوهاتك دي لو صحي
    وأقصد الطريقة التي بها يتم النقاش وفحواه
    ما هُن مِطولين
    بلِمو في بعضن فجخ ونخلص منهم
    بس المحتوى الفكري للعملية
    واقعي وحقيقي ولا جدال

    بصراحة
    دا سيناريو ينفع مسرحية راسا عديل
    ما فيهو كلام تب
    (الزعيم والطيارة أم ضنب)


    يا اخي والله كتلتيني بالقرقرة


    تسلمي إنتي ويسلم فكرك وقلمك


    بلة اخوي حبابك يابا
    تبرا ات آآ يابا , برا موتان ياخوي بوريك المصدر لوولز
    المصدر يا بلة يا خوي ما بدورلو كهارب ولا كشافات
    باااااااااين زي الشمس في نص السماء الصافي
    دحين سواة ناس الإنقاذ ده فيهو 2 بتغالتو؟
    عشان كده شوية تفكير وتخيلات للحالة التعيسة الملمة بهولاء البشر المن كوكب آخر
    تقدر تصور مشهد موجع حد الوجع لعمايلهم البتجيب الجلاء
    اما المسرحية دي ابطالها هم براهم
    دايرين محترفين عشان يمثلوا لينا النص ده
    والجاي اعظم يا الحنين
    البركة في الضحكة أم قرقرابة
    إن شاء الله تضحك فرحان ومسرور
    قول آمييييييييين يابا
    ودعتك الله
                   |Articles |News |مقالات |بيانات

04-14-2011, 08:58 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote: سوما العظيمة
    و الله بضحك فيو كلو
    و قيل بضحك في ي ي حالنا نحن ديل
    يعني الجماعة خلاس كدا غشونا؟
    العملية نامت؟
    و لا نامت اعين الجبناء

    احييييييي يا فشفاشي


    -------

    ياخ طريقتك في الكتابة عظمة على عظمة

    قيقا يا قيقا حبابك يا شيخ الطريقة
    قالوا لي اليومين ديل بقيت شيخ طريقة لووووووووولز
    متابعة بوستاتك
    والله صحي
    سلامة فشفاشك يابا
    الفشفاش والمصران يقعوا في الناس البي سببهم انضربت بورتسودان
    قول آمين


    Quote: والله صحي


    دي اكتر حاجة مكيفاني في حناني
    موبااااالغة .. شايفا موضة اليومين دي


    بالحيييييييل بتكيف والفضل يرجع لي عريسنا النفض الكيس
    العريس الذي غادرته الملايكة جهرا
    نسبة لي حرسانه لحوش بكري وبوستات بت الجنيد الكلها بتتكلم عن اباليس الإنقاذ
    اخونا العريس ود البشاري هو الجاب لنا مصطلح والله صحي
    بعدين لكن ما بالغت يا ابو القيق إن ما شفت البوست المعني
    بوست والله صحي
    ياخ ده كان بوست متعة
    ليه ربعين شغال
    والله صحي
    امشي كوس البوست ولا اسعل منو ود المدير ياهو الجايب خبرو زي ولا ود البشاري
    ودعتك الله يابا وما تطول الغيبة
                   |Articles |News |مقالات |بيانات

04-14-2011, 09:07 PM

نيازي مصطفى
<aنيازي مصطفى
تاريخ التسجيل: 08-22-2004
مجموع المشاركات: 4616

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    مصدق انه المصيبة الجاتنا دي من الدلاهة عبد الرحيم ده ؟؟



    سلامات يا سوما ..
                   |Articles |News |مقالات |بيانات

04-14-2011, 09:40 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: نيازي مصطفى)

    Quote: ربما سبقني إلى ذلك أحدهم

    لكن ما تفعلينه هو ما يسمى

    بـ

    (البكاء الساخر)

    وشر البلية ما يضحك

    وصباح الخير والنور وأي حاجة كويسة بتشبهك

    أخوك
    ود الفاضل

    حباب ود ابوي الفاضل
    حبابك يا العزيز عقابك
    الله يصبحك ويمسيك بي كل جميل
    وكتر خيرك على جبر الخاطر يابا
    الوجع كتر قلنا نلفو في قالب يحكي وجعنا ويخفف قليل من همومنا المكومة في نص كل بيت سوداني

    ود الفاضل ابوي طلتك حنينة بالحيل
    ودعتك الله
                   |Articles |News |مقالات |بيانات

04-14-2011, 10:12 PM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2628

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    وطن ما عندو وجيع سا سوما ....اليهود أحفاد الخنازيز للمرة الثانية يجوا ويضربوا العاوزينو وما في زول يهبب ليهم ... والله صحي ...


    لك كل التحايا والله يلطف بي وطن يحرسه مثل هؤلاء ...

    لنا الله يا سوما ....

    مع خالص حبي وتقديري ؛؛؛
                   |Articles |News |مقالات |بيانات

05-01-2011, 10:07 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: إدريس محمد إبراهيم)

    Quote:
    فصل البيان .. في الجامع بين صغيرتي الشاهقة، واس ام سي، وطائرة بورتسودان
    مقداد خالد

    مدخل:
    وديارنا مفتوحة أبداً .. فكل الدار باب
    (عاصم حنفي)

    (1)
    صغيرتي الشاهقة:
    لغاية يوم أمس
    كنت أظنني ووطني
    (وحدنا)
    ممن تعوزهم مضادات أسلحة الجو
    وبالتالي معرضين لهجمات البر والبحر
    بكل وقت .. وكل حين.

