دعواتكم لزميلنا المفكر د.الباقر العفيف بالشفاء العاجل
|
|
 *** الزمن الفلانى ***
|
التحايا لجميع زوارنا .. حتى لو عابر طريق مرحب وحبابو الف ..
الزمن الفلانى
****
قبضة الزمن الفلانى..
وكم تاشرات منو تانى
سافرت خترت بعيد..
بالاحاجى و بالاغانى
دمدمت غيم البلد . .
كومت فرحتنا
فى آخر ثوانى
لملمت بسمات
تأمل بى شروقا الاولا نى ..
هاجرت .. واتهجرت
مدفوره بى شوق الامانى
لى ضل نهاراتا شتر
ممزوجه لونا .. برتكانى..
فرفرت خايفه فى قلب
المطارات والموانى
معصورة بى خاطر الامل
لى رجعة فى عتمة زمانى
تضارا منو . .
وتانى ترجع ليه تانى
مسكونه بى فتر المسافات
والدريب الكان بعانى
ركنت مشاعرا المحبوسه . .
بالوجع المكانى
وانتكت تنفض
غبارا الكان مكندك بالمعانى .
سكتت تعدد فى سنين . .
مشلوله بالصمت المحجر زى اوانى
مضروسه بى هم السكات
نضما كتر كيفن ضنانى
والآهه فى نص الهجير
والخوف ضرير المنو دانى
ختم الحروف االناخره فى
عضم الشديرات بالتهانى
يا زمانى الكان فلانى
ضرضر عريسا ..
كان مجرتق..
بالتراب الاسمرانى ..
اسماء الجنيد
سوماااااااااا
مسقط 11/9 2004
|
|
 
|
|
|
|
|
|
|
|
Re: *** الزمن الفلانى *** (Re: soma)
|
استاذتنا العزيزة سومه
دوما رائعة عزيزتى ودوما تبحرين فى داخل الدواخل
وهانت فى الغربة تحدثينا عن مكمن تمكن منا وجعلنا فى حالة حنين دائم الى الاصل ..
تسلمى ويسلم يراعك الندى
| |
|
|
|
|
|
|
|
|
|
Re: *** الزمن الفلانى *** (Re: قرشـــو)
|
فراشتنا الجميلة ( سوما) :
هكذا انت .. كل يوم تفجرين بأعماقنا شعورا بأن الابداع نهرا
لا ينضب .. وبأن أحرف التألق النقية لا تزال تتمدد فينااشراقا ونورا وفنا.
وقافيتك المترعة بالصدق وروعة التصوير ذكرتني بتلكم الفتاة
الغزالة السمراء التي استوقفتني يوماـ في الثمانينات ـ لتسأل
عن عنواني علها تتيح لي فرصة الاطلاع ـ عبر البريدـ على بعض ماتكتبه من شعر وخواطر .. فكانت قصيدة عنواني .. وقدنشرت أيامها بمجلتي
(الأذاعة والتلفزيون( و ( الشباب والرياضة) :
بتسألي أنتي ياحلوة
دايرة تعرفي عنواني
يتيم لا دار ولا ماوى
وحاتك انتي بس ياني
صحاري الدنيا لي مسكن
ومافي سحابة ضالاني
غريب ياروحي في منفى
تاه مرساي وما جاني
ومن فتحت في دنياي
لقيت عنواني ماهو معاي
وعشت زماني وحداني
وبقيت يا سمحة بس ياني
سحابة مسافرة في الوديان
وجافة وقاحلة ودياني
بقيت ياني ......
نغيمة تبدد الأحزان
وشايل جوا احزاني
أرسي الفرحة في الالحان
وباكية حزينة ألحاني
أقول باكر بلاقي حنان
وبكرة الفرحة تغشاني
تفوتني هموم وتنساني
ظروفي الكان مبكاني
وياما الدنيا تطراني
وأشوف عينيكي جاياني
أعانق فيها أفراحي
ومباهج ريدة كاسياني
أشوف جواها عنواني
وأمل في الدنيا لاقاني
أتوه في مواسم الفرحة
وأراقص فيها ألحاني..
وأصلي .......
زمان ياحلوة لو شفتك
وبقيت عينيكي عارفاني
فرح الدنيا كان جاني
وزماني القاسي صافاني
أنا الضايع .......
أناالضايع وحيد شقيان
ورايح مني عنواني
عميري وهبتو لي غيري
بشاير خير وزاد حبان
وتهت سنين ......
سنين ... وسنين
وما لاقيت حروف
تبقالي يوم عنوان
وكل العارفو ليكي بقول
ياصندل فرح رويان
فراشة مسافرة طول العام
وين تلقيلا بس عنوان ؟؟ ..
وحاتك يا ندى الايام
بفتش فيكي ليا زمان
وداير قربك عشان
تتفتح دروبي أمان
وراجيك يا فريع البان
راجيك تبقي لي عنوان
تبقي أفراح في زماني
وغنوة حليوة ف لساني
أفخر بيك
أغني عليك
وأقول عينيكي عنواني
وكل الدنيا ترقص لي
تجيب أفراحا تبراني
وتجيب أفراحا تبراني ..
************************
لك الود كله يامن تعودت ان توقظين ما كساه غبار الأيام فينا.
خضر عطا المنان
| |
|
|
|
|
|
|
|
|
 Re: *** الزمن الفلانى *** (Re: soma)
|
قبضة الزمن الفلاني
هزت الفرح المعتّق فينا علمنا المعاني
هيجت ريح المحنة ودغدغت فرح المواني
حتت الفرح النشوفو اتمدا من ريق التهاني
وشوقي ليك يا بلدي اكتر و خوفي للناس التعاني
للبيوتات التصفق فرقة تتدفى الاغاني
للهشاب وقتين تمرّد و حته من صفقو التفاني
لي جروف بلدي و ترابة ولي نخيلاتا الحواني
خوفي لي شفع تتاتي و لسه ما عرفو الاماني
و انو طعم الغربه حنضل وغربه الوطن امتحاني
للاحاسيس اللماتت قبل ما يحين الاوان
لي عشم بكره
البنحلم بيهو فكرة وذكرى تفرح لي زماني
لي وطن نبنيهو الفه وعفه بي طهر ارجواني
ليكي يا سومة الحنينة وزيدي من شوقك ثواني
سوومه الله يديك العافية يا حنونة انا من زمان قلتا ليك الكلام البجيب الكاروشة دا ما كويس لووووووووووووول تسلمي ستي و لا فضّ فوك دمتي و دام قلمك الندي و حسك الرائع لكي الشكر عزيزتي
شـــــوفي
| |
|
|
|
|
|
|
|
|
|
Re: *** الزمن الفلانى *** (Re: soma)
|
سوما ازيك
حين ريتك فى زواج اخونا سيف الجامعة
من بعيد كنت اسفا على انى لم استطيع
الوصول اليكم انتى وزوجك
وصيتكم ليكم سلمة السنى توصل ليكم السلام
| |
|
|
|
|
|
|
|
|
|
Re: *** الزمن الفلانى *** (Re: almohndis)
|
سلااااااااااااام اهلى الطيبين
****
انور ود امى بتول الغناااااااااااااى .. حباااااااااب التاى ..
نغيمك انت يا عشاى .. كلو حنين . احن من مليون ناى
بهديك ونسة باكريه يا انور فى الحلاوين
وشكرا للمطايبه يا جنا من وسط اللمه..
***
حبيب بلدو
حبابك يا حبيب البلد كلو .. تسلم يا الحنين .. وابقى داخل وشرفنا .. الرجعه من الاهل بتزيد الحنين والشوق يا الحبيب
يديك العافيه وشكرا على الطله يا نغم بلدى الوفى ..
***
قرشوو العمده المعتق بالمحنه .. تسلم انت والله يا ود البلد .. ويسلم قلمك الما بكتب الا الحنين .. والطيبه ..
شكرا ليك كتير يا ضلنا .. وحبابك من تانى ..
تسلم يا العمده الاصيل ...
****
اخوى خضر .. كيفنك يا الحنين
فراشتنا الجميلة ( سوما) :
هكذا انت .. كل يوم تفجرين بأعماقنا شعورا بأن الابداع نهرا
لا ينضب .. وبأن أحرف التألق النقية لا تزال تتمدد فينااشراقا ونورا وفنا.
فعلا اخى ان الابداع نهرا لا ينضب ..
منبعه ومصبه انتم يا تراث بلدى الغالى ..
والابداع مرسوم فى حروفك ومحكر فى جوفك .
بى بساطه متناهيه وعفويه حد الطيبه ..
وده تواضع منك يا مبدع يا اصيل .. وما غريب عليك يا ضهر الشيل ..
انتم من انار لنا الدرب بى حروف مرويه من نفس الاهل وصفاتهم الانطوت فى زمنا هذا .. نامل ان نبسط هذه المعالم النيره .. والاصاله القيمه .. من جديد ولا نترك للزمن الاغبر ان يخفيها عنا ..
التحيه ليك اخوى خدر قدر غناك السمح
وعجبنى جدا ردك المعبر للفتاة السمراء من بلدى الاسمر
اخوى خضر .. لك الشكر مثنى وثلاث ورباع والى ما لا نهاية .. وتسلم
***
جمــــــــــــــــــــــال يا سنوسى
انت يا رمز المحنه .
يا فرح فرهد فى جنه
يا نغم دندن غمرنا
عود من تانى يا جمال
و بالله ما تحرمنا..
الكلام عندك بقيف يا جمال .. والله بعجبنى انفعالك فى الردود يا مرهف .
يا ريت لو اقدر استفز ابداعك كل دقيقه .. عشان يتدفق ويغمرنا ويغرقنا كلنا يا بحر دافق حنين والق ..
اهيدك كل الحروف الملحنه يا جمال .. وحباب طلتك من تانى ...
***
اخوى عبد الله ود حاج وداعه
كيفك شوقى الحنين .. والله الشوق لى كلامك الحنون زيك زايد كل يوم .. وحنينه القصيده الجابتك لينا جارى بى روعتك المعهوده..
يا شوقى يا خوى .. اخوانا هنا ما شاء الله عليهم كلهم مبدعين وذواقين للابداع
رجاء ما تحرمهم وتحرمنا كلنا من حروفك المنثوره فى النافذة وغرف البال ..
شكرا على الطله يا شوقى الرائع وحبابك الف
وان شاء الله الكاروشه تمسكك بى ام هلا .. هلا وتطلع منك المخفى الجميل
شوقى شكرا لمة اهل فى ضل ضحى .. عارفاك مشتاق ليها
ودعواتى ربنا يحقق مناك
آمين يا رب ..
****
المهندس حبابك اخوى
والله سلامك وصلنى من الاخت سلمى .. كتر خيرك كتير .. وانا برضو حزنت جدا انى ما لاقيت انسان واخو رائع زيك .. لكن الجايات اكتر .. باذن الله نلتقى قريب يا حنين
وشكرا ليك مره تانيه .. والتحايا من خلالك لكل الاهل .. والف مبروك للاخونا العريس من تانى ربنا يسعده ان شاء الله ..
المهندس شكرا جدول محنة ..
وللعريس قدح حنة .. مع زغروته
| |
|
|
|
|
|
|
| |
Habib_bldo
قرشـــو
خضر عطا المنان
جمال السنوسي
almohndis
لؤى
فيس بوك
تويتر
انستقرام
يوتيوب
بنتيريست