    (2)
    صغيرتي الشاهقة:
    بعيونك ذات الطبيعة التدميرية الفاتكة
    التي لم تستطع عصبة الأمم –وإلى اليوم- أصدار قرار واحد بشأنها
    والتعاطي مع حقيقة أنها سلاح دمار شامل
    حيناً بالتشاغل بأمر ليبيا
    وتوجيه أسلحة حلف الناتو للعقيد القذافي
    وحيناً بالعمل على الحد من تسلح كوريا وايران
    وأحايين كثيرة عبر الوقوع في شباكها التي تسوى (ونص وخمسة)
    حق النقض (الفيتو)
    أو ليست هي من تنقض غزلي كلما حاولت نسجه
    عبر قصفي بصواريخها المحملة بالاسلحة المحرمة
    منذ أول وهلة جمعتني بها
    وإلى ساعته
    بكل عنف .. ورحمة
    بينما العالم ساااااااكت .. ويتفرج
    ولعله هنا مربط الفرس
    فمن يراك
    أما أن يتوارى هرباً .. أو يحتمل تبعات الوقوف
    ضد (أمبراطورية عينيك) العظمى

    (3)
    صغيرتي الشاهقة:
    بالأمس خذلنّي الوطن
    ولا تقولي لي ما الجديد في ذلك
    فالجديد أنني أكتشفت –بغتة- أن له مضادات أرضية
    مجهزة في قبالة الغارات الجوية
    مضادات عمدت إلى حصار الطائرة التي قصفت شارع المطار ببورتسودان
    وضيقت عليها الفضاء بما رحب
    وأضطرتها للحيز الضيق من شارع (الله أكبر)
    فلاذت بالفرار بعد أن قنعت بأن زمان (الشفاء) ولى
    وأن دخول مجالنا الجوي يعني (سقم) الموت
    وذلك بحسب البشريات التي ساقها لنا (المركز السوداني للخدمات الصحفية)
    المعروف أختصاراً بـ (اس ام سي)
    بأخباره الغير قابلة للنفي

    (4)
    إذاً
    بت وحدي -دونما رفيق- أخوض معركتي الخاسرة ضدك
    بشعار يتيم
    شعار المهزوم الخائب الذي يعمل على تهوين خسارته (الرابحة) ما أمكن
    بأن (ثبات المحارب حتى الهزيمة .. بعض أنتصار)

    (5)
    صغيرتي الشاهقة:
    وبكامل قواي العقلية
    أرفع رايات الحب .. عليك
    وأعلنها
    بأني ساظل كوالدي الشريف حسين الهندي الذي خذله الجميع
    وأختار القتال بـ (صدق) مثل السيف وحده
    حتى لقي حتفه
    فما أجمل أن أحيّا .. لأموت بلحاظك
    وأبعث .. لأموت من جديد

    (6)
    صغيرتي الشاهقة:
    أعلم بأني لا محالة خاسر
    ولكني سعيد .. بنضالي
    سعيد .. بفتكك
    فلا تتوقفي عن تدميري
    وما تخلي فيّا شي
    وموعدنا (الحوض) .. أو كوثر عينيك


    التاريخ:
    اليوم المائز بنضالاته
    السادس من أبريل
    الموافق ليوم الأربعاء بالعام 2011م

    التوقيع:
    عاشق هزائمك


    تسلم يا الحنين على الإضافة القيمة دي

    اهديك الدهشة
    وكل السماحة الجاتنا من تالاك
                   |Articles |News |مقالات |بيانات

05-24-2011, 10:19 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    Quote:
    وطن ما عندو وجيع سا سوما ....اليهود أحفاد الخنازيز للمرة الثانية يجوا ويضربوا العاوزينو وما في زول يهبب ليهم ... والله صحي ...


    لك كل التحايا والله يلطف بي وطن يحرسه مثل هؤلاء ...

    لنا الله يا سوما ....

    مع خالص حبي وتقديري ؛؛؛

    شاعرنا الوريف اخوي إدريس حبابك وعذرا على التأخير في الرد والله ما مقصودة يابا
    صدقت والله فعلا بلد ما عندها وجيع
    شعب ممكون وصابر
    ليهم الله
    يفرجها عليهم من فوق
    يمهل ولا يهمل /B]
                   |Articles |News |مقالات |بيانات

05-26-2011, 06:54 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: اسماء الجنيد)

    العزيزة سوما

    سلامات

    البلد اتقددت
    وجروحنا اتفتحت
    ودمانا فاضت

    نتمناها آخر طيارة..
    والمنى بيكتمل باسبابه..

    نقول..

    أرحـــــــــــــــــــــــــــــــــــل..

    مودتي
                   |Articles |News |مقالات |بيانات

05-26-2011, 07:30 AM

saif massad ali
<asaif massad ali
تاريخ التسجيل: 08-10-2004
مجموع المشاركات: 19126

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: *** الطيارة أم ضنب *** (Re: Abdlaziz Eisa)

    اسماء الجنيد

    شاعرة العصر

    صدقيني الاعلام ظلمك ظلم الحسن وحسين

    الايام هذه انا لاافارق قصائدك لحظة

    ياللروعة يا لعذوبة الاسلوب واختيار الكلمة الله يوصلك مقام حسان وسحبان

    انا ياني تاني المتلح بوستاتك
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